Cortando chapa para a guerra, ... Por Iolanda Teixeiro Rei

Por Iolanda Teixeiro Rei [*]
07.04.2022

CORTANDO CHAPA PARA GUERRA

Ferrol amenceu hoxe entre tambores procesionais e forzas de seguridade. O presidente do governo central e unha recua de autoridades, entre as que se atopava a vicepresidenta ferrolana, Yolanda Díaz, viñeron, ao fin, a cortar a chapa da fragata. Prometen sete mil postos de traballo e falan do que levan falando desde que teño memoria, de diversificar mercados. Prometen na cidade da reconversión pantasma. Prometen na comarca das promesas. Falan da eólica mariña como a panacea universal esquecendo os ecosistemas mariños, o sector pesqueiro e marisqueiro e a escaseza de enerxía e materiais para os construír. Veñen a nos enlear coa dixitalización de todos os procesos produtivos mentres eu leo Thanatia. Los límites minerais del planeta dos enxeñeiros termodinámicos Antonio e Alicia Valero. Falan da industria auxiliar aqueles que destruíron os empregos navais de calidade e agora veñen a agasallarnos coas migallas dun precariado perpetuo. Prometen encadearmonos á industria militar de por vida mentres reciben os aplausos ou os silenzos dos que berran Non á guerra e mudan en pacifistas no reconto de ucranianos mortos do telexornal.

Contan co silenzo cómplice dos sindicatos da súa corda e coas protestas ocas dos demais. Hai moito moito tempo, que o sindicalismo acostumouse a arredar a loita política da loita sindical, situándose dentro do sistema capitalista. Como di Antoni Doménech en El eclipse de la fraternidad. Una revisión republicana de la tradición socialista, os sindicatos socialdemócratas entendíanse xa primordialmente como meras organizacións de defensa dos dereitos dos traballadores en canto vendedores da forza de traballo.

Cortar chapa para poder comer, cortar chapa e baixar a cabeza ou mirar ao outro lado agochándonos no falso relato de que as fragatas constrúense para axuda humanitaria e que a industria militar non é máis do que a ONG do Estado. Cortar chapa porque non hai outra que cortar, desafiando o perigo de ser albo fácil dos mísiles rusos contra a OTAN.

Carlos Taibo aponta no artigo GUERRA, ecofascismo, colapso: intuicións, a posibilidade de ecofascismos previos ao colapso cunha confrontación entre elites no medio dun panorama de creba dos circuítos económicos, financeiros e comerciais, de problemas crecentes no subministro de materias primas enerxéticas, de encarecemento abraiante nos costos de transporte e desbocadas operacións especulativas. Amais do globo sonda austríaco dun exército teimando en perfilar unha plena autonomía en materia de enerxía e auga nos cuarteis para socorrer a unha desvalida povoación civil, vítima imprevista dun apagón xeral.

Xunto a isto, di Taibo, o afortalamento da OTAN coa promesa dun horizonte inquietante de militarización, autoritarismo, intervencionismo, inxerencias e represión das disidencia. Nada difícil recén chegados da servidume voluntaria dunha pandemia.

Todo isto cando celebramos o medio século da publicación de Os límites do crecemento e a cuestión ambiental ocupa todos os cabezallos, mais desligada da crítica ao modelo económico de crecemento exponencial e infindo que provoca a crise global na loita polos derradeiros recursos do planeta, como nos lembra Jorge Paços no Galiza livre.

E mentres uns andan cortando chapa para a guerra, Ferrol prepárase para a Semana Santa pintando os bancos da cuadrícula por onde as bandas desfilan recendendo o aire con incensos relixiosos e bélicos tambores, nun arrepiante recordo doutros tempos. No alto das prazas, os grandes cartaces da concellalía de Benestar animal advirten que Un pis límpase nun plis, nunha cidade sen un mísero urinario público.

[*] Iolanda Teixeiro Rei. Secretaria de organización de LiGanDo-LGD. Activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Diario Nós.

Enviado por:
Iolanda Teijeiro
-iolandateixeiro@gmail.com-
6 de abril de 2022 23:06
_______

Acto en Navantia Ferrol con motivo do 50 aniversario dos tráxicos acontecementos ocorridos o 10 de marzo do 1972 - O acto celebrarase este venres 4 de marzo ás 11 da mañá dentro do Estaleiro

Con motivo do 50 aniversario dos tráxicos acontecementos ocorridos o 10 de marzo do 1972, este Comité de Empresa fará un acto onde os traballadores da actualidade, poderemos escoitar os relatos do ocorrido nesa época por persoas que o viviron de primeira man.

Intervirán: Rafael Pillado Lista, Sari Alabau Albors, Fina Varela Fontán e Alfonso Tellado Sande, protagonistas de Marzo do 72.

O acto celebrarase este venres 4 de marzo ás 11da mañá en Navantia Ferrol (o acto celébrase no interior).

Comité de Empresa
C/Taxonera, s/n
15403 Ferrol (Coruña)
Tel.: 981 331 311 – Ext.1311
seccomite.fe@navantia.es

Enviado por:
FE.Secretaría Comité (FE)
-seccomite.fe@navantia.es-
28 de fevereiro de 2022 10:49
_______

Debuxo de @FerOcampo. | Asemblea fronte ao edificio de Dirección da E.N. BAZAN. | Marzo de 1972
_______

Néstor Rego propón un Plan Industrial para os estaleiros de Ferrol - O BNG aposta por diversificar a actividade dos estaleiros coa eólica mariña flotante pero mantendo sempre a construción naval, incluída a civil, e exixe maior implicación das administracións a través dun calendario e investimento específico

O deputado do BNG no Congreso, Néstor Rego, vén de presentar na cámara estatal unha Proposición Non de Lei para a creación dun Plan Industrial para a comarca de Ferrol. A través da creación dunha Mesa que promocione e diversifique a actividade dos estaleiros da ría de Ferrol, a formación nacionalista reclama eliminar todas as trabas e restricións actuais que impiden a construción naval civil en Ferrol, co obxectivo de que se permita traballar a Navantia e haxa unha implicación maior por parte das administracións.

O Plan Industrial que precisa a comarca de Ferrol é “unha promesa incumprida dos distintos gobernos do Estado español” segundo sinala o deputado nacionalista. “Mais é simple: débese permitir que Navantia poida traballar eliminando as restricións actuais e aproveitando todos os segmentos da actividade que potencialmente poida concorrer nas instalacións da ría de Ferrol” afirma Rego.

Por este motivo, o BNG presentou no Congreso unha iniciativa para asegurar o futuro da comarca de Ferrolterra. “Hai que facilitar a participación da Xunta de Galiza no Consello de Administración de Navantia e constituír unha mesa de ámbito galego para a promoción e diversificación de actividades nos estaleiros da ría” expón o deputado do BNG. Posibilidade prevista tanto no artigo 55 do Estatuto de Autonomía da Galiza coma no artigo 4 da Lei de Fomento do Sector Naval.

A organización nacionalista reivindica potenciar a participación de Navantia ría de Ferrol no sector da eólica mariña flotante “con recursos propios ou manténdose, cando for posíbel, como socia maioritaria nas UTE con Windar ou con calquera outra empresa ou sociedade. Así mesmo, Néstor Rego incide na necesidade de dotar a fabrica de turbinas de dirección e recursos propios para a definición de novos produtos destinados ao sector das enerxías renovábeis, en xeral, e para fomentar a súa introdución e participación nos contratos da eólica mariña, en particular”.

Alén do mais, exixen introducir na fábrica de turbinas naqueles segmentos de actividade “relacionados con novos modelos sustentábeis de mobilidade marítima” así como promover e procurar “colaboracións con centros de investigación ou empresas que fosen precisas”.

Por outra banda, Rego explica que na proposta tamén se recolle a necesidade de “concretar un plan de investimentos destinado a modernización das infraestruturas, talleres de prefabricado, diques de nova construción ou para a súa posíbel reparación”. Coa mellora das instalacións poderase atender tarefas de reparacións mentres se ten en marcha unha encarga dun novo buque, o que é imposíbel co dique actual. Na actualidade Navantia só conta cun dique que poida acoller buques de grandes dimensións, polo que o estaleiro vese obrigado a renunciar a contratos por falta de dispoñibilidade, unha media de 5 buques por ano durante os últimos 10 anos. Neste sentido, “acometer as obras para un novo dique seco específico para reparacións sería importante non só para atender a demanda xa existente, senón para poder aspirar a novos mercados por tipoloxía de buques, así como para compatibilizar eses traballos cos das grandes transformacións, e non desatender outros potenciais clientes durante todo o tempo en que se manteña a ocupación do dique”.

Ferrol | Web | Facebook | Twitter.


bng@ferrol.es


Ferrolterra | Web.


Enviado por:
Inácio GZ
-inaciogz@gmail.com
21 de março de 2021 08:43
_______

O BNG bota en falta compromisos concretos na 'visita turística' da presidenta de Navantia aos estaleiros da ría - Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría

O BNG bota en falta compromisos concretos na "visita turística" da presidenta de Navantia aos estaleiros da ría. | Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría.

Iván Rivas, portavoz municipal do BNG no concello de Ferrol, exixiu da presidenta de Navantia algo máis que unha visita turística e demandou un compromiso explícito cos estaleiros da ría.

Iván Rivas, censurou e cualificou, tamén, como inaceptábel que desde o goberno da cidade non se lle esixira a máis mínima explicación respecto da actual situación da empresa e o seu futuro. Unha mostra máis do servilismo e a compracencia coa que o alcalde da cidade se comporta diante do goberno do estado.

Para Iván Rivas, os compromisos de Navantia deben pasar pola incorporación de novo persoal á empresa principal, xusto ao contrario do que está a acontecer no momento actual onde unicamente se están a cubrir vacantes e xubilacións sobre a base dun plan industrial que suporá ao fin unha redución do plantel da empresa principal de máis do 25%.

Defendeu Rivas que o Estado a través da empresa pública debe desenvolver unha política de novas contratacións procedentes de traballadores e traballadoras da industria auxiliar e facelo de maneira inmediata con dous obxectivos. Por unha parte co obxecto de inverter a dinámica de desmantelamento do sector dos últimos anos, con miles de despedimentos na industria auxiliar e sen vincular estes postos á dotación de carga de traballo que a día de hoxe non existe produto dunha política de Estado que baleirou as gradas dos estaleiros. Por outra parte cun obxectivo formativo. Compre avanzar no carácter formativo destas incorporacións co obxecto de preparar aos traballadores e traballadoras do estaleiro para adaptarse ao ámbito civil.

Para acadar este último obxectivo é fundamental executar investimentos nas instalacións actuais que permitan acceder ao mercado civil. Un mercado onde os estaleiros europeos levan anos incrementando o seu volume de negocio e en concreto no ámbito dos buques cruceiro como demostra que o ano 2019 foi o de maior volume de carteira de pedidos do último decenio con 14,6 millóns de toneladas CGT e que supuxeron o 65% das CGT no ámbito da construción civil en Europa.

Os estaleiros ferroláns sería plenamente competitivos neste ámbito da construción naval si existise a vontade política para que así fose e se puxesen os medios para acadalo. Pero que no día de onte a presidenta da empresa non comprometese nin a simple transformación do buque Galicia ou que o Mº de defensa paralice o desenvolvemento do taller de subloques demostra o nulo compromiso que o Estado mantén co noso principal sector produtivo.

Iván Rivas, portavoz municipal do BNG, demanda do alcalde de Ferrol que aclare se vai continuar avalando o desleixo co que o goberno central trata ao naval de Ferrolterra e lembra que nin o goberno central nin ao alcalde da cidade poden facer oídos xordos ás esixencias da nosa comarca reflectidas na mobilización da semana pasada.

Ferrol 16 de marzo de 2021.

Grupo municial BNG. | 16 mar. 2021 - 20:56

Ferrol | Web | Facebook | Twitter.


Ferrolterra | Web.


Enviado por:
Inácio GZ
-inaciogz@gmail.com-
17 de março de 2021 08:50;

______

A representación da parte social de Navantia Ferrol-Fene, manifestan a súa desconformidade coa resolución da convocatoria das prazas de Técnico de Medio Ambiente na Ría de Ferrol, por parte da empresa naval

Prazas M.A.

Desde a Comisión de Emprego Fene-Ferrol queremos manifestar a nosa desconformidade coa resolución da convocatoria das prazas de Técnico de Medio Ambiente na Ría de Ferrol.

Malia seren prazas que carecen de regulación previa, senón que emanan do Comité do Intercentros de Saúde Laboral, a representación social participou no proceso designando un vogal que coñece a profesión, as necesidades e o funcionamento dese departamento.

Dito vogal elaborou un informe no que se avalían as competencias e habilidades de cada candidato en función de diferentes factores, que van desde a formación, méritos e experiencia recollida nos currículum até as capacidades que cada un amosou durante a entrevista persoal, tendo en conta as necesidades do posto.

Utilizando os criterios de valoración mencionados, para cubrir as 3 vacantes, o noso vogal elaborou unha lista con todos os candidatos por orde de clasificación, de xeito que o candidato 1 é a valoración máis alta e o candidato 11 é a máis baixa.

Comezan as tensións cando a Dirección dá como seleccionados candidatos que non coinciden cos primeiros postos do noso vogal, e nin sequera ocupan postos correlativos na súa lista. Complícase todo aínda máis cando se negan a darnos unha lista alternativa que ordene os candidatos e xustifique a súa elección, o que nos reafirma na postura de que, os tres elixidos non estarían correlativos en ningún listado realizado por méritos e capacidades.

Por non mudar de traxectoria, neste tipo de prazas, esta dirección segue a contratar como quere e a quen lle parece sen dar explicacións que xustifiquen ditas accións, cunha total ausencia de criterio e unha selección de candidatos claramente arbitraria. Unha vez incorporados ao posto de traballo os candidatos seleccionados, verifícanse a nosas sospeitas de que distan moito da orde establecida polo vogal da parte social.

Cales son os criterios da dirección? Por que non os expón nin xustifica?

Nestas prazas, moi ao noso pesar, está pouco regulado o proceso de incorporación. Pero, aínda así, a que vén negar ningún tipo de explicación? Por que se negan a contrastar a diferencia de criterios con nós ou co noso vogal? A intención da empresa non é seleccionar aos candidatos máis cualificados? Estará tal vez comprometida algunha das prazas con antelación como aconteceu noutros procesos? Ou quizais algún responsable de área ou departamento está a premer para adxudicar este tipo prazas baixo o único criterio de “porque eu o digo”?

Para tirar estas dúbidas sobre o funcionamento deste tipo de prazas, mal chamadas corporativas, é necesario que a Dirección facilite a súa lista co número de orde e os criterios seguidos para a súa elaboración.

Navantia como empresa pública, no debe ficar en só abandeirar publicamente o compromiso coa xestión ética baseada nos 10 Principios do Pacto Mundial sobre dereitos humanos, dereitos laborais, medio ambiente e loita contra a corrupción. Tamén ten que o demostrar no día a día. Este proceso non amosa ningún tipo de transparencia, nin nos aclara a obxectividade e igualdade de condicións para os candidatos e candidatas presentadas.

A realidade demóstranos, unha vez máis, que a dirección desta empresa fala e difunde unha imaxe de transparencia pero volvemos ollar nestes procesos de selección de persoal, que a sombra da corrupción que sempre quixemos desterrar deixase entrever. Nuns procesos, onde responsables de departamentos premen á dirección para impor os seus criterios (candidatos) na selección de persoal.

Trátase dun proceso ficticio para contratar uns candidatos que xa foron seleccionados con anterioridade ao inicio das probas de acceso.

Tamén cabe dicir que nas mal chamadas prazas corporativas na Ría de Ferrol, a cal está composta de dous centros de traballo Fene y Ferrol, non se están a cubrir as necesidades nos centros, senón que se contratan nun centro e ubícanse noutro, incumprindo o acordado no Intercentros de Saúde Laboral. Con este tipo de actuacións semella evidente que a intención que ten a Dirección é baleirar algúns centros de persoas asignadas, para así poder ceder as instalacións a empresas privadas para que leven os beneficios co menor custe posible para estas.

Secretaría Comité de Empresa
NAVANTIA FERROL
C/Taxonera, s/n
15403 Ferrol (Coruña)
Tel.: 981 331 311 – Ext.1311
seccomite.fe@navantia.es

Enviado por:
E.Secretaría Comité (FE)
-seccomite.fe@navantia.es
- 1 de março de 2021 14:22
_______

O BNG propón denunciar na Unión Europea a anulación do pago do IBI de Navantia

O BNG propón denunciar na Unión Europea a anulación do pago do IBI de Navantia

Iván Rivas, afirmou que considera que esta vía é a que debemos adoptar fronte a sentenza do Tribunal Supremo que se salta por riba unha cuestión prexudicial solicitada por parte do xulgado de Ferrol que no seu momento demandaba a Navantia o pago do IBI e a na que se indicaba que os terreos do estaleiro público da nosa cidade estaban suxeitos ao pago do IBI e que a intención de Navantia de non pagar este tributo municipal era contrario ás normas de europeas. Cabe destacar que estas cuestións prexudiciais son de obrigado cumprimento para os tribunais de xustiza dos estados membros da UE.

Iván Rivas, portavoz municipal do BNG en Ferrol, presentou, esta mañá, unha iniciativa, que o pleno municipal debaterá o vindeiro xoves, co obxecto de que o concello de Ferrol presente unha denuncia diante da Unión Europea por infracción do dereito comunitario produto da sentenza do Tribunal Supremo que exime a Navantia do pago do IBI ás arcas municipais.

Iván Rivas sinalou que a situación que vive o concello de Ferrol con respecto á falla de ingresos xa non é soportábel durante moito máis tempo e considera que vai sendo hora que empecemos a tomar este tema en serio.

Iván Rivas, afirmou que considera que esta vía é a que debemos adoptar fronte a sentenza do Tribunal Supremo que se salta por riba unha cuestión prexudicial solicitada por parte do xulgado de Ferrol que no seu momento demandaba a Navantia o pago do IBI e a na que se indicaba que os terreos do estaleiro público da nosa cidade estaban suxeitos ao pago do IBI e que a intención de Navantia de non pagar este tributo municipal era contrario ás normas de europeas. Cabe destacar que estas cuestións prexudiciais son de obrigado cumprimento para os tribunais de xustiza dos estados membros da UE.

A Lei Orgánica do Poder Xudicial obriga a ter que aplicar o dereito da UE conforme ao dereito da xurisprudencia do Tribunal de Xustiza da Unión Europea e as cuestións prexudiciais, a estas alturas, todas temos claro que forman parte e son pezas chave do sistema xurídico da Unión Europea.

Para Iván Rivas é significativo que por parte do goberno local se teña tanta presa en recoñecer a suposta exención do IBI á empresa Navantia en base a unha sentenza que é moi cuestionábel. É totalmente incomprensíbel que o goberno municipal teña tanta presa en anular as liquidacións que neste procedemento xudicial se están a recoller. Estamos a falar de 4,39 millóns de euros aos que o goberno local de Ferrol renuncia sen cuestionar estes aspectos que desde o BNG nos parecen tan obvios e tan evidentes que non ten ningunha lóxica a actuación que está a manter este goberno local.

O BNG explica que o proceso de interposición dunha cuestión prexudicial é sinxelo, o xuíz do estado membro identifica cal é a dubida de aplicación do dereito europeo e con esa dúbida lla transmite ao Tribunal de Xustiza da UE para obter unha resolución e un posicionamento específico. O Tribunal da Unión Europea resolve a dubida e a xustiza do Estado membro ten que aplicar a sentenza en función da resolución que fai o TXUE. Así foi como fixo o xulgado do contencioso administrativo de Ferrol, así o ratificou o TSXG e sorprendentemente o Tribunal Supremos se saltou este ditame e polo tanto infrinxe o dereito recollido por ese tribunal.

O BNG destaca que as cuestións prexudiciais non son interpretativas nin son opcionais, son de obrigada aplicación en función dos criterios que alí se estabelecen e lembra, ademais, que o TXUE é un órgano xerarquicamente superior ao TS e cuxa posición non pode saltarse nin condicionar a aplicación desta sentenza en función dos criterios que alí se estabelecen.

Iván Rivas, insistiu en que nesta cidade temos un problema de ingresos. Ferrol é un caso único en todo o estado pola ocupación que o Ministerio de Defensa ten de máis do 20% do solo urbano da cidade. Os terreos que ocupa a empresa Navantia son unha parte deste problema de Ferrol. O BNG cre que é preciso insistir e afondar na necesidade de modificar a Lei que lle permite ao Ministerio de Defensa manter as bonificacións sobre os tributos locais e é preciso acadar unha compensación económica, nos orzamentos do estado, que sexa capaz de paliar esta perda de ingresos. Para o BNG hai que enfrontar este problema con contundencia, abandonando a demagoxia e enfrontándonos a decisións, como estas, que son absolutamente contraditorias e que van en contra do estabelecido en ámbitos dos que supostamente o estado forma parte e cando menos debería asumir e acatar.

No pleno municipal do xoves o BNG demandará ao goberno local que no prazo de 10 días interpoña esta denuncia, é un trámite sen custo económico, que polo tanto é incomprensíbel que non se adopte en base aos criterios mencionados e diante da evidencia de que a sentenza do Tribunal Supremo se está a saltar os ditámenes do dereito comunitario.

Ferrol, 22 de febreiro, de 2021

Foto: No Concello de Ferrol - 20/04/2019.

Ferrol | Web | Facebook | Twitter.


Ferrolterra | Web.


Enviado por:
Inácio GZ
-inaciogz@gmail.com-
24 de fevereiro de 2021 07:50 

______

Podemos Ferrol respalda as demandas dos sindicatos na aposta polo offshore e o dique cuberto para o naval da nosa ría - O deputado Antón Gómez Reino mantiña onte unha xuntanza no Congreso cunha representación sindical e institucional do naval da nosa ría

O deputado Antón Gómez Reino mantiña onte unha xuntanza no Congreso cunha representación sindical e institucional do naval da nosa ría

Podemos Ferrol quere amosar o seu respaldo explícito as demandas que os representantes sindicais dos Comités de Navantia en Ferrol e Fene fixeron chegar onte aos deputados galegos no Congreso na urxencia dunha acción e reacción coordinada entre Administracións para afrontar unha situación crítica de falta de traballo no naval e desertificación industrial.

O deputado de Unidas Podemos e Secretario Xeral de Podemos Galicia, Antón Gómez Reino, reuniase onte a tarde no Congreso cunha ampla representación sindical e tamén institucional de Ferrolterra, alcaldes e alcaldesas dunha comarca en monocultivo industrial do naval cuxa economía é altamente dependente do tractor dos estaleiros e da industria auxiliar.

Gómez Reino reiterou o compromiso de Unidas Podemos de traballar arreo para conquerir a implicación de todas as Administración na urxencia de dotar ao naval de Ferrol de carga de traballo, artellar un plan de Emprego para a comarca, que está a sofrer as consecuencias dunha década de inacción e pasividade das políticas industrias do PP na Xunta, con plenas competencias na materia.

Neste sentido, o deputado referíase a situación crítica do naval, que demanda hai anos un dique cuberto para medrar en Reparacións pero tamén a aposta decidida polo offshore. Ao tempo, Gómez Reino lembraba os peches de empresas como Poligal, Noa Maderas Creativas, o anunciado por Siemens Gamesa para a planta de As Somozas e da térmica de Endesa nas Pontes. ‘Cómpre unha transición enerxética xusta que garanta o emprego”, insistiu o deputado que mantivo varias xuntanzas cos colectivos afectados pola decisión dunha compañía elétrica que fora privatizada.

Por último, dende Podemos Ferrol reiterar o noso total apoio a folga comarcal convocada polos sindicatos contra a desertificación industrial de toda unha comarca vital no soporte da economía galega e sumámonos a esta convocatoria adiada ao 10M, no Día da Clase Obreira Galega.

Ferrol, 18 de febreiro 2021

Comunicación e Prensa Podemos Ferrol
Ana María Guzmán  
ferrol@circulospodemos.info
 
Porvavoz Municipal Podemos Ferrol
Xosé Iglesias

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
18 de fevereiro de 2021 15:17
_______

Á mantenta de ... 'a non visita da Presidenta de Navantia' - Comunicado do Movemento Alternativo Sindical de Navantia Ría de Ferrol

Á mantenta de ... "a non visita da Presidenta de Navantia"

O pasado día 2 de febreiro recibiamos con sorpresa unha convocatoria de reunión telemática coa nova presidenta de Navantia. Sorpresa, por que a tradición conta con visitas presenciais para coñecer de primeira man as instalacións, os produtos e o funcionamento das distintas factorías, e máximo cando xa visitara o centro de Cartagena.

A parte de repetir unha e outra vez que a compañía aposta polo futuro da Ría, o certo é que asegura que os únicos investimentos que se van a acometer na Ría de Ferrol son as correspondentes ao taller de sub-bloques. Nada de dique cuberto, nada de investimentos para carenas, nin para turbinas e nin sequera para o estaleiro de Fene. Investimentos imprescindíbeis para facer viábel ese futuro polo que di apostar, acordadas no Plan Estratéxico de Navantia, e cuxo reiterado incumprimento seguiremos denunciando publicamente.

Iso si, acláranos que non temos "dereito a queixarnos" xa que temos o proxecto máis ambicioso de Navantia (F-110) e a dixitalización dos programas da compañía.

Outro tema fundamental para nós, e así llo trasladamos na reunión, son as novas incorporacións. Denunciamos que ás alturas nas que estamos non ten xustificación que non estea terminado o proceso do 2019. Arrincamos o compromiso da presidenta de que ía poñer todo o seu empeño para que se dese a entrada de compañeiros, o problema é que lle vai a facer falta algo máis que empeño para lidar co departamento de RRHH, incapaz de finalizar ningún proceso, como o de Operarios e empregados junior no cal, desde o pasado 19 de decembro que terminou o prazo de reclamacións, non foron capaces de atender unha trintena de reclamacións e publicar as listas definitivas. A parte de empeño vai ter que empezar a esixir responsabilidades e actuar en consecuencia.

Esperamos e desexamos que isto non se quede simplemente nun brinde ao sol e palabras baleiras dentro do "quedaben" da súa "presentación oficial". Queremos recordar que o persoal da Ría que asumiu recortes importantes nos seus dereitos sociolaborais a cambio dunha promesa de plan de futuro con investimentos e incorporacións que agora ven como se lles desvanecen entre os dedos.

Consideramos que a primeira toma de contacto coa nova presidenta foi totalmente decepcionante, moi lonxe da realidade que vivimos neste estaleiro. Necesitamos os investimentos comprometidos e as novas incorporacións ou o contrario será unha lenta agonía ate a nosa desaparición.

Navantia Ría de Ferrol, a 5 de febreiro, de 2021

Movemento Alternativo Sindical (M.A.S.)
NAVANTIA (Grupo SEPI)
R/Taxonera, s/n
15403 Ferrol (Coruña)
Tel.: 981331412 / 698153978
masferrol@navantia.es
sindicatomas@gmail.com

Enviado por:
MAS FERROL (FE)
-masferrol@navantia.es-
5 de fevereiro de 2021 12:01
_______

Comunicado dos Comités de Empresa de Navantia Fene-Ferrol criticando como se está desenvolvendo o proceso de selección de persoal operario e empregado 'júnior' e convocatoria de rolda de prensa para o vindeiro luns 23 de novembro

Comunicado dos Comités de Empresa de Navantia Fene-Ferrol

Desde os comités de empresa de Navantia de Fene e de Ferrol queremos amosar o noso máis enérxico rexeitamento ao desenvolvemento do proceso de selección de persoal operario e empregado "júnior".

Hai que ter en consideración que as bases da convocatoria falan de 3 fases, cada unha delas eliminatoria, e onde a primeira foi unha proba teórica, a segunda unha proba psicotécnica e a terceira unha proba teórico-práctica onde “se cubrirán as prazas cos candidatos que obteñan maior puntuación na Terceira Fase“.

A representación dos traballadores non entendemos, nin imos consentir, que non se cumpra estritamente a orde de puntuación da terceira proba, en cumprimento das bases.

Navantia Fene-Ferrol, 20 de novembro de 2020

Convocatoria de Rolda de Prensa

[Sen comunicar sobre de que vai tratar o acto: se vai ser sobre a falta de carga de traballo, ou sobre os orzamentos xerais do Estado ou sobre o desenvolvemento do proceso selectivo de novo persoal] os comités de Fene e Ferrol convocan unha rolda de prensa para o vindeiro luns 23 de novembro, ás 11:00hs na porta do Arsenal (Áncoras).

Secretaría Comité de Empresa
NAVANTIA FERROL
Rúa Taxonera, s/n
15403 Ferrol (Coruña)
Tel.: 981 331 311 – Ext.1311
seccomite.fe@navantia.es

Enviado por:
FE.Secretaría Comité (FE)
-seccomite.fe@navantia.es-
20 de novembro de 2020 11:32
20 de novembro de 2020 11:43
_______

A Sección Sindical de CCOO de Navantia Ferrol sobre a proposta maioritaria de emprego

COMUNICADO DA SECCIÓN SINDICAL DE CCOO DE NAVANTIA FERROL SOBRE A PROPOSTA MAIORITARIA DE EMPREGO 03/06/2020

Dende a Sección Sindical de CCOO de Navantia Ferrol queremos trasladar o enorme malestar presente na nosa organización como consecuencia das manifestacións vertidas por outras organizacións sindicais, terxiversando e intentando influír negativamente en calquera solución que se acade en Navantia-Ferrol.

Que o camiño para chegar a entendernos é longo e tortuoso non o pode poñer en dúbida ninguén, soamente con votar unha ollada a historia da nosa Factoría para entender a incapacidade que teñen algunhas organizacións para chegar a acordos, e non nos referimos coa Dirección, senón coas demais organizacións sindicais. Dubidando constantemente da boa fé das nosas propostas.

Mostra do anterior foi a necesidade de levar a pleno o acordo en materia de emprego que vos enviamos este luns dia 1 de xuño, proposto por CCOO e respaldado por unha amplia maioría dos e das delegadas do Comité de Empresa (16 delegados e delegadas avalaron a proposta e 6 non estiveron de acordo), e o conseguinte escrito da CIG non asumindo o resultado e difamando contra as organizacións que o apoiaron.

Podemos dicir con orgullo que dito acordo, de materializarse cando se de a discusión coa Dirección, debería de traducirse na incorporación de toda a convocatoria do ano 2019.

A intención de dita proposta é esixir a recuperación das capacidades que tiña a parte técnica na nosa Factoría, priorizando a contratación en ditas áreas, e complementando dita convocatoria con persoal eventual si fose necesario en lugar de optar pola subcontratación. Non esquecemos áreas que a curto e medio prazo semellan as únicas que xerarán emprego como son a Fábrica de Turbinas, o Departamento de Reparacións e a Eólica Mariña.

Queremos enviar unha mensaxe de tranquilidade a tódolos operarios e operarias que trala firma do Plan Industrial agardan con ilusión a oportunidade de incorporarse ao noso plantel. É un compromiso das organización sindicais que respaldan esta proposta que as prazas de operarios e operarias que non se convoquen, se recuperarán nas vindeiras convocatorias.

Por último CCOO quere mandar unha mensaxe clara e contundente a tódalas organizacións que están a facer do inmobilismo a súa estratexia sindical. O esforzo de CCOO e doutros sindicatos por chegar a entendernos na Comisión de Emprego foi evidente, case tan evidente coma a comodidade que sinten o resto de organizacións presentes en dita Comisión coa confrontación permanente. Continuaremos plantexando tódolos temas que a nosa afiliación considere beneficiosos para o conxunto de traballadores e traballadoras e para Ferrolterra en xeral, intentaremos formar maiorías para defendelos, pero non estamos dispostos a esperar por organizacións que non teñen vontade de formar unha fronte común e que non teñen interese por construír por medio do consenso.

A esas organizacións só dicirlles que cando deixen de priorizar a súa estratexia sindical por riba dos intereses dos e das traballadoras, CCOO sempre terá a capacidade de dar un paso atrás si con iso chegamos a un punto de encontro.

Ferrol, a 3 de xuño, de 2020.

Sección Sindical de CCOO en Navantia Ferrol

Enviado por:
CCOO (FE)
-ccoo.fe@navantia.es-
3 de junho de 2020 17:05
_______

CC.OO. reflexiona sobre o futuro de Navantia-Ferrol

CC.OO. reflexiona sobre o futuro de Navantia-Ferrol

Dentro desta situación actual, Navantia está a ser obxecto público de dúas situación totalmente pesimistas. Dentro dunha situación de Alarma Sanitaria como a actual, Navantia é incapaz de, cunha certa axilidade, reactivarse ó non ter un mecanismo propio de control da situación, e unha vez mais estar condicionados polas direccións das empresas auxiliares.

Por outro lado, os medios de comunicación se cebaron, ata a saciedade, na perda do contrato de enxeñería das fragatas americanas FFGX (algún comentarista argumentando o goberno Social-comunista Chavista español) sen reflectir que Fincantieri, tirou o prezo, ou as inversións que prometeron nos propias instalacións dos estaleiros americanos. E algún político local, que sabe ben que o reporte de horas non é nin por asomo o que ven a ser a construción dun barco real, pois nunca eses barcos íanse facer aquí, tamén aparece, como si o seu partido nunca tivera ningunha responsabilidade nesta empresa. Non estaría de mais lembrar o quinquenio negro de Revuelta o fronte da empresa, e os barcos que non contratou.

A crise económica que se aveciña colle a antiga Bazán nun proceso de reestruturación favorábel para que algunhas empresas busquen o benéfico inmediato sen importalo futuro deste Estaleiro.

Fronte a esto CC.OO de Navantia - Ferrol amosase moi preocupada polo futuro inmediato.

SITUACIÓN ACTUAL

As diferentes direccións sacrificaron a sabiduría da antiga Bazán (iso que se deu en chamar o how-know) en favor dunha subcontratación masiva, unicamente para contentar os gobernantes de turno e as súas políticas contra todo o público, pero importando pouco, as xentes, as comarcas e o facer industrial dunha historia que se remonta a 1750.

O plantel quedou reducido o mínimo, de tal xeito que ningunha das Unidades Produtivas de Ferrol, que no seu día diversificou a empresa como reinos de taifas (Factoría Naval, Departamento de Reparacións e a Fábrica de Turbinas) dispón dos recursos necesarios ou dos coñecementos como para acometer as obras que se presenten. Por dicilo doutra maneira, puxeron a nosa fábrica a mercede doutras empresas que posúan ou consigan os coñecementos que nos arrebataron.

Mentres dende a xerencia se adiquen principalmente a cambiar o logo de Navantia e facer campañas de imaxe na prensa, a nosa empresa perde capacidade para facer barcos.

CAPACIDADE POR ÁREAS

A nosa Sa Técnica, sen especialistas nas diferentes partes e sistemas do buque, sen una renovación xeracional dende fai décadas, precisamos dos compañeiros e compañeiras das empresas auxiliares para deseñar un buque, empresas que a día de hoxe marcan os prazos e os prezos dos nosos deseños, e o que é peor, con traballadores e traballadoras que formamos nos.

O Estaleiro pasou a ser un grupo de talleres onde as empresas privadas campan a súas anchas e onde dificilmente conseguimos organizalas cos nosos recursos. Plantillas tremendamente volátiles, xestionadas por empresarios que en moitos casos non están dispostos a respectar as condición laborais se poden obter rédito, 6 de Maio de 2020e nunha comarca onde a ausencia de formación está condicionando que haxa os suficientes profesionais cando a construción o require.

O Departamento de Reparacións. A máis imprevisible das áreas. Isto non quere dicir que os buques entren a reparar cando se estropean cerca, senón que detrás destas reparación hai un equipo técnico e comercial que busca clientes e negocia as condicións, consiguen emprego e de forma moi exitosa , e tamén hai un equipo organizativo que vertebra as compañías auxiliares para que o cliente quede satisfeito e volva con máis buques. Hoxe é necesario máis que nunca una renovación do plantel, se non recibe reforzos tanto a parte comercial como a parte organizativa veremos como os buques pasan de largo e non reparan nas nosas instalación. Non olvidemos que este departamento xenera unha media de 600 postos de traballo.

Por último a nosa afamada Fábrica de Turbinas, da que moitos directivos incharon o peito, pois estábamos no mercado das turbinas máis importante do mundo. Un taller de caldeiraría e un centro de gran mecanizado envexa de moitos. Unha empresa que foi punteira na introdución do mercado eólico. Xa ninguén recorda cando facturaba centos de millón o ano, xeraba moitos postos de traballo e entregaba parques eólicos chave en man. Todo rematou cando se converteu nun negocio demasiado lucrativo como para que estivera una empresa pública. A día de hoxe , non ten un equipo comercial como tal, e áreas como enxeñaría, mecanizado e montaxe entre outras, non teñen a capacidade necesaria para afrontar traballos de envergadura como se fixeron non hai moitos anos e a día de hoxe estamos rexeitando obras que poderían estar ocupando a moitos traballadores e traballadoras desta comarca.

PROPOSTAS INMEDIATAS

- Pechar dunha vez o ignominioso proceso de entrada de persoal do 2019 e poñer en marcha canto antes o do 2020.

- Convocar de xeito inmediato para que sexan efectivas a volta do verán tódalas prazas pendentes do 2019. Estas prazas teñen o obxectivo de cubrir as áreas de deseño, as necesidades do departamento de Reparacións e da Fábrica de Turbinas. Indubidablemente debemos de respectar as incorporación previstas para operarios contempladas no plan, pero priorizando as anteriormente comentadas nos primeiros anos.

- Esixir dun xeito inmediato un Plan Industrial de Turbinas que recolla as liñas de negocio da Fábrica de Turbinas. É Fundamental formar operarios no manexo das grandes máquinas e Axuste, non podemos seguir rexeitando traballos pola falta de profesionais nestas áreas, tamén atención especial á post- venta, ó departamento comercial e a sa técnica.

- Veuse desta volta que o teletraballo é necesario e posible nestes tempos, pero hai que dotalo dun regulamento, tanto para desenrolar dentro da conciliación familiar e persoal como para situación de emerxencia coma esta.
- Nos vindeiros tempos teremos que facerlle fronte a subactividade como se fixo en múltiples ocasión, e esa ten que ser negociada coa RLT, con criterios obxectivos e temporais, onde a liña xeral sexa evitar compañeiros e compañeiras sen actividade.

- Reducir o máximo a subcontratación, deixando de ser absolutamente dependentes dunhas auxiliares non sempre competitivas. Dotarse de xeito inmediato dunha bolsa de traballadores e traballadoras eventuais que, independentemente das convocatorias de prazas indefinidas, eviten as subcontratacións en áreas que non deberían de ser externalizadas. Estes traballadores e traballadoras terían o paraugas da protección do noso convenio, da nosa formación, e estaríamos xerando un grupo amplo de profesionais de cara a construción de vindeiras obras.

- E necesario que tanto centros de Formación Profesional coma Universidade deixen de ser instrumentos de uso político e se convertan nunha parte do noso estaleiro donde se forme una simbiose que semella moi beneficiosa para ámbalas dúas partes.

Sen este mínimo de cuestións a solventar antes do fin do 2020, esta factoría estará abocada a un futuro moi incerto, non olvidemos que das nosas gradas saíron os mellores buques da armada (F-80, F-100, LHD Juan Carlos I, LPDs clase Galicia, Portavions Principe de Asturias, Buque de aprovisionamento Patiño...) 6 de Maio de 2020COMISIÓNS OBREIRAS quere facer un chamamento a responsabilidade social corporativa da nosa compañía, para que de una vez se mostre áxil e apegada as necesidades desta comarca, preparando o nosa centro para un reto tan importante coma a construción das fragatas F-110.

6 de Maio de 2020

Enviado por:
CCOO (FE)
-ccoo.fe@navantia.es-
6 de maio de 2020 16:47
_______

Enlaces relacionados

Unión Comarcal de Ferrol:
http://www.ccoo.gal/webgalicia/menu.do?O_teu_sindicato:Unions_Territoriais:Ferrol

SIndicato Nacional de CCOO de Galicia:
http://www.ccoo.gal/webgalicia/

Federación de Industria de CCOO:
http://www.industria.ccoo.es/Galicia

Confederación Sindical de Comisión Obreiras:
https://www.ccoo.es/

_________________________

Foto de Cesar Toimil. 02.07.2019

_______

Comunicado en referencia, da Sección Sindical de CCCOO Industria de Navantia Ferrol, ao Comité de Emerxencia do día de ontes no que se aprobou a reanudación paulatina da actividade en Navantia baixo o protocolo consensuado co Comité de Seguridade

COMUNICADO REUNIÓN COMITÉ DE EMERXENCIA 17 DE ABRIL

Dende a Sección Sindical de CC.OO de Navantia Ferrol queremos informar da reunión do comité de emerxencia de onte coa principal intención de que a cidadanía en xeral coñeza polo miúdo as decisións acordadas en dita reunión.

Dende fai varios días os Coordinadores de Seguridade e Saúde Laboral dos Comités de empresa tanto de Fene como de Ferrol traballaron intensamente co Departamento de Prevención da Ria de Ferrol para desenvolver un protocolo específico da Ría de Ferrol que garanta a seguridade e saúde dos traballadores e traballadoras, na volta ás actividades laborais previas ao período de cese total de actividade que sufriron os nosos centros de traballo dende o 30 de Marzo ate o 9 de Abril.

Tanto a Dirección coma os Representantes dos Traballadores/as marcamos dúas condicións para a volta as tarefas produtivas. As medidas preventivas serían consensuadas entre as dúas partes e garantirían o retorno seguro dos e das traballadoras. Hoxe podemos transmitir tranquilidade á clase traballadora co protocolo consensuado, entendemos que supera tódalas medidas preventivas sanitarias e define como e cando se van a explicar aos planteis, prevé as actuacións en caso de calquera imprevisto e ademais é un documento vivo, diariamente mellorarase coas medidas preventivas que tanto Dirección coma Delegad@s de Prevención e traballadoras e traballadores entendamos como positivas.

Debemos destacar que a adaptación do protocolo aos nosos centros de traballo foi ben visto e avalado por tódol@s delegad@s de prevención dos distintos sindicatos, malia que houbese logo distintas posicións sindicais para a aprobación dos traballos puntuais que comezarán este luns con 60 traballadores/as totais en cada quenda de empresas de electricidade.

CC.OO. quere transmitir que estará vixiante das condicións preventivas en todo momento, e esixirá o cese de calquera actividade no momento que se detecte algún risco. Entendemos que nesta situación non so é aconsellable, se non que é necesario a volta a actividade produtiva no sector de Industria, recuperando os planteis dos ERTEs, pero de forma paulatina, asimilando un número de traballadoras e traballadores que non supoña un risco, coa intención de aumentalo só cando haxa plena confianza , e coa firme convicción de que estamos preparados para aborda-la volta á actividade.

Ferrol a 18 de abril de 2020.

Sección Sindical de CCOO Industria de Navantia Ferrol

Enviado por:
CCOO (FE)
-ccoo.fe@navantia.es-
18 de abril de 2020 12:27
_______

Denuncian a irresponsabilidade das direccións de Navantia e Accióna ante a recuperación da actividade no estaleiro sen garantir a saúde dos traballadores e traballadoras

O COMITÉ DE EMPRESA DE ACCIONA ESIXE ÁS DIRECCIÓNS DE NAVANTIA A REACTIVAR O CONTRATO CON ACCIONA ENCARGADA DA LIMPEZA E DESINFECCIÓN DO ESTALEIRO

Así mesmo denunciamos que ACCIONA carece do obrigado protocolo de reactivación de actividade esixido polo Ministerio de Sanidade co fin de garantir a saúde de todos os seus traballadores e traballadoras, en especial dos T.E.S.

O Comité de Empresa de ACCIONA denunciamos a irresponsabilidade polo xeito de actuar por parte de NAVANTIA e ACCIONA nunha situación tan grave como a actual, onde se está reformulando a recuperación da actividade no estaleiro sen garantir a saúde dos traballadores e traballadoras. Non é comprensible que ante esta situación NAVANTIA manteña a suspensión do contrato á empresa ACCIONA, encargada da limpeza e desinfección do estaleiro, sendo esta función esencial para retomar a actividade industrial coas garantías obrigatorias para a saúde e seguridade de todas as persoas traballadoras usuarias das instalacións.

Tamén denunciamos que ACCIONA, ante esta situación, mantén un ERTE ao seu persoal e carece do obrigado protocolo de reactivación de actividade esixido polo Ministerio de Sanidade para adecuar a seguridade dos seus traballadores e traballadoras, especialmente dos T.E.S. (traballadores especialmente sensibles), vulnerando gravemente a este colectivo ao non ter en conta a súa situación de risco.

Ante este escenario, tamén denunciamos a actitude pasiva por parte da Xunta de Galicia á hora de non esixir, tando a NAVANTIA como a ACCIONA, o cumprimento e vixilancia de devanditos protocolos esixidos polo Ministerio de Sanidade, cuestión esta que, desde as distintas organizacións sindicais, lévaselle demandando, desde o inicio da crise.

Ferrol, a 15 de abril, de 2020

Roberto Villasuso Vázquez

Sec. Organización CCOO INDUSTRIA-FERROL

rvillasuso@industria.ccoo.es

Enviado por:
ROBERTO VILLASUSO VAZQUEZ
-rvillasuso@industria.ccoo.es-
15 de abril de 2020 14:47
______

Foto de Daniel Alexandre | Febreiro de 2014 | Protesta de traballadores de Acciona diante do edificio de dirección de Navantia Ferrol.
_______
Unión Comarcal de Ferrol:
http://www.ccoo.gal/webgalicia/menu.do?O_teu_sindicato:Unions_Territoriais:Ferrol

SIndicato Nacional de CCOO de Galicia:
http://www.ccoo.gal/webgalicia/

Federación de Industria de CCOO:
http://www.industria.ccoo.es/Galicia

Confederación Sindical de Comisión Obreiras:
https://www.ccoo.es/

Comunicado da Sección Sindical Intercentros de CCOO en Navantia sobre a proposta da empresa en canto as medidas para paliar esta situación derivada do COVID-19

COMUNICADO SECCIÓN SINDICAL INTERCENTROS CCOO EN NAVANTIA

O pasado mércores 25 de marzo tivo lugar unha reunión do Comité Intercentros onde a Dirección da nosa empresa e o representante máximo do accionista, presidente de SEPI, non foron capaces de transmitir ningún plan para que, na medida que a situación o permita, ir recuperando a actividade industrial e, xa que logo, actuar como motor de recuperación da economía como desexa toda a nación.

As medidas presentadas non son o que se espera dos profesionais que nos dirixen nin do representante máximo do accionista, os cales deberían defender os intereses xerais máis aló dunha conta de resultado referida a unha única compañía estatal, neste caso Navantia.

A proposta que suscitou a dirección estaba baseada en recortes aos traballadores sen ningunha medida de xestión que a acompañase. O recorte baseado exclusivamente na anulación de días de vacacións, na distribución irregular da xornada e de axuste de calendario carece de calquera tipo de empatía cara aos traballadores e traballadoras, mostrando que non se ten capacidade para xerar alternativa algunha para que o peso desta crise non sexa soportado exclusivamente polo persoal de Navantia e a súa Industria Auxiliar, e o que é máis duro, reflicte a súa clara intención de que a saída desta situación non sexa outra que por medio dos recortes laborais.

O rexeitamento ás medidas propostas pola empresa foi unánime por parte de todas as forzas sindicais presentes no Comité Intercentros. Para CCOO é momento de unidade, momento de buscar consensos e momento de resaltar o que nos une, porque pola contra, afondando nas diferenzas, tardaremos máis en superar esta crise e sairemos dunha forma máis inxusta. Estamos dispostos a buscar solucións que reduzan o impacto negativo deste parón industrial, os traballadores e traballadoras somos os máis interesados en que esta situación termine canto antes e da forma menos dramática para Navantia e, pola súa influencia, para as nosas comarcas, pero o que non imos asumir é que sexa a costa dos dereitos laborais.

Por todo o anterior, esperamos que a dirección reconduza a súa proposta cara a outra ben distinta, que presente alternativa onde protexa á nosa empresa desta crise respectando os dereitos dos traballadores e traballadoras, confeccione un plan detallado para retomar a actividade, garanta indubidabelmente a seguridade e saúde dos persoais e consiga recuperar o tempo perdido así como cumprir cos nosos clientes en todos os seus compromisos.

Estamos convencidos de que si todas as partes temos este fin, partindo do respecto mutuo, atoparemos o Norte pronto e sen necesidade de recortes laborais. Este é o exemplo que debemos dar como empresa pública, e estamos convencidos que é o que a sociedade espera de nós. Considerando á IIAA nas medidas que se adopten para paliar a crise, contribuiremos todos a un tempo mellor recuperación da nosa capacidade industrial naquelas comarcas onde Navantia está establecida de xeito particular e á capacidade industrial nacional de xeito xeral.

27 de Marzo, de 2020

Comunicado da Sección Sindical Intercentros de CCOO en Navantia


Foto da constitución da Sección Sindical Intercentros en decembro de 2019.

Enviado por:
CCOO (FE)
-ccoo.fe@navantia.es-
28 de março de 2020 13:07
_______

Elinco confirmara a súa intención de aplicar un ERE de extinción para o todo cadro de persoal e ir á liquidación da empresa - Os traballadores de Elinco vítimas da política de contratación de Navantia demandan a subrogación de todo o persoal

Os traballadores de Elinco vítimas da política de contratación de Navantia de manda n a subrogación de todos postos de traballo.


O persoal instálase nas oficinas de Elinco para esixir o pago dos salarios e información sobre o futuro da empresa. | Ferrol - 15 Xullo 2019 | A compañía perdeu un contrato con Navantia polas débedas que ten coa Seguridade Social.

O persoal de Elinco concéntrase diante do Concello de Narón en demanda de solucións. | Narón - 16 Xullo 2019 | A empresa debe os salarios de xuño e a paga extra, acaba de presentar un ERE de extinción e ten problemas financeiros.

A dirección de Elinco confirma a súa intención de aplicar un ERE de extinción e liquidar a empresa. | Ferrol - 18 Xul 2019 | O persoal volveuse concentrar hoxe diante de Navantia para esixir garantías do pago dos salarios.

Fonte: Avantar.
________

O BNG acompañou hoxe aos traballadores e traballadoras do naval na súa mobilización para reclamar carga de traballo - Iván Rivas, ao igual que Ramón Fernández ‘Mon’, insistiron na importancia de diversificar e apostar pola construción naval civil fronte á dependencia dos encargos militares

O BNG acompañou hoxe aos traballadores e traballadoras do naval na súa mobilización para reclamar carga de traballo

O Bloque Nacionalista Galego de Ferrol acompañou hoxe aos traballadores e traballadoras da industria principal e auxiliar na súa mobilización para reclamar carga de traballo para os asteleiros da comarca.

O BNG quixo poñer de relevo a hipocresía das diferentes organizacións estatais que avalan plans industriais que implican un novo proceso de restructuración e xustifican o confinamento da construción naval pública ao nicho do sector militar. Para O BNG a visita pantasma no día de hoxe do candidato de Podemos non é máis cunha proba disto.

O candidato á alcaldía de Ferrol, Iván Rivas e o candidato nº3 ao Congreso pola provincia da Coruña, Ramón Fernández ‘Mon’, compareceron ante os medios antes de partir coa manifestación até a ponte das Pías para denunciar o desprezo e as mentiras que leva soportando o naval ferrolán nas últimas décadas. “A falta de carga de traballo é unha condea que levamos padecendo ao longo dos 40 últimos anos, sometidos a engano tras engano, constante e permanente. O último ten que ver cun plan industrial que vai a provocar un novo proceso de reestruturación no principal sector produtivo da cidade”, indicou Iván Rivas.

Unha reestructuración inminente. Xa se están a producir amortizacións de postos de traballo. Xente que está a saír prexubilada que non volverá á empresa mentres non hai prevista ningunha nova incorporación aos centros de Ferrol e Fene. “Puxéronnos a cenoira das F110 diante pra xustificar o desmantelamento do estaleiros en Ferrol a través dun Plan Industrial que como mínimo supón unha reducción do 25% do plantel avalado polo actual Alcalde, o candidato do PP o Sr. Rey Varela e o candidato do PSOE, o Sr. Angel Mato”, sinalou o candidato nacionalista.

Desde o BNG lembran que os acordos asinados pola empresa implican unha reposición xenérica como máximo do 75% dos postos e por tanto a empresa incorporará ao persoal que precise onde teña carga de traballo. É decir, amortizaremos postos de traballo en Ferrol que se recuperarán no Sur co aval das organizacións políticas na cidade. “É intolerable que se nos viñese aquí a vender a idea de que había que construír unhas corvetas para Arabia Saudí porque había que darlle carga de traballo a uns esteleiros que están absolutamente parados e que demostra que Cádiz conta con tres alcaldes: o de Cádiz, o alcalde de Ferrol e o ex alcalde de Ferrol, o señor Rey Varela, que tamén nos veu aquí a contar que era fundamental contratar as corvetas para Cádiz e que aquí non vamos a ver nin en pintura”, sentenciou o voceiro do BNG.

Rivas, ao igual que Fernández ‘Mon’, insistiron na importancia de diversificar e apostar pola construción naval civil fronte á dependencia dos encargos militares. “Se isto non se asume como un obxectivo prioritario, a única saída que ten esta comarca é quedar confinada a un gueto coma a construción militar e a verse convertida nunha especie de taller de reparacións e ao servizo do Ministerio de Defensa”, apuntou Rivas. “Deberiamos tomar nota do que está acontecendo no resto de Europa e apostar pola innovación, a investigación e o desenvolvemento, para competir sen restricións de carácter político”, engadiu Ramón Fernández ‘Mon’. “A sociedade galega, a sociedade da comarca de Ferrol, debe tomar nota. Veñen aí as eleccións xerais e nós precisamos como auga de maio ter representación política no congreso dos deputados para pesar alí onde se toman as decisións”, sentenciou o candidato ao Congreso.

Ferrol, 25 de abril, 2019.

Coas Ideas Claras
http://ideasclaras.bng.gal/

Ferrol | Web | Facebook | Twitter.

#AgoraGaliza
#AgoraBNG

#Ferrol



Enviado por:
BNG Ferrol
-bngferrol@gmail.com-
25 de abril de 2019 14:59
_______________

CIG-Industria esixe a execución inmediata dos contratos das fragatas e insta a Navantia a traballar polo contrato con Barreras - Fai un chamado a organizacións sindicais e políticas para pedir, de maneira unánime, carga de traballo.

CIG-Industria esixe a execución inmediata dos contratos das fragatas e insta a Navantia a traballar polo contrato con Barreras. | Fai un chamado a organizacións sindicais e políticas para pedir, de maneira unánime, carga de traballo.

A CIG-Industria quere chamar a atención sobre a situación nos estaleiros da ría de Ferrol diante do anuncio do atraso da execución dos contratos das fragatas españolas, a perda dun posíbel contrato para a construción en Fene do casco dun ferrie e as consecuencias do Plan Estratéxico para Navantia, recentemente aprobado. Dende a central sindical faise un chamamento ás organizacións políticas, sindicais e sociais da comarca para que de maneira unánime se esixa carga de traballo inmediata para os estaleiros da ría.

A Ministra de Defensa informaba durante a botadura do BAM que a execución e formalización dos contratos para as fragatas F-110 se ían atrasar cando menos, até o mes de abril ou maio, incumpríndose así as promesas feitas polo propio Goberno español "o que suporá atrasar o inicio das obras até o ano 2021".

A consecuencia deste atraso, advirte a CIG-Industria, "durante ano e medio, no mellor dos casos, non haberá practicamente carga de traballo nos estaleiros", coa destrución de emprego que isto implica para as industrias auxiliares. Por iso, dende a central sindical demándase que de inmediato se execute o contrato das fragatas "e se comece a falar máis de adiantar prazos que de atrasalos. Temos que volver pór o foco de atención no verdadeiro problema do sector: os contratos e a carga de traballo", subliña Ramón Fernández.

Transcendencia do posíbel contrato con Barreras

Neste contexto, xera especial alarma unha noticia como a aparecida esta semana, sobre a posíbel perda dun contrato para construción co casco dun ferrie a causa de diferenzas entre a dirección de Barreras e a dirección de Navantia. Unha actitude que a CIG-Industria considera "lamentábel" tendo en conta o oportuno dun traballo destas características, tanto por tratarse de construción naval civil como polo feito de que o mercado de ferries é o que máis auxe está tendo a nivel internacional.

"Sería unha irresponsabilidade deixar escapar este contrato e, dada a súa transcendencia, a dirección de Navantia debe facer un esforzo para resolver as diferenzas que poidan existir con Barreras e que a posibilidade de que Fene constrúa o casco deste barco sexa unha realidade. E chamamos tamén a todas as organizacións sindicais para que se sumen a esta esixencia", apunta Fernández.

Neste senso, a CIG-Industria teme a que esta falta de entendemento entre direccións de empresas, responda en realidade a estratexia política contemplada no Plan Estratéxico de Navantia, que determina distintos niveis de especialización dos estaleiros,  e que mantén as instalacións de Fene como un simple taller auxiliar de Ferrol.

Necesidade de crear un Complexo Integral da Construción Naval

Fronte a esta visión, a CIG continúa a defender a necesidade de camiñar cara un Complexo Integral da Construción Naval na ría de Ferrol, que abranga a construción civil, militar, offshore e de reparacións e que funcione como unha unidade territorial autónoma, con representación da Xunta de Galiza, tanto no capital social como no Consello de Administración.

A CIG-Industria reitera o chamado á organizacións políticas, sindicais e comités para facer unha fronte común para esixir do Goberno a execución inmediata dos contratos das fragatas, reclamar a Navantia que pelexe polo contrato do ferrie e que se redobren esforzos na procura de carga de traballo que garanta o emprego na empresa principal e nas industrias auxiliares, "porque o naval segue a ser o principal e único motor económico desta comarca".

Asemblea de delegados e delegadas do naval
Precisamente, a CIG-Industria celebrou esta mañá unha asemblea de delegados e delegadas do naval para avaliar a situación do sector, analizar a situación laboral nas auxiliares e deseñar a accións sindical a desenvolver no camiño de esixir carga de traballo para os estaleiros.

Fonte Avantar. | 08.02.2019 | Ccreative Common by-nc-sa 2.5

_______________

O BNG pide que Navantía Ferrol evite o monocultivo militar e aposte tamén pola construción civil - Ana Pontón reclama a Feixóo que defenda ao sector: 'Que non veña de Miami con nova foguetería electoral como pasou con PEMEX' - Rivas denuncia a falta de apoio do concello ao naval de Ferrolterra, que contrapón co papel político do goberno local de Cádiz o seu estaleiro

Tivo lugar unha rolda de prensa do BNG este mércores, 6 de febreiro de 2019, en ferrol, coa presencia de Ana Pontón e Iván Rivas.

O BNG defende un sector naval con futuro en Ferrol e comarca, e para iso propón que se aproveite todo o potencial dos estaleiros de Navantia sen limitarse á actividade militar, senón apostando tamén polo mercado civil e de reparacións.

“Queremos un sector naval con futuro que non sexa dependente da construción militar porque sería irresponsable renunciar a todo o potencial do sector”, salientou a portavoz nacional, Ana Pontón, “noutras palabras, defendemos un naval que tamén aposte pola construción civil, polo desenvolvemento tecnolóxico e pola I+D+i”.

Para sacar adiante esta aposta de país só fai falta “vontade política”, como en Cádiz, que a día de hoxe ten carga de traballo civil. “Se é posible en Cádiz tamén ten que ser posible en Ferrol, e non imos aceptar vetos encubertos á capacidade produtiva deste país”, recalcou a dirixente do Bloque, “pero para iso a Xunta ten que implicarse e gobernar”.

Entre outras cuestións, Pontón instou ao presidente da Xunta a cumprir a Lei de Fomento do naval en vigor desde hai nove anos que, entre outras cuestións, incluía a participación do Goberno galego no consello de administración de Navantia “para poder participar na toma de decisións nun sector estratéxico”.

De feito, Pontón denunciou que está en risco a posibilidade de que se constrúa un ferry por encargo do estaleiro Barreras, que pretendía derivar a Ferrol unha parte da súa carga de traballo: “Parece que se queren poñer problemas para conseguir máis carga de traballo”. A isto súmase que tras o publicitado contrato das F-110, o inicio efectivo da construción se aprace ao 2021 e só cunha fragata. “Fainos temer que a carga de traballo sexa moi inferior a que se anunciou”, advirte.

A líder do Bloque denunciou o incumprimento sistematico con Ferrol, “como o famoso centro de reparacións prometido por Feixóo fai case unha década e do que nada se soubo”, síntoma do “desleixo” do Executivo do PP “que non quere aproveitar o potencial da construción naval en Galiza”.

“O que non é de recibo e que, de novo ás portas dun proceso electoral, veñan vendernos moito fume que veremos en que queda”, indicou en relación ás F-110, tras lembrar anteriores anuncios en véspera de citas coas urnas que quedaron en nada.

“Feixóo vendeunos o suposto contrato con PEMEX como a salvación do sector naval galego pero que quedou reducido á mínima expresión,e esperamos que agora que está de novo nas Américas non nos volva traer de Miami un novo contrato que acabe sendo foguetería electoral”, ironizou.

Pontón avanzou que o BNG vai levar ao Parlamento unha batería de iniciativas a favor do sector naval de Ferrolterra, como a creación dun centro tecnolóxico do sector naval, “capaz de establecer sinerxías entre empresas, administración e universidade”, e reclamar o cumprimento da Lei de fomento do naval.

Tomadura de pelo

Pola súa parte o portavoz municipal e candidato á Alcaldía, Iván Rivas, cualificou de “tomadura de pelo” o plan estratéxico de Navantía porque suporá unha menor actividade. Rivas dixo “sentir vergoña allea” polo papel xogado por responsables políticos das forzas estatais aplaudindo un plan que implicará un 25% de despedimentos e o incremento das subcontratacións.

Lonxe de potenciar o sector naval de Ferrolterra, “a pretensión é converter Navantia nunha mera marca”, denunciou, “xogan con esta cidade embaucando con ideas como a do estaleiro 4.0 e presentando un plan que consiste en botar traballadores á rúa”.

O portavoz municipal advertiu que o obxectivo é “desmantelar o principal sector produtivo da cidade”, a diferencia do que se está a facer noutras partes do Estado. Neste sentido, parabenizou ao sector naval gaditano “por ter do seu lado ao seu alcalde e ao goberno local”, nas antípodas do que sucede en Ferrol onde prima “a submisión dos responsables políticos das forzas estatais” ante unha nova reestruturación do naval.

Ferrol: Web | Facebook | Twitter.
Enviado por:
Inácio GZ
-inaciogz@gmail.com-
06 de janeiro de 2019 20:15
________________

André Abeledo pide ao Pleno a reprobación do ex-ministro Pedro Morenés ante a parálise dos contratos das fragatas 110 - O concelleiro fai fincapé no dano que a unha Comarca como a de Ferrolterra fixo a actuación do ex ministro do PP, tamén a Narón posto que nos nosos polígonos afincanse empresas dedicadas ao sector naval e vinculadas a NAVANTIA

ABELEDO PIDE AO PLENO A REPROBACIÓN DO EX MINISTRO PEDRO MORENÉS POLO ADIAMENTO E PARÁLISE DOS CONTRATOS DAS FRAGATAS F-110 PARA OS ESTALEIROS DE NAVANTIA

André Abeledo fai fincapé no dano que a unha Comarca como a de Ferrolterra fixo a actuación do ex ministro Morenés, tamén a Narón posto que nos nosos polígonos afincanse empresas dedicadas ao sector naval e vinculadas a NAVANTIA. Ademais moitos veciños e veciñas de Narón son traballadores e traballadoras que forman parte do plantel de NAVANTIA.

As ordes do goberno de Mariano Rajoy para contratar armamento á multinacional MBDA que Pedro Morenés presidiu en España (ata a súa entrada no goberno) adiou e paralizou a definición dun proxecto de 4 000 millóns de euros que garantía 10 anos de carga de traballo para o estaleiro da nosa comarca e que evitou a posta en marcha dun contrato para construír 5 fragatas no estaleiro de Navantia en Ferrol.

Esta situación causou 2 anos de adiamento do proxecto técnico, ademais de provocar un enfrontamento entre a Armada e a Dirección Xeral de Armamento controlada polo ministro, dada a oposición da primeira xa que mantiña criterios contrarios aos de instalar o armamento que solicitaba o executivo do Partido Popular.

Emporiso o Ministerio de Defensa (durante os gabinetes de Morenés e Cospedal) impulsou con carácter prioritario a implantación nesas cinco fragatas dos mísiles Sea Ceptor (non empregados nunca na Armada Española) que a compañía do ministro estaba tentando colocar no mercado internacional de Defensa, entre outros mercados en España.

A construción das Fragatas F-110 suporía un volume que daría carga de traballo aos estaleiros ferroláns durante alo menos unha década. Un contrato que asegura a xeración de 7.000 postos de traballo directos (1.300 empregos) e indirectos (2000 empregos) na comarca de Ferrolterra entre a empresa pública, auxiliares e subministradores (3.500 empregos).

Nunha Comarca que vive unha situación difícil cunha media desemprego por riba da media española e unha sangría demográfica que sufre dende a década dos 80 e 90, a decisión do goberno de PP cobra especial gravidade posto que supón dar prioridade aos “intereses empresariais e persoais” favorecendo a unha empresa vinculada co naquel momento titular da carteira de Defensa (e coa posterior xestión de María Dolores de Cospedal), por enriba dos intereses da veciñanza de toda a Comarca. Iso moi a pesares das declaracións do candidato regresado do futuro Rey Varela, que di “ven salvar Ferrol da parálise” e coa indiferenza por parte do presidente da Xunta, que di “non saber” e que tampouco atopa motivo para por en cuestión a xestión do anterior Ministerio de Defensa.

Pero esta situación non foi unha excepción nin un feito illado, do xeito de proceder do Ministerio de Defensa nos anos do goberno de Mariano Rajoy xa que foron adxudicados contratos por valor de 115 millóns de euros a empresas do grupo Segur Ibérica vinculadas ao ex- ministro Pedro Morenés, onde ocupou distintos postos de dirección. Dende o seu nomeamento como ministro o 4 de decembro de 2016 foron adxudicados directamente polo Ministerio de Defensa 21 dos 23 contratos polo procedemento negociado sen publicidade.

En resumo, estamos ante unha nova mostra do estilo de facer política do Partido Popular que busca o lucro propio que no caso das Fragatas causou un grave dano a toda a Comarca. O empeño en impoñer un armamento concreto (indo en contra dos criterios da Armada) para favorecer ao grupo de empresas vinculadas a Morenés deron lugar ao adiamento do proxecto técnico necesario para dar luz verde a construción das fragatas, danando de xeito lesivo un sector clave para a toda Comarca de Ferrolterra. CARGA DE TRABALLO, XA!

ACORDOS:

1. Condena enérxica do Pleno do Concello de Narón a xestión do Ministerio de Defensa e do ex- ministro Pedro Morenés.

2. Pedir a comparecencia do ex ministro Pedro Morenés no Congreso dos Deputados para explicar polo miúdo a paralización do proxecto técnico así como o motivo de ir en contra do criterio da Armada en canto a instalacións dos mísiles Sea Ceptor.

3. Instar ao Goberno Central a valorar a denuncia dos feitos anteditos ante a Fiscalía.

Grupo Municipal de EU NARÓN

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s. aaa


Enviado por:
Naron Esquerda Unida
-eu-naron@esquerdaunida.org-
20 de janeiro de 2019 19:58
____

CIG-Navantia advirte que nin o convenio nin o Plan Estratéxico cumpren as decisións da asemblea xeral - Demandan a votación por separado de ambos textos - Non existe unha aposta clara pola construción naval civil na Ría de Ferrol

CIG-Navantia advirte que nin o convenio nin o Plan Estratéxico cumpren as decisións da asemblea xeral. | Demandan a votación por separado de ambos textos.

A sección sindical da CIG en Navantia Ferrol advirte que tanto o convenio colectivo que vén de ser acordado como o Plan Estratéxico da empresa incumpren as decisións adoptadas pola asemblea xeral da traballadores/as. A representación da CIG demanda que a votación de ambos textos se realice por separado e non en conxunto, como pretende a empresa e están a promover CCOO e UGT.

Dende a sección sindical explican que pasado 4 de decembro déronse por rematadas as negociacións do I Convenio Colectivo Intercentros e do Plan Estratéxico de Navantia. A mesa do convenio pechouse tras 17 "maratonianas xornadas e tras un inesperado cambio de rumbo de CCOO, UGT e CSIF, que decidiron abrazar os parámetros iniciais da empresa para derrogar partes importantes do actual convenio colectivo".

Entre os dereitos en perigo co novo convenio, destacan o das asimilacións (concepto que garantía que ningún traballador/a permanecera máis de 8 anos no mesmo nivel salarial); o complemento vitalicio, que desaparece para as novas incorporacións; ou a definición dunha nova clasificación profesional que deixa no limbo a unha parte das compañeiras/os tituladas/os que poderían, na práctica, saír do convenio.

No texto tampouco se recollen os anexos das táboas salariais, que se acordarán unha vez estea asinado o convenio; e instálase unha dobre escala salarial, xa que, entre outros, elimínanse conceptos salariais para as novas incorporacións, como o de Polivalencia Básica e Dispoñibilidade Especial (que poden supor uns 2.400€ menos).

O Plan Estratéxico non recolle a taxa de reposición do 100%

No relativo á negociación do Plan Estratéxico aseguran que "simplemente non existiu". A sección sindical indica que se produciron cinco reunións, das cales, tres serviron para a exposición por parte da SEPI dos seus eixos básicos, unha cuarta para presentar as novas persoas responsábeis da SEPI e Navantia e a derradeira, convocada como trámite, para asinar a acta de finalización das negociacións.

Para a representación da CIG en Navantia Ferrol esta precipitación levou por diante algunhas das liñas vermellas da plataforma de negociación, como o feito de que non se recolla a taxa de reposición do 100%, que é unha "cuestión central da plataforma sindical para o Plan Estratéxico". Ademais, os novos ingresos non están cuantificados por factorías e dentro do 75% ao que fai referencia a acta de acordo inclúese persoal fixo e eventual.

Limítase tamén o incremento salarial e outras cuestións do novo convenio ao tomarse como referencia o acordo de 22 de marzo de 2018 para a “mellora do emprego público e as condicións de traballo”. O documento deixa lagoas na redacción das condicións coas que os traballadores/as abandonarán a empresa, non contemplando, por exemplo, que pasará coas asimilacións correspondentes. Neste liña, denuncian que se marcan dous procesos diferenciados entre quen abandone a empresa nos anos 2019/2020 e quen o faga no 2021/2022.

As inversións que precisan os estaleiros da Ría, en cuestión

Outra das eivas a destacar é que o texto acordado deixa fóra a área de negocio de Turbinas, a modernización das instalacións de Reparacións e limita a presenza de Navantia no sector das Enerxías Renovábeis. Ao tempo, non existe unha aposta clara pola construción naval civil na Ría de Ferrol.

No tocante á inversión prevista para a modernización dos centros de traballo, non se recolle cal sería o montante económico para os centros da Ría de Ferrol, con especial atención ao orzamento destinado ao novo Estaleiro 4.0. Tampouco se define un plano de capitalización da empresa "polo tanto segue en quebra técnica", alertan dende a sección sindical.

Por todo isto reiteran que "tanto o convenio como o plan incumpren as decisións da asemblea xeral", e reclaman que se voten por separado ambos documentos. Nesta liña critican que "CCOO e UGT están situando ao conxunto dos traballadores e traballadoras a mercé da chantaxe da empresa, promovendo a votación conxunta dos dous textos".

Ferrol, 10 Decembro 2018

Fonte: Avantar.

Enviado por:
Inácio GZ
-inaciogz@gmail.com-
121de dezembro de 2018 21:57
_______________