Presentación nos concellos de Ferrol e Narón dunha moción, en apoio ao exsindicalista da CIG Xesús Anxo López Pintos e contra a aplicación da Lei Mordaza - Moción promovida por André Abeledo, concelleiro de Esquerda Unida de Narón

Desde que se soubo o procesamento de Xesús Anxo López Pintos, exsindicalista da CIG, da que chegou a ser o seu Secretario Comarcal, polos feitos que sucederon no marco dunha protesta convocada polos comités de Navantia e Poligal, con motivo dun acto electoral do PP en Ferrol, no inicio da campaña das eleccións autonómicas de 2012, o compañeiro André Abeledo Fernández, concelleiro de Esquersa Unida en Narón, manifestou publicamente a súa solidariedade e promoveu a presentación de mocións nos concellos da Comarca. André Abeledo, tamén é sindicalista, membro do Comité de Empresa de Mercadona, empresa na que se deu unha importante loita contra a represión patronal, polo despido dun traballador por participar na Folga Comarcal do 12 de Xullo de 2013. Ante este despedimento, desatou-se un importante movemento de solidariedade, no que Pintos xugo un importante papel, mesmo enfrontando ao seu proprio sindicato de servizos que prohibía amosar solidariedade contra este abuso patronal, pola mera presencia de CCOO no conflito, á cal estaba enfrontada dentro do sector. Tal era a situación que mesmo a Executivas, tanto Galega, como Comarcal da Federación de Servizos, reprobaran a Cristina Martínez Ces, daquela Sercretaria Comarcal de Servizos, por participar nas mobilizacións de solidariedade e combate contra o despido patronal. Paradoxo do asunto é que hoxe André Abeledo e o resto de compañeiras e compañeiros que antes eran de CCOO, agora forman parte da CIG logo dun ano de corentena ao que foi sometido.

Este xoves 29 de xuño, van-se presentar mocións de apoio ao menos nos concellos de Ferrol e Narón, Unha moción solicitando o apoio ao ex-dirixente sindical e rexeitando a aplicación da chamada “lei mordaza.

Abeledo indicou que “entendemos que o caso de Pintos é un exemplo do retroceso lento pero inexorábel no exercicio dos dereitos civís que se está a vivir no Estado español  e dos métodos represivos e antidemocráticos aos que a dereita neoliberal recorre para acalar aquelas voces críticas coas súas políticas de recortes".E continua dixcindo: "Fronte a isto  ratificámonos na defensa "intransixente" do sistema de garantías e liberdades, conquista histórica do movemento obreiro. Sen un estado garantista non hai democracia”.

André Abeledo manifestou o seu total apoio ao compañeiro Pintos: "Non é de recibo que o noso compañeiro poida entrar na cadea por participar nunha protesta unitaria onde estabamos todas e todos aqueles que defendíamos o futuro da comarca de Ferrolterra. Naquela protesta estaban representados sindicatos, comités de empresa, partidos políticos, etc. A consigna debería ser ou todos ou ningún".

Sigue manifestando: "Pintos non pode ser a 'cabeza de turco que meta o medo no corpo as traballadoras e traballadores que queiran facer uso a lexítima protesta na rúa".

Abeledo fai fincapé en que "o xuízo contra Pintos é un xuízo contra a clase traballadora máis consciente, e supón a aplicación máis desapiadada da inxusta 'lei mordaza'. Dende a esquerda a idea de que as traballadoras e traballadores poidan pagar con cadea a súa participación en protestas é inadmisible".

MOCIÓN

Moción solicitando o apoio do consistorio ao veciño e ex-dirixente sindical Xesús Anxo López Pintos e rexeitando a aplicación da chamada “lei mordaza”

Rematada a fase de instrución, o Xulgado de Instrución 3 de Ferrol vén de emitir auto polo que abre xuízo oral e sinala a competencia da Audiencia Provincial para xulgar os feitos que sucederon no marco dunha protesta convocada polos comités de Navantia e Poligal, con motivo dun acto electoral do PP en Ferrol, no inicio da campaña ás autonómicas de 2012.

Acórdase así abrir xuízo oral que se desenvolverá na Audiencia Provincial dada a gravidade das acusacións.

En canto ás acusacións, por parte da Fiscalía atribúese ao compañeiro Pintos un delito de atentado e unha falta de lesións.

Recordemos que nas conclusións provisionais da Fiscalía en 2013 non se facía referencia á carga policial (que foi no seu momento cualificada como “brutal” por parte das organizacións sindicais da comarca), nin tampouco a como se produciu a detención de Pintos e moito menos á denuncia que este presentou por torturas e malos tratos na propia comisaría.

Mais tamén a aquela altura o Partido Popular, facendo valer a súa maioría absoluta, buscaba reprimir a contestación social a todo este paquete de políticas neoliberais perfectamente deseñadas, mediante o endurecemento do Código Penal e a imposición da coñecida como "Lei Mordaza".

Ben é certo que o PP finalmente decidiu retirar a denuncia contra Pintos, unha denuncia que nunca deberían de ter presentado, pero o caso é que o proceso xudicial sigue o seu curso.

Non é de recibo que o noso veciño poida entrar na cadea por participar nunha protesta unitaria onde estabamos todas e todos aqueles que defendíamos o futuro da comarca de Ferrolterra. Naquela protesta estaban representados sindicatos, comités de empresa, partidos políticos, etc. A consigna debería ser ou todos ou ningún.

Pintos non pode ser a "cabeza de turco" que meta o medo no corpo as traballadoras e traballadores que queiran facer uso a lexítima protesta na rúa.

O xuízo contra Pintos convertese deste xeito nun xuízo contra a clase traballadora máis consciente, e supón a aplicación máis desapiadada da inxusta "lei mordaza". Defendemos a idea de que as traballadoras e traballadores, nun estado de dereito, non poden pagar con cadea a súa participación nunha protesta, este é un feito inadmisible.

É a nosa obriga denunciar que a actual lexislación deixa en total indefensión a todas e todos os que protestan na rúa, nas redes, e a todos os niveles, por defender os dereitos e os intereses da clase traballadora. 

Neste contexto de deterioro socioeconómico e do estado de dereito, foi no que os comités de Navantia e Poligal acordaron realizar unha concentración ás portas do Hotel Almirante, na noite do 4 de outubro de 2012, coincidindo co acto do PP de inauguración da campaña ás eleccións autonómicas dese ano. A protesta, de corte pacífico, rematou cunha actuación policial desmedida e a detención de Pintos.

Entendemos que o caso de Pintos é un exemplo do retroceso lento pero inexorábel no exercicio dos dereitos civís que se está a vivir no Estado español  e dos métodos represivos e antidemocráticos aos que a dereita neoliberal recorre para acalar aquelas voces críticas coas súas políticas de recortes.

Fronte a isto  ratificámonos na defensa "intransixente" do sistema de garantías e liberdades, conquista histórica do movemento obreiro. Sen un estado garantista non hai democracia.

ACORDOS:

1. O Concello de Narón solicita a retirada da chamada “lei mordaza” e que deixe de aplicarse de inmediato.
2. O concello de Narón manifesta o seu apoio solidario para co veciño e ex-dirixente sindical Xesús Anxo López Pintos.
3. O Concello de Narón solicita que non sexa aplicada a “lei mordaza” as traballadoras e traballadores que como Pintos exercen o seu lexitimo dereito a protesta. 

En Narón a 22 de Xuño de 2017.


GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Información baseada na enviada por:
Naron Esquerda Unida
-eu-naron@esquerdaunida.org-
20 de junho de 2017 09:51
22 de junho de 2017 10:55
26 de junho de 2017 12:52
_________________

Reunión de traballo para a posta en marcha da Oficina do Inmigrante celebrada no Concello de Narón

Este venres día 2 de Xuño celebrouse unha reunión entre os portavoces dos Grupos Municipais, a xefa do Servizo Sociocomunitario, e os representantes dos colectivos de inmigrantes do noso concello, Foro Galego de Inmigración, Colectivo de Senegaleses, e Movilidad Humana participaron nesta reunión.

O tema a tratar é a creación dunha Oficina de Inmigración, unha iniciativa que foi presentada polo concelleiro de EU, André Abeledo, e aprobada por unanimidade en Pleno .

Durante a reunión os representantes dos colectivos que representan aos inmigrantes defenderon a necesidade da posta en marcha da oficina, e tamén que o ideal sería unha oficina a nivel comarcal, que debería ser creada por medio da Mancomunidade, como xa defendía  a Moción presentada por Abeledo e aprobada polo Pleno de Narón.

André Abeledo indicou que o feito de que o veciño Concello de Ferrol teña aprobado unha moción no mesmo sentido, tamén por unanimidade, debería facilitar e adiantar a posta en marcha deste servizo.

Abeledo defende que a Oficina de Información ao Inmigrante debería contar cun Asesor Legal especialista en inmigración e un "Acompañante" que axudaría a este colectivo nos tramites necesarios para regularizar a súa situación, temos que entender que este é un colectivo moi vulnerable, que ademais se atopa con moitos problemas, o idioma nuns casos, as diferencias culturais, e mesmo o medo de aquelas persoas que se atopan en situación irregular a achegarse a administración local por medo a ser deportados.

André Abeledo indicou que esta oficina pode servir tamén para axudar a organizar e vertebrar o colectivo inmigrante, para que poidan defender mellor os seus dereitos tantas veces "pisoteados".

Abeledo concorda co colectivo inmigrante en que a posta en marcha desta oficina comarcal é urxente e debería vir acompañada dunha campaña de información ao colectivo da existencia deste servizo.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.



Enviado por:
Naron Esquerda Unida
-eu-naron@esquerdaunida.org-
2 de junho de 2017 21:40
__________

André Abeledo, concelleiro de Esquerda Unida de Narón, defende a urxencia de que as gasolineiras de autoservicio sexan reguladas dende a Xunta de Galicia - Entende urxente que a Xunta de Galicia se dote dunha normativa clara en canto as gasolineiras desatendidas

Unha vez este tipo de gasolineiras chegaron ao noso concello dende EU Narón entendemos necesario posicionarnos e advertir dos riscos tanto para o consumidor como para as traballadoras e traballadores do sector.

Dende EU Narón tamén entendemos que os concellos, incluído o Concello de Narón, deben posicionarse para defender os intereses e protexer os dereitos da veciñanza, tanto dos que son usuarios das gasolineiras como das traballadoras e traballadores do sector, esixindo a urxente regularización do sector e o peche deste tipo de gasolineiras, como se fixo en comunidades autónomas como Valencia ou Madrid.

Abeledo defende que é preciso acabar con as coñecidas como “gasolineiras fantasma”, nas que os clientes deben servirse eles mesmos a gasolina ou diésel e pagar en máquinas de cobro automático, sen que teña a ninguén que poida dar instrucións ou vixiar a que se faga un correcto uso das mangueiras de repostaxe. Debese ter en conta o produto do que estamos a falar, posto que a gasolina é un combustible con un alto perigo de explosión ou incendio, o que fai vital contar con unha persoa cós coñecementos e a formación necesaria para a manipulación das mangueiras. 

Ademais aqueles usuarios que precisen axuda, ben sexa por descoñecemento ou por unha discapacidade deben ter dereito a que alguén lles preste este servizo.

André Abeledo indica tamén que este tipo de gasolineiras son unha competencia que poderiamos chamar “desleal” posto que o traballo tanto de dispensar a gasolina como de cobro da mesma a ten que facer o usuario, poñendo así en risco postos de traballo en outras gasolineiras do noso Concello que teñen que pagar nóminas ós seus empregados.

Abeledo indica que este modelo de gasolineira é un perigo para o usuario, discrimina as persoas con discapacidade, e pon en risco postos de traballo.

André Abeledo entende urxente que a Xunta de Galicia se dote dunha normativa clara en canto as gasolineiras desatendidas.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
11 de maio de 2017 21:54
____

Esquerda Unida de Narón presenta un paquete de propostas ao Equipo de Goberno para os orzamentos do Concello - O concelleiro André Abeledo entregou ao equipo de goberno un paquete de propostas para o seu estudo

André Abeledo indica que para EU a prioridade é Narón e a súa veciñanza. Presentamos unha candidatura con capacidade para gobernar e sobre todo con capacidade para traballar e para construír, a nosa oposición é firme, honesta e construtiva, todo o noso traballo vai encamiñado a ser unha ferramenta útil para a veciñanza, a ser a súa voz e defender os seus intereses dende unha posición clara e nitidamente de esquerdas.

En ese sentido con Narón e as naronesas e naroneses como prioridade por riba de calquera tipo de interese persoal ou de partido, presentamos as nosas propostas.

Entendemos que os orzamentos teñen que ter en conta as prioridades de protección social e urxencia para a súa aprobación:

a) Traballar na recuperación  dos Servizos públicos. Emprego e Retribucións.

b) Ingresos previstos reais e a súa correspondencia co PIB a nivel local.

c) Medidas reais  para  estimular a creación de emprego (Industrial, Público, Servizos, Turístico, Primario..)

d) Medio Ambiente .- Saneamento, Depuración , Auga, Montes, Ría

e) Impostos e taxas.- Creación da bolsa para urxencia e protección das persoas que non poden facer fronte (IBI, Auga, Fornezo eléctrico... )

d) Renda Básica Municipal e axuda de urxencia contra a pobreza enerxética

Así mesmo Abeledo transmitiu a necesidade de que os orzamentos tomen en conta as partidas necesarias para poñer en marcha as mocións aprobadas en Pleno.

Como xa fixo o Equipo de Goberno coa partida para poñer en marcha o viveiro de cooperativas que propuxo EU Narón por medio dunha Moción. 

Ou unha partida para poñer de marcha a Oficina de Información o Inmigrante (mancomunada ou non).

Así mesmo Abeledo vai defender no Pleno deste mes de Abril unha “MOCIÓN PARA INICIAR OS ESTUDOS NECESARIOS PARA A MUNICIPALIZACIÓN DOS SERVIZOS PÚBLICOS PRIVATIZADOS” e no mes de Maio presentará outra “MOCIÓN SOLICITANDO A ELABORACIÓN DUN ESTUDO SOBRE AS NECESIDADES DE VIVENDA EN NARÓN” que de ser aprobadas van a precisar da sensibilidade do Equipo de Goberno para ir poñendo as bases dun Narón de todas e todos e para todas e todos.

Entendemos tamén necesario redobrar os esforzos para a promoción do turismo en Narón, pois o temos todo, praias, rural, castros, festas, centro urbano, e contamos con ferramentas como Aldea Nova que debe ser promocionada como destino escolar a nivel, comarcal, nacional, e estatal.

A Municipalización dos servizos básicos e un dos eixos do programa de EU Narón, por ese motivo solicitamos un estudo, valoración, e avaliación, do custo real dos servizos municipais privatizados. Así como a elaboración dun diagnostico inicial e propostas encamiñadas a recuperar o funcionamento dos sistemas de abastecemento e saneamento municipais.

Abeledo indica que somos conscientes das dificultades que veñen aparelladas aos procesos de recuperación dos servizos privatizados dado que existen contratos asinados en algunhas ocasións por moitos anos, e que as empresas poden ter realizado inversións para prestalos.

Tamén somos conscientes de que hai diferencias substanciais entre municipalizar cando finaliza a relación coa actual empresa privada que presta o servizo, e outra ben distinta, romper esa relación cando atopase vixente a concesión do servizo, pois neste último caso estariamos a falar de rescates ou resolucións contractuais que virían acompañadas de importantes indemnizacións as empresas, claro está sempre e cando as empresas estivesen prestando os servizos sen incidencias.

André Abeledo defende que as dificultades non poden servir como escusa para non abordar o debate. As administracións públicas, incluído o Concello de Narón, deben buscar dar a veciñanza a maior calidade dos servizos básicos, baixo os maiores controis, e baixo a premisa da eficacia e da eficiencia. Son necesarios os procedementos de control e de avaliación das políticas públicas, e por elo debese analizar si a prestación dos servizos é a correcta e si os custos económicos responden as necesidades reais.

Abeledo tamén transmitiu ao Equipo de Goberno que dende EU Narón damos especial importancia e prioridade a Vivenda Social Pública e o proxecto de inversión na creación do cooperativismo  en todas as materias posibles (agrícola, financeira, dos sectores  produtivos, autónomos….etc)

A necesidade de traballar polo rural de Narón. Precisamos un Plan de investimento programada e participada polas respectivas asociacións, colectivos e veciñanza en xeral.

Novos accesos, mantemento do público, investir na recuperación de manantiais de auga potable, ríos e regatos. Sinalización para a comunicación e información dos respectivos lugares. Acordos coas Comunidades de Montes para a integración medio ambiental e social debido á especial importancia e transcendencia contra os incendios forestais, vertedoiros incontrolados e demais actuacións que poden danar o medio rural.

Avaliar e valorar no medio a horta para unha agricultura ecolóxica e respectuosa, facilitando a información sobre os cultivos e a produción agrícola, medios e recursos que faciliten a formación e información sobre a forma de organizarse en cooperativas.

Un plan de compostaxe que repercuta de forma real no recibo de recolleita de lixo co fin de compensar ás vivendas que fagan un bo uso do reciclaxe e non vertan residuos orgánicos nos contedores. Isto co fin de ir poñendo os medios para valorar este tipo de recolleita no rural.

Entendemos necesario uns investimentos no programa para o centro urbano que prioricen a humanización da nosa cidade:

• Humanización das beirarrúas.
• Parques . (melloras e adaptación).
• Accesibilidade dos edificios públicos .
• Cultura.
• Plan de participación e dinamización para todas as actividades culturais . Debemos integrar nos programas dos diversos grupos ou persoas que realizan actividade cultural no Concello. No mesmo sentido coa programación das festas e demais eventos populares. Trátase de dar presenza, facilitar e orientar a actividade cultural para a participación de actuacións de todo tipo poñendo especial incidencia aos grupos de creación propia e afeccionados con poucos recursos e promocionar a actividade de máis proximidade, facilitando e programando nos locais sociais e casas de cultura de barrio.
• Crear unha tea de araña dos respectivos locais e programar actividades que intercambien actos e demais actividades culturais.
• Estes plans deberán ser participativos con dotación e recursos para levalos a cabo. Poden ser plurianual e desenvolvidos con programas concretos e reais.
• Deporte.
• Coñecemento público e información sobre as partidas. Avaliación e seguimento dos gastos por partidas, actividades e subvencións.
• Medio Ambiente
• A Ria, o Monte, a Terra, os Rios a Cidade e toda a actividade que se desenvolve forma parte e incide no cambio climático. Debemos poñer os medios de concienciación e defensa daquilo que beneficia o medio para protexelo. Poñer e promover recursos para a protección do medio ambiente. Dotar dunha avaliación sobre o medio no noso Concello, participativa en centros de ensino, colectivos ecoloxistas, asociacións, comunidades, profesionais e persoas en xeral.

Abril, 2017
GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
23 de abril de 2017 16:21
________

A auga é un dereito e non un negocio, e o saneamento da nosa Ria é unha necesidade de interese xeral para a Galiza

André Abeledo entende que a taxa que vai a ter que afrontar a veciñanza de Narón polo saneamento continua a ser unha carga para as economías familiares do noso municipio dificilmente xustificable.

Ademais o calculo de 72 euros anuais para unha familia que consuma 10 m3 o mes non se corresponde coa realidade, posto que as matemáticas din que serán entre 80 e 81 euros o ano como mínimo.

Abeledo entende que a Xunta de Galicia e o Goberno Central teñen unha débeda coa veciñanza de Narón. O saneamento da Ría é riqueza para a Galiza, sen dubida é urxente o saneamento da nosa Ria, pero o saneamento non debería supor un castigo para as veciñas e veciños de Narón en forma de taxas e impostos, unha poboación xa castigada especialmente polo paro e a crise económica que ve agora como os seus salarios vanse en pagar servizos básicos.

André Abeledo continua a defender que ante a emerxencia social que continua a vivir o noso Concello, e a nosa comarca, debemos esixir a Xunta de Galicia que nos seus orzamentos contemple partidas no sentido de reverter os cartos que vémonos na obriga de pagar por mor do saneamento da Ría, e tamén, non debemos esquecelo, por estar pagando unha parte dunha obra de interese xeral que debería ser costeada polo Goberno do Estado, estas partidas deberían ser destinadas a proxectos e políticas de emprego para Narón.

Defendemos que nos orzamentos da Xunta de Galicia esas partidas sexan separadas anualmente para dar continuidade a un proxecto real e que de resultados para a creación de postos de traballo en Narón, un proxecto que debería sacarse adiante dende os técnicos da xunta en colaboración directa có Concello de Narón.

André Abeledo dixo que para EU Narón a municipalización do servizo da auga continua a ser unha prioridade. Entendemos que a auga é un dereito e non un negocio, e o saneamento da nosa Ria é unha necesidade de interese xeral para a Galiza. Seguimos defendendo que é posible mellorar o servizo e abaratalo cando o convertemos nun verdadeiro servizo público.

Abeledo indica que mentres seguimos traballando cara o obxectivo da municipalización dos servizos básicos a cidadanía, debemos esixir que as empresas que están facendo negocio cumpran cós seus deberes con transparencia e baixo un control minucioso da parte pública sobre a parte privada para evitar abusos. 


GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.



Fonte da Foto: Visiones de Ferrolterra, por Carlos Rodríguez.
___________

Ataque en contra da sede Comarcal de Esquerda Unida sita na rúa do Sol en Ferrol - Pronunciamentos de condena e solidariedade

O pasado domingo foi atacada a sede comarcal, de Esquerda Unida, lanzando obxectos contra as cristaleiras frontais que estaban cubertas con cartaces que facían referencia á loita contra a violencia machista. Desde diferentes puntos as entidades fixeron-se pronunciamentos públicos contra o acto violento. Tamén desde Esquerda Unida de Narón que emitiu o seguinte comunicado:

Dende EU NARÓN queremos amosar a nosa contundente condena ante o ataque contra a sede Comarcal de EU na Rúa do Sol en Ferrol.

O coñecer a noticia André Abeledo indicou que "as pedras non poden romper as ideas, e que este tipo de actos de vergoñento e covarde vandalismo non poderán amedrentarnos, pois como di o himno galego "os imbéciles e escuros non nos entenden non", por este motivo usan a violencia, porque eses son os argumentos, dos que non teñen argumentos. Non poderán calarnos nin acovardarnos con as pedradas da intolerancia e a sen razón"

"Abeledo asegurou que as compañeiras e compañeiros de EU seguiremos loitando por unha sociedade máis xusta libre de fascismo, violencia, intolerancia e ignorancia".

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.



Enviado por:
Naron Esquerda Unida
-eu-naron@esquerdaunida.org-
6 de março de 2017 21:35
________

Reclaman diálogo construtivo sobre o proxecto da Praza de Xuvia entre a veciñanza e o Concello e aclaran que non existe ningún tipo de "alianza" có resto da oposición sobre o proxecto da Praza de Xuvia, din desde Esquerda Unida Narón,

Dende EU Narón queremos clarexar que non existe ningún tipo de "alianza" por parte de EU có resto da oposición sobre o proxecto da Praza de Xuvia.

O que fixo André Abeledo foi apoiar con a súa sinatura unha solicitude por parte dun grupo de veciñas e veciños de Xuvia a solicitude dunha serie de informes xurídicos sobre o proxecto ao Concello. Dende EU Narón seguimos mantendo a necesidade de diálogo sobre o proxecto da Praza de Xuvia entre a veciñanza e o Concello, en EU Narón estamos sempre dispostos a apoiar todo tipo de solicitude veciñal que pretenda clarexar calquera tipo dúbida sobe calquera proxecto.

Pero tamén entendemos que é un erro politizar, tentando sacar calquera tipo de rédito político deste tipo de situacións, facémoslle un fraco favor as veciñas e veciños, ademais de ser ó noso entender unha falta de lealdade para coa veciñanza.

EU Narón seguirá chamando ao dialogo construtivo entre o Concello e a veciñanza. Seguimos entendendo a remodelación da praza como unha necesidade, e sabemos que a humanización da cidade non pode facerse dándolle as costas a opinión das veciñas e veciños do barrio ou parroquia.

Dende EU Narón queremos deixar claro que non existiu ningún tipo de alianza, xuntanza, ou negociación có PP ou ENE, tan só atendemos a petición dunhas veciñas e veciños de Xuvia que solicitaban unha determinada documentación sobre o proxecto e necesitaban as sinaturas de sete concelleiros para realizar dita solicitude.

Tamén queremos clarexar que en ningún momento a EU Narón negóuselle esa documentación dende o Concello, pois non a tiñamos solicitado.

Esta documentación  foi solicitada por parte da veciñanza e non por ningún partido político. A sinatura de André Abeledo serviu como aval para realizar dita solicitude veciñal.

Dende EU Narón seguiremos ao servizo da veciñanza, da AAVV de Xuvia e do ANPA, para xunto có Equipo de Goberno buscar unha solución consensuada que tome en conta a opinión das veciñas e veciños na remodelación da Praza de Xuvia.

GRUPO MUNICIPAL

ESQUERDA UNIDA DE NARÓN

Contas de Esquerda Unida Narón no facebook e no twitter.

• https://www.facebook.com/naroneu
• http://twitter.com/eunaron

Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
29 de janeiro de 2017 20:22
_________

Ocupación simbólica en Narón, dunha parcela do Polígono do Rio do Pozo, en demanda de emprego de economía social no rural

O sábado día 21 de Xaneiro un grupo de rapaces desempregados do rural e de campesiños de Narón acompañados polo Concelleiro de EU André Abeledo ocuparon simbolicamente unha das parcelas do "Polígono do Rio do Pozo".

A acción pretende chamar a atención sobre a necesidade de traballar en Narón sobre un proxecto para crear un "banco de terras", que xunto coa posta en marcha da Moción xa presentada en Pleno por André Abeledo, e aprobada por unanimidade para a creación dun "Viveiro de Cooperativas" poda servir como ferramenta para crear emprego no noso municipio.

A ocupación simbólica fíxose nunha das parcelas mais afectadas pola invasión da "Herba da Pampa" ou "Plumacho", unha especie invasora moi perigosa para a biodiversidade galega e que debe ser combatida, algo xa denunciado por EU Narón, ademais de que tamén defendemos que a formación de rapaces actualmente no paro a loita contra a "Herba da Pampa", isto vai reverter positivamente no sentido de crear emprego e traballar para erradicar esta praga.

Dende EU Narón entendemos que o cooperativismo debe ser fomentado dende as distintas administracións, e no caso do rural estes rapaces precisan de terra, medios técnicos e asesoramento para poder crear emprego e riqueza no noso concello, así como para evitar o despoboamento do rural galego.

Abeledo indicou que aquelas comunidades que apostan polo cooperativismo e o fomento do autoemprego resisten mellor a crise, e tamén  conseguen unha menor degradación das condicións de traballo e do mantemento do nivel salarial, que polo tanto tamén permiten que as traballadoras e traballadores poidan consumir, cousa que repercute positivamente no comercio local.


GRUPO MUNICIPAL


ESQUERDA UNIDA DE NARÓN

Contas de Esquerda Unida Narón no facebook e no twitter.

• https://www.facebook.com/naroneu
• http://twitter.com/eunaron

Achegate xunta Nós, fagamos un novo Concello mais social, mais democrático, participativo e de Tod@s.
Enviado por:
Naron Esquerda Unida
-eu-naron@esquerdaunida.org-
21 de janeiro de 2017 19:50
____________

Esquerda Unida de Narón denuncia a contratación da xestión do lixo en Navantia Ría de Ferrol

O cártel do lixo en Navantia Ría de Ferrol

Dende EU Narón queremos denunciar certas prácticas na contratación de empresas externas en NAVANTIA:

Como a contratación en NAVANTIA Ría de Ferrol dunha das empresas do que poderiamos denominar como o “cártel do lixo” para a Xestión Integral de residuos industriais.

Unha contratación pública adxudicada á empresa SERTEGO, filial de URBASER que foi sancionada pola Comisión Nacional  de Mercados e Competencia cun expediente no que están tamén Urbaser (daquela pertencia a ACS, agora é de Firion Investments, controlada pola transnacional chinesa Ying Zhan Investment), FCC, Valoriza (Sacyr) y Cespa (Ferrovial), así como a outras 35 empresas e as asociacións Aselip, Aceser y Arema con un total de 98,2 millóns de euros por repartirse o mercado de xestión de residuos e saneamento urbano.

Unha sanción imposta polo CNMC que para SERTEGO foi de 23.289.036 euros que a día de hoxe seguen dilatando o pago recorrendo ao tribunais.

Estas prácticas non melloran as condicións laborais das traballadoras  e traballadores, senón que se basean en pactos entre grandes empresas para aumentar os beneficios, a costa do diñeiro público.

Por todo isto consideramos que se deben coñecer cales foron as outras empresas ofertantes e os criterios da elección, pois os concursos públicos polo xeral sinalan un importe límite da licitación e as ofertas son por debaixo, adxudicándose ao mellor postor como último criterio. Neste caso cun presuposto de licitación 771.270,94€ e finalmente adxudicouse por 936.785,49 euros.

Convidamos a que calquera poida comprobar esta información cos seus propios ollos na web da Plataforma de Contratación do Estado.

(Axuntamos Resolución de CNMC).

GRUPO MUNICIPAL


ESQUERDA UNIDA DE NARÓN

Contas de Esquerda Unida Narón no facebook e no twitter.

• https://www.facebook.com/naroneu
• http://twitter.com/eunaron

Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
16 de janeiro de 2017 16:31

Relacionada:
A CNMC multa con 98,2 millóns de euros ás grandes empresas de servizos urbanos por competencia desleal. | Publicado o 28/01/2015 | A corrupción non só salpica aos políticos. As filiales das grandes construtoras como FCC, Ferrovial, ACS e Sacyr e así ata 39 en total foron sancionadas pola CNMC con multas que suman 98,2 millóns de euros tras probar que acordaran entre elas non facerse competencia nas licitaciones públicas de xestión de residuos e saneamiento urbano, entre outras. | Ir á Web.

Documentación:
A Sala de Competencia do Consello da Comisión Nacional dos Mercados e a Competencia, ha dictado esta Resolución no expediente S/0429/12 Residuos, incoado de oficio pola Dirección de Investigación da extinta Comisión Nacional da Competencia con data 4 de xullo de 2013 contra 37 empresas e dúas asociacións, e ampliado o 13 de marzo de 2014 contra 17 empresas e unha asociación máis pola existencia de indicios racionais da comisión por parte das empresas incoadas dunha infracción do artigo 1 da Lei 15/2007 de 3 de xullo, de Defensa da Competencia (en diante LDC).| Baixar/Acceder.

_______________

O portavoz de Esquerda Unida Narón, o concelleiro André Abeledo, esixe a dimisión de Ana Pastor e Rafael Catalá na súa intervención no Pleno de Narón do 28 de Xullo, polas responsabilidades políticas, de ambolosdous, diante do proceso posterior ao accidente do tren de alta velocidade en Angrois

André Abeledo esixe a dimisión de Ana Pastor e Rafael Catalá na súa intervención no Pleno de Narón de Xullo.

Intervención integra de André Abeledo, Portavoz de EU Narón:

Angrois berra en silencio pedindo xustiza tres anos despois do accidente.

Estamos ante o máis dramático sinistro ferroviario ocorrido no país, un accidente que non pode quedar sen resposta. As frías cifras son dramáticas, falamos de 81 falecidos e 144 feridos no accidente de tren de Santiago.

É algo máis que decepciónante que poda pecharse a causa do sinistro do Alvia sen depurar responsabilidades políticas e deixando ás vítimas e as súas familias en total indefensión.

As vítimas e os seus familiares continúan a pedir, mellor dito, a esixir, “verdade, xustiza e reparación.

Temos que denunciar o absoluto desprezo con que o Partido Popular trata as vítimas do accidente de tren de Angrois. A elección de Ana Pastor como presidenta do Congreso dos Deputados é a mostra do desprezo do PP ás vítimas de Angrois, e tamén ao informe da Axencia Ferroviaria Europea e ao funcionamento democrático das institucións

¿Como explicar que se ascenda como premio aos dous responsábeis políticos de empregar as institucións públicas para ocultar o acontecido e evitar a depuracións das responsabilidades sobre un accidente en que morreron 81 persoas?.

Un Goberno realmente democrático asumiría as responsabilidades políticas e cesaría a quen tutelaron a comisión criticada pola Axencia Ferroviaria Europea, e decidiron a súa composición e funcionamento.

É indignante o descaro do Partido Popular e de que maneira desoe a unha sociedade que esixe coñecer a verdade para facer xustiza.

Dende este pleno debemos esixir a dimisión de Ana Pastor e Rafael Catalá e o nomeamento de políticos comprometidos coa transparencia e a xustiza no referido a Angrois.

DEBEMOS ESIXIR VERDADE, XUSTIZA E REPARACIÓN para as vítimas e os seus familiares.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/




Enviado por:
Naron Esquerda Unida
-eu-naron@esquerdaunida.org-
28 de julho de 2016 17:30
___________________________

Posición de Esquerda Unida Narón sobre a taxa da auga e o saneamento, aprobada no Pleno do 30 de Xuño

Posición do Grupo Municipal de EU Narón sobre a taxa da auga e o saneamento

André Abeledo, o noso concelleiro de EU Narón na súa intervención sobre a aplicación da taxa de saneamento no recibo da auga no Pleno do Concello de Narón. (30/06/2016).

EU Narón vaise abster neste punto por responsabilidade, porque sabemos que cando se dá un servizo este ten un custo, e non tivemos nin tempo nin medios para facer un estudo de ata que punto estes custos están xustificados.

Aínda que barallamos tamén votar en contra por varios motivos, dende o principio denunciamos que este modelo de saneamento para a nosa ría, non era adecuado, que era obsoleto, que era caro, que non nos fiabamos nin dos custos de mantemento nin enerxéticos calculados, que non entendiamos a firma do convenio que obriga os veciños e veciñas de Narón a pagar parte da obra dos interceptores. Que é unha obra de interese xeral da que debería facerse cargo o Goberno Central.

Defendemos que a auga é un dereito e non unha mercadoría, que os servizos básicos para a cidadanía deben estar en mans 100% publicas, ata en países como EEUU nada sospeitosos de comunismo, o servizo da auga é publico, en París se municipalizou tras comprobar que era a mellor solución, tamén en Europa é publico nun 80%, en Holanda ata a constitución prohibe a súa privatización por entender que é un sector estratéxico.

No mundo apostase por municipalizar, pola auga pública, porque o custo do servizo é máis barato para a cidadanía, porque a calidade do servizo mellora, porque o emprego que xera se dignifica, e porque a auga é algo demasiado importante para mercadear con ela, non se pode poñer en mans privadas algo tan estratéxico e tan valioso para un pais como a auga.

Apostamos por municipalizar, por recuperar a concesión do servizo, pero mentres este servizo continúe xestionado pola empresa privada esiximos que se creen mecanismos de control que informen con transparencia de todos os posibles incumprimentos, que se faga valer a maioría que ten o Concello no consello de administración, e que o famoso “bon facer” non deixe nas mans da empresa as decisións realmente importantes e permita a opacidade.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
2 de julho de 2016 18:28
_______________

Esquerda Unida Narón presenta unha Moción para o Pleno deste mes coa intención de declarar "Narón cidade libre de desafiuzamentos" e polo dereito a unha vivenda digna e adecuada

EU Narón presenta esta Moción para o Pleno deste mes.

Esquerda Unida presenta unha moción para declarar a

"NARÓN CIDADE LIBRE DE DESAFIUZAMENTOS"
e POLO DEREITO A UNHA VIVENDA DIGNA E ADECUADA.

EU Narón solicitará a aprobación dos seguintes acordos no pleno deste mes:

PRIMEIRO.- O pleno do concello declara Narón como “Cidade Libre de Desafiuzamentos”.

SEGUNDO.- Creación dun servizo municipal de vivenda coas seguintes funcións:

1. Estudo de elaboración dun Plan Municipal de Vivenda que recolla dun xeito real e efectivo a demanda de vivenda que hai no termo municipal e as características e tipo de demanda.
2. Orientación xurídica e práctica en materia hipotecaria e de alugueres.
3. Seguimento e avaliación dos casos de afectados por procedementos de execucións hipotecarias ou  de desafiuzamentos por aluguer, en colaboración cos Servizos Sociais.
4. Rexistro de demandantes de vivenda.
5. Elaboración dun censo de vivendas baleiras (propiedade, estado, localización, características, dispoñibilidade, …).

TERCEIRO.- Que o Concello se comprometa a que ningún corpo de seguridade e emerxencias municipal colabore na execución de desafiuzamentos (nomeadamente Policía Local e Bombeiros).

CUARTO.-  O Concello garantirá a aplicación dos protocolos e normativas derivadas do  Convenio de colaboración entre o Consello Xeral do Poder Xudicial, a Xunta de Galicia e a Federación Galega de Municipios e Provincias (fegamp) sobre a detección de supostos de vulnerabilidade con ocasión do lanzamento de vivenda familiar e medidas de carácter social, asinado o do 8 de Abril de 2013.

QUINTO.- Instar o Goberno de España á modificación do ordenamento xurídico estatal que garanta a paralización dos desafiuzamentos, a dación en pago e o efectivo dereito a vivenda.

SEXTO.- Trasladar o presente acordo á Xunta de Galicia.

SÉTIMO.- Trasladar o presente acordo ao Goberno de España.

"Dende EU Narón entendemos que hai que garantir o dereito a unha vida digna, e a vivenda debe ser un dereito e non un privilexio, ningunha familia debe quedar na rúa por non poder pagar as súas facturas, as traballadoras e traballadores en paro son vítimas e non culpables dunha crise provocada polos que mais teñen e que pagamos os de sempre".

"Moitos traballadores con salarios de miseria non son capaces de chegar a fin de mes, ocorre que ter traballo xa non garantiza saír da pobreza, unha traballadora ou traballador con 600 euros de salario ou menos, e con cargas familiares, non pode pagar un alugueiro de 300 ou 400 euros e vivir dignamente, vense obrigados simplemente a sobrevivir".

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
21 de junho de 2016 23:45
_______________

Esquerda Unida de Narón apoia o programa “Vacacións en Paz” que neste momento corre perigo de non se poder levar acabo na Galiza por motivos económicos

Esquerda Unida de Narón apoia o programa “Vacacións en Paz” que neste momento corre perigo de non poderse levar acabo na Galiza por motivos económicos.

O concelleiro de EU Narón André Abeledo reuniuse con SOGAPS para coñecer a problemática.

Neste momento este programa na Galiza esta en perigo, é posible que máis de 300 nenas e nenos non poidan viaxar por falta de diñeiro para pagar os gastos de billetes e documentación.

O problema é mais burocrático que de falta de diñeiro, porque as axudas van chegar pero tarde, posto que a administración paga cando se lle presentan as facturas, pero os billetes de avión e os tramites para a documentación hai que pagalos por adiantado.

As familias de acollida no noso concello tamén vense afectadas por esta situación pois levan esperando meses un reencontro que sempre é moi emocionante con estas nenas e nenos que xa forman parte das súas vidas.

Este proxecto que saca cando menos durante as vacacións de verán da difícil situación de sobrevivir nos campos de refuxiados a nenas e nenos que son acollidas por familias galegas é moi importante para eles, é un autentico drama que non se leve a cabo para estas crianzas que pasaron todo o ano agardando esta oportunidade.

Esquerda Unida de Narón fai un chamamento a todas as veciñas e veciños a colaborar con esta iniciativa, neste momento aínda faltan 190.000 euros, e a data limite é o 26 Xuño.

SOGAPS esta a vender unhas “rifas solidarias” para tentar conseguir financiamento, así como colocando “petos solidarios” en distintos lugares.

O numero de conta para aportacións para este proxecto é o seguinte:

A Banca – ES40 2080 5056 13 3040034374.

Solidariedade Galega co Pobo Saharaui-SOGAPS, é unha Organización non Gobernamental, sen ánimo de lucro, inscrita no Rexistro de Asociacións da Xunta de Galicia que ten a súa sede social na cidade de Vigo. SOGAPS está formada por persoas voluntarias que dedican parte do seu tempo, para colaborar na axuda a pobo saharaui. | Ir á Web.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
15 de junho de 2016 13:40
_______________

Esquerda Unida Narón defende a creación dunha Bolsa Municipal de Vivendas de Aluguer Social

EU Narón defende a creación dunha Bolsa Municipal de Vivendas de Aluguer Social.

Dende EU Narón entendemos prioritario e urxente a creación dunha Bolsa Municipal de Vivendas de Aluguer Social, tuteladas e supervisadas polo propio consistorio.

Consideramos necesario diagnosticar a situación actual coa elaboración dun Plan Municipal de Vivenda, que debería levar aparellado a creación da Oficina Municipal en Defensa da Vivenda, encargada de prestar un servizo público, integral e gratuíto a cidadanía en materia de vivenda.

Tamén resultara necesaria a financiación do Plan cunha partida específica nos presupostos municipais de 2017 para as políticas activas de vivenda.

O Concello debe contribuír o grave problema do acceso a vivenda coa súa intermediación ante as entidades financeiras. As consecuencias do modelo de crecemento que finalizou co pinchazo da burbulla inmobiliaria provocaron no noso municipio, ao igual que no resto do país, que un bo número de vivendas, ante a imposibilidade de facer fronte ao pago da hipoteca polos seus compradores, pasaran a mans de entidades financeiras.

Unhas entidades, rescatadas con inxeccións multimillonarias de diñeiro público, as que os poderes públicos deben facer partícipes na resolución deste grave problema. Así o Concello de Narón debería manter conversacións urxentes coas entidades financeiras que teñan sede no noso municipio para que poñan a disposición dos veciños e veciñas as vivendas que, sendo propiedade das entidades financeiras, están valeiras.

Así mesmo existe unha proposta de “Stop-Desafiuzamentos da Rede de Apoio Mutuo de Ferrolterra”  rexistrada no Concello de Narón o 29 de Xuño de 2015 para declarar a Narón “Municipio Libre de Desafiuzamentos” que entendemos é adecuada para o noso Concello, dende EU Narón defendemos que debe estudarse esta proposta que contempla medidas dirixidas a garantir o dereito a unha vivenda digna, e evitar a exclusión social das veciñas e veciños que están a pasar por un momento moi complicado durante esta crise económica que nos mantén en situación de emerxencia social continua.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
6 de junho de 2016 13:00
_______________

Esquerda Unida Narón estará atenta a que a mancomunidade non sirva para outorgar monopolios de servizos a empresa privada

EU Narón estará atenta a que a mancomunidade non sirva para outorgar monopolios de servizos a empresa privada.

Dende Esquerda Unida de Narón estaremos atentos a que a posible mancomunidade do servizo do lixo entre Narón, Ferrol, e Neda non se converta no monopolio dunha empresa para a xestión de dito servizo na nosa comarca, algo que sería moi insán ademais de totalmente contrario o fin que se di perseguir con esta medida.

Dende EU Narón defendemos a necesidade de municipalizar os servizos básicos, e entendemos que sería moi beneficioso que unha vez recuperada a concesión de servizos, como o lixo, a auga, etc, estes pasen a xestionarse dun xeito mancomunado para mellorar o servizo e abaratar costes a veciñanza.

Sabemos que a lei de “Réxime de Administración Local” sacada adiante polo PP, e contra a que EU Narón xa presentou unha moción no nosos Concello, limita as competencias dos Concellos e complica moito o proceso de municipalización dos servizos, agardamos que das próximas eleccións autonómicas saia un goberno que derrogue esta lei tan prexudicial para os intereses das veciñas e veciños, que recorta competencias básicas no social, e tamén na contratación de servizos, e creación de emprego publico, unha lei que so serviu para baleirar os concellos de competencias e beneficiar a empresa privada.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Concelleiro: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
24 de maio de 2016 18:46
________________

Esquerda Unida de Narón leva a pleno unha moción para esixir o fin do bloqueo a Cuba - En varios concellos galegos xa se presentaron mocións neste senso, até no Parlamento Galego onde foi aprobada por unanimidade unha resolución polo fin do inxusto e ilegal bloqueo a Cuba

Esquerda Unida de Narón leva a pleno unha moción para esixir o “FIN DO BLOQUEO A CUBA”.

A Resolución 69/5 da Asemblea Xeral das Nacións Unidas, titulada “Necesidade de poñer fin ao bloqueo económico, comercial e financeiro imposto polos Estados Unidos de América contra Cuba”, concluíu con 191 países a favor da Resolución e dous en contra: Estados Unidos e Israel, sen ningunha abstención.

As medidas promulgadas ata o momento pola Casa Branca deron mostras do seu limitado alcance e o moito que aínda se pode facer para modificar substancialmente a aplicación do bloqueo.

Actualmente esta inxusta política continúa afectando a  todas as áreas da vida económica, social e cultural do pobo cubano restrinxindo as posibilidades económicas de Cuba e lastrando o seu futuro.

O seu carácter extraterritorial, mostra como esta política viola con total impunidade o Dereito Internacional e en particular o principio de igualdade  soberana dos Estados consagrado na Carta das Nacións Unidas.

No seo da Asemblea Xeral das Nacións Unidas, durante 23 oportunidades consecutivas, unha abrumadora maioría de Estados recoñeceu o bloqueo contra Cuba como unha política absurda, ilegal e moralmente insostíbel.

A recente visita do Presidente, Barak Obama a Cuba debe supor un pulo para a prosecución das relacións diplomáticas entre ambos países, co fin de levantar o embargo.

Os acordos que se piden o Pleno do Concello de Narón son os seguintes:

1. Demandar dos EE.U. de América o levantamento do embargo a Cuba.
2. Se remita este acordo ao Parlamento de Galicia e ao Consulado de Cuba en Galicia.

En varios concellos galegos xa se presentaron mocións neste senso, ata no Parlamento Galego onde foi aprobada por unanimidade unha resolución polo fin do inxusto e ilegal bloqueo a Cuba que so trouxo sufrimento a este pobo irmán.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Concelleiro: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
24 de maio de 2016 18:46
________________

Esquerda Unida de Narón pola eliminación do "carrusel de ponys" e os espectáculos con animais das festas locais do noso concello

EU Narón pola eliminación do "carrusel de ponys" e os espectáculos con animais das festas locais do noso concello.

Dende Esquerda Unida de Narón recordamos que o Pleno do Concello declarou a Narón "Cidade Libre de Circos con Animais" o 30 de Decembro, entendemos que a utilización de animais durante as festas locais debe entenderse dentro desta normativa, e o concello debe negar o permiso para este tipo de atraccións.

Narón converteuse en “Cidade Libre de Circos con Animais” en decembro, sendo así o trixésimo primeiro concello galego en aprobar esta iniciativa que levou Esquerda Unida a pleno xunto coa asociación animalista LIBERA, e apoiada por 20.000 sinaturas recollidas dende esta asociación.

Cunha veciñanza cada día máis concienciada contra o maltrato animal o Concelleiro de EU Narón André Abeledo recibiu varias chamadas de veciñas e veciños indignados o ver que na festa do Alto do Castaño (Narón) tiñan instalado un “carrusel de ponys".

Neste tipo de atraccións os animais permanecen atados e son obrigados a xirar en circulo sen descanso, rodeados de xente, ruído, e musica, e sofren un estrés constante.

Dende Esquerda Unida defendemos que os animais non deben ser vítimas de maltrato ou violencia, como tampouco deben estar suxeitos a actos que supoñan sufrimento físico ou psicolóxico, que teñan consecuencias e tradúzanse en alteracións do comportamento. Ningún municipio debería permitir o maltrato animal como espectáculo.

“Hai pasos sinxelos que cada un de nos pode seguir para eliminar a explotación de outros seres. Un destes pasos consistiría en negarnos a visitar os circos que usen animais. Cando os vexo cautivos nos circos, penso na escravitude. Os animais nos circos representan a dominación e a opresión contra as que temos loitado durante tanto tempo. Eles cargan cos mesmos grilletes e cadeas.”. (DickGregory, activista polos dereitos civís).


Grupo Municipal de Esquerda Unida de Narón

Contas de Esquerda Unida Narón no facebook e no twitter. | Concelleiro: André Abeledo Fernández | andre1474@gmail.com

Achégate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
1 de maio de 2016 23:18
________________

Foto: Carrusel con ponis en una feria de verano. Foto: Partido Animalista (PACMA).

Enlace relacionado:

Coa chegada do verán, proliferan as feiras populares e, nelas, unha atracción perversa: os carruseis de ponys para nenos. É perversa porque nada pode atraer máis a un neno que subirse a un pony e dar voltas sobre el. Pero a maioría dos nenos non querería facelo si soubese que ese pequeno animal, que produce tenrura e aparenta tranquilidade, está-o pasando moi mal. Si aos nenos contáseselles a verdade. | Non hai nada máis triste que os cabaliños pony. | Nas feiras populares de verán proliferan os carruseis con ponys, atraccións infantís que supoñen un severo sufrimento físico e psicolóxico para estes pequenos equinos. | Peticións impulsadas por particulares e denuncias de organizacións protectoras conseguiron que moitos municipios españois prohiban esa crueldade. | Por Ruth Toledano Follow @ruthtoledano. | publicado en elDiario.es 15.08.2014 | Ir a Web.
____________________

Esquerda Unida de Narón defende a necesidade de municipalizar o servizo da auga

EU Narón defende a necesidade de municipalizar o servizo da auga

André Abeledo concelleiro de EU Narón defendeu na Xunta de Portavoces deste luns día 25 a necesidade de emprazar as partes asinantes do actual convenio da rede de saneamento a renegociar o seu contido, tamén que entendemos que o Concello de Narón debería instar o Goberno Central a que asuma o gasto que ten que afrontar o noso concello, por ser esta unha obra de interese xeral, pois este cofinanciamento municipal é algo máis que infrecuente. 

Neste sentido o noso concelleiro presentou unha moción este mes de Abril que finalmente decidiu retirar a petición do Equipo de Goberno ata que finalicen as vindeiras reunións e os distintos contactos que o Alcalde de Narón esta a manter nestes días na mancomunidade, con Augas de Galicia, e coa Xunta de Galicia.

O Alcalde comprometeuse a trasladar os resultados de ditas reunións  e contactos ao Grupo Municipal de EU Narón, o noso Concelleiro André Abeledo comprometeuse a estudar o resultado destas reunións con atención.

Antecedentes:

• No ano 2012 asinouse un Convenio para a construción da rede de saneamento da Ría de Ferrol polo que os Concellos de Narón e Ferrol tiñan que participar no custo da infraestrutura cun 10% do total. As obras da rede de saneamento non remataron no ano 2015, e que polo tanto a UE non asume o compromiso económico inicial. Dende logo non entendemos como é posible que coñecéndose ese risco se asine en Febreiro do ano 2015 unha achega ao convenio inicial que estende as obras ao río Inxerto en Ferrol, e á construción do interceptor Cadaval-Neda, obra que non podía rematar nese ano e que supuña para o Concello de Narón  aportar o 20,40% do seu custo total, cifrado nuns 7,3 millóns de euros  (ACUAES/Goberno central aporta o 68,20% e a Xunta Galicia o  11,40%).


• Esta cofinanciación municipal é algo máis que infrecuente cando se trata de obras de interese xeral e que ademais contaba co requirimento para a súa  realización  e a aportación económica da Unión Europea. Esa participación municipal significaba que a cidadanía de ámbolos concellos temos que aportar uns cartos que van durante bastantes anos nos orzamentos municipais, o dito únese o aumento da contía da taxa de saneamento en torno a un 25%, ademais de ter que afrontar o sostemento do custo enerxético e de mantemento desa infraestrutura.

Como dixo André Abeledo:

“O servizos básicos a cidadanía non poden servir para a especulación das grandes multinacionais, e o único beneficio que deben dar é o que revirte en beneficio da sociedade”.

“Dende EU Narón levamos dende o 2014 denunciando este modelo de saneamento que esta pensado para sacar beneficio do que debería ser un dereito, un modelo de saneamento que non cumpre a súa función, un modelo de saneamento a medida das empresas do IBEX 35 que busca sacar beneficio económico de algo tan básico para a vida como é a auga”.

“Dende EU Narón defendemos a necesidade de municipalizar este servizo, de que sexan empresas 100% publicas as responsables da súa xestión, ben sexa a trabes dos Concellos ou da Xunta de Galicia”.


Grupo Municipal de Esquerda Unida de Narón

Contas de Esquerda Unida Narón no facebook e no twitter. | Concelleiro: André Abeledo Fernández | andre1474@gmail.com

Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
25 de abril de 2016 13:38
________________

Enlace web a Cosma (Compañía de Servizos Medio ambientais do Atlántico) Narón, empresa mixta concesionaria do servizo municipal de augas: http://www.cosmanaron.es/.
_________________

Esquerda Unida de Narón denuncia o abuso que supón a subida da taxa no recibo da auga, e defende a necesidade de municipalizar este servizo básico

A AUGA É UN DEREITO HUMANO.

EU Narón denuncia o abuso que supón a subida da taxa no recibo da auga, e defende a necesidade de municipalizar este servizo básico para que deixe de ser un negocio en mans duns poucos.

Dende Esquerda Unida de Narón entendemos a subida da taxa do recibo da auga como un autentico “atraco”, por ser abusiva e dificilmente xustificable, o concelleiro de EU Narón André Abeledo sinalou que “xa esta ben de facer negocio cós servizos básicos a cidadanía, que deberían ser un dereito, e non un negocio para unha minoría” e que “é necesario municipalizar este tipo de servizos para primar a calidade, e axustar o seu prezo a realidade, non é tolerable que se siga espremendo as veciñas e veciños para que as grandes multinacionais continúen a aumentar os seus beneficios”, tamén recordou que "dende EU Narón levamos denunciando dende o 2014 que o modelo de saneamento non é o adecuado, é que a nova taxa ademais de ser abusiva non esta xustificada".

VALORACIÓN DENDE ESQUERDA UNIDA DE NARÓN DA TAXA DE SANEAMENTO QUE VAI A SUPOÑER UNHA DRÁSTICA SUBIDA DO RECIBO DA AUGA PARA AS NARONESAS E NARONESES, ASI COMO DO FARAÓNICO PROXECTO PARA UN SUPOSTO “SANEAMENTO DA RÍA”, E DA NECESIDADE DE MUNICIPALIZAR O SERVIZO PARA QUE DEIXE DE SER UN SIMPLE NEGOCIO.

Nun contexto de aguda crise económica e social que afecta ao conxunto da poboación traballadora do estado español, e cunha crónica e especial incidencia na nosa comarca, no ano 2012 asinouse un Convenio para a construción da rede de saneamento da Ría de Ferrol polo que os Concellos de Narón e Ferrol tiñan que participar no custo da infraestrutura cun 10% do total.

Esta cofinanciación municipal é algo máis que infrecuente cando se trata de obras de interese xeral e que ademais contaba co requirimento para a súa realización e a aportación económica da Unión Europea. Esa participación municipal significaba que a cidadanía de ámbolos concellos temos que aportar uns cartos que van durante bastantes anos nos orzamentos municipais, o dito únese o aumento da contía da taxa de saneamento en torno a un 25%, ademais de ter que afrontar o sostemento do custo enerxético e de mantemento desa infraestrutura, un custo por certo calculado por EMFAESA-URBASER en máis do dobre do que soe ser habitual segundo datos da entidade AEOPAS. E existe un estudo rigoroso que demostra que o consumo de enerxía para a EDAR, EBAR e Tanques de Tormentas é nun 20% INFERIOR ao que calcula EMAFESA, calculo o de EMAFESA que creemos é interesado para poder cobrar o máximo posible aos veciños e veciñas.

É importante tamén deixar constancia de varias cousas, en primeiro lugar que esta rede de saneamento é obsoleta xa dende o momento do seu deseño por non contemplar entre outras graves carencias a separación de augas brancas das residuais e o tratamento dos vertidos industriais á Ría, tamén hai que denunciar o proceso para adxudicar a encomenda de xestión da rede a EMAFESA-URBASER, cuestión que acertadamente foi denunciada e recorrida polo equipo de goberno de Narón na anterior corporación, entre outras razóns porque se estaban a tomar, e van seguir tomando decisións en relación a rede de saneamento que afectan aos veciños e veciñas do noso Concello sen que poidamos realmente intervir nesas decisións. Lembremos que o entón Alcalde Ferrol, e hoxe Conselleiro Rey Varela tivo a desfachatez de anunciar en Marzo de 2015, en plena precampaña electoral, que xa comezara a rexeneración real da nosa Ría o poñer en marcha a EDAR, que finalmente resultou que en realidade nunca depurou nada, anuncio que se fixo para xustificar a imposición da abusiva taxa a cidadanía debido que a URBASER-ACS, empresas de Florentino Pérez, querían recadar eses cartos con independencia de que dese ou non o servizo, entendemos que có único afán de aumentar os seus beneficios.

Pero o anteriormente exposto aínda agrávase máis ao resultar que as obras da rede de saneamento non remataron no ano 2015, e que polo tanto a UE non asume o compromiso económico inicial. Dende logo non entendemos como é posible que coñecéndose ese risco se asine en Febreiro do ano 2015 unha achega ao convenio inicial que estende as obras ao río Inxerto en Ferrol, e á construción do interceptor Cadaval-Neda, obra que non podía rematar nese ano e que supuña para o Concello de Narón aportar o 20,40% do seu custo total, cifrado nuns 7,3 millóns de euros (ACUAES/Goberno central aporta o 68,20% e a Xunta Galicia o 11,40%).

Se non estamos equivocados o Concello de Narón ten logo que aportar en principio para una obra de interese xeral sobre 1,3 millóns de euros, e sen poder participar de xeito efectivo na súa xestión, que vai ter tamén importantes repercusións para o peto dos veciños e veciñas.

André Abeledo, o Concelleiro de Esquerda Unida de Narón fai un chamamento a mobilización institucional e cidadán para revocar estes convenios, e esixir modificacións na parte de financiamento e de xestión. Tamén entendemos que é necesario esixir responsabilidades políticas, en referencia ao papel do Partido Popular e do señor Rey Varela en particular, que levou unha política en xeral encamiñada a engordar as contas das empresas construtoras, eléctricas, e dos bancos, en definitiva que aproveitan a necesidade de construír infraestruturas básicas para facer negocio, sen importarlles que esas obras cumpran a función que deben ter, e asegurándose que o pobo sexa quen pague sempre, pola vía de aportacións do estado, ou pola vía dos recibos que despois cobran por saneamento, consumo eléctrico, mantemento etc...

Esquerda Unida de Narón defende a necesidade de municipalizar os servizos básicos para a cidadanía, a crise da auga reforza a idea da necesidade da municipalización deste servizo, entendemos que deixar en mans de empresas privadas, que como non pode ser de outra maneira buscan un beneficio económico, é a causa directa de que o servizo perda calidade e encareza o seu prezo, e tamén da grave falta de comunicación cos gobernos locais coas empresas concesionarias do servizo.


Grupo Municipal de Esquerda Unida de Narón

Contas de Esquerda Unida Narón no facebook e no twitter. | Concelleiro: André Abeledo Fernández | andre1474@gmail.com

Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
20 de abril de 2016 14:05
________________

Enlace web a Cosma (Compañía de Servizos Medio ambientais do Atlántico) Narón, empresa mixta concesionaria do servizo municipal de augas: http://www.cosmanaron.es/.
_________________