Unha nena, ... Por Rosa Aneiros

Por Rosa Aneiros [*]
17.10.2013

Afirmei en numerosas ocasións que a literatura debía volver ao xornalismo, de onde foi apartada bruscamente en nome da falsa e sobrevalorada obxectividade, ese mito que erixe en verdade absoluta os feitos sen aceptar que, dependendo da perspectiva dende onde se mire, estes mudan radicalmente. Claro que eu me refería aos recursos estilísticos das pezas informativas, non aos feitos narrados. Cuestionaba o como, nunca o que, aspecto que sigo a crer a cerna básica do oficio: o que. Porén, na práctica xornalística actual, o QUE parecer ser o de menos. E aceptar isto implicaría asumir que son as tendencias e os índices de audiencia os que marcan o exercicio da profesión e non os códigos deontolóxicos, as regras máis elementais do oficio, as normas básicas que rexen a elaboración das pezas in formativas. Porque no caso do asasinato da nena Asunta cruzáronse todas as liñas vermellas.

[*] Rosa Aneiros Díaz, nada en Meirás (Valdoviño) en 1976, xornalista e escritora galega. Na Galipedia.

Enviado por:
radiofusion@radiofusion.eu
-radiofusion@radiofusion.eu-
17 de outubro de 2013 16:17
http://www.radiofusion.eu/
____________

Mulleres en folga de fame por unha "protección real" para as vítimas da violencia de xénero - Moi interesante Vídeo 'Folga de Fame - Testemuñas' - Catorce mulleres relatan a indefensión sufrida por parte das autoridades tras sufrir violencia machista, así como a situación de desprotección na que quedan os seus fillos

"Chámome número seis. No xulgado atopeime indefensa, sen avogado. Pedín unha medida cautelar que nin me concederon e agora estou en varios procesos xudiciais, un labirinto, e totalmente indefensa, ao igual que meu fillo. Pídolle á Xustiza que nos deixe ser libres, que nos separe deste círculo de violencia". "Chámome número catro. Tiven unha mala experiencia coa policía, que me dixo que se non estaba segura da denuncia volvese despois. Non me fixeron caso, volvín ao día seguinte e a denuncia non chegou aos xulgados até dez días máis tarde. Non me sentín protexida e teño dúas nenas que están secuestradas polo seu pai, que as levou ao Reino Unido. A Xustiza non actuou e eu quero que protexan as miñas nenas e que as separen do maltratador".

Son só dous duros testemuños dos catorce que a asociación Ve-la luz vén de colgar a través dun vídeo en internet. Fixérono para explicar e denunciar a situación que levou dez delas a comezar unha folga de fame desde a madrugada do pasado luns ao martes e coa que reclaman "un sistema de protección real de mulleres e nenos vítimas da violencia de xénero" que "non fomente o empobrecemento da muller, nin a súa submisión nin a continuación do maltrato".

Dez mulleres comezaron unha folga de fame para reclmar "un sistema de protección real de mulleres e nenos vítimas da violencia de xénero".

Están "cansas, esgotadas e débiles" porque á súa folga de fame úneselle a violencia sufrida polas mulleres e cada un dos problemas derivados dela. "O non comer xúntase a todo o que levamos aguantando", explica Gloria Vázquez, presidenta desta organización contra a violencia de xénero na Coruña e unha das que acumula máis dun día sen comer no local que a asociación ten ao carón da Audiencia Provincial. A folga "é indefinida" e teñen previsto continuar coa iniciativa ata que lles ofrezan "medidas reais de protección" que acaben co sufrimento, as dificultades e as inxustizas que denuncian ante a cámara. Cunha careta que lles cobre o rostro, un veo que agocha o seu cabelo e identificándose a través dun número ou unha letra. "Chámome X".

A folga é "indefinida" e teñen previsto continuar ata que a Adminitración lle ofreza "medidas reais de protección"

"A folga de fame é indefinida atá que se nos ofrezan medidas de protección eficientes. Queremos que se protexa os nenos, que se suspendan as visitas ao pai maltratador cando hai indicios de violencia e que, tras sentenza firme, se lles retire a patria potestade", explica Gloria Vázquez. "Que as vítimas teñan oportunidades de ter outro tipo de vida", insiste.

Protestan pola situación de moitas mulleres que, ademais de sufrir o maltrato, teñen que aturar logo o desleixo da policía ou da Xustiza,  sentenzas que consideran inxustas, o afastamento dos seus fillos ou o acoso dos mesmos que os maltrataron.  Os relatos do vídeo elaborado por estas vítimas arrepían. "Cambiou a fechadura da porta e sigo sen poder acceder á vivenda. Sufrín puñadas e ameazas e solicitei unha orde de afastamento que non me concederon. A policía non me facilitou nin avogado nin nada e non me sentín protexida nin a nivel económico nin xudicial. O meu expediente foi arquivado e o maltratador solicitou a custodia compartida e tena. Cada vez que os nenos van con el volven desquicidados e contra min. Quero unha protección para os meus fillos. Non quero que sufran o mesmo ca min". Este é outro dos testemuños.

Os testemuños denuncian o desleixo da policía e da xustiza en moitas situacións e a indefensión dos nenos que, en moitos casos, seguen convivindo co maltratador.

 "Queremos unha xustiza xusta"

Porque Ve-la luz e as mulleres que continúan a folga de fame denuncian que moitas veces semella que "se xustifica a violencia" de xénero e lembra que case o 60% das denuncias son sobreseídas. Hai casos, como tamén se ve no vídeo e como destacan, nos que a vítima acaba sendo acusada (e incluso condenada) por maltrato, mentres o violento "queda impune". A situación dos fillos é, ademais, outra das principais reivindicacións dun colectivo que ve como, en moitas ocasións, os cativos acaban convivindo co pai denunciado por bater na nai. Obrigados, retidos ou porque se lles concedeu a custodia.

Así, reclaman unha "xustiza xusta" e que se acelere a saída destas mulleres do labirinto xudicial no que moitas veces acaban pechadas. "O sistema e os problemas perpetúanse. Hai casos de mulleres que teñen até 32 xuízos pendentes por incumprimento das medidas adoptadas", lembra Gloria Vázquez, que recorda que a folga de fame tamén denuncia os recortes sufridos nas axudas públicas ás maltratadas e a grave situación na que moitas quedan.

As mulleres denuncian tamén os recortes e reclaman que se reactive o salario da liberdade, paralizado desde o mes de xuño.

"Unha vítima adoita cobrar 426 euros, pero teñen que deixar as súas casas e asumir un aluguer", insiste, tras reclamar que se reactive o salario da liberdade, "que leva desde xuño sen pagarse", así como que se recupere o sistema de atención psicolóxica ás vítimas, que agora abrangue só ás mulleres que teñen unha orde de afastamento. "Actualmente só reciben apoio un 17% das mulleres que o solicitan", resume Gloria Vázquez, que está segura de que "cos recortes, e xa cos novos datos, comprobaremos como a situación é aínda peor".

Ningún representante da Administración se achegou ao local nin se interesou polas súas reivindicacións aínda.

"Mulleres bravas que loitan pola súa liberdade e a dos seus fillos. Que nada nin ninguén te silencio. O silencio faite cómplice", pode lerse no final do vídeo que gravaron. Malia a gravidade, desde Ve-la luz non confían en que representantes da Administración se poñan en contacto con elas para abordar as súas reivindicacións. "Non temos confianza nin esperanza en que iso ocorra. Aínda non veu ningún cargo nin cremos que veña", di. Si pasaron pola sáu sede para apoialas as concelleiras socialistas da Coruña Gloria del Valle e Mar Barcón; César Santiso, de EU; María Xosé Bravo, do BNG, acompañada por outros membros da formación como Carme Adán ou Goretti Sanmartín; Vitoria Louro, de Acción Feminista; Marisa Fernández, de Mundo sin Guerra e Violencia; ou Ricardo Saavedra, de Espazo Ecosocialista.

Miguel Pardo | @depunteirolo

Este vídeo está xerado por vítimas reais , as cales son tratadas como números e que representan a realidade do sistema ofrecido de protección.
Cada caso é o exemplo de centos en Galicia e miles en toda España.
Un sistema que somete diariamente a mulleres e menores.

http://youtu.be/SKeTeYKmUL0

Canle de Asoc. Velaluz Violencia de Género
http://www.youtube.com/user/velaluzgalicia?feature=watch

Publicado en Praza Pública | 16.10.2013

Web da Asociación Vela Luz:
http://www.asociacionvelaluz.es/

Folga de Fame:
Para difundir:
Baixar o cartaz en formato jpg.
Baixar un barner, en formato jpg.
_________

Enlaces relacionados:

• Contades coa nosa sororiedade! - A Marcha Mundial das Mulleres amosa o seu apoio á loita da asociación Ve-la Luz.

• Folga de Fame por un sistema real e efectivo que protexa ás mulleres e nen@s da violencia machista. Comunicado  da Rede de Apoio Mutuo de Ferrol Terra.

_______________________________

Este venres 18 às 20h. "FilispiM vai..." ao Ateneo Ferrolán

Este venres é moi probábel que chova en Ferrol, subirán as temperaturas mínimas e baixarán as máximas e o vento soprará do sul moderado, mais é unha previsión.

O que si é seguro é que “Rádio FilispiM vai … ao Ateneo Ferrolán”. O Colectivo Opaíí! mobilizará este venres 18 de outubro as súas hostes para oferecer a partir das 20:00 h. dende o salón de actos do Ateneo un programa especial de dúas horas que abre un novo ciclo, o “FilispiM vai…”.

Neste programa especial terán voz os protagonistas da senlleira entidade ferrolá. Falarese do pasado, presente e futuro do Ateneo, dos cursos e actividades que se están a levar a cabo ou forman parte consustancial da axenda ateneista, coma o certame de fotografía, a revista Atenea ou, mesmo, o Constantino Bellón. Ademáis,  conversarase coas personas que dan vida as súas instalacións.

Por si todo isto fór pouco, durante o programa especial o autor ferrolá Rubén Artabe interpretará as súas cancións e o programa será gravado e retransmitido en directo ao través do 93.9 FM para toda a comarca e vía streaming para todo o mundo. O Colectivo Opaii! - Rádio FilispiM e o Ateneo Ferrolán convidan a todo o mundo a disfrutar do programa especial, en directo, coma público.

O ciclo “Rádio FilispiM vai…” terá continuidade noutros colectivos, asociacións e locais da nosa comarca nos vindeiros meses…


Haberá que ir… Esperámoste como público!!

Evento no facebook

Web do Ateneo Ferrolán
Web de Rádio FilispiM

Este Mércores, 16 de Outubro de 2013, de 19:00 a 20:00 horas, no 93.9 da FM, en Ràdio FilispiM, ou en directo en Internet - O Recuncho, programa radiofónico nº 159, da A.C. Fuco Buxán

Fuco Buxán A.C., segue emitindo o seu programa radiofónico, nas ondas (93.9 da FM) e por internet, a través de Rádio Filispim, a radio libre e comunitaria da Terra de Trasancos.

Este Mércores, 16 de Outubro de 2013, de 19:00 a 20:00 horas, no 93.9 da FM, en Ràdio FilispiM, ou en directo en Internet. Voltara-se a repetir os domingos, ás 12 do mediodía e os xoves de 2 a 3 madrugada.

“O Recuncho” nº159 , programa semanal radiofónico da A.C. Fuco Buxán, cos seguintes contidos:

• Invitado: Dr. Carlos Piñeiro, para falar das I Xornadas pola Defensa da Sanidade Pública, en Ferrolterra.
•  O “Espertar da Razón” de José Torregrosa: ”Paco Balón ”.
• Na “Sección Poética” de Lorena Calaza: Manuel Álvarez Torneiro
• Os libros recomendados, espazo de Víctor G. Novás
• Novas e comunicados, por Fernando Ocampo. Música: SK-P

Telefono para participar en directo:

981371040

Todos os programas en:

http://recunchofuco.blogspot.com

A nosa web:

www.fucobuxan.net

Os nosos blogues:

Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/

Nas redes sociais:

Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/posts

---
Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es

Enviado por:
fucobuxan
-fucobuxan@gmail.com-
15 de outubro de 2013 21:18
___________________

Non do Consello Escolar ao tanque de tormentas no Parque Pablo Iglesias - O Consello Escolar do IES Sofía Casanova, na reunión do 9 de outubro, pronunciou-se en contra da instalación dun tanque de tormentas no Parque Público

O Consello Escolar do IES Sofía Casanova,  na reunión celebrada o pasado 26 de setembro,  lido o informe facilitado pola Comisión de  Medio Ambiente da Asociación Veciñal  “O Pilar” do barrio de Recimil e sen entrar en cuestión técnicas que exceden as súas  competencias, acordou por maioría dos seus membros:

 1º) Amosar públicamente o seu rexeitamento á  construción do tanque de tormentas no parque Pablo Iglesias, incluído no proxecto de acondicionamento do interceptor xeral da marxe da ría de Ferrol, polos seguintes motivos:

• Porque vai supoñer a destrución de máis dunha décima parte do parque, afectando, precisamente, ao lugar máis utilizado actualmente neste espazo público: o que corresponde coa zona de xogos infantís.
• Porque ocasionará un impacto estético consistente nun edificio de 14 metros de lado e catro metros de altura e un impacto de ruídos e olores que condicionará o uso futuro do parque.
• Porque está proxectada a tan só 30 metros de distancia das vivendas e moi cerca de varios centros educativos - entre eles o noso, o IES Sofía Casanova- nos que traballa e estuda un importante número de persoas.

2º) Apoiar a solicitude da mesma Comisión -en base a que hai lugares nas proximidades máis idóneos sen custe adicional para o proxecto e nunha zona “mais industrial” que a proposta-  de realización dunha xestión máis respetuosa do uso público dos parques, de maneira que se coopere na conservación dos espazos verdes enmarcados dentro da municipalidade, tal e como sucedeu co parque  da “Ranita”.

Ferrol, 9 de Outubro de 2013
Comunicado de prensa aprobado polo Consello Escolar.

IES Sofía Casanova
Rúa O Galego Soto s/n
15403 Ferrol (A Coruña)
T. 981 311 500 M. 638 836 907 F. 981 313 146
http://www.edu.xunta.es/centros/iessofiacasanova

Nota.- Enviouse ao Diario de Ferrol, á Voz de Galicia, ao  Concello e colgouse na páxina web do instituto.

Enviado por:
Alexandre Carrodeguas
-republicadetraballadoras@gmail.com-
15 de outubro de 2013 13:21
_____________

Roteiro Serra do Forgoselo-Río Castro - Domingo 20 de outubro de 2013

ATENCIÓN:
En vista das malísimas predicións meteorolóxicas para o domingo, vémonos na triste obriga de suspender o roteiro do Forgoselo sen data, de momento. Procuraremos facelo máis adiante. Un saúdo, Miguel A. Fernández | 18 de outubro de 2013 08:35.

Vai de roteiros 2013-2014
Roteiro Serra do Forgoselo-Río Castro (LIC Xuvia-Castro)
Domingo 20 de Outubro de 2013

Datos principais:

Hora de saída: 10:00 h na escalinata de Correos en Ferrol para coller o bus

Hora de regreso: 20:00 h.

Distancia: 17,3 km

Concellos: A Capela, As Pontes e San Sadurniño

Dificultade: media-baixa

Prezo: 5 € soci@s, 7 € non soci@s.

Comida e bebida: cadaquén levará a súa

Roupa cómoda, calzado recomendado bota de montaña ou trekking, bastón.

Teléfonos para inscribirse: 661636946 (Miguel) e 616039268 (Antom)

Elementos de interese:

Paisaxe de montaña, ríos, penedos, brañas, turbeiras, fragas, gado salvaxe, fauna e flora peculiares, aves, cogomelos, muíños, mámoas, castelo.

Proteccións:
Rede Natura 2000, LIC Xuvia-Castro, 2000 ha.

Ameazas:
Parques eólicos, pistas, minas, eucaliptización, gandería intensiva, pastizais monoespecíficos, feísmo arquitectónico, vehículos motorizados, falta dun plan de ordeación dos recursos naturais.

Percorrido:
O roteiro partirá do cruce da pista asfaltada co camiño que conduce ao curro do Forgoselo, sinalado como “Lugar de lecer” e situado entre a Veiga dos Foles e o Pico das Troitas. Dende aí faremos un percorrido circular de 7,6 km aproximadamente, chegando ata o borde mesmo da canteira de lignito situada no lugar de Cal da Uceira, no extremo nororiental da serra, e xirando alí en dirección O para pasar xunto á Pena dos Tres Pés, e continuar logo cara o curro, onde pararemos para o xantar.

Nesta primeira parte da rota apreciaremos a paisaxe característica do Forgoselo: unha chaira elevada entre os 450 e os 550 m de altitude, sen grandes desniveis, dominada por penedías ailladas, por matogueiras de toxos (Ulex sp.) e uces (dos xéneros Erica, Calluna e Daboecia, principalmente) e por plantacións de piñeiro bravo e piñeiro silvestre, onde o gando salvaxe pasta libremente todo o ano. Nas zonas máis baixas sitúanse as brañas, terreos enchoupados que contan cunha flora moi particular, como Drosera rotundifolia, unha planta “carnívora” chamada vulgarmente rorella ou orballiña que medra especialmente sobre brións do xénero Sphagnum. Poderemos ver tamén numerosos pés da xanza Gentiana pneumonanthe.

Igualmente tomaremos contacto co Rego de Mariaqueira (topónimo que sen dúbida debe estar emparentado co bretón Locmariaquer), curso fluvial tributario do Castro que, a pesar do seu curto percorrido de apenas 4 km, conta nas súas beiras cunhas fragas moi interesantes, que acubillan varias especies de felgos raros e ameazados. Por suposto, nesta época do ano os fungos e os cogomelos aportan a súa nota de riqueza e cor á paisaxe.

Antes de continuar o roteiro pagará a pena botar unha ollada á mámoa situada xunto ao curro, adornada en tempos recentes cunha especie de fonte algo estrambótica. Presenta, iso si, o inevitable cono de violación típico destes xacementos arqueolóxicos, froito dos saqueadores. Trátase dunha anta con cámara adscrita ás da tipoloxía circular con corredor corto. Foi escavada no ano 1993 por Vaquero Lastres.

Deixamos a mámoa e dirixímonos ao N e despois cara ao O, seguindo os cortalumes ata chegar á pista asfaltada. Cruzámola e continuamos por outro cortalumes ata chegar a unha pista de terra, xiramos á dereita en dirección ao lugar de Vilarvello, para tomar a pista da esquerda ata Tiraz. Continuamos entre prados e felgueiras ata o lugar abandonado de Carboados, onde tomamos xa contacto coas fragas do Río Castro. Descenderemos entre elas por un peado camiño ata alcanzar a área recreativa do Pozo de Lamas, situada xunto á desembocadura do Rego de Mariaqueira no Río Castro. Dende aquí xiraremos case 360º para continuar en dirección oeste, pasando unha pequena ponte de madeira e seguindo o sendeiro do Río Castro durante 3,2 km. Pasaremos xunto ao muíño do Chileiro para chegar ao punto final do noso roteiro, o Castelo de Naraío, unha fortificación do século XIV que foi obxecto recentemente dunha máis que discutible restauración.

Asociación Ecopacifista Galega Verdegaia
http://www.verdegaia.org/

Enviado:
Miguel Ángel Fernández
-miguelafp@gmail.com-
15 de outubro de 2013 01:22
Olá a todos/as: Este domingo Verdegaia (Núcleo comarcar de Ferrol, Eume e Ortegal) rompe o xeo dunha nova temporada de roteiros. Esperamos a vosa asistencia, o roteiro non vai defraudar a ninguén.  Unha aperta, Miguel A. Fernández
______________

Contades coa nosa sororiedade! - A Marcha Mundial das Mulleres amosa o seu apoio á loita da asociación Ve-la Luz

APOIO Á ASOCIACIÓN VELA-LUZ

Dende a Marcha Mundial das Mulleres de Ferrolterra queremos amosar a nosa solidariedade e apoio coas compañeiras da asociación Vela-luz, que se atopan, dende hoxe, en folga de fame reivindicando un sistema real que protexa a mulleres e nen@s da violencia de xénero, que non fomente a submisión, o empobrecemento e que non perpetúe o maltrato.

Rexeitando ademais a falta de recursos para as mulleres e nen@s vítimas de violencia machista.

Dende a Marcha Mundial das Mulleres sabemos ben o que están a esixir, xa que aínda que, non con atención directa ás vítimas, como moi ben fan elas, levamos anos facendo unha labor de sensibilización contra a violencia machista.

Denunciando e reclamando un cambio social no que os poderes públicos teñen unha grande responsabilidade. No ámbito da educación, da xustiza, da protección, da asistencia.

Contades coa nosa sororiedade!!


Coordenadora Local da Marcha Mundial das Mulleres
mmmferrolterra@gmail.com
www.feminismo.info
nacional@feminismo.info
https://www.facebook.com/marchamundialmulleres.galiza
twitter.com/MMMGaliza

"PARA CAMBIAR O MUNDO, ACABAR COA POBREZA E A VIOLENCIA MACHISTA"

Que é a Marcha ?

A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Enlaces de interese:

• Web da Marcha Mundial das Mulleres na Galiza
  
• Web internacional da Marcha

Enviado por:
Marcha Mundial Ferrolterra
-mmmferrolterra@gmail.com-
15 de outubro de 2013 21:05
______________

Primeiras Xornadas en Defensa da Sanidade Pública, en Ferrol Terra - Ferrol, 18 e 19 de Outubro de 2013

Primeiras Xornadas en Defensa da Sanidade Pública de Ferrol Terra.
Ferrol, 18 e 19 de Outubro de 2013

Venres día 18

Ás 17:30 horas. Mesa Debate:
A Contrarreforma Sanitaria.
Recortes/Repagos/Privatizacións o RD Lei 16/2012 e a Lei de Garantías Sanitarias.
Ponentes:Dr. Pablo Vaamonde García e Dr.Manuel Martín García.

Ás 19 horas. Mesa Debate:
A Atención Primaria: a prioridade necesaria e o Gasto Farmacéutico.
Ponentes: Dr.Jesús Sueiro Justel e  Dr.Bernardino Pardo Teijeiro.

Sábado 19

Ás 11 horas Mesa Debate:
A Relación Público/Privada ( Incompatibilidades, Concertos, Listas de Espera, Xestión).
Ponentes:Dra. Mª Luísa Lores Aguín e Dr. Carlos Piñeiro Díaz.

Ás 12:30 H Mesa Redonda:
Pacto político pola Sanidade Pública, Universal e Gratuíta.
Ponentes: Grupos parlametarios de PP, PSOE, AGE e BNG.


Quen son as persoas relatoras nestas xornadas informativas , reivindicativas e de debate público:

Pablo Vaamonde García: Médico de familia no Centro de Saúde de Labañou (A Coruña). Foi fundador e director da revista médica Cadernos de Atención Primaria (1994-2005), presidente da Asociación Galega de Medicina Familiar e Comunitaria (AGAMFEC) de 1996 a 2005 e vicepresidente do Colexio Oficial de Médicos de A Coruña de 1998 a 2005. Foi director xeral de Asistencia Sanitaria do Sergas entre 2005 e 2006.

Manuel Martín García: Especialista en Medicina Familiar e Comunitaria, portavoz de SOS Sanidade Pública e presidente da Federación de Asociacións en Defensa da Sanidade Pública do Estado Español. Exerce no Centro de Saúde de Seixo en Pontevedra.

Jesus Sueiro Justel: Presidente da Asociación Galega de Medicina Familiar e Comunitaria (AGAMFEC). Exerce no Centro de Saúde Concepción Arenal de Santiago. Promotor da campaña de obxección de conciencia para seguir atendendo ás persoas inmigrantes en situación irregular fronte ao RD Lei 16/2012.

Bernardino Pardo Teijeiro: Especialista en Medicina Familiar e Comunitaria. Exerce no Centro de Saúde de Nadela en Lugo. Vicepresidente de ASPNAIS, asociación dedicada ao coidado de discapacitados. Colabora con Unicef e Adega.

Maria Luísa Lores Aguín: Especialista en Radioloxía, coautora do libro A Saúde como Negocio da editorial Laiovento. Pertence a Federación de Asociación para a Defensa da Sanidade Pública. Ex Directora Asistencial do Complexo Hospitalario de Pontevedra. Exerce no Complexo Hospitalario de Pontevedra.

Carlos Piñeiro Díaz: Médico de Atención Primaria no Centro de Saúde de Narón.Master en Saúde Pública.Fundador de AMICOR (Asociación de Amigos do Corazón). Colaborador de AGAVIDA (Asociación Galega de Víctimas do Amianto).

Descarga aquí o díptico das xornadas.

__________________

Folga de Fame por un sistema real e efectivo que protexa ás mulleres e nen@s da violencia machista

Esta madrugada un grupo de mulleres comezará unha folga de fame para denunciar a falta de apoio e recursos, por parte das administracións, ás mulleres e nen@s vítimas de violencia machista. Estas mulleres, pertencentes á asociación Ve-la Luz, saben de primeira man, o impacto que están a ter na vida das mulleres os recortes que eliminaron o chamado "salario da liberdade", o peche dos CIM, a falta de recursos para seguir adiante con programas específicos de axuda ás vítimas de violencia machista ... Saben-no ben. E así nolo ensinaron estes días que compartimos con elas a loita contra o desafiuzamento en Cabanas, onde a violencia machista provocou a máxima indefensión de Sandra Menéndez  a quen o seu presunto agresor pretende mesmo que perda a súa vivenda.

Agora é o momento de mostrar a nosa solidariedade coa loita da Asociación Ve-la Luz. Coa loita e resistencia das mulleres contra a violencia machista, que reclaman ás administracións, recursos, protección, xustiza... que lle son negados.

Folga de Fame

Hoxe neste momento, 00:05hs, do Martes 15 de Outubro de 2013, un grupo de mulleres ligadas á Asociación Galega para a Defensa de Mulleres e Nen@s Vítimas da Violencia de Xénero e/ou Abusos - Ve-la Luz. Pertencente ao Movemento Grito en Silencio,  poñen-se en Folga de Fame:

POR UN SISTEMA REAL QUE PROTEXA A MULLERES E NEN@S DA VIOLENCIA DE XÉNERO QUE NON FOMENTE A SUBMISIÓN, O EMPOBRECEMENTO E QUE NO PERPETÚE O MALTRATO. BASTA XA!!

Ante as situacións permitidas por un sistema de protección creado para as vítimas de violencia de xénero que nos tortura e nos somete, a mulleres e fill@s perpetuando o maltrato e empoderando ao maltratador.

COMEZAN A "FOLGA DE FAME", NO BAIXO DO Nº5, DA RÚA EUSEBIO DA GUARDA, NA CIDADE D'A CORUÑA, NAS INMEDIACIÓNS DA AUDIENCIA PROVINCIAL.

Sen Salario da Liberdade, con recortes no programa de axuda psicolóxica da Xunta, sen vivendas no programa Aluga, sen medios, sen ... , ... ¡¡Xa abonda!!

Stop-Desafiuzamentos (Adherida ás PAHs) - Comisión Dereito a unha Vivenda Digna, da Rede de Apoio Mutuo de Ferrol Terra.

Compañeiras, adiante!

Stop-Desafiuzamentos (Adherida ás PAHs) - Comisión Dereito a unha Vivenda Digna, da Rede de Apoio Mutuo de Ferrol Terra | Forma parte da Coordinación Galega de STOPs e PAHs.

Inácio (Comunicación)
645 158 113

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
Stop-Desafiuzamentos da Rede de Apoio Mutuo de Ferrol Terra
https://www.facebook.com/StopDesafiuzamentosDeFerrolTerra

Para difundir:
Baixar o cartaz en formato jpg.
Baixar un barner, en formato jpg.

Enviado por:
Foro Social de Ferrol Terra FSdeFerrolTerra
-forosocialdeferrolterra@gmail.com-
15 de outubro de 2013 01:15

|||||||||||

O Comité Cidadán de Emerxencia denuncia e protesta ante a entrada do gaseiro 155, cargado con gas natural licuado (LNG/GNL), para a ilegal e perigosa Reganosa

Por un estreito, de pouco calado e sinuoso canle da Ría de Ferrol, entraba o LNG 'Ribera del Duero Knutsen', atracando no pantalán de Reganosa, axudado por catro remolcadores e os prácticos do Porto, logo dunha custosa e perigosa manobra dun buque de máis de 290 metros de eslora e 45,8 de manga, cargado con ducias de miles de toneladas de gas natural licuado (GNL/LNG). A capacidade de 173.410 m³ do buque, é moi superior á permitida na normativa da Capitanía Marítima do 27 de Abril de 2007, que puña o límite en 140.000 m³ como máximo, aos gaseiros que podían entrar na Ría. Este enorme buque, é o 155, desde que o fixera o LNG "Galicia Spirit" en Maio de 2007.

Como sempre que entra un buque cargado para a ilegal e perigosa Reganosa, o Comité Cidadán de Emerxencia para a Ría de Ferrol, concentrou-se desta vez no peirao de Curuxeiras, co buque e a Planta de Gas no fondo. No transcurso da concentración interveu o compañeiro 'Lalán' (Manuel A. Rodríguez Carballeira) que situou o momento que estamos vivindo na defensa da nosa Ría e voltou denunciar a instalación de Reganosa no corazón da mesma.

A continuación presentamos o vídeo da intervención do compañeiro

http://youtu.be/sPPwY9Fti6c  

Hai máis dun ano que se ditou a Sentenza polo Tribunal Supremo, onde a planta xa foi declarada ilegal, en sentenza inapelábel.

Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas ?


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.
_________________

Os traballadores do naval concéntranse diante dos edificios da Xunta de Ferrol en demanda de solucións - O vindeiro mes os estaleiros da ría quedarán sen carga de traballo

Os traballadores e as traballadoras do naval da ría de Ferrol protagonizaron onte, xoves, unha nova mobilización para demandar solucións políticas que permitan conseguir carga de traballo, pular pola construción do novo dique flotante, frear a sangría na destrución de emprego, recuperar os niveis de ocupación dos estaleiros públicos e, en definitiva, garantir o futuro e a viabilidade dun sector estratéxico para a economía da comarca e do conxunto do país.

Nesta ocasión, o persoal percorreu as rúas de Ferrol dende a Avenida do Esteiro cara o edificio administrativo da Xunta, que durante o tempo que durou a protesta mantivo os accesos pechados. Alí, os máis de 2.000 traballadores/as realizaron unha concentración-sentada e unha pegada de carteis pedindo carga de traballo, o flotel e futuro para a comarca. Dende a Sección Sindical da CIG en Navantia apuntouse, unha vez máis, á responsabilidade política da Xunta e o Goberno de Madrid na gravísima crise que vive o naval da ría.

Neste senso, Marcelino Amado, Secretario da Sección Sindical da CIG, sinalou que dende a representación do persoal estase a traballar para a próxima mobilización que terá lugar o 24 de outubro, e que dende a CIG se defende que debería confluír coa mobilización estudantil que ese día terá lugar, no marco da xornada de folga no ensino contra a LOMCE.

Así mesmo, xa se estuda un novo calendario de protestas máis intensas e contundentes para novembro. Un mes fundamental para o sector “porque se nos remata a carga de traballo”, denunciou Amado. A este respecto, lembrou que a día de hoxe non sabe nada do construción do dique, non existe nova carga de traballo e nin sequera é seguro que Navantia vaia recibir o contrato dos famosísimos buques hoteis de Pemex, anunciado xa hai un ano polo Presidente da Xunta nunha pomposa comparecencia para os medios.

“Que se fagan os floteis cada vez perde máis credibilidade, porque o contrato non era tan firme como se vendeu dende a Xunta, nin polo tempo transcorrido dende o anuncio e porque só se conseguirán se a filial de Pemex, PMI, gaña un concurso ao concorren outras 11 compañías”, apuntou.

Adiada a sinatura do convenio colectivo

En canto ás negociacións para o novo convenio colectivo, adiouse unha semana máis a sinatura do mesmo, ao non aceptar UGT nin CCOO o texto do preacordo presentado pola dirección por resultar máis regresivo que a plataforma modificada sobre a que estaban a negociar, e que dende a CIG xa fora rexeitada. Neste senso, a Sección Sindical continúa a defender a plataforma de eixos básicos aprobada en asemblea de traballadores/as e amósase totalmente contraria a que se elimine do articulado do convenio, por primeira vez, a ultraactividade.

Até o vindeiro mércores (cando expira o novo prazo de prórroga), a Sección Sindical da CIG en Navantia vai facer un esforzo por explicar o máis extensamente posíbel ao conxunto do cadro de persoal a situación da negociación e a postura defendida pola central nacionalista. No caso de que na próxima comisión negociadora en Madrid se asine un preacordo, dende a CIG esixirase que se abra o proceso pertinente para que sexan as propias asembleas de traballadores/as as que ratifiquen ou non dito acordo. Se non se asina ningún texto, a CIG entende que se debería debater conxuntamente os pasos a seguir e aí cabería convocar unha asemblea xeral para tratar con todos/as os/as traballadores/as que facer.

O Comité reúnese co BNG

Na mañá deste venres, unha representación do Comité de Navantia mantivo un encontro cos voceiros do BNG, que explicaron as actuacións e xestións realizadas pola formación nacionalista no Congreso e o Parlamento sobre a situación dos estaleiros da ría de Ferrol, así como trasladar a súa visión do papel de Navantia na comarca. Neste encontro, Manel Grandal, co-voceiro da CIG de Ferrol e membro do Comité de Navantia, insistiu en que Ferrolterra se xoga o seu futuro co sector naval e criticou a política de recentralización que está a implantar a dirección da empresa.

Fonte Avantar.

__________________

Reforma das pensons: PP governa para os ricos e empobrece mais à Galiza e as classes populares - Nós-UP dilvulga publicamente os documentos a debate da VII Assembleia Nacional, antes da sua Assembleia nacional do 30 de Novembro

Reforma das pensons: PP governa para os ricos e empobrece mais à Galiza e as classes populares

O passado 27 de setembro o governo espanhol de Rajói aprovava umha nova volta de porca na reforma das pensons em base ao informe apresentado pola “comissom de expertos” conformada basicamente por altos cargos de bancos e empresas de seguros.

Para NÓS-Unidade Popular esta reforma supom um novo ataque ao povo trabalhador galego, especialmente aos setores mais empobrecidos e agredidos polas consequências da crise capitalista e polos cortes em todos os ámbitos, impostos polos governos do PP e do PSOE tanto a nível estatal como na Junta da Galiza.

As e os mais de 740.000 pensionistas que há no nosso país recebem de média pensons de 721 euros ao mês frente aos 858 euros de média estatal, e atualmente som o suporte de milhares de famílias castigadas polo desemprego e os cortes sociais. Segundo os dados do IGE, só na Comunidade Autónoma Galega há hoje 374.938 lares que vivem dos ingressos por prestaçons (sendo as pensons umha parte essencial), 32,25% das famílias galegas.

É um ataque porque se soma à reforma de 2011, aprovada polo PSOE, que se vendia como soluçom a longo praço e que só dous anos depois é aperfeiçoada polo PP. Cumpre lembrar que a dura reforma de Zapatero conlevou, entre outras medidas, a elevaçom progressiva da idade de jubilaçom até os 67 anos e o incremento do período de quotizaçom preciso para poder cobrar a pensom mínima até os 15 anos. Mas também previa já a incorporaçom do “factor de sustentabilidade” agora aprovado para conseguir rebaixar as pensons com o falso pretexto de garanti-las no futuro.

É um ataque porque a introduçom deste “factor de sustentabilidade” (que na reforma do PSOE se adiava até 2027) no cálculo das pensons baseado em dous componentes: o FEI e o FRA.

O FEI (Factor de Equidade Intergeneracional) aplicará-se desde 2019 aos e às novas pensionistas e reduzirá a quantia das pensons conforme avance a esperança de vida teórica calculada.

O FRA (Factor de Revalorizaçom Anual) elimina o critério da revalorizaçom das pensons atendendo ao IPC, e estabelece desde 2014 um mísero incremento anual do 0,25% que significa na prática a perda continuada de poder aquisitivo e mais empobrecimento para as pessoas que vivem de umha pensom. Na teoria o incremento poderia ser maior quando houver umha melhor situaçom económica, mas estabelecendo um limite do IPC+0,25%.

É um ataque porque pretende aforrar em oito anos (2014-2022) 33.000 milhons de euros da Segurança Social. Isto nom é aforrar senom que, mais umha vez, é roubar e empobrecer as e os trabalhadores enquanto os diferentes governos salvam bancos e ajudam as grandes empresas com dinheiro público. Aliás, e dependendo da evoluiçom económica, diferentes economistas defendem, baseando-se nos dados de inflaçom previstos polo BCE, que o corte em pensons pode atingir os 77.000 milhons de euros. As perdas podem ser de entre um 20% e um 30% do poder aquisitivo, uns 1.500 euros anuais por pessoa.

O presunto perigo de insustentabilidade do sistema público de pensons, mil e umha vezes repetido desde muito antes da atual crise para preparar o terreno para este assalto às pensons, é umha enorme falácia. O aumento da esperança de vida e a queda no número de trabalhadoras e trabalhadores ativos, nom conleva necessariamente estas medidas. Há outras formas de assegurar as pensons públicas, que som um direito básico e irrenunciável:

-  O sistema público de pensons pode-se financiar mediante impostos e em relaçom com umha reforma fiscal fortemente redistributiva, que ataque a fraude (80.000 milhons de euros/ano) e os privilégios fiscais da burguesia (SICAVs, etc.).

- O Estado espanhol pode dedicar mais recursos públicos às pensons. A dia de hoje, e segundo dados oficiais de Eurostat, continua a gastar menos que a média europeia neste apartado, e muito menos ainda que outros estados como o francês ou o austríaco.

- Umha política económica que rompa com os dogmas neoliberais e se centre na criaçom de emprego de qualidade também ajudará a garantir as pensons. É tempo de falarmos claramente de nacionalizar setores estratégicos e estabelecermos medidas de reparto do emprego.

Nom devemos aceitar como verdades as suas mentiras. As suas medidas de cortes sociais e precarizaçom laboral som ideológicas e som decissons políticas, nom venhem determinadas por necessidades económicas ineludíveis. Há alternativas.

Mas para atingi-las e concretizá-las necessitamos mais organizaçom e mais luita obreira e popular. Há que superar a resignaçom e o fatalismo. Criar um movimento de massas forte que poda impor um programa alternativo ao que ditam os partidos do regime espanhol ao serviço da oligarquia e do imperialismo. Luitar pola soberania nacional para construir umha República Galega ao serviço do povo trabalhador. Sem soberania e sem romper com o corrupto regime espanhol e a UE nom há saída.

Direçom Nacional de NÓS-UP

Galiza, 10 de outubro de 2013


Divulgamos documentos a debate da VII Assembleia Nacional

NÓS-Unidade Popular disponibiliza as teses que o conjunto da militáncia está utilizando e debatendo nas Assembleias Comarcais, e que posteriormente serám submetidas a debate e aprovaçom na Assembleia Nacional de 30 de novembro.

Por primeira vez desde a nossa conformaçom em junho de 2001 divulgamos previamente a sua aprovaçom a linha política da esquerda independentista, com o intuito de recolher achegas e opinions de simpatizantes, base social e de todas aquelas pessoas interessadas em contribuir com as suas sugestons e críticas.

Disponibilizamos o correio eletrónico nacional@nosgaliza.org onde se poderám enviar até 11 de novembro propostas que contribuam a completar e aperfeiçoar o documento que definirá a linha de NÓS-UP para os vindouros dous anos.

Podes descarregas as teses da VII Assembleia Nacional nesta ligaçom, em formato pdf: [Documentos]

NÓS-Unidade Popular

Correio-e: nacional@nosgaliza.org | nosup.imprensa@gmail.com | Telefones: Porta-Vozes: 659 306 973 (Rebeca Bravo) Responsável Nacional de Imprensa: 616 868 589 (Carlos Morais) Responsável Nacional de Organizaçom: 669 778 474 (Bruno Lopes Teixeiro) | Sede Nacional: Rua Costa do Vedor 47, rés-do-chao. Compostela. Galiza web: www.nosgaliza.org | twitter: @nosgaliza

Enviado por:
NÓS-Unidade Popular NÓS-UP
-nosup.imprensa@gmail.com-
11 de outubro de 2013 01:5
_____________

Marchas para apoiar as 100 medidas para crear emprego en Galiza - As Marchas na Comarca terán lugar o 14 e 16 de Outubro - O 19 de Outubro (Sábado), Manifestación Nacional en Compostela

Participa nas Marchas para apoiar as 100 Medidas para crear emprego

A CIG está a desenvolver unha campaña "SALVEMOS GALIZA" - 100 medidas para crear emprego.

Dentro da campaña polo emprego que está a desenvolver, ten programadas marchas a pé por todas as comarcas durante a semana do 14 ao 19 de outubro, para dar a coñecer a iniciativa da central sindical e pór no centro do debate social e institucional o grave problema do desemprego e as medidas que se deberían adoptar para afrontalo. Ademais, nesta semana previa estanse a difundir na rúa, nos centros de traballo e nas oficinas do desemprego, así como outro tipo de accións polos barrios, para informar das propostas e mobilizacións da CIG. A primeira fase da campaña concluirá o sábado 19 de outubro cunha manifestación nacional, que sairá ás 12:00 horas da Alameda compostelá.

En Ferrol

Dentro desta campaña están encadradas dúas marchas que se celebrarán os vindeiros 14 e 16 de Outubro:

Día 14 de Outubro (Luns): saída ás 10:00h do Pavillón de San Valentín cara Freixeiro, onde remata a marcha. Entregaran-se as Medidas nos concellos de Fene e Neda.

Día 16 de Outubro (Mércores): saída do local FORGA no Río do Pozo, rematando na Praza de Armas. Entregaran-se as Medidas nos concellos de Narón e Ferrol.

As Marchas noutras vilas e cidades aquí.

PARTICIPA!!

Confederación Intersindical Galega - CIG

Información enviada por:
Cig Saúde de Ferrol
-cig-saude.ferrol@sergas.es-
11 de outubro de 2013 09:01
www.cig-saude.org/ferrol
_____________

O gaseiro LNG 'Ribera del Duero Knutsen', cargado con miles de toneladas de GNL/LNG para Reganosa, anuncia a entrada na Ría de Ferrol - O Comité Cidadán de Emerxencia convoca unha nova acción de protesta

CONCENTRACIÓN SONORA EN FERROL,
NO PEIRAO DE CURUXEIRAS
BARRIO DE FERROL VELLO (NOVO HORARIO)

ÁS 7 DA TARDE, DO VENRES 11 DE OUTUBRO

O gaseiro LNG 'Ribera del Duero Knutsen', é un buque procedente do Mar do Norte, con bandeira de Noruega,  de grande porte, 290 m de eslora e 45,8 m de manga, 26,5 m de puntal e  de calado 11.95 m. Cunha capacidade de 173.410 m³ de GNL, moi superior á permitida na normativa da Capitanía Marítima do 27 de Abril de 2007, que puña o límite en 140.000 m³ como máximo. Son miles as toneladas de GNL/LNG, para a ilegal e perigosa Reganosa. Este enorme buque ten anunciado a súa entrada na Ría de Ferrol, para este Venres 11 de Outubro de 2013. Esta entrada, supon xa a 155, desde que o fixera o LNG "Galicia Spirit" en Maio de 2007.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol convoca unha acción de protesta e denuncia, consitente nunha Concentración Sonora, o mesmo Venres ás 7 da Tarde (Novo horario despois de pasado o verán), en Ferrol, no Peirao de Curuxeiras, barrio de Ferrol Vello.

Hai máis dun ano que se dictou a Sentenza polo Tribunal Supremo, onde a planta xa foi declarada ilegal, en sentenza inapelábel.

Tras a Sentenza do Tribunal Supremo, que declara ilegal a localización de Reganosa, temos que esixir o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas ?


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

9 de outubro de 2013 23:18

_______________

Un día máis as compañeiras e compañeiros de Stop Desafiuzamentos da Coruña, continuan a pé de portal para evitar o desafiuzamento de Elisabeth

SEGUIMOS EN LOITA. SEGUIMOS CONVIDANDO A TODA Á CIDADANÍA A QUE NOS ACOMPAÑE EN ANTONIO NOCHE 30. GRACIAS POLO VOSO APOIO. NESTA CIDADE NON SE DESAFIUZA¡¡¡

Boas tardes,

Dende STOP Desafiuzamentos A Coruña queremos informar de que a ameaza de desafiuzamento de Elisabeth Sanles segue en pé ó non recibir ela ningún tipo de notificación que lle garanta o contrario. No día de hoxe se lle otorgou o cambio de avogado e se están comezando a abrir novas vías xudiciais, que atinxirán ó Tribunal Europeo de Dereitos Humáns e das que informaremos ó longo destes días. Agardamos que este traballo poda servir de precedente para outros casos similares nos que o dereito á vivenda se vexa vulnerado.

Polo outro lado, queremos agradecer á veciñanza todo o apoio, a empatía e a solidariedade que están a amosar durante estes días. É a forza da xente a que permite frear as agresións contra os mesmos dereitos básicos que as institucións non defenden.

Grazas pola vosa atención,
STOP Desafiuzamentos A Coruña

Correo-e:
desahucios.coruna@gmail.com

Blogue:
http://stopdesahuciosacoruna.blogspot.com.es/

Facebook:
https://www.facebook.com/pages/STOP-DESAHUCIOS-A-CORU%C3%91A/216065495111451

Twiter:
https://twitter.com/Desahuciocoruna

Grupo de stopdesahucios d'A Coruña
@desahuciocoruna
https://n-1.cc/pg/groups/372403/desahucios-corua/

___________________

O noso compañeiro Gonzalo de Francisco, da PAH de Pontevedra, a punto de morrer vitima dos abusos bancarios

O noso compañeiro Gonzalo de Francisco, da PAH de Pontevedra, a punto de morrer vitima dos abusos bancarios

Segundo nos comunican, o noso compañeiro Gonzalo De Francisco Meirelles, da PAH de Pontevedra, a punto de morrer vítima dos abusos bancarios. Gonzalo estivo na última xuntanza de coordinación galega que tivemos no Parlamento Galego, cando lle presentamos a proposta da ILP á Xosé manuel Beiras ANOVA.

Gonzalo é un dos activistas da PAH de Pontevedra, responsabilizaba-se da coordinación da Plataforma de Afectad@s pola Hipoteca en Pontevedra. Gonzalo, afectado pola usura bancaria, estaba intentando solucionar a "débeda" da hipoteca da súa consulta de psicoloxía e outra pola vivenda, novas dificultades abocaron-lle a esta dramática situación. Segundo A. Blasco do Faro de Vigo a "pinga que colmou o vaso" produciuse nos últimos días, cando tras percibir case 1.800 euros en concepto de devolucións das retencións de autónomos o banco investiuno na débeda da consulta no canto de facelo na casa, como era intención da parella que xa daba por perdido o negocio.

A PAH de Pontevedra, apenas ten uns meses de vida, foi constituída en Agosto deste ano.

Agardemos que o noso compañeiro Gonzalo estexa ben e siga contribuíndo co seu inestimábel e necesario apoio e forza.

Foto de Rafa Vázquez.

Stop-Desafiuzamentos (Adherida ás PAHs) - Comisión Dereito a unha Vivenda Digna, da Rede de Apoio Mutuo de Ferrol Terra

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Redes Sociais:
facebook de Stop Desafiuzamentos da Rede de Apoio Mutuo de Ferrol Terra

Enviada por:
Foro Social de Ferrol Terra FSdeFerrolTerra
-forosocialdeferrolterra@gmail.com-
10 de outubro de 2013 12:42
_________________

Abre-se o prazo para cursos no Centro Social da Artábria - Travessa de Batalhons nº7 Esteiro - Ferrol

Abre-se o prazo para cursos no Centro Social da Artábria

A Artábria retoma a atividade de cursos sobre assuntos propostos por pessoas interessadas nas diferentes temáticas. De partida, haverá atividades formativas de Dança Tradicional, Pandeireta, Gaita, Solfejo e piano, Ioga e Dança Urbana.

O preço as liçons será de 12€ para pessoas nom sóci@s, 10€ para gente associada e de 5€ para desempregad@s sejam ou nom sóci@s. A partir da segunda matrícula haverá umha rebaixa do 25%.

Para além dos cursos propostos, lembramos que também temos o Clube de Tricot ao que se pode apontar quem quijer e de graça.

Durante o que resta do mês de outubro  as pessoas interessadas em participar deverám passar polo nosso Centro Social e fazer umha pré-inscriçom ou bem ligar para o número 635 074 071. Também podedes receber mais informaçom escrevendo para o correio-e: correiodeartabria@gmail.com.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia | Código de Identificaçom Fiscal (CIF):  G15645518.

Enviado por:
Fundaçom Artábria
-artabria@artabria.net-
10 de outubro de 2013 16:12
http://www.artabria.net
________

A sentenza contra a Planta de Xixón e o caso Reganosa - O Tribunal Superior de Xustiza de Madrid ditou resolucións contrarias, polos mesmos motivos, nas demandas contra Reganosa, cuxos incumprimentos son moito máis graves

O Tribunal Superior de Xustiza de Madrid ditou sentenza considerando ilegal a regasificadora do Musel (Xixón), aceptando un recurso presentado en 2008 por EQUO-Os Verdes de Asturias, contra a resolución do Ministerio de Industria que autorizaba a súa construción.

A decisión xudicial baséase no feito de que a instalación non respecta a legalidade ao estar construída a menos de dous quilómetros de núcleos habitados, incumprindo o estipulado no Regulamento de actividades molestas, insalubres, nocivas e perigosas (RAMINP).

A Planta regasificadora, xa finalizada, non foi conectada á rede por decisión do Goberno central, que o considerou innecesario, dado que non ten demanda de subministración e que as máis próximas, Bilbao e Reganosa están a funcionar moi por baixo da súa capacidade, non obstante Enagás, "está a cobrar" a amortización por "retorno do investimento" que se carga á factura dos usuarios da rede de distribución de gas.

O Comité Cidadán de Emerxencia para a Ría de Ferrol congratúlase por esta sentenza, á vez que manifesta a súa sorpresa por canto o mesmo Tribunal Superior de Xustiza de Madrid ditou resolucións contrarias, polos mesmos motivos, nas demandas contra Reganosa, cuxos incumprimentos son moito máis graves:

• A distancia de Reganosa aos núcleos de poboación (Mugardos, Ferrol, O Seixo, etc..) é moito menor.
• Reganosa está practicamente encostada a un perigoso complexo petroquímico.
• Carece de Declaración de Impacto Ambiental e de Plan de Emerxencia.
• Imposiblidade de cumprimento da normativa de seguridade, caso de emerxencia,  para os gaseros cargados de GNL.
• A Planta do Musel está en mar aberto, mentres Reganosa está situada no interior dunha ría cun complicado acceso.

O CCE manifesta unha vez máis o seu propósito de seguir loitando en defensa da legalidade, do sostemento da Ría e da vida dos seus habitantes.

¡ REGANOSA: PECHA XÁ !

Valoración da sentenza nos medios de comunicación:

• http://www.rtve.es/alacarta/videos/panorama-regional/panorama-regional-04-10-13/2047024/
• http://www.rtpa.es/asturias:La-Justicia-considera-ilegal-la-regasificadora-de-El-Musel_111380888348.html
• http://www.20minutos.es/noticia/1938160/0/
• http://www.elcomercio.es/20131004/economia/equo-verdes-ecologistas-exigen-201310041516.html
• http://www.elcomercio.es/20131004/economia/tribuanles-anulan-autorizacion-regasificadora-201310041348.html
• http://www.lne.es/gijon/2012/04/26/desmantelar-regasificadora-musel-llega-tribunales-madrid/1233091.html

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Para contactar:

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc
______________

Todo um mês de atividades para festejar o 15º aniversário - Fundaçom Artábria, Ferrol: Travessa de Batalhons nº7 Esteiro

Todo um mês de atividades para festejar o 15º aniversário

Depois do XIII Festival da Terra e da Língua as atividades da Fundaçom Artábria continuam. O mês de outubro vem carregado de atividades para festejar os quinze anos do nosso coletivo.

Quinze anos de trabalho pola defesa da cultura nacional, os valores solidários e os direitos históricos do nosso País.

É com este motivo, que organizamos umha série de atividades para dar conteúdo ao programa previsto para celebrar esta data tam assinalada. Ei-lo!

Sexta-feira 4 de outubro desde as 20.30hs iniciamos o nosso aniversário com a primeira cita gastronómica. Chouriços e espetos grelhados da mao do nosso Master-Chef Carlos Louro.

Na sexta-feira 11 de outubro o Mago Fiz (re)voltará à Fundaçom Artábria com o seu espetacular espetáculo de magia. Será às 22hs e a entrada gratuíta.

Teresa Moure apresentará o seu último trabalho o poemário "Eu violei o lobo feroz" na quinta-feira, 17 de outubro, às 20.30h.

Na sexta-feira 18 de outubro, às 22.30hs, chegam desde a comarca de Trasancos o grupo de ska Tardepiache. Com certeça darám muita festa! Ah e é de graça!

E ao dia seguinte, 19 de outubro, continuamos com a música. Desta vez decorrerá no Centro Social umha das nossas míticas foliadas artábras com a presença dos grupos: Ferozes da Galgueira, Xente Nova e Alén de Ancos. Traz o teu instrumento e soma-te à festa!

No sábado 26 de outubro decorrerá a ceia do 15 aniversário. A ementa será Polvo à Feira, Presunto à feira com cachelos. De sobre-mesa bolo de aniversário. O preço da ementa é de 12 euros e já podes fazer a tua reserva no Centro Social.
E depois da ceia... Bingo musical de medo!!!

Para finalizar as atividades do aniversário celebraremos a noite do Sahmain (31 outubro) com um obradoiro de cabaças, liscos e castanhas. Os contos desde o campo-santo com Raulinsteim do Metal fecharám umha noite de honra aos defuntos.
--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!
....
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia. |Código de Identificaçom Fiscal (CIF):  G15645518.

Enviado por:
Fundaçom Artábria
-artabria@artabria.net-
7 de outubro de 2013 16:25
______________

A Asociación Veciñal de Esteiro denuncián a eliminación da participación cidadá por parte dos gobernantes municipais

A Asociación Veciñal de Esteiro na reunión da Xunta Directiva celebrada, como cada luns, o día 7 de outubro tomamos o acordo de DENUNCIAR a eliminación total da Participación Cidadá no Concello de Ferrol.

Non se reúne o Consello da Veciñanza, os Consellos Sectoriais , algúns aínda non están constituídos. As Asembleas de Barrio non volveron a convocarse desde a súa constitución . Non se puxo en marcha unha institución fundamental como é o Valedor Veciñal e tamén desapareceron os Orzamentos Participativos.

Non se convoca a Comisión de Seguimento do Urban , non se da participación á veciñanza , agás para presentar alegacións que as mais das veces non son tidas en conta,  cando se elaboran Ordenanzas Municipais.

Tómanse decisións , como a de facer peoniles máis rúas, escoitando so os intereses de determinados colectivos, sen falar do modelo de cidade e sen establecer planos de mobilidade e de circulación alternativos.

Está claro que o actual Goberno Municipal non cree na participación cidadá.

As relacións dos responsables políticos, agás honrosas excepcións, coas entidades asociativas, cando menos coas veciñais, é cada vez máis menos fluídas e nalgún caso, como coa Concellería de Urbanismo, inexistente.

Por se non fose dabondo o non contar coas entidades veciñais, o Goberno Municipal aínda se está disposto a tomalas  máis de broma e menosprezalas moito máis. Sucede este ninguneo co chamado Plan de Barrios, que está na súa segunda fase.

Ningún responsable político municipal, nin tampouco ningún funcionario municipal, agás o de limpeza, se pon en contacto coas entidades asociativas para que elaboren un memorando coas demandas e deficiencias que hai no barrio . O que se fai é mandar unha semana antes da nova visita do Alcalde ao respectivo barrio aos responsables das empresas que traballan para o Concello polos locais veciñais para que lles digamos que necesita o Barrio e logo durante tres ou catro días as empresas de xardíns, alumeado, obras e servizos se encargan de amañar unha pequena parte de esas deficiencias, para que o Alcalde da cidade, como en “Bienvenido Mr. Marshall”, apareza un xoves ou un venres rodeado dos medios de comunicación a “vender” todo o que fixeron neses catro días.

Previamente á visita, o día anterior, se invita á Asociación Veciñal de ese Barrio para que acompañen ao Alcalde e tamén se avisa aos representantes da Asemblea de Barrio e poida contarlles a grande labor que leva feito en catro días no Barrio.

Esta Asociación non imos deixarnos manipular e non aceptamos que en lugar de cidadáns o Sr. Rey Varela pretenda tratarnos como súbditos  polo que non imos participar na farsa  que o Alcalde da cidade ten organizada para esta semana en Esteiro, polo tanto a Xunta Directiva da AV de Esteiro  non imos acompañar ao Alcalde como se fósemos o seu séquito ou o seu coro de figurantes.

Se o Sr. Varela quere estar en campaña electoral permanente, non o vai facer utilizando á Asociación Veciñal de Esteiro que  DEMANDAMOS  que se recupere xa a Participación Cidadá e se respecten os dereitos da cidadanía en xeral e do tecido asociativo en particular.

Cando o Alcalde de Ferrol,  calquera membro do Goberno Municipal ou Grupo Municipal queira reunirse coa Asociación Veciñal de Esteiro, a nosa entidade os recibirá gustosamente, pero pretender utilizarnos como figurantes nunha cerimonia permanente da confusión non o imos tolerar e non imos participar.

Sr Rey Varela paséese canto queira por Esteiro pero non conte con nós. Non pretenda vendernos os traballos aos que está obrigado a facer o Goberno Municipal como unha concesión da Súa Graciosa Maxestade aos súbditos de Esteiro.

A Participación Cidadá non é iso.

Xunta Directiva da Asociación Veciñal de Esteiro

Local Veciñal:
Rúa Fernando VI,
Bloque I baixo
Ferrol -15403
Telef. 981933223
avesteiro@galicia.com
http://avesteiro.blogspot.com/

Enviado por:
avesteiro
-avesteiro@galicia.com-
8 de outubro de 2013 07:57
_____________

O Concelleiro de Esquerda Unida, Javier Galán, demanda que o Convenio con Defensa, pase por un proceso de participación cidadá - Dende EU reclamamos unha exposición pública dese convenio, para que non se repita o acontecido coas obras do saneamento

O CONSELLO LOCAL DE ESQUERDA UNIDA DENUNCIA QUE O CONVENIO CON DEFENSA AGOCHA TRAS A OPACIDADE INFORMATIVA PRÁCTICAS ESPECULATIVAS.

Javier Galán, voceiro do grupo municipal, demanda que o texto do Convenio, que vai ser levado ao pleno de outubro, segundo información coñecidas pola prensa e non polo goberno, sexa posto a disposición das forzas da oposición, colectivos veciñais e o tecido asociativo para o seu análise, crítica e estudo do uso dos terreos incluídos no mesmo.

Dende logo, a nosa formación rexeita de plano calquera convenio que implique un desembolso económico, e sempre rexeitaremos a política de malvender os bens públicos para pagar irresponsabilidades político financeiras, máis aínda cando existe un titular orixinario dos bens que Defensa pretende vender para pagar a débeda orixinada polas operacións humanitarias, isto é, a guerra. Ese titular orixinario é a cidadanía de Ferrol, que dende tempos inmemoriais tivo que soportar lugares de paso restrinxido, unha cidade costeira pechada ao mar e ver como edificios militares caen paulatinamente, deteriorados pola falta de uso, e agora, por un convenio exprés, paga a factura do ministerio da soldadesca vasala da OTAN.

Segundo Javier Galán é máis que censurable que o alcalde de Ferrol xa atribúa usos a espazos militares, falando de albergues, zonas de ocio, polígonos industriais, etc, sen que o Pleno de Ferrol, supostamente o órgano soberano para o que o PP esixe tanto respecto, haxa aprobado convenio algún e, polo tanto, pode considerarse como unha práctica ilexítima ou un pacto de amigos que tan só necesita o visto e prace dos doce máis un concelleiros da maioría absoluta do Concello de Ferrol, sen que a oposición e, o que é peor, a cidadanía teñamos nada que dicir.

Dende EU reclamamos unha exposición pública dese convenio, para que non se repita o acontecido coas obras do saneamento e a EDAR, que estiveron expostas na cidade de Ourense,  que desa exposición pública naza unha opinión colectiva e participada como cidade, a través de alegacións, de como debe ser o convenio e qué usos se lle debe dar aos terreos e propiedades incluídas.

O alcalde de Ferrol, que agora semella ser o adalid da unidade respecto ao tren  ao porto exterior, (pese a que o día anterior publicamente considerara a ridícula partida de 500.000 euros suficiente), non aplica o mesmo conto cando hai posibilidade de obter rendibilidade económica a terreos que acabarán xestionados por conglomerados empresariais amigos, como acontece con todo o que antes era público e de todos e todas, e agora é dalgún empresario que o xestiona a través de servizos deficitarios e subemprego precario.

Grupo Municipal de Esquerda Unida.

Ferrol a 5 de outubro de 2013

Grupo Municipal de Esquerda Unida

Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/

Enviado por:
Ferrol Esquerda Unida
-eu-ferrolterra@esquerdaunida.org-
7 de outubro de 2013 17:14 Cco: artabra21@gmail.com
Bo día. Adxuntamos nota do grupo municipal de EU sobre as prácticas opacas do goberno municipal e do ministerio de Defensa. Saúdos, Secretaría de Comunicación Esquerda Unida - errol
_________________

Ve-La Luz fala co presunto maltratador de Cabanas

VE-LA LUZ FALA CO PRESUNTO MALTRATADOR DE CABANAS

Ante as declaracións vertidas polo presunto maltratador J.S.C aos medios de prensa e conversación mantida pola Presidenta de Ve-la luz co mesmo.

Ve-la luz quere deixar constancia dos seguintes datos que cre importantes para dar veracidade non só aos datos deste caso senón aos centos deles que non son representados ante a opinión pública:

1º Sandra recibiu máis de tres decenas de denuncias por parte do Sr. J.S.C por "Dexación de deberes familiares" que é igual a incumprimento de visitas, das cales só foi condenada dúas veces. Isto quere dicir que só dous xuíces e/ou fiscais de máis 30, interpretaron que Sandra incumpría e non como o resto que interpretaron a realidade "que Sandra simplemente protexía ao seu fillo como se reflicte na Convención dos dereitos do neno no seu art. 19".

2º Non existe ningunha condena firme dos procesos que nomea o Sr. J.S.C por vexacións a el, aínda que si recoñecemos que hai unha sentenza en primeira instancia sobre outro tema e persoas que foi recorrida ante a Audiencia. Neste asunto Sandra non asistiu á vista, algo moi normal debido ao proceso brutal ao que se lle someteu que non fixo máis que perpetuar o maltrato recibido e que recibe.

3ºA desacreditación do proceso e xustificación por parte de presunto agresor das imputacións que lle levaron a ter unha orde de liberdade provisional, sorprenden: Di que está imputado por catro delitos e con Liberdade provisional tras unha instrución de dous anos debido a: "Que hai unha persoa que non sabe o día no que se produciron as agresións" ¡¡Dálle máis importancia ao día que á agresión!!! Nin o alcalde , nin as plataformas que apoiaron á vítima teñen nin idea - ¡¡Temos a documentación e até a enviada polo Sr. J.S.C!!! Di que non sabe como a nai ten aínda a custodia do menor, o mesmo que é o seu fillo e fai máis de dous meses que non pasa a pensión alimenticia pero recoñecendo que o neno está ben coidado. (Algo habitual nestes casos).

Durante a conversación mantida con Vázquez resalta a profesión, oportunidades varias, unha charlas co Fiscal "Roma" mediante o Punto de encontro de Ferrol e a clarividencia de saber que non será condenado aínda que se lle imputen a día de hoxe catro delitos de Violencia de xénero (Art. 153. 1, 153.3 e 617.2) .

En relación ao desafiuzamentos di non coñecer ao comprador pero ante a posibilidade de que puidese abrirse un proceso penal, coméntanos que o comprador non ten antecedentes e que os antidisturbios actuarán nuns días desafiuzando a Sandra e o seu fillo.

A asociación Ve-la luz recibiu documentación do Sr. J.S.C e unha chamada na que nos instaba a que fósemos imparciais solicitando que enviásemos un comunicado pola nosa banda á prensa tras analizar a documentación e así o estamos facendo. En relación ao desafiuzamento Sandra instou unha demanda de reclamación de cantidades que ante a falta de forma produciu unha absolución e na actualidade existe outro proceso de venda fraudulenta onde até a data non se puideron probar as formas e xeitos nas que se produciu a venda recoñecendo unha simulación na reclamación de cantidades.

En relación á habitabilidade do domicilio nas medidas provisionais outorgadas polo xulgado de violencia de Ferrol presentouse fai xa varios meses un documento baseado en "Fallo dun erro material da sentenza" continuando á espera de resolución posto que o domicilio habitual da familia sempre foi Cabanas e non Pontedeume como así intenta xustificar como todo o resto Sr. J.S.C.

¡¡Non permitamos que nada nin ninguén as silencie!!!

Asociación Ve-la Luz

COMUNICADO:
VE-LA LUZ FALA CO PRESUNTO MALTRATADOR DE CABANAS

Enviado por:
Asoc. Velaluz Violencia de Xénero
velaluz.galicia@gmail.com
8 de outubro de 2013 01:48
http://www.asociacionvelaluz.es/
_________________

Foto de Marta Coral en ferrol360.es

Unha reportaxe de interese no xornal dixital ferrol360.es:

Aprazado o desafiuzamento dunha muller en Cabanas tras unha concentración sen incidentes ante a súa vivenda | MARTA CORRAL / R. S. | Cabanas / Ferrol | Luns 7 outubro 2013 | 22:22 | Desde as dez da mañá deste luns preto de medio centenar de persoas concentráronse en Cabanas ante a vivenda dunha muller que recibira unha notificación de desahucio co propósito de impedir o seu execución. [Entrar na WEB].
_________________