O Movemento Social de Ferrol Terra en apoio de Alternativa Galega de Esquerda realizou a súa segunda Asemblea

O Movemento Social de Ferrol Terra en apoio de Alternativa Galega de Esquerda realizou a súa segunda Asemblea, onde analizou os resultados das pasadas eleccións galegas do 21O, acordou un apoio activo á Folga Xeral do 14N e decidiu como se autoconvoca.

Crónica aproximada da II Asemblea Popular do Movemento Social de Ferrol Terra

A II Asemblea Popular do Movemento Social de Ferrol Terra en apoio á coalición de Alternativa Galega de Esquerda, reuniu no Auditorio de Narón a 72 persoas vinculadas aos movementos veciñais, sindical, feminista, ecoloxista e cultural. Unha asemblea que comezou elixindo ás dúas persoas, un home e unha muller, que coordinaron o desenvolvemento da mesma, que transcorreu desde ás oito da tarde ás dez da noite.

1º No primeiro punto da orde do día figuraba a análise dos resultados electorais. Todas as intervencións lamentaban non ter conseguido o primeiro dos obxectivos da coalición que era ter arrincado a maioría absoluta ao PP. Mais tamén se sinalaba que esta maioría absoluta se tiña acadado con tan só o 24% dos votos posíbeis, ao que hai que sumar a perda de mais de 135.000 votos, ao respecto das pasadas eleccións galegas celebradas en 2009. Todos estes factores, fan que o próximo goberno da Xunta parta de escaso apoio popular (unha minoría dunha persoa de cada catro). Comentouse tamén a perda de apoio dos partidos da oposición (Psoe-Bng), mais de 350.000 votos que, ademais da febleza da súa oposición na anterior lexislatura, sumaron, nas formas na campaña electoral, cunha homologáción co PP, sendo este o maior beneficiado. Sinalouse tamén a nosa incapacidade para conectar cos mais de 70.000 votos nulos e brancos que mostraron doutro xeito a indignación cidadá, e a incapacidade para frear o aumento da abstención (Dos case medio millóns de votos que perderon os partidos que se sentaban nas bancadas do Horreo, a grande maioría foron para a abstención e o voto nulo e branco).

Resaltáronse os valores da Alternativa Galega de Esquerda que fixeron posible os resultados tan positivos en tempo récord de: a xenerosidade para unirse as catro formacións políticas; a activación dun sector da cidadanía máis consciente en apoio ao proxecto; o papel das redes sociais para canalizar ese apoio e amplificar a mensaxe; o papel de Beiras, xunto a moitas outras persoas, que souberon explicar o proxecto de AGE, que é moito máis que unha proposta programática.

En todas as intervencións insistíase na necesidade de afortalar e ampliar a coalición; de constituír, o grupo parlamentar, como un poder obediente á cidadanía e á súa expresión organizada, os movementos sociais; de non defraudar ás esperanzas da cidadanía e construír as ferramentas que posibiliten a organización popular ao redor deste proxecto.

2º No segundo punto da orde do dia analizouse a convocatoria de Folga Xeral do 14N e o papel que esta asemblea debera cumprir neste proceso. En todas as intervencións falouse do apoio á unidade sindical; de como afrontar a ofensiva de ameazas e represalias que as traballadoras e traballadores van sufrir no posto de traballo se queren secundar a convocatoria; da necesidade de incorporar a esta mobilización a autónomos, desempregados e desempregadas, e outros sectores sociais, que están a sufrir as consecuencias das políticas neoliberais, e de como non están aínda suficientemente explicadas as razóns para esta Folga.

Aprobouse a iniciativa de solicitar dos sindicatos a convocatoria urxente na comarca da rede Alianza Social Galega, para canalizar a colaboración e apoio aos sindicatos do movemento social e cumprir os obxectivos da Folga Xeral do 14N en Ferrol Terra. De efectivizar este acordo quedou encargada unha pequena comisión de persoas vinculadas ao movemento sindical.

3º Por último acordouse que as persoas que convocaron esta segunda asemblea, xunto ás que se sumaron na propia asemblea, fagan, despois do 14N unha nova convocatoria.

Narón, a 2 de novembro de 2012

A Comisión para convocar a seguinte Asemblea quedou constituída por:

Rafael Pillado, Lupe Ces, Suso Díaz, Elena Casal, César Pena, Lucia Vizoso, Miguel López, Carlos Varela, Suso Pazos, Lalán, Alexandre Carrodeguas, André M. Ces, Daniel A. Martínez, Marcelo R. Serantes, Pablo Portero, Paula Meizoso, Inácio Martínez e Mel Sanxoan.

***
Nota 1.- Esta Comisión tería só por obxecto: acordar día, hora e lugar da vindeira Asemblea, fixar os seus obxectivos  e elaborar a proposta de orde do día.

Nota 2.-Quen observe que se omitiron, ao seu parecer, asuntos significativos tratados na Asemblea que faga a súa contribución enviando un correo a:

asemblea.apoio.alternativa@gmail.com

--

ASEMBLEA DE SENTINELAS DO MANDATO POPULAR

Asemblea do Movemento Social de Ferrolterra en apoio á candidatura de Alternativa Galega de Esquerda

Correo-e:
asemblea.apoio.alternativa@gmail.com

Blogue:
http://asembleadeferrolterra.blogspot.com

**

Enviado por:
Asemblea Popular Alternativa
-asemblea.apoio.alternativa@gmail.com-
3 de novembro de 2012 19:57
_________________

Temos a enerxía para combater o cambio climático, ... Por Amy Goodman

Por Amy Goodman [*]
03.11.2012

Millóns de vítimas do furacán Sandy quedáronse sen enerxía eléctrica, pero aínda teñen a enerxía para enfrontar o cambio climático. Os medios omiten sistematicamente o vínculo entre os eventos climáticos extremos e o arrequecemento global. Como consecuencia desta catástrofe, a xente estase dando conta, cada vez máis, de que o clima cambiou e que as consecuencias diso son nefastas.

O Dr. Jeff Masters, meteorólogo fundador do sitio web de meteorología Weather Underground, é a excepción á regra. Mentres Sandy azoutaba a Costa Este de Estados Unidos, pregunteille a Masters achega do impacto que ten o cambio climático nos furacáns. "Cando aumenta moito a temperatura dos océanos, hai máis enerxía con potencial destrutivo. Os furacáns toman a calor do océano e convérteno na enerxía cinética dos seus ventos", afirmou.

O blog de Masters tivo tanto éxito que foi adquirido pola cadea The Weather Channel. Mentres o furacán Sandy avanzaba pola costa cara ao norte, Masters dicíame: "Ao aumentar a temperatura dos océanos, a tempada de furacáns faise máis longa. Na última década houbo sobradas probas de que a tempada de furacáns estase facendo cada vez máis longa, comeza antes e termina máis tarde. Entón é máis probable que se produza unha situación deste tipo, na que unha tormenta de finais de outubro atópase cun sistema de baixa presión típico do inverno e prodúcese esta inusual combinación do choque entre unha forte tormenta que vén do nordés do continente e un furacán que vén da costa. Isto provoca todo tipo de efectos destrutivos".

Mitt Romney debe estar arrepentido de realizar o seguinte comentario sarcástico durante o seu discurso na Convención Nacional Republicana, días despois de que o furacán Isaac estivese preto de azoutar Tampa, Florida, onde se desenvolveu o evento: "O Presidente Obama prometeu que frearía o aumento do nivel dos océanos e que curaría ao planeta. Eu prométolles que os axudarei a vostedes e ás súas familias". Romney sacoulles unha gran gargallada a quen estaban presentes para nomealo como candidato á presidencia. Ninguén se está rindo agora. As vítimas fatais do furacán Sandy en Estados Unidos ascenden a máis de 98, e 8 millóns de persoas quedáronse sen electricidade. Os cálculos iniciais estimaron o custo do dano en decenas de miles de millóns de dólares.

Esta recente postura de Romney con respecto ao cambio climático non é para nada sorprendente, xa que é coherente co seu xiro á dereita, que marca un afastamento das súas posicións anteriores. En 2007 dixo no programa de CNBC -Kudlow and Company: "Pero hai algo acerca do que non teño dúbidas, o planeta estase quentando e hai moitos motivos para utilizar menos enerxía e facelo ademais en forma máis eficiente e para desenvolver as nosas propias fontes de enerxía no país que nos permitan ser máis independentes das fontes estranxeiras".

Tampouco deberiamos restarlle responsabilidade ao Presidente Barack Obama. Recorden os debates presidenciais, onde fixo alarde de ser un promotor dos combustibles fósiles. "A produción petroleira está en aumento, a produción de gas natural está en aumento", afirmou no segundo debate, realizado na Universidade de Hofstra. "Apoio os oleodutos e a produción petroleira". O cambio climático non foi mencionado en ningún dos debates presidenciais, nin sequera unha vez, nin polos candidatos á presidencia dos principais partidos, nin polos moderadores do debate.

Masters atribúe a falta de debate ao poderoso lobby da industria dos combustibles fósiles: "Estámonos referindo ao sector do gas e do petróleo...practicamente a base da economía industrializada. Con este tipo de tormentas, a xente espabilará algún día e dirá: 'Que está ocorrendo ...Quizá non deberiamos xogar coas forzas que fan posible que vivamos no planeta Terra'. ... É necesario que empecemos a pensar na auto-preservación canto antes. Isto é tan só o comezo. Estamos en 2012, que sucederá en 2030 se xa estamos sendo testemuñas de tormentas como esta?"

ThinkProgress analizou 94 noticias publicadas nos principais xornais na semana previa á gran tormenta. O cambio climático non foi mencionado nin unha soa vez. Un informe de 600 páxinas publicado en novembro de 2011 pola Autoridade de Investigación e Desenvolvemento Enerxético do Estado de Nova York avalía en detalle os posibles efectos do cambio climático en cada aspecto do estado. O resumo brinda unha longa lista de desastres que probablemente afecten ao Estado de Nova York nos próximos anos: de inundacións a secas, do aumento do nivel do mar que provocará o desprazamento de comunidades enteiras á inundación de todo o sistema de trens subterráneos da cidade de Nova York. Sóalles coñecido?

Mentres se restablece a enerxía ás millóns de persoas que quedaron sen electricidade, hai unha enerxía que non nos poden quitar. Trátase do poder de decidir, en particular agora que se achegan as eleccións: que o problema do cambio climático e o que podemos facer respecto diso xamais volva excluírse do debate nacional.

Publicado o 2 de Novembro de 2012 en Democracy Now!

Denis Moynihan colaborou na produción xornalística desta columna.

© 2012 Amy Goodman

Texto en inglés traducido por Mercés Camps. Edición: María Eva Blotta e Democracy Now! en español, spanish@democracynow.org

Amy Goodman é a condutora de Democracy Now!, un noticiario internacional que se emite diariamente en máis de 550 emisoras de radio e televisión en inglés e en máis de 350 en español. É co-autora do libro "Os que loitan contra o sistema: Heroes ordinarios en tempos extraordinarios en Estados Unidos", editado por Le Monde Diplomatique Cono Sur.

Escoitar

-Audio en español-
_____________

Texto traducido, ao Galego, por Ártabra 21, apoiando-se nos recursos públicos de tecnoloxía lingüística desenvolvidos polo o Seminario de Lingüística Informática (SLI) da Universidade de Vigo.  

Enlaces de interese:

• Democracy Now!
  http://www.democracynow.org/
• Difundindo Democracy Now! desde Galiza
  http://democracia-xa.blogspot.com/

Enviado por:

"Democracy Now!"

-boletin@democracynow.org-

2 de novembro de 2012 22:18

____________

O Colectivo de Cidadáns 'Acción Directa de Recuperación de Espazos Públicos' dá por rematado o traballo comunitario de recuperación do Castelo de San Cristovo

Traballo rematado na Batería de San Cristovo por parte do Colectivo de Cidadáns 'Acción Directa de Recuperación de Espazos Públicos'

Tal como anunciamos, damos por finalizadas os labores de limpeza na Batería de San Cristovo. Os traballos nesta fortaleza consistiron na limpeza do miradoiro exterior, interior da fortaleza, limpeza de muros, roza dun corredor circundante, e amoreado da maleza.

A pesar de dar por finalizadas as xornadas de traballo en San Cristovo, vari@s compañeir@s do colectivo seguirán asistindo días alternos por semana co fin de erradicar por completo a hedra dos muros.

O próximo sábado comezaremos a recuperación doutro espazo público de Ferrol en estado de abandono.

Malia a apatía e desconsideración demostrada por parte do goberno municipal, pois non obtivemos resposta ao noso escrito entregado por rexistro, nin retiraron os restos de maleza que solicitamos, non desistiremos no noso empeño de parar o despilfarro previsto para a Praza de España de 700.000 euros de diñeiro público, queremos que ese diñeiro se destine á contratación de desempregad@s en contratos de media xornada, e en función dá carga familiar ou precariedade que poidan estar a pasar.

Eses 700.000 euros investidos na creación destes postos de traballo repercutirían na recuperación dá natureza, paraxes e patrimonio dá cidade, á parte de xerar un beneficio adicional para o comercio dá nosa cidade, que ben necesitado que está.

Para máis información, pode-se visitar o Blogue ou as contas nas redes sociais, tamén facilitamos os teléfonos e correo-e.

Calquera cidadán ou cidadá que queira sumarse a estas tarefas solidarias só ten que comunica-lo.

--
e-mail: recuperacióndeespazospúblicos@gmail.com

Teléfonos: 620 312 992 - 637 567 497

O noso blogue: http://recuperaciondeespazospublicos.blogspot.com.es/   é un Diario que recolle a nosa traxectoria, serve de difusión de próximas accións e faise eco doutros exemplos solidarios e comunitarios que están a suceder na bisbarra.

Facebook: https://www.facebook.com/groups/444525015569821/
________________

Altos cargos da Xunta con 'carrito', e non como Gordillo

O mércores 24 de outubro en 'La Voz de Galicia' na sección' 'El pulso de la ciudad' , asinada por Pablo Portabales, aparecía a seguinte noticia:

"Imaxínense, coa que está caendo, ter unha chea de fillos. É o caso da familia Vidal-Pardo Lado, que teñen tres nenos pequenos, e que onte recibiu no Hipercor de Marineda unha axuda en forma de carro da compra con produtos de primeira necesidade cedidos por empresas da comunidade e valorado en 300 euros. Todo grazas ao programa obxectivo 2000, posto en marcha polo Corte Inglés e AGAFAN (Asociación Galega de Familias Numerosas)".

Dado as penurias que está pasando a maioría da poboación, unha congratúlase do premio, aínda que vendo a foto non se sabe quen é o afortunado e quen o representante do Corte Inglés. A cousa cambia se se descobre que os agraciados son nin máis nin menos que José Vidal Pardo, Secretario Xeral da Consellería do Medio Rural e do Mar, e a súa esposa Cayetana Lado Castro-Rial Directora Xeral da Asesoría Xurídica da Xunta de Galicia, non baixan entre ambos dos 8.000 euros mensuais.

Con información deste tipo non é de estrañar que a prensa estea en crise, o incríbel é que non entre en barrena. Alguén dixo que non hai que deixar que a realidade estrague unha boa historia, niso estaría pensando o autor ao dar semellante información. Ler o xornal ultimamente é entrar nunha realidade Matrix total.
Chama tamén a atención que con millóns de parados, lles vaia a tocar o carriño a altos cargos da Xunta, están tocados polos deuses.

De vivir Luís Carandell seguro que incluiría a noticia na súa Celtiberia Show.

Outros cargos de José Vidal- Pardo
http://es.linkedin.com/pub/francisco-vidal-pardo/49/953/1

Perfil de Cayetana Lado Castro- Real
http://es.linkedin.com/pub/cayetana-lado-castro-rial/56/aa9/22b
http://www.pladesemapesga.com/index.php?name=News&file=article&sid=39819
http://www.semanaverde.es/html/es/institucion-ferial/patronato.html

Recomendamos ir ao Blogue de Ángeles García Portela, onde está a noticia orixinal, onde hai interesantes comentarios. Como tamén nas webs onde se reproduce a noticia, con interesantes comentarios:

http://exvoz.canalblog.com

http://www.galiciaconfidencial.com

Fonte: angelesgarciaportela.com
________________

Oposición veciñal a que un edificio público, o Antigo Hospicio, reconstruído na súa totalidade con diñeiro público, se ceda, en parte, para unha Asociación de Empresarios

Desde a Asociación Veciñal de Esteiro queremos manifestar a nosa total oposición a que un edificio público, o Antigo Hospicio, reconstruído na súa totalidade  con diñeiro público, se ceda, en parte, para unha Asociación de Empresarios, que non puxo nin un euro para a súa rehabilitación que foi sufragada pola Xunta de Galicia, Deputación da Coruña , Concello de Ferrol e o Plan Urban. As condicións de cesión non se saben, cando menos non son  públicas, nin por canto tempo, nin a que prezo. Tamén se lle van a subvencionar os cursos que se impartan por parte de esa Asociación de Empresarios?. Nos cursos que se impartan hai compromiso de colocación para os asistentes que superen o curso?. Por qué esa Asociación de Empresarios non aluga un local, dos moitos que hai baleiros e imparte neles os cursos? Onde foi o proxecto de facer o Centro de Formación de Hostalería na Feira de Mostras?. Pensa o Concello de Ferrol ceder este ou outros locales públicos a outras Asociacións de Empresarios?.

Mentres se cede unha parte dun edificio pùblico a  Asociación de Empresarios de Hostalería (por definiciòn con ánimo de lucro) se crea un conflito co Ateneo Ferrolán, ocupando unha parte do seu local coa Asociación de Veciños do Centro e coa Sociedade Artística Ferrolán. Quen o entende? Por que, en lugar de cederllo a Asociación de Empresarios de Hostalería, que repetimos non puxeron nada para a súa rehabilitación, non se lles cede a estas dúas entidades, ou a  outras moitas entidades de carácter social, sen ánimo de lucro que non teñen aínda local para desenvolver as súas actividades?. Vaise privatizar a xestión do antigo Hospicio como se fixo co Jofre, Torrente, etc.?

Reiterar a nosa oposición total a esa cesión.

http://www.lavozdegalicia.es/

http://www.diariodeferrol.com

Xunta Directiva da AV de Esteiro

Local Veciñal:
Rúa Fernando VI,
Bloque I baixo
Ferrol -15403
Telef. 981933223
avesteiro@galicia.com
http://avesteiro.blogspot.com/




Enviado por:
avesteiro
-avesteiro@galicia.com-
2 de novembro de 2012 17:43
_____________

Enlace de interese:

PROXECTO DE REHABILITACIÓN DO ANTIGO HOSPICIO MUNICIPAL SITUADO NO BARRIO DA MAGDALENA
________________

Con Reganosa de fondo: un camión cisterna cargado con gas explota e deixa 22 mortos e 111 feridos en Riyadh, capital de Arabia Saudí

Ante estes sucesos é inevitábel lembrar que da Planta de Gas de Reganosa, en Mugardos, sae un tráfico frecuente de camións cisterna, que atravesan unha comarca densamente poboada. Unha ameaza máis, como o tráfico dos gaseiros na Ría, por mor da localización ilegal da Planta, perigo permanente para toda a cidadanía da comarca.

Destacamos que oito concellos da Galiza utilizan plantas satélite de GNL, ás que o combustible chega por medio de camións cisterna cargados en Mugardos. Dos máis de 2.000 camións que xa levan saído da terminal de Mugardos, dous terzos deles foron para fora de Galiza. Todo este tránsito de camións cisterna entraña un grave perigo.

O pasado 23 de Abril, tivo que ser cortada a autovía A-6 n'As Nogais ao envorcar, un camión cisterna cargado de gas natural licuado -LNG-GNL que ía en sentido de Madrid, procedente do cargadeiro de cisternas de Reganosa, en Mugardos. O tránsito foi desviado á estrada N-VI. Foron mobilizados, os Bombeiros de Sarria e o Grumir de Becerreá, ante unha pequena fuga que presentaba a cisterna. Ademais foron desaloxadas varias casas e cortada a autovía nos dou sentidos, segundo informacións do sevizo de emerxencias 112 que foi o recibiu o aviso do envorco do camión no quilómetro 441 da A-6 ao seu paso polas Nogais, preto da entrada do túnel de Doncos. O cinturon de seguridade foi de 600 metros.

En Riyadh, capital de Arabia Saudí: Vinte e dúas persoas morreron e 111 resultaron feridas

O estalido tras o choque afectou a un viaduto, multitude de vehículos e varias casas de Riyadh. en  Arabia Saudita

Vinte e dúas persoas morreron e 111 resultaron feridas, segundo a información dun responsable da Defensa Civil, logo de que nun accidente de estrada en Riyadh un camión tanque que transportaba gas explotou logo de chocar contra unha das estruturas dunha ponte.

O balance da explosión na capital de Arabia Saudita e tamén a cidade máis activa comercial e economicamente do país, "elevouse a 22 mortos e 111 feridos", declarou o responsable.

Un balance anterior, obtido de fontes da Defensa Civil, informaba de 14 mortos e 60 feridos neste accidente que se produciu nunha estrada do leste da capital saudita.

O portavoz da Defensa Civil en Riyadh, Mohamed al Hamadi, citado pola axencia oficial SPA, explicou que a explosión tivo lugar logo dunha fuga de gas do camión tanque, provocada polo accidente.

"Unha explosión e un incendio producíronse logo dunha fuga de gas que se propagou polo sector. Rexistráronse importantes desfeitas, ademais de varios accidentes de estrada", engadiu Hamadi, quen aduciu que ademais dos falecidos había "varias vítimas" con múltiples feridas.

Hamadi indicou que un área próxima, onde había maquinaria de construción, resultou severamente danada.

"Debido a un accidente de estrada, un camión tanque que transportaba gas incendiouse", logo de "chocar contra unha ponte", indicara antes á AFP unha fonte dos servizos de seguridade sauditas.

"É normal que a explosión dun camión tanque que transporta carburante incendie todo o que lle rodea", engadiu esta fonte.

Un fotógrafo da AFP puido comprobar que os equipos da Defensa Civil evacuaban a dous corpos carbonizados no lugar do incendio.

Un primeiro reporte contabilizou en decenas os coches que quedaron danados logo de haberse incendiado.

A explosión alcanzou tamén aos edificios próximos que resultaron seriamente danados.

Segundo as testemuñas, no momento do accidente un autobús prendeuse lume e quedou bloqueado na metade dunha ponte, mentres que un camión caeu do viaduto debido ao estalido, indicaron testemuñas.

En Riyadh, poboada por cinco millóns de habitantes, o panorama que deixou o estalido devolveu á memoria dos seus habitantes o recordo dun pasado de guerras.

O viaduto foi pechado temporalmente á circulación, logo de que o impacto desestabilizou a súa estrutura, mentres que os barrios situados ao redor do estalido ofrecían unha imaxe desoladora con vehículos danados ou queimados e restos de cristais, pedras e metais regados polo chan.

Diversas fontes: expreso.ec, teinteresa.es, edition.cnn.com (fotos e vídeo), gmanetwork.com.


Enlace de referencia:

Ártabra 21: Accidente dun camión cisterna cargado con gas natural licuado LNG/GNL, na autovia A-6 no termino municipal de As Nogais - O Camión procedía da Plante de Gas de Reganosa, en Mugardos

•  POLA DEFENSA DA VIDA, A NOSA SEGURIDADE E A RÍA  !!
•  CESE DA ACTIVIDADE E DESMANTELAMENTO DE REGANOSA  !!
•  PLANTA DE GAS FORA DA RÍA   !!

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

Tamén en Twitter :  @ComitCEmerxenc

Información baseada na enviada por:
Comité Cidadán de Emerxencia
-comitecidadan@gmail.com-
2 de novembro de 2012 20:21
______________

Convocatoria da II Asemblea do Movemento Social de Ferrolterra en apoio de Alternativa Galega de Esquerda - Venres 2 de Novembro - Auditorio da Praza de Galicia do Concello de Narón

II Asemblea do Movemento Social de Ferrolterra en apoio de Alternativa Galega de Esquerda

O pasado 28 de setembro, o Centro Cívico Carvalho Calero, acollía a celebración dunha asemblea de cidadáns e cidadás, activistas do movemento social de Ferrolterra, en apoio á candidatura de Alternativa Galega de Esquerda.

Como resultado desta asemblea, asinábase un manifesto onde, ademais de amosar as razóns deste apoio, a propia asemblea convertíase en sentinela do mandato popular.

Criábase así un espazo de reflexión e activismo político, fora das estruturas das organizacións políticas, de participación directa da cidadanía e confluencia das distintas opcións e visións que apoian a Alternativa Galega de Esquerda.

As persoas abaixo asinantes, que participamos nesta primeira Asemblea, tomamos a iniciativa de convocar unha segunda Asemblea no Auditorio da Praza de Galicia do Concello de Narón (situado na mesma praza onde está o Centro de Saúde, a mesma Casa do Concello e enriba dun centro comercial), para o venres 2 de novembro ás 20hs, coa seguinte orde do dia:

1. Análise dos resultados electorais e perspectivas de futuro.
2. A Folga Xeral o 14 de novembro.
3. Propostas de auto-organización da Asemblea do Movemento Social.

En Ferrol, a 27 de outubro de 2012

Asinan esta convocatoria: Rafael Pillado, Lupe Ces, Suso Díaz, Elena Casal, César Pena, Lucia Vizoso, Miguel López, Suso Pazos, Lalán, Alexandre Carrodeguas, André M. Ces, Daniel A. Martínez, Marcelo R. Serantes, Pablo Portero, Paula Meizoso, Inácio Martínez, ...

ESPALLA E DIFUNDE !!

Contacto:

ASEMBLEA DE SENTINELAS DO MANDATO POPULAR

Asemblea do Movemento Social de Ferrolterra en apoio á candidatura da Alternativa Galega de Esquerda

Correo-e:
asemblea.apoio.alternativa@gmail.com

Blogue:
http://asembleadeferrolterra.blogspot.com
---

Concentraçom em Ferrol - Sílvia em Liberdade - A Audiência Nacional ordena ingresso em prisom para Júlio

Na manha do 1 de novembro o independentista detido esta semana numha montagem policial, sem precedentes nos últimos tempos, passou a declarar diante do juíz Eloy Velasco, quem ordenou o seu ingresso em prisom sem fiança. Júlio foi trasladado á prisom de Soto del Real. A incomunicaçom prolongou-se até a declaraçom diante do juíz, onde nom puido estar presente o seu avogado, e na que nom declarou.

Segundo nos relataron os avogados das pessoas detidas, a prova pola que enviam á prisom ao Júlio é umha carta que aparecera num registro policial num domicílio na operaçom do 30 de novembro do pasado ano. Este documento está escrito a mám, e aínda que nom está asinado mais que pola legenda DMQE (denantes mortos que escravos), é atríbuido pola investigaçom ao Júlio. Neste texto, supostamente segundo a versom policial, se relatava o estado das contas de Resistência Galega naquela altura.

Montagem policial

Neste caso, e já que sería escandaloso de mais que, depois da operaçom policial, ficaram as dúas pessoas detidas em liberdade, o Júlio é enviado a prisom, por ser o suposto autor desta missiva.

Liberdade sem fiança para Silvia

Silvia declarou também esta manha diante do juíz, que lhe mantém a imputaçom de colaboraçom com banda armada, mas é mui provável que na próxima semana deixe de estar imputada neste processo judicial.

Os dous independentistas relatarom-lhes aos avogados que o trato fora correcto nas dependencias policiais, mas no traslado de carro de Ferrol a Madrid, a Silvia figérom-lhe um interrrogatorio agresivo as policias que a acompanharom na viagem, submetendo-a a pressom psicológica, e ameaçando-a co seu ingresso em prisom.

Umha prova mais da montagem policial é o facto de que na noite da detençom de Silvia e Júlio, os Policias lhe advertiram a Silvia que colhera cartos para o autocarro ou comboio de volta desde Madrid. Isto mostra que desde o primeiro momento conheciam a febleza das suas acusaçons neste caso.

Fonte: galizalivre.org

Hoje, Quinta-Feira, 1 de Novembro, às 20:00 horas concentraçom na Praça Amada Garcia, de Ferrol, dinte do edifício administrativo da Xunta de Galicia, para fazer-lhe um recebimento a Sílvia e pedir a liberdade para Júlio. Acto organizado por Ceivar.

Enviado por:
Inacio Martinez
-inaciogz@gmail.com-
1 de novembro de 2012 18:15
_______________

Silvia, arma de guerra? ... Por Lupe Ces

Por Lupe Ces [*]
30.10.2012

Quem me conhece sabe da minha posiçom radical contra o uso da violência como arma política. Posiçom que vem, nom só dumha reflexom política, um enraizamento da cultura da paz na minha vida, e um compromisso ético, senom também dumha dura experiência pessoal. Em muitos foros tenho denunciado a irresponsabilidade e veemência, por nom dizer demência, das pessoas responsáveis de certos posicionamentos políticos enfermiços que tenhem a violência como principio e fim, carregando geraçom tras geraçom a un bo feixe de moços e moças, que amam o país que habitam, tras os muros das prisons.

A detençom de duas pessoas em Ferrol, Júlio Saians e Silvia Casal, moi conhecidos entre os círculos culturais, nacionalistas e independentistas da cidade, obriga-me a premer as teclas do computador para pôr terra por medio, nom coas pessoas detidas, senom para afastar-me e condear a operaçom policial que se desenvolveu na nossa cidade.

Desde as pessoas que lhes som próximas, chega o relato da vulneraçom dos seus direitos. Ilhamento, traslado a centos de quilómetros da sua casa, manipulaçom da sua imagem pública nos médios de comunicaçom, vulneraçom do direito à presunçom de inocência... e todo por umhas acusaçons que o proprio Ministerio do Interior na súa pagina web, apenas é quem de redactar.

Hai ademais um bebê de oito meses que é separado da sua nai lactante. E é o caso de Silvia, onde mais claramente se manifesta a desproporçom da acçom policial. Na Marcha Mundial das Mulheres, temos escoitado muitas vezes o relato de mulheres dos cinco continentes, de como foram usadas como arma de guerra contra a sua família e às suas comunidades.

Na página do Ministério de Interior, onde se informa da sua detençom, nom se sinalam acusaçons contra ela. Perguntemo-nos pois para que é útil a detençom de Silvia. Perguntemo-nos pois que leis permitem separar a um bebê lactante da sua nai. Perguntemo-nos pola necessidade de traslada-la a centos de quilómetros da sua casa. Perguntemo-nos a quem beneficia utilizar a vulnerabilidade dumha nai ante a separaçom do seu bebê.

O Ministerio do Interior equivoca-se se pensa que as pessoas que nom admitimos a violência na praxis política, social ou privada, imos tolera-la na actuaçom policial. A vulneraçom dos direitos humanos por parte do estado, cobra perverso valor ante a impotência e indefensom que crea na cidadania que devera proteger. Eis a minha denúncia e o meu compromisso.

[*] Lupe Ces Rioboo -Caranza Ferrol 1953, é mestra, activista social, integrante da Marcha Mundial das Mulleres. Forma parte do Colectivo Ártabra 21.

Blogue persoal: Caranza free opiniom
___________

Pola Creba democrática

EN PORTADA: POLA CREBA DEMOCRÁTICA

É a hora da cidadanía exercente como tal. É a hora da soberanía popular no sentido prístino da palabra. É a hora da reconquista dos dereitos e as liberdades cívicas e políticas efectivas. É a hora dunha nova creba democrática con este rexime putrefacto e cun sistema aberrante e homicida, que leva camiño de acabar coa biosfera e, pola mesma, coa existencia do proprio planeta. É a hora da rebelión cívica como motor da emancipación dos indivíduos, as clases e os povos esmagados. É a hora da asunción dos principios e a prática dos valores republicáns. É a hora da lealdade ao común cidadán e non da obediencia ás organizacións, mesmo ás organizacións das que formamos parte, se resultar imposíbel ser leal aos cidadáns séndomos obedientes ás directrices das organizacións.

· Todo pola pasta (de papel)!, por Manuel Casal Lodeiro
 http://www.altermundo.org/todo-pola-pasta-de-papel/

· Tempo extremo, por Martin Khnor
 http://www.altermundo.org/tempo-extremo/

· Cando os soldados prefiren morrer, por Mauro Santayana
 http://www.altermundo.org/cando-os-soldados-prefiren-morrer/

· Reseña: Solucións á crise ecocapitalista (Chris Williams)

· Noam Chomsky: «O estándar gobernante é a sobordinacións aos intereses do poder», por José Luis León Cabrera
http://www.altermundo.org/noam-chomsky-o-estandar-gobernante-e-a-sobordinacions-aos-intereses-do-poder/

· Crise alimentar, un feo costume, por Jerónimo Aguado e Gustavo Duch
http://www.altermundo.org/crise-alimentar-un-feo-costume/

BAIXAR SUPLEMENTO EN PDF (1 Mb):
http://www.altermundo.org/images/altermundotn/altermundoTN_03.pdf

Apertas e bicos mil

Altermundo -http://www.altermundo.org-
Porque abaixo á esquerda está o corazón
Manoel Santos - Director
manoel@altermundo.org | Skype: manoel_altermundo
Tel.: +34 686 021 933
Doazóns: http://www.altermundo.org/doazons/
Lista correo: http://altermundo.org/mailman/listinfo/cousas
__________

Detidos, a noite pasada, dúas persoas activistas do movimento social e cultural da Comarca - Un numeroso grupo de persoas, compañeir@s e amig@s, procupados pola sitiuación e á incomunicación á que están sometidos, permanece frente as portas da comisaria agardando ter novas da compañeira e compañeiro detidos

O Comité de Dereitos Humanos de Nacións Unidas na súa Observación Xeral Non. 32 dixo:

"IV. Presunción de inocencia

30. De conformidade co parágrafo 2 do artigo 14, toda persoa acusada dun delito ten dereito a que se presuma a súa inocencia mentres non se probe a súa culpabilidade conforme á lei.

A presunción de inocencia, que é fundamental para a protección dos dereitos humanos, impón a carga da proba á acusación, garante que non se presuma a culpabilidade a menos que se demostrou a acusación fóra de toda dúbida razoable, asegura que o acusado teña o beneficio da dúbida, e esixe que as persoas acusadas dun delito sexan tratadas de conformidade con este principio.

Todas as autoridades públicas teñen o deber de absterse de prexulgar os resultados dun xuízo, por exemplo, absténdose de facer comentarios públicos en que se declare a culpabilidade do acusado.

Normalmente, os acusados non deberán levar grilletes ou estar engaiolados durante o xuízo, nin ser presentados ante o tribunal dalgunha outro xeito que dea a entender que podería tratarse de delincuentes perigosos.

Os medios de comunicación deberán evitar expresar opinións prexudiciais á presunción de inocencia.

Ademais, a duración da detención preventiva nunca deberá ser considerada indicativa de culpabilidade nin do grao de esta. A denegación da liberdade baixo fianza ou as conclusións de responsabilidade en procedementos civís non afectan á presunción de inocencia. ". [Fonte]

Varios medios de comunicación nas súas edicións dixitais e impresas, en concreto 'La Voz de Galicia' e 'El País', fan desta obsevación do CDH de NU, 'caso omiso' e condenan á compañeira e compañeiro, ás poucas horas da súa detención, baseando-se tan só nas informacións policiais que teñen un profundo carácter político. Sen ter en conta o valor humano e traxectoria destas dúas persoas, comprometidas e solidarias, independentemente de se teñen ou non algun tipo de relación coas acusacións que se lles imputan.

Remiten-nos unha comunicación para difundir que di:

"Esta mensaxe é para informar, a quen todavía non se teña enteirado, de que hoxe sobre ás 11:00 da noite foron detid@s na súa morada en Sta. Icía (Narón) Xulio e Silvia, coñecid@s ativistas sociais e sindicais. Son ás 10:20 da mañá e hai xente diante da comisaría da Avda. de Vigo en Ferrol agardando ter novas d@s compañeir@s".

Espallade a voz !!!

E o compañeiro Joám Peres Lourenço envia-nos a seguinte nota:

Liberdade para Sílvia e Júlio, companheiros

Conheço Júlio desde que él era um novinho militante da AMI. Rapaz comprometido, inquieto, amante deste país, sempre disposto a dar a cara. A imprensa espanhola, tam veraz sempre, situa-o junto com a sua companheira Sílvia na cúspide dumha rede de financiamento dum suposto "grupo terrorista" que opera para a liberaçom nacional e social da Galiza. A "presunçom de inocência" já foi abolida e El País anuncia que detivérom um "chefe". Seja como for, muit@s de nos nom temos dúvida algumha de que nem Júlio nem Sílvia som "terroristas" e sabemos que qualquer actividade na que se encontrem envolvidos ambos terá sempre no seu cerne o amor por este povo que se resiste a render-se e desaparecer de todos os modos que lhe é possível.

Hoje e amanhá provavelmente se convoquem mobilizaçons e assembleias informativas nas principais cidades do País para dar conta da situaçom de amb@s. Utilizo esta rede de correio para animar à assistência às mesmas com independência do que cada quem poda considerar sobre as acusaçons que ventila a imprensa. A nossa preocupaçom nestes momentos é com a situaçom em que se podem encontrar Sílvia e Júlio sob o terrorífico regime policial da "detençom incomunicada".

Tenham-os onde os tenham, vaia desde aqui o nosso carinho, o nosso reconhecimento e a nossa solidariedade.

JÚLIO E SÍLVIA, LIBERDADE!
DEFENDER A TERRA NOM É DELITO!

Enviado por:
Inacio Martinez
-inaciogz@gmail.com-
30 de outubro de 2012 02:15
30 de outubro de 2012 10:35
___________________

Respira - Vídeo moi interesante - O 14 de Novembro, unamos os nosos berros e deteñamos isto - Folga Xeral laboral, social, de consumo, cidadá

Sanidade con intereses, persoas sen papeis, educación suspendida, cultura do baleiro, o público é deles, o xogo do diñeiro é a ruína, os desafiuzamentos con burbullas, o vivir ao ceo raso, o teu dereito non é o meu dereito se son muller, o teu dereito non é o meu dereito se son homosexual, a represión ao descuberto, a censura de tapado, o benestar se tes diñeiro, o delito de ser obreir@, a cadea é a cola do paro, a escravitude ten reformas, o xogo como solución inmediata, as leis durmindo nos casinos, a pobreza espertando en cada esquina, a tristeza de pedir xa non é un chiste, o engano é electoral, a xustiza ancorándose á política, a corrupción sen efecto nos xulgados, a inocencia non ten saldo, as nenas obrigadas a ser nais, os pequenos erros condenados a ser grandes, mamá seguirá con papá aínda que a mate, a violencia sen xénero é institucional, a xordeira dos oídos que nos deben escoitar, as risas de quen queren españolizar, as forzas armadas desfilando contra quen, máis madeira para a guerra, o almacén pode ser nuclear, a morte mantén festas patronais, os bosques recortados nacen ardendo, a natureza tratada como inimigo innato, a contaminación hiberna en nos@s fill@s, as cadeas perpetuas constitucionais, a falta de miras e de futuro, a evasión de capitais, a fuga de cerebros, mozos mirando as vías do tren que se achega, o espazo é igual á velocidade de partida, maiores mirando ao mozo sen un destino ao fondo, o futuro non é universal, é dos de sempre, competicións europeas, odios desenterrados porque ti si e eu non, todos sen tempo, ven e non me deixes sol, non vou poder loitar se non me acompañas, se non me axudas; ven para atopar aire, ven para que non nos afoguen a tod@s.

Ven a respirar e respira.

O 14 de Novembro, unamos os nosos berros e deteñamos isto.

Folga Xeral laboral, social, de consumo, cidadá.


http://youtu.be/8Y-H_KssDdk

Publicado o 24.10.2012 por RESPIRACGT

Fonte: Confederación Xeral do Traballo - CGT
____________________

A CIG ratifica a convocatoria de folga xeral para o 14-N

O Consello Confederal da CIG ratificou este venres a convocatoria de folga xeral para o vindeiro 14 de novembro, cadrando no calendario coa data acordada para o paro en todo o Estado por parte de CCOO e UGT e tamén "noutros países da periferia europea, como Portugal". Malia ao "estado xeralizado de decepción ante a revalidación da maioría absoluta" por parte do PP nas eleccións do 21 de outubro o secretario xeral da central nacionalista, Suso Seixo, chama a manter a "contestación social aos recortes".

"Os apoios que ten o PP andan arredor do 25% da poboación galega, non poden facer o que lles dea a gana", di Suso Seixo.

"Os apoios que ten o PP andan arredor do 25% da poboación galega" e, polo tanto, di, os conservadores "non poden facer o que lles dea a gana". A partir desta premisa, Seixo admite que o sindicato "aspiraba a que o PP perdese a maioría absoluta", dado que "o único que está facendo é servir de correa de transmisión do que marca o BCE" e agora, lamenta, "vaino seguir facendo con dramáticas consecuencias para o noso país", tales como o "deterioro do noso tecido produtivo, da rede de servizos sociais e mesmo a marcha de mozas e mozos cunha formación profesional e académica importante que tiñan que estar achegando todo o seu coñecemento ao desenvolvemento económico e social do país".

Neste contexto o líder da CIG explica que dende a central sindical galega "eramos partidarios" de que a folga xeral "fose xa no mes de setembro, coincidindo coa que se convocaba en Euskadi" para así "responder ás medidas adoptadas polo goberno durante os meses de verán", "recortes de dereitos moi duros que nos están levando a unhas condicións de empobrecemento da poboación" que, ao seu xuízo, resultan "intolerábeis". "A CCOO e a UGT non lles parecía a data máis adecuada" e a CIG, di, "acordou agardar". "Consideramos que a resposta tiña que ser o máis masiva posíbel, porque cantas máis organizacións sindicais participen na convocatoria, máis posibilidades temos de que a participación sexa máis importante", evidencia.


http://youtu.be/KsXujm_6LaM Fonte: praza.com/
_________________

França: Centrais sindicais convocam jornada de luta a 14 de novembro

A CFDT (Confederação Francesa Democrática do Trabalho), a CGT (Confederação Geral do Trabalho), a FSU (Federação Sindical Unitária), a (união sindical) Solidaires e a Unsa (União Nacional de Sindicatos Autónomos), divulgaram um comunicado conjunto anunciando a sua participação na jornada europeia de luta contra a austeridade e pelo emprego no próximo dia 14 de novembro.

Nesse mesmo dia estão já convocadas greves gerais em Portugal, no Estado espanhol, na Grécia e aguardam-se decisões em países como Chipre, Malta e Itália.

As cinco organizações sindicais francesas reafirmam a sua “firme oposição às medidas de austeridade que fazem mergulhar a Europa na estagnação económica, ou na recessão”. O comunicado afirma que as medidas, longe de restabelecerem a confiança, nada mais fazem que agravar os desequilíbrios e criar as injustiças.

As centrais alertam que o desemprego não para de crescer em França, a precariedade cresce e os planos de despedimentos multiplicam-se. Há 11 milhões de pessoas atingidas pela exclusão ou a pobreza, entre os quais muitos reformados.

O comunicado alerta também para o tratamento de choque dado à Grécia, Espanha e Portugal, que mostram que as políticas de austeridade levam “à destruição de direitos sociais”, o que põe em causa a coesão social e os valores garantidos pela Carta dos direitos fundamentais, criando uma situação que “ameaça a própria construção europeia”.

O comunicado adianta propostas como uma verdadeira coordenação de políticas económicas e de medidas de solidariedade concretas, a negociação de um “contrato social” a nível europeu, e medidas de relançamento europeu.

O comunicado conclui apelando às manifestações nas modalidades que permitam que sejam as mais amplas.

Somam-se as adesões à Greve Geral

“A 14 de novembro realizar-se-á a primeira Greve Geral ibérica da história”

Fonte: esquerda.net
___________________

É imposíbel vivir en Castelán nos colexios galegos ... Eu aínda diría máis, vivimos nun país no que é imposible vivir en Castelán

Non ten perda, carta publicada no Faro de Vigo, ao través de Richi Ricardo Vales Varela --> "Veño de ler neste xornal un artigo segundo o cal Galicia Bilingüe denuncia a imposibilidade de vivir en castelán nos colexios galegos.

Escribo esta carta para amosar o meu total apoio a esa teoría. Eu aínda diría máis, vivimos nun país no que é imposible vivir en castelán.

Voulles contar a miña historia. Teño dous fillos aos que sempre falei en castelán. E así falaban eles, ata que comezaron a ir ao colexio público. Con tres anos abandonaron totalmente a súa lingua materna, e agora só falan galego. Só len en galego. Só escriben en galego. Viven nun mundo tan altamente galeguizado que me miran con extrañeza porque falo castelán, e incluso me preguntan por que non son coma todo o mundo, por que non falo en galego. Pero se fosen só as mestras... Os compañeiros e compañeiras, os seus pais e nais, as profesoras das actividades extraescolares... pero tamén as caixeiras do supermercado, os carteis de todos os comercios vaiamos onde vaiamos, a pediatra, o persoal do banco, a fisioterapeuta, todo o mundo que nos rodea fala en galego. Os impresos do Sergas, os recibos dos bancos, as propagandas de fontaneiros, mesmo os xornais, este mesmo, no que, de 76 páxinas, non puiden atopar nin unha soa noticia en castelán!!! Por non falar dos debuxos animados, por máis que busco, só nunha canle botan programas infantís en castelán.

É certo: nesta cidade na que vivo non hai xeito de facer unha vida normal en castelán. As persoas castelán-falantes estamos totalmente discriminadas e temos que chegar a facer xuntanzas especiais nos parques para que os nosos fillos poidan escoitar falar castelán con normalidade. Eu mesma non sei por que estou a escribir en galego. Será que á fin conseguiron adoutrinarme sen eu querelo.

Un saúdo e forza a todas as persoas que, coma min, se senten estranxeiras no seu país por mor de usar a súa lingua." ;)

Nota.- Postado por Pequeno Monstro no Facebook.
________________

Recuperando Espazos Públicos - Nova intervención do Colectivo Cidadán 'Acción Directa", desta vez, en Serantes, no 'Parque Monumento Torrente Ballester'

Foi unha 'Acción sorpresa' no Parque Monumento Torrente Ballester, na parroquia ferrolán de Serantes, "unha paraxe descoñecida para a maioría dos cidadáns de Ferrol. Neste parque botánico os alumnos do colexio Isaac Peral, coa colaboración do proxecto Voz Natura, plantaron unha serie de árbores; castiñeiros, aciñeiras, abruños, loureiros, madroños, etc. Pero por desgraza o Concello de Ferrol tíñao totalmente descoidado".

Un grupo madrugador do Colectivo Cidadán 'Acción Directa pola Recuperación dos Espazos Públicos', achegou-se este Sábado, 27 de Outubro de 2012, pola mañá ao lugar, para cortar de maleza e recoller lixo espallado por todo o 'Parque'.

Unha mestra do citado colexio público 'Isaac Peral', que se achegou ao lugar polo mediodía, quedou estrañada de que fosen uns cidadáns os que estiveran a realizar esas tarefas, explicaron-lle o labor e obxectivo do seu Colectivo, e quedou interesada nos labores que realizaban. Comentou-lles, que normalmente, e a petición do Colexio, realizan-se dúas limpezas na zona ao ano, e que precisamente ía solicitar ao goberno municipal que se acometese a limpeza, pois quería traer aos nen@s a visitar o lugar. Mostraron-lle que entre os restos que retiraran atoparon restos de ramas de árbores e unha importante cantidade de lixo, e apuntaron en que se o Concello envía a alguén a limpar a maleza, que deberían realizar unha poda e tamén recoller o lixo acumulado na zona.

Segundo publica o Diario de Ferrol (xornal que leva un seguimento das accións deste colectivo, poñendo en valor o traballo comunitario que realizan), o espazo sobre o que o Colectivo Cidadán 'Acción Directa' actuou onte, son sobre uns 1.500 metros cadrados. Tamén informa que o Colectivo continuará desenvolvendo máis intervencións deste tipo e que esta semana, que entra, finalizarán os traballos na batería de San Cristovo, onde aos voluntari@s resta-lles por limpar parte do seu muro norte.

Cumpre lembrar que os obxectivos do Colectivo de Cidadáns son claros e rotundos: reivindicar a creación de emprego e o dereito a un traballo digno; denunciar o malgasto do diñeiro público por parte dos que gobernan no Concello de Ferrol; e denunciar o abandono dos espazos públicos e do noso patrimonio natural, histórico e cultural, nunha cidade que aspira a ser Patrimonio da Humanidade.  Este novo xeito de mobilización social, desperta simpatías entre sectores da poboación que ven nos grupos de acción directa do Colectivo, a uns defensores dos espazos públicos e dispostos a demostrar que se podería crear emprego se os gobernos quixeran.

Fontes: recuperaciondeespazospublicos.blogspot.com e diariodeferrol.com.

Para máis información, pode-se visitar o Blogue ou as contas nas redes sociais, tamén facilitamos os teléfonos e correo-e.

Calquera cidadán ou cidadá que queira sumarse a estas tarefas solidarias só ten que comunica-lo.

--
e-mail: recuperacióndeespazospúblicos@gmail.com

Teléfonos: 620 312 992 - 637 567 497

O noso blogue: http://recuperaciondeespazospublicos.blogspot.com.es/   é un Diario que recolle a nosa traxectoria, serve de difusión de próximas accións e faise eco doutros exemplos solidarios e comunitarios que están a suceder na bisbarra.

Facebook: https://www.facebook.com/groups/444525015569821/

Enlaces relacionados:

• Ártabra 21: Hoxe Sábado 13 de Outubro, IX Xornada de Traballo Comunitario no Castelo de San Cristovo
• Ártabra 21: E xa son sete as xornadas de traballo comunitario no Castelo de San Cristovo
• Ártabra 21: Unha nova xornada de traballo comunitario no Castelo de San Cristovo, e van tres
• Ártabra 21: Así foi a segunda xornada de traballo comunitario no Castelo de San Cristovo
• Ártabra 21: Hoxe segunda xornada de traballo comunitario no Castelo de San Cristovo - Así foi a "Acción sorpresa", limpeza e recuperación dun lavadoiro na zona d'A Cabana
• Ártabra 21: Primeira Xornada de Traballo Comunitario no Castelo de San Cristovo
• Ártabra 21: Segunda Acción Comunitaria de Recuperación de Espazos Públicos, desta vez no Castelo de San Cristovo
• Ártabra 21: Rematou o traballo comunitario no antigo lavadoiro da Mina de Ponzos - En marcha a próxima Acción
• Ártabra 21: Acción Comunitaria para recuperar os espazos públicos: Tarefas de limpeza e desbroce do lavadoiro da mina de ouro de Ponzos - Sabádo 11 de Agosto

_______________
___________

A Rede de Apoio Mutuo volveu funcionar nas sindicais de San Pablo

Hoxe estaba previsto un novo desafiuzamento nas sindicais de San Pablo no barrio ferrolán de Catabois. Unha parella e a súa filla de 8 anos, tiñan a súa vivenda habitual ameazada de lanzamento xudicial, para as 11 da mañá. Un numeroso grupo de persoas, secundando o chamamento da Rede de Apoio Mutuo de Ferrol Terra, achegaron-se até o número 7 da Rúa do Choupo, para amosar a súa solidariedade coas persoas ameazadas de desaloxo. Persoas sen traballo, nen medios básicos de vida. A falta regular de ingresos non lles permite afrontar gastos básicos para poder vivir, só sobreviven. Non podían facer fronte a unha débeda de 1800 euros que se correspondían con 10 meses de aluguer a un particular, propietario da vivenda que tamén sofre os problemas da Estafa chamada Crise.

A Rede de Apoio Mutuo, puxo-se en funcionamento en pouco menos de 24 horas, para afrontar a inxustiza que se estaba cometendo con esta familia moza, cunha crianza ao seu cargo. Nai e filla con problemas de saúde crónicos. O compañeiro Suso Díaz, activista da Rede e responsábel sindical e veciñal, comezou a mover as ferramentas de denuncia e alarma, para que grupos municipais e servizos sociais cumpriran a súa obriga de socorrer a unha veciñanza con problemas de subsistencia básicos.

A Rede volveu funcionar as xestión cos grupos municipais, con servizos sociais e o propietario da vivenda, e a mobilización social e denuncia pública, deu o seu resultados positivos, aínda que paliativos, conseguiu-se deter unha inxustiza, mais a inxustiza maior é a falta dunha renda básica de subsistencia que deberíamos ter toda a cidadanía, como o acceso a unha vivenda e un traballo digno.

O acordo foi que Servizos Sociais do Concello, fan-se cargo da débeda e dos tres vindeiros meses, prorrogábeis por outros tres, mentres a familia no recibe o RISGA[1].

Non pode ser que se rescate aos bancos e non ás persoas. Non pode ser que mesmo nesta cidade haxa máis de 9.000 vivendas baleiras[2] e miles delas sen estrear e as persoas non teñan garantido o dereito a unha vivenda digna. Se somamos as vivendas baleiras do conxunto da Comarca son máis de 16.000 segundo os dados facilitados polo IGE.

Xuntanza de Coordinación da Rede

Pola tarde, en Caranza, no local social de Fuco Buxán AC, celebrou-se unha xuntanza de coordinación da Rede, para analizar os pasos dados e a solución conseguida no caso da ameaza de lanzamento nas Vivendas Sindicais; un novo caso en Esteiro e o caso pendente de Manuel e Pilar nas Rosas de Caranza, onde se conseguira unha revisión do expediente por parte do BBVA e o aprazamento de dous meses do lanzamento xudicial.

Acordou-se de facer todo o posíbel para que as persoas con problemas de desafiuzamentos inxustos, teñan un apoio social e se fagan visíbeis as problemáticas derivadas da situación desemprego ou de pobreza. E reclamar unha renda universal que cubra a subsistencia básica das persoas.

Acordou-se dar uns telefonos  e correo-e de emerxencia para activar a Rede en caso de necesidade.

Telefonos:
Elena Casal  - 637799350 (só polas tardes)
Rafael Pillado - 633100354
Inácio Martínez - 645158113
Luis Matalobos - 644256364

Correo-e:
forosocialdeferrolterra@gmail.com

Próxima Xuntanza de Coordinación:
Día: Martes 6 de Novembro.
Hora: 6 da Tarde.
Lugar: Caranza, local social de Fuco Buxán (Rúa Armada Española, 32 - Baixo.Telefono 981325492).
Obxectivo: Recadar información sobre todos os casos pendentes e facer o seu seguimento, información e análise da entrevista co avogado Emilo Jaudenes,  ...

Continuará. ..

[1] Renda de Integración Social de Galicia, que en Ferrol, a pesar dos falsos rumores que se corren, só percibían en 2011, datos do 24.02.2012: 243 persoas, das cales 169 eran mulleres e 74 homes -Ver.

[2] En datos de hai 11 anos, no 2001, eran xa: 7.559 segundo o IGE (Censos de poboación e vivendas 2001. Elaboración propia a partir dos ficheiros proporcionados polo INE). -Ver.
__________

As eleccións galegas e o reto para os próximos anos, ... Por Alberto Pradilla

"O PP está derrotado politicamente, aínda que se consolidou nas urnas"
[Xosé Manuel Beiras, parlamentario electo de AGE]

Nacido en Santiago de Compostela en 1936, Xosé Manuel Beiras é o gran referente histórico do nacionalismo galego de esquerdas. En 1982 foi un dos promotores do Bloque Nacionalista Galego, formación que abandonou para formar, este mesmo ano, Anova Irmandade Nacionalista, que concorreu, dentro da coalición Alternativa Galega, aos comicios do domingo, obtendo nove escanos.

Alberto Pradilla [*]
25.10.2012

Regresa unha das personalidades históricas do nacionalismo galego de esquerdas. Xosé Manuel Beiras, fundador do Bloque Nacionalista Galego (BNG), volverá sentar no parlamento de Santiago tras os comicios do domingo. Nesta ocasión non o fará á fronte da formación que el mesmo fundou, senón encabezando Alternativa Galega de Esquerda, unha «unidade de acción» entre Anova (creado polo propio Beiras tras abandonar o que foi o seu partido durante case tres décadas) e Esquerda Unida, a marca galega de EU. Xuntos formaron o que en campaña denominaron como «Syriza galega», en referencia á esquerda radical grega, logrando un resultado que non entraba nos seus cálculos máis optimistas, que non contemplaban o esborralle dos seus antigos compañeiros do BNG. A maioría absoluta de Alberto Nuñez Feijóo constitúe o outro vértice da ecuación política xurdida tras o paso polas urnas. «Cre que apagarán os lumes que están ardendo na cidadanía pero non é así», afirma Beiras, que avoga por unha lexislatura na que a súa formación condicione a acción do Goberno sen esperar a que Feijóo mova ficha. Ao mesmo tempo, defende seguir construíndo pontes entre a cidadanía e os movementos sociais.

«Feijó non pinta nada. É un correveidile que vai facer o que lle digan desde Moncloa», asegura. No horizonte, un posible acelerón nas políticas de desmembramiento dos dereitos sociais que xa se puxeron en marcha durante a actual lexislatura. Aínda que Beiras négase a cualificalos de recortes. «É unha amputación brutal». A isto súmaselle o que o veterano político cualifica, ironicamente, como a «brigada de demolicións»: a aposta do Goberno do PP por «desmonatar peza a peza o autogoberno». Na súa opinión, Feijóo «utilizou as institucións para destruír o autogoberno», algo insólito, que «non ocorreu nin sequera nos tempos de Fraga».

A pesar diso, a dereita española volveu a imporse nas urnas, ampliando en escanos a súa maioría absoluta. Con todo, Beiras asegura non ter unha sensación agridoce. «Feijóo e compañía, renova a súa maioría pero están derrotados politicamente», afirma. Ademais, non se pode esquecer que a lista do PP perdeu case 150.000 votos respecto das últimas eleccións. A iso súmaselle a lei electoral, cuxas matemáticas favorecen aos grandes. «Ao desfondarse o PSOE, o PP ten todos os restos», argumenta, para explicar como a pesar da caida en número de votos, Feijóo obtén unha maioría absoluta máis folgada (41 escanos).

Obxectivos cumpridos

«Nós tiñamos dous obxectivos. Unha que era condición necesaria pero non suficiente para o segundo. O primeiro, activar a todo o electorado abstencionista por desesperación, por desencanto, por frustración, e servir, xa que logo, de ponte, cara ás institucións políticas. Iso lográmolo en moita medida. A resposta foi impresionante. O proceso de activación foi extremadamente positivo», afirma Beiras. «O que dependía de nós, lográmolo», insiste. «O PP gobernou contra a maioría social, baseouse na agresión ás clases populares. Se, neste contexto, os que están na oposición non conseguen que chegue deteriorado é porque non o fixeron ben», considera, para engadir que «en gran medida o PP é responsabilidade de quen non soubo facer o que tiña que facer».

Para Beiras, o verdadeiramente relevante destes comicios foi o surgimiento dun novo modelo político. «Representamos un cambio na cultura política que ten que ver coas experiencias aprendidas nos movementos altermundistas e antisistémicos», indica. Tras a ruptura co BNG chegou a fundación de Anova. De aí, a proposta dunha fronte ampla e o pacto con Esquerda Unida. «Isto non é un matrimonio, é unha unidade de acción para crear un grupo cun programa que é un instrumento para esta lexislatura».

Tras un proceso a contrarreloxo no que os intereses de Mariano Rajoy obrigaron a Feijóo ao adianto electoral, Alternativa Galega irrompeu como «un híbrido entre a esquerda ruputurista que está en auxe no Estado co nacionalismo que non quixo entrar na deriva do BNG». Neste sentido, considera que dentro desa esquerda federalista que representa EU, «cada vez con máis contixentes que non forman parte das vellas estruturas do PC». Aí sitúa as diferentes interpretacións sobre o modelo territorial.

«A aposta é por un cambio de réxime, nas nosas bases hai independentistas, hai sectores soberanistas pero que ante o que está ocorrendo apostamos por ter a independencia como un obxectivo ao que disparamos por elevación». Dentro dese modelo, avoga por un novo escenario que permita todas as opcións.

Dentro dun contexto de crise xeneralizada, de cambio de réxime, o veterano dirixente aposta polos movementos altermundialistas e antisistémicos como espellos para as estruturas políticas que están por vir. Aínda que tamén, aprendendo das experiencias pasadas. «Debemos de ter conciencia de que estamos nun escenario análogo ao dos anos 70, hai que aprender do que ocorreu entón».

O reto para os próximos anos é, segundo Beiras, «maximizar a eficacia nos xeitos de actuar congruentes» coas novas formulacións. Volva a un parlamento que cualificou de «cámara de gas» cun propósito: «non esperar a ver que fai o Goberno, senón tomar a iniciativa». «Que sexa o Executivo o que está contra a cidadanía», resume.

Fonte: gara.naiz.info

[*] Alberto Pradilla, escritor e xornalista Navarro.
_____________

Activada a Rede de Apoio Mutuo ante unha nova alarma de desafiuzamento en Ferrol - Mobilización pola mañá e xuntanza de coordinación pola tarde

Este Venres, 26 de Outubro de 2012, está previsto un lanzamento dunha vivenda nas vivendas sindicais de San Pablo, en Catabois, na Rúa do Choupo n.º4, 1ºD.

ÁS 11 DA MAÑA, DESTE VENRES 26 DE OUTUBRO
CONCENTRACIÓN SOLIDARIA

DIANTE DA VIVENDA

AMEAZADA DE DESAFIUZAMENTO
NAS SINDICAIS DE SAN PABLO
CATABOIS - FERROL
PARTICIPA !!

As entidades e persoas que conformamos a Rede de Apoio Mutuo de Ferrol Terra, estamos intentando dar-lle unha saída ante esta inxusta situación.

A orde de lanzamento produce-se por mor dunha débeda de dez mensualidades de aluguer da vivenda habitual, por parte dunha familia que non ten apenas ingresos económicos e en todo caso non son suficientes para poder vivir.

Trata-se dunha familia de persoas novas cunha nena de 8 anos de idade, tanto nai como nena teñen problemas importantes de saúde.

Trata-se dun problema de pobreza, de desemprego, de falta de vivenda digna, de falta dunha renda básica suficiente para poder vivir e ter cubertas as necesidades básicas.

Os poderes públicos non poden facer ouvidos xordos e tapar os ollos ante tal inxustiza. Este é un asunto que servizos sociais ten que coller e solucionar. Esta familia necesita unha renda básica e unha vivenda de emerxencia xa. Pois aínda que se pague a débeda o problema segue sen solucionar.

Compañeiras e compañeiros membros da Rede, están denunciando esta inxusta situación e intentando paliar os seus efectos, contactando co propietario da vivenda e tamén no Concello, sen, polo de agora, conseguir paralizar o lanzamento xudicial. O propietario da vivenda, ao que se lle debe o aluguer, sobre uns 1.800 euros, está disposto a chegar a un acordo, agora falta que os responsábeis municipais cumpran coa súa obriga de axudar a quen o necesita.

Rede de Apoio Mutuo de Ferrol Terra


Convocada unha xuntanza de coordinación da Rede.

Día: Venres 26 de Outubro.
Hora: 18:00 hrs.
Lugar: En Caranza no Local de Fuco Buxán (Rúa Armada Española nº32, Baixo. telefono 981325492).

Obxectivo: recibir información, facer propostas e coordinar as accións.

Ante dous novos casos de desafiuzamento en Ferrol, e para o seguimento do da vivenda de Pilar e Manuel (en Caranza), necesitamos ver-nos, polo que chamamos a unha xuntanza este Venres en Fuco.
__________

Declaracións post electorais de Xosé Manuel Beiras e Yolanda Díaz

Beiras: "AGE ten que ser unha ponte entre a cidadanía activa e o Parlamento"

"Debemos fortalecer esa alianza política que constituímos as catro formacións que conformamos AGE. E despois debemos sumar moitas máis voces a esta Alternativa Galega porque imos necesitar todos os espazos políticos e sociais posibles. Porque os vindeiros meses van ser claves: estamos ás portas dun novo rescate, co que iso supón. Falar do rescate é falar de máis desemprego, de máis recortes e de máis pobreza". Yolanda Díaz sitúa as dúas claves da Alternativa Galega de Esquerda para os vindeiros meses: a solidificación do acordo partidario que tan bos resultados obtivo nas eleccións do domingo e o fortalecemento do tecido social. "Temos que coñecernos. Temos que vencer os prexuízos entre uns e outros", engade.

Yolanda Díaz sitúa as dúas claves da AGE para os vindeiros meses: a solidificación do acordo partidario que tan bos resultados obtivo nas eleccións do domingo e o fortalecemento do tecido social

Xosé Manuel Beiras incide nesta idea: "AGE ten que ser unha ponte entre esa cidadanía activa e a cámara de representantes, entre todo ese tecido asociativo que non se limita a dicir non ao existente, senón que formula alternativas ao existente. Iso debe nutrir a nosa acción no Parlamento". E engade: "Debemos restablecer a posición sobranceira que nun estado democrático lle corresponde á cámara de representantes". Así mesmo anuncia que a acción parlamentaria de AGE vai ser "activa" e non vai xogar á defensiva: "Nós non debemos xogar á contra, simplemente dicíndolle que non á maioría parlamentaria do PP, senón que nós debemos tomar a iniciativa e poñer o goberno á contra. A iniciativa non debe ser do goberno, senón da cidadanía".

"Nós non debemos xogar á contra, simplemente dicíndolle que non á maioría parlamentaria do PP, senón que nós debemos tomar a iniciativa e poñer o goberno á contra"

Beiras afirma que a entrada de Alternativa no Parlamento "debe ser o comezo dunha nova etapa" pois até agora "a cidadanía estaba a organizarse e mobilizarse pero carecía dunha ponte para trasladar iso á cámara de representantes". E pide "que nos utilicen. Depende de nós de que sexamos receptivos ao que esa base quere comunicar e quere facer". O número un de AGE cre que o descenso de PSdeG e BNG se debeu a que a súa acción política durante o primeiro goberno de Feijoo se centrou en facer "simplemente esgrima parlamentaria".

"Que nos utilicen. Depende de nós de que sexamos receptivos ao que esa base quere comunicar e quere facer"

Yolanda Díaz salienta que "debemos organizar a rebelión cívica, temos que loitar polo poder pero dende a rúa. Todos os procesos de cambio na historia naceron así". E engade que "temos que acertar na organización e na xenerosidade, temos que continuar con esta ilusión que fomos quen de xerar". Yolanda Díaz conclúe que "a batalla está fóra do Parlamento e hai que organizala. Temos que tomar as rúas para tomar o poder porque estamos vivindo un proceso revolucionario e é posible mudar o sistema".

E é que AGE quere basear a súa acción parlamentaria e política na actividade e vitalidade dos movementos sociais e plataformas cidadás: "cómpre darlle máis pulo e máis dimensión aos procesos de autoorganización dos movementos sociais e cívicos", di Beiras. "Hai que continuar elaborando alternativas políticas para as problemáticas sobre as que se montan as plataformas cidadás, que son as que mellor coñecen a situación dos seus respectivos ámbitos e polo tanto son as que mellor poden formular estas alternativas", conclúe.


A folga xeral do 14N

"Os sindicatos acertan na perspectiva de traballar nunha folga cidadá que paralice todos os ámbitos da sociedade"

Xosé Manuel Beiras e Yolanda Díaz salientan a importancia da folga xeral de novembro: "Temos que implicarnos na folga. Hai que gañar a folga e gañar o dia seguinte da folga", di a coordinadora nacional de Esquerda Unida, que salienta que "os sindicatos acertan na perspectiva de traballar nunha folga cidadá que paralice todos os ámbitos da sociedade". De igual xeito, Beiras afirma que "a folga debe ser un instrumento de todas as clases traballadoras -asalariadas ou non- e tamén dos autónomos, comerciantes e pequenos empresarios", e que "o movemento obreiro ten que pensar en alianzas de clase. Porque se non, cae naquilo que se chamou a doutrina dos dous mundos de Lasalle, que dicía que só a clase obreira podía ser revolucionaria. Iso levou a botar nos brazos da dereita as chamadas clases subalternas ou ao campesiñado".


A crise do PSOE

"O PSOE ten que escoller de que lado está, ten que decidir se volve ás súas orixes socialdemócratas ou continúa polo camiño actual. E por ese lado o seu devalo vai ser maior"

"O PSOE é un partido do réxime. E este réxime está caduco e todas as súas institucións: dende a igrexa á monarquía están en proceso de demolición", afirma Yolanda Díaz. "Estamos nun proceso constituínte, porque por un lado o proceso da Transición e da desmemoria está completamente roto e finiquitado, e á vez por arriba PP e PSOE estannos metendo noutro modelo, como fixeron coa reforma da Constitución ou co Pacto de Estabilidade Europeo", engade para concluír que "ten que escoller de que lado está, ten que decidir se volve ás súas orixes socialdemócratas ou continúa polo camiño actual. E por ese lado o seu devalo vai ser maior".

Beiras concorda en que "o PSOE abandonou as súas bases socialdemócratas e de representación da esquerda social moderada" e di que "despois do desastre de novembro podería pensarse que ía haber cambios pero non foi así. Está totalmente secuestrado polas forzas do sistema ultraliberal". E aínda que recoñece que "na primeira lexislatura de Zapatero os socialistas tiveron outro discurso" e que "Caamaño ten unha visión republicana e máis reformista" engade que "o PSOE funciona como un dos dous peares deste sistema. Mentres non cambien iso calquera mudanza é imposible". De igual xeito Yolanda Díaz afirma que "vexo criticas internas no PSOE pero non vexo reflexións profundas sobre o que está acontecendo. Se ten claro que non quere seguir sostendo este réxime ten que rachar co Pacto de Estabilidade". E pregúntase: "Onde está a alternativa no PSdeG? Eu non a vexo".

Fonte: praza.com

Praza Pública coa licenza Creative Commons by-sa
_________________