O xoves 14 de Abril , no 91 Aniversario da proclamación da II República, celebrara-se unhas Ofrendas florais en Narón e un Acto no Pazo da Cultura

O xoves 14 de Abril de 2022, 91 Aniversario da proclamación da II República Española, celebrara-se unhas Ofrendas florais en Narón, organizada pola Asociación Cultural Memoria Histórica Democrática e Esquerda Unida, á que se convida a toda a cidadanía a participar nesta homenaxe aos represaliad@s da Ditadura.

✅ Monumento en O Val, ás 11:30 hs.
✅ Cemiterio de San Mateo, ás 12:00hs.
✅ E Pazo da Cultura, ás 12:30hs.

Viva a República  !!

Asociación Cultural Memoria Histórica Democrática
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol  @memoriaferrol
 
Enviado por:
Memoria Histórica Democrática
-memoriahistoricademocratica@gmail.com-
7 de abril de 2022 23:16
_______

A veciñanza de Santa Icía quéixanse das molestias que causan as gaivotas no seu barrio - André Abeledo, candidato á Alcaldía de Narón por Diante, rexistrou unha moción urxente para a adopción de medidas para o control da poboación de gaivotas na zona urbana de Narón

Veciños de Santa Icía quéixanse das molestias que causan as gaivotas no seu barrio. | Abeledo rexistrou unha Moción urxente para o Pleno.

André Abeledo rexistrou unha moción urxente para a adopción de medidas para o control da poboación de gaivotas na zona urbana de Narón. 

Veciños de Santa Icía levan queixándose das molestias que causan as gaivotas no seu barrio sobre todo na época de cría. 

As gaivotas adoitan nidificar en poboacións naturais: illotes, rochas ou acantilados. Sen embargo, nos últimos anos a elevada densidade de individuos nas poboacións naturais xerou unha escaseza de lugares de nidificación, o que implica que estas aves poidan establecer as súas zonas de nidificación en áreas humanizadas.

Nestas zonas acostuman formar os seus niños preferentemente en lugares pouco accesibles e con abundantes sombras e reconcos, como por exemplo, tellados, chemineas, terrazas,…

O crecente aumento das poboacións de gaivotas débese a que aprenderon a explotar dúas fontes de alimento: os vertedoiros, contedores de lixo e do peixe na zona costeira. Isto supón que a densidade de individuos sexa cada vez maior, e que as colonias se despracen ata zoas humanizadas en busca de máis alimento e novas zonas para nidificar.

As gaivotas son coñecidas por ser aves moi territoriais, especialmente nesta época, cando hai crías de por medio.

Ao ser aves gregarias e ruidosas, a súa presenza causa molestias en zonas urbanas polos ruídos e ataques destas aves. E a nidificación en edificios implica molestias polo ruído e a sucidade por acumulación de excrementos. 

Os traballos de control da especie deron os seus froitos en Ferrol, cunha redución da colonia de gaivotas dun 54 % nos últimos dez anos.

As técnicas para poñer coto a estas pragas son moitas e variadas, aínda que todo depende da especie e do presuposto. O ideal é unha acción prolongada no tempo que permita un control sistemático da poboación.

Estes traballos de retirada das zonas de cría realízanse dende Maio ata o verán.

Por este motivo entendemos necesario diminuír a medio prazo a poboación reprodutora “urbana” e desprazala ata zonas naturais. Para minimizar no posible as molestias que as gaivotas ocasionan á cidadanía, sobre todo no período de cría.

ACORDOS:

1. Solicitamos un estudo sobre a poboación de gaivotas nos barrios da nosa cidade onde existan queixas veciñais, sobre todo na época de cría.

2. Solicitamos ao Concello de Narón que tome as medidas axeitadas non lesivas (evitando métodos como lazos, tanzas, etc que son cruentos) para o control desta ou outras especies.

3. Solicitamos medidas complementarias a adoptar para non facilitar o acceso ao lixo, recordando á veciñanza non deixar as bolsas fora dos contedores, poñendo máis se fose necesario para evitar facilitarlles o foco de alimentación. Temos como exemplo a zona de Santa Icía que é un punto de gran nidificación onde a superpoboación de gaivotas orixinan as queixas dos veciños.

Asdo.:  André Abeledo Fernández
Voceiro do Grupo Municipal de Esquerda Unida.
Candidato a Alcaldía de NARÓN POR DIANTE.

https://www.facebook.com/naronpordiante/

https://twitter.com/naronpordiante




Enviado por:
Naron Esquerda Unida
-eu-naron@esquerdaunida.org-
25 de abril de 2019 00:22
_______________

O Pleno do Concello de Narón aproba a moción de reprobación do ex-ministro de defensa goberno do PP, Pedro Morenés, por mor da súa actuación respecto da demora na contratación da F-110

COMUNICADO EN RELACIÓN A REPROBACIÓN DO EX MINISTRO PEDRO MORENÉS.

O voto en contra desta Moción do PP era esperado, corporativismo de partido, o PP de Narón sempre puxo por enriba os intereses de partido cos de Narón.

A abstención do concelleiro de ELEXIMOS, un traballador de NAVANTIA é menos comprensible.

O concelleiro de ELEXIMOS adxectivou a Moción coma ESTUPIDA, INÚTIL, e de POSTUREO. Sorpréndenos esta actitude e esta falta empatía para cos seus compañeiros de traballo, a nosa cidade, as empresas afincadas en Narón que se dedican ao Sector Naval, e a nosa veciñanza. Ademais da falta de respecto a que xa nos ten acostumados.

A Moción como non podía ser doutro xeito foi aprobada. ESQUERDA UNIDA, TEGA, PSOE, E BNG votaron a favor.

André Abeledo fixo fincapé durante a defensa da Moción no Pleno no dano que a unha Comarca como a de Ferrolterra fixo a actuación do ex ministro Morenés, tamén a Narón posto que nos nosos polígonos afíncanse empresas dedicadas ao sector naval e vinculadas a NAVANTIA. Ademais moitos veciños e veciñas de Narón son traballadores e traballadoras que forman parte do plantel de NAVANTIA.

Ademais como todos sabemos o sector Naval como eixo económico da nosa comarca non so beneficia con empregos directos, tamén xera riqueza que permite que todo tipo de empresas poidan beneficiarse.

As ordes do goberno de Mariano Rajoy para contratar armamento á multinacional MBDA que Pedro Morenés presidiu en España (ata a súa entrada no goberno) adiou e paralizou a definición dun proxecto de 4 000 millóns de euros que garantía 10 anos de carga de traballo para o estaleiro da nosa comarca e que evitou a posta en marcha dun contrato para construír 5 fragatas no estaleiro de Navantia en Ferrol.

Esta situación causou 2 anos de adiamento do proxecto técnico, ademais de provocar un enfrontamento entre a Armada e a Dirección Xeral de Armamento controlada polo ministro, dada a oposición da primeira xa que mantiña criterios contrarios aos de instalar o armamento que solicitaba o executivo do Partido Popular.

Estamos ante unha nova mostra do estilo de facer política do Partido Popular que busca o lucro propio que no caso das Fragatas causou un grave dano a toda a Comarca. O empeño en impoñer un armamento concreto (indo en contra dos criterios da Armada) para favorecer ao grupo de empresas vinculadas a Morenés deron lugar ao adiamento do proxecto técnico necesario para dar luz verde a construción das fragatas, danando de xeito lesivo un sector clave para a toda Comarca de Ferrolterra, e tamén para Narón e as empresas e traballadoras e traballadores dedicados ao sector Naval.

En defensa destas traballadoras e traballadores, dos intereses da nosa cidade, é de xustiza esixir responsabilidades políticas a quen tanto dano nos fixo coa súa actuación.

POR TODO O DITO PEDIMOS AO PLENO A REPROBACIÓN DO EX MINISTRO PEDRO MORENÉS POLO ADIAMENTO E PARÁLISE DOS CONTRATOS DAS FRAGATAS F-110 PARA OS ESTALEIROS DE NAVANTIA.

E esiximos CARGA DE TRABALLO, XA!, para unha comarca castigada inxustamente por decisións políticas que foron desmantelando un Sector clave.


GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
31 de janeiro de 2019 20:09
___________

O concelleiro de Esquerda Unida Narón, André Abeledo solicita o estudo de medidas en materia de vivenda e aluguer para Narón

Abeledo solicita o estudo de medidas en materia de vivenda e aluguer para Narón

André Abeledo rexistrou unha Moción onde solicita as seguintes medidas sobre vivenda:

1.- Elaborar un censo de vivendas desocupadas de acordo aos criterios establecidos no Real Decreto e instar a Xunta de Galicia a desenrolar o concepto de vivenda valeira.

2.- Estudar a posibilidade de modificar a ordenanza fiscal para establecer un recargo do 50% no IBI daquelas vivendas que se atopen desocupadas, sobre todo terceiras vivendas, vivendas propiedade de entidades bancarias, ou en mans do SAREB.

3.- Estudar a posibilidade de modificar a ordenanza fiscal para establecer un 95% de bonificación daquelas vivendas destinadas ao aluguer con renda limitada.

Abeledo explica que é  unha Moción necesaria logo da aprobación do Real Decreto-lei 21/2018, de 14 de decembro.

André Abeledo indica que no Estado español hai 3,5 millóns de vivendas valeiras, segundo o último censo de poboacións e vivendas dispoñible, realizado en 2011.

En EU Narón temos claro que hai que garantir a función social da vivenda. No seu momento propuxemos o recargo do IBI, as vivendas desocupadas en Narón, pero atopámonos con problemas legais pola ausencia dunha definición clara sobre o que é unha vivenda desocupada.

Pero agora despois da publicación no BOE do Real Decreto-lei 21/2018, de 14 de decembro, de medidas urxentes en materia de vivenda e aluguer, que entre outras cousas fai unha reforma da Lei de Facendas Locais regulando o recargo previsto para os inmobles de uso residencial desocupados con carácter permanente, mediante a súa remisión a correspondente normativa sectorial da vivenda, autonómica ou estatal, con rango de lei, ao obxecto de que poida ser aplicado polos concellos mediante a aprobación da correspondente ordenanza fiscal.

Sabemos e recoñecemos que este Decreto chega tarde, cando a maioría dos municipios xa temos aprobado as nosas Ordenanzas Fiscais. Aínda así abre un campo de posibilidades para traballar dende o ámbito municipal para que no haxa casas sen xente, ni xente sen casas.
Entendemos que xa non hai escusas, os Concellos poden a partir de agora adoptar unha serie de importantes medidas.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
21 de janeiro de 2019 11:32
___________

O concelleiro da esquerda Abeledo amosa a súa inquedanza de que unha empresa investigada no 'caso Lezo' sexa a adxudicataria do contrato do lixo do Concello de Narón

Abeledo amosa a súa inquedanza de que unha empresa investigada no "caso Lezo" sexa a adxudicataria do contrato do lixo.

Dende Esquerda Unida de Narón seguimos denunciando o ilóxico da decisión de que a Asistencia técnica e a contratación do servizo de recollida de lixo e limpeza viaria, poida ser adxudicada por medio dunha contratación menor, o que ven sendo máis ou menos “a dedo”, a unha empresa que cando menos esta  investigada (figura xurídica que substitúe a de imputada) no “caso Lezo”.

Abeledo entende que mal pode comezar a asistencia técnica cando ante a posibilidade de contratar directamente dentro duns parámetros dáselle o contrato a unha consultora de dubidosa reputación. Sabendo que os contratos de recollida de lixo van aparellados dun gran interese económico de empresas a gran escala.

André Abeledo tamén transmite a nosa inquedanza de que a inversión e o cambio de sistema de recollida poida vir aparellado a un recorte de persoal a medio prazo. Tamén entendemos que a inversión que vai a facer o Concello non explica a duración dun contrato de 10 anos, posto que un contrato destas características de longa duración so podería explicarse si é a empresa a que fai a inversión e ten que recuperar o invertido.

GRUPO MUNICIPAL DE EU NARÓN con NARÓN POR DIANTE

Enviado por:
André Abeledo Fernández
-andre1474@gmail.com-
14 de janeiro de 2019 19:18
_____________

O concelleiro André Abeledo propon unha serie de medidas en materia de vivenda e alugueiro para Narón relacionadas coa aprobación do Real Decreto-lei 21/2018, de 14 de decembro

Abeledo propon unha serie de medidas en materia de vivenda e alugueiro para Narón relacionadas coa aprobación do Real Decreto-lei 21/2018, de 14 de decembro.

André Abeledo recorda que no Estado español hai 3,5 millóns de vivendas baleiras, segundo o último censo de poboacións e vivendas dispoñible, realizado en 2011.

En EU Narón temos claro que hai que garantir a función social da vivenda. No seu momento propuxemos o recargo do IBI, as vivendas desocupadas en Narón, pero atopámonos con problemas legais pola ausencia dunha definición clara sobre o que é unha vivenda desocupada.

Pero agora despois da publicación no BOE do Real Decreto-lei 21/2018, de 14 de decembro, de medidas urxentes en materia de vivenda e alugueiro, que entre outras cousas fai unha reforma da Lei de Facendas Locais regulando o recargo previsto para os inmobles de uso residencial desocupados con carácter permanente, mediante a súa remisión a correspondente normativa sectorial da vivenda, autonómica ou estatal, con rango de lei, ao obxecto de que poida ser aplicado polos concellos mediante a aprobación da correspondente ordenanza fiscal.

Abeledo entende que xa non hai escusas, os Concellos poden a partir de agora adoptar unha serie de importantes medidas, e dende EU Narón imos propoñer que ditas medidas se leven adiante mediante unha Moción. 

1.- Elaborar un censo de vivendas desocupadas de acordo aos criterios establecidos no Real Decreto e instar a Xunta de Galicia a desenrolar o concepto de vivenda valeira.

2.- Modificar a ordenanza fiscal para establecer un recargo do 50% no IBI daquelas vivendas que se atopen desocupadas.

3.- Ademais tamén inclúense a posibilidade directa de modificar a ordenanza fiscal para establecer un 95% de bonificación daquelas vivendas destinadas ao aluguer con renda limitada.

Abeledo recoñece que este Decreto chega tarde, cando a maioría dos municipios xa temos aprobado as nosas Ordenanzas Fiscais. Aínda así abre un campo de posibilidades para traballar dende o ámbito municipal para que no haxa casas sen xente, ni xente sen casas.

Enlace ao BOE: http://iunida.org/boevivienda

Datos de vivendas valeiras por provincias segundo o Instituto Nacional de Estadística: http://iunida.org/ineviviendasvacias

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
8 de janeiro de 2019 15:26
______________

André Abeledo, concelleiro de Esquerda Unida de Narón, entende fóra de lugar sacar a concurso, por dez anos, o contrato da recollida do lixo e limpeza viaria do Concello - Defende a municipalización dos servizos básicos para que sexan un auténtico servizo público - Entende que os gobernos non poden hipotecar o futuro da veciñanza

Abeledo entende fora de lugar  sacar a concurso, por dez anos, o contrato da recollida do lixo e limpeza viaria en Narón.

André Abeledo indica que ningún goberno debería dar contratos que exceden da súa lexislatura.

Ademais de que o noso modelo non é este, e dende EU NARÓN defendemos a municipalización dos servizos básicos para que sexan un auténtico servizo público, entendemos que os gobernos non poden hipotecar o futuro da veciñanza.

Abeledo recorda ao Equipo de Goberno que os contratos de suministros e de servizos de prestación sucesiva terán  un prazo máximo de duración de cinco anos, incluíndo as posibles prórrogas que en aplicación do apartado segundo deste artigo acorde o órgano de contratación, respetando as condicións e límites establecidos nas respectivas normas orzamentarias que sexan aplicables ao ente contratante.

Excepcionalmente, nos contratos de servizos poderase establecer un prazo de duración superior ao establecido no parágrafo anterior, cando o esixa o período de recuperación das inversións directamente relacionadas co contrato e estas non sexan susceptibles de utilizarse no resto da actividade produtiva do contratista ou a súa utilización fora antieconómica, sempre que a amortización de ditas inversións sexa un custo relevante na prestación do servizo, circunstancias que deberán ser xustificadas no expediente de contratación con indicación das inversións as que se refira e do seu período de recuperación. O concepto de custo relevante na prestación do servizo  será obxeto de desenrolo regulamentario.

O contrato de servizos de mantemento que se concerte conxuntamente co da compra de ben a manter, cando dito  mantemento solo poida ser prestado por razóns de exclusividade pola empresa que suministróu dito ben, poderá ter como prazo de duración o da vida útil do produto adquirido.

Así mesmo poderá establecerse nos contratos de servizos relativos aos servizos as persoas un prazo de duración maior cando elo fora necesario para a continuidade de aqueles tratamentos aos usuarios nos que o cambio do prestador puidera repercutir negativamente.

No obstante o establecido nos apartados anteriores, cando ao vencemento dun contrato non se houbera formalizado o novo contrato que garanta a continuidade da prestación a realizar polo contratista como consecuencia de incidencias resultantes de acontecementos imprevisibles para o órgano de contratación producidas no procedemento de adxudicación e existan razóns de interese público para non interromper a prestación, poderase prorrogar o contrato orixinario ata que comence a execución do novo contrato e en todo caso por un período máximo de nove meses, sen modificar as restantes condicións do contrato, sempre que o anuncio de licitación do novo contrato téñase publicado cunha antelación mínima de tres meses respecto da data  de finalización do contrato orixinario.

Dende EU NARÓN preguntámonos que inversión vai a xustificar neste caso o Equipo de Goberno?.

Por exemplo no caso do servizo da auga poden dicir que as novas canalizacións son feitas para Narón e son inversión para Narón.

Pero cal é o argumento no lixo e limpeza viaria?.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
31 de dezembro de 2018 01:32
__________________
Foto: Cesar Toimil. |

O concelleiro da esquerda de Narón, André Abeledo, rexistrou unha Moción para controlar a proliferación das apostas online e casas de xogo e pedir que se tomen medidas para a prevención da Ludopatía

MOCIÓN, DE EU NARÓN, PARA CONTROLAR A PROLIFERACIÓN DAS APOSTAS ONLINE E CASAS DE XOGO E TOMAR MEDIDAS DE PREVENCIÓN ANTE A LUDOPATÍA

Abeledo explica que Dende fai uns anos teñen proliferado os anuncios en televisión, radio, prensa escrita, redes sociais, etc de casas de apostas deportivas online. Unhas casas de apostas que insiran a súa publicidade en eventos deportivos, especialmente nas retransmisións deportivas e que incluso chegan a utilizar estrelas de fútbol para animar aos telespectadores a que aposten. Un sistema de xogo moito máis aditivo, sen pausas, con bonos «gratis» de entrada, e sobre todo cunha inmensa inversión en publicidade que representa xusto os valores contrarios as formas máis pausadas e tradicionais de apostar, como a lotería de Natal, a quiniela ou os cupóns da ONCE.

Hai 613.812 usuarios activos nas casas de apostas, segundo o último Informe Trimestral do Mercado de Xogo Online, un 13,44% máis que no mesmo segmento de 2016. Non só corresponde as apostas deportivas, tamén ao póker, casino e bingos virtuais. Ata setembro de 2017, os operadores gastaron máis de 140 millóns de euros en promover-se. En España hai máis de medio centenar de empresas con licencia no negocio online e presencial.

O xogo patolóxico é un trastorno que figura entre as adiccións de tipo relacionado co comportamento nas clasificacións médicas e psicolóxicas. Consiste na perdida de control de comportamento en relación ao xogo que se caracteriza por ter graves consecuencias para as persoas como problemas académicos, laborais, económicos, sociais e/ou legais asociados ao xogo.

Tentase a clase traballadora,  que normalmente non pode acceder a un traballo estable dado o enorme paro crónico, a que arrisquen as súas rendas ganadas en traballos precarios.  Non é estraño que nos barrios e localidades onde menos renda hai, sexa onde as políticas neoliberais máis efectos negativos causen a través das casas de apostas. Estas afectan especialmente a xuventude, onde a falta de expectativas e dun futuro estable é o caldo de cultivo perfecto para doses rápidas de adrenalina onde conseguir diñeiro sen esforzo.

Tampouco é admisible que as casas de apostas aumenten día a día os seus beneficios e deixen as familias e ao conxunto da sociedade a obrigación de costear integramente o tratamento das persoas as que ten enganchado. É de xustiza, polo tanto, aumentar a contribución que os beneficios destas empresas teñen que facer ao conxunto da sociedade para que se poida tratar de maneira eficaz as persoas adictas ao xogo e para que se poidan investigar eses mecanismos e previr futuras adiccións.

De forma física ou a través de Internet, o que se esconde detrás de cada aposta é o mesmo: fante crer que non é necesario traballar para xerar riqueza, que podes inverter o teu diñeiro e, si o fas ben, o multiplicarás. Este conto liberal obvia que o teu beneficio implica que alguén como ti está perdendo o seu diñeiro, tamén obvia que un día gañaches pero ao seguinte podes perder moito máis.  Non é cuestión de sorte que, en última instancia, sexa a dona da casa de apostas o único que gañe, é cuestión de matemáticas.

É o momento de que as diferentes institucións adapten a normativa a realidade social, económica e tecnolóxica da actividade do xogo antes de que se converta en unha lacra sen retorno.

Formulamos nesta moción unha serie de medidas, a nivel municipal e supramunicipal, para atallar esta problemática. Por unha lado entendemos que é necesario prohibir a publicidade de estes locais e frear a súa expansión a través das ordenanzas o las normas urbanísticas, tamén son importantes as medidas de prevención ante a ludopatía e, por último, formulamos unha serie de propostas a nivel fiscal para gravar a actividade das casas de apostas e do xogo online.

 PRIMEIRO: Instar ao Goberno do Estado a reformar a Lei Xeral da Comunicación Audiovisual e a Lei Xeral de Publicidade para que se regule a publicidade das Casas de Apostas e se prohiba que estas empresas poidan publicitar-se para facer efectiva a protección do público infantil e xuvenil e a impulsar o Real Decreto de Comunicacións Comerciais das Actividades de Xogo e de Xogo Responsable co obxectivo de restrinxir a publicidade para xogos e apostas online.

SEGUNDO: Instar ao Goberno Autonómico a que, igual que pasa co gremio de tabacaleiras ou farmacias, limite a apertura das casas de apostas físicas mediante o establecemento dun mínimo de metros de separación ou por núcleos de poboación, para a frear así a súa  expansión.

TERCEIRO: Instar ao Goberno Autonómico a que prohiba as terminais de apostas deportivas en salóns de xogo, bingos e casinos.

CUARTO: Instar ao Goberno Local a que estudie a revisión das ordenanzas para introducir limitacións urbanísticas a implantación de locais de apostas nas inmediacións de espazos  frecuentados pola infancia, a adolescencia e a xuventude, como os centros educativos, culturais, deportivos ou xuvenís.

QUINTO: Instar ao Goberno Local a que, a través da Ordenanza de Publicidade, regule a eliminación de calquera carteleira do mobiliario urbano ou do espazo público de este tipo de establecementos, aténdose exclusivamente aos carteis do propio local incluíndo unicamente o nome e sen ningún tipo de publicidade.

SEXTO: Instar ao Goberno Local a que realice actividades informativas nos centros escolares para afondar no uso que fan os rapaces dos xogos online e de apostas e os posibles problemas derivados deste uso e a que poña en marcha modelos de ocio e espazos de socialización xestionados directamente pola xuventude onde poidan desenrolar un ocio san, que potencie o coñecemento, o deporte e as artes.

SÉTIMO: Instar ao Goberno Local a que reforce a formación da Policía Local de modo que se familiaricen coas infraccións máis habituais relacionadas coas apostas e o xogo, particularmente no acceso de menores de idade, persoas incapacitadas legais e persoas co acceso ao xogo legalmente restrinxido.

OITAVO: Instar ao Goberno do Estado a aumentar o tipo aplicable no  Imposto sobre Actividades do Xogo para as casas de apostas e de xogo online.

NOVENO: Instar ao Goberno Local a que cree unha taxa específica por utilización privativa ou o aproveitamento especial do dominio público local, que teña que ser abonada polos  establecementos que instalen pantallas ou outro tipo de dispositivos para desenrolar a súa actividade empresarial con fronte directo a vía pública ou en liña de fachada.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
17 de dezembro de 2018 13:34
__________________

Loitemos dende o feminismo todas xuntas para unha sociedade xusta, libre de violencias e radicalmente democrática

O Pleno do Concello de Narón contra a violencia machista

NIN VIOLENCIA MACHISTA NIN VIOLENCIA PATRIARCAL. EU NARÓN

A violencia contra as mulleres converteuse nun problema estrutural que se dirixe cara as mulleres co obxecto de manter ou incrementar a súa subordinación ao xénero masculino.

Trátase dun problema social tanto no fogar como no público, de forma física, sexual, psicolóxica, económica, cultural...

Dende Esquerda Unida de Narón sumámonos ao grito de “Nin Unha Menos”este 25 de novembro do 2018. Como todos os anos por esta data chamábavos a atención para dicir nin unha menos Basta xa, nin unha asasinada máis, nin unha violada, acosada, discriminada, invisibilizada ou marxinada por etnia...

Este ano indignante para as mulleres polos casos Juana Rivas, a Manada,o aumento de casos de violación en grupo e a mala xestión do poder xudicial.

Tamén estamos vendo unha gran resposta social do movemento feminista en tódolos seus aspectos e que está a redefinir o sentido común da nosa sociedade.

Debemos ter presente a enorme importancia do feminismo nun momento no que temos que dar unha dura batalla contra o neoliberalismo, o autoritarismo,
a intolerancia e o fascismo, que avanzan internacionalmente.

Loitemos dende o feminismo todas xuntas para unha sociedade xusta, libre de violencias e radicalmente democrática.

Por todo iso, dende Esquerda Unida de Narón esiximos de xeito urxente:

• O cumprimento da LEI 11/2007, do 27 de xullo, galega para a prevención e o tratamento integral da violencia de xénero.
• Que aumente o orzamento destinado a políticas de igualdade.
• Que se poña en marcha o Pacto de Estado contra a Violencia de Xénero.
• Que as campañas promovidas dende as distintas administracións para a violencia de xénero teñan unha perspectiva feminista e se ensine educación afectivo-sexual e contra a discriminación e violencia de xénero.
• Que se desenvolvan plans de formación e sensibilización contra a violencia de xénero de obrigado cumprimento ao persoal ao servicio das administracións.
• Demandamos unha xestión pública directa da rede de servizos de violencia de xénero.

Por todo o anterior, dende Esquerda Unida esiximos unha estratexia estrutural que loite en todos os ámbitos.

AREA DA MULLER DE EU NARÓN

Enviado por:
Naron Esquerda Unida
-eu-naron@esquerdaunida.org-
22 de novembro de 2018 17:49
_________

Moción conxunta de EU NARÓN, TEGA, BNG e PSOE en apoio aos veciños de San Xiao - EU Narón, TEGA, BNG, PSOE, axuntan forzas para esixir a Xunta de Galicia investimentos en Narón nos orzamentos de 2019 - Apostamos pola unidade da xente de esquerdas para mudar Narón

Abeledo, Concelleiro de EU Narón, reuniuse coa AAVV de San Xiao.

Moción conxunta de EU NARÓN, TEGA, BNG e PSOE en apoio aos veciños de San Xiao

André Abeledo reuniuse cos representantes da asociación de veciños de San Xiao para amosar o seu apoio e o de EU NARÓN na súa reivindicación de que se leve acabo o proxecto do ensanche e modificación da estrada de San Xiao (DP-5401).

Naquela reunión  Abeledo defendeu a necesidade de que o Pleno do Concello arroupe politicamente aos veciños coas ferramentas que temos nas nosas mans, mediante unha Moción apoiada por todos os grupos políticos do Concello esixindo a Deputación que cumpra coas súas promesas.

Os representantes da veciñanza entenden que esa unidade na defensa dos seus intereses é necesaria, e como non pode ser doutro xeito dende EU NARÓN estamos sempre dispostos a sumar forzas para defender os intereses e os dereitos das naronesas e naroneses.

14 anos de promesas incumpridas por parte da Deputación merecen unha resposta urxente, indicou Abeledo.

Xa pasaron tamén 9 anos dende a modificación do PXOM para recoller o novo trazado da estrada, é lóxico que a paciencia dos veciños téñase esgotado.

Os veciños solicitan que se proceda á elaboración e asinamento dun Convenio entre o Concello e a Deputación que teña en conta as demandas veciñais.

E solicitan a Deputación o inicio do proceso de expropiación das parcelas afectadas pola modificación do PXOM.

Ademais dende EU NARÓN damos o noso apoio as posibles mobilizacións que emprendan os veciños para conseguir ser escoitados.

Abeledo advirte que está carreteira é un perigo, sobre todo para os peóns, e que a solución a problemas onde se poñen en xogo vidas deberían ser sempre unha prioridade. 

É unha carreteira sen beirarrúas, cun deficiente mantemento que ademais ao servir de acceso a un polígono ten horas de intenso tránsito de todo tipo de vehículos.

Narón, 15 de novembro de 2018


EU Narón, TEGA, BNG, PSOE, axuntan forzas para esixir a Xunta de Galicia investimentos en Narón nos orzamentos de 2019

André Abeledo denuncia que o Goberno da Xunta de Galicia fai política partidista castigando aos Concellos onde non goberna o PP.

Abeledo entende que unha e outra vez o PP castiga a Narón nos Orzamentos da Xunta de Galicia.

Os Orzamentos estan para atender as necesidades das galegas e galegos e non para facer política partidista.

Por ese motivo imos a instar a Xunta de Galicia a incluír no seu proxecto de Orzamentos para o ano 2019 os seguintes investimentos:

• Un centro integral de atención ás persoas maiores.
• Un plan de inversións en melloras nos centros de ensino públicos de Narón.
• Un Centro Integrado de Formación Profesional no que se impartan as familias profesionais que non se están a ofertar en outros centros da Comarca.
• Renovación das beirarrúas da Estrada de Cedeira (AC-566), dando solución aos problemas de paso e accesibilidade en diversos puntos do treito que abrangue o primeiro quilómetro desa entrada por ambas beiras.

Narón, 18 de novembro de 2018


Apostamos pola unidade da xente de esquerdas para mudar Narón

Dende EU Narón apostamos decididamente pola creación dun espazo de confluencia de cara as eleccións Municipais.

André Abeledo indica que a unidade é unha necesidade en Narón, na Galiza, e no Estado español.

A nosa organización aposta por facer o esforzo de construír unidade popular, unha unidade baseada nun programa e nun proxecto de cidade.

O esforzo para recuperar e Municipalizar servizos básicos, a implementación de políticas sociais, a humanización da nosa cidade, deben ser o eixo dunha aposta decidida e valente polo futuro de Narón e a súa veciñanza.

Estamos convencidos de que a unidade vainos a permitir medrar e fortalecer un proxecto capaz de mudar Narón para mellor.

Nese sentido EU Narón xa comezou as reunións con ANOVA, e estamos a espera de que outras organizacións rematen os seus procesos internos para comezar os contactos. Estamos convencidos de que con xenerosidade e guiados pola responsabilidade da necesidade de traballar por mellorar a vida da cidadanía a unidade será posible.

Abeledo insiste en facer un chamamento a unidade da xente de esquerdas, das traballadoras e traballadores, a xenerosidade, ao esforzo por avanzar tendo como obxectivo traballar por construír unha cidade mellor onde vivir, pola nosa veciñanza, pola clase traballadora.

Somos unha organización que leva no seu ADN chegar a acordos que permitan avanzar, tender pontes e construír un futuro de esperanza.

Narón, 18 de novembro de 2018

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.



Enviado por:
Naron Esquerda Unida
-eu-naron@esquerdaunida.org-
15 de novembro de 2018 11:42
18 de novembro de 2018 22:32
18 de novembro de 2018 22:34
____________

Batería de comunicados de Esquerda Unida de Narón - Apoiamos ás persoas antifascistas que participaron na ocupación simbólica do Pazo de Meirás - Apoio á traballadoras e traballadores de Alcoa e á Clase Traballadora - Defensa da moción para amosar o rexeitamento a decesión do Tribunal Supremo de deixar sin efecto a sentencia sobre o imposto das hipotecas e para impulsar a creación dunha banca pública

APOIAMOS ÁS PERSOAS ANTIFASCISTAS QUE PARTICIPARON NA OCUPACIÓN SIMBÓLICA DO PAZO DE MEIRÁS.

Rexeitamos a demanda interpostas contra os 19 compañeiras e compañeiros que moi honorablementen participaron desta acción xusta de denuncia da existencia de dun espazo usurpado ao pobo onde se segue a facer impunemente apoloxía do fascismo.

É preciso denunciar e extirpar o fascismo que continúa vivo no Estado español.

Atopámonos con que existe unha “Fundación Francisco Franco” que exalta a figura do ditador xenocida e que xestiona a apertura do Pazo de Meirás, como si se tratase dun Parque Xurásico do horror fascista.

Un Pazo que os fascistas obrigaron ao pobo galego a “regalar” ao ditador.

Falanxistas armados ían casa por casa cunha lista, onde apuntaban o que pagaba cada familia, coa voluntariedade normal de ter un asasino armado pedíndoche os cartos.

Un Pazo que agora abriuse ao público para maior gloria do ditador golpista e asasino.

Algo que sería impensable en calquera pais democrático.

Algo que sería un delito facer coa figura de Hitler en Alemaña, ou de Mussolini en Italia, permítese no Estado español.

O Pazo de Meirás debe ser devolto a quen o pagou, ao seu lexitimo dono, ao pobo galego.

Permitir homenaxes ao ditador é unha mostra de que queda moito que facer, é a proba de que seguimos nas mans dun Goberno sen Memoria nin respeto aos asasinados polo fascismo.

O Pazo de Meirás debería servir para recordar a Emilia Pardo Bazán, unha verdadeiramente ilustre moradora do Pazo, e non ao pequeno xeneral traidor, golpista e asasino, que sementou a Galiza e ao Estado español de fosas comúns cheas de mártires inocentes.

25 de outubro de 2018 18:51


APOIO AS TRABALLADORAS E TRABALLADORES DE ALCOA E A CLASE TRABALLADORA. EU NARÓN.

Dende EU queremos enviar un mensaxe de apoio aos traballadores de ALCOA na súa loita na defensa do seu posto de traballo, a todas as traballadoras e traballadores que se organizan para defender os seus dereitos e a súa dignidade.

O noso apoio as traballadores/as de Alcoa nas plantas de Coruña e Avilés nos que se destrúen 700 postos de traballo, por carecer de estratexias industriais e non ter plans de transición enerxética xusta e adecuada aos sectores produtivos.

Queremos enviar o noso apoio e solidaridade de cara a loita nas folgas d@s traballadores/as do sector de elaborados do mar que sendo un sector afectado pola precariedade laboral loitan por unha mellora do seu convenio.

E d@s traballadores/as e veciñ@s das Industrias Auxiliares de Navantia na Ría de Ferrol que loitan por acadar a inclusión e blindaxe dos acordos salariais dentro do Convenio Provincial do Metal e que a próxima semana comezan as movilizacións contra a patronal da Asociación de Empresarios do Metal.

Por toda esta situación de ataque aos dignos dereitos da clase obreira facemos un chamamento á as traballadoras e traballadores a apoiar as compañeiras e compañeiros  de Alcoa.

Así mesmo facemos un chamamento á participación en tódalas mobilizacións que as IIAA de Navantia convoquen, pois no día de hoxe as Federacións sindicais están levando á asamblea o calendario de mobilizacións para acada-las reivindicacións.

É preciso recuperar a conciencia de clase, porque a clase traballadora organizada é invencible.

25 de outubro de 2018 18:49


DEFENSA DA MOCIÓN PARA AMOSAR O REXEITAMENTO A DECESIÓN DO TRIBUNAL SUPREMO DE DEIXAR SIN EFECTO A SENTENCIA SOBRE O IMPOSTO DAS HIPOTECAS E PARA IMPULSAR A CREACIÓN DUNHA BANCA PÚBLICA.

A xustiza non pode estar ao servizo dos poderes económicos, os poderosos non poden ser quen de cambiar decisións xudiciais, nin de marcar a axenda política do Estado español. Porque nese momento a xustiza deixa de ser xustiza para ser ferramenta das clases dominantes, e a democracia queda reducida a case nada.

Os bancos cada ano multiplican os seus beneficios e os salarios dos seus directivos, mentres o noso pobo vaise empobrecendo cada vez máis, entre outros motivos por ternos obrigado a pagar multimillonarios “rescates bancarios, mentres ao unísono padecese unha tributación da banca escandalosamente reducida.

Bastou que a banca protestase 24 horas contra esta sentencia, para que o tribunal Supremo, servilmente, adopte esta cuestionable decisión.

O artigo 18 da Lei Orgánica do poder Xudicial di que “as sentencias executaranse nos seus propios termos” e “solo poderán deixarse sen efecto en virtude dos recursos previstos na Lei. Polo tanto, nin existe norma legal algunha que outorgue competencia a un pleno de Sala do Tribunal Supremo para deixar sen efecto unha sentencia firme nin o Supremo ten competencias para valorar a “repercusión” das súas sentencias: debe limitarse a aplicar estritamente a lei e deixar que sexan os poderes públicos competentes, neste caso o Poder Lexislativo ou o Executivo, quenes valoren os efectos desas sentenzas e adopten medidas políticas de entendelo necesario.

É un despropósito que dende as máis altas instancias xudiciais aléguese para xustificar esta decisión unha suposta “enorme repercusión económica”, mentres obvia que este mesmo fallo é claramente beneficioso para a maioría de persoas deste país, que deben recorrer ao crédito hipotecario para acceder a unha vivenda.

Son os mesmos bancos que teñen esquilmado a economía deste país e contribuíron a empobrecer a xente nestes últimos años agora amosan a súa capacidade para intervir ante as instancias públicas.

Dende EU apostamos por un “polo” de banca pública que impida a chantaxe que fai a banca privada. Ademais é imprescindible que, si este país quere desenrolara una política industrial coherente, que favoreza as pymes, facilite o acceso a  vivenda e poñer en marcha un novo modelo de desenrolo que reduza o paro e sexa sostible económica e ecoloxicamente, poña en marcha unha banca pública.

Somos un dos poucos países do noso entorno que non conta cunha banca pública. En Alemaña, a cota de mercado da banca pública chega a acadar o 24% e amosou a súa capacidade de financiar necesidades de investigación e internacionalización.

Ata o propio Banco Mundial, no seu informe “Repensando o papel do estado nas finanzas”, mencionaba, “o positivo papel que teñen xogado os bancos públicos en varios países durante a crisis financeira para manter o fluxo de crédito” ou “a evidencia do papel contracíclico que teñen xogado varios bancos públicos durante a crise”.

É esencial o papel que pode xogar a banca pública na atención das necesidades sociais, o desenrolo duns servicios públicos de calidade e suficientes, e a erradicación do desemprego.

Ese debe ser o obxectivo dunha banca pública que permitiría impulsar outra  política económica centrada na creación dunha estrutura económica dirixida a erradicar o paro estrutural e os desequilibrios territoriais.

Defendemos a independencia do poder xudicial, denunciamos a inxerencia dos poderes económicos, e apostamos pola creación dunha banca pública, e polo reforzamento do público como algo de todas e todas, que nos pertence e debemos defender e fortalecer.

25 de outubro de 2018 18:46


GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
25 de outubro de 2018 18:46
25 de outubro de 2018 18:49
25 de outubro de 2018 18:51
____________________

EU Narón traballa nunha Moción para a aplicación de cláusulas sociais pola Lei de Contratación do Sector Público - Apostamos pola unidade da xente de esquerdas para mudar Narón

EU Narón traballa nunha Moción para a aplicación de cláusulas sociais pola Lei de Contratación do Sector Público

O Concelleiro de EU Narón André Abeledo acompañado do Secretario de Organización de EU Roberto Villasuso reuníronse con Victor Ledo, Secretario Xeral de Industria de Galiza de CCOO eo responsable Comarcal de Construción e Servizos de CCOO Alejandro Bello para traballar na redacción dunha Moción para solicitar ao concello a aplicación de cláusulas sociais a hora de contratar as empresas.

Entendemos necesario:

✻ Establecer/definir o convenio colectivo sectorial de aplicación laboral de cada licitación.

✻ Pedir informes previos á adxudicación dun contrato.

✻ Establecer e reflexar sancións/penalidades nos pliegos para os incumprimentos de convenio, chegando á resolución do contrato nos casos.

✻ Cumprimento de convenio como condición pasa/non pasa.

✻ Definir en cada prego outras condicións de tipo social e medioambiental para valorar e puntuar (promover o emprego de persoas con especiais dificultades de inserción no mercado laboral, en particular das persoas con discapacidade ou en situación de risco de exclusión social a través de Empresas de Inserción; eliminar as desigualdades entre o home e a muller en dito mercado, favorecendo a aplicación de medidas que fomenten a igualdade entre mulleres e homes no traballo; favorecer a maior participación da muller no mercado laboral e a conciliación do traballo e a vida familiar; combater o paro, en particular o xuvenil, o que afecta ás mulleres e o de larga duración; favorecer a formación no lugar de traballo; garantir a seguridade e a protección da saúde no lugar de traballo e medidas para previr a sinistralidade laboral).

 
Apostamos pola unidade da xente de esquerdas para mudar Narón

Dende EU Narón apostamos decididamente pola creación dun espazo de confluencia de cara as eleccións Municipais.

André Abeledo indica que a unidade é unha necesidade en Narón, na Galiza, e no Estado español.

A nosa organización aposta por facer o esforzo de construír unidade popular, unha unidade baseada nun programa e nun proxecto de cidade.

O esforzo para recuperar e Municipalizar servizos básicos, a implementación de políticas sociais, a humanización da nosa cidade, deben ser o eixo dunha aposta decidida e valente polo futuro de Narón e a súa veciñanza.

Estamos convencidos de que a unidade vainos a permitir medrar e fortalecer un proxecto capaz de mudar Narón para mellor.

Nese sentido EU Narón xa comezou as reunións con ANOVA, e estamos a espera de que outras organizacións rematen os seus procesos internos para comezar os contactos. Estamos convencidos de que con xenerosidade e guiados pola responsabilidade da necesidade de traballar por mellorar a vida da cidadanía a unidade será posible.

Abeledo insiste en facer un chamamento a unidade da xente de esquerdas, das traballadoras e traballadores, a xenerosidade, ao esforzo por avanzar tendo como obxectivo traballar por construír unha cidade mellor onde vivir, pola nosa veciñanza, pola clase traballadora.

Somos unha organización que leva no seu ADN chegar a acordos que permitan avanzar, tender pontes e construír un futuro de esperanza.  

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
18 de outubro de 2018 13:12
19 de outubro de 2018 13:00
____________________

O concelleiro André Abeledo, de Esquerda Unida de Narón, presenta unha moción a prol da biodiversidade fronte á eucaliptización

Moción EU Narón POLA DEFENSA DA BIODIVERSIDADE FRONTE Á EUCALIPTIZACIÓN

André Abeledo presentou unha "MOCIÓN POLA DEFENSA DA BIODIVERSIDADE FRONTE Á EUCALIPTIZACIÓN", na que EU Narón solicita:

- Que o de Narón se declare a prol da biodiversidade, do mantemento, conservación e recuperación sostible da flora e a fauna autóctona da nosa terra e que se elabore unha ordenanza municipal que inclúa beneficios para os propietarios de plantacións con especies autóctonas.

- Solicitar do Ministerio de Medio Ambiente, Medio Rural e Mariño a inscrición do eucalipto no Catálogo de Especies Exóticas e Invasoras do estado español.

- Solicitar á Xunta de Galicia colaboración para elaborar un plan municipal de prevención de lumes con especies autóctonas como xa se está a facer noutros Concellos galegos.

- Facer cumprir con carácter urxente as distancias mínimas especificadas no anexo II da Lei 7/2012, de 28 de xuño, de montes de Galicia, para:

. Afastar debidamente esta especie dos mananciais, regatos e ríos.
. Separar de calquera ben inmoble, dos pastos e das zonas agrarias.
. Afastar as plantacións das estradas convencionais e liñas eléctricas.
. Romper a continuidade das masas forestais de eucalipto con distancias mínimas de separación.

Abeledo insiste en que o futuro da Galiza pasa tamén pola defensa da nosa biodiversidade, a nosa fauna, a nosa flora, e por unha ordenación do territorio racional e sostible que permita deixar aos nosos fillos unha Galiza mellor.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
24 de setembro de 2018 09:49
___________

Regreso desde os campamentos de Tinduf: André Abeledo acompañou aos nenos e nenas saharauís do programa 'Vacacións en Paz' como representante da colaboración que o Concello de Narón ten con SOGAPS no seu regreso ao deserto

André Abeledo acompañou aos nenos e nenas saharauís do programa “Vacacións en Paz” como representante da colaboración que o Concello de Narón ten con SOGAPS no seu regreso aos campamentos.

André Abeledo acompañou no seu viaxe de regreso aos 77 nenas e nenos saharauís que regresaron a Tinduf logo da súa estancia na Galiza durante os meses de verán.

Abeledo entregou unha serie de agasallos institucionais a Aichetu Abba representante do pobo saharauí da Wilaya de Smara. Durante a reunión André Abeledo falou do Compromiso solidario do Concello de Narón co pobo saharauí que loita por sobrevivir nos campamento e recuperar o seu país ocupado ilegalmente por Marrocos.

Aichetu Abba agradeceu en nome do pobo saharauí o compromiso do pobo de Narón co seu pobo.

André Abeledo entende que este viaxe é unha mostra do compromiso solidario de Narón co Sáhara, o Concello de Narón vaise a comprometer ademais a participar con axuda humanitaria na “Caravana Solidaria”.

Abeledo explica a viaxe tiña dúas prioridades, a principal o coidado dos 77 nenos e nenas para que se reúnan coas súas familias, e tamén levar o compromiso solidario e a mostra de apoio encargada pola Alcaldesa de Narón Marian Ferreiro.

André Abeledo explica que merece a pena este esforzo solidario e perder catro días de salario a cambio de coñecer a realidade dos campamentos e vivir a experiencia de acompañar a estes pequenos embaixadores do pobo saharauí no seu viaxe de regreso.

Abeledo comprometeuse tamén a traballar polo irmanamento de Narón coa Wilaya de Smara, como un xeito de fortalecer os lazos co pobo saharauí e dar mais contido ao noso compromiso solidario.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
17 de setembro de 2018 01:07
___________________

O concelleiro da esquerda André Abeledo 'acusa' a Augas de Galicia de irresponsable ao non asumir as súas funcións para dar unha saída ao 'conflito' do saneamento da marxe norte da Ría

André Abeledo acusa a Augas de Galicia de irresponsable, e tamén de non cumprir coas súas funcións como responsable máximo do saneamento da ría e da EDAR.

Insistimos en que debe ser Augas de Galicia a mediadora a hora de buscar solucións, e tamén quen debe facer un estudo para que se coñeza cal e o custo real do servizo.

O Concello de Narón non ten porque presupoñer que os datos dados por unha empresa como EMAFESA sexan os correctos, debe ser a Xunta de Galicia a que supervise e busque unha solución a unha situación que en gran parte esta provocada pola irresponsabilidade e a inoperancia de Augas de Galicia.

Entendemos que o Concello de Narón non ten, nin debe ter ninguha vinculación con EMAFESA, e que tanto a depuración como a EDAR son responsabilidade de Augas de Galicia que debe ser quen cobre ao noso Concello por este servizo directamente.

Continuamos a defender que a concesión do servizo de depuración a nivel supramunicipal non pode ser dada a dedo a EMAFESA.

Recordemos que as instalacións da EDAR teñen un carácter supramunicipal, son de titularidade da administración estatal, e dependen da Xunta de Galicia (Augas de Galicia) e non son propiedade de ningún Concello ou empresa.

Abeledo defende que os Concelleiros e Concelleiras de Narón temos a obriga de defender os intereses da nosa veciñanza. Por este motivo apoiaremos a "Proposta de Alcaldia" ao Pleno de mañá Xoves día 28 de Xuño.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
27 de junho de 2018 16:17
________________________

Posición de Esquerda Unida Narón sobre o 'Piñeiral d'A Gándara' - Abeledo insiste en que debemos traballar por construír unha cidade máis humana

Abeledo insiste en que debemos traballar por construír unha cidade máis humana, dentro deste modelo que vimos defendendo dende fai anos, dende EU entendemos que xunto coa accesibilidade universal, a potenciación do transporte público, e outra serie de medidas, un dos alicerces deste modelo humanizador é a existencia de zonas verdes na zona urbana de Narón, cantas máis mellor, para mellorar a calidade do aire respirado pola veciñanza e crear zonas de esparexemento e recreo para as naronesas e naroneses.

Ven é certo que no caso do piñeiral da Estrada da Gándara a obrigada  aplicación da Lei 3/2007, de 9 de abril, de prevención e defensa contra os incendios forestais de Galicia; e a la Lei 7/2012, de 28 de xuño, de montes de Galicia, obrigan a cortar unha parte importante das arbores deste “pulmón verde de Narón”.

No caso destas arbores, falamos de pinos e eucaliptos, a lexislación marca que deben manter unha distancia de 50 metros coas vivendas para evitar o perigo en caso de incendio, por este motivo dende EU entendemos que debemos buscar unha alternativa que por unha banda permitan cumprir a lei, eviten perigos, pero a súa vez manteñan o modelo de “cidade verde” que dende EU propoñemos.

Abeledo propón que a parte do piñeiral que pertence o Concello sexa repoboada con especies autóctonas, posto que algunha desas especies só esixen unha distancia de 15 metros cosas vivendas, conseguindo así por unha banda manter para o futuro este “pulmón verde” para a veciñanza de A Gándara, e por outro potenciar as especies autóctonas da Galiza.

Tamén indica que unha parte da veciñanza entende que pode ser o momento para adecuar a zona para o recreo e o esparexemento poñendo bancos e mesas que permitan desfrutar da zona cando chegue o bo tempo.

Así mesmo Abeledo empraza ao Goberno Local a abrir un dialogo coa veciñanza neste sentido, para que sexa participe deste proxecto de futuro.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
19 de junho de 2018 12:19
_______________

Esquerda Unida apoia a loita contra o proxecto da Mina de Touro - O Pino - André Abeledo rexistrará unha Moción onde solicitará a participación do resto dos Grupos Políticos do Consistorio de Narón en apoio a esta loita

EU NARÓN apoia a loita contra o proxecto da  Mina de Touro - O Pino.

O pobo galego unha vez máis toma as rúas para defender o futuro da nosa terra, esta vez contra o proxecto da  Mina de Touro - O Pino. GALIZA DÍ NON A DEPREDACIÓN do noso entorno e a Praza do Obradoiro quedouse pequena ante a resposta popular este Domingo día 10 de Xuño.

André Abeledo rexistrará unha Moción onde solicitará a participación do resto dos Grupos Políticos do Consistorio de Narón en apoio a esta loita.

Texto da Moción:

Sobre a importancia do sector do mar de Arousa na economía local.

O sector primario do mar de Arousa é estratéxico na economía local, polo emprego directo que xera; mariscadoras a pe, bateeiros, mariñeiros, mariscadores a flote, etc. constitúen un amplísimo colectivo que ten o seu medio de vida no mar. Este sector xera empregos estables, tamén en épocas de crise, en comparación con outras actividades xa que este sector resiste mellor os vaivéns do ciclo económico, como se veu demostrando nos últimos anos. En cifras, este sector representa o 1,33% da produción total da economía galega, achega o 33% do valor engadido xerado no conxunto do sector a nivel galego e dá traballo, directo ou indirecto, a miles de familias.

No ano 2016, traballan na ría o 44% das mariscadoras/es a pé, mais do 41% das embarcacións de artes menores e o 68,7% das bateas de mexillón de Galicia. Nas lonxas arousáns poxáronse 38.329.584 kg de produtos da pesca e do marisqueo que se traduciron en 91.301.357 euros. E nas augas de Arousa colleitáronse 174.497.538 kg de mexillón (máis 70% do mexillón producido en Galicia), cun valor de 77.999.843 euros.

A frota pesqueira de Arousa está composta por 1.709 buques de pesca e 842 auxiliares de pesca e acuicultura, respectivamente o 38,6% e o 69,9% do total de Galicia.

De feito o sector primario do mar en Arousa é un sector estratéxico na economía dos nosos pobos e vilas pola riqueza e emprego que induce ademais en diversas actividades en terra:

• empresas destinatarias dos nosos produtos (depuradoras de moluscos, cocedoiros, conserveiras, centros de conxelación e pasteurización, procesadores, comercializadores)
• empresas provedoras de servizos e subministracións (estaleiros, cordoarías, carpintaría, montaxes e maquinaria)
• actividades auxiliares e de apoio, como transportes, centros de investigación, formación e control do medio mariño, etc.

Á importancia económica derivada do sector primario do mar arousán únese o valor social que adquire nos municipios costeiros, onde irradia beneficios socioeconómicos entre amplas capas da poboación, converténdose nun importantísimo mecanismo de distribución e reparto de riqueza no entorno local que incentiva a implantación de actividades e pequenos negocios.

Asemade, este conxunto de actividades do mar teñen un importante valor dende o punto de vista etnográfico e gastronómico, o que aporta trazos de identidade propia e de diferenciación a través da calidade do local que son aproveitados por un dos sectores que actualmente presenta un maior desenvolvemento económico, o turismo. Así, o turismo en Arousa susténtase sobre catro piares: a calidade das augas e dos produtos que saen delas, a singularidade etnográfica ligada ao mar, a beleza da paisaxe costeira e unha gastronomía que ten como emblema os produtos do mar locais.

Este forte vencello entre as actividades primarias e o entorno onde se desenvolve singulariza a paisaxe da ría de Arousa que é única, coa actividade das bateas, as embarcacións de pesca artesanal e o marisqueo. Todos eles producindo peixes e mariscos de calidade, aos que os consumidores outorgan alta estima e prestixio. Todo elo suma e atrae cada ano a un número maior de turistas que sustentan un volume crecente de negocios, grandes e pequenos, nas localidades arousáns.

Pero todo isto pode verse en risco se se compromete a calidade das augas da ría; tamén augas arriba as do río Ulla, o máis caudaloso e longo dos que alimentan a ría de Arousa.

Sobre a importancia ambiental do Río Ulla e da ría de Arousa.

A riqueza pesqueira  e mariñeira que se resaltou na primeira exposición de motivos deste documento descansa sobre a riqueza ambiental existente na ría de Arousa e os ríos que nela desembocan, onde a saúde do río Ulla ten un papel fundamental, xa que alimenta dun xeito moi importante de sedimentos e nutrintes á ría.

Esta riqueza ambiental está amplamente recoñecida, non so por publicacións científicas, senon pola propia lexislación ambiental. A ese respecto cabe destacar a declaración de varios Espazos Protexidos, como son:

• O Parque Nacional Marítimo-Terrestre das Illas Atlánticas de Galicia (declarado o 1 xullo de 2002, mediante a lei 15/2002). Este Parque inclue 4 arquipélagos e o mar que os rodea, entre os que se atopa o de Cortegada, na desembocadura do río Ulla, e a illa de Sálvora, na zona exterior da ría de Arousa. Este Parque Nacional, (unha das figuras de protección máis restrictivas que se poden aplicar sobre un espazo natural) declarouse polas especial riqueza ambinetal dos seus fondos mariños e  debe velar pola súa conservación.
• A Zona de Especial Conservación Ulla-Deza, (declarado o 31 de marzo de 2014, polo Decreto 37/2014) que protexe a maior parte do río Ulla ata Rianxo. Dito río ten gran importancia ambiental onde destaca a presenza de peixes como lamprea e salmón, especies moi sensibles á contaminación das augas.

Así mesmo a ría de Arousa, xa na parte exterior acolle o ZEC Ons-O Grove e o Parque Natural do complexo dunar de  Corrubedo e Lagoas de Carregal e Vixan, que ten zona mariña dentro da súa superficie protexida.

A ría de Arousa é unha unidade ecolóxica que non se pode desligar dos ríos que a alimentan, e os 4 espazos protexidos que esta ría acolle é un bo indicador da inmensa riqueza ambiental que posue e que por lei debe ser amparada.

A administración debe velar pola conservación dos espazos protexidos da ría de Arousa. A reactivación da mina de Touro aumentará a drenaxe de contaminantes hacia a cunca do Ulla, afectando irremisiblemente á riqueza ambiental da ría, e consecuentemente á riqueza económica que sustenta.

Sobre o proxecto de explotación da mina de cobre San Rafael sita nos concellos de Touro e o Pino.

O pasado 25 de agosto saíu a exposición pública o proxecto da explotación mineira de cobre San Rafael, nº 2946, sita nos concellos de Touro e O Pino, na canle media do río Ulla.

Este xacemento foi anteriormente explotado entre 1970 e 1986; a partir desta data abandonouse a explotación deste mineral deixando unha grande superficie cuberta por entullos, balsas de lodos, etc. Trinta e un anos despois aínda non se restauraron todas as superficies afectadas.

Isto provocou no entorno unha forte contaminación dos solos e das augas, tanto das superficiais como das soterradas. Augas de drenaxe hiperacedas con concentracións altas de metais que contaminaron varios afluentes do río Ulla. A contaminación actual do estuario do río ten unha relación directa con esta mina.

Agora queren reactivar e ampliar esta concesión, coa participación do grupo multinacional Atalaya Mining, como consecuencia dos altos prezos do cobre estimulados pola demanda do mercado.

Inicialmente van a actuar durante dezaseis anos e medio sobre 689,65 hectáreas das 1.827 que ocupa a concesión, en dez ocos mineiros a ceo aberto dos que se prevé extraer 267,1 millóns de toneladas de materiais; 102,74 millóns de toneladas de mineral de cobre. Para extraer os materiais realizarán 6 voaduras diarias (cada unha con entre 9 e 16 toneladas de explosivos) o que producirá microterremotos que afectarán á estabilidade dos diques de contención das balsas de lodos.

O proxecto estima que durante os tres primeiros anos vanse verter ata mil millóns de litros anuais de augas que, despois de ser utilizada no tratamento químico necesario para precipitar os metais, será vertida ao Dominio Público Hidráulico.

Os lodos do proceso almacenaranse en dúas balsas: (i) unha auxiliar cunha capacidade de almacenamento de 34 millóns de toneladas estará contida por un muro de mais de 3 km de lonxitude e unha altura de ata 81 metros, e (ii) unha balsa permanente formada entre as cortas de Arindeiro e Viveiro (chamada lagoa de Arinteiro e Vieiro) cunha capacidade de almacenamento de 69 millóns de toneladas estará contida por un muro de case 3 km de lonxitude e unha altura de entre 55 e 74 m.

Debido a que estes son os residuos máis perigosos, por ser xeradores de drenaxes acedas mobilizadoras de metais, está previsto almacenalos en depósitos impermeabilizados mediante xeomembrana PEAD e xeotéxtil. Estas balsas, que conterán a maiores os restos non degradados dos compostos químicos empregados na separación do cobre (algún sospeitoso de causar cancro), van ocupar unha superficie total de 269 hectáreas, o que nos dá idea do enorme volume de residuos perigosos almacenados.

Ademais se proxecta unha entulleira de estériles potencialmente xeradores de ácidos cunha capacidade de 58 millóns de toneladas que ocupará unha superficie de 484.000 m2, e diversas entulleiras para os estériles non inertes con menor capacidade de mobilización de metais.

Ante os previsibles efectos prexudiciais que todos estes materiais van ter na calidade das augas dos afluentes do río Ulla, a empresa prevé o impermeabilizado e clausura destes materiais ao final do proxecto, sen ter en conta que os impermeabilizantes degrádanse e caducan co tempo polo que se verá incrementada a contaminación das augas proporcionalmente ao volume de residuos perigosos almacenados.

Por todo o expresado anteriormente, a empresa non garante dabondo que os metais tóxicos, os reactivos das augas do proceso, os lixiviados das cortas e das entulleiras non vaian  afectar ás augas e sedimentos do río Ulla.

Os concellos situados río abaixo da mina poden verse afectados pola contaminación das augas do río nas captacións de auga potable.

A experiencia previa constatou o importante dano ambiental que esta explotación mineira orixinou e segue orixinando na cunca do principal río que desemboca na ría de Arousa. De feito na actualidade o rego de Pucheiras -afluente do Ulla- tras estar en contacto coa zona de explotación abandonada amosa niveis de cadmio e de mercurio moi superiores aos máximos legais permitidos.

A execución deste novo macro-proxecto de explotación mineira na cunca do Ulla pon en risco a principal área de produción de moluscos da UE, a ría de Arousa. Por tanto as administracións deberían aplicar o “principio de precaución” para protexer as actividades de pesca, marisqueo e cultivo de mexillón que se realizan nesta ría.

A execución deste macro-proxecto tamén pon en risco as captacións de auga potable de concellos de Vedra, Boqueixón, Teo, Padrón, Dodro, Rianxo, Boiro, A Pobra do Caramiñal, Ribeira, Pontecesures, Valga, Catoira e Vilagarcía de Arousa.

A execución deste macro-proxecto tamén pon en risco os valores naturais protexidos como o ZEC Sistema fluvial Ulla-Deza, as especies ameazadas (nomeadamente o mexillón de río, Margaritifera margaritifera e a toupa de río, Galemys pyrenaicus) e o Humidal Ramsar Complexo intermareal Umia-Grove-Carreirón.

Por todo isto, os distintos sectores do mar de Arousa temos solicitado á Consellería do Mar e á Consellería de Economía, Emprego e Industria a retirada do proxecto de explotación da mina de San Rafael de Touro-O Pino e

propoñemos que o Pleno Municipal acorde:

1. Instar ás Consellerías do Mar e de Economía, Emprego e  Industria que se desestime a autorización administrativa á actualización do proxecto de explotación, plan de restauración e estudo de impacto ambiental da concesión de explotación San Rafael, nº 2946, ditando así mesmo unha declaración ambiental desfavorable en virtude dos efectos negativos para o medio ambiente e a incompatibilidade do proxecto coa debida protección das augas da cunca e da desembocadura do Ulla, dos espazos naturais deste sistema fluvial, coas captacións de auga potable de numerosos concellos, coa riqueza pesqueira e marisqueira da ría de Arousa e, en concreto coas áreas de produción de moluscos bivalvos ESO14PEAEGAL-19, ESO14PEAEGAL-18/02 e ESO1429.
2. Instar á Xunta de Galicia para que se promova unha completa restauración da antiga explotación mineira de Touro, eliminando os focos de contaminación de metais pesados, para como mínimo asegurar que esta explotación non compromete a calidade ambiental do río Ulla e da ría de Arousa.
3. Remitir o texto do acordo acadado polo Pleno Municipal a

PLATAFORMA EN DEFENSA DA RÍA DE AROUSA (PDRA), Avda. Dr. Tourón nº 44 -entrechán, C.P. 36600, correo-electrónico: pdrarousa@gmail.com

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
10 de junho de 2018 16:02
__________

André Abeledo, actual concelleiro, encabeza a única candidatura que se presenta en Narón as primarias abertas para a elección de candidatos de EU cara as eleccións municipais de 2019 - Unha candidatura paritaria e plural onde afiliadas e simpatizantes, mulleres e homes participan para seguir traballando por una Narón pola esquerda

André Abeledo encabeza a única candidatura que se presenta en Narón as primarias abertas para a elección de candidatos de EU cara as eleccións municipais de 2019

Unha candidatura paritaria e plural onde afiliadas e simpatizantes, mulleres e homes participan para seguir traballando por una Narón pola esquerda.

A candidatura que se presenta a estas primarias abertas de EU Narón é a seguinte:

01.- André Abeledo Fernández (Concelleiro de EU Narón)
02.- Mª Belén Aneiros López (Coordinadora Local)
03.- Roberto Villasuso Vázquez (Secretario de Organización)
04.- Tamara López Díaz (Simpatizante)
05.- Argemiro Montero Martiño (Secretario de Finanzas)
06.- Manuela Dolores López García (Afiliada)
07.- Luis Miguel García Pita (Afiliado)
08.- Lorena Bermúdez Doce (Simpatizante)
09.- Jorge Torres Machado (Afiliado)
10.- María Luisa Agra Parada (Afiliada)
11.- Rubén Méndez Otero (Simpatizante)
12.- Nuria Fernández Sánchez (Simpatizante).


ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
5 de junho de 2018 21:27
_____________________

O concelleiro da esquerda de Narón desenvolve, estes días, unha grande actividade institucional: sobre os intereses da veciñanza de O Val que se ve afectada polo trazado da senda peonil e ciclista; sobre a moción para rebaixar o período mínimo de empadroamento para solicitar axudas sociais e sobre a necesidade de que a Xunta de Galicia se tome en serio o problema cos xabarís na zona

Abeledo defende a necesidade de defender os intereses da veciñanza de O Val que se ve afectada polo trazado da senda peonil e ciclista.

André Abeledo defendeu a necesidade de defender os intereses da veciñanza de O Val que se ve afectada polo trazado da senda peonil e ciclista proposto pola Xunta de Galicia.

Abeledo entende que unha Declaración Institucional é a mellor ferramenta, posto que é unha mostra unánime de todos os Grupos Municipais de apoio a veciñanza afectada.

André Abeledo defende que os Grupos Políticos do consistorio debemos esixir a Xunta de Galicia que se abran contactos coas veciñas e veciños afectados para que o trazado sexa o mais consensuado posible.

Nese sentido no Pleno deste Xoves EU Narón compartirá Moción con aqueles Grupos Municipais que apoien a Declaración Institucional.

A Moción propón instar á Consellería de Infraestruturas e Vivenda a abrir un diálogo cos veciños de O Val afectados pola senda peonil ciclista das vías AC-116 e AC-114 para diminuír a afección do proxecto,e remitir esta Moción a todos os partidos con representación parlamentaria na Xunta de Galicia.


Apoio maioritario a Moción de EU Narón para rebaixar o período mínimo de empadroamento para solicitar axudas sociais.

André Abeledo amosa a súa satisfacción polo apoio maioritario dos Grupos Municipais do Consistorio a Moción para rebaixar o período mínimo de empadroamento para solicitar axudas sociais no noso concello de seis a tres meses.

A Moción será aprobada no Pleno Ordinario deste mes de Maio.

"Sen dubida esta é unha medida que vai a beneficiar a moitas familias que están a pasar por un mal momento, é unha medida xusta, é un avance social para Narón".

Abeledo insiste en que dende EU Narón seguiremos aportando ideas, seguiremos traballando para mellorar a vidas das naronesas e naroneses. Temos un proxecto de cidade e un modelo de sociedade e traballamos para que cada Moción e cada iniciativa de EU Narón sexan útiles para a veciñanza


André Abeledo insiste na necesidade de que a Xunta de Galicia se tome en serio o problema cos xabarís na zona.

Abeledo advirte que o atropelo dunha cría de xabaril no Polígono do rio do Pozo nestes días e os danos que continúan a sufrir as plantacións na zona rural, son os síntomas visibles dun problema que continua e seguirá medrando si non se comeza a trazar un plan a medio e longo prazo.

André Abeledo insiste na necesidade de que a Xunta de Galicia se tome en serio este problema antes de que a situación se torne aínda máis complicada.

André Abeledo e Antón Sánchez mantiveron unha reunión cos labregos de Narón o pasado 15 de Xullo do 2017 para falar deste problema.

Naquela xuntanza os afectados denunciaron ademais a falla de control que ten o Goberno galego que non ten nin datos sobre a poboación do xabaril e “veñen a preguntarnos o número de xabarís que hai no monte” asegurou un deles. Destacaron ademais que o problema do xabaril agrava aínda máis o abandono das terras xa que “ninguén vai querer traballar e investir na terra para que veña despois o xabaril a esnaquizar todo o plantado sen que ninguén faga nada por evitalo”.

Xa entón a veciñanza de Narón denunciou importantes perdas nalgúns casos con colleitas de case unha hectárea estragadas a causa destes ataques. Por este motivo reclamaron a busca de solucións de xeito urxente para este problema que na zona de Ferrolterra onde aseguran “nunca houbo tanto xabaril”.

A diminución da superficie agraria, o abandono do rural, o incremento da superficie de plantación de eucaliptos, a falla dunha política real orientada a loitar polo rural están a provocar que o xabaril se convertera nun grave problema para os veciños e veciñas como sinalou o vicevoceiro no Parlamento, Antón Sánchez.

Lembramos que a raíz daquela reunión en Narón, En Marea levou entón ao Parlamento de Galicia diversas iniciativas nas que se pedirán explicacións ao Goberno galego ante a súa total falla de interese por este problema que afecta de xeito moi importante ao rural. O grupo parlamentario presentou unha proposición non de Lei na que se presentarán medidas reais que o Goberno galego debería impulsar para dar solución a corto prazo compensando polos danos ocasionados polo xabaril, e a medio e longo prazo, controlando a poboación da especie e traballando por recuperar o equilibrio no monte galego.

Así, tanto En Marea na Xunta de Galicia como o concelleiro de EU Narón André Abeledo no Concello a través dunha Moción solicitaron as seguintes medidas a Xunta de Galicia:
* Garantir as indemnizacións que cubran a totalidade de danos causados polos xabarís e predadores en explotacións agrícolas, así como implantar un maior control destas especies.
*  Afondar e estabilizar das estratexias de prevención de danos causados por predadores e xabarís nas ganderías.
*  Impulsar o diálogo entre os actores involucrados.
*  Convocar e facilitar mesas de diálogo intersectorial, como pode ser a Mesa do Lobo.
*  Mellorar o deseño, axilizar e simplificar as indemnizacións.
*  E por ultimo, estudar e impulsar estratexias de prevención.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
28 de maio de 2018 11:36
28 de maio de 2018 12:06
________________________________

Construíndo Unidade Popular en Narón, acto político este xoves 24 de Maio as 19:30hs no Café Teatro do Pazo de Cultura, coa participación de Antón Sánchez, Eva Solla, Marta Lois, Sabela Pérez e André Abeledo

Construíndo Unidade Popular en Narón, acto político este xoves 24 de Maio as 19:30hs no Café Teatro do Pazo de Cultura, coa participación do Concelleiro de EU Narón André Abeledo acompañado por Antón Sánchez (Voceiro Nacional de ANOVA), Eva Solla (Coordinadora Nacional de EU), Marta Lois (Concelleira de Compostela Aberta), e Sabela Pérez (Voceira de Marea Atlántica), participará no acto "Construíndo Unidade Popular en Narón".

Abeledo defende a necesidade da unidade da esquerda para construír entre todas e todos unha sociedade máis xusta e unha cidade máis humana. A Unidade Popular debe ser o camiño da transformación social que debemos comezar a andar en Narón.

O traballo feito dende a oposición polo Grupo Municipal de EU Narón, dende unha oposición que sempre pretendeu construír e tender pontes, propoñer e dar ideas, para mellorar a vida das veciñas e veciños da nosa cidade, vai na liña desta Unidade Popular da xente e para a xente, que entre todas e todos tentamos construír.

GRUPO MUNICIPAL DE EU NARÓN 

Enviado por:
Naron Esquerda Unida
-eu-naron@esquerdaunida.org-
22 de maio de 2018 11:50
_________________