Amosando publicacións coa etiqueta Eleccións Municipais 2015. Amosar todas as publicacións
Amosando publicacións coa etiqueta Eleccións Municipais 2015. Amosar todas as publicacións

luns, xuño 08, 2015

Ferrol en Común e PSdeG PSOE chegan a un primeiro acordo no que as persoas e a recuperación urbanística e de poboación, centran o programa de mínimos e reiteran que aínda que o BNG abadoara a comisión negociadora, este segue a ser un elemento esencial non futuro goberno municipal


As persoas e a recuperación urbanística e de poboación, centran o programa de mínimos de FeC e PSOE


FERROL360 | Sábado 6 xuño 2015 | 14:25

Un Ferrol centrado nas persoas, na recuperación de poboación, na creación de emprego, nos dereitos sociais, na recuperación urbanística e na defensa da transparencia e a participación cidadá. Estes son os eixes sobre os que vira o acordo de mínimos ao que chegaron Ferrol en Común e o PSOE para construír unha cidade nova.

Nun comunicado conxunto, as formacións avanzan que o programa darase a coñecer a próxima semana, momento no que se "traballará en determinar as responsabilidades e ou funcionamento dun posible goberno de coalición". En todo caso, consideran un "aspecto secundario" ese reparto de concellerías porque os intereses da cidade "están por enriba dous intereses partidistas".

En canto á marcha do BNG da comisión negociadora, FeC e PSOE reiteran que o Bloque é "un elemento esencial non futuro goberno", ben formando parte do mesmo ou mantendo unha oposición leal e constructiva. Engaden que calquera que sexa a decisión que adopten é respectable.

Para Jorge Suárez, candidato de FeC, é o momento de construír entre todos unha cidade que volva ao optimismo e recupere a súa dignidade. Ábrese así, un novo tempo en Ferrol, no que se dará cabida a todas as sensibilidades que hai na urbe.

Mentres, Beatriz Sestayo, candidata do PSOE, destaca o posicionamento claro de responsabilidade con Ferrol e os seus cidadáns para afrontar os problemas serios deste municipio. O obxectivo é claro, recuperar poboación, emprego, ilusión e futuro.

Fonte: Ferrol 360.

Baixo a licenza Creative Commons by-nc-nd 4.0

Detalle de foto de Ángel Manso.

Enviado por:
inaciogz
-inaciogz@gmail.com-
7 de junho de 2015 10:00

_________________

martes, maio 26, 2015

Resultados Electorais das Locais 2015, nos concellos de Ferrol e Narón e enlace para acceder aos resultados dos outros concellos das tres comarcas

Clicar acima dos cadros para ampliar

FERROL

NARÓN

Enlace para acceder aos demais concellos das tres comarcas:
http://www.resultadoslocales2015.interior.es/99MU/DMU99000PR_L1.htm
_____________

domingo, maio 24, 2015

Resultados electorais da anteriores Eleccións Locais dos anos 2011, 2007, 2003 e 1999 - Ferrol - E enlace para buscar resultados doutras localidades

Eleccións Locais 2011, 2007, 2003 e 1999 - Resultados Electorais de Ferrol
Clicar acima das imaxenes para ampliar.


2011

2007

2003

1999


Para buscar resultados doutras localidades e/ou anos:
http://www.infoelectoral.interior.es/min/busquedaAvanzadaAction.html
________________

Non hai atallos, ... Por David Rodríguez

Por David Rodríguez [*]
24.05.2015

Estou agradecido de estar hoxe en Gondomar, unha vila na que teño vínculos familiares e de colaboración con algunas iniciativas socioculturais presentes na súa vizosa sociedade civil.

Gústame o nome que escollestes para a vosa candidatura de unidade, Gondomar Concello Aberto, porque evoca a aqueles concellos abertos de orixe medieval que tiñan lugar na Galicia labrega, nos que os habitantes dunha parroquia se reunían a golpe de campá diante da igrexa para tomaren as súas decisións en asamblea.

Estou aquí como membro e candidato da Marea de Vigo, proceso de unidade popular e radicalmente democrático semellante ao voso, para enviarvos o noso apoio fraterno.

Pero quixera tamén compartir con vós algunhas reflexións, e para iso botarei man da caixa de ferramentas conceptual de Antonio Gramsci, un home que, sendo pequeno en estatura, foi un xigante en capacidade intelectual, malia ter a desgraza de pasar boa parte da súa vida nos cárceres de Mussolini.

Os conceptos de Gramsci que quero empregar son os de crise orgánica, revolución pasiva e guerra de trincheiras.

Crise orgánica. Celebramos no medio desta campaña electoral o cuarto aniversario do 15M. Un fenómeno que mostrou con gran claridade que ao estado español do réxime do 78 lle estaban a saltar as costuras, que estaba a vivir a súa crise orgánica, un momento en que o groso da xente perde a confianza nas institucións do estado (pero tamén en mediadores como o bipartidismo quendista) e no que se produce un baleiro de lexitimidade. Como unha consecuencia da crise económica, e malia o seu carácter pouco articulado e mesmo contraditorio nalgúns aspectos, o 15M alertou de que algo non estaba a funcionar ben.

Esta crise orgánica afectou tamén ás organizacións da esquerda. Non é casual que fose despois do 15M cando a esquerda nacionalista, tradición da que eu procedo, tivese a súa escisión. Tampouco é casual o nacemento de AGE, un proxecto que tivo as súas luces e sombras (pero ollo, que ninguén se leve a engano no futuro, non hai procesos perfectos, sempre aparecen friccións e problemas e é bo asumilo e dalo por descontado). AGE foi a Unidade Popular posible e concreta nese momento e neste lugar; e ter sido iso, non é pouca cousa.

Tampouco é casual o nacemento recente das chamadas Mareas, de Compostela Aberta, ou do voso Concello Aberto. Estes procesos seguen a estela dun camiño xa iniciado no pasado e que debería ter continuídade no futuro.

Coa perspectiva que nos dá o tempo, podemos analizar xa con máis tino o 15M. Resumiría en dous o tipo de reaccións que suscitou o 15M no seu momento de auxe: a reacción que eu chamaría ilusionismo, a crenza inxénua de que o cambio xa estaba aí, de que non se necesitaba, practicamente, máis nada que ocupar as prazas para mudar o mundo, e, por outra banda, o que poderiamos chamar a reacción do dogmatismo, a dalgunha esquerda partidaria que viviu coma unha ameaza esa irrupción das masas na escena política e que decidiu repregarse nas súas siglas e certezas.

Hoxe podemos ver xa con claridade que o cambio anunciado nas asembleas do 15M non foi tan grande como se pensaba e tamén podemos percibir con nitidez que o repregamento no patriotismo de siglas non serviu para canalizar todo ese descontento.

O seguinte concepto gramsciano é o de revolución pasiva. Gramsci chamaba revolución pasiva á capacidade da vella orde para rexenerarse, para conseguir que o malestar deveña en Restauración, en reforma feita desde arriba. A aparición do fenómeno Ciudadanos debería facernos tomar consciencia de que a vella orde ten múltiples recursos para sobrevivir. Que mudar esa vella orde non é tan fácil e que non existen os milagres. Do mesmo xeito que na transición o PSOE encarnou no campo partidario a revolución pasiva da oligarquía (coa onda “modernizadora” do PSOE o estado español homologouse como economía capitalista inserida na globalización) hoxe tamén corremos o risco, se non estamos alerta e nos deixamos obnubilar pola euforia e o ilusionismo do que falaba antes, de que as ansias de cambio deveñan nunha revolución pasiva, nun novo fracaso colectivo.

Outro concepto gramsciano: a guerra de trincheiras. O vello Gramsci soubo cedo que a guerra de movemento como a que levou ao poder aos bolxeviques rusos non era viable na Europa occidental. Aínda hoxe temos que aprender disto. O cambio en sociedades complexas, nas que o poder non está ubicado nun único punto, senón que se reparte en diferentes escalas institucionais e penetra en toda a sociedade civil debe producirse mediante unha guerra de trincheiras, mediante o lento e paciente furar. Furar dentro das institucións, pero, tamén, e con igual importancia, fóra das institucións, na sociedade civil. Non hai atallos.

Tendo isto presente, considero que unha folla de ruta necesaria no futuro inmediato debería pasar pola profundización da Unidade Popular e pola Ruptura:

Unidade popular. Somos débiles. Moito máis do que ás veces, en momentos de euforia, queremos crer e, como dixen máis arriba, a orde vella ten múltiples recursos para perpetuarse. A unidade popular, como a xa encetada nestes comicios municipais no noso país e en todo o estado español, debería continuar e profundizarse.

Ruptura. As institucións están capadas. Da lei de réxime local do PP, coa súa voracidade privatizadora, á reforma do artigo 135 da constitución, que afecta a todas as escalas institucionais e que prioriza o pagamento da débeda sobre calquera outra cuestión, pasando polo dogma da austeridade da UE e por tratados coma o TTIP que, por exemplo, contén unha clásula que pretende impedir que o servizo de abastecemento de auga nos concellos poida ser xestionado por unha empresa pública… conforman unha trama legal, froito de todos estes anos de esmagante hexemonía neoliberal, que deixa moi pouca marxe nas institucións para facer políticas transformadoras.

Observemos, para facernos unha idea cabal do contexto no que nos movemos, o que está a suceder en Grecia onde, un goberno dun estado-nación supostamente soberano, é incapaz de levar a cabo o programa polo que saíu elexido en eleccións. Un programa que non é especialmente radical, un programa socialdemócrata bastante razonable que hoxe en día o goberno grego, en permanente ameaza de que a UE lle corte o financiamento, non pode implementar.

A ruptura e transformación deste marco que actúa coma un corsé non é un capricho, é unha necesidade. E quen non contribúa a esta ruptura formará parte da revolución pasiva da que falei máis arriba.

Remato xa e recapitulo.

Agardo que este discurso pouco habitual en tempo electoral non vos deprima ou desanime. Nada máis lonxe das miñas intencións. Pero son dos que pensan que é bo coñecer o tamaño e a forza do inimigo como paso previo para ter alguna capacidade de vencelo.

Igual que no caso do 15M falei de dúas reaccións que non conducen a nada, tamén de cara ao futuro compre evitar o ilusionismo e o dogmatismo. O ilusionismo de quen pense que o cambio é automático. Que basta con gañar unas eleccións para que todo mude. O dogmatismo de quen considere que é o momento do patriotismo de partido, do esencialismo de siglas, da autosuficiencia.

O cambio irase producindo, pero máis lentamente do que pensamos e coa concorrencia de todas as nosas forzas xuntas. Non hai outra. E non estamos como para desperdiciar enerxía ningunha.

Polo tanto: unidade, forza e moito ánimo!

Adiante Gondomar Concello Aberto!

Nota.- Intervención pronunciada o 21 de maio no acto de peche de campaña da candidatura de unidade popular Gondomar Concello Aberto.

O Funambulista Coxo

Publicado o 22 de Maio de 2015 no blogue:

ofunambulistacoxo.blogspot.com.

[*] David Rodríguez Rodríguez (Vigo, 1975), deseñador gŕafico, activista social, escritor e articulista. Membro do Consello Editorial de Altermundo. Mantén o blogue Ofunambulistacoxo desde o ano 2005. Militante de Anova-IN. É autor das obras de teatro radiofónico 'O Bambán' e 'Nunca me esquecerei de ti' (gañadora e finalista respectivamente do I e IV Premio de Teatro Radiofónico do Diario Cultural). Escribiu o poemario 'Lapidarias. Os versos escuros' e participou no libro colectivo 'Non conciliados. Argumentos para a resistencia cultural'. E a escolma
'Retomando a palabra. Das guerras culturais ao crac financeiro'.O 17 de xaneiro de 2015, abre un novo blogue baixo nome de Lecturas Coxas que son traducións propias de textos interesantes ... @Ofunambulista, podese-lle contactar en ofunambulista[arroba]gmail.com.
_________________

sábado, maio 23, 2015

Socialismo Democrático de Ferrol fai un chamamento a todos os partidos de esquerdas de Ferrol pra rescatar a cidade e a cidadania ante a grave situación de Emerxencia Social, para que cheguen a unha Alianza e a un Pacto Postelectoral sobre un Programa de Mínimos Común

Socialismo Democrático de Ferrol fai un chamamento  a todos os partidos de esquerdas de Ferrol (BNG, Marea Artabra, Comunistas da Galicia, Ferrol en Común e PSdG-PSOE) a que cheguen a un Pacto Postelectoral e a unha Alianza de Esquerdas sobre un Programa de Mínimos Común para rescatar a nosa cidade Ferrol e a cidadanía ferrolán ante a grave situación de Emerxencia Social na que se atopan debido as políticas neoliberais, antisociais e austericidas do Alcalde de Ferrol José Manuel Rey Varela e do goberno municipal do PP de Ferrol. Un goberno que desmantelou salvaxemente os servizos sociais e públicos de Ferrol, un goberno que impide a Participación da Cidadanía nos plenos municipais, un goberno que non defende e que non aposta polo Sector Naval e que impón taxas inxustas a cidadanía ferrolán e que se nega a abrir os comedores escolares nas vacacións.

Socialismo Democrático de Ferrol manifesta que é fundamental a Unidade da Esquerda e un Pacto Postelectoral dos Partidos de Esquerdas de Ferrol sobre un Programa Común de Mínimos para Rescatar Ferrol e a Cidadanía Ferrolán.

Socialismo Democrático de Ferrol Propón o seguinte Programa Común de Mínimos os Partidos Políticos de Esquerdas de Ferrol:
  • Plan de Choque Municipal Urxente Contra o Paro.
  • Plan Municipal de Emprego.
  • Renda Básica para todas as Persoas Desempregadas e que non teñen ningún tipo de prestación social.
  • Defensa dos Servizos Públicos e Sociais de Ferrol así como da Sanidade e Ensino Públicos.
  • Un Plan Municipal de Emprego Xuvenil.
  • Un Plan Municipal Contra a Pobreza Infantil, contra a Pobreza Enerxética, contra a Violencia Machista.
  • Aposta pola Participación Cidadán nos Plenos Municipais abrindo os Plenos as Intervencións dos veciños e das Asociacións Veciñais e Plataformas Cidadáns.
  • Creación da Concellería da Muller.
  • Posta en Marcha dun Plan de Vivenda Municipal así como a Creación dun Parque Público de Vivenda e de Aluguer Social.
  • En Ferrol paralizaranse todos os desafiuzamentos, non haberá ningún desafiuzamento e o goberno municipal de Ferrol retirara as súas contas dos bancos que desafiúzan xente.
  • Defensa do Ateneo Ferrolán como Foro Cultural da Cultura Popular e Reivindicativa Ferrolán, así como unha Maior Inversión Pública dos Presupostos Municipais para manter e soster o Ateneo Ferrolán.
  • Apertura dos Comedores Escolares dos Centros Educativos Públicos de Ferrol en todas as Vacacións.
  • Posta en Marcha dun Plan Municipal de Transporte Público e Defensa do Transporte Público.
  • Plan de Saneamento Integral da Ría.
  • Mais Inversión Pública dos Presupostos Municipais destinados a dotar de mais recursos, de mais medios as Bibliotecas Públicas Municipais, os Centros Cívicos Públicos, as Asociacións Culturais e Veciñais, os Centros Educativos Públicos de Ferrol e a Universidade de Ferrol, así como maior inversión pública municipal dos presupostos municipais para abrir máis escolas infantís públicas municipais, e para incrementar o número de becas comedor, de becas transporte, de becas escolares.
  • Maior Compromiso do Goberno Municipal coa Universidade de Ferrol.
  • Potenciación da Lingua e da Cultura Galega e do Noso Idioma Galego.
  • Posta en Marcha dun Plan Municipal para potenciar o lingua e a cultura galega e para potenciar o fomento da lectura.
  • Posta en Marcha dun Plan Municipal para acabar co desemprego feminino.
  • Compromiso do Goberno Municipal co Sector Naval e cos Estaleiros Públicos de Ferrol e da Comarca.
  • Esixir o Goberno da Xunta de Galicia e o goberno Central un dique flotante e Carga de Traballo Xa para Navantia Ferrol-Fene así como condicións laborais dignas e salarios dignos para os/as traballadores/as das empresas auxiliares, así como que se rexuvenezan as plantillas.
  • Plan Municipal para potenciar o pequeno e o mediano comercio en Ferrol.
  • Plan Municipal para Recuperar FIMO e para que volvan a recuperar o seu emprego os/as traballadores/as de FIMO.
  • Plan Municipal de Transparencia.
  • Aposta Municipal polos Hortas Urbanas, polo Cooperativismo, polo Cooperativismo ecolóxico e polo aforro enerxético.
  • Publicación na Paxina Web Municipal de todos os Contratos Públicos e de todos os soldos e bens do Alcalde e de todos os Concelleiros/as.
  • Código Ético Municipal firmado por todos os partidos políticos de esquerdas para evitar a corrupción política e para botar as persoas corruptas
  • Rehabilitación Integral dos Barrios consultando sempre coas Asociacións Veciñais para ver cales son as súas demandas e as súas necesidades así como recuperación dos presupostos participativos e da participación cidadá e das Asembleas de Barrio.
  • Volver a poñer en Marcha a Casa da Muller, a Casa Solidaria, a Casa da Xuventude, a Oficina de Dependencia e de Inclusión Social e Abrir unha Oficina de Estranxeiría de de Inmigración.
Socialismo Democrático de Ferrol é unha corrente política conformada por militantes de base do PSdeG PSOE.

Web oficial da corriente a nivel estatal:
http://socialismodemocratico.org/

Enviado por:
celso posada
-celsoposada2006@hotmail.com-
17 de maio de 2015 15:50
_______________

luns, maio 11, 2015

Debates Municipais no Ateneo Ferrolán - Hoxe luns día 11 ás 19 h. – “Benestar social, igualdade e xuventude” . Modera: Marcos Perez Pena do xornal Praza Públic


Hoxe luns día 11 ás 19 h. – “Benestar social, igualdade e xuventude” . Modera: Marcos Perez Pena do xornal Praza Pública


DEBATES MUNICIPAIS NO ATENEO FERROLÁN

Ás 19 h. no salón de actos do Ateneo coa participación dos representantes dos partidos políticos presentes para estas eleccións municipais de Maio 2015 e coa colaboración de Ferrol360.
Entrada libre.
  • Luns día 11 – “Benestar social, igualdade e xuventude”
  • Martes día 12 - “Economía, facenda e recursos humanos”
  • Mércores día 13 - “Medio ambiente, urbanismo, servizos, seguridade”
  • Xoves día 14 - “Cultura, educación, deportes e turismo”
  • Martes día 19 - Alcaldables a Ferrol
--
Un lugar de encontro para a cultura.
Ateneo Ferrolán, fundado en 1879.
www.ateneoferrolan.org

e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)

O Ateneo Ferrolán nas redes sociais:

BLOG: http://ateneo-ferrolan.blogspot.com/

Tamén no Facebook: http://www.facebook.com/pages/Ateneo-Ferrolan/134569549934117

Séguenos en Twitter: @ateneoferrolan

Apoia e difunde a Campaña de Apoio e Defensa do Ateneo Ferrolán Patrimonio da Cidade: Blogger e Facebook.

Faite soci@! Colabora con nos!
Para axudas e aportacións económicas:
CC en Cajamar-Cajarural Cooperativa.
Titular Ateneo Ferrolán.

ES72-3058-6402-9527-2000-5350

Enviado por:
Ateneo Ferrolán Fundado en 1879
-secretaria@ateneoferrolan.org-
11 de maio de 2015 13:21

___________________

martes, abril 28, 2015

Xosé Manuel Beiras en Ferrol, o 30 de Abril, ás 8 da tarde, no Ateneo Ferrolán - Reanovando - Municipais 2015 e a creba democrática


Xosé Manuel Beiras, portavoz nacional de ANOVA-Irmandade Nacionalista, participará este Xoves, 30 de Abril, ás 8 da tarde no Ateneo Ferrolán. Con el participaran Esther Leira e Álvaro Montes da asemblea local e membros da Coordinadora Nacional de Anova-IN.

Acto organizado por Anova IN-Ferrol co lema "Reanovando. Municipais 2015 e a creba democrática".


Anova Ferrol-Comunicación

Web de Anova-IN:
http://anova.gal/

Conta no facebook:
https://gl-es.facebook.com/anova.ferrol.7

Conta no twitter:
https://twitter.com/anova_ferrol

Enviado por:
Anova Ferrol
-ferrol@anova.gal-
28 de abril de 2015 17:31
___________

domingo, abril 26, 2015

No Día da Terra, un programa pola Terra: para uns concellos sustentábeis - Recolle unha serie de propostas para que as diferentes organizacións políticas as integren na súa acción de goberno ou de oposición nos diferentes concellos de Galiza


As organizacións ADEGA, Amigos da Terra, APDR (Asociación pola Defensa da Ría de Pontevedra), CEMMA, Federación Ecoloxista Galega (FEG) e Verdegaia, xuntaron-se para definir uns principios e elaborar unhas proposta diante das vindeiras Eleccións Municipais que se van celebrar o 24 de Maio deste ano 2015. A ditos principios e propostas se lles denominou "
Programa pola Terra - Por uns concellos sustentábeis e Propostas para o desenvolvemento de actuacións políticas sustentábeis a nivel local". O citado programa recolle  as  propostas  do ecoloxismo  galego  para  que  os  diferentes  partidos  e  coalicións  políticas as  integren  na súa acción tanto de goberno como de oposición nos concellos de Galiza. Desde Ártabra 21 consideramos necesario a difusión destes principios e propostas e chamamos aos diferentes partidos e organizacións políticas a asumir-las como propias para fomentar e desenvolver desde as institucións municipais das comarcas de Ferrolterra, Eume e Ortegal. Achegamos ao final deste artigo o enlace para acceder ou baixar o texto desenvolvido do programa unitario das organizacións do movemento ecoloxista galego.


No Día da Terra, un programa pola Terra: para uns concellos sustentábeis

Un Programa pola Terra” recolle unha serie de propostas para que as diferentes organizacións políticas as integren na súa acción de goberno ou de oposición nos diferentes concellos de Galiza

O vindeiro 24 de maio celebraranse eleccións municipais en Galiza. Coa presentación deste documento as organizacións ecoloxistas máis representativas do ámbito galego, queremos salientar a importancia crucial dos concellos á hora de realizar actuacións tendentes a acadar un modelo ecoloxicamente sustentable no noso país.

Debido á enorme magnitude da crise ambiental global, causada por un modelo social inxusto que explota de xeito ilimitado o noso planeta finito (os seus recursos materiais e as súas formas de vida), perceptible, entre outros moitos factores, no cambio climático da Terra e na perda a pasos de xigante de biodiversidade, consideramos preciso e urxente un cambio profundo nas políticas desenvolvidas polas Administracións Municipais: ben por posuír un alto grao de implicación na xestión medioambiental a nivel local, ben pola súa estreita relación e proximidade coa cidadanía. 

Estas eleccións supoñen unha grande oportunidade para que todos os partidos se comprometan a que os Concellos muden as súas insustentábeis políticas na súa contorna de actuación, reflexionando arredor dos efectos que sobre o global teñen tamén as súas accións no ámbito local. 

Para iso, as organizacións ecoloxistas asinantes achegamos este “Programa pola Terra”, cunha serie de propostas concretas, factibles e realistas destinadas a ser aplicadas en calquera municipio e permitir a transformación das nosas sociedades. 

Este documento contén dez propostas, que permitirían a transformación que a actual crise ambiental require. Están baseadas en catro principios básicos:
  • O actual modelo económico e social é inxusto e insustentábel.
  • É necesario un compromiso de cambio de dimensións estratéxicas. 
  • Participación e transparencia non poden quedarse só en verbas.
  • Cumprimento da lexislación ambiental.
10 medidas para camiñar cara a sustentabilidade nos concellos
1. Integrar enerxía, mobilidade e contaminación.

2. Protexer os espazos naturais, a flora e a fauna.

3. Implantar unha nova cultura da auga.

4. Aplicar unha política de ordenación do territorio que limite drasticamente o crecemento urbanístico e defenda a costa.

5.  Apostar pola redución, a reciclaxe e a compostaxe dos residuos sólidos urbanos.

6.  Defender a soberanía alimentar e apoiar ao sector primario para manter un mundo rural e mariñeiro vivos.

7.  Recoñecer a importancia dos coidados básicos para a vida, o papel das mulleres neles e facilitar novos esquemas de xénero ao respecto.

8. Avanzar na participación cidadá cara unha democracia participativa real.

9. Facer unha reforma verde do sistema fiscal local e impulsar unha contratación pública verde.

10. Afortalar a cooperación internacional para o desenvolvemento sustentábel.
Documento:

"Programa pola Terra", 8 páxinas en formato pdf. | Acceder/Baixar.

Para máis información:   

ADEGA: Fins Eirexas (981570099; 661993406)
Amigos da Terra: Victor Barro (988374318; 671865839)
APDR: Xulio Carmona (986847670)
CEMMA: Alfredo López (686989008)
FEG: Mónica Arto (691527277); Anxo Saborido (666893879)
Verdegaia: Iñaki Varela (622033665

http://www.adega.gal
http://www.amigosdaterra.net
http://www.apdr.info
http://www.cemma.org
http://www.federacionecoloxista.org
http://www.verdegaia.org

Enviado por:
Antonio Gª
-angaji@yahoo.com-
25 de abril de 2015 23:51
________________

domingo, abril 19, 2015

Candidatura de Esquerda Unida de Narón - Municipalizar - O TTIP non é un tratado, é un atentado


Candidatura de Esquerda Unida de Narón

En Esquerda Unida Narón celebramos o pasado xoves día 16 de Abril unha asemblea aberta  no local social de A Gándara co obxectivo de levar a cabo unha votación mediante o sistema de lista aberta para configurar a orde da lista dos postos 2 a 21, o cabeza de lista André Abeledo Fernández actual coordinador local de EU Narón xa tiña sido escollido como cabeza de lista en asemblea o pasado 10 de Abril. Finalmente o orde da candidatura de EU Narón para as municipais é o seguinte:
1. André Abeledo Fernández; 2. María Belén Aneiros López; 3. Jorge Juan Rego Gárate; 4. Roberto Villasuso Vázquez; 5. María Belén Iglesias Berrocal; 6. Antonio López Pita; 7. Argemiro Montero Martiño; 8. Carmen María Uriondo Pita; 9. Juan José Teijeiro Couce; 10. María dolores López García; 11. Marcelino Bermúdez Fraguío; 12. Víctor Manuel García García; 13. Tamara López Díaz; 14. Luís Miguel García Pita; 15. Raquel Abeledo Fernández; 16. Rubén Méndez Otero; 17. María Luísa Agra Parada; 18. Manuel Ángel Prados Rego; 19. Rosa Estefanía Fernández Vigo; 20. Xosé María Alonso Luaces; 21. José Manuel Prado Serantes; 22. María Josefa Prado Suárez; 23. Antonio Luís Gómez Sánchez; 24. Miguel Rego Casas.
En Esquerda Unida de Narón queremos que esta candidatura sexa a de todas e todos os cidadáns de Narón, e facemos un chamamento a todas as naronesas e naronesas a participar nas nosas asembleas, pretendemos abrirnos a cidadanía para coñecer de primeira man os problemas do noso concello. 

Municipalizar

Dende  Esquerda Unida Narón​ non paramos de repetir a importancia de municipalizar, pero por que, e para que?, creemos que a ninguén se lle escapa que cando un concello pon en mans privadas un servizo este servizo pasa a ser un negocio, a empresa privada ten que ter beneficios, e para logralos ten poucos camiños, e todos eles negativos para a cidadanía.

Por unha banda encarecer o servizo, por outra mal pagar e ofrecer emprego precario, ou ben baixar a calidade do servizo.

Nos defendemos que é preciso municipalizar os servizos básicos para conseguir xusto o efecto contrario, abaratar o servizo, conseguir xerar emprego de calidade, e mellorar a calidade do servizo.

O municipalizar estes servizos os beneficios derivados dos mesmos repercutirían directamente no concello, e non quedarían en mans privadas, o xerar emprego de calidade isto axudaría a súa vez a reactivar o consumo, pois un traballador con un salario digno e un emprego fixo pode consumir, a formula é moi simple, e si se quere se pode.

O TTIP non é un tratado, é un atentado

O sábado día 18 de Abril saín a rúa como tanta outra xente para mostrar o meu rexeitamento o TTIP, a do sábado foi unha acción global de protesta contra un "tratado" que é mais ben un ATENTADO contra as liberdades, é realmente un paso mais da ditadura das multinacionais e dos chamados "mercados", este atentado ven disfrazado de "tratado de libre comercio", ven envolto en papel de agasallo, ven a calada e as agachadas, pero é un atentado contra a soberanía dos pobos, contra os dereitos das traballadoras e os traballadores, é un atentado contra a natureza e contra a saúde alimentaría, o TTIP é un elaborado plan de fin de conquista das oligarquías para impoñer a ditadura do capital a todos os niveis das nosas vidas.

Na Praza de Armas de Ferrol eramos pouca xente, pero vin algunha xente que non tiña visto ates, e varias mozas, os que tomaron a palabra o fixeron para dicir cousas moi interesantes, a parte boa que me levo é que hai compañeiras e compañeiros ben informados tentando contar a verdade a cidadanía, a mala é que dende as organizacións que debemos liderar esta loita estamos fallando en algo.

Quédanos tempo, pero non moito.

André Abeledo Fernández

CPL EU NARÓN

Contas de Esquerda Unida Narón no facebook e no twitter.
Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
André Abeledo Fernández
-andre1474@gmail.com-
19 de abril de 2015 17:54
19 de abril de 2015 19:05
19 de abril de 2015 19:56
_______________________

sábado, abril 18, 2015

A Marea Ártabra convoca este sábado, 18 de Abril, ás seis da tarde o seu primeiro acto público no barrio de Caranza - A Marea Ártabra contra o TTIP, vai participar ás 12:30 no acto unitario da Praza de Armas de Ferrol


A Marea Ártabra convoca este sábado, 18 de Abril, ás seis da tarde o seu primeiro acto público no barrio de Caranza. No local social do Galicia de Caranza. Trátase dunha Asemblea Aberta onde se van explicar as liñas básicas deste movemento cidadá e presentar as persoas que conforman a súa candidatura para as próximas eleccións municipais. O debate aberto a continuación abordará cales deben ser as liñas prioritarias de actuación da Marea Ártabra no barrio.


A  MAREA  ÁRTABRA  APOIA  A  MOBILIZACIÓN  INTERNACIONAL  CONTRA  O TTIP


Desde a Marea Ártabra queremos convidar a todos e todas as nosas veciñas, a mobilizarse o próximo 18 de abril en contra do Tratado de Libre Comercio da UE con EE.UU.
Este tratado contradí todos os valores e principios nos que se basea a Marea Ártabra para construír a súa alternativa municipal.

Na Marea Ártabra queremos transparencia e democracia participativa. O TTIP estase negociando con total escurantismo. A cidadanía non ten aceso aos documentos, e non vai ser consultada, vía referendo, por exemplo, para a súa aprobación.

Na Marea Ártabra consideramos que a defensa dos servizos públicos, e a remunicipalización dos servizos agora privatizados (auga, recollida de lixo, dependencia, apoio familiar, menores...) é fundamental para poder exercer dereitos fundamentais, asegurar a igualdade no seu aceso e optimizar recursos. O TTIP vai significar a privatización dos servizos públicos para seguir converténdoos en niño de negocio das grandes empresas.

Na Marea Ártabra entendemos que o dereito á saúde de todas e todos, debe ser un eixe vertebrador das políticas municipais. O TTIP vai representar a quebra constante dese dereito, non só pola privatización da sanidade, senón pola desregularización do comercio de produtos tranxénicos, a legalización de sustancias non autorizadas ata agora para uso alimentario, o levantamento da cláusula de prevención, e a distribución e control de fármacos.
Na Marea Ártabra queremos recuperar o concello para as veciñas e veciños, para que exerzamos nel a soberanía, con responsabilidades e dereitos. O TTIP vai colocar ás multinacionais por riba da soberanía dos estados, de maneira que calquera conflito entre unha destas grandes empresas e os gobernos europeos, vaise resolver ante entidades de mediación privadas. As normativas laborais, o salario mínimo, a normativa sobre produtos financeiros... vanse adaptar á baixa, collendo de Europa ou de EE.UU., aquelas normativas que máis favorezan aos intereses das grandes empresas.

A cidadanía de Ferrol ten que tomar conciencia urxentemente, da necesidade de participación e de resposta colectiva e organizada, para enfrontar todos estes plans que desde os poderes económicos, collidos da man do poder político, están intentando impoñernos.

Marea Ártabra estará o sábado 18 de abril mobilizándose na praza do concello de Ferrol, ás 12:30hs, na concentración convocada pola Plataforma Ferrolá contra o TTIP, para unirse ao clamor europeo contra esta ameaza.


Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131

Enviado por:
Inácio GZ
-inaciogz@gmail.com-
17 de abril de 2015 22:45
_____________

martes, abril 14, 2015

A Marea Ártabra facendo camiño, construíndo o poder popular

Perante estes últimos días a @MareaArtabra desenvolveu intensa actividade, para o grupo innovador que aspira a ser Marea, convertir-se en movemento socio-político e entrar con forza na institución municipal nas vindeiras eleccións locais do 24 de Maio.


No @ateneoferrolan falando da sua problematica e do programa cultural de @MareaArtabra | 09.04.2015

O venres pasado, 9 de abril, un nutrido grupo de compañeiras e compañeiros da #MareaArtabra reuniron-se no Ateneo Ferrolán con parte da Xunta Directiva da entidade cultural. Para escoitar en viva voz os problemas que afronta a entidade con respecto ao conflito que trae co goberno municipal do Partido Popular, centrado no usufruto do local social e o patrimonio da entidade, pechado en catro contedores, porque o goberno de José Manuel Rey Varela, non se quere facer cargo da recuperación do mesmo, unha vez que remataran as obras de rehabilitación do edificio da entidade. A @MareaArtabra, antes de ter lugar a referida xuntanza, emitiu un comunicado público fixando a súa posición.


A #MareaArtabra amosa o seu apoio aos traballadores das contratas de Movistar/Telefónica. | 10.04.2015

Na tarde do 10 de abril, membros da @MareaArtabra escoitaron a problemática das traballadoras e traballadores das empresas contratas, subcontratas, e autonom@s que pretan servizo aos clientes de Movistar/Telefónica, logo amosarón o seu apoio e solidariedade. Compromentendo-se a incidir en difundir a loita e facer propias as súas xustas reivindicacións.


Pola mañá do sábado, no feirón do Inferniño repartindo volantinas da @MareaArtabra | 11.04.2015

Un grupo de compañeiras e compañeiros da @MareaArtabra estiverom polo Feiron do Inferniño, na praza que lle puxeron o nome de "Porta Nova", deslocalizando este nome que pertence orixinariamente ao que corresponde ao lugar que agora leva o nome de Praza de España. Vamos que pola mañá no feirón do Inferniño repartindo volantinas da @MareaArtabra.


As 6 da tarde do mesmo sábado, tiña lugar unha importante charla-debate co titulo 'Que pasa coa Ría de Ferrol?', onde participaron a artista e activista Meli Criado e o activista social, ecoloxista e biólogo Joam Ferreiro. O acto desenvolveu-se no local da @MareaArtabra. | 11.04.2015

Falamos do estado da Ría (algúns tweets do acto).

A quenda de @melicriado.
"estam fazendo barbaridades co nosso territorio" ... "estam destrozando todo e nom hai nada que nos beneficie colectivamente" ... "a terminal de contenedores é impossível tecnicamente no porto exterior" ... "ninguém para isto porque os fondos europeios som cuantiosos" ... "nem o carbom, nem os contenedores, nem o papel e a madeira de Perez Torres, justifica a destruçom do territorio" ...

A quenda agora do biólogo da Confraria de Barallobre, Joam Ferreiro.
"o sistema de saneamento que se está construindo nom vai conseguir um saneamento integral" ... "o sistema de saneamento só vai conseguir parar as sancions da UE, pero nom sanear a ria" ... "Navantia, Forestal do Atlantico e Reganosa som outros actores do dano medioambiental da nossa ria" ... "somos a ria mais contaminada de Galiza" ... "o 95% das augas catalogadas como zonaC de todo o estado estam na Galiza" ... "as bateas de depuraçom do marisco das zonas C som umha irresponsabilidade" ... "estamo—nos cargando a ria, origem e razom de ser desta comarca" ... "entre os verquidos e os recheios estam acabando coa ria, hoje é possivel cruza—la a pé na altura das Pias" ... "os recheios de Megasa, ou os de Reganosa desfigerom os bancos marisqueiros mais ricos" ... "a ria de Ferrol tem tanta capacidade que nom fai falha sementar o marisco" ... "ainda coas agressons medioambientais a Ria de Ferrol segue a ter um alto indice de produtividade marisqueira" ... "Antigamente os barcos chegaban a Neda hacia a fabrica de velas. Hoxe en día cruzase a ria do O couto a Neda a pe".

Nos proximos días o debate completo sobre a Ría en Vídeo no @CanleTVdaMareaArtabra.


Falase na @MareaArtabra para últimar a lista electoral para presentar-se ás eleccións locais do 24M. | 12.04.2015

O domingo, 12 de abril, pola mañá tiña lugar a Asemblea Xeral Extraordinaria para últimar a lista electoral, no local da #MareaÁrtabra, na Rúa Rochel nº14 e rúa Madalena, Nº 5. Elaborau-se a lista electoral para as municipais de Ferrol e se debatoiu sobre os postos a partires do 13, pois os trece primeiros xa foran resoltos cunhas primarias en Marzo. Así foi como a @MareaArtabra consigueu a súa candidatura. Rematou a Asemblea cunha presentación pública de cada unha das persoas que naquel momento estaban presentes na sala. quen era cada quen, a que se dedicaba, cal era o seu compromiso e o porque estaba construíndo  #MareaÁrtabra.

Última xuntanza da Coordinadora da @MareaArtabra, preparando as municipais, construíndo futuro. | 13.04.2015

Este Luns, 13 de Abril, tiña lugar a Coordinadora da #MareaArtabra. Cuestións previas sobre comunicación, precederon á elaboración do orzamento para as eleccións municipais. Un austero orzamento que se pretende financiar con contribucións pequenas das persoas achegadas e un abondoso lote de voluntariado disposto a deixar-se a pel, na construción do proxecto de unidade popular. Continuou a xuntanza da @MareaArtabra coa positiva valoración da pasada Asemblea Xeral Extraordinaria e rematando coa morea de actos e actividades previstas para os vindeiros días.

Mareaartabra.gal
| #MareaArtabra | @mareaartabra | info@mareaartabra.gal | Facebook


A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.


Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:

Rúa Rochel, nº5 e Magdalena nº14.
Teléfono: 633 352 131


Enviado por:
Inácio GZ
-inaciogz@gmail.com-
13 de abril de 2015 23:45
_____________

venres, abril 10, 2015

Despois do proceso de primarias, onde só houbo unha única candidatura, Ferrol en Común convoca unha Asemblea en Canido, este sábdo 11 de Abril, ás 12 do mediodía


Asemblea Ferrol en Común

Despois do proceso de primarias onde só houbo unha única candidatura para a alcaldía, a de Jorge Suárez e as 12 persoas do seu equipo. Ferrol en Común convoca unha Asemblea en Canido, para cubrir o resto dos postos da lista que concurrirá ás eleccións municipais do 24 de maio.

Día: Sábado 11 de abril

Hora: 12.00 h.

Lugar: SCDR de Canido

Orde do día:

1. Presentación de tramo de candidatura FeC para as municipais de 2015 escollida por proceso de primarias.

2. Proposta de resto de candidatura

3. Quenda de intervencións



Enlaces de Ferrol en Común:

Conta no facebook:
https://www.facebook.com/ferrolencomun

Conta no twitter:
https://twitter.com/ferrolencomun

Páxina web:
http://www.ferrolencomun.es/

Correos-e:
  • ferrolencomun@gmail.com
  • ferrolencomun@gmail.com
Manifesto Inicial de Ferrol en Común:
https://drive.google.com/file/d/0By24jKds2T1PTHdaalN4NlAtRWM/view?usp=sharing

Código Ético de Ferrol en Común:
https://drive.google.com/file/d/0By24jKds2T1PUGFOZDYyZGJiOW8/view?usp=sharing

Enlaces de interese:

Ferrol en Común en Ártabra 21: Acceder.

Ferrol en común no buscador libre DuckDuckGo.

Enviado por:
Inácio GZ
-inaciogz@gmail.com-
10 de abril de 2015 14:45
_____________

Próximos actos de Eliximos Narón e apertura do proceso de Primarias de Listas Abertas

Próximos actos de Eliximos Narón e apertura do proceso de Primarias de Listas Abertas

Eliximos Narón Electores (ENE) continúa coa súa rolda de presentacións e diálogo coa veciñanza das parroquias e barrios de Narón. Este fin de semana, xunto á presentación do venres na parroquia d'O Val (Restaurante Marinito ás 19:30 horas).

Na mañá do sábado día 11 de abril integrantes do colectivo acudirán á manifestación convocada para as 12 da mañá polos afectados da cooperativa de Pedroso para defender os seus dereitos e esixir solucións tras 10 meses, sen que socios nin depositantes poidan acceder aos seus aforros.

Na tarde dese mesmo día, no local Social da Solaina, ás 18:00 celebrarase unha asemblea con motivo de presentar a fórmula xurídica adoptada para presentarse ás próximas eleccións municipais. Ademais, procederase á lectura e firma do Manifesto de ELIXIMOS, que deberán asinar todas as persoas que desexen participar no proceso de Primarias para conformar a Candidatura ao concello, e do seu Código Ético que deberán defender e asumir como propio todas as persoas que desexen postularse como candidatos ás Primarias para a elección da lista da Candidatura. A partir de entón ábrese un proceso dunha semana na que todas as persoas interesadas poderán asinar ambos documentos.

Desde o equipo motor de ELIXIMOS invitamos a toda a cidadanía a participar neste proceso de listas abertas que rematará o vindeiro sábado día 18 de Abril cunha nova asemblea que terá lugar novamente no local Social da Solaina, ás 18:00, para proceder á elección das persoas que conformarán a Candidatura Cidadá de Eliximos para as eleccións do próximo día 24 de maio.

Atentamente
O equipo motor de ENE
eliximos@gmail.com

Grupo no facebook:
https://www.facebook.com/groups/Eleximos.Naron/

TODOS OS SÁBADOS ASEMBLEA ÁS 6 DA TARDE NO LOCAL SOCIAL DA SOLAINA (Rúa
Mercedes Freire Lago - A Solaina  - Narón).

Enviado por:
ENE Eliximos Narón Agrupación de Electores
-eliximos@gmail.com-
10 de abril de 2015 08:06

______________

venres, abril 03, 2015

O Círculo Podemos de Neda convoca unha asemblea de presentación, onde vai poñer a consulta o apoio á candidatura veciñal MoveNeda nas vindeiras eleccións municipais de 2015


O Círculo Podemos de Neda convoca unha asemblea de presentación

O vindeiro venres día 10 de abril, no Centro Cívico de Neda as 20:00hs, se celebrará á presentación oficial do equipo de Podemos na localidade.

Na asemblea, ademáis de presentar ao actual secretario xeral, Jose Padín, o farán tamén os colaboradores actuáis, os grupos de traballo activos e as liñas e documentos que están a elaborar, tamén se realizará unha consulta á afiliación de Neda.
Esta vostede dacordo en que Podemos Neda apoie a candidatura veciñal MoveNeda nas vindeiras eleccións municipais de 2015?
A asamblea é aberta a todos os vecinos, afiliados ou non.

Correo-e:
podemosneda@gmail.com

Conta no facebook:
https://www.facebook.com/CirculoPodemosNeda

Conta no twitter:
https://twitter.com/PodemosNeda

---

MoveNeda - Movemento Veciñal de Neda.
É unha iniciativa popular, aberta, participativa e asamblearia coa tarefa de impulsa-la concienciación e actividade politica dos veciños de Neda.

Correo-e:
mailto:moveneda@gmail.com

Conta no facebook:
https://www.facebook.com/pages/Moveneda-Movemento-Veci%C3%B1al-de-Neda/1426695684294450

Conta no twitter:
https://twitter.com/MoveNeda


Informacóin baseada na enviada por:
Podemos Neda
-podemosneda@gmail.com-
3 de abril de 2015 16:37

_______________

mércores, abril 01, 2015

Os tempos son chegados ... Son tempos de xenerosidadeAndré Abeledo Fernández

Por André Abeledo Fernández [*]
01.04.2015

OS TEMPOS SON CHEGADOS...SON TEMPOS DE XENEROSIDADE

Sinto repetirme, pero a necesidade de estar a altura do contexto e do momento histórico é imperiosa, e nestas eleccións municipais nos xogamos moito todas e todos, a xenerosidade e altura de miras son agora unha obrigación moral para os que sabemos que é dende os concellos onde podemos dar resposta o concreto, os concellos son a ferramenta que pode facer a vida dos cidadáns mais fácil ou mais difícil, poden abrirse ou pecharse a cidadanía, poden ser transparentes ou escuros, caciquís ou participativos, poden estar o servizo dos cidadáns ou poñer a cidadanía o seu servizo. SON TEMPOS DE REMAR XUNT@S, DE UNIDADE, DE XENEROSIDADE...non podemos permitirnos perder outros catro anos, SON TEMPOS DE GAÑAR OS CONCELLOS PARA UN NOVO MUNICIPALISMO.

[*] André Abeledo Fernández, é un activista sindical, social e político de Ferrolterra; traballador e membro do Comité de Empresa de Mercadona; e coordinador de Esquerda Unida de Narón. Contas de André no facebook e no twitter.

Enviado por:
André Abeledo Fernández
-andre1474@gmail.com-
1 de abril de 2015 13:55

____________

Presentación pública da candidatura BNG-Asembleas Abertas Ferrol, o 9 de Abril, ás 8 da tarde, no Centro Cultural Carvalho Calero do Inferniño


Presentación pública da candidatura do BNG-Asembleas Abertas Ferrol


O vindeiro xoves 9 de abril ás 20 horas no Centro Cultural Carvalho Calero presentan, nun acto público, a candidatura do BNG-Asembleas Abertas de Ferrol.

Ademais das intervencións do cabeza de lista, Iván Rivas [*], e doutras persoas candidatas, estará presente o portavoz nacional do BNG, Xavier Vence [**].

O BNG fai un convite aberto a toda a cidadanía para que se acheguen ao acto.


[*] Iván Rivas Rico, -A Pontenova 1976, é arquitecto de profesión, concelleiro e portavoz do grupo municipal do BNG en Ferrol desde xaneiro de 2012. Candidato á Alcaldía polo BNG - Asembleas Abertas, para as próximas eleccións locais do 24 de maio deste 2015. Ten conta no facebook: https://www.facebook.com/ivan.rivasrico.

[**]] Xavier Vence Deza (Rodeiro en 1961) é Catedrático de Economía Aplicada da Universidade de Santiago de Compostela, escritor, comentarista político, ... Foi director do Idega no período 1991-95. Profesor invitado en diferentes universidades estranxeiras, formou parte de diversos comités de expertos de organismos internacionais. É coordinador do grupo de investigación ICEDE e da área de Economía do Seminario de Estudos Galegos. Publicou máis dun centenar de artigos e libros en revistas profesionais de ámbito galego e internacional sobre economía da innovación e políticas tecnolóxicas, sistema galego de innovación, disparidades rexionais na UE, industria, servizos, mercado de traballo, sistemas produtivos e planificación estratéxica, desenvolvemento local ... Na actualidade é Portavoz Nacional do BNG.

Proceso Asembleas Abertas 'Construíndo Futuro':
http://www.construindofuturo.info/

Web oficial do BNG:
http://bng.gal/

O BNG de Ferrol no facebook:
https://gl-es.facebook.com/bng.ferrol

O BNG de Ferrol no twitter:
https://twitter.com/bngferrol

Local Social do Bloque Nacionalista Galego en Ferrol
Rúa Naturalista López Seoane, 13 Baixo - 15402 Ferrol (A Coruña)
Telef.: 981 364 058

Foto de Ferrol 360.

Información baseada na enviada por:
BNG
-bng@ferrol.es-
1 de abril de 2015 12:10
____________________

martes, marzo 31, 2015

Un relato compartido, ... Por Manuel Dios Diz

Por Manuel Dios Diz [*]
31.03.2015


Está moi de moda, nalgúns ambientes, falar da necesidade de que Santiago de Compostela escriba un novo relato de cidade. Non serei eu quen contradiga semellante aspiración. Entre outras razóns, porque entre as personalidades que o reclaman teño bos amigos. Sen embargo, como picheleiro vello, penso que aquí e hoxe, como sempre, conviven varios relatos, ou mellor dito, ideas e modelos de cidade que debemos compartir, asumindo que Santiago nace e se desenvolve, durante séculos, arredor dun único relato, tan eficaz como ficticio…

Coa modernidade, en paralelo co proceso de secularización, imos debuxando relatos novos, máis laicos, máis públicos, máis políticos, o que non significa que o orixinal non o fose, que o era. En calquera caso, ademais da Igrexa, a Universidade, o Movemento Obreiro, a tradición republicana, o galeguismo… van aportando os seus propios relatos, matices, visións e enfoques novidosos, miradas intercambiadas, de fronte ou de esguello, con máis ou menos complicidade, asegún, interactuando, entre pedras, campás, martelos e rezos, mercados, historia viva...

Para compartir relatos, que teñen que ver coas clases, coas procedencias, co nivel de estudios, cos modos de vida, coa ubicación de cada quen, coas correntes de pensamento, as ideoloxías… sería previo compartir diagnósticos, aínda que non sexa na súa totalidade. Non sempre é posible. Creo que, agás excepcións raras, hoxe, a maioría da cidadanía desta vella aldea europea coincide en sinalar que Santiago de Compostela está en aluguer ou en venta, triste, silenciosa, sen nenos pola rúa, sen vida, apática, como paralizada, zombie, e non debemos atribuílo, exclusivamente, ás consecuencias da crise ou da burbulla inmobiliaria, que tamén.

Non sería allea a esta percepción cidadá a situación insólita vivida nos últimos catro anos nos que, cunha maioría absoluta do PP no concello, a inestabilidade política, a incerteza, a corrupción e o desgoberno foron norma e portada dos medios de comunicación, aquí e no conxunto do estado, enchendo de indignación e vergoña á cidadanía.

Durante estes anos, a condena do alcalde Gerardo Conde Roa, a imputación do seu sucesor (e por el nominado), Angel Currás, ou as conversas telefónicas coñecidas entre membros da súa Xunta de Goberno, deterioraron, ate a náusea, a imaxe e a marca dunha cidade construídas con tanto esforzo.

Falamos moito de rexeneración democrática, de cambios profundos nas maneiras de gobernar, de vella e nova política, pero creo que, para algúns, o seu tempo xa pasou, está esgotado, trátase dun fin de época, as súas posibilidades autoestragaronse, non lles queda xa fondo de credibilidade algún para, desde un goberno municipal deteriorado, abandeirar o cambio e a renovación. Non vai máis. Compre reiniciar, resetear o sistema. Darlle a oportunidade a outras persoas, con outros proxectos máis abertos, con miradas distintas, por saúde e hixiene democrática, para que, coa cidadanía empoderada, debuxemos -conxuntamente- relatos e solucións compartidas.


Publicado no seu blogue 'A paz é o camiño' | 10.09.2014.

[*] Manuel Dios Diz -Santiago de Compostela 1953, é mestre, licenciado en Xeografía e Historia, doutorando en Estudios Contemporáneos pola Universidade de Santiago de Compostela, fundador e presidente do Seminario Galego de Educación para a Paz (1985-2008), profesor xubilado. Activista pola non violencia, pola Paz e a concordia. Escritor, articulista, investigador, ... foi varias veces premiado polos seus numerosos contributos sociais e pedagóxicos. Leva un interesante blogue persoal: A Paz é o Camiño ... [+info].

Enviado por:

Educación e Paz
-paz@sgep.org-
11 de setembro de 2014 08:23
_________________

venres, marzo 27, 2015

Asemblea Aberta de 'Ferrol en Común', este Sábado 28 de Marzo, ás 12 do mediodía, no Centro Cultural Carvalho Calero do Inferniño


Para este Sábado 28 de Marzo de 2015, ás 12 do mediodía, no Centro Cultural Carvalho Calero do Inferniño, en Ferrol, está convocada unha Asemblea Aberta para aprobar o Manifesto Constituinte e o Código Ético da Candidatura promovida polas organizacións locais de Esquerda Unida, Anova-IN e un colectivo que se denomina Asemblea Cidadá Aberta, a súa vez promovida por inscrit@s ao Círculo de Podemos do Concello de Ferrol.

A continuación, polo seu interese, transcribimos o Manifesto Inicial que se vai levar a Asemblea de Ferrol en Común, mais no final deste artigo, pode-se descargar a mesma proposta de Manifesto e a do Código Ético.

Proposta de Manifesto de para Ferrol en Común para a Asemblea do 28 de Marzo de 2015

Ferrol afúndese nun estado de agonía social e desprotección institucional. A cidade de Galicia coa taxa de desemprego máis alta do país, onde só un de cada tres poden traballar, coa metade da súa poboación por enriba dos cincuenta anos e coa mocidade condenada ao exilio en busca das oportunidades laborais que aquí se lles negan, merece outros gobernos. Gobernos da xente construídos e lexitimados coa forza social dos partidos, do tecido social, da veciñanza e da cidadanía indignada. A política normalizada, ancorada nas vellas formas de electoralismo e malgasto en forma de obras faraónicas, dá as costas a unha situación de emerxencia que o bipartidismo nega coas cifras macroeconómicas, mentres o pan, o traballo e o teito quedan afastados dos intereses dos poderes políticos e económicos que usurparon o que lexitimamente corresponde ao pobo: a soberanía, a democracia plena, o dereito a unha vida digna e exclúennos dun sistema para elites que condena ao sufrimento á maioría social.

A dignidade, o empoderamento das nosas rúas, barrios e parroquias, a participación decisoria nas políticas de competencia municipal son os factores que debemos impulsar para un novo Ferrol, un Ferrol en Común construído entre todos e todas, que aparte as gadoupas do poder das empresas e dos partidos do réxime sobre os recursos municipais.

Queremos un Ferrol en Común de construción colectiva, en creación constante en cada rúa e centro de traballo, unha acumulación de forzas para un novo goberno coa xente e non para a xente, que pule por servizos públicos de calidade, pola remunicipalización, a renda básica municipal e o emprego garantido. Propoñemos un Ferrol en Común de portas abertas á cidadanía, para artellar entre todos e todas un programa político de esquerdas, asembleario e rupturista, de onde saia unha candidatura plural por primarias abertas de cara a recuperar Ferrol para a súa veciñanza.

Democracia participativa, fomento do asociacionismo e cooperativismo, creación de emprego, protección do comercio local, unha cidade compacta con trato igualitario para todos os barrios e cidadáns, tolerancia cero coa corrupción e gobernar obedecendo son os obxectivos dos asinantes deste manifesto.

Enlaces de interese:

Conta no facebook:
https://www.facebook.com/ferrolencomun

Páxina web:
http://www.ferrolencomun.es/

Correos-e:
  • ferrolencomun@gmail.com
  • ferrolencomun@gmail.com
Manifesto Inicial de Ferrol en Común:
https://drive.google.com/file/d/0By24jKds2T1PTHdaalN4NlAtRWM/view?usp=sharing

Código Ético de Ferrol en Común:
https://drive.google.com/file/d/0By24jKds2T1PUGFOZDYyZGJiOW8/view?usp=sharing
______________

luns, marzo 23, 2015

Aclaracións de Podemos Narón sobre ás últimas novas aparecidas na prensa (dimisións, política local, actos, eleccións municipais, ... ) que afectan ao circulo local do novo partido político

O órgano responsable de Podemos en Narón desmárcase da última noticia aparecida en prensa relativa á dimisión de membros do Consello Cidadán Municipal, unha nota que en ningún momento foi contrastada coa responsable do área de prensa polo diario local que a difundiu e, polo tanto, non é unha nota oficial, o que demostra certa falta de rigor xornalístico por parte de devandito diario. A présa na publicación evitando concretar quen ou quen son os artífices de tal noticia parece encamiñada a unha única meta, causar desconcerto e dano no partido, o que como "afiliados" non lles deixa ben cualificados. O xoves da pasada semana, tivemos comunicación oficial da dimisión dun compañeiro que nos indicou segundo as súas palabras "non poder compaxinar a miña vida persoal co cargo para o que fun elixido" e que, xa con anterioridade, fixera alusión a este motivo. No entanto, este feito non transcendeu fóra do consello cidadán á espera de dar conta á asemblea.

Aproveitamos, ademais, para aclarar que Podemos Narón, non xestiona ningún equipo que concorra ás municipais, porque, Podemos Narón non se presenta ás eleccións municipais, e se desvincula das dúas candidaturas promovidas por dúas dos tres candidatos a Secretarios Xerais ao órgano municipal. Eliximos Narón e Somos Narón non son Podemos aínda que algúns dos seus integrantes estean inscritos no partido e/ou participen no círculo. Outra actividade informativa que temos pendente, é a de dar a coñecer o resultado dos expedientes disciplinarios abertos contra determinados inscritos, algúns dos cales promoven e/ou participan nalgunha das candidaturas que baixo a marca Podemos pretender concorrer ás próximas eleccións municipais.

Desde o órgano municipal do partido infórmase que para non dar lugar a malas interpretacións e manipulacións por parte de calquera lista suspéndense temporalmente as actividades de divulgación das Charlas-Debate sobre problemas e intereses de colectivos que afectan ao municipio, todo iso mentres non finalice o período electoral municipal. No entanto, continuarán reuníndose, traballando e contactando con todos aqueles que o vexan necesario sexan persoas ou colectivos. Podemos Narón está aberto ao que o necesite e/ou desexe participar co órgano municipal. Mostramos noso pesar pola escasa participación nas actividades promovidas polo partido, incluíndo asembleas e debates, pese ao nivel informativo das mesmas. Mostra diso foi a charla que demos este pasado día 21 de Marzo sobre a contaminación de nosa ría e que a pouc@s parece importarlles o futuro e a saúde nosa e das nosas fill@s. Isto non nos apartará do noso empeño por sacar adiante o partido, e que sexa unha ferramenta para as cidadás e cidadáns de Narón, fartos do ninguneo da administración local.

Isabel Allegue.
Prensa e Redes de Podemos en Narón
podemosnaron@gmail.com
http://www.facebook.com/podemosnaron
http://www.facebook.com/groups/podemos.naron/
https://twitter.com/PodemosNaron
Whatsapp e Telegram 687 464 463

Enviado por:
Podemos Narón
podemos.naron@gmail.com-
23 de março de 2015 18:05

Ola: Achego unha aclaración a unha noticia difundida onte por un medio local, por si interesa dar difusión. Un saúdo, Isabel Allegue. Prensa e Redes de Podemos en Narón.

_____________