Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
Continúan os actos en conmemoración do 10º aniversario das emisións da Rádio FilispiM, 93.9 FM, coa maratón radiofónica "A Filispina Tolea!!!"
O sábado 13 de xuño, dende as 11 da mañá até as 9 da noite, emitiranse 10 horas ao vivo para celebrar os 10 anos de emisións da radio libre e comunitaria de Trasancos que emite dende Ferrol.
Nesta festa da radio libre haberá músicas en directo, humor, lembranzas, mestura de programas actuais e regreso de voces que foron parte destes 10 anos de radio libre e comunitaria. Serán 10 horas continuadas coas voces do presente, do pasado e do futuro… as voces da túa comunidade!
O Colectivo Opaíí! invita a sintonizar o 93.9 da FM, ou vía streaming no blogue [http://opaii.blogspot.com/] este blog, e a participar a traves do teléfono directo 981.371040. Porque a xente conta!
Lembra: este sábado 13 de xuño entre as 11 da mañá e as 9 da noite… “A Filispina Tolea!!!”. 10 horas de radio ao vivo, 10 anos de vida.
A.C. Fuco Buxán informa da celebración da Charla - Debate: O Acoso Esolar "Unha problemática que custa vidas" que terá lugar o xoves día 11 de xuño ás 19:30 horas no Ateneo Ferrolán. Participan: Estrela Gómez Viñas - Coordinadora de AGAMME, Javier Sánchez - Presidente de FEANPA e José Díaz Dopico - Psicólogo.
Entrevista: Xosé Manuel Beiras | "Non hai ningunha forza política que poida ser o galo do galiñeiro". | O portavoz de Anova considera un erro que Podemos queira ser o paraugas único que ampare unha candidatura de unidade popular de face ás eleccións xerais. | "Si Manuel Fraga levantase a cabeza, collería un pau e partiríalle o cráneo a Núñez Feijóo".
Con 79 anos, Xosé Manuel Beiras está disposto a seguir traballando polo cambio político que o 24M consignou en todo o país e particularmente en Galiza, onde as Mareas colleitaron un éxito electoral sen precedentes. O portavoz de Anova advirte dos riscos que comporta non entender este momento político e advirte que os partidos deben traballar como motor auxiliar e non como protagonistas.
Beiras ten pendente unha conversación con Pablo Iglesias para invitarlle a dialogar sobre acordos e alianzas máis aló das siglas de Podemos e coa mirada posta nas eleccións xerais.
O veterano político galego recibe a eldiario.es no seu despacho do Parlamento de Galicia.
Esperaba o resultado electoral do 24M?
Non. Eu nunca son moi optimista antes dos resultados. Tampouco lle fago moito caso ás enquisas. Aínda que se palpaba e dicíanmo, non, eu non o esperaba porque a maquinaria do poder é moi potente.
O fenómeno das Mareas en Galiza está sendo moi observado en todo o país. Como debe lerse o que ocorreu nas urnas?
A implosión do 15M foi unha exemplificación da famosa frase de Marx sobre que a revolución é como o vello topo, que aflora de cando en vez pero sempre está aí. A incapacidade das cúpulas da maior parte dos partidos de esquerda para darse conta de que o motor dun cambio posíbel estaba na sociedade civil e na cidadanía máis activa se exemplificou no proceso cara ás europeas.
Iso foi unha das causas que deu lugar a que todo o que viña de atrás fose o que alimentou o magma que aflorou electoralmente en Podemos. Si fose doutro xeito, Podemos existiría, tería a súa importancia, pero non sería o que foi.
Xa desde o verán pasado percíbese que, de face ás municipais, hai sectores da cidadanía que están decididos tamén a dar o salto para ser protagonistas na palestra política. Nós (Anova) apostamos desde o principio para apoiar ás Mareas e invitamos ás demais forzas políticas a integrarse no proceso das Mareas, pero non usurpándolle o protagonismo á cidadanía activa, senón contribuíndo.
Alí onde a urxencia desa cidadanía era máis potente e onde houbo máis forzas integradas respectando eses criterios é onde as Mareas tiveron máis éxito. A min paréceme que iso corrobora que o motor está na cidadanía activa e hai que apoiar que eses motores continúen actuando.
Si Manuel Fraga levantase a cabeza?
Collería un pau e partiríalle a cabeza a Núñez (Feijóo). Iso para empezar.
En Madrid moitos miran a Feijóo como posible secretario xeral do PP ou como substitución de Rajoy.
Aínda sen estes datos, que nas cúpulas do PP se pensase en Núñez para a substitución de Mariano Rajoy é todo un indicio do estado de decrepitude do réxime político e do Partido Popular. Si pensan en Núñez Feijóo é que descoñecen por completo quen é e que falta de nivel ten e sería perfecto porque demostraría que a Marca España está onde está. Cal cre que debe ser o papel do PSOE despois do 24M?
A clave está en que recuperen e asuman un proxecto socialdemócrata no sentido clásico. Segundo: Que asuman dunha puñetera vez que non poden continuar sendo un dos dous partidos dinásticos. Non poden seguir xogando o papel de ser unha das dúas columnas que soportan o edificio da segunda restauración borbónica. E terceiro: que recuperen a tradición da corrente federalista do PSOE histórico.
Pablo Iglesias parece considerar como propio o éxito de Manuela Carmena ou o de Ada Colau.
Non creo. Tiven unha conversación por teléfono con Pablo Iglesias cando a Marea Atlántica da Coruña deseñou un gran mitin onde se invitaba a falar a Pablo Iglesias e a min. Eu tiña decidido non participar presencialmente en actos das mareas da cidades e expliqueillo. Díxenlle que eu creo que está claro, desde as andaluzas, que de face a unha creba democrática ningunha das forzas políticas rupturistas por si mesma pode lograr iso e que é necesario falar, dialogar moito e establecer unha estratexia de acordos e alianzas.
E que lle respondeu?
Que estaba completamente de acordo e que despois do 24M teriamos que falar.
Nese contexto, cre que Podemos debe evolucionar a fórmulas máis aló das súas propias siglas en clave de eleccións xerais?
Eu sempre procuro non dicirlle a outras forzas políticas o que deben facer. Cando se me pregunta, digo como vexo as cousas. Creo que non hai ningunha forza política que poida ser o galo do galiñeiro e que ademais non somos as forzas políticas as que debamos liderar o proceso ostensiblemente. O que temos que facer é o que algúns fixemos coas Mareas ou o que fixeron militantes doutras formacións políticas nas Mareas.
A miña posición baséase en dous postulados. O primeiro: as forzas políticas rupturistas temos que abrir un proceso de diálogo moi serio. Temos que facelo poñéndonos a disposición da cidadanía que foi a protagonista da derrota do PP, polo menos en Galiza. Nos tres concellos importantes de cidades onde o PP tiña maioría absoluta e perdeuna (Santiago, A Coruña e Ferrol), o protagonista desa derrota non fomos os partidos políticos, foi a xente coa colaboración dos partidos políticos que nos integramos aí. Eses son os alicerces e nós contribuiremos para deseñar unha estratexia que permita o que podería ser a nivel de Galiza unha gran Marea.
Vai invitar a Pablo Iglesias a esa reflexión?
Quedou en falar comigo. Non hai que precipitarse. Si Pablo non se pon en contacto comigo como dixo, chamareille. Xa tiven conversacións con Gerardo Pisarello ou con Quim Arrufat e están moi interesados en que nos vexamos. Xa empezan a celebrarse eses contactos e confío en que Pablo estea disposto a participar nesas conversacións. En todo caso, el o que me dixo é que estaba de acordo.
Con todo, o que está emitindo Podemos é que está disposto a aceptar a todo o mundo pero baixo o paraguas de Podemos, que é Podemos quen unifica. É un erro?
Desde o meu punto de vista, si. Pero teño a miña hipótese de por que se fai.
Cal é?
Despois de que Podemos apareza como alternativa electoral cun gran éxito pero cunha masa de votantes moi heteroxénea, que pasa? Por unha banda comezan cun discurso de non esquerda/dereita, senón os de arriba e os de abaixo. Mediáticamente paréceme moi lóxico, pero unha cousa é que sexa mediáticamente lóxico e outra é que esquezan que esa maioría social dos de abaixo non é un saco de area, senón que é unha diversidade que hai que articular. Para iso hai que ter un criterio dunha alianza de clases da esquerda social.
Como tiveron moito éxito, lanzan a cousa de que "Podemos, Podemos Podemos"; polo tanto, o discurso dunha formación que se considera hexemónica. A min paréceme que a pregunta que hai que facer é que si tanto cos comicios andaluces como os do 24 de Maio corrobórase ou non que Podemos é hexemónico, e eu creo que non.
Pero dá a impresión de que Podemos variou o seu discurso despois do 24M e volve reivindicarse como unha forza de esquerda, como parte dun cambio de esquerda.
Iso demostra que non son de piñón fixo e que non son sectarios. E que, polo tanto, están tomando nota do que está ocorrendo na dinámica social e socio-política. Si iso aplícano, o lóxico é que a reflexión conduza a un discurso inclusivo. E non inclusivo a base de meternos en Podemos, senón a base de articulemos o que é diverso.
Podería ata discutirse a eventual candidatura de Pablo Iglesias ás xerais?
Podería ocorrer pero non é un tema que me preocupe nin me interese porque non me interesan os liderados. Que lle parece cando se di desde Podemos que non pretenden ser a UCI de ninguén? (en referencia a IU).
A min paréceme desenfocar o espazo e a temática do debate que hai que dar.
En que sentido?
No sentido de que estamos no mesmo de sempre. Hai que entender que iso se acabou. As mareas non só dinamitaron ao PP, que aínda non está morto en absoluto. As mareas fixeron totalmente obsoletas estes xeitos de enfocar, por parte das direccións dos partidos, a cuestión das dinámicas políticas dos acordos e de toda esta historia.
Na última entrevista que lle fixemos en eldiario.es vostede dixo que non se volvería a presentar.
A miña posición é que o meu ciclo político está acabado e estou nun epílogo.
Pero estamos nun momento excepcional.
Eu o que non exclúo é que si resulta que se considera que eu podo facer unha achega persoal análoga, por poñer un exemplo, ao que fixo Martiño Noriega en Santiago, pero tendo en conta que eu teño a idade que teño, entón eu non me nego a reconsiderar iso. Non me nego a iso, pero só nunha situación desas características eu reconsideraría a miña postura.
O líder de Podemos en Galiza, Breogán Riobóo, xa dixo que non a unha gran Marea anticipando que Podemos se presentará ás autonómicas de 2016.
Os dirixentes políticos non debemos dar por sentado aquilo sobre o que non temos a seguridade de que vaia a ser así. Eu vexo altamente improbable que á volta do verán Podemos manteña esa posición.
Será Galicia o único territorio onde os de Pablo Iglesias non poidan configurar unha lista coas súas siglas?
Seica a dirección de Podemos considera que o resultado e o éxito das Mareas en Compostela, A Coruña e Ferrol correspóndelles a eles, é patrimonio seu? Si non o é, que desde logo que non o é, que potencial ten en Galiza Podemos para facer iso que di?
Era a mañá do luns 8 de xuño de 2015, tirado por catro remolcadores e dous prácticos abordo, entraba o “LNG Madrid Spirit”, polo angosto, sinuoso, de pouco calado e fondo rochoso canle da Ría -de máis de 4,5 Km de longo e 150 m de ancho navegábel entre bollas. O gaseiro fixo o número 195 buque cargado con GNL/LNG que atracou en Reganosa, para descargar as ducias de miles de metros cúbicos de gas natural licuado, aumentando exponencialmente o perigo que xa de por si representa a planta de gas de Reganosa, construída, contra toda racionalidade, no mesmo corazón da nosa Ría, en Punta Promontorio, no Concello de Mugardos. Semellante despropósito, só foi posíbel pola corrupción política e económica que empapou todo o proceso, con tres sentenzas do Tribunal Superior de Xustiza de Galicia -TSXG- e unha do Tribunal Supremo, a favor da veciñanza e do movimento social e contrarias ao despropósito gasístico promovido polo Grupo Tojeiro, un dos maiores beneficiados de todo isto.
Mais de novo, o Comité Cidadán de Emerxencia para a Ría de Ferrol realizaba unha acción de protesta e denuncia ante a entrada dun buque gaseiro cargado con miles de toneladas de LNG/GNL para a ilegal e perigosa planta regasificadora.
Avance Programación Cultural no Ateneo Semana do 8 ao 13 de xuño de 2015
Martes día 9 de Xuño -
Exposición de Pinturas de Esther Sanchez Espiñeira. BIBLIOTECA – HEMEROTECA de 17 a 21 h.
ás 19 h. na 3ª planta (sala 1): Escola Teatro do Ateneo
ás 19,30 h. MARTES DE CINE. CICLO DE CINE: “Aleg(o)ria de vivir”.
"Capitanes intrépidos" (Captains Courageous; Victor Fleming, 1937) Sinopse: Harvey Cheyne é un caprichoso e malcriado neno rico que está a facer un cruceiro co seu pai. Inesperadamente, cae pola borda do iate e é rescatado por un barco de pesca ao mando dun intrépido capitán. O pesqueiro ten que rematar a longa campaña de pesca antes de levar o rapaz a terra firme. Harvey, ao principio de mala gana, conseguirá adaptarse á dura vida en alta mar grazas á súa íntima relación con Manuel, un bondadoso mariñeiro portugués que exercerá sobre o neno unha benéfica influencia.
Mércores día 10 de Xuño -
Exposición de Pinturas de Esther Sanchez Espiñeira. BIBLIOTECA – HEMEROTECA de 17 a 21 h.
ás 19,30 h. - Palestra – Debate: “A revolución de ROJAVA e a loita do pobo kurdo”. Acto organizado por Union Libertaria.
Xoves día 11 de Xuño -
Exposición de Pinturas de Esther Sanchez Espiñeira. BIBLIOTECA – HEMEROTECA de 17 a 21 h.
ás 19 h. na 3ª planta (sala 1) Escola Teatro do Ateneo.
ás 18 h. Concerto de Piano alumn@s de A Escola da Vaca.
ás 20 h. Charla – Coloquio. Organiza Fuco Buxán.
Venres día 12 de Xuño -
Exposición de Pinturas de Esther Sanchez Espiñeira. BIBLIOTECA – HEMEROTECA de 17 a 21 h.
ás 20 h. Concerto “Tangos” co músico Gabriel Guerramayor.
Sábado día 13 de Xuño -
Exposición de Pinturas de Esther Sanchez Espiñeira.
BIBLIOTECA – HEMEROTECA de 10,30 a 13,30 h.
-- Un lugar de encontro para a cultura. Ateneo Ferrolán, fundado en 1879. www.ateneoferrolan.org
Faite soci@! Colabora con nos! Para axudas e aportacións económicas: CC en Cajamar-Cajarural Cooperativa. Titular Ateneo Ferrolán. ES72-3058-6402-9527-2000-5350
Enviado por: Ateneo Ferrolán Fundado en 1879 -secretaria@ateneoferrolan.org- 8 de junho de 2015 12:03
______________
As persoas e a recuperación urbanística e de poboación, centran o programa de mínimos de FeC e PSOE
FERROL360 | Sábado 6 xuño 2015 | 14:25
Un Ferrol centrado nas persoas, na recuperación de poboación, na creación de emprego, nos dereitos sociais, na recuperación urbanística e na defensa da transparencia e a participación cidadá. Estes son os eixes sobre os que vira o acordo de mínimos ao que chegaron Ferrol en Común e o PSOE para construír unha cidade nova.
Nun comunicado conxunto, as formacións avanzan que o programa darase a coñecer a próxima semana, momento no que se "traballará en determinar as responsabilidades e ou funcionamento dun posible goberno de coalición". En todo caso, consideran un "aspecto secundario" ese reparto de concellerías porque os intereses da cidade "están por enriba dous intereses partidistas".
En canto á marcha do BNG da comisión negociadora, FeC e PSOE reiteran que o Bloque é "un elemento esencial non futuro goberno", ben formando parte do mesmo ou mantendo unha oposición leal e constructiva. Engaden que calquera que sexa a decisión que adopten é respectable.
Para Jorge Suárez, candidato de FeC, é o momento de construír entre todos unha cidade que volva ao optimismo e recupere a súa dignidade. Ábrese así, un novo tempo en Ferrol, no que se dará cabida a todas as sensibilidades que hai na urbe.
Mentres, Beatriz Sestayo, candidata do PSOE, destaca o posicionamento claro de responsabilidade con Ferrol e os seus cidadáns para afrontar os problemas serios deste municipio. O obxectivo é claro, recuperar poboación, emprego, ilusión e futuro.
A Marea Ártabra reunida en Asemblea Aberta no Ateneo Ferrolán, chegou ás seguintes conclusións que quere facer públicas:
Tomar a decisión de continuar a actividade socio-Política.
Que a apertura nesta cidade dun novo tempo político, viviuna como un éxito compartido, e polo tanto ve cumprido un dos seus obxectivos, aínda que os resultados non lle permitiran acadar representación no concello.
Vai elaborar un calendario para tomar as decisións que lle permitan, neste novo escenario político, ser unha ferramenta útil para colaborar na transformación da cidade.
A Marea Ártabra celebrará unha nova Coordinadora Aberta desta nova etapa para o mércores 10 de xuño ás 19:00 horas no Ateneo Ferrolán.
CONCENTRACIÓN SONORA EN FERROL, LUNS 8 DE XUÑO, ÁS 8 DA TARDE (NOVO HORARIO) DIANTE DO EDIFICIO ADMINISTRATIVO DA XUNTA NA PRAZA AMADA GARCIA
O "LNG Madrid Spirit", de bandeira española, vai descargar miles de toneladas de gas natural licuado para Reganosa. Un buque gaseiro, de 284.80 metros de eslora, 42.50 de manga, 25,04 de puntal e un calado de 12,20m, que pode cargar sobre uns 138.119 de m³ de gas natural licuado (LNG / GLN). O "LNG Madrid Spirit" entrou pola bocana da Ría e cruzou o
angosto, estreito, de pouco calado e de fondo rochoso canle de máis de
4.000 metros (con miles de toneladas de GNL abordo), até chegar ao pantalán de descarga do peirao de punta
Promontorio, situado no termo municipal de Mugardos, onde Reganosa coa complicidade de políticos sen escrúpulos construíu unha planta de gas que nos ameaza todo-los días, aumentando
exponencialmente esta ameaza sempre que entra na Ría un buque destas
características cargado para a perigosa e ilegal planta regasificadora
de Mugardos (Punta Promontorio). Este buque fixo o gaseiro número 195 que descarga en Reganosa, desde que o fixera o "Galicia Spirit" en Maio de 2007.
Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol convoca unha acción de protesta e denuncia, consistente nunha Concentración Sonora, este Luns ás 8 da Tarde (Novo Horario), en Ferrol, na Praza Amada Garcia, diante do Edificio Administrativo da Xunta de Galicia.
Pasaron xa tres anos desde que o 11 de Maio de 2012 se ditou a Sentenza polo Tribunal Supremo, onde a planta xa foi declarada ilegal, en sentenza inapelábel. O 15 de Setembro de 2014, foi admitido a trámite, polo Tribunal Supremo, o Recurso de Casación contra a decisión da Xunta de Galicia e o Concello de Mugardos que denegan a nulidade do novo PXOM en execución da mencionada Sentencia.
Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.
O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.
“O éxito das candidaturas cidadás e de esquerdas abre a porta ao recoñecemento real da auga como un dereito”. | A xornada “A auga: un dereito humano”, terá lugar mañá en Santiago de Compostela, de 09.30 a 19.00hrs. na Facultade de Filosofía. | Recollerá experiencias contra a privatización en Grecia, Irlanda e Galiza poñendo en común estratexias de loita polo dereito á auga.
Na mañá de hoxe a eurodeputada de Alternativa Galega de Esquerda en Europa (AGEe), Lídia Senra, presentou en rolda de prensa a xornada “A auga: un dereito humano”[Programa], que terá lugar durante o día de mañá, sábado 6 de xuño, de 09.30 a 19.00hrs, no Salón de Actos da Facultade de Filosofía en Santiago de Compostela.
Para Alternativa Galega de Esquerda en Europa “foi sempre unha prioridade colocar na axenda política o debate sobre os bens comúns, que son imprescindíbeis para a vida, entre eles a auga”, polo que este encontro “que pretendemos sexa unha xornada de debate, intercambio e formación”, será realizado “ca esperanza de que na Galiza as cousas poden mudar para ben”, xa que, no marco do éxito das candidaturas cidadás e de distintas candidaturas de esquerdas nos concellos, “que van supoñer que o PP, a dereita máis neoliberal, deixe de gobernar”, dende Alternativa Galega de Esquerda en Europa entendemos que “ábrese unha porta á remunicipalización da auga e para avanzar en que a auga sexa realmente recoñecida como un ben común e, polo tanto, que non se privatice, facendo valer o feito de que é un dereito humano básico ao que tódalas persoas temos que ter acceso”.
Na súa intervención, Senra lembrou como a partir da década dos oitenta do século pasado “o neoliberalismo económico impuxo privatizacións de servizos públicos e bens comúns”. É neste contexto no que no ano 1992 decídese na Conferencia Internacional sobre a Agua e o Medio Ambiente (Conferencia de Dublín) darlle un valor económico a auga “provocando que, a partir deste momento, a cobiza para conseguir a privatización da auga aumente cada día”.
A día de hoxe, en todos aqueles Estados intervidos pola Troika, como no caso de Irlanda, Portugal, Italia, Grecia ou o Estado español, “arrecia este intento de obter beneficios económicos a partir deste ben básico, aprobando leis que avanzan no camiño da privatización”. Tamén na Galiza, onde no ano 2010 aprobouse a Lei de Aguas de Galicia, “que abre as portas a esta privatización”.
A eurodeputada de AGEe, salientou dous eixos principais do debate a desenvolver na xornada deste sábado, “un deles é a privatización do propio acceso ao dereito á auga, ao ben común da auga, que significa pagar polo simple feito de acceder a auga” e, por outra banda, “a privatización do propio servizo de subministro de auga”.
A xornada contará con tres bloques temáticos diferenciados. O primeiro deles, “As loitas sociais en contra da privatización da auga”, recollerá as experiencias do grego Georgios Archontopoulos, Presidente do Sindicato ΕΥΑΘ e membro do Secretariado de “SOSte to nero” -“Salvemos a auga”; Brendan Ogle, da Campaña polo Dereito á Auga en Irlanda; Isabel Vilalba Seivane, Secretaria Xeral do Sindicato Labrego Galego e integrante da Plataforma Galega contra a Lei de Augas, e Alexandre Carrodeguas, da Iniciativa Cidadá pola Xestión Pública e Social do Ciclo da Auga e do Saneamento en Ferrol.
O segundo eixo desenvolverase baixo o epígrafe “A privatización do acceso á auga en países intervidos pola Troika”, no que participarán a membra do Secretariado de Syriza en Tesalónica Alexandra Krasopoulou, integrante tamén do Comité de Syriza contra a privatización da compañía de augas de Tesalónica; o irlandés Daithí Doolan, concelleiro do Sinn Féin en Dublín, e Antón Sánchez, deputado da Alternativa Galega de Esquerda (AGE).
A xornada pechará cun bloque temático especificamente galego, “A xestión da auga. O papel das empresas. O proceso de privatización nos concellos. Experiencias de re-municipalización”, a cargo de Rafael Sisto (Anova), que debullará as claves da recente remunicipalización da auga no Concello de Teo, e Rubén Pérez (Marea de Vigo) que exporá cal é actualmente a situación do subministro no Concello de Vigo.
--- Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)
[*] Lidia Senra, eurodiputada, da Alternativa Galega de Esquerda en Europa, no Grupo Confederal da Esquerda Unitária Europeia/Esquerda Nórdica Verde(AGEe - GUE/NGL). |Tlf: 609 845
861 |lidia.senra@europarl.europa.eu
IV Limpeza simultánea de praias en toda Galiza con motivo do día mundial dos océanos (5, 6 e 7 de xuño)
En Ferrol e Cedeira:
Cedeira, limpeza na praia da Magadlena, Sábado 6 de Xuño, punto encontro ás 10:30hs na Praza Roxa.
Praia de Sta Comba (Ferrol). Domingo 7 de Xuño, punto de encontro ás 11:00hs no estacionamento da Malata, e despois en coches vai-se até o estacionamento de de Sta Comba (Covas) (sobre as 11:15hs).
Praia de Caranza, Domingo 7 de Xuño, ás 11:00hs, xunto a Ermida de Caranza. Previsión da actividade entre as 11:00 e 13:00hs.
Praia de Ponzos (Ferrol), Domingo 7 de Xuño, ás 11hs (prv).
Un ano máis, con motivo do día Mundial dos Océanos, ADEGA organiza a IV Limpeza Simultánea de praias. Con esta convocatoria ADEGA dá continuidade ás limpezas realizadas en 2012 , 2013 e 2014 que sumaron centos de persoas neste día de reivindicación e voluntariado ambiental.
ADEGA convoca de novo a tódalas entidades interesadas a unirse neste evento contra a contaminación mariña. As limpezas poderán celebrarse os días 5, 6, e 7 de xuño coincidindo coa celebración do Día Mundial dos Océanos. Centros de ensino, escolas de surf, centros de mergullo, clubes de piragüismo, vela, pescadores, asociacións de todo tipo, concellos ou grupos de particulares están chamados a limpar as praias e denunciar esta problemática ambiental. Se queres participar contacta con ADEGA.
O lixo mariño é un dos graves problemas ambientais aos que se enfronta o planeta, as principais causas son: a insostibilidade dos modelos de consumo e produción da nosa sociedade, as malas estratexias na xestión dos nosos residuos e a falta de sensibilización da poboación. Todo iso fai que cada ano 10 millóns de toneladas de lixo rematen nos océanos. Moito deste lixo provén da industria do mar (pesca, extraccións...), pero unha grande parte chega a través dos ríos, debido a unha mala xestión en terra.
Estes residuos teñen graves consecuencias para a os ecosismeas mariños, máis de 1.000.000 de aves mariñas e 100.000 mamíferos e tartarugas morren cada ano enredados ou por inxesta do lixo mariño. Tamén pode afectar directamente á saúde humana, xa que moitos destes produtos conteñen substancias tóxicas, bioacumulativas e persistentes, que entran na cadea alimentaria. Por último outro dos graves problemas asociados a estes residuos, é que provocan perdas económicas importantes, debido a varios factores como son a diminución da pesca comercial, a degradación de lugares aptos para actividades recreativas e turísticas, ou o enorme investimento requerido para as limpezas de praias.
Facemos unha chamada á poboación para conseguir unha masa crítica que no Día dos Océanos se achegue ás praias, e consiga por unha banda mellorar o estado das nosas costas pero sobre todo conseguir un cambio de conciencia cidadá para a redución de residuos.
As entidades participantes contarán co asesoramento continuo, material divulgativo, protocolo de limpeza, publicidade e seguro de accidentes.
Se estás interesad@ en participar cantacta con nós: lucia@adega.gal tlf: 649 611 508 ou 981 57 00 99
Entrega do Premio Semente 2015 (Verdegaia). |Verdegaia concede o premio “Semente” a D. Ramón Regueiro e a súa familia. |A colaboración destes veciños foi crucial para salvagardar a Fraga de Menáncaro do proxecto urbanístico que pretendía destruíla. |Demandan do novo governo local que se axilice a protección oficial desta fraga.
Co gallo do Día Mundial do Ambiente, 5 de xuño, a asociación ecoloxista Verdegaia acordou outorgar este ano o premio “Semente”, relacionado coa mellor actuación ambiental, a D. Ramón Regueiro e a súa familia, pola súa crucial contribución na defensa e conservación da Fraga de Menáncaro localizada na parroquia ferrolá de Serantes e sobre a que se pretendía construír unha urbanización de luxo que destruiría irreversibelmente esta valiosísima masa arbórea autóctona, na que se poden atopar algúns exemplares de carvallos centenarios.
De non ser pola participación activa desta familia, que mesmo chegou a interpoñer un Recurso Contencioso perante o TSXG contra a aprobación do citado proxecto urbanístico, fallando a favor destes veciños, hoxe estaríamos a lamentar a perda dunha das últimas representacións de bosque atlántico que, con grande dificultade, sobreviven no concello de Ferrol polo severo proceso de eucaliptización ao que se ven sometendo este territorio desde hai décadas.
Con este simbólico premio Verdegaia, ademais de querer darlles publicamente as grazas, tamén quere facerlles unha merecida, aínda que modesta, homenaxe a estes veciños exemplares. O día 5 convidarémolos a un xantar nun restaurante de Ferrol, no transcurso do cal lles faremos entrega dun diploma conmemorativo en agradecemento.
Agardamos que o novo governo local, unha vez constituído, tamén se comprometa a revisar o PXOM para recalificar os terreos onde se atopa a fraga de Menáncaro como Solo Rústico de Especial Protección, outorgándolle ao mesmo tempo unha figura de protección oficial de carácter local que garanta a conservación desta masa arbórea de xeito definitivo.
Enviado por: ferrol@verdegaia.org -ferrol@verdegaia.org- 4 de junho de 2015 09:32
___________
Programa da xornada da auga que organizada pola Alternativa Galega de Esquerda en Europa e o Grupo da Esquerda Unitaria Europea/Esquerda Verde Nórdica no que está integrado no Parlamento Europeo.
Xornada: “A auga: un dereito humano” 6 de xuño de 2015 Salón de actos da Facultade de Filosofía Praza de Mazarelos, Santiago de Compostela
PROGRAMA 09:30h.- Recepción dos participantes. 09:45h.- Apertura por Lidia Senra, eurodeputada pola Alternativa Galega de Esquerda en Europa, integrada no GUE/NGL (Grupo da Esquerda Unitaria Europea/Esquerda Verde Nórdica).
10:00h.- As loitas sociais en contra da privatización da auga.
Georgios Archontopoulos, Presidente do Sindicato ΕΥΑΘ e membro do Secretariado de “SOSte to nero” (Salvemos a auga).
Brendan Ogle, Campaña polo dereito á auga en Irlanda.
Isabel Vilalba Seivane, Sindicato Labrego Galego (membro da Plataforma Galega contra a Lei de Augas).
Alexandre Carrodeguas, Iniciativa cidadá pola xestión pública e social do ciclo da auga e do saneamento en Ferrol.
11:00 h.- Debate.
11:45 h.- Pausa café.
12:00 h.- A privatización do acceso á auga en países onde houbo intervención da Troika.
Alexandra Krasopoulou, Membro do Secretariado de Syriza en Tesalónica. Comité de Syriza contra a privatización da compañía de augas de Tesalónica.
Daithí Doolan, concelleiro do Sinn Féin en Dublín
Antón Sánchez, deputado da Alternativa Galega de Esquerda (Galiza).
13:00h.- Debate.
14:00h.- Fin da xornada de mañá.
16:00h.- A xestión da auga. O papel das empresas. O proceso de privatización nos Concellos. Experiencias de re-municipalización.
Re-municipalización no Concello de Teo. Rafael Sixto, Elexido Concelleiro por Son de Teo. Anova.
Situación no Concello de Vigo. Rubén Pérez, Elexido Concelleiro pola Marea de Vigo.
17:30 h.- Debate
19:00 h.- Fin da xornada
--- Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)
[*] Lidia Senra, eurodiputada, da Alternativa Galega de Esquerda en Europa, no Grupo Confederal da Esquerda Unitária Europeia/Esquerda Nórdica Verde(AGEe - GUE/NGL). |Tlf: 609 845
861 |lidia.senra@europarl.europa.eu
Asemblea Aberta para decidir posición na investidura
Esquerda Unida Narón decidirá cal é a postura a tomar no proceso de investidura como alcalde de José Manuel Blanco nunha asemblea aberta a afiliados e simpatizantes, entendemos que dende un principio a transparencia e participación deben ser máximas irrenunciables para EU Narón, "non somos unha organización vertical nin un grupo de amigos, as decisións tómanse entre todas e todos e con luz e taquigrafo".
Esquerda Unida Narón aínda non mantivo ningunha reunión con ningún grupo político, pero a asemblea xa escolleu por unanimidade as tres persoas que representarán a EU no caso de que se produzan os contactos, os escollidos son Belén Aneiros (Responsable da Area da Muller no CPL), Jorge Rego (Secretario de Organización no CPL), e André Abeledo (Coordinador Local de EU Narón e novo concelleiro).
De producirse os contactos estas tres persoas deberán transmitir toda a información aos membros do CPL e a asemblea, que serán os que finalmente tomen e ratifiquen calquera decisión.
Reunión en Castro
Esquerda Unida de Narón comezará unha ronda de contactos coas distintas asociacións veciñais, así como con todo o tecido asociativo de Narón, Esquerda Unida pretende ser a voz da maioría no concello de Narón, "queremos coñecer de primeira man os problemas, para eso precisamos do contacto directo e da 'complicidade' das veciñas e veciños de Narón".
A primeira destas reunións e asembleas vai ser este Xoves 4 de Xuño as 19:30hs no local veciñal de Castro.
A Xunta pretende agochar a miseria da RISGA con contratos precarios
A Xunta nola quere xogar coa RISGA. Van de preocupadas pola inclusión social anunciando novas medidas, pero o único que fan e engordar o número de persoas que sofren o empobrecemento e a precariedade. Anunciaron hai unhas semanas 1.000 contratos para perceptoras da RISGA. Igual que o ano pasado, e con cartos chegados de Europa, a Xunta subvenciona cunha dotación de 10.000.000 de euros, as nóminas e as cotizacións á Seguridades Social para que os concellos contraten a persoas que estean a cobrar a RISGA.
Ofrecen, como o pasado ano, empregos de 7 meses de duración e do 75% da xornada laboral, para cobrar ao redor de 600 €. Os postos a cubrir son peón/a de xardinaría, peón/a de obra pública, condutor/a, etc., sendo o requisito da orde que sexan postos vinculados a obras e servizos de interese xeral e de utilidade social.
A intencionalidade do goberno autonómico non muda con respecto á convocatoria do ano ano anterior, que é, eliminar o maior número de persoas que cobran a RISGA. Número que a finais do ano pasado xa superaba as 10.000 persoas no noso país.
E despois de sete meses de contrato precario que? A única renda á que se pode acceder é un subsidio de 213 € xestionado desde o servizo público de emprego. Cantidade claramente insuficiente para cubrir as necesidades básicas. Obrigando as persoas a solicitude de axudas de emerxencia social, que son escasas e limitadas. E a comezar de novo o tortuoso camiño de solicitude da RISGA: con numerosas citas nos servizos sociais, control e visitas o domicilio, entrega de abundante documentación e a espera de máis de dez meses da resolución.
Esta medida de emprego temporal e precario, é a solución da Xunta para mellorar as condicións de vida daquelas que encarnamos as cifras das estatísticas:
Dous de cada tres desempregadas, unhas 185.000 persoas, non perciben ningún tipo de prestación.
95.000 fogares teñen todos os seus membros no paro, dos cales 18.000 viven en grave situación de pobreza.
Un cuarto da sociedade galega vive na exclusión social.
Tres de cada dez perceptores da Risga teñen cronificado a súa situación.[*]
A fenda da pobreza agrávase no noso país, a situación de precariedade e exclusión social aumenta sen freo para moitas galegas e galegos. Non cansamos de repetir que a RISGA non é un instrumento eficaz que garanta a inclusión social nin unhas condicións de vida dignas, plenas e en liberdade. Fronte á centralidade do emprego, nós falamos da centralidade da vida: Renda Básica das iguais e moitísimo máis!
Xuño, 2015
ODS-Coia
[*] Datos de Sermos Galiza.
-- OFICINA DEREITOS SOCIAIS - COIA (ODS-Coia) | odscoia.arkipelagos.net | odscoia@riseup.net |@odscoia | tel: 696 618 732 - 679 758 663 | Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo).
Enviado por: Oficina Dereitos Sociais - Coia -dereitossociais@gmail.com- 2 de junho de 2015 08:26
___________________
Telefónica, que até nos peores anos da estafa financeira subiu os seus beneficios de xeito obsceno (sempre por encima dos 3.000 millóns de euros) foi reducindo nos últimos 20 anos o seu persoal directo en máis de 50.000 persoas, as cales, multiplicadas por catro, pasaron a facer as tarefas que antes facían empregade@s fixos con condicións dignas. Así, a atención comercial, tanto presencial como telefónica, as instalacións, os procesos e traballos informáticos, a loxística, o mantemento, a xestión dos recursos humanos, ... hoxe fanse por empresas externas, nuns casos propiedade total ou parcial da propia Telefónica e, noutros, non.
Durante máis de 20 anos, @s traballador/as desas empresas subcontratadas, estiveron sufrindo o esborralle dos seus dereitos e condicións de traballo. Pero dixeron ¡xa abonda! Desde o 28 de marzo, @s traballador/as de contratas, subcontratas e autónom@s que prestan os seus servizos a Movistar (Telefónica) están en folga indefinida loitando por conseguir unhas condicións de traballo dignas.
Hai que recordar as condicións nas que estas persoas traballan, que van baixando segundo traballen para contratas, para subcontratas ou como autónom@s para as subcontratas.
Esta última é a modalidade, a de autónom@, é á que están obrigando as empresas aos seus traballador@s. De feito, ofrécenlles 15.000 euros como despedimento para despois contratarl@s como autónom@s. Unha vez nesa situación, fanlles contratos de entre 2 e 4 horas diarias, aínda que a súa xornada esténdese entre 10 e 12. Teñen que poñer o seu vehículo, a gasolina, as ferramentas (só unha para a fibra óptica vale 3.000 euros), e si non logran culminar a instalación (aínda que sexa porque o cliente desista) non cobran. E si, por culpa da présa para lograr os inalcanzábeis obxectivos que se lles marcan, cometen un erro, aínda que sexa insignificante, lles penalizan até o punto de poder perder o xornal dun día. Iso si, os empresarios bríndanse a alugarlles coche e ferramentas. Ao final, o traballador/a é o que se paga o seu soldo. Soldo que, con moita sorte, pode chegar aos 700 euros mensuais. Por suposto, estas persoas traballan os 7 días da semana, non poden collerse vacacións, si se póñen enferm@s descontan-llo do seu soldo ... Todo baixo a ameaza de: "si non vés o sábado, si cóllesche vacacións, ... xa non volvas por aquí. Hai unha chea esperando na porta".
As condicións nas contratas non van moito máis alá, aínda que polo menos, ao ser empregad@s dunha empresa, teñen un comité e uns dereitos de sindicación, que, de todos os xeitos, adoitan ser cercenados ou encamiñados a sindicatos "amigos" das empresas. Nestas empresas, poden ter o coche e as ferramentas por conta da empresa (aínda que nunhas condicións nefastas que fai que @s traballadores/as terminen comprándose as súas) e, con sorte e xogándose a vida, poden chegar a 1.400 euros mensuais (xa prorrateadas as pagas extraordinarias).
Mentres tanto, os directivos de Telefónica, incluídos algúns personaxes tan incalificábeis como Rodrigo Rato, Iñaki Urdangarín ou Francisco Camps estiveron contratados como asesores por non facer nada e gañando millóns de euros ao ano. O propio César Alierta, só en salario directo, gañou 5,8 millóns en 2013, 6,7 millóns en 2014 e, en 2015, subiuse o salario un 16%.
Pois ben. @s técnic@s das empresas que traballan para Movistar (Abentel, Cobra, Comfica, Cotronic, Dominion, Elector, Itete, Montelnor e Teleco) dixeron que a súa dignidade non vai ser mancillada nin un día máis, e levan dous meses de folga indefinida, convocada pol@s traballadores/as a través de sindicatos minoritarios na matriz, como AST, Co.bas ou CGT, pero que, malia un acordo esperpéntico, con supostas melloras, asinado por CC.OO e UGT e as empresas nos primeiros días de folga, fixeron caso omiso del e manteñen as súas reivindicacións. A folga está sendo especialmente importante en Madrid e, sobre todo, en Cataluña, onde, a día de hoxe, atópanse desde fai unha semana encerrad@s na tenda de Telefónica no Mobile Word Centre. Malia as ameazas de despexo violento, malia que foron criminalizad@s con falsas noticias de sabotaxes, malia que foron comparad@s (¡como non!) con terroristas, non só aguantan, senón que teñen o apoio popular d@s cidadáns, que ven como encarnan un dos exemplos máis nítidos do que implica a ideoloxía dominante: beneficios desorbitados e obscenos para uns cantos a costa da escravitude da maioría.
Especialmente significativo é o silencio absoluto e xeneralizado dos medios de comunicación. Uns en mans da propia Telefónica, outros en mans de bancos accionistas de Telefónica e todos receptores dunhas enormes carteiras de publicidade, fan o baleiro a unha loita que morde na man de quen lles dá para comer. ¡Si isto é unha prensa democrática ..!
A Frente Cívica Somos Maioría sitúase con est@s compañeir@s, fai súa a súa loita, ponse á súa disposición, e apoia medidas como a proposta pola candidata de Barcelona en Común, Ada Colau, que se comprometeu a non asinar ningún acordo de prestación de servizos con ningunha empresa que non cumpra as condicións laborais pactadas nos convenios colectivos.
Como a Frente Cívica Somos Maioría vén defendendo desde a súa creación, non queda outra vía que a da mobilización cidadá e d@s traballadores/as para poder reverter esta situación de abuso absoluto e de corrupción dun sistema que demostrou ser de todo, menos democrático e de dereito. As probas diso multiplícanse por varias unidades cada día. E en torno a esa mobilización, seguir creando o poder popular que, aos poucos, vai dando exemplos de propostas electorais afastadas das políticas creadoras de miseria entre a maioría da poboación.
Fotos Ada Colau coas compañeiras e compañeiros da Marea Azul, encerrad@s na tenda de Telefónica no Mobile Word Centre e Xuntanza da Mesa Estatal do FCSM en Córdoba, no Centro Social Rey Heredia.
A Iniciativa Cidadá de Mugardos celebrou este sábado 30 de maio, pola tarde no Centro Cívico Municipal, na que se aprobou a adaptación do punto 2.4 do seu Código Ético e o Regulamento para a Consulta Popular sobre a voto de investidura. Asistiron derredor das 50 persoas e designouse unha Coordinadora da Consulta Popular que será o órgano que arbitre a votación. Estará formada por 7 persoas, das cales unha ostentará a presidencia e 6 formarán parte das dúas mesas electorais que situaremos en Mugardos e Franza. En Mugardos votarán aquelas persoas que declaren como parroquia de residencia Mugardos ou Meá, e en Franza as que declaren Franza/O Seixo ou San Xoán de Piñeiro.
A agrupación electoral Iniciativa Cidadá de Mugardos acadou nos pasados comicios municipais a confianza de 540 persoas (18,25%) e unha representación 3 persoas no Pleno da Corporación. Fíxoo en base a un proxecto baseado na participación cidadá, a transparencia, a renovación, a apertura e a normalización social da vida política. Apostamos firmemente polas consultas populares: a nosa candidatura naceu dunhas primarias abertas e o o noso Código Ético no punto 1.9 contempla a consulta directa sobre cuestións estratéxicas que afecten ás nosas posicións.
En virtude diso, e perante o Pleno de Investidura que se celebrará en Mugardos o vindeiro sábado 13, Iniciativa Cidadá de Mugardos convocou unha esa asemblea pública que aprobou o regulamento que rexerá citada a Consulta Popular que decida o seu posicionamento.
Transmitimos, ademais, a nosa intención de manter puntualmente informada a toda a poboación sobre os pasos que día a día nos atinxen desde un “Diario Post-Electoral” que desde o martes 26 veñen publicando tanto na súa web como na páxina Facebook.
Na súa web publican diariamente o “Diario Post-Electoral” para manter informada á cidadanía dos pasos que como iniciativa levan a acabo. Un grande esforzo que precisa a promoción da participación cidadá e o compromiso de transparencia.
Na súa web publican:
"Durante os vindeiros días, ata o 9 de xuño, a xente que comparta o Manifesto da Iniciativa Cidadá de Mugardos poderá apoialo publicamente nas follas de sinaturas que a Coordinadora da Consulta Popular porá a disposición pública. Poderán asinalo todas aquelas persoas maiores de 16 anos que acrediten a súa residencia en Mugardos e non fosen membros doutra candidatura que concorrese ás eleccións municipais do 24 de maio. Poderedes consultar o documento final deste Regulamento en canto o equipo de Organización faga pública a acta de hoxe coas súas modificacións.
O 9 de xuño queremos ter pechadas xa as opcións de voto na consulta para que a xente poida coñecer exactamente o resultado das súa decisión. Que saiban exactamente que goberno resultaría de unha ou outra opción. O seguinte día, mércores 10, celebraremos un acto público de información e debate sobre as propostas de voto e o xoves 11, dous días antes do Pleno de Investidura, celebraremos a Consulta Popular cuxo resultado será vinculante para as 3 persoas que representarán os 540 votos da Iniciativa Cidadá de Mugardos".
Para máis info acceder aos seus sitios na rede.
Iniciativa Cidadá de Mugardos Javier García Dieste
Información baseada na da web e na enviada por: Iniciativa Cidadá de Mugardos -iniciativacidadademugardos@gmail.com- 29 de maio de 2015 16:11
___________________
Dende Marea Ártabra, queremos agradecer a todas e cada unha das 1.631 veciñas e veciños de Ferrol que co seu voto deron a confianza a un programa cargado de futuro para a nosa cidade e pensado coa finalidade de iniciar unha senda que afonde na democracia e fixe poboación mediante unha economía social e respectuosa co medio.
Tan só doce votos nos afastaron de ter representación no concello.
Ese respaldo da veciñanza, anímanos a dar continuidade ao noso proxecto para iso convocamos unha Asemblea Aberta que se celebrará no Ateneo Ferrolán o vindeiro Sábado 6 de xuño ás 16:30 horas coa seguinte orde do día:
1.- Valoración do traballo realizado ata agora.
2.- Propostas de futuro para Marea Ártabra.
TODOS OS XOVES ÁS 11:30 DIANTE DO EDIFICIO DA XUNTA EN FERROL
Xoves 28 de Maio volvemos á carga pola RENDA BÁSICA XA!! e EMPREGO PARA TODAS E TODOS, chamamos a participar na concentración de protesta ás 11:30 diante do edificio da Xunta en Ferrol.
Porque temos que ser moitas persoas para presionar e obrigar aos gobernos a atender as demandas que o pasado 5 de Marzo metiamos por rexistro apoiadas por 1.341 firmas. Reclamamos un plan de choque contra o paro, contratándonos como mínimo a 500 persoas das listas do desemprego e unha renda básica para todas as persoas que están no paro e non cobran ningunha prestación.
Antes mañá, repartiremos follas informativas diante da oficina do paro que está na avda de Vigo, de 9:00 a 11:00.
