Amosando publicacións coa etiqueta TTIP. Amosar todas as publicacións
Amosando publicacións coa etiqueta TTIP. Amosar todas as publicacións

sábado, xullo 23, 2016

Denuncian a entrada na Ría, para Reganosa, dun novo gaseiro cargado con gas natural licuado procedente da fractura hidráulica (fracking) en Estados Unidos - De fondo o TTIP e a exclusión, por parte do Goberno español, do trámite de avaliación de impacto ambiental da planta de gas en Mugardos


Ás 4 da madrugada do venres 22 de Xullo, de 2016, entraba polo estreito, angosto e de pouco calado canle da ría de Ferrol, o metanero Sestao Knutsen, para a ilegal e perigosa planta regasificadora de Reganosa.

Como é habitual, sempre que entra un gaseiro na ría de Ferrol, o Comité Cidadán de Emerxencia convocou unha concentración en Ferrol, diante do Edificio Administrativo da Xunta de Galicia (Praza Amada Garcia), ante o especial da situación, era un buque gaseiro cargado con gas natural licuado procedente de fracturación Hidráulica (fracking) de Estados Unidos, relacionado co que se pretende co TTIP e a exención a Reganosa da avaliación de impacto ambiental, por parte do Goberno Español en funcións.

40 plataformas cidadás e organizacións denunciaron a chegada ao Estado Español do primeiro cargamento de gas de fracking estadounidense, e mostraron o seu apoio á convocatoria do CCE en Ferrol.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


https://youtu.be/IFgMkXmrNew


Relacionado:

Todo o publicado sobre a loita contra o despropósito gasista de Reganosa en Ártabra 21 (Desde hai 10 anos, 882 publicacións a 6 de Xullo de 2016).

___________

Enlace de interese:
Blogue sobre fractura hidráulica de Ecoloxistas en Acción.
http://fractura-hidraulica.blogspot.com.es/
_______________________

xoves, xullo 21, 2016

40 plataformas cidadás e organizacións denuncian a chegada ao estado español do primeiro cargamento de gas de fracking estadounidense, e mostran o seu apoio á convocatoria do CCE en Ferrol.


Tras a chegada do primeiro metanero con gas de fracking de EEUU a Portugal a principios da primavera [1], o próximo día 22 de xullo espérase a chegada dun segundo buque á Ría de Ferrol. Este acontecemento está cargado de simbolismo, na medida que representa o pistoletazo de saída á  importación masiva ás nosas costas de gas doutro lado do Atlántico. Segundo denuncian máis de 40 organizacións sociais e políticas [2], esta senda que iniciamos coa chegada do metanero Sestao Knutsen, impedirá de seguro o cumprimento dos xa exiguos e insuficientes obxectivos climáticos europeos, e avanza na dirección oposta ao espírito do Acordo de París.

O gas almacenarase na planta de Reganosa, que conta coa oposición veciñal desde o inicio da súa tramitación (a menos de 100 metros das vivendas). O Tribunal Supremo Español, declarouna ilegal en dúas sentencias e o goberno en funcións, acaba de renovarlle os permisos a base de eximila da avaliación de impacto ambiental.

Grazas ao pulo brindado por diversos gobernos, entre eles o español, en forma de atractivos marcos normativos e fiscais, a ameaza do fracking en Europa sigue vixente. A pesar dos abandonos por parte de diversas empresas, da oposición institucional crecente en forma de prohibicións ou moratorias, e a conseguinte redución no número de permisos solicitados ou concedidos, o fracking xa fixo unha tímida incursión no noso continente. En Polonia, fora do campo de interese das empresas a día de hoxe,  empregouse a fractura hidráulica nunha manchea de pozos. No Reino Unido o emprego da técnica en Lancashire semella inminente, despois de ter sorteado o goberno a vontade popular e municipal. No estado español, hai varios permisos en avanzado estado de tramitación, e aínda que o recente abandono por parte da empresa BNK dalgúns deles, viñeron nunha vitoria para o movemento de oposición ao fracking, a ameaza de ver os primeiros pozos perforados no estado sigue moi patente.

Porén, a maior e máis inminente ameaza de entrada do fracking no estado español e na Europa en xeral, está representada nas importacións de gas de fracking estadounidense en forma de Gas Natural Licuado (GNL). Ao calor das negociacións do Acordo Trasatlántico de Comercio e Inversión (TTIP) con EEUU, o país norteamericano levantou a finais de 2015 unha prohibición establecida desde 1975 ás exportacións de gas. En febreiro de 2016 EEUU exporta a Brasil o primeiro cargamento internacional de gas de lutitas en forma de GNL, pero Europa era un dos destinos claros a futuro destes cargamentos.

Este feito concrétase agora co anuncio da chegada do metanero Sestao Knusten ás costas galegas. O buque, que partiu da terminal de Sabine Pass no Golfo de México o día 1 de xullo, cargado con 135.000 metros cúbicos de GNL, ten prevista a súa chegada á Ría de Ferrol o 22 de Xullo ás 4 da mañá. Son varias as empresas europeas, entre elas as españolas Iberdrola, Gas Natural Fenosa, e Endesa, que teñen asinado contratos a vinte anos con empresas americanas para o subministro de gas. A Unión Europea embarcouse na promoción e construción de gasodutos e terminais para a importación de Gas Natural Licuado (GNL).

A aprobación por parte da Comisión Europea en febreiro pasado de varios documentos coñecidos como o "paquete de inverno" [3] supoñen unha aposta explícita polo gas, a pesar de que a demanda europea ven caendo nos últimos años. En particular, a "Estratexia europea para o Gas Natural Licuado e o Almacenamento de Gas" supón un auténtico empuxe á importación de gas natural, con recomendacións de inversións milmillonarias en infraestruturas de gasodutos e capacidade de almacenamento e regasificación. Capacidade na que o Estado español é punteiro en Europa, o que nos converte para o futuro, na máis que probable porta principal de entrada do GNL en Europa.

O movemento de resistencia contra o fracking ten entre os seus moitos acertos, o seu carácter global. O lema "Nin aquí nin en ningún sitio", repetido en varios idiomas, deixaba clara a solidariedade entre territorios máis tamén un rechazo implícito a continuar a aposta polo modelo fósil. Unha solidariedade compartida hoxe coa convocatoria realizada polo Comité Cidadán de Emerxencia para a Ría de Ferrol para mostrar a súa oposición ao fracking e a REGANOSA, ás 20:00 hs, fronte ao Edificio da Xunta de Galicia  (Praza Amada García – Ferrol).

Os movementos de oposición en Europa deben tomar conciencia de que esta máxima repetida en innumerables pancartas, implica oporse á chegada de barcos como o Sestao Knusten aos portos europeos. Estar hoxe contra o fracking en Europa, é estar contra a importación de GNL.

NOTAS
[1] http://www.wsj.com/articles/first-u-s-gas-shipment-en-route-to-europe-1461253153
[2] Organizacións firmantes:
Amigos de la Tierra
ATTAC ACORDEM Catalunea
ATTAC Alicante
ATTAC Aragón
ATTAC Castelló
ATTAC Euskal Herria
ATTAC Madrid
ATTAC País Valencià
ADEGA  Asociación para a Defensa Ecolóxica de Galiza
Baladre “Coordinación contra la precariedad, el empobrecimiento e la exclusión”.
CGT
Círculo de Podemos Aracena (Huelva)
Colla Ecologistas de Almassora
Comité Cidadán de Emerxencia para a Ría de Ferrol
Ecologistas en Acción
Engineeria Sense Fronteres
Entrepueblos
EQUO
Fracking No Merindades Norte de Burgos
Greenpeace España
Grupo de intercambios de la Sierra (Huelva)
Grupo Municipal Aracena Puede
Bloque Nacionalista Galego
Iniciativa per Catalunea Verds
Izquierda Unida

La campaña No al TTIP Comarques de Castelló
Lleida Social
l'Observatori do Deute en la Globalització (ODG)          
Marxa Mundial de Dones -Catalunea
Marea Blanca - Madrid
Mesa en Defensa de la Sanidad Pública de Madrid
Plataforma Antifracking Comarques de Castelló
Plataforma Asturiana contra el fracking
Plataforma cuidadana Zaragoza sin fractura
Plataforma Euskal Herria TTIP EZ
Plataforma Huelva en Marcha contra el TTIP
Plataforma NoalTTIP de Parla
Plataforma Serrana descubriendo al TTIP (Huelva)
Plataforna Antifracking do Norte de Burgos
Procés Constituent
Veterinarios sin Fronteras - Justicia Alimentaria Global
[3] Análisis do “paquete de invierno” de la Unión Europea sobre suministro de gas: http://www.tierra.org/wp-content/uploads/2016/07/paquete_invierno_gas.pdf

---
PARTICIPA NA
CONCENTRACIÓN SONORA
O VENRES 22 DE XULLO
ÁS 8 DA TARDE
NA PRAZA AMADA GARCIA
DIANTE DO EDIFICIO ADMINISTRATIVO
DA XUNTA DE GALICIA



Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Relacionado:

Todo o publicado sobre a loita contra o despropósito gasista de Reganosa en Ártabra 21 (Desde hai 10 anos, 882 publicacións a 6 de Xullo de 2016).

___________

Enlace de interese:
Blogue sobre fractura hidráulica de Ecoloxistas en Acción.
http://fractura-hidraulica.blogspot.com.es/
_______________________

Reganosa recibe o primeiro gaseiro cargado con gas procedente do fracking. C.C.E. convoca concentración.


Días despois de que o goberno en funcións, sorteara as dúas sentenzas do Tribunal Supremo, eximindo a Reganosa de presentar declaración de impacto ambiental, e tramitando pola vía de urxencia dúas novas autorizacións para a regasificadora, Reganosa recibe o primeiro gaseiro de EEUU, cargado con gas extraído coa técnica do fracking. Trátase dun modelo moi contaminante, que ten un movemento opositor importante en EEUU, onde distintas comunidades ven violentado o seu territorio e contaminados os seus acuiferos, polo que a ameaza contra a vida é extrema.

O gaseiro Sestao Knutsen, construido en Sestao no 2007, de bandeira española, saíu desde a Terminal de Sabine Pass en EEUU. A exportación de hidrocarburos levaba prohibida en EEUU desde 1975 e recentemente o Congreso levantou esa prohibición. Este ano o primeiro cargamento de gas de fracking saiu de Texas con destino a Brasil, agora tócalle a Europa e o estado español, cunha alta capacidade de regasificación, colocase como porta de entrada dos excedentes gasisticos de EEUU. Empresas españolas (Iberdrola, Gas Natural, Endesa) asinaron contratos con Cheniere para importar este combustible.
Cumpre entender neste marco de negócio, as actuacións ilegais do goberno en funcións  saltándose as decisións, via tramitación de urxencia, das sentenzas do Tribunal Supremo?

O Comité Cidadá de Emerxencia para a Ría de Ferrol, convoca para mañá venres 22 de xullo ás 20hs, concentración de denuncia e repulsa pola entrada dun novo gaseiro ilegal e que ademais ven cargado cun gas denunciado polos movementos ecoloxistas internacionais, como altamente perigoso, contaminante e potenciador do cambio climático. Desde Ártabra 21 consideramos importante apoiar e secundar esta convocatoria.
___________________

mércores, xuño 22, 2016

Lídia Senra acusa a Arias Cañete de non concretar o plan de horizonte 2030 previsto para reducir as emisións contaminantes - A eurodeputada galega defende na Comisión de Agricultura a produción ecolóxica e o comercio local fronte ao TTIP e CETA


Lídia Senra acusa a Arias Cañete de non concretar o plan de horizonte 2030 previsto para reducir as emisións contaminantes. | Arias Cañete non concreta o plan de horizonte 2030 previsto para reducir as emisións contaminantes. | O comisario elude contestar a Lídia Senra sobre cal será o papel da agroecoloxía e circuitos curtos de comercialización na estratexia da UE. | A eurodeputada de AGEe defende na Comisión de Agricultura a produción ecolóxica e o comercio local fronte ao TTIP e CETA.


O comisario de Acción polo Clima e Enerxía da Unión Europea e ex ministro de Agricultura do Estado Español, Miguel Arias Cañete (Partido Popular), compareceu este martes na Comision de Agricultura e Desenvolvemento Rural do Parlamento Europeo, celebrada en Bruxelas, para non aclarar nin concretar “absolutamente nada” ao respecto do informe no que está traballando a Comisión, que pretende presentar este verán, e que fixará osobxectivos de redución de emisións de gases de efecto invernadoiro para 2030 nos sectores nos que non se aplica o Réxime Comunitario de Comercio de Dereitos de Emisión (RCCDE) -sector agrario, sector do transporte rodado e edificación. Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), acusou a Arias Cañete de “limitarse a dicir xeneralidades” e de non aclarar que medidas se van poñer en marcha para reducir as emisións.

Tendo claro que o sector agrario pode contribuir dunha forma moi importante na redución de emisións, gustaríame saber que papel se lle vai dar nos obxectivos cara ao 2030 á agroecoloxía e ao comercio de proximidade dos alimentos; e tamén, concretamente, como pensan reducir o comercio de alimentos básicos arredor do mundo provocado polos acordos comerciais vixentes e polos que están en negociación”, en referencia ao CETA e ao TTIP, dixo Lídia Senra directamente ao comezo da súa intervención na Comisión hoxe pola mañá en Bruxelas.

A eurodeputada de AGEe intentou que se puxeran enriba da mesa vías de solución concretas para a redución de emisións contaminantes no ámbito agrario e preguntoulle tamén a Cañete, “tendo en conta que outra fonte importante de emisións son as importacións da alimentación animal, que pensa facer para potenciar a produción desta alimentación animal en Europa”, e poñer límite ás continuas importacións.

Na súa intervención, Senra tamén fixo referencia a que no ano 2014, o 45% do aceite de palma usado en Europa foi destinado para combustibles. No Estado Español, o 70% do chamado "biodiesel" fabricouse a partir do aceite de palma que xera tres veces máis emisións que o diesel convencional. “Que pensan facer con respecto a este problema concretamente, para reducir emisións no transporte?”, preguntou a eurodeputada.

Sen embargo, ningunha destas preguntas foron respondidas por Cañete na súa comparecencia de hoxe, unha comparecencia que, ademais, a pesar de que estaba anunciado que se retransmitiría en directo por vídeo, non puido ser seguida como normalmente se pode facer a través da web do Parlamento Europeo. Ante tal situación, Lídia Senra realizará novamente estas preguntas, pero desta volta farao por escrito, dentro do cupo de cinco preguntas mensuais que a eurodeputada pode realizar por escrito á Comisión Europea, co obxectivo de que, desta maneira si lle teñan que contestar e non poida eludir as preguntas.

Lídia Senra quixo onte volver amosar unha vez máis as súas dúbidas sobre os intereses que pode haber detrás das decisións que adopta Arias Cañete en calquera dos ámbitos nos que traballa. Como xa denunciara hai meses, a eurodeputada repetiu: “Que a ninguén se lle escape que o Comisario de Enerxía da UE é un individuo que mantén intereses directos en empresas petrolíferas", o cal fai dubidar de se Arias Cañete está a funcionar máis como un lobbista que coma un Comisario, "tendo sido moi polémico dende o inicio o seu nomeamento ao incorrer en serios conflictos de intereses". Logo están tamén as recentes informacións que o relacionan co branqueo de cartos denunciado nos Papeis de Panamá. "Se un individuo coma este é o responsábel europeo de enerxía, xa podemos imaxinar por onde poden ir as propostas da UE....", advertiu a eurodeputada galega.

Arias Cañete está citado a comparecer ante a Comisión de Asuntos Xurídicos do Parlamento Europeo o próximo 12 de xullo. Nesa ocasión farao a porta pechada, a pesar da oposición do GUE/NGL, que demandou que se fixera de forma pública. O comisario deberá dar explicacións ese día sobre as relacións co chamado caso Acuamed, que afecta ao período no que foi ministro de Agricultura no Estado español. A Comisión reclamou a súa comparecencia tras saír á luz as investigacións da Audiencia Nacional sobre adxudicacións fraudulentas por parte da empresa estatal español Acuamed, que ten recibido fondos europeos. Nesas adxudicacións teríanse constatado algunhas irregularidades como a falsificación de certificacións e liquidacións, co obxectivo de aumentar significativamente as cantidades que cobraron as adxudicatarias. Varias testemuñas implican a Arias Cañete nun suposto acordo para autorizar estas prácticas. Ademais, Acuamed podería ter incorrido nun delito ecolóxico, chegando incluso ao envelenamento masivo nas augas do río Ebro no seu treito final.

Se Arias Cañete foi capaz de realizar este tipo de manobras cando era ministro de Agricultura, que non seguirá facendo agora”, dixo Lídia Senra, para quen a fiabilidade dun home de semellante perfil agora á fronte das políticas de Enerxía e Acción polo Clima da Unión Europea debe ser nula. Por iso, a eurodeputada de AGEe alertou sobre a necesidade de ser vixilantes e facer seguimento continuo neste ámbito.

Bruxelas, a 21 de xuño de 2016.
-->>

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:
Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu
Alternativa Galega de Esquerdas en Europa - Oficina en Galiza:
age.europa.galiza@gmail.com
Xornal dixital de AGEe:
http://ageuropa.gal/

   


Enviado por:
AGE Europa - Galiza
-age.europa.galiza@gmail.com-
21 de junho de 2016 16:12

______________

xoves, abril 07, 2016

Digo alto e claro: Non ao Tratado de Libre Comercio entre EEUU e a UE, ... Por Celso Posada Fernández

Por Celso Posada Fernández [*]
07.04.2016


O Tratado de Libre Comercio (TTIP) entre EEUU e a UE e un tratado profundamente neoliberal, antidemocrático, antisocial, nefasto, lesivo e austericida, é un golpe de estado das grandes multinacionais e transnacionais americanas contra a democracia, contra os servizos públicos, contra a clase traballadora e contra o medio ambiente, contra os dereitos sociais e busca incrementar as ganancias, os beneficios e os privilexios destas grandes transnacionais e multinacionais americanas, privatizando e recortando salvaxemente os servizos públicos, o ensino e a sanidade públicas.

É fundamental que a cidadanía, os movementos sociais, os partidos de esquerdas, os sindicatos de clase, ... fagamos pedagoxía política explicando en que prexudicará este neoliberal e nefasto Tratado as nosas vidas e nos sigamos mobilizándo contra o TTIP, que unicamente traerá paro, pobreza, represión, precariedade laboral, recortes, privatizacións, contaminación salvaxe do medio ambiente, secuestro das democracias, ... Digo alto e claro: NON o Tratado de Libre Comercio (TTIP), e SI aos dereitos sociais, á democracia e aos servizos públicos.

[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e Secretario de Ensino e de Cultura da Executiva Federal; integrante da Plataforma Somos Esquerda. Diplomado en Maxisterio de Educación Primaria pola Universidade da Coruña e Monitor de Tempo Libre. Foi membro do PSOE, candidato a liderar o partido a nivel provincial, até formou parte da súa Executiva Comarcal da que dimitiu. A situación socioeconómica e política, e a súa participación activa nos movementos sociais, levou-no a abandonar o PSOE e colaborar na refundación dun novo partido socialista e republicano. É membro de STOP-Desafiuzamentos da Rede de Apoio Mutuo de Ferrolterra, da Asociación de Mobilidade Humana para a Colaboración e o Desenvolvemento (de apoio ás persoas inmigrantes e refuxiadas) e participa nas Marchas da Dignidade e na Plataforma Cidadá de Ferrolterra contra o TTIP. Está no facebook e un blogue persoal.

Enviado por:
celso posada
-celsoposada2006@hotmail.com-
5 de abril de 2016 18:41
___________

martes, xaneiro 26, 2016

Charla - Debate sobre o Tratado Trasántlantico de Comercio e Investimentos (TTIP) , coa eurodeputada Lídia Senra e Xosé Ramón Cendán, dirixente do Sindicato Labrego Galego, este Venres 29 de Xaneiro


Charla - Debate sobre o Tratado Trasántlantico de Comercio e Investimentos (TTIP).


Cómo afecta os acordos do Tratado Trasantlántico de Comercio e Investimentos (TTIP) ao noso futuro agrícola, gandeiro, á calidade da nosa alimentación, aos noso dereitos laborais, a nosa saúde, etc ...?

Que contará coa presenza de:

Lídia Senra, membro do Parlamento Europeo en Estrasburgo.

Xosé Ramón Cendán, dirixente do Sindicato Labrego Galego.

E que terá lugar o vindeiro Venres, día 29 de Xaneiro, de 2016, ás 20:00 horas.

Local social da Veiga, Narahío
.
Evento no facebook:
https://www.facebook.com/events/584053778414958/

Asociación Veciñal "O Castelo" de Narahío (San Sadurniño).

Correio-e:
ocastelonarahio@gmail.com

Conta no Facebook:
https://www.facebook.com/ocastelodenarahio/


QUE É O TRATADO TRANSATLÁTICO DE COMERCIO E INVESTIMENTO -TTIP?


O Tratado Transatlántico de Comercio e Investimento é un extenso tratado sobre o libre comercio que se está negociando en secreto entre a Unión Europea e os Estado Unidos dende o 2013. O obxectivo é levar acabo conversas o máis rápido posible e sen que os detalles cheguen á opinión pública, coa esperanza de poder cerrar as negociacións antes de que a cidadanía de Europa e os Estado Unidos descubran o que a amenza real de este tratado.

Como xa recoñeceron, tantos os funcionarios Europeos como os de Estados Unidos, o obxectivo principal de este tratado non é estimular o comercio eliminando os impostos que se cobran sobre as importacións, xa que estes son tan baixos que que xa non se poden reducir mais. O principal fin é como eles mesmos recoñeceron é eliminar as “barreiras” reguladoras que limitan os beneficios potenciais das corporacións transnacionais a os dos lados del Atlántico. Agora ben, estas “barreiras” son en realidade algunhas das nosas normativas mais prezadas en materia de dereitos sociais e medio ambiente, como os dereitos laborais, as normas de seguridade alimentaria (incluidas as restricións a os OGM), as regulacións sobre o uso de substancias químicas tóxicas, as leis de protección da privacidade en internet e incluso as novas garantías no ámbito bancario introducidas para previr outra crises financeira como la de 2008. Noutras palabras, non podería haber mais en xogo.

Ademais o seu programa desregulador, o tratado tamén anhela crear novos mercados abrindo o sector dos servizos públicos e a contratación pública a empresas transnacionais, o que ameaza con provocar novas olas de privatizacións en sectores clave como la sanidade ou a educación.

O Castelo de Narahío
18 de Xaneiro de 2016

Información baseada na enviada pola:
A.A.V.V. Narahío O Castelo
-ocastelonarahio@gmail.com-
23 de janeiro de 2016 19:56

_________

mércores, xaneiro 20, 2016

Lídia Senra: "O Mercado Único Dixital desprazará inda máis ao comercio local e eliminará postos de traballo", a eurodeputada galega adverte de que a UE está a impulsar o Digital Single Market como "unha das pezas clave para avanzar na negociación do TTIP"


Lídia Senra: "O Mercado Único Dixital desprazará inda máis ao comercio local e eliminará postos de traballo". | AGEe critica que a UE adique os seus esforzos a fomentar o consumismo e modelos comerciais que expulsan ás traballadoras/es. | Senra adverte de que a UE está a impulsar o Mercado Único Dixital como "unha das pezas clave para avanzar na negociación do TTIP".


Dende onte e até o vindeiro xoves 21 de xaneiro o Parlamento Europeo desenvolve sesión plenaria en Estrasburgo [ORDE DO DÍA DO PLENO]. Entre os debates celebrados durante o día de hoxe, a eurodeputada de Alternativa Galega de Esquerda en Europa (AGEe), Lídia Senra, quixo subliñar a importancia da discusión desenvolvida arredor da proposta da Comisión Europea de concretar o Mercado Único Dixital [RESOLUCIÓN].

Nunha estratexia económica que nos remite ao incremento do consumismo e á preponderancia da economía financeira sobre a real, a Comisión Europea estableceu como un dos obxectivos principais desta lexislatura deseñar un espazo comercial, "que consiste fundamentalmente en eliminar as barreiras ás transaccións efectuadas en liña", é dicir, o Mercado Único Dixital.

"O mercado dixital único significa o expoñente máximo da liberalización comercial intracomunitaria aumentando inda máis a deslocalización produtiva", advertiu a eurodeputada de AGEe. Aliás, dar pulo a esta proposta cando inda non está garantida a neutralidade na rede, non se están facendo apenas esforzos dende a UE por fomentar o software libre e adoecendo dunha fenda dixital enorme dentro dos Estados e entre os países membro, "revela que este mercado é unha proposta de negocio feita á medida para os grandes capitais; pensando nas grandes transnacionais e nas empresas, non nas persoas ou nas PEMES", analizou en alusión á falta de proporcionalidade da que adoece dende o seu nacemento a proposta do Mercado Único Dixital.

"Se a día de hoxe a Unión Europea non só non foi quen de establecer unhas regras de mercado xustas no mundo real, senón que é un dos principais axentes impulsores da liberalización salvaxe, que cabe agardar dun Mercado Único Dixital que xa de entrada está a ser deseñado por grandes poderes económicos, algúns dos cales están xa organizados como lobby para defender os seus propios intereses?", cuestionou Lídia Senra.

Xa dende o seu inicio, o prantexamento deste espazo comercial non está a resultar integrador con respecto a opcións actuais de importante valor social, como o pequeno comercio ou os mercados locais, "nesta proposta fálase mesmo de establecer redes de puntos de recollida para a paquetería transfronteiriza; onde queda neste esquema o pequeno comercio? Por que deberiamos establecer redes de recollida en vez de manter a compra a través dos comercios físicos e, sobre todo, do comercio local?". "É máis", abondou a eurodeputada, "onde ficou a preocupación da UE pola emisión de gases de efecto invernadoiro derivados do irracional e masivo transporte de mercadorías actual?".

Xusto nos mesmos días nos que o Foro de Davos está a presentar un estudo no que prevé a perda de alomenos 7 millóns de postos de traballo nos vindeiros cinco anos, fundamentalmente debido á dixitalización e robotización da produción e do comercio, "A UE prefire seguir encamiñando os seus esforzos a fomentar o consumismo e a crear novos escenarios comerciais, o menos regulados posíbel, onde operar transaccións económicas". "Ademais, atrévense a argumentar que creará postos de traballo, obviando por completo que son moitísimos máis os que eliminaría", reprochou Senra.

Aliás, xorden tamén moitas dúbidas ao respecto das condicións de traballo que se darían neste espazo produtivo, xa que a proposta da Comisión mantén presente a necesidade da "competitividade" neste eido comercial, é dicir, empregar o dumping social e medioambiental para que o produto final teña un valor asequíbel. Até o momento, o exemplo paradigmático deste tipo de comercio é o xigante da venda por internet, Amazon, que é tamén un xigante da explotación laboral.

Para Senra, "non é casual que a UE estea a dar pulo a esta proposta comercial xusto cando está a negociar o TTIP cos Estados Unidos e ten o CETA negociado con Canadá[1]; é unha das pezas clave". "Todo o que signifique homologar a lexislación comercial dos Estados membro facilita a cacarexada 'armonización' á baixa que pretenden establecer entre as partes negociadoras", sinalou a eurodeputada.

Finalmente, advertiu Lídia Senra, "resulta tamén preocupante que se presente como un dos principais obxectivos deste mercado dixital a construción dunha 'economía de datos' vinculada ao sector das enerxías, servizos financieiros, e mesmo a saúde, fundamentándoa na connivencia público-privada".

Estrasburgo, 19 Xaneiro 2016.

[1] Os servizos de telecomunicacións e o comercio electrónico son capítulos do texto consolidado no acordo con Canadá (CETA), están sendo abordados nas negociacións do acordo cos Estados Unidos (TTIP) e figuran entre os puntos que potencialmente poden ser incluídos no acordo multilateral de comercio en servizos (TiSA). Máis información: http://trade.ec.europa.eu/doclib/press/index.cfm?id=1230.

Máis información:
Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL) | lidia.senra@europarl.europa.eu | http://ageuropa.gal/ | https://www.facebook.com/LidiaSenraRodriguez.



Enviado:
SENRA RODRÍGUEZ Lidia OFFICE
-lidia.senra-office@europarl.europa.eu-
19 de janeiro de 2016 17:35
____________

xoves, decembro 10, 2015

A laxitude na regulamentación sobre organismos transxénicos na Unión Europea, unha esixencia dos EEUU para asinar o ACTI/TTIP - Dí Lídia Senra que "a Comisión Europea está a valorar unha estratexia para eludir os controis anti OXM's na UE" - Moi interesantes vídeos


Dí Lídia Senra que "a Comisión Europea  está a valorar unha estratexia para eludir os controis anti OXM's na UE". | A CE analiza a interpretación xurídica dalgunhas "Novas Técnicas de Reprodución" para valorar a posibilidade de excluílas da lexislación sobre OXM's. | A laxitude na regulamentación sobre organismos transxénicos na Unión Europea, unha esixencia dos EEUU para asinar o ACTI/TTIP.


Na última sesión da Comisión de Agricultura do Parlamento Europeo presentouse a través dunha audiencia de "expertos" a posibilidade de que algunhas das  Novas Técnicas de Reprodución (NTR) de alimentos nas que a Comisión Europea está traballando [1], podan ser consideradas NTR e non OXM [2] dende o punto de vista xurídico e, polo tanto, non ter que ser sometidas a unha regulación que se percibe máis esixente.

Trátase, polo tanto,  da interpretación dun texto xa existente, a Directiva Europea 2001/18/EC, polo que, segundo explicou a representante da Dirección Xeral para a Saúde e a Seguridade Alimentaria, a Comisión non terá que abrir ningún proceso de codecisión canda o Parlamento, ao non haber nova normativa. A Comisión prevé convocar "un grupo de expertos, ó Parlamento e ás partes interesadas" en  febreiro do vindeiro ano.

"O movemento labrego internacional leva xa máis de vinte anos funcionando colectivamente, e non é a primeira vez que vemos como pretenden presentarnos a alimentación transxénica como se non o fora, ou poñer trabas á súa identificación", lembrou a eurodeputada de Alternativa Galega de Esquerda en Europa (AGEe) e titular na Comisión de Agricultura para o Grupo da Esquerda Verde Nórdica-Esquerda Unitaria Europea (GUE/NGL), Lídia Senra. "Non podemos permitir que nos poñan organismos xeneticamente modificados nos nosos pratos sen nin sequera respectar o noso dereito a sabelo e a poder elixir", argumenta a eurodeputada galega.

De avanzar esta estratexia impulsada polo lobby pro OXM's [3] e algúns Estados membro [4] , "se xuridicamente non se considera como transxénico un organismo modificado xeneticamente, este pode pasar a ser producido, distribuído, empregado e/ou consumido na Unión Europea sen verse sometido ao control da lexislación comunitaria", moito máis estrita que noutros territorios como, por exemplo, os EEUU.

E é precisamente esta falta de similitude entre EEUU e a UE na regulación dun aspecto tan sensíbel como o dos OXM's, o que está a supor un dos puntos problemáticos na negociación de tratados de libre comercio como o TTIP (Transatlantic Trade and Investment Partnership/Asociación Transatlántica de Comercio e Inversión), polo que Lídia Senra non desbota "a posibilidade de que precisamente a Comisión Europea estea a tantear a opción de rebaixar os controis sobre transxénicos para facilitar as negociacións e posterior aprobación deste tratado".

Por outra banda, a intención da Comisión de avanzar nunha alimentación deseñada polas grandes corporacións en substitución da propia Natureza, avogando polo desenvolvemento de novas técnicas de produción de alimentos en lugar de apoiar a agricultura labrega, "ten ademais o interese engadido de ampliar o mercado de patentes cas que se enriquecen as grandes multinacionais da alimentación; en detrimento do campesiñado, do intercambio de sementes e do traballo e a loita por desenvolvermos unha agricultura agroecolóxica que proporcione elementos sans e de calidade á poboación, avanzando ao mesmo tempo cara a consecución da soberanía alimentaria para os pobos, que é o único xeito de non estar sometidas ás corporacións internacionais para poder comer", sentenciou a eurodeputada galega.

Bruxelas, 9 de Decembro, de 2015.

Audiencia da Comisión de Agricultura: Novas Técnicas para o Fitomelloramento

Anexos da nova:

INTERVENCIÓN LÍDIA SENRA
https://www.youtube.com/watch?v=FHq7seGCqc4

INTERVENCIÓNS
Comisión Europea
https://www.youtube.com/watch?v=ihI7VOgqPyQ
e https://www.youtube.com/watch?v=e8YheZi1-xM

ENLACE Á SESIÓN COMPLETA
http://www.europarl.europa.eu/ep-live/pt/committees/video?event=20151201-1500-COMMITTEE-AGRI

Notas.-

[1] Máis coñecidas polas súas siglas en inglés NBT, New Breeding Techniques, son obxecto de estudio da Comisión Europea dende o ano 2007, no que se constitúe un grupo de traballo específico "para avaliar se unha serie de novas técnicas de cultivo poderían caer ou non dentro do ámbito de lexislación sobre organismos xeneticamente modificados: http://ec.europa.eu/food/plant/gmo/legislation/plant_breeding/index_en.htm

[2] Baséanse nunha interpretación particular da Directiva Europea 2001/18/EC, segundo a cal, dende o punto de vista do lobby das NTR, estas novas técnicas ben poderían ter sido desenvolvidas pola propia Natureza, inda que nunca teña sucedido nin haxa previsión de que suceda.

[3] Un dos principais responsabeis de impulsar esta revisión da interpretación lexislativa por parte da Comisión Europea é o lobby pro transxénicos albergado na NBT Platform, con sede en Bruxelas. Este grupo de presión recoñece que o seu principal obxectivo é conseguir que as NTR non sexan rexidas por leis sobre transxénicos, especificando a folla de ruta da súa interesada incidencia político-económica nos seus documentos. O presidente deste grupo de presión, Edwin Hecker, foi uns dos encarregados de trasladar a súa análise nesta  audiencia realizada pola Comisión de Agricultura do Parlamento Europeo.

[4] A Comisión apunta que a dúbida de se as NTR deben ser consideradas baixo a lexislación aplicada aos organismos xeneticamente modificados xurdiu a raíz das consultas dalgúns dos Estados membro no ano 2007: http://www.euractiv.com/sections/innovation-feeding-world/new-plant-breeding-techniques-innovation-breakthrough-or-gmos

Máis información:
Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL) | lidia.senra@europarl.europa.eu | http://ageuropa.gal/ | https://www.facebook.com/LidiaSenraRodriguez.


Enviado por:
SENRA RODRÍGUEZ Lidia OFFICE

-lidia.senra-office@europarl.europa.eu-
2 de dezembro de 2015 17:00
__________

mércores, outubro 21, 2015

"Os documentos secretos da sala de lectura do TTIP non mostran o que en realidade se negocia", di Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)


A eurodeputada de AGEe accedeu esta mañá á sala de lectura do TTIP no PE para revisar documentos relativos a agricultura e alimentación | Alerta da estratexia combinada de tratados de liberalización comercial en conxunción ca reactivación da Organización Mundial do Comercio | "Os documentos secretos da sala de lectura do TTIP non mostran o que en realidade se negocia" di Lidia Senra


A eurodeputada de Alternativa Galega de Esquerda en Europa (AGEe), Lídia Senra, accedeu esta mañá por segunda vez [1] á sala de documentación confidencial da Asociación Transatlántica de Comercio e Inversión (ACTI), tratado de liberalización comercial máis coñecido pola súas siglas en inglés, TTIP (Transatlantic Trade and Investment Partnership).

En consonancia ca sensación desprendida da primeira consulta, realizada o pasado mes de xuño, a selección de documentos a disposición das eurodeputadas/os  "pon de manifesto que realmente as cousas importantes non están nesta sala", valorou a eurodeputada galega. A grandes rasgos, podemos concluír que a documentación revisada hoxe "non permite saber exactamente en que punto están as negociacións e que se está a debater en materia de agricultura", constituíndo "unha mostra máis das graves eivas en materia de democracia das que adoece esta Unión Europea".

A eurodeputada galega apuntou a posibilidade de que este pronunciado escurantismo na documentación referida a agricultura se deba precisamente a que "hai moito en xogo: a alimentación, o principio de precaución, os postos de traballo directos e indirectos e, en definitiva, todo o que conleva a actividade agraria a nivel da UE e dos EEUU".

En relación ao avance das políticas de liberalización comercial e a destrución de políticas públicas en eidos como o agrícola, Lídia Senra aproveitou tamén para destacar a "fonda preocupación" en canto ao feito de que se estean a retomar as negociacións de acordos de liberalización comercial no marco da Organización Mundial do Comercio (OMC), como así confirman a propia OMC e o Parlamento Europeo.

Estas negociacións ficaron practicamente paradas no ano 2006, logo de fortísimas mobilizacións por parte dos movementos sociais, entre os que cabe salientar o movemento agrario global La Vía Campesina Internacional, que exerceu unha forte oposición á inclusión da agricultura e a alimentación na OMC.

Aliás, dita sinerxia de reactivación da Organización Mundial do Comercio, apunta Senra, podería gardar relación directa ca forte oposición que a cidadanía está a manifestar contra o TTIP, de tal xeito que se estea a pretender "retomar" a estratexia dunha organización global que pilote a liberalización comercial a escala planetaria.

Ademais, córrese o risco de que os tratados bilateriais e multilaterais asinados dende a paralización da Ronda de Doha no ano 2006 sexan insertados na OMC, conlevando a fixación das cotas de poder acadadas polas empresas transnacionais ao abeiro das políticas socioeconómicas neoliberais impulsadas na década dos 80 polo denominado Consenso de Washintgon.

Dende AGEe valoramos que "hai que poñer o foco de novo na OMC e seguir avanzando na oposición a este tipo de acordos, chámese OMC, chámese TTIP, CETA ou TISA", xa que "trátase de acordos e ferramentas capitalistas neoliberais para favorecer os intereses das grandes corporacións en detrimento da cidadanía e da sociedade en calquera parte do mundo".

Recuperamos, xa que logo, a consigna do ano 2006 "A agricultura e a alimentación fóra da OMC", e reiteramos "A agricultura  e a alimentación fóra da OMC, fóra dos tratados de liberalización comercial, e baixo o control dos pobos no marco da soberanía alimentaria".

---

Debate entre a Comisión de Agricultura do PE e o Comisario de Agricultura da CE [03/12/2014]

TEMA DA INTERVENCIÓN:

Valoración da segunda consulta de documentos confidenciais do TTIP

ENLACE Á INTERVENCIÓN:

https://www.youtube.com/watch?v=lt3J11lFRzY&feature=youtu.be
__________

Máis información:

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

http://ageuropa.gal/

https://www.facebook.com/LidiaSenraRodriguez


Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
20 de outubro de 2015 16:33

___________________

venres, xullo 31, 2015

O Pleno do Concello do día 30 de xullo aprobou a moción que declara a Narón municipio oposto o TTIP


NARÓN MUNICIPIO OPOSTO O TTIP

Dende Esquerda Unida Narón valoramos moi positivamente que o pleno do concello do día 30 de xullo aprobase a moción que declara a Narón municipio oposto o TTIP, nos felicitamos por esta decisión histórica, dende EU comezaremos  unha campaña de información e concienciación da cidadanía para que entenda a ameaza que supón para todas e todos este tratado.

Como manifestou en máis dunha ocasión o noso concelleiro André Abeledo:

O TTIP ameaza tanto os dereitos laborais como a liberdade sindical, ameaza a supervivencia dos servizos públicos, supón a privatización dos servizos básicos, ameaza a seguridade alimentaria, ameaza os recursos naturais, ameaza a biodibersidade, ameaza a privacidade persoal, permite un maior control de internet, ameaza o acceso os produtos farmacéuticos.

O TTIP rouba a soberanía nacional dos pobos deixando en mans das multinacionais o poder real, e deixando tamén a democracia baleira de contido.

O TTIP é un atentado contra a clase obreira, que tratan de impoñernos os poderosos pola porta de atrás e sen luz nin taquígrafos, o TTIP é un paso definitivo cara a ditadura do capital!
”.


ESQUERDA UNIDA DE NARÓN

Contas de Esquerda Unida Narón no facebook e no twitter.
Achegate xunta Nós, fagamos un novo Concello mais social, mais democrático, participativo e de Tod@s.

Enviado por:
Naron Esquerda Unida
-eu-naron@esquerdaunida.org-
31 de julho de 2015 13:39

___________

Enlaces relacionados:

http://www.nottip.org.uk/global-day-of-action-april-18-2015/

http://noalttip.blogspot.com.es/

MÁIS INFORMACIÓN:
http://www.stop-ttip-ceta-tisa.eu/
________________

xoves, xullo 09, 2015

A alianza neoliberal vota no Parlamento Europeo a favor do mecanismo de resolución de conflitos entre empresas e Estados (ISDS) - Para eludir votar a emenda que podía parar o ISDS, o Partido Socialista presentou unha emenda de compromiso, que foi aprobada - Lidia Senra: "O TTIP converteríanos en persoas sen dereitos escravas das multinacionais"


Lidia Senra: "O TTIP converteríanos en persoas sen dereitos escravas das multinacionais". | A alianza neoliberal vota no Parlamento Europeo a favor do mecanismo de resolución de conflitos entre empresas e Estados (ISDS). | Para eludir votar a emenda que podía parar o ISDS, o Partido Socialista presentou unha emenda de compromiso, que foi aprobada.


Na mañá de hoxe tivo lugar a votación do informe de recomendacións do Parlamento Europeo á Comisión Europea relativas ás negociacións da Asociación Transatlántica de Comercio e Inversión (ATCI) -máis coñecido como o TTIP (Transatlantic Trade and Investment Partnership)-, elaborado pola Comisión de Comercio Internacional do Parlamento Europeo.

O debate e votación deste informe foron adiados polo presidente do Parlamento, o socialista Martin Schulz, na sesión plenaria do mes pasado, diante da posibilidade de que o mecanismo de resolución de conflitos ISDS ficase excluído[1].

Hoxe asistimos de novo á confirmación de que a grande alianza neoliberal está disposta a empregar todo tipo de artimañas para sacar adiante instrumentos cos que someter aos pobos baixo os intereses do capital. Para impedir o bloqueo do ISDS foi presentada polo autor do informe, o tamén socialista Bernd Lange, unha enmenda de compromiso -aprobada- que deixa a porta aberta á implementación destes pseudotribunais entre empresas e Estados. Finalmente, o informe de recomendacións saíu aprobado con 436 votos a favor e 241 en contra.

Dende Alternativa Galega de Esquerda en Europa e dende o Grupo da Esquerda Unitaria Europea-Esquerda Verde Nordica "temos a responsabilidade de seguir alertando de que a Unión Europea e os Estados Unidos están negociando un grande nivel de transferencia de soberanía dos pobos ás grandes corporacións transnacionais", sinalou Lídia Senra.

De feito, moitos dos recortes impostos á cidadanía pola Troika a través do Partido Popular, como a restrición de dereitos laborais, os recortes en servizos públicos... ou medidas impulsadas directamente dende a Unión Europea, como a liberalización de sectores produtivos como o leiteiro,  "xa están na liña de preparar o terreo para este grande acordo que, se non paramos, convertiranos en persoas sen dereitos e escravas das multinacionais".

"Estamos diante dun acordo que ataca a democracia", advertiu a eurodeputada galega, "que ataca o principio de precaución, os servizos públicos, os dereitos laborais, as pequenas e medianas explotacións agrarias, as pequenas e medianas empresas, e que aparta aos produtores e produtoras dos seus mercados locais e de proximidade".

AGEe votou en contra deste informe e seguiremos esixindo a suspensión inmediata das negociacións.

Estrasburgo, 8 Xullo 2015.

[1] Ver NdP100615AGEe_A suspensión do debate sobre o TTIP é unha burla á cidadanía
---
Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

[*] Lidia Senra, eurodiputada, da Alternativa Galega de Esquerda en Europa, no Grupo Confederal da Esquerda Unitária Europeia/Esquerda Nórdica Verde (AGEe - GUE/NGL). |
lidia.senra@europarl.europa.eu



Máis información en
:
Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
8 de julho de 2015 18:07

_______________

domingo, abril 19, 2015

Candidatura de Esquerda Unida de Narón - Municipalizar - O TTIP non é un tratado, é un atentado


Candidatura de Esquerda Unida de Narón

En Esquerda Unida Narón celebramos o pasado xoves día 16 de Abril unha asemblea aberta  no local social de A Gándara co obxectivo de levar a cabo unha votación mediante o sistema de lista aberta para configurar a orde da lista dos postos 2 a 21, o cabeza de lista André Abeledo Fernández actual coordinador local de EU Narón xa tiña sido escollido como cabeza de lista en asemblea o pasado 10 de Abril. Finalmente o orde da candidatura de EU Narón para as municipais é o seguinte:
1. André Abeledo Fernández; 2. María Belén Aneiros López; 3. Jorge Juan Rego Gárate; 4. Roberto Villasuso Vázquez; 5. María Belén Iglesias Berrocal; 6. Antonio López Pita; 7. Argemiro Montero Martiño; 8. Carmen María Uriondo Pita; 9. Juan José Teijeiro Couce; 10. María dolores López García; 11. Marcelino Bermúdez Fraguío; 12. Víctor Manuel García García; 13. Tamara López Díaz; 14. Luís Miguel García Pita; 15. Raquel Abeledo Fernández; 16. Rubén Méndez Otero; 17. María Luísa Agra Parada; 18. Manuel Ángel Prados Rego; 19. Rosa Estefanía Fernández Vigo; 20. Xosé María Alonso Luaces; 21. José Manuel Prado Serantes; 22. María Josefa Prado Suárez; 23. Antonio Luís Gómez Sánchez; 24. Miguel Rego Casas.
En Esquerda Unida de Narón queremos que esta candidatura sexa a de todas e todos os cidadáns de Narón, e facemos un chamamento a todas as naronesas e naronesas a participar nas nosas asembleas, pretendemos abrirnos a cidadanía para coñecer de primeira man os problemas do noso concello. 

Municipalizar

Dende  Esquerda Unida Narón​ non paramos de repetir a importancia de municipalizar, pero por que, e para que?, creemos que a ninguén se lle escapa que cando un concello pon en mans privadas un servizo este servizo pasa a ser un negocio, a empresa privada ten que ter beneficios, e para logralos ten poucos camiños, e todos eles negativos para a cidadanía.

Por unha banda encarecer o servizo, por outra mal pagar e ofrecer emprego precario, ou ben baixar a calidade do servizo.

Nos defendemos que é preciso municipalizar os servizos básicos para conseguir xusto o efecto contrario, abaratar o servizo, conseguir xerar emprego de calidade, e mellorar a calidade do servizo.

O municipalizar estes servizos os beneficios derivados dos mesmos repercutirían directamente no concello, e non quedarían en mans privadas, o xerar emprego de calidade isto axudaría a súa vez a reactivar o consumo, pois un traballador con un salario digno e un emprego fixo pode consumir, a formula é moi simple, e si se quere se pode.

O TTIP non é un tratado, é un atentado

O sábado día 18 de Abril saín a rúa como tanta outra xente para mostrar o meu rexeitamento o TTIP, a do sábado foi unha acción global de protesta contra un "tratado" que é mais ben un ATENTADO contra as liberdades, é realmente un paso mais da ditadura das multinacionais e dos chamados "mercados", este atentado ven disfrazado de "tratado de libre comercio", ven envolto en papel de agasallo, ven a calada e as agachadas, pero é un atentado contra a soberanía dos pobos, contra os dereitos das traballadoras e os traballadores, é un atentado contra a natureza e contra a saúde alimentaría, o TTIP é un elaborado plan de fin de conquista das oligarquías para impoñer a ditadura do capital a todos os niveis das nosas vidas.

Na Praza de Armas de Ferrol eramos pouca xente, pero vin algunha xente que non tiña visto ates, e varias mozas, os que tomaron a palabra o fixeron para dicir cousas moi interesantes, a parte boa que me levo é que hai compañeiras e compañeiros ben informados tentando contar a verdade a cidadanía, a mala é que dende as organizacións que debemos liderar esta loita estamos fallando en algo.

Quédanos tempo, pero non moito.

André Abeledo Fernández

CPL EU NARÓN

Contas de Esquerda Unida Narón no facebook e no twitter.
Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
André Abeledo Fernández
-andre1474@gmail.com-
19 de abril de 2015 17:54
19 de abril de 2015 19:05
19 de abril de 2015 19:56
_______________________

venres, abril 17, 2015

O TTIP e as ameazas máis importantes para a sanidade pública - Porque mobilizar-nos contra o Tratado Transatlántico de Comercio e Investimentos entre a Unións Europea e os EEUU - En Ferrolterra, o 18 de Abril, ás 12:30hs na Praza de Armas


CONTRA DO TRATADO DE LIBRE COMERCIO


Desde xuño de 2013 a Comisión Europea,  e o Departamento de Comercio de EE UU están negociando unha Asociación Transatlántica para o Comercio e o Investimento (TTIP), que non se aprobará antes de 2016. Esta negociación caracterizouse pola opacidade e a falta de transparencia malia que os acordos afectan aos cidadáns.  A crise económica é a xustificación dun proxecto que pretende liberalizar as relacións comerciais USA UE, aínda que en realidade está dirixido a consolidar normas e lexislacións que amparan aos fondos de investimento e ás grandes empresas multinacionais.

Este Tratado e unha continuación dos Acordos da Organización Mundial do Comercio e a Unión Europea sobre Liberalización de Servizos que supuxeron a privatización dos servizos públicos  na UE.  O TTIP pon os intereses das multinacionais  por diante dos dereitos cidadáns.

O proceso de negociación con conta coas organizacións da sociedade civil como sindicatos, organizacións ecoloxistas, veciñais, de consumidores e ata dos gobernos elixidos democraticamente (negóciao a Comisión Europea que non esta sometida ao control do Parlamento Europeo). Sen embargo as multinacionais e os lobbies de presión han tido a  oportunidade de participar e influenciar nas propostas.

Principais claves do acordo:
  • Limitar a soberanía dos gobernos facilitando as demandas das multinacionais para a posta en práctica de políticas que afecten aos seus intereses.
  • Outorgar ás grandes empresas amplas facultades para impugnar novas leis polos gobernos, o que fará irreversibles ás privatizacións dos servizos públicos..
  • Abrir aos mercados sectores crave dos países europeos como a enerxía, as patentes, a sanidade pública, ou a soberanía alimentaria.
  • Desregular os servizos financeiros, coa eliminación das restricións en materia de transaccións financeiras e da comercialización de produtos financeiros derivados (un dos desencadéantes da crise).
  • Desenvolver o chamando Mecanismo de Solución de Diferenzas entre Inversor e Estado (ISDS), con normas para protexer a seguridade xurídica dos inversores que inclúe disposicións contra a expropiación de servizos de interese público ou a libre circulación e transferencia de fondos.
Os obxectivos en materia sanitaria do Tratado están dirixidos a eliminar medidas reguladoras (non arancelarias) que afectan ao comercio:  Condicionar as normas europeas que obrigan á transparencia dos ensaios clínicos dos laboratorios farmacéuticos; reducir as regulacións ambientais e alimentarías que garanten a calidade e seguridade dos mesmos;  incrementar os dereitos de propiedade intelectual das empresas farmacéuticas prolongando os períodos das patentes de medicamentos e innovacións tecnolóxicas; e protexer o investimento das empresas privadas nos sistema sanitarios.

As ameazas máis importantes para a sanidade pública contidas no Tratado son:
1º. - Os gobernos non poderán recuperar os servizos externalizados ou privatizados, aínda que sexan un desastre e os seus gastos exorbitantes (como os hospitais PFI de Madrid ou de Vigo, que multiplican por sete o seu custo real).  As empresas poderán protexer os seus investimentos cun Arbitraxe Inversionista - Estado, que outorga ás corporacións o dereito de demandar a un goberno que tome decisións que danen as súas ganancias, á marxe dos tribunais nacionais de xustiza.  A concesión de indemnizacións dos investimentos das empresas nos sistemas sanitarios públicos supoñerá unha seria ameaza para a capacidade dos gobernos de intervir na defensa do interese público.

2º.- Os gobernos non poderán fixar prezos para os produtos farmacéuticos, promover medicamentos xenéricos, aplicar programas para control do tabaquismo ou da seguridade e calidade dos alimentos:
  • Prolongar o tempo de vixencia das patentes dos medicamentos a máis de 20 anos.
  • Atrasar a entrada dos xenéricos no mercado.
  • Reducir os requisitos para as patentes, para facilitar a comercialización das innovacións biotecnolóxícas.
  • Incrementar o período de protección dos datos dos medicamentos biolóxicos a máis de 12 anos (entre 4 8 na actualidade).
  • Garantir a presenza dos laboratorios nos organismos estatais  que fixan as políticas de prezos (Dirección Xeral de Farmacia e Axencia Española do Medicamento), mediante as chamadas Garantías Procesáis.

3º.- A Converxencia Regulamentaria esta dirixida a suplantar a  OMS no establecemento de normas de rexistro, calidade, seguridade e eficacia dos medicamentos, en función dos intereses das multinacionais.

4º.- Crear un Comité Industria-Gobernos para monitorizar o cumprimento do acordo (patentes, normas de xenéricos, fixación de prezos e reembolsos).
Todas estas medidas incrementarán de xeito brutal os gastos sanitarios, poñerán en risco a sustentabilidade dos sistemas sanitarios públicos, dificultarán o acceso aos medicamentos, aumentarán a irracionalidade do sistema, e afectarán á saúde da poboación xerando maior mortalidade e carga de enfermidade.


Principais consecuencias:
  • Diminución das esixencias de seguridade para os consumidores (comercialización dos alimentos transxénicos ou a desinfección de poios mediante cloro , prohibidos en Europa e aprobados en Estados Unidos).
  • Recortes e perda de control público en educación formación, desenvolvemento científico e dereitos de propiedade intelectual, ao servizo das grandes corporacións privadas.
  • Precarización das condicións laborais e salariais dos traballadores sanitarios, destrucións de emprego nos servizos sanitarios e sometemento da súa actuación aos intereses empresariais.
  • Desaparición das regulacións medio ambientais que garanten a saúde pública como a autorización do fracking para obter gas do subsolo utilizando produtos químicos, que poden contaminar os acuíferos ou as prospeccións petrolíferas sen control.
Por todo  isto esiximos a paralización das negociacións do tratado.

Chamamos a cidadanía galega a apoiar ás mobilizacións  do  18 de abril, na Xornada Global contra el TTIP.

Asociación Galega para a Defensa da Sanidade Pública

Enviado pola:
Plataforma en Defensa da Sanidade Pública Ferrol
-plataformadspferrol@gmail.com-
16 de abril de 2015 23:28

http://www.plataformadspferrol.blogspot.com

_______

FERROLTERRA NA MOBILIZACIÓN GLOBAL DO SÁBADO 18 DE ABRIL

Ás 12:30hs na Praza de Armas, diante do palacio Municipal de Ferrol

Facemos un chamamento á cidadanía de Ferrolterra e a todas as organizacións presentes na cidade a que se mobilicen o 18 de abril contra este tipo de tratados de libre comercio que pretenden facer máis efectivo o trasvase de riqueza cara as elites.

En Ferrolterra sumámonos cunha Concentración - Acción - Asemblea Popular Aberta, na Praza de Armas.

Á diversidade de tácticas e accións solidarias que se preparan a redor de todo o planeta para contribuir a informar buscando a participación e mobilización da xente, rumbo a un novo modelo económico e de comercio que funcione para o beneficio de todas as persoas e o planeta, agora e no futuro.

Non ao TTIP !!

________________________

Socialismo Democrático de Ferrol apoia o acto unitario da Plataforma Cidadá contra o TTIP que se celebrará o sábado 18 de Abril e denuncia "a vergoñenta, infame, clasista e ideolóxica Amnistía Fiscal os ricos"

Socialismo Democrático de Ferrol Apoia e Participará na Concentración do Vindeiro Sábado 18 de Abril as 12:30 na Praza de Armas convocada pola Plataforma Cidada de Ferrolterra contra o Tratado de Libre Comercio( TTIP) pra rexeitar este Tratado.

Socialismo Democrático de Ferrol apoia, sumase e participara na Concentración do Vindeiro Sábado 18 de Abril as 12:30 horas na Praza de Armas de Ferrol convocada pola Plataforma Cidadá de Ferrolterra contra o Tratado de Libre Comercio (TTIP) pra rexeitar e opoñerse a este Tratado. O portavoz de Socialismo Democrático de Ferrol Celso Posada fai un chamamento a toda a cidadanía de Ferrolterra a que acuda, participe e apoie esta Concentración contra un Tratado de Libre Comercio Neoliberal, antisocial, antidemocrático e lesivo, un tratado en palabras de Posada escurantista que e un golpe de estado das multinacionais e grandes corporacións americanas contra a democracia, contra a clase traballadora, contra a Soberanía Nacional dos estados, contra os servizos públicos (Sanidade, Ensino) e contra o medio ambiente e que unicamente traerá recortes salvaxes nos dereitos sociais e laborais, privatización dos servizos públicos, precariedade laboral, paro, pobreza e desigualdades sociais. Socialismo Democrático de Ferrol participa na Plataforma Cidadá de Ferrolterra Contra o Tratado de Libre Comercio e rexeita e oponse rotundamente o Tratado de Libre Comercio (TTIP).

Socialismo Democrático de Ferrol Exise a Dimisión Inmediata do Ministro de Facenda Cristóbal Montoro pola sua vergoñenta, infame, clasista e ideolóxica Amnistía Fiscal os ricos

Socialismo Democrático de Ferrol a través do seu Portavoz Celso Posada esixe a Dimisión Inmediata do Ministro de Facenda Cristóbal Montoro pola súa vergoñenta, infame, clasista Amnistía Fiscal os ricos, as grandes fortunas e grandes empresas. Celso Posada Portavoz de Socialismo Democrático de Ferrol di que o Ministro de Facenda Cristóbal Montoro coa súa clasista, infame ideolóxica e vergoñenta Amnistía Fiscal permitiu o fraude fiscal das grandes fortunas e grandes empresas, permitiu que personaxes corruptos como Bárcenas, Pujol e Rodrigo Rato evadiran impostos, tiveran o seu diñeiro en paraísos fiscais ou branquearan o seu capital. Posada denuncia que a Amnistía Fiscal do Ministro de Facenda Cristóbal Montoro o que buscaba unicamente era incrementar os privilexios e as ganancias das elites económicas e financeiras e que estas cada día incrementaran mais e mais os seus beneficios mentres que as clases traballadoras o Ministro Montoro súbelles infamemente os impostos, báixalles salvaxemente os seus salarios e condénaas coa reforma laboral do PP á precariedade laboral, ao paro e a traballar en traballos precarios, temporais e con soldos de miseria.

Socialismo Democrático de Ferrol é unha corrente política conformada por militantes de base do PSdeG PSOE.

Web oficial da corriente a nivel estatal:
http://socialismodemocratico.org/

Enviado por:
celso posada
-celsoposada2006@hotmail.com-
16 de abril de 2015 23:01
_________________

venres, abril 10, 2015

Ferrolterra soma-se ao Día de Acción Global (18 de abril do 2015) para deter os Tratados de libre comercio e investimentos - A Plataforma Cidadá de Ferrolterra contra o TTIP convoca unha concentración aberta, unitaria e participativa, ás 12:30hs na Praza de Armas


Día de acción global - 18 de abril do 2015
As Persoas e o Planeta antes que o Beneficio Corporativo
Chamamento de acción global para deter os Tratados de libre comercio e investimentos

Nós, organizacións da sociedade civil, sindicalistas, campesiñas e campesiños, xuventude, mulleres e homes activistas de movementos da  Galiza xunto con outras de todas as partes do mundo, chamamos a un Día de acción global a realizarse o 18 de abril do 2015 co fin de parar os acordos de libre comercio e investimentos e promover unha economía que funcione para cada unha das persoas, e para o medio ambiente.

Ao longo das últimas décadas, as empresas transnacionais e os gobernos impulsaron tratados de libre comercio e de investimentos ás costas da cidadanía, vulnerando os nosos dereitos e os do medio ambiente.

Ao longo das últimas décadas, vimos loitando pola soberanía alimentaria, polos nosos bens comúns, pola xestión dos nosos recursos, pola defensa dos nosos empregos, os nosos territorios, as liberdades en internet, mentres esixiamos democracia. No camiño, crecemos como movemento, logramos que escoiten as nosas voces e logramos moitas vitorias.

Entre todas podemos parar os acordos que se están negociando ás nosas costas e traballar para revertir os impactos nocivos dos tratados pasados. Xuntas impulsamos as nosas alternativas que se fundamentan na primacía dos dereitos humanos e na defensa do Medio Ambiente por encima dos privilexios e beneficios das grandes empresas.

Facemos un chamamento á cidadanía ferrolterrán e a todas as organizacións presentes em Ferrolterra a que se mobilicen o 18 de abril contra este tipo de tratados de libre comercio que pretenden facer máis efectivo o trasvase de riqueza cara as elites. Sumámonos cunha concentración en Ferrol, na Praza de Ármas, ás 12:30 horas á diversidade de tácticas e accións solidarias que se preparan a redor de todo o planeta para contribuir a informar buscando a participación e mobilización da xente, rumbo a un novo modelo económico e de comercio que funcione para o beneficio de todas as persoas e o planeta, agora e no futuro.

PLATAFORMA CIDADÁ DE FERROLTERRA CONTRA O TTIP

E-mail: cidadaniacontrattip@gmail.com
Blog: http://ferrolterracontraottip.blogspot.com.es/
Grupo Aberto no facebook: https://www.facebook.com/groups/459321740892228/

Folla Informativa e Convocatoria, para imprimir e difundir, en formato pdf: Acceder/Baixar.

Enviado por:
Plataforma Cidadá de Ferrolterra contra o TTIP Ferrolterra
-cidadaniacontrattip@gmail.com-
10 de abril de 2015 00:22
____________