Gas ruso ou ningún - Apuntes da conxuntura do gas natural en Europa ante o aumento da tensión con Rusia

Gas ruso ou ningún

Apuntes da conxuntura do gas natural en Europa

O GNL/LNG

A pinza que Biden tentaba apertar no abastecemento de gas ruso a Europa, no caso de que Rusia invadise Ucraína, afrouxouse por completo cando a diplomacia estadounidense percibe que os países cos que contactou ofreceron só un apoio simbólico se Rusia (ou forzara a USA), pechara a billa do gas ruso.

As empresas produtoras de Qatar (país dos maiores provedores de GNL do mundo), aseguraban que era imposible prestar un apoio firme porque, debido aos altos prezos deste gas no último trimestre do ano pasado, prometéronse a ampliar o subministro aos seus clientes habituais, aínda que con todo, verían se entre todos eles, e os seus clientes poderían axustar estes subministros para trasladar algún gaseiro a Europa.

Por parte de Xapón, Corea e China, algo semellante. Din que non teñen gas suficiente pois os acordos feitos en vigor de GNL lles van moi xustos para satisfacer as súas necesidades. Todos os países están no mesmo. Pechar as centrais térmicas de carbón e substituílas por outras de ciclo combinado.

Foron a Australia, outro país que máis GNL produce do mundo, e tampouco pode subministrar gas adicional polos mesmos motivos que Qatar. Ademais, estando nas antípodas de Europa, a diplomacia USA intentou facer acordos a tres bandas: Australia vendería GNL a aqueles países asiáticos clientes de Qatar e Qatar á súa vez enviaríao a Europa. Este último tampouco cristalizou.

Europa recibe de Rusia 1/3 do gas natural que consume. Estados Unidos non pode substituír esta oferta por si só, e menos aínda neste momento no que Asociacións Civís e senadores demócratas advirten de que EEUU non pode facelo, xa que é posible que dada a demanda interna, non só non poida aumentar as exportacións, senón que poderían ter que reducilos. En resumo, o conflito de Ucraína converteuse nun conflito do gas máis que nun conflito bélico/defensa/estratéxico.

Que fará Europa ante estas circunstancias?

Exemplos destes días sobre os posibles recortes de gas USA

✔ Os demócratas piden aos funcionarios de Biden que limiten as exportacións de gas natural de EE. UU. debido ao aumento dos costos de calefacción do fogar. | Democrats call for Biden officials to limit US natural gas exports because of rising home heating costs. By Matt Egan, CNN Business - February 3, 2022.
     
✔ Os senadores estadounidenses queren poñer freo ás exportacións de GNL para frear as facturas de enerxía doméstica. | U.S. Senators Want To Put Brakes On LNG Exports To Curb Domestic Energy Bills. By Tsvetana Paraskova - Feb 03, 2022.

✔ Biden enfróntase a unha presión crecente para restrinxir as exportacións de GNL tralo aumento dos prezos. | Biden faces growing pressure to restrict LNG exports following price spike. By James Osborne - Feb. 3, 2022.
_______

Iniciativa de Ligando sobre a Tarifa Eléctrica ao Concello de Ferrol

A ATENCIÓN DO SR. ALCALDE DO CONCELLO DE FERROL

Iolanda Teixeiro Rei, e en calidade de delegada da organización política LIGANDO en Ferrol, con e-mail: correo@ligando.org

EXPÓN:

A dependencia económica de Galiza está sometida ás lóxicas dos grandes complexos empresariais con centros de decisión noutros países. Como exemplo temos o sector da metalurxia non férrea, eis, de transformación do aluminio, unha actividade que representa máis da cuarta parte de todo o consumo eléctrico galego e case a metade do consumo eléctrico industrial (INEGA, 2010c).

O 9% do consumo galego de electricidade e un 18% do consumo eléctrico industrial (INEGA,2010) vai para a industria siderúrxica e metalúrxica de Galiza (como as ferroaleacións). Estas industrias necesitan abundante enerxía eléctrica e portos mariños para o transporte de materia prima e do produto elaborado.
A especialización gandeira e a mecanización dos procesos agro-industriais e o cambio de uso dos solos tamén incrementou o consumo enerxético e de inputs industriais para fornecer de produtos cárnicos e lácteos ao resto da economía española.

A enerxía primaria autóctona foi en 2014 tan só o 61% da que había en 1981, malia o enorme esforzo realizado para desenvolver a enerxía eólica ou a hidráulica. O motivo principal foi o esgotamento do carbón autóctono. As únicas fontes propiamente autóctonas hoxe en día son as renovábeis. En 2015, un terzo correspondía á enerxía eólica que foi gañando peso desde 2019, un terzo á biomasa e case un 25% á enerxía hidráulica. Entre todas elas supoñen o 17,6% da totalidade da enerxía transformada en Galiza. O 82,4% restante é enerxía fósil importada.

A xeración con enerxías renovábeis multiplicouse por 4,3 desde 1981 malia o que apenas chegou a sobordar o 22% da enerxía primaria transformada en Galiza (en 2014).

Galiza é pois, desde hai décadas, centro de transformación de enerxía primaria, cubrindo tanto necesidades internas como externas á economía galega.
Como din os expertos, debido á composición da enerxía primaria utilizada, as perdas da súa transformación a unha enerxía dispoñíbel (derivados do petróleo, calor ou electricidade) son elevadas, entre o 25 e 30% do total transformada na maioría dos anos.

En 2015, as perdas superaron nun 42% ao total da enerxía primaria de orixe galega e equivaleron a máis da metade do consumo interno galego. Esta situación, xunto coas perdas derivadas do transporte de enerxía dispoñíbel, son ilustrativas da enorme ineficiencia do propio sistema enerxético galego, e toda esta disipación de enerxía maniféstase en gran parte en forma de polución atmosférica. Amais da ameaza ambiental constante que constitúe o sector enerxético debido a posíbeis accidentes. (Constantes mareas negras no litoral galego, por ex.) Alén das ameazas potenciais de instalacións enerxéticas en zonas densamente poboadas como son a refinería da Coruña ou no noso caso, a regasificadora de Mugardos na Ría de Ferrol.

A todo isto hai que lle engadir efectos como o desprazamento poboacional e a ocupación e destrución do territorio en forma de encoros -asolagando vales fluviais de altísima fertilidade- ou minas de carbón a ceo aberto. Así como outros impactos sociais e ambientais como os derivados do impacto visual de todo tipo de instalacións enerxéticas, incluída os parques eólicos, contaminación acústica ou efectos sobre a saúde das persoas. Amais dos impactos causados polas infraestruturas de transporte ou evacuación da enerxía secundaria obtida.

Ao ser unha actividade intensiva en capital e non en traballo, o emprego xerado é pouco e vaise reducindo ao longo do tempo. Realmente o peso no PIB do sector enerxético no mercado só é posíbel grazas a eses efectos sociais e ambientais negativos (externalidades).

As características do padrón enerxético galego son a non renovabilidade, a dependencia do exterior e a súa capacidade de polución e de agresión ambiental.
A dependencia enerxética galega, lonxe de diminuír, acrecentou. Mais a capacidade de adaptación do sistema enerxético galego, sen mudar a orientación exportadora, a cotío é confundido cunha suposta sobre-abundancia de recursos enerxéticos propios, unha bonanza enerxética ou unha ausencia de dependencia enerxética. E o que é peor, este carácter extravertido e dependente non desapareceu polo avance na explotación de recursos renovábeis.

O carácter de enclave do noso sector enerxético é máis evidente aínda por estar controlado por unha poucas empresas oligopólicas de capital non galego e mesmo non español. A nosa dependencia enerxética acada hoxe o 82% mentres que se eliminaramos a nosa dependencia enerxética reduciríanse a menos do 7%.
Por riba, estamos nunha situación mundial de emerxencia enerxética e seguimos sendo moi dependentes de determinados usos enerxéticos que requiren de combustíbeis fósiles e que non son substituíbeis por renovábeis a curto prazo como é o caso do transporte de viaxeiros e mercadorías ou o sistema de produción de alimentos.

O cambio climático está a provocar incerteza meteorolóxica extrema que vai traer necesidades vitais básicas descoñecidas. Neste escenario, o territorio vai ser primordial, polo que urxen políticas de conservación dos recursos do rural galego ao servizo da nosa supervivencia. Deixar que os nosos recursos sirvan para o crecemento do modo de vida urbano e de territorios afastados é permitir unha dobre colonización sobre a nosa sociedade, xa que, por unha banda, Galiza verá reforzada a súa función de colonia enerxética fronte a España e por outra banda, seguirase alimentando á nosa costa o modo de vida urbano cando este provoca o 70% das emisións de CO2, a industrialización e a globalización, verdadeiros culpábeis do cambio climático.

Por iso é necesario repensar o modelo enerxético galego cuestionando seriamente tanto o papel de intermediación enerxética fornecendo enerxía para o exterior como de lugar de asentamento de actividades intensivas en enerxía. Non abondan só as políticas de eficiencia das que hai que dicir que a maior eficiencia enerxética maior gasto de terras raras e as veces maior consumo por mor da paradoxo de jevons.

As situacións de emerxencia enerxética aumentan a vulnerabilidade enerxética das sociedades.

A suba constante da tarifa eléctrica nos fogares está a ocasionar un aumento alarmante da pobreza enerxética nas familias, moitas veces co resultado de mortes. Mentres asistimos a inacción política cando non ao mal gasto eléctrico por parte da propia administración con políticas que favorecen o gasto innecesario e provocan contaminación lumínica.

Calquera política enerxética debe garantir o acceso universal asegurando uns mínimos vitais. Así como políticas de redución nos consumos materiais e enerxéticos innecesarios para o mantemento da vida comezando polos máis superfluos. Encamiñándonos cara políticas decrecentistas.

Fronte ao modelo macro-eólico, redución e produción comunitaria e pública de proximidade. Fronte os grandes encoros e os mega-hortos solares en mans das grandes empresas, defendemos a pequena produción enerxética para cubrir os consumos de proximidade tanto de xestión pública comunitaria como de autoconsumo individual onde se vertan os excesos de produción a unha rede eléctrica 100% pública.

Por todo o antedito, desde Ligando

SOLICITAMOS:

1.- Que este concello se dirixa ao goberno central para lle reclamar a Nacionalización da totalidade da Rede Eléctrica Española e os tendidos eléctricos de alta, media e baixa tensión non incluídos na REE como único modo de abaratar os prezos. Así como solicitar que se regule un prezo de tarifa eléctrica acorde coa realidade eléctrica galega garantindo que todas as familias teñan un subministro eléctrico mínimo a un prezo axeitado, máis tendo en conta que Galiza é altamente produtora de electricidade.

2.- Que o concello de Ferrol reclame á Xunta de Galiza a creación dunha Empresa Pública Galega de Electricidade co fin de abaratar os custes.

3.- Que se incida tamén na redución dos consumos enerxéticos poñendo en marcha a nivel municipal un plan de redución co fin de dar exemplo e así axudar a ser autosuficiente coas renovables para así axudar a abaratar o prezo ao ter que se producir menos electricidade e reducindo tamén as emisións de CO2 na loita contra o cambio climático.

4.- Elaborar un plano de usos da enerxía, determinando os usos básicos e os secundarios.

5.- Estabelecer un prezo básico da enerxía que garanta o acceso de todas as persoas.

6.- Estabelecer, de inmediato, criterios de carácter máis mercantil penalizando os consumos estragadores ou superfluos para todo tipo de enerxías, non só para a electricidade.

7.- Creación dunha Empresa Municipal de Enerxía Renovábel onde se fomente e apoie o autoconsumo e o cooperativismo enerxético.

8.- Facilitar o desenvolvemento de sistemas de obtención de enerxía fóra das canles do mercado ou con fórmulas que permitan dispor dun mínimo de auto- abastecemento ás unidades de convivencia, a título individual ou colectivo (aldeas, comunidades de veciños, barrios).

9.- Políticas dirixidas cara un transporte colectivo eléctrico procedente de recursos propios renovábeis pois o transporte privado eléctrico é unha fantasía do mercado que non é viábel.

10.- Políticas decrecentistas no que ten ao cultivo alimentar referido á produción e conservación dos alimentos así como ao fomento dunha economía ecolóxica de proximidade que evite o despilfarro enerxético do transporte de alimentos así como o desabastecemento.

11.- Campañas educativas de concienciación na redución dos consumos nun escenario de escaseza enerxética nun mundo post-fosilista.

LIGANDO-LGD

http://www.ligando.org/

Facebook | Twitter


Enviado por:
LiGanDo Ferrol
-ligando.ferrol@gmail.com-
6 de outubro de 2021 15:44
_______

NON á estafa da luz ! - Este domingo 19 de setembro, ás 11 da mañá na Praza de Armas, en Ferrol - A CIG convoca 20 concentracións en cidades e vilas e propón 8 medidas a adoptar de forma inmediata para garantir o acceso á electricidade como ben básico

A CIG convoca 20 concentracións en cidades e vilas, o 19 de setembro, para dicir NON á estafa da luz. | Propón 8 medidas a adoptar de forma inmediata para garantir o acceso á electricidade como ben básico.

NON á estafa da luz ! -

Este domingo 19 de setembro, ás 11 da mañá na Praza de Armas, en Ferrol

A CIG ten convocadas para o vindeiro domingo, día 19 de setembro, un total de 20 concentracións en cidades e vilas de toda Galiza baixo o lema “NON Á ESTAFA DA LUZ, Recuperación das Centrais Hidroeléctricas, Tarifa Eléctrica Galega”. A central sindical fai un chamamento a participar nestas mobilizacións diante do imparábel medre da factura da luz e a impunidade coa que actúan as eléctricas pero, sobre todo, tal e como denunciou o secretario xeral, Paulo Carril, diante do “nulo papel que tanto o goberno galego como o español están a facer para garantir, con políticas públicas, o acceso á electricidade do conxunto do pobo en condicións accesíbeis”.

Carril fai este chamamento “coa lexitimidade e autoridade das moitas propostas e iniciativas que desde a CIG levamos anos facendo, para poñer fin ao réxime de oligopolio, á mafia das empresas eléctricas, que por decisións de todos os Gobernos españois gozan dun marco regulatorio e tarifario acorde aos seus exclusivos intereses”.

Especialmente “lamentábel e desprezábel” considera o papel do PP e da Xunta. Máis despois das súas políticas en favor das mesmas, “nomeadamente as que explotan os nosos ríos”, matizou, e da súa “permanente oposición a que en Galiza puideramos dar solucións como as que a CIG ten defendido e levado ao Parlamento Galego”.

A este respecto lembra as diferentes ILP promovidas pola central sindical nos últimos anos -que o PP no Parlamento Galego rexeitou-, como a da tarifa eléctrica galega, a da recuperación das Centrais Hidroeléctricas ou as propostas da CIG para dar solución á industria electrointensiva. Así como na recente tramitación da Lei de Cambio Climático e Transición Enerxética e nas propostas feitas en outubro do ano pasado para “Unha saída galega xusta da crise”.

Propostas que demostran que “existen mecanismos legais, que é posíbel se hai vontade política, garantir prezos xustos da enerxía”, afirma. Un ben de consumo de primeira necesidade que, ao seu entender, “obriga aos poderes públicos a recoñecer a enerxía como un dereito universal de todas as persoas ao benestar social e a adoptar medidas de intervención no sector eléctrico para garantir unha vida digna e un desenvolvemento económico, social e industrial que cree postos de traballo”.

Colonización enerxética

Carril denuncia ademais que toda esta gravísima situación de alza nos prezos da electricidade, ten lugar nun momento no que Galiza se atopa diante dun novo proceso de “colonización enerxética” que no franquismo destruíu os ríos e agora vai polas terras e montes, “mentres se mantén a moita xente na pobreza enerxética e comarcas enteiras de Galiza camiño da desertización social e industrial, sen plans alternativos de ningún tipo de reindustrialización”.

Canda isto advirte que as grandes empresas eléctricas “están a aproveitar a ocasión do negocio eólico para facer o seu lavado verde, sen ter previamente reparado a súa débeda ecolóxica nin resolto o impacto social xerado”.

Por iso demanda unha verdadeira transición ecolóxica galega “ordenada, xusta, ao servizo do País, cunha xestión pública que poña fin ao oligopolio das grandes eléctricas”.

Sector estratéxico para Galiza

O secretario xeral da CIG fai especial fincapé no valor estratéxico que para Galiza ten o sector enerxético, polo que representa no seu PIB e por ser un factor relevante para a produción industrial. Denuncia que, porén, ao longo dos anos, “por decisión políticas, Galiza foi especializándose na xeración de electricidade con enormes custes socias e medio ambientais e sen poder tirar proveito desta actividade”. Nese sentido lembra que “en Galiza exportamos, nos últimos anos, unha media do 30% en favor doutros territorios e do seu desenvolvemento económico, social e industrial mentres en Galiza, pechan empresas, medra o desemprego e continua a emigración”.

Ademais critica ao Goberno español do PSOE e UP por trasladar toda solución “ao xogo do puro e duro do libre mercado, confiando que con máis renovábeis en produción, o prezo baixará”.

Propostas de actuación inmediata

Sobre a mesa pon unha serie de medidas a adoptar por parte dos gobernos español e galego, no marco das súas competencias, vía Decreto e outras ferramentas legais para levalas adiante. Propostas que a CIG ten presentado en numerosas ocasións, que non foron atendidas polos distintos gobernos e cuxa aplicación tería evitado chegar á actual situación:

1.- O recoñecemento da enerxía como dereito fundamental a unha vida digna que obriga ás Administracións Públicas a desenvolver e fomentar políticas públicas de intervención no sector eléctrico coas que garantir o aceso de todas as persoas á mesma.

2.- Reversión das instalacións hidroeléctricas que teñan rematado e rematen a concesión, destinado os beneficios da produción hidroeléctrica a abaratar o custe da electricidade.

3.- Creación dunha Empresa Pública Galega de Electricidade que xestione as centrais hidroeléctricas cuxa concesión vaia vencendo e, tamén, controle as participacións accionariais que ten a Xunta noutras empresas enerxéticas.

4.- Fiscalización das concesións hidroeléctricas en vigor de acordo á lexislación de augas vixente en Galiza e no Estado español a fin de garantir que a enerxía reservada en favor das Administracións Públicas se destina a baixar o prezo da electricidade.

5.- Modificar o sistema tarifario, limpando a factura de todas as peaxes que non teñen relación directa co funcionamento do sistema eléctrico, coa produción de electricidade: primas renovábeis, custes extrapeninsulares...

6.- Retirada do pool, do mercado maiorista, para fixar o prezo da electricidade, as centrais hidráulicas e as nucleares.

7.- Modificar transitoriamente os impostos que actualmente están presentes na tarifa eléctrica e que pagan inxustamente as persoas consumidoras mentres non entren en vigor as medidas anteriores, reducindo o tipo máximo de IVE actual, do 21%, ao 4% que se aplica aos produtos básicos e, así mesmo, que as empresas deixen de repercutir nas usuarias e usuarios o 7% do imposto á xeración.

8.- Implantación da tarifa eléctrica galega, dunha tarifa eléctrica máis baixa en Galiza, partindo dunha redución do 30% das peaxes do sistema eléctrico.

Pola súa banda, Fernando Branco, responsable do sector de Enerxía da CIG explica que destas medidas, hainas de impacto inmediato na factura da luz e medidas a máis longo prazo. A curto prazo salienta a redución da fiscalidade ao 4%, que está agora no 21% para empresas, PEMES e consumos comerciais e, temporalmente no 10% para consumo doméstico, que teñen menos de 10 kw de potencia contratados. E limpar da factura aquelas peaxes que non teñen a ver co propio sistema eléctrico: as primas de renovábeis, que son 6.000 millóns de euros ao ano e os extra custos extrapeninsulares para compensar solidariamente o alto prezo da xeración de electricidade que teñen en Canarias, Baleares, Ceuta e Melilla, uns 750 millóns de euros ao ano. Ambas partidas que “deberían de estar en orzamentos do Estado” e non na factura. “Sería máis xusto socialmente porque ao estar no recibo afecta tanto a unha traballadora de Citröen como a Florentino, pero se está en orzamentos do Estado quen máis contribúe é quen máis gaña”.

Medidas para mudar o sistema eléctrico

Respecto das outras medidas subliña que, aínda que non teñen impacto inmediato “hai que facelo xa”, como a recuperación das centrais hidroeléctricas, que considera que teñen que ir a unha empresa pública galega de electricidade que as xestione. “Non hai ningún motivo para que esas centrais sigan sendo xestionadas por mans privadas, algunhas desde hai máis dun século, forzando ao límite a Lei de Augas”.

Tamén reclama a modificación do sistema de casación de prezos no mercado maiorista, o chamado pool, que pagan todas as tecnoloxías por igual e sempre a custo da máis cara. “Iso é un disparate xa de presente, pero máis de futuro, porque sempre imos ter algunha tecnoloxía cara que vai entrar a producir pola propia demanda enerxética que se prevé no futuro”.

Sobre esta cuestión demanda que se saquen do mercado dúas tecnoloxías que “están súper amortizadas e que non emiten CO2”, como as nucleares e as hidroeléctricas. Tecnoloxías que, casualmente, están en posesión de Naturgy, Iberdrola e Endesa e que teñen unha posición de forza no mercado. “Por iso hai que retiralas do mercado maiorista e ir a un sistema de fixación de prezos”, conclúe.

Fonte: Avantar.
_______

ADEGA, xunto con Greenpeace, FACUA, Transición Verde e Economistas Frente á Crise, esixe ás eléctricas ante os tribunais que devolvan o cobrado en exceso (entre os 1.500 e 2.800 millóns de euros), polos Custos de Transición á Competencia - Este proceso presentouse o mesmo día no que o prezo medio da luz no mercado maiorista foi un dos máis altos da historia

ADEGA, xunto con Greenpeace, FACUA, Transición Verde e Economistas Frente á Crise iniciaron os trámites para reclamar diante dos tribunais a débeda pendente de liquidar das empresas eléctricas cos consumidores/as que pode oscilar entre os 1.500 e 2.800 millóns de euros, derivada dos Custes de Transición e Competencia (CTC). Este proceso presentouse no día de onte, o mesmo día no que o prezo medio da luz no mercado maiorista foi un dos máis altos da historia, unha situación que vai seguir producíndose mentres non mude o actual sistema de mercado, e do que as grandes beneficiadas son as compañías eléctricas.

Gabeiras & Asociados representa a ADEGA no recurso ordinario sobre o Incidente de Execución da Sentenza de 18 de xullo de 2005 da Sala do Contencioso Administrativo da Audiencia Nacional -confirmada por sentenza do Tribunal Supremo de 8 de maio de 2008- en canto ao importe das plusvalías obtidas por Endesa pola venda de Electra de Viesgo a ENEL. Este é o primeiro paso deste procedemento xurídico, no que se pide que se proceda a liquidar os CTC tecnolóxicos das instalacións referidas en dita Sentenza. O exceso de CTC cobrados polas empresas eléctricas desde 1998 ata 2006 pode cifrarse nun importe global que oscila entre os 1.500 e 2.800 millóns de euros. Para determinar a cantidade exacta é necesaria a execución da Sentenza da Audiencia Nacional mencionada. As organizacións reclaman que este exceso de CTC cobrados polas empresas eléctricas debe ser reintegrado ao sistema eléctrico co destino que determinen as autoridades reguladoras, restituíndo ás persoas consumidoras de forma directa ou indirecta este exceso dos custos pagados.

Unha lei derrogada porque esixía ás eléctricas devolver os cartos cobrados en exceso

En 1997, o Goberno de Aznar aprobou a Lei do Sector Eléctrico, unha profunda reforma para incorporarse ao mercado europeo, abandonando o Marco Legal Estable e iniciando o camiño da liberalización e da competencia. Ante a posibilidade de que non se puidesen recuperar os investimentos realizados debido ás variacións da retribución con este novo sistema, creáronse os “Custos de Transición á Competencia” (CTC). O novo sistema de mercado fixo que, non só non perderan diñeiro, senón que gañaran máis do previsto e, ademais, cobraran CTC en exceso. Ningún dos distintos gobernos esixiu a devolución destes pagos, e en 2006 derrogouse a norma que obrigada a tal cumprimento. Porén, este dereito non prescribiu e polo tanto é plenamente esixible.

Lamentablemente, de novo, temos que ser a sociedade civil e as consumidoras as que reclamemos os nosos dereitos fronte os abusos das compañías eléctricas mentres as administracións públicas lles conceden inmunidade e numerosos privilexios que sitúan a cidadanía na total indefensión. Todo isto nun momento no que o prezo da luz é cada vez máis elevado e no que están inzando o noso territorio de proxectos eólicos ao máis puro estilo colonial e coa escusa (...unha delas) de abaratar os custos da electricidade para o consumidor/a... Non hai dereito!

Descargas

Execución sentenza CTC
Solicitude liquidación CTC no MITECO
Solicitude liquidación CTC no CNMV

Delegación de ADEGA
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

_______

Novo Boletín Informativo Ambiental: A eólica mariña e os proxectos de Iberdrola de San Cibrao e San Brandán no mar galego tópanse de fronte coa repulsa do sector pesqueiro...

Boletín informativo ambiental 25/06/2021

A eólica mariña e os proxectos de Iberdrola de San Cibrao e San Brandán no mar galego tópanse de fronte coa repulsa do sector pesqueiro; o Ministerio de Transición Ecolóxica segue admitindo novos macroproxectos eólicos tamén en terra e ADIF queda exonerada de toda culpa por verter ao río Sil dous vagóns de tren o pasado verán. Estas e outras novas ambientais da semana no presente boletín informativo de Radio Cerna. Escóitao! .

Queres coñecer a actualidade ambiental de Galiza? Escoita Radio Cerna!
[Boletín informativo ambiental 25/06/21]

Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

#EolicaAsiNon
#NonInvasionEolica
#GalizaContraAmezaEolica
#EolicaAsiNon
#MoratoriaEolica
#PorUnNovoModeloEolico
#RepartoXustoFondosEuropeosNextGeneration

Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
25 de junho de 2021 11:52
_______

ADEGA promove un Ciclo de 5 mesas redondas sobre enerxía eólica e os seus impactos na Galiza que comezará o vindeiro mércores 5 de maio, seguirá o resto dos mércores do mes de maio, finalizando o 2 de xuño - As tres primeiras mesas dos impactos sobre o Patrimonio, a Biodiversidade e o Socioeconómico, a cuarta coa participación dos colectivos de afectadas e a última coa participación das organizacións políticas

O mércores, 5 de maio, ADEGA dará comezo ao Ciclo de mesas redondas "Proxectos eólicos e os seus impactos na Galiza", que se celebrará todos os vindeiros mércores de maio, ata o 2 de xuño incluído. A través destas mesas de debate e reflexión ADEGA pretende analizar desde diferentes puntos de vista os impactos que poden carrexar para o noso territorio a actual enxurrada de proxectos eólicos que se está a tramitar tanto nos organismos da Xunta como do Estado. Arestora xa son máis de 130 proxectos eólicos, alén das súas infraestruturas de evacuación, os que se pretenden instalar en Galiza, e que en total suman máis de 10.000 MW de potencia en tramitación, case o triple do actualmente instalado.

Desde a asociación ecoloxista ADEGA rexeitamos este modelo de desenvolvemento eólico, entre outras razóns, por carecer dunha planificación racional e axeitada para afrontar o reto da descarbonización e do quecemento global, non ter en conta as necesidades enerxéticas de Galiza e reproducir o noso papel histórico como territorio colonizado e espoliado para a xeración de enerxía eléctrica en beneficio do grande capital e doutros territorios intensamente consumidores.

A actual carreira das empresas eólicas por chantar a súa bandeira en territorio galego está a poñer en risco, non só unha transición enerxética xusta, tamén a preservación do patrimonio cultural, da biodiversidade, a viabilidade dos sectores económicos primarios e estratéxicos, a nosa paisaxe, e demais, pode significar o golpe final para o futuro do rural galego. Todos estes impactos procedentes do actual modelo eólico serán tratados nas 5 mesas redondas previstas. Tamén se reservará espazo para coñecer e compartir as experiencias de colectivos e persoas directamente afectadas por esta nova e masiva vaga eólica que atenta contra os seus dereitos das persoas e a súa forma de vida.

Mesa 5 maio: Impactos sobre o Patrimonio

A primeira mesa redonda deste Ciclo de debate sobre a enerxía eólica e os seus impactos sobre o territorio celebrarase o mércores, 5 de maio, ás 19:30 horas e poderá visualizarse en directo desde a páxina web de ADEGA ou a súa canle de Youtube. As palestras desta mesa serán pronunciadas por:

✅ Xabier Moure, Patrimonio dos Ancares.
✅ Aurora Grandal, paleontóloga da UDC.
✅ Pilar Sánchez, O Sorriso de Daniel.
✅ Luis Leclere, Colectivo A Rula.

Modera: Xiana Iglesias, ADEGA.



Canle de Adega.

Programa Completo, información e enlaces. | Ir á Web.

ADEGA / Asociación para a defensa ecolóxica de Galiza | Avenida de Castelao, 20-Baixo 15704 Santiago de Compostela | Tlf/Fax: 981 570 099 | Email: adega@adega.gal

http://adega.gal/

#NonInvasionEolica

#GalizaContraAmezaEolica

#RepartoXustoFondosEuropeosNextGeneration

_______

Na defensa da Serra da Groba (Baixo Miño) contra a Ameaza Eólica - Colaboración audiovisual IEM e Tino Baz - A política enerxética da Xunta de Galicia é a barbarie contra o rural e o medio ambiente galego

Na defensa da 'Serra da Groba' (Baixo Miño) contra a Ameaza Eólica. Colaboración audiovisual do Instituto de Estudos Miñoráns IEM e Tino Baz - Baixo Miño.

Na Galiza esta-se producindo unha invasión eólica sen precedentes, irracional, desordenada e inxusta social e ecoloxicamente, necesitamos un modelo eólico racional, planificado sustentábel e ao servizo da sociedade.
 

Canle do Instituto de Estudos Miñoráns.

#GalizaContraAmezaEolica

#NonInvasionEolica

Relacionado en Ártabra 21

✅ Actúa contra a invasión eólica! - Enlace ao formulario para participar - Loita con nós por un modelo eólico racional, planificado sustentábel e ao servizo da sociedade - E axúdanos a parar esta barbarie contra o rural e o medio ambiente galego. | Ir á Web.

✅ Comuneiros do Cha de Brión-Doniños convocan ao tecido asociativo da Comarca ante o anuncio da instalación dun parque eólico no Monte do Cha - A reunión será o martes día 16 de marzo, ás 5 da tarde nos baixos do local da Xunta Veciñal de Doniños. | Ir á Web.
_______

Actúa contra a invasión eólica! - Enlace ao formulario para participar - Loita con nós por un modelo eólico racional, planificado sustentábel e ao servizo da sociedade - E axúdanos a parar esta barbarie contra o rural e o medio ambiente galego

ACTÚA CONTRA A INVASIÓN EÓLICA DE GALIZA!

O AMBIENTE GALEGO NECESITA dA TÚA AXUDA!

Fronte a actual invasión eólica sen precedentes, irracional, desordenada e inxusta, social e ecoloxicamente, a organización ecoloxista ADEGA pide a túa colaboración.

Loita con nós por un modelo eólico racional, planificado sustentábel e ao servizo da sociedade. E axúdanos a parar esta barbarie contra o rural e o medio ambiente galego.

ACTÚA E FAI VALER A TÚA OPINIÓN! COMO?

✅  A túa axuda é imprescindible para frear a nova vaga eólica carente de planificación.

✅  Calquera colaboración por pouca que sexa, será benvida.

✅  Non tes por que ter coñecementos especializados, só ganas de axudar.

✅  Ti decides o tempo que queres dedicar á causa.

Contamos contigo? Cubre este formulario para participar.

#NonInvasionEolica

#GalizaContraAmezaEolica

#RepartoXustoFondosEuropeosNextGeneration

ADEGA / Asociación para a defensa ecolóxica de Galiza | Avenida de Castelao, 20-Baixo 15704 Santiago de Compostela | Tlf/Fax: 981 570 099 | Email: adega@adega.gal

http://adega.gal/

Enviado por:
adegatrasancos@adega.gal
-adegatrasancos@adega.gal-
14 de abril de 2021 16:29
_______

Saqueo territorial en tempos de pandemia, ... Por Iolanda Teixeiro Rei

Por Iolanda Teixeiro Rei [*]
12.02.2021

SAQUEO TERRITORIAL EN TEMPOS DE PANDEMIA

-Teña conta, vosa mercé, que non son muíños que son xigantes. (Sancho a D.Quixote)

O risivel provén en Don Quixote de saber que non é Don Quixote, senón Quixano, quen fala e traballa. Cervantes, di Manuel Azaña, non ridiculiza o ánimo heroico senón a impotencia alucinada. Don Quixote non desiste da súa teima. Morre de cordura. Contra a opinión de Kierkegaard de que devería morrer tolo.

Talvez no actual esperpento pandémico, fora a loucura a única saída, o único relanzo onde se espellar nas augas límpidas do sanchopacismo.

O certo é que mentres as grandes distribuidoras da agroindustria intensiva arrasan cos agricultores tradicionais, gardadores da soberanía alimentaria do planeta, os confinados seguimos a ter posibilidade de mudar cada acto de consumo nun acto político revolucionario de dimensión planetaria. Cada vez que saímos do consumo das grandes áreas comerciais e supermercados tirámoslle poder a eses xigantes que se reparten a Terra. A Bill Gates de Windows, Cascada Investments, Cottonwood Ag Management e outras empresas que xa é o meirande agricultor de seu país, anque é John Malone de Liberty Media quen posúe máis de 890.000 htas de terrenos forestais, o principal terratenente dos EEUU. Cada vez que mercamos nos circuitos de cercanías deixamos de ser cómplices de Ted Turner de CNN que ten a seu nome 809.371has de terras de rancho, de Jeff Bezos de Amazon que está a se apropriar de milleiros de htas. para o que chaman eufemísticamente, agricultura de alto rendimento, na Africa subsahariana e no sul de Asia. Cada vez que mercamos por Amazon estamos colaborando co holocausto das pateras pois Bezos está investindo en cultivos resistentes ao cambio climático creando incluso razas de vacas que resistan as altas temperaturas que eles mesmos provocan cos seus produtos kilométricos.

Estamos asistindo ao secuestro do suministro mundial de alimentos xunto á biopiratería da natureza e do coñecemento como hai anos que nos vén alertando, Vandana Shiva, unha das físicas máis sobrenceiras da India. Cada mañá, cando no almorzo consumimos azúcares procesados en feitío de millo transxénico ou calquera outro cereal alterado xeneticamente estamos colaborando con estes xigantes do saqueo.

Agora mesmo, na Galiza, seguen a nos espoliar o territorio. Estanse a tramitar perto de oitenta megaproxectos de parques eólicos entre os que se atopan as poucas zonas de montaña ben conservadas que nos quedan: Nogueira de Ramuín, Montederramo, Trives, Quiroga...xoias medioambientais de O Courel, Ancares e o Macizo Central.

O activista medioambiental Marcos Celeiro calificao, con toda a razón, de pandemia eólica. Os novos muíños son aeroxeradores xigantes que cuatriplican o tamaño dos existentes colocándose en paralelo, en múltiplas liñas en áreas de cicoenta por vinte kilómetros, sen planificación algunha, arrasando o valor natural, paisaxístico e patrimonial en áreas povoadas de aldeas e vilas a destruir os ecosistemas e sistemas fluviais.

Malia os atrancos de luita nesta pandemia, estase a organizar a Rede Galega Stop Eólicos. Mais aínda cos esforzos do activismo só se conseguirá combater, segundo Celeiro, o 10% dos proxectos. Por iso é fundamental a implicación de todos. Non podemos acreditar en Teresa Rivera, a ministra-fracking de transición ecolóxica. Non podemos acreditar en Feijóo que ama tanto a nosa Terra que a agasalla a empresas norueguesas.

Teremos de luitar quixotescamente como fixeron e fan os comuneiros pola devolución dos montes en mancomún apropiados polo franquismo para os monocultivos estatais. Teremos de luitar sanchopancescamente como luitaron os beirâos portugueses polos baldios contra o saqueo do salazarismo en Quando os lobos uivam que tan literariamente nos testemuñou o grande escritor Aquilino Ribeiro.

Di a mitoloxía grega que Eolo, Guardián dos Ventos, entregoulle a Odiseo unha bulsa que os contiña todos e díxolle que mentres o colo estivera ben atado cun fío de prata todo iría ben. Mais cando quedou durmido os tripulantes desataron a bulsa coidando que era de viño e os ventos ruxiron levándose o navío por diante.

Galegos, non son tempos de nos durmir!.

[*] Iolanda Teixeiro Rei. Secretaria de organización de LiGanDo-LGD. Activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Diario Nós.

Enviado por:
Iolanda Teijeiro
-iolandateixeiro@gmail.com-
11 de fevereiro de 2021 21:59
_______

#NonInvasionEolica

#GalizaContraAmezaEolica

#RepartoXustoFondosEuropeosNextGeneration

_______

CCOO Industria amosa a súa satisfación polo acordo por unha transición enerxética xusta para centrais térmicas en situación de peche: o emprego, a industria e os territorios, mais urxe á Xunta de Galicia a avanzar na implementación dos Convenios de Transición Xusta para as comarcas de Meirama e As Pontes

CCOO INDUSTRIA GALICIA AMOSA A SÚA SATISFACCIÓN POLA SINATURA DO ACORDO POR UNHA TRANSICIÓN ENERXÉTICA XUSTA ENTRE SINDICATOS, GOBERNO CENTRAL E EMPRESAS QUE PERMITIRÁ GARANTIR O EMPREGO PARA OS TRABALLADORES E TERRITORIOS AFECTADOS POLO PECHE DAS TÉRMICAS

Ademais a Federación de Industria de CCOO en Galicia urxe á XUNTA DE GALICIA a avanzar na implementación dos Convenios de Transición Xusta para as comarcas de Meirama e As Pontes

A pasada semana materializouse o “Acordo por unha transición enerxética xusta para centrais térmicas en situación de peche: o emprego, a industria e os territorios”, que foi asinado polo Goberno central, polas compañías titulares das centrais térmicas e por los sindicatos de CCOO e UGT. Sobre este asunto, CCOO INDUSTRIA de GALICIA queremos facer as seguintes consideracións:

1. A sinatura de este acordo é froito da constantes reivindicacións que, dende o ano 2018, leva facendo esta organización esixindo un proceso de descarbonización ordenado a través da implementación dos Convenios de transición xusta para que poda ofrecer unha solución ós traballadores e traballadoras afectados de maneira directa e indirecta polo peche das centrais e ós territorios afectados.

2. Xa o pasado 2 de Outubro, o Secretario Xeral de CCOO Industria de Galicia, Víctor Ledo, arrancou este compromiso á Ministra de Transición Ecolóxica e o Reto Demográfico, Teresa Ribera e ó Conselleiro Delegado de ENDESA nunha reunión mantida en Madrid para tratar o tema do peche da central térmica de As Pontes

3. Non podemos, senón, valorar de xeito positivo a sinatura desde acordo e poñer en valor o traballo realizado desde CCOO INDUSTRIA e instamos á Xunta de Galicia a que empece a liderar este proceso na nosa Comunidade Autónoma, activando os procesos participativos comprometidos no acordo tal e como se está a facer nalgunhas outras Comunidades Autónomas como Aragón ou Asturias.

4. O mesmo tento, lle esiximos que teña en conta as propostas realizadas pola nosa organización para o impulso dunha transformación enerxética sustentada nas enerxías renovables presentadas en marzo de 2018.

Ferrol, 24 de abril.-

Víctor Ledo Suárez
CCOO de Industria – Galicia
| www.industria.ccoo.es

Secretaría de Comunicación | R/ María, 42-44, 3º | Tlfno.: 981369323 / 71337 | galicia@industria.ccoo.es

Eugenia Freire Fajardo
Resp. Organización - Gabinete Económico
CCOO Industria - Galicia
Tlf. oficina: 981.36.93.26
efreire@industria.ccoo.es

Enviado por:
MARIA EUGENIA FREIRE FAJARDO
-efreire@industria.ccoo.es-
24 de abril de 2020 13:48
_______

Por unha enerxía ao servizo do pobo galego - A recollida de sinaturas en apoio da ILP entra na súa fase final, iniciativa coa que se pretende reverter á xestión pública os saltos e aproveitamentos hidráulicos

Por unha enerxía ao servizo do pobo galego. | A recollida de sinaturas en apoio da ILP entra na súa fase final.

A recollida de sinaturas para levar ao Parlamento a ILP de “Medidas para a nova xestión dos saltos e aproveitamentos hidroeléctricos no territorio de Galiza”, impulsada pola CIG, entra na fase final. O prazo para a súa presentación remata no mes de xullo e a central sindical anima a asinala para reclamar que a Xunta de Galiza recupere as concesións dos saltos e centrais hidroeléctricas, nas concas nas que ten competencias, para fins de utilidade pública e interese social e que pase a ser xestionado directamente, ou a través de empresas mixtas, o aproveitamento público destes recursos.

O sector enerxético é estratéxico para Galiza. Temos 166 centrais hidráulicas: 121 das chamadas mini hidráulicas, de menor potencia, e outras 45 que son gran hidráulica, cunha produción, nun ano normal, de aproximadamente un 20% da total no conxunto do Estado e unha potencia instalada de 3.700 megavatios, que nos sitúa á cabeza.

A CIG defende a necesidade de poñer en marcha medidas para garantir que a enerxía sexa un auténtico servizo público

Somos pois subministradores de enerxía eléctrica para o resto do Estado e malia os custos sociais e ambientais do seu espolio, os nosos recursos non están ao servizo nin do pobo galego, nin do desenvolvemento industrial. Por iso a CIG defende a necesidade de pór en marcha iniciativas reais para garantir que sexa un auténtico servizo público que reverta no desenvolvemento económico e industrial do noso país, permita a creación de postos de traballo e combata a pobreza enerxética.

A central sindical lembra que as concesións hidráulicas son públicas e teñen que ter un final no que, segundo di a Lei de Augas, “as instalacións teñen que estar en perfecto estado de uso para que as xestione a administración pública, ben directamente, a través dunha empresa pública galega de electricidade, que sería o noso obxectivo, ou a través da administración, con empresas mistas. Pero en calquera caso xestionadas pola administración pública galega”.

Concesións desde o século XIX

Hai centrais hidráulicas cuxa concesión data do século XIX e que aínda hoxe seguen en mans privadas, logo de sufrir varias renovacións de concesións neste tempo. É o caso da concesión da central hidráulica de Fecha, no río Tambre, en Trazo, que foi concedida en 1895, s. XIX, e que vencía en 2017, pero foi ampliada en 2016 a través do subterfuxio de ampliación de potencia. Subterfuxio ao que “recorren as empresas eléctricas cando ven que lles vai rematar a concesión” e que consiste en “solicitar unha ampliación de potencia ou de caudal” para ir enlazando progresivamente os anos de concesións.

Por iso a CIG defende, a través desta ILP, reverter á xestión pública os saltos e aproveitamentos hidráulicos; a revisión de todas e cada unha das concesións galegas, para ver se están cumprindo as cláusulas establecidas nas mesmas e que, 3 anos antes de que remate unha concesión, a administración inicie xa os trámites administrativos previos para a súa reversión, evitando que regrese ao negocio privado.

O constante incremento dos prezos da electricidade “demostra que o actual marco regulatorio e tarifario común está sometido aos desexos das empresas eléctricas que actúan en réxime de oligopolio”. Así o considera o secretario xeral da CIG, Paulo Carril, quen denuncia que isto “coloca na incerteza o futuro de moitos postos de traballo, provoca o aumento de familias que non poden pagar as facturas da enerxía e impide un desenvolvemento industrial en Galiza que cree postos de traballo e free a sangría da emigración”.

O plan de peche de Alcoa para a fábrica da Coruña é para a CIG “unha das máis claras, dramáticas e actuais manifestacións” desta situación. Está en risco unha factoría con preto de 400 postos de traballo, nun sector estratéxico como o do Aluminio. Máis tamén Ferroatlántica (que teima en especular coas centrais hidroeléctricas que explota) ten formulados ERTEs e pende a ameaza sobre o complexo industrial de Alcoa San Cibrao.

Unha situación que revela a urxente e inaprazábel necesidade de contarmos cunha regulación máis xusta e equitativa, que pasa pola aprobación dun estatuto do consumidor electrointensivo que rache coa incerteza que provoca a poxa do actual sistema de interrompibilidade e que compromete o futuro e a viabilidade da nosa industria de base.

Rescate dos saltos hidráulicos

Por iso a central sindical propón a creación dunha tarifa industrial estábel, con variacións predicíbeis, á que se poidan acoller as empresas electrointensivas, baixo o cumprimento dunha serie de requisitos, que recoñeza o estatus específico deste tipo de industrias grandes consumidoras de enerxía.

Fonte: Avantar. | Baixo Licenza Creative Commons by-nc-sa/2.5.

Novas relacionadas:

➤ A CIG rexistra no Parlamento de Galiza unha ILP para rescatar para o público os saltos e aproveitamentos hidroeléctricos. - 12.11.2018

➤ A CIG impulsa unha ILP para rescatar os saltos e aproveitamentos hidráulicos para o sistema público galego. - 25.10.2018 ____________

Resolve as túas dúbidas sobre a 'Factura da Luz' e coñece que é o 'Bono Social', participando nun acto público con Adicae en Fuco Buxán, o mércores 5 de xuño, ás 7 da tarde, en Caranza, na Rúa Armada Española, 32 Baixo

Resolve
as túas dúbidas sobre a
FACTURA DA LUZ
e coñece que é o
BONO SOCIAL

MÉRCORES, 5 DE XUÑO, ÁS 19.00 HORAS
ASOCIACIÓN CULTURAL FUCO BUXÁN
En Caranza, na rúa Armada Española, 32 Baixo -Ferrol-

ADICAE - Galiza

FUNDACIÓN AXENCIA ENERXÉTICA
PROVINCIAL DA CORUÑA

Fuco Buxán A. C.

⏩ Local Social:
Rúa Armada Española, nº32 Baixo - Caranza
15406 - Ferrol

⏩ Correo-e:
fucobuxan@gmail.com

⏩ Web:
http://www.fucobuxan.net/

⏩ No facebook:
https://www.facebook.com/fucobuxan/

⏩ No twitter:
https://twitter.com/fucobuxan

Info baseada na enviada por:
susana beatriz alaníz gonzález
-sual259@hotmail.com-
27 de maio de 2019 23:25
____________

Xornada aberta de debate na Estrada: "Presente e futuro enerxético da Galiza no contexto europeo", este sábado, 23 de abril, unha xornada aberta para reflexionar sobre os actuais modelos enerxéticos, no Teatro Principal da Estrada e reunirá unha decena de relatores que analizarán a situación actual e exporán novas propostas

Xornada: "Presente e futuro enerxético da Galiza no contexto europeo" (A Estrada, Sábado 23/04). | O GUE/NGL e AGEe desenvolverán o vindeiro sábado, 23 de abril, unha xornada aberta para reflexionar sobre os actuais modelos enerxéticos. | Terá lugar no Teatro Principal da Estrada e reunirá unha decena de relatores que analizarán a situación actual e exporán novas propostas.

Dende as 10.00 e até as 19.30hrs. deste sábado 23 de abril, o Grupo Confederal da Esquerda Unitaria Europea/Esquerda Verde Nórdica (GUE/NGL), do que Alternativa Galega de Esquerda en Europa (AGEe) forma parte no Parlamento Europeo, desenvolverá a través de AGEe a xornada aberta Presente e futuro enerxético da Galiza no Contexto Europeo [1], que terá lugar no Teatro Principal da Estrada (Pontevedra).

Este espazo informativo e de encontro celebrarase a iniciativa da eurodeputada de AGEe, Lídia Senra, quen destacou que nestes momentos "estase a dar un debate moi importante a nivel da UE en relación ao modelo enerxético; Juncker quere impulsar nesta lexislatura o Mercado Único Enerxético, unha proposta que vai ter grande impacto en toda a poboación europea pero do que a cidadanía carecemos de información suficiente".

Fai apenas uns días debatiamos en sesión plenaria no Parlamento Europeo sobre a pobreza enerxética na UE, segundo os datos manexados nese debate, nalgúns estados membro o 60% da cidadanía non pode quecer a súa casa axeitadamente e o 33% está a vivir con goteiras e humidades nas paredes.

"Ao igual que o dereito á alimentación debería prevalecer por riba da productividade comercial, todas as persoas deberiamos ter garantido uns mínimos de acceso á enerxía que nos asegure unha calidade de vida óptima", reivindicou a eurodeputada galega. Sen embargo, a día de hoxe "a distorsión dos intereses de mercado é tan grande que atopamos situacións inxustificábeis como que na Galiza, un País produtor de enerxía, moitas persoas non poidan acender a calefacción todo o tempo que precisan no inverno".

Logo da APERTURA a cargo de Lídia Senra e Mar Casais -voceira de Móvete-Movemento Veciñal Estradense e concelleira na Estrada- a xornada, que contará con quenda de mañá e de tarde, estruturarase en torno a catro paneis temáticos.

Encetaremos o debate cunha reflexión sobre O MODELO ENERXÉTICO. VISIÓN GLOBAL DA SITUACIÓN ACTUAL. INSUSTENTABILIDADE E TRANSICIÓN ENERXÉTICA (10.30hrs.), introducida polo Profesor de Economía Aplicada da USC e Vicepresidente de Véspera de Nada, Xoán Doldán e polo investigador da USC e membro de Verdegaia, Miguel Pardellas. A deputada no Parlamento español por En Marea, Alexandra Fernández, será a encargada de realizar a moderación.

A través de Alfons Pérez, encargado de Monitorización das Políticas de Seguridade Enerxética da UE no Observatori del Deute en la Globalització, e ca introdución e moderación de Lídia Senra, achegarémonos á UNIÓN DA ENERXÍA (12:30hrs), como sinalabamos, unha das apostas máis controvertidas e de maior calado da Comisión Europea para a presente lexislatura [2].

A sesión de tarde centraranos no contexto e nas propostas enerxéticas a nivel galego. Será a través das Doutoras en Economía Rosa Regueiro -profesora de Economía Aplicada da Universidade da Coruña- e Natalia Fabra -profesora da Universidade Carlos III e Premio Sabadell-Herrero á investigación económica-. Este panel, que se desenvolverá baixo o título O MERCADO ELÉCTRICO NA GALIZA E NO ESTADO ESPAÑOL NO CONTEXTO EUROPEO. NORMATIVA E DÉFICIT TARIFARIO (16.00hrs), será introducido e moderado polo deputado de AGE no Parlamento Galego, Juan Fajardo.

Antón Sánchez, deputado de AGE tamén no Parlamento Galego, coordenará a derradeira mesa, que a través do título REFORMAS LEVADAS A CABO NOS ÚLTIMOS TEMPOS. OUTRAS EXPERIENCIAS DE COMERCIALIZACIÓN DENDE O COOPERATIVISMO (18:00hrs), centrarase na exposición de experiencias prácticas. Así, coñeceremos o proxecto cooperativo de orixe catalá Som Energía da man da súa presidenta, Ana Marco; e do coordinador de Som Enerxía Galiza, Daniel Espinheira. A continuación afondaremos tamén na traxectoria, obxectivos e funcionamento de Nosa Enerxía Sociedade Cooperativa Galega, que será presentada polo seu presidente, Pablo Álvarez; e o proxecto cooperativo de orixe vasca Goiener, será dado a coñecer da man do seu director, Santiago Ochoa de Eribe.

Bruxelas, 18 de Abril de 2016.

Notas.-
[1] Adxuntamos cartaz e díptico-programa. | Acceder/Baixar. | Acceder/Baixar.
[2] Información da UE: http://www.europarl.europa.eu/atyourservice/pt/displayFtu.html?ftuId=FTU_5.7.2.html; información crítica: http://www.rosalux.eu/fileadmin/user_upload/energy-union-what-is-behind-it-2015.pdf.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

Equipa de Comunicación AGEe.
lidia.senra@europarl.europa.eu

http://ageuropa.gal/

 

Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
18 de abril de 2016 16:11
__________

Entendendo o espolio - Endesa deixa un grande impacto ambiental e paisaxístico, mais á hora de tributar fai-no en Madrid onde ten a sede fiscal

Galiza funciona como unha Colonia Interior para o Estado, para exemplo Endesa, empresa que noutrora fora pública e agora está nas mans dunha corporación transnacional, a italiana Enel -unha compañía do sector da enerxía e un operador integrado líder nos mercados mundiais de electricidade e gas, focalizado nos mercados de Europa e Latinoamérica- que posúe o 70% de Endesa, mais a súa vez Enel está participada nun case 30% de capital público italiano, sobre todo a través da Cassa Depositi e Prestiti e o propio Ministerio de Economía e un outro 70% privado con microparticipacións, mais coa importante presencia de fondos internacionais de investimento, compañías de seguros e fondos de pensións.

Endesa, a través da súa térmica d'As Pontes, segue sendo unha das grandes contaminadoras do medio ambiente, tanto directamente, como indirectamente comprando o carbón indonesio, de minas a ceo aberto que destrúe os rios e a foresta de Kalimanta, na illa de Borneo.

Endesa deixa un grande impacto ambiental e paisaxístico, mais á hora de tributar fai-no en Madrid onde ten a sede fiscal, contabilizando como riqueza da comunidade autónoma de Madrid.

Necesitamos unha empresa pública galega de enerxía. Non un negocio que beneficia a uns poucos e espolia a Nosa Terra. Necesitamos soberanía para decidir Nós na nosa Terra.

Enviado:
Inácio GZ
-inaciogz@gmail.com-
9 de dezembro de 2015 18:45
__________

Marea Ártabra organiza para o próximo mércores 29 de abril, ás 19hs no Ateneo Ferrolán unha charla coloquio sobre "Municipalismo e enerxía"

Marea Ártabra organiza unha charla sobre "Municipalismo e Enerxía" no Ateneo Ferrolán o mércores 29 de Abril

Marea Ártabra organiza para o próximo mércores 29 de abril, ás 19hs no Ateneo Ferrolán unha charla coloquio sobre "Municipalismo e enerxía".

Participarán:
Manuel Ángel Rodríguez Carballeira - Coordinador do Comité Cidadá de Emerxencia para a Ría de Ferrol.
Xoán Ramón Doldán García - Prof. de Economía Aplicada e coautor da "Guía para o descenso enerxético".

---

A Marea Ártabra chega a Ferrol

Ábrese unha nova era na maneira de entender a política, o cambio chegou e novos procesos de participación cidadá estanse a dar en todos os lugares do planeta.

En Ferrol, entrado pola nosa ría, chega unha marea, un proceso cidadá para a construcción nunha nova forma de facer politica, un espazo construido desde a confluencia mais aló de siglas de partidos politicos e nomes propios.

Nace pois, unha iniciativa veciñal liberada das vellas politicas e baseada no protagonismo da xente.

A Marea Ártabra chega a Ferrol, na procura nunha novo xeito de organizar a vida da veciñanza de Ferrol, para organizar dunha maneira transparente, honesta e participativa a vida desta cidade.

É o comezo dun ciclo de participación cidadá, dun proceso para sumar, dun proceso gañador que non se conforma con gobernar, senon que nace para ilusionar a maioria social, para construirmos entre todas e todos unha cidade para o 99% da veciñanza.

WEB: Mareaartabra.gal

TWITTER: @mareaartabra | #MareaArtabra

E-MAIL: info@mareaartabra.gal

FACEBOOK: Marea Ártabra 
TEL. 633 352 131

LOCAL ELECTORAL: Rúa Rochel, nº5 e Magdalena nº14 Ferrol.

Enviado por:
MAREA ÁRTABRA
-mareaartabra@gmail.com-
28 de abril de 2015 16:33
_____________

Ivan Rivas, Fernando Branco e Xosé Manuel Golpe Acuña, participaran, en Ferrol este martes 11 de febreiro, nun Acto do BNG sobre o Sector Eléctrico e a Tarifa Eléctrica

ACTO INFORMATIVO: "O SECTOR ELÉCTRICO E A TARIFA DA LUZ"

O Bloque Nacionalista Galego -BNG, organiza este acto informativo que terá lugar o vindeiro martes, 11 de febreiro, ás 20 horas na Galería Sargadelos de Ferrol, co obxectivo de analizar, entre outras cousas, como funciona o sistema eléctrico e porque os galegos e as galegas pagamos pola electricidade igual que outras zonas do Estado cando somos produtores de enerxía.

Participarán:

• Ivan Rivas Rico | Portavoz do Grupo Municipal do BNG no Concello de Ferrol.
• Fernando Branco Parga | Ex-Deputado do BNG, foi presidente da Comisión de Industria e Enerxía no Parlamento Galego.
• Xosé Manuel Golpe Acuña | Asesor enerxético.

Así mesmo se non sabes entender a factura da luz no BNG explicámoscho.

Participa e Difunde! Entrada libre

Telf: 981.94.40.31
Fax: 981. 94.52.35
bng@ferrol.es

BNG-Ferrol
Rúa Naturista López Seoane, nº 13 baixo
15403 Ferrol
ferrol@bng-galiza.org
Telf.: 981 364 058
Fax: 981356 700
Resp. comarcal:
Mercedes Tobío Rodríguez

Web:
http://www.bng-galiza.org/ferrol/
Correo-e:
bngferrol@gmail.com
Facebook:
https://www.facebook.com/bng.ferrol
Twitter:
https://twitter.com/bngferrol


Enviado por:
BNG
-bng@ferrol.es-
10 de fevereiro de 2014 13:39
____________

Unha nova cooperativa para a xeneración e consumo de enerxía renovábel: Nace Nosa Enerxía Sociedade Cooperativa Galega

Nace a Sociedade Cooperativa Galega: 'Nosa Enerxía'

Nosa Enerxía é unha cooperativa de xeración e consumo de enerxía renovábel. A primeira cooperativa de enerxía verde na Galiza e a sexta no territorio do Estado Español.

Nosa Enerxía é o proxecto cooperativo no ámbito enerxético en Galiza. O proxecto que pretende recuperar a soberanía enerxética na Nosa Terra.

Nosa Enerxía ten por obxecto "a procura de bens e servizos para o uso ou consumo das súas persoas socias e das persoas que convivan con elas, producindo os bens e servizos que proporcionen ou adquiríndoos de terceiras persoas, así como a defensa e promoción dos dereitos dos consumidores ou consumidoras e usuarios ou usuarias".

Desde Nosa Enerxía pensan acadalo realizando as seguintes actividades:

1. Subministrar enerxía, procedente de fontes renovábeis, ás persoas socias da cooperativa.
2. Producir enerxía mediante fontes renovábeis para as persoas socias da cooperativa e para a rede eléctrica.
3. Proporcionar produtos e servizos relacionados.
4. Difundir e promover a actividade cooperativa na sociedade.

Por outra banda estas son as alternativas a nivel do territorio do, polo de agora, Reino de España que tamén traballan en proxectos cooperativos no ámbito enerxético :

Som Enerxía - A cooperativa de enerxía verde
http://www.somenergia.coop/es/
Som Enerxía cooperativa sen ánimo de lucro que comercializa enerxía 100% Verde.

Zencer - A túa enerxía.
http://www.zencer.es/
Zencer cooperativa de consumidores e usuarios de enerxía eléctrica en Andalucía.

GoiEner - Cooperativa de xeración e consumo de enerxía renovable
http://www.goiener.com/
GoiEner é unha cooperativa de consumidores/as e xeradores/as de enerxía verde que se vai xestando desde hai anos, con máis de 1000 persoas sociais, localizadas principalmente en Euskal Herria.

Ecooo - Desobendiencia solar 100.3
http://www.ecooo.es/
Ecooo empresa de non lucro onde poder participar na revolución solar. Unen persoas por unha economía real e sostíbel.

Enerpluscoop - Cooperativa
http://www.enerplus.coop/
Enerpluscoop, a primeira cooperativa de enerxías renovables de Cantabria.

Polo de agora estas son as cooperativas a nivel de estado que están procurando un novo modelo enerxético, nunha primeira fase na distribución e comercialización e nunha segunda a mesma produción, así é como se van construíndo os contrapoderes necesarios e unha nova vía de construción da economía social e solidaria, para saír do Capitalismo, amosando un novo modelo alternativo ás grandes corporacións da enerxía. Corporacións privadas que nos rouban, grandes oligopolios que nos someten e explotan, que se fixeron co que é de tod@s para facer grandes negocios, para lucrar-se uns poucos, e empobrecer-nos, aínda máis, á maioría da poboación.

A xente de 'Nosa Enerxía' presenta-se deste xeito:

"O obxectivo central que nos fixamos é converternos nunha organización de referencia no sector enerxético, ofrecendo un modelo totalmente diferente que aposte polas fontes de enerxía renovables, a promoción dos valores da economía social, a promoción do emprego, fomentar un tecido produtivo enerxético autóctono que sirva para desprendernos das técnicas de xeración de enerxía dependentes do carbono, a intercooperación, a protección do medio ambiente, a democratización do consumo enerxético e a sustentabilidade. En resumo, un actor dinámico no cambio do modelo enerxético na sociedade".

"Nosa Enerxía nace como a primeira cooperativa enerxética galega que terá por obxecto a produción, distribución e comercialización de enerxía de orixe renovable certificada, distribuíndo produtos e servizos relacionados, a un prezo competitivo e estable. Esta cooperativa promoverá proxectos de xeración de enerxía renovable de xeito distribuído e para autoconsumo, principalmente no ámbito de Galicia".

Desde Ártabra 21 damos-lles a ben vida e desexar moito suceso no proxecto cooperativo, tan necesario para o noso país e o medio ambiente. Sómemo-nos ao proxecto impulsado pola xente de 'Nosa Enerxía', axudemos e colaboremos, este é un moi bon momento. Desde o Encontro Social de Ferrol Terra e Arméria Sociedade Cooperativa Galega, deberíamos de colaborar e apoiar á xente que leva adiante este novo proxecto.

Para poñer-se en contacto:
nosaenerxia@nosaenerxia.com
Twitter:
https://twitter.com/NosaEnerxia
Facebook:
https://www.facebook.com/NosaEnerxia


Tres moi interesantes artigos de Marcos Pérez Pena en Praza Pública:

Hai outras formas de ter enerxía

".. comezou a traballar Nosa Enerxía Sociedade Cooperativa Galega, na que colaboran ao redor de 120 persoas. Neste momento buscar reunir os 3000 euros necesarios para dar de alta a cooperativa. O seu obxectico idea é darse de alta antes de que finalice este anos e xa no 2014 comezar a comercializar enerxía renovable. No actual grupo promotor actual hai unhas 17 persoas e buscan xuntar uns 30 socios promotores que acheguen uns 100 euros cada un". 02.10.2013 - [Ler máis ...]

Europa fomenta o autoconsumo enerxético e a descentralización e o Goberno español fai todo o contrario

... "En distintos lugares de España están a nacer, e a crecer con forza, cooperativas de comercialización e produción eléctrica: a vasca Goiener, a cántabra Enerplus, a andaluza Zencer, a valenciana Nercoop, ou a catalá Som Energia, con dez mil socios en todo o Estado (tamén en Galicia, onde contan cun grupo territorial). Ademais, o pasado 21 de setembro Nosa Enerxía Sociedade Cooperativa Galega celebrou a súa asemblea constituinte e escolleu o seu Consello Reitor. Trátase dunha iniciativa netamente galega, que nestes momentos traballa nos trámites administrativos necesarios para comezar a súa actividade" ... 04.10.2013 - [Ler máis ...]

A incerteza eléctrica eleva o interese polas cooperativas de enerxía

..."Neste contexto cada vez máis ollos xiran cara ás cooperativas de comercialización e produción eléctrica, coma a vasca Goiener, a cántabra Enerplus, a andaluza Zencer, a valenciana Nercoop, ou a catalá Som Energia, con dez mil socios en todo o Estado (tamén en Galicia, onde contan cun grupo territorial), ou a galega Nosa Enerxía Sociedade Cooperativa Galega. Todos eles buscan 'cambiar o modelo enerxético actual e democratizar a enerxía, consumir enerxía verde e tamén apostar pola economía social e verde'."... 23.12.2013 -  [Ler máis ...]

____________

As grandes eléctricas españolas duplican os beneficios das europeas - A mantenta do 'Tarifazo Eléctrico'

As grandes eléctricas españolas duplican os beneficios das europeas

Mentres se madura a próxima subida da luz que vai afondar en que esta enerxía se converta nunha das máis caras do continente e que máis subiron (incluíndo a subida do próximo mes de xaneiro, a electricidade pode encarecerse case un 80% na última década, profundando a crise polo medio) segue o debate do déficit tarifario e a súa posible titulización con aval do Estado, é dicir por parte de todos. As grandes empresas eléctricas xa se beneficiaron dos ingresos por custos de transición á competencia, a moratoria nuclear, as axudas ao gas, ao sector do carbón, entre outras; e todo iso na procura de máis competencia, ao compás marcado pola OCDE e as Directivas da UE, ao obxecto de lograr un mercado máis eficiente e polo tanto unha redución de custos que deberían trasladarse aos prezos.

Nun país ineficiente e mal planificado como o noso, as súas empresas eléctricas son as máis rendibles do continente

Por outra banda, non é nada evidente que a orixe do déficit tarifario, a famosa diferenza entre custo real e o calculado, que xerou unha débeda que supera actualmente os 26.000 millóns de euros, valorouse de forma correcta pois se basea en acumulacións sucesivas ao valor de orixe (Marco Legal Estable), e ademais ese valor estimativo alcanzouse a partir dos datos das propias compañías (iso si auditadas cara a dentro), aínda que logo sexa asumido polo Estado tras informe da Comisión Nacional de Enerxía e a aprobación de Ministerio de Industria, Enerxía e Turismo.

A análise completa do asunto do déficit eléctrico é extenso e atende a varias causas; aquí soamente apúntanse dúas delas por contradictorias: a alta rendibilidade das empresas españolas respecto á contorna europea e a debilidade da competencia do mercado.

A análise apóiase no recente artigo publicado na Revista de Obras Públicas dos Enxeñeiros de Camiños, Canles e Portos, no seu número de novembro 2013, no artigo de Fernández Mato, E. e Avellaner, J. "Novas actividades e negocios no sistema eléctrico: a xeración distribuída". De devandito artigo extraéronse unha serie de análise, coa autorización dos seus autores:

Alta rendibilidade

"Debe facerse constar que as nosas empresas eléctricas teñen uns ratios de rendibilidade bastante superiores á das súas homólogas europeas. Non é lóxico que no noso país, coa crise económica que estamos soportando, todas as grandes empresas eléctricas españolas sigan tendo máis beneficios que as grandes empresas europeas".

Falta de control

"A benevolencia do regulador coas empresas eléctricas demóstrase na falta de control e a xenerosidade nos criterios de fixación de tarifas: malia a liberalización teórica, polo menos no 50 % son prezos regulados para remunerar investimentos en xeración, transporte, distribución, ademais dos custos de transición á competencia,a moratoria nuclear, 30 anos logo da decisión, e o incentivo ao carbón nacional.

A comparación dos parámetros de rendibilidade resumiuse no cadro achego que recolle as facturacións, os Ebitda, (é dicir, o resultado empresarial antes de: intereses, impostos, depreciacións e amortizaciones produtivas) e os resultados das principais empresas españolas e europeas; no que se pode ver que nun país ineficiente e mal planificado como o noso, as súas empresas eléctricas son as máis rendibles do continente".

O cadro e o texto extraéronse do artigo publicado na Revista de Obras Públicas de novembro 2013, e do artigo: "Novas actividades e negocios no sistema eléctrico: a xeración distribuída", con permiso dos seus autores.

Media semestral das empresas analizadas. Periodo 2011, 2012 e primeiro semestre de 2013.
Clicar na imaxe para ampliar

No cadro obsérvase como as compañías españolas obteñen resultados de facturación en porcentaxe, moito maiores que as empresas europeas, con resultados finais (en euros) similares e ata maiores que as empresas europeas. Os resultados antes de impostos Ebidta tamén son moito maiores (excepto no caso de EDF que son similares). É dicir beneficios moi importantes nestes anos de profunda crise.

As causas que sinalan os autores no artigo sobre o mercado son: áreas de actividade máis amplas e competitivas baseadas en fortes interconexións físicas e económicas; maior fortaleza e participación das asociacións de consumidores, etc. Pero ademais cabería sinalar, entre outros, a errónea planificación empresarial e a deficiencia de supervisión da Administración, ao longo de máis dunha década e que levou ao sistema a alcanzar: un sobre-equipamento termoeléctrico inasumible, pola carga financeira que introduce no mercado, amplificado pola necesidade de levar a cabo un novo ciclo de investimento tecnolóxico avanzada no parque operativo termoeléctrico, ademais de dispoñer dun nivel de diversificación (índice de Shanon-Wiener) desaxustado; e, finalmente, unhas perdas do sistema inaceptables.

En conclusión unha mestura explosiva de ineficiencia e ineficacia aflora neste sector. Todas estas cuestións técnicas anotadas poderán ser ou non discutibles en canto á intensidade da mesma e o seu peso no resultado final dos prezos, pero sumadas ao cadro económico-financeiro presentado anteriormente sinalan unha perda moi importante do histórico posicionamento de excelencia que a industria eléctrica española asumiu en ciclos anteriores e que serviu de motor da economía española e un intento por manter as rendibilidades aos accionistas a base de prezos altos. Esta situación require tomar decisións importantes tanto ao lado público como ao lado privado, e con carácter inmediato, a fin de recuperar o pulso que a Sociedade demanda dela en beneficio da propia Sociedade.

Competencia cuestiona a poxa do 19 de decembro

Por Redacción web Diagonal

A poxa celebrada o 19 de decembro estableceu unha subida media do 11% das tarifas eléctricas a partir de xaneiro. O impacto da noticia levou á Comisión Nacional dos Mercados e a Competencia a invalidar póxaa Cesur pola concurrencia de "circunstancias atípicas". Nas próximas horas, Industria tense que pronunciar sobre un incremento na tarifa de último recurso que incrementa de novo un recibo que subiu un 80% desde o comezo da crise.

Artigos relacionados:

• Dez empresas emiten o 65% do CO2 procedente de sectores industriais e energéticos de España.
• A reforma energética do Goberno cambia as regras do xogo eléctrico (só para algúns).
• 55.000 familias xeran xa a súa propia enerxía

Publicado por Juan Avellaner e Fernando Prieto no xornal Diagonal | 20.12.2013
_____________________