Estraños artigos en "Xornal.com", sobre REGANOSA, logo da aprobación da Acta de Posta en Servizo

Desde a Asociación Veciñal de Esteiro Fontelonga e por parte de santiago diaz-gazón morillo -xantia@mundo-r.com-, remitiron-nos dous artigos, que non deixan de resultar estraños, publicados no xornal dixital "Xornal.com", noutra hora acusado por algúns dos defensores de REGANOSA, de que estaba ao servizo de ENAGAS, mais na realidade é un xornal próximo á Corporación Caixa Galicia que participa en REGANOSA. Son artigos sen firma, posibelmente de laboratorio, o primeiro postado pouco despois de saber-se que a Oficina da Dirección da Área de Industria e Enerxía de Lugo [pois parece ser que o titular da Dirección da Coruña está de baixa, ... as casualidades non existen...] emitira a Acta de Autorización para a Posta en Servizo da Planta Regasificadora, de REGANOSA. E o segundo postado pouco despois, mais con data do vindeiro Luns 12 de Novembro de 2007 [Lapsus ou fallo do administrador desa sección de Xornal.com ou do laboratorio de noticias contratado por REGANOSA]. Reseñamos estas dúas mais hai máis que relacionaremos ao final do post. Os artigos non teñen desperdicio, son demoledores en datos numéricos. Para Xornal.com a colosal REGANOSA superou unha carreira de fondo chea de obstáculos que enumera en cifras e datos. E isto non é nada os especiais do Grupo Voz e doutros medios, van ser ao grande. Polo que non se pode baixar a garda no aspecto informativo e utilizar todos os medios posíbeis para ter informada á poboación, seguir mobilizando e non entrar nunha situación de sonolencia, logo da grande actividade desenvolvida nestes últimos meses, compre pois un detallado programa e calendario de actividades e mobilizacións, retomar o compromiso e fortalecer a nosa confianza.

Desde que o Conselleiro da Xunta, Méndez Romeu, certificou de que Reganosa xa non é unha herdanza molesta que hai que asumir, senon todo o contrario ""El proyecto de Reganosa es como si fuera nuestro"" as cousas van cambiar nalgúns aspectos e no mediático é un deles.

O goberno de Madrid, coa súa actitude, non deixa de favorecer ás multinacionais enerxéticas e entidades financieiras, salvagardando os investimentos millonarios feitos no despropósito gasístico realizado no corazón da Ría de Ferrol. Actuando deste xeito, unha vez que haxa que desmantelar REGANOSA, esta pode reclamar ao Estado [a todos e todas nós] indenizacións millonarias, por ter autorizado a posta en servizo da planta regasificadora sen que esta cumpra os condicionados de seguridade esixidos pola lexislación vixente e directivas europeias.




_____________________
Enlaces coas noticias orixinais:

A que ten data do mércores 7 de Novembro
http://www.xornal.com/article.php3?sid=20071107114732

A que ten data do Luns 12 de Novembro
http://www.xornal.com/article.php3?sid=20071107121541
_________________

Post de Fontelonga:
Quen ten prata fode e mata !
_______________

Post PA21:
Reunión do Comité Cidadán de Emerxencia e artigo de opinión de Carmelo Teixeiro, diante do anuncio de aprobación da Acta de Funcionamento de REGANOSA
____________________

Extraidos do buscador de xornal.com :

1. Innovación aumenta la dotación para energías renovables

La Consellería de Innovación e Industria anuncia que destinar 45,2 millones de euros, un 14% más, a políticas de eficiencia y energías renovables, así como al desarrollo de infraestructuras de electricidad y gas. En todos estas actividades CXG CORPORACION CAIXAGALICIA cuenta con presencia por medio de firmas como Norvento, Gas Galicia, Unión Fenosa, Reganosa, Allarluz o Gallega de Residuos Ganaderos.

article.php3?sid=20071108113649

2. Más de 30 órganos autorizaron el gasoducto de Reganosa

Según informa Reganosa, en la tramitación de la red de gasoductos puesta en servicio por esta firma en Galicia, intervinieron 31 órganos diferentes.

article.php3?sid=20071107121844

3. Reganosa cuenta con 21 autorizaciones administrativas

Durante los seis años de trámites que ha seguido Reganosa hasta alcanzar su acta de puesta en servicio, la firma ha tenido que superar 21 autorizaciones administrativas diferentes.

article.php3?sid=20071107121541

4. Acta de puesta en servicio definitiva para Reganosa

La planta regasificadora de Reganosa en Mugardos ha recibido el acta de puesta en servicio definitiva. Esta última autorización permite a la firma, participada por CXG CORPORACION CAIXAGALICIA integrarse de forma plena en el sistema gasístico nacional. Finaliza así el periodo de pruebas para esta instalación.

article.php3?sid=20071107120357

5. Reganosa recibe de Industria a acta de posta en servizo definitiva

Este documento supón a plena integración da planta galega no sistema gasista nacional.

article.php3?sid=20071107114732

6. La actual Xunta apoya el proyecto Reganosa en su totalidad

El conselleiro de Presidencia, José Luis Méndez Romeu, afirmó en el programa “La Ventana” de la Cadena Ser que el proyecto de Reganosa está asumido “como si fuese nuestro” por el actual Gobierno Bipartito que manda en la Xunta de Galicia.

article.php3?sid=20071106121958

7. Méndez Romeu: "El proyecto de Reganosa es como si fuera nuestro"

La actual Xunta de Pérez Touriño asume hasta las últimas consecuencias la actual ubicación de la planta regasificadora y dice que, por motivos económicos, "ya no hay marcha atrás".

Herrero de Miñón replica que el Gobierno gallego "está prisionero del dinero que gastó en el proyecto y de los millones que avala".

article.php3?sid=20071105175002
_____

Hoxe, 8 de Novembro, conferencia de Xosé Manuel Beiras, na Escola Politécnica Superior de Esteiro - Ferrol

De: Ferrol CAPE -ferrol.cape@gmail.com-
Para: artabra21@gmail.com
Data: 8 de novembro de 2007 09:16
Asunto: CONVOCATORIAS IMPORTANTES


Prezados amigos:

Enviamos varias notas importantes da actualidade e que pasamos á vosa consideración.

Primeira : Hoxe día 8 ás 20 horas na Escola Politécnica Superior de ESTEIRO e no Seminario: VIVIR EN GALEGO : Conferencia de Xosé Manuel Beiras Torrado, Catedrático de Estrutura Económica da Universidade de Santiago de Compostela, ex voceiro do BNG no Parlamento de Galicia.
- ACUDE - ACUDE -





Segunda: soamente para transmitirvos a seguinte convocatoria de Asemblea que nos envía o Comité Cidadán de Emerxencia, e que di:

A todas as entidades cidadás e persoas, integradas na Asemblea Cidadá de Ferrolterra

XVII ASEMBLEA CIDADÁ

VENRES, 9 DE NOVEMBRO DE 2007,

Ás 19,30 horas Salon de Actos do ATENEO FERROLAN

¡PLANTA DE GAS FORA DA RIA! ¡XA!

Envía www.f-cape.org Colectivo universitario opositor a planta de gas de Ferrol
______________________

Reunión do Comité Cidadán de Emerxencia e artigo de opinión de Carmelo Teixeiro, diante do anuncio de aprobación da Acta de Funcionamento de REGANOSA

Diante da noticia que anunciaba a aprobación da Acta de Funcionamento para REGANOSA, o Comité Cidadán de Emerxencia para a Ría de Ferrol, convocou hoxe unha reunión da súa Mesa de Traballo, para analisar a situación e preparar a Asemblea Cidadá do vindeiro venres 9 de novembro, ás 19:30 hrs no Ateneo Ferrolán.

Con antelación a esta reunión o compañeiro Carmelo Teixeiro remiteu-nos unha valoración a título persoal, con independencia do posicionamento colexiado que tendá o Comité Cidadán na reunion que celebra hoxe, opinión que a continuación transcribimos.

En relación coa noticia de hoxe nos medios, no sentido de que a Reganosa lle foi aprobado a acta de posta en servizo definitivo, considero conveniente facer público o seguinte:

Desde xuño de 2006 vimos expondo ao Ministro de Industria que revise os condicionados impostos a Reganosa na autorización de construción de 13 de febreiro de 2004, algúns imposibles de resolver coa súa localización dentro da Ría de Ferrol. Un deles é o das distancias suficientes ata a poboación segundo require o articulo 12 da Directiva Sevexo II transpuesta ao Real Decreto 1254/99, que en España ten como mínimo a distancia de dous quilómetros segundo o RAMINP. Outro condicionado tamén imposible de resolver é o da saída ao mar aberto dos buques gaseros en caso de urxencia durante a descarga.

Ao longo do ano 2007, con escritos e entrevistas, (Delegado do Goberno, Director da área de Industria e Enerxía da Coruña, Ministro de Industria) solicitóuselles que a Reganosa non lle sexa aprobada o acta de posta en servizo definitiva. En agosto unha representación do CCE tivo unha entrevista en Madrid con representantes da Dirección Xeral de Política Enerxética e Minas, na que estes se comprometeron a solicitar novos informes aos organismos que foran consultados anteriormente, a fin de que manifestasen se consideraban resoltos os condicionados na construción de Reganosa.

A finais de setiembre Reganosa deu por finalizadas as súas obras e solicitou o acta de posta en servizo. O Ministerio de Industria, por primeira vez nun expediente de Planta de Gas, solicitou un terceiro informe aos organismos anteriormente consultados, entre eles ao Ministerio de Defensa, Dirección Xeral de Urbanismo, Autoridade Portuaria de Ferrol e Comisión Nacional de Enerxía, a todos os cales o Comité Cidadán á súa vez envioulles senllos escritos en relación cos seus condicionados que están sen resolver. Por iso a noticia sorprende en primeiro lugar porque é precipitada e inxustificada.

O Ministerio de Industria, competente para denegar a Reganosa o acta de posta en servizo definitivo, ten á súa disposición unha forma de resolver o problema sen ter que pagar indemnizacións aos seus promotores, pola falta de cumprimento por Reganosa das distancias suficientes ata a poboación e a saída ao mar dos buques gaseros en caso de urxencia, requisitos que esixe a Lei de Hidrocarburos e que foron trasladados en forma de condicionados á autorización de construción de 13 de febreiro de 2004. Ao dar por finalizadas as obras Reganosa sen cumprimentar tales requisitos, coa lei na man a planta de gas de Reganosa non pode entrar en funcionamento definitivo nin formar parte do sistema gasista.

Comunicamos ao Ministerio de Industria e á Comisión Nacional de Enerxía, que temos coñecemento de que a Planta de Gas de Reganosa non é necesaria para Galicia nin para os tres ciclos combinados construídos, dous por Endesa e un por FENOSA, os cales non traballarán a mais do 25% da súa capacidade, porque non existen redes eléctricas para exportar o 100% da súa capacidade para producir electricidade. É dicir, que o gas natural que chega por gasoduto a Galicia é suficiente para atender a demanda e a Planta de Gas de Reganosa non é necesaria nin estratéxica.

O Ministerio de industria non debe ceder ás presións de Endesa, FENOSA, Caixa Galicia e Xunta de Galicia, preocupadas polos seus investimentos na Planta de Reganosa. A Administración debe ter en conta o maior valor da vida da poboación. De confirmarse a noticia, seria lamentable constatar que o Ministerio de Industria non aproveite a oportunidade legal que ten para resolver o problema de Reganosa.

Cando se trata de paralizar a ameaza que Reganosa supón para a vida humana e para o medioambiente na Ría de Ferrol, a vía administrativa nunca se pode dar por terminada e, antes de que ocorra unha catástrofe con miles de victimas, un goberno responsable terá que tomar a decisión de paralizar a actividade de Reganosa. Esa decisión pode ser tomada pola Administración, por se mesma ou obrigada por unha decisión xudicial nos contenciosos abertos. A diferenza en diante estará é que a paralización de Reganosa terá custos para todos os contribuíntes porque ese acta de posta en servizo dálle dereito a percibir retribucións e custear todo o investimento con diñeiro achegado por todos os consumidores de gas.

Por iso nos próximos días procede dirixirse ao Ministerio de Industria para que revogue a decisión da área de Industria e Enerxía da Coruña, se é que aprobou o acta de posta en servizo definitivo de Reganosa sen ter en conta os condicionados imposibles de resolver por Reganosa e que ésta non ten acreditado o seu cumprimento. Ademais en próximas semanas presentaremos en Bruxelas unha nova denuncia por vulneración da Directiva Seveso II polo feito de que a Planta de Reganosa estea en funcionamento.

Carmelo Teixeiro
ca160737@teleline.es
7 de novembro de 2007 19:46
________________

Quen ten prata, fode e mata: Reganosa recibe de Industria a acta de posta en servizo definitiva

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 7 de novembro de 2007 18:36
Asunto: Quen ten prata, fode e mata: Reganosa recibe de Industria a acta de posta en servizo definitiva


Quen ten prata, fode e mata

Reganosa recibe de Industria a acta de posta en servizo definitiva
Este documento supón a plena integración da planta galega no sistema gasista nacional

XORNAL I Mugardos.- A regasificadora de Reganosa recibiu do Ministerio de Industria a acta de posta en servizo definitiva, que supón a plena integración da planta galega no sistema gasista nacional. Este documento culmina máis de seis anos de tramitación administrativa e expídese despois de que os técnicos da Administración do Estado teñan verificado que a terminal cumpre todos os requisitos legalmente esixibles.

A regasificadora e a súa rede de 135 quilómetros de gasoducto requiriron movilizar 435 millóns de euros. O proxecto foi promovido por Reganosa, sociedade na que participan a Xunta de Galicia, Endesa, Unión Fenosa, Grupo Tojeiro, Sonatrach, Caixa Galicia, Caixanova e Banco Pastor. Ten asociadas senllas centrais de ciclo combinado de gas natural, localizadas nas Pontes e en Sabón-Arteixo, o que totaliza unha inversión de 1.100 millóns de euros.

A planta galega atopábase operando en probas desde que o pasado mes de maio recibise o seu primeiro cargamento de gas natural licuado, que transportou o buque “Galicia Spirit”. O tempo transcorrido serviu para que Reganosa verificase cos especialistas do Ministerio de Industria o correcto funcionamento da terminal e que se axusta estritamente ao previsto nas autorizacións administrativas iniciais. Tamén se realizaron unhas corenta probas específicas, de xeito que a Administración garante tanto o cumprimento do establecido como a idoneidade e o correcto estado da tecnoloxía instalada.

Ademais dos profesionais da compañía, un equipo de enxeñeiros alleos á propietaria tamén verificou que a planta, construída baixo a fórmula “chave en man” pola multinacional TGE, se axusta ao contratado por Reganosa, segundo informan dende a compañía.

Nos máis de seis anos de tramitación interviron as administracións local, autonómica, nacional e mesmo organismos europeos. De todo isto deriváronse vinte e unha autorizacións administrativas sobre a totalidade ou diversos aspectos relativos á planta. A suma dos períodos de exposición ao público dos expedientes supera os seis meses, dato que pon de manifesto a transparencia e as oportunidades que tiveron os cidadáns para estudar e pronunciarse sobre o proxecto.

Os organismos que expediron autorizacións foron: Ministerio de Industria (4 permisos), Ministerio de Fomento (1), Delegación do Goberno en Galicia (3), Consello da Xunta (1), Consellería de Medio Ambiente (3), Consellería de Pesca (1), Concello de Mugardos (2), Autoridade Portuaria de Ferrol (5) e Capitanía Marítima (1). Tamén emitiron ditames favorables os ministerios de Defensa e de Medio Ambiente. Así mesmo, cantas sentenzas firmes foron ditadas polos órganos xudiciais resultaron favorables para Reganosa.

Na tramitación administrativa da rede de gasoductos, que enlaza a planta, por medio de dous ramais, con As Pontes e Guitiriz, polo Norte, e con Abegondo e Sabón-Arteixo, polo sur, interviron ata 31 órganos distintos da Administración Pública, que emitiron diversas autorizacións, licenzas ou resoluciónsm segundo enumeran dende a compañía: Ministerio de Industria (6 permisos), Ministerio de Fomento (5), Ministerio de Medio Ambiente (3), Consello da Xunta (1), Consellería de Política Territorial (4), Consellería de Cultura (2), Consellería de Medio Ambiente (2), Consellería de Medio Rural (1), Deputación da Coruña (3), Deputación de Lugo (1) e 21 concellos distintos expediron licenzas municipais.

Enlace co artigo orixinal en xornal.com
_______________

Os tentáculos de Reganosa chegan de pleno a Xornal.com, está noticia elaborada en laboratorio mediático da manipulación, non deixa de "estrañar", mais como di a entrada que nos presenta a Asociación Veciñal de Esteiro Fontelonga: Quen ten prata fode e mata !

Ver Artigo:

Estraños artigos en "Xornal.com", sobre REGANOSA, logo da aprobación da Acta de Posta en Servizo
_____________

O conflito das expropiacións de Canido no Programa de TV "Callejeros" na Quatro

De: Expropiados Ferrol
Para: artabra21@gmail.com
Data: 7 de novembro de 2007 12:31
Asunto: O conflito das expropiacións de Canido no Progra de TV "Callejeros" na Quatro


AFECTADOS POLAS EXPROPIACIÓNS DO BARRIO DE CANIDO (FERROL)

Mato debería de explicar publicamente porqué anunciou unha solución ó conflito que non chega

As expropiacións de Canido, en Callejeros, este venres 9 de novembro, áas 22 hrs.

A inxusta situación que padecen os veciños afectados polas expropiacións do barrio ferrolán de Canido poderá coñecerse este venres ás 22.20 horas nunha reportaxe do programa Callejeros, que emite a cadea Cuatro para toda España. O reporteiro David Moreno recolle no seu traballo audiovisual “o drama de decenas de familias expropiadas” en diferentes puntos do estado, segundo informa a cadea televisiva. Os tres veciños pendentes de que se lles dea un realoxo (ou unha compensación económica suficiente para buscalo por si mesmos) explican a Callejeros os problemas que lles carrexou a decisión do goberno local de expropiar as súas casas por prezos rídiculos de ata 10.000 euros, para permitir que unha promotora madrileña, Albantur, faga un suculento negocio construíndo unha urbanización de máis de 260 vivendas.

Os afectados recordan que fai máis dun mes o concelleiro de Urbanismo, Angel Mato, convocou unha rolda de prensa para anunciar a resolución dun conflito aberto no ano 2004. A día de hoxe esta segue sen chegar. Os veciños cren necesario que Mato compareza publicamente para explicar porqué tivo tanta présa en publicitar un acordo coa promotora, que non foi subscrito aínda. Reiteran que están fartos de que se lles ofrezan expectativas sobre a solución dos seus problemas e que logo nunca se cumpran. Ademais, denuncian que o comportamento dos sucesivos concelleiros que ocuparon a carteira de Urbanismo non fai máis que evidenciar a falta de respecto da clase política cara á cidadanía.

O problema das expropiacións no barrio de Canido tivo desde as primeiras amenezas de desaloxo unha ampla cobertura mediática. Ademais dos medios locais e autonómicos, a cadeas estatais tamén fixeron eco da noticia. O programa Caia Quen Caia de Telecinco acudiu a Ferrol para esixir explicacións ó entón alcalde, Juan Juncal. A reportaxe foi seguida por 4,2 millóns de espectadores. O vídeo aínda pode verse en Internet, a través de You Tube. Ata o momento foi reproducido en máis de 18.000 ocasións.
__________________

Algúns artigos de opinbión ao redor de Corrubedo 4N

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 7 de novembro de 2007 18:15
Asunto: Algúns artigos de opinbión ao redor deCorrubedo 4N


----- Original Message -----
From: Plataforma Corrubedo
To: corrubedo total
Sent: Wednesday, November 07, 2007 9:04 AM
Subject: Algúns artigos de opinbión ao redor deCorrubedo 4N

O rodaballo, por Xosé Ramón López Boullón

U-las estrelas vermellas?, por Manoel Santos

Do soño de Touriñán á desfeita da Laxe Brava, por Caetano Díaz

Raio verde en Corrubedo, por Xosé Luís Groveiro

Corrubedo: camiño da dignidade, por Plataforma Medioambiental de Corrubedo

Piscifactorías, canteiras e taparrabos, por Manuel Rivas
________________

A manifestación do día 4 de novembro de 2007 en Corrubedo
Documento coa valoración da Comisión de Propietarios e Propietarias da Laxe Brava


Os grupos convocantes á manifestación do pasado día 4 de novembro en Corrubedo, e en particular esta Comisión de Veciños, consideramos un éxito absoluto a convocataria tanto en número de persoas como diversidade dos grupos que asistiron e amosaron o seu máis rotundo rexeitamento a este Plan, que non pode ser amañado de ningún xeito con medidas cosméticas. Desde aquí queremos agradecer sinceiramente a tódolas persoas e colectivos participantes o seu apoio á defensa desta nosa terra. Que o bipartito tome boa nota.

Como era xa inevitable, despois de tantos meses de silencio, as reaccións á marcha non se fixeron esperar e a máis salientable é a da sempre previsible Sra. Conselleira de Pesca, Carme Gallego. Nunha nota de prensa da Consellería, Pesca comprométese coas “actividades acuícolas respectuosas e en harmonía co medio ambiente” (sic), afectando exclusivamente nun 1.8% a espazos Rede Natura. Afirmamos que este goberno carece de credibilidade e autoridade para obrigar ás multinacionais acuicolas ao respecto medioambiental, tal e como o demostra o feito de que máis da metade das plantas actualmente en funcionamento na Comunidade non dispón nin do preceptivo permiso de verquidos de Auga de Galicia e polo tanto están a producir de xeito irregular. Ademáis, a Sra. Gallego utiliza Rede Natura como un pretexto, establecendo a regla do “todo vale” fóra do citado territorio protexido. Recordemos que Rede Natura sólo afecta a un 11% do territorio de Galicia, cando en troques outras comunidades protexeron máis do 40% da súa superficie.

O método para habilitar terreno para as acuícolas, unha expropiación forzosa de máis 3 millóns de metros cadrados, seguida dunha recalificación brutal de terras do noso litoral que por unha decisión administrativa multiplican varias veces o seu valor, responde ao que popularmente coñecemos como un pelotazo, pelotazo acuicola promovido por unha Consellería en favor dos intereses particulares dunhas poucas multinacionais. Esiximos á Sra. Conselleira que de unha vez por todas se pronuncie sobre este feito irregular e de enorme gravedade, e que tanta alarma causa entre os nosos cidadáns, pois transmite a sensación de arbitrariedade e favoritismo na acción do goberno autonómico.

Lembre a Sra. Gallego que o documento estratéxico sobre o Fondo Europeo de Pesca (FEP) para o periodo 2007-2013 (ver link no noso blog) aposta polas pequenas e medianas instalacións para o desenrolo da acuicultura en terra firme, e por dúas razóns fundamentáis: para minimizar os riscos medioambientais (contaminación química, eutrofización, contaminación biolóxica, etc.), problema que a Unión Europea recoñece e demanda que o sector arranxe; e por outra banda, porque as pequenas instalacións contribúen en maior medida á xeneración de postos de traballo locais, un dos obxectivos dos fondos FEP. Pois ben, a postura deste goberno, é a de conceder todo o protagonismo ás macropiscifactorías, instalacións que non se constrúen en ningún lugar de Europa agás Galicia, e que incumplen na forma e no fondo a estratexia europea para este sector. Ou sexa, que a Sra. Gallego cede ás presións do lobby acuícola namentres desprecia tanto a estratexia europea para a acuicultura como os intereses de Galicia.

Afírmase na nota de prensa de Pesca, que o proceso de aprobación do documento contou co visto bo das Consellería de Pesca, Política Territorial, Medio Ambiente, Cultura e Medio Rural. Esiximos en favor da transparencia que se fagan públicos os informes destas Consellerías, e fundamentalmente os que fan referencia aos impactos mediaombientais das instalacións (Medio Ambiente), á declaración de incidencia supramunicipal (Política Territorial), o de afectación ao Patrimonio (Cultura) e ao agro (Medio Rural). Tal e como incluímos nas nosas alegacións, entendemos que estas instalacións non se axustan á normativa vixente sobre a declaración de incidencia supramunicipal - entre outras cousas - vía imprescindible para a expropiación forzosa.

Por outra banda, o Sr. Fernando Otero, voceiro da Asociación de Productores de Rodaballo de Galicia (AROGA), ven de sinalar que o Plan de Pesca é xurídicamente intachable, feito do cal desde esta Comisión discrepamos. Entendemos que o sector da acuicultura industrial confunde a “seguridade xurídica” que os empresarios reclaman con toda xusticia para a súa actividade, coa impunidade ante a lei, cousa moi distinta. E ahí está para demostralo feitos como o das xa mencionadas dos verquidos sen autorizacións ou de instalacións como a de Oia (Pontevedra), cunha sentencia firme de derrubo por parte dun xuíz a causa dun exceso de edificabilidade, e que este plan pretende legalizar e agasallar ademáis cunha macro-ampliación.

Preguntámonos cómo AROGA pode pedir seguridade cando mesmo desde o seu Presidente e xerente de Stolt Sea Farm, Pablo García (ver entrevista na Voz de Galicia, sección Barbanza do 06/09/2006) situou aos propietarios que non cedesen as súas terras para as piscifactorías entre a disxuntiva de venta ou “expropiación forzosa”, nunha actitude que lesiona un dereito fundamental do noso ordeamento xurídico como é a propiedade privada. Seguridade xurídica para as empresas e inseguridade para o resto dos cidadáns, ¿é esto o que pide AROGA?

Por último, sinala o Sr. Otero que os retrasos no Plan bloquean 250 millóns de euros. Parecen preocupadas as empresas exclusivamente nos seus millóns, sen ter en conta que os 390 millóns de subvencións que van a recibir proceden finalmente de tódolos cidadáns, e polo tanto temos o dereito de discrepar da súa utilización e por outra banda fiscalizar o emprego destes cartos. Que AROGA pense aínda que sexa por un intre no impacto social, medioambiental, cultural e paisaxístico da súa actividade e non sólo nos crudos beneficios. Parece que o concepto de “responsabilidade social corporativa” non chegou aínda a este sector. Mágoa.


Comisión de Propietarios de Laxe Brava
Visita o noso blog
http://salvemoslaxebrava.blogspot.com/

En Teira, Corrubedo , a 6 de novembro de 2007.

Plataforma Corrubedo
-corrubedo@altermundo.org-
_______________________
ADEGA: Crónica da Marcha Nacional de Corrubedo

Corrubedo 4-N: Marea de Dignidade

Este pasado día 4, milleiros de persoas démonos cita en Corrubedo para defender a costa da barbarie depredadora das transnacionais do peixe que queren ocupar máis de 3 millóns de m2 dos nosos espazos costeiros millor conservados. Os máis de 50 colectivos cívicos reclamamos á Xunta a retirada dun Plano Acuícola insolidario e insustentábel e máis atención aos nosos recursos naturais. Sra. Conselleira: A COSTA É GALEGA E NON DE NORUEGA!.

Esta marcha nacional non é o final dunha loita na que ADEGA e os diversos colectivos de afectados levan xa meses. Logo das charlas e xornadas informativas por todo o litoral, e da presentación de máis dun milleiro de alegacións ao Plano Sectorial, a Conselleira de Pesca non pode seguir ignorando por máis tempo o clamor popular contra un proxecto miope, insustentábel e lesivo para o país.

Por iso, vimos de solicitarlle outra volta a retirada do Plano Acuícola e a apertura dunha mesa de negociación con todos os sectores afectados: confrarías, colectivos veciñais, asociacións cidadás, ecoloxistas, patronal do peixe plano, partidos políticos e sindicatos.

O obxectivo é definir as prioridades para a millora e o desenvolvemento do sector acuícola galego, que representa ao 98% da producción e do emprego, fronte ao escaso 2% da acuicultura industrial en terra. Sanear o litoral, recuperar os caladoiros, pechar o ciclo produtivo do marisco, controlar as canles de distribución, regular a actividade das bateas, eliminar as prácticas pesqueiras insustentábeis e potenciar a producción de calidade deberían ser as prioridades dun Plano Acuícola que atenda ás necesidades do país e non ao lucro das transnacionais do peixe de cemento.

Fins Eirexas

http://www.adega.info

Clica para ver algunhas fotos do acto
________________

Entidades ecoloxistas denuncian mala praxe nunha tala próxima á Frouxeira

Pola importancia da noticia transcribimos o publicado no xornal comarcal "Diario de Ferrol", onde as organidacións ecoloxistas denuncian unha nova agresión ao contorno "protexido" da Frouxeira en Valdoviño. Unha vez máis lamentamos que ditas organizacións non nos enviaran o comunicado unitario ao Blog da PA21.

Diario de Ferrol
Ferrol | Martes, 6 de Novembro de 2007

Entidades ecoloxistas denuncian mala praxe nunha tala próxima á Frouxeira
Tres entidades proteccionistas da comarca uníronse para denunciar unha serie de actuacións próximas á praia da Frouxeira en Valdoviño, onde crece unha especie de vexetación estritamente protexida e que foi destruída ao realizar labores de talla e poda no terreo.

REDACCIÓN > FERROL

As entidades Sociedade Galega de Historia Natural, Verdegaia-Ferrol e Adega-Trasancos, denuncian que nunha extensa superficie situada en pártea suroeste do areal da Frouxeira, en Valdoviño, realizáronse nos últimos días unha serie de actuacións no terreo que "atentan gravemente" conta a integridade dun espazo que as entidades ecoloxistas catalogan como de "elevado valor ecolóxico".

A parcela en cuestión, esténdese ao oeste do río Magno, na zona de transición entre a vexetación arbórea e a dunar.

Actuacións > Desde as asociacións indican que as actuacións na contorna da Frouxeira motivo da protesta foron a talla de vexetación arbórea de salgueiros nun área de dominio público do río Magno e na zona de Policía, nunha franxa de 20 metros, tal e como denuncian as entidades ecoloxistas. Outra das agresións á natureza que se fai pública desde as asociacións foi a talla de piñeiros nun espazo de duna gris, é dicir, o que vén ser a zona postdunar. Ademais, denuncian os restos desta talla non se recolleron e permanecen esparexidos neste espazo. Tamén se procedeu, segundo indican, ao rozado, arado en profundidade e plantación de eucaliptos nunha zona húmida, integrada na súa maioría por unha vexetación mono específica de "Cladium mariscus", unha "valiosísima" especie de humidal de escasa presenza en Galicia, afirman desde o colectivo.

As citadas actuacións realizáronse nun hábitat protexido pola Unión Europea. Ademais hai que engadir, indican desde as entidades proteccionistas, que se trata dun dos cinco humidais galegos protexidos polo Convenio Internacional de Ramsar, ratificado polo Goberno español en 1982, coa finalidade de protexer os humidais de importancia internacional, a súa flora e fauna e sobre todo polo que significan eses espazos como hábitat de aves acuáticas. Este convenio, destacan as asociacións, obriga aos países asinantes a tomar as medidas necesaria par salvagárdaa destes lugares.

Ademais, a zona en cuestión pertence á Rede Natura 2000 e forma parte do Lugar de importancia Comunitaria Costa Artabra.

As tres entidades ecoloxistas esixen ás autoridades competentes que tomen as medidas sancionadoras oportunas e obríguese á reparación dos danos provocados para devolver o espazo á súa situación orixinal.

Enlace coa noticia orixinal no Diario de Ferrol
______________________

Valoración da Plataforma Medioambiental de Corrubedo ao respecto da Marcha Nacional pola Defensa do Litoral do 4 de novembro

De: Plataforma Corrubedo
-corrubedo@altermundo.org-
Para: artabra21@gmail.com
Data: 5 de novembro de 2007 18:45
Asunto: Valoración da Plataforma Medioambiental de Corrubedo ao respecto da Marcha Nacional pola Defensa do Litoral do 4 de novembro


CORRUBEDO 4N: CAMIÑO DA DIGNIDADE
Valoración da Plataforma Medioambiental de Corrubedo ao respecto da Marcha Nacional pola Defensa do Litoral do 4 de novembro


Dende a Plataforma Medioambiental de Corrubedo, un dos moitos colectivos que onte, 4 de novembro, marcharon en Corrubedo contra a desfeita irreversíbel que pode supor o Plano Acuícola da Xunta, queremos manifestar o noso orgullo por formarmos parte da Galiza digna, da mesma que se move polo amor a terra e da mesma que se ergue por fin e para sempre nun berro colectivo contra a violación do mellor de nós, que son as nosas paisaxes, os nosos mares, os nosos cantís, as nosas tradicións, a terra galega toda.

Non imos entrar na tradicional danza de cifras post-mobilización porque calquera pode percibir que onte, en Corrubedo, no cabo verde, houbo milleiros de persoas. Foi un éxito sen precedentes nunha vila tan pequena como esta que onte, dalgún xeito, foi a capital da dignidade dun país. Todas e todos os que se achegaron onte a Corrubedo, os que encheron de orgullo térreo as rúas desta pequena vila mariñeira, eran galegas e galegos dignos cuio único obxectivo é amosar que cando o poder político non cumpre co pobo, sexa cal for a súa cor, cando os apoltronados do Hórreo traizoan o país, aí está o poder popular, a nación, para lembrarlles que é en nós, nos do común, onde reside a soberanía desta Galiza nosa. Sen nós, non hai goberno e sen nós non hai país.

E nós, o pobo soberano, o que vive a pé de rúa, dixemos onte en Corrubedo non só que o Plano Acuícola da Xunta é inaceptábel, indecente e indigno, senón que o camiño autodestrutivo emprendido polo noso goberno, non é o noso camiño. Cando milleiros de persoas de todo o país, dende Ribadeo á Guarda e dende O Courel a Corrubedo, conflúen nun afastado cabo como o noso; cando tanta xente gasta horas e horas do seu tempo en ir berrar a un dos fins da terra nosa, é que algo acontece. Cando asociacións veciñais, pobos enteiros, sindicatos, colectivos ecoloxistas, confrarías de pescadores, asociacións de mariscadoras e mergulladores, intelectuais e artistas, marchan xuntos e sen fisuras nunha causa común, é que algo moi grave acontece.

E abofé que algo moi grave acontece. O ritmo de destrución de ecosistemas, paisaxes e mesmo aldeas e tradicións é escandaloso. Nada xustifica roubar a terra ao pobo para entregarlla a empresas depredadoras. Nada xustifica privatizar o litoral ao máis puro estilo colonialista. Nada xustifica ir contra a vontade de todo un pobo.

Onte, en Corrubedo, o país galego díxolles aos seus gobernantes que xa abonda, que queremos outro modelo de desenvolvemento, que queremos conservar o pouco que nos queda, que antes cás siglas políticas, antes cós intereses económicos, está a vontade da nación, a dignidade deste curruncho do noroeste peninsular que onte, para ben ou para mal, comezou unha loita unitaria pola dignidade porque aqueles en quen confiou o seu goberno mudaron en cegos e xordos. Si, este 4 de novembro, no afastado cabo do ollar largacío que é Corrubedo, o pobo galego dixo: Galiza non se vende. E xa non pararemos, por dignidade. Parabéns a todas e todos e adiante, pois este é o camiño.
_____________

De: ASOCIACION VECIÑAL FONTELONGA
avvfontelonga@mundo-r.com
Para: artabra21@gmail.com
Data: 6 de novembro de 2007 18:08
Asunto: manifestación en corrubedo

_________________


__________________

Dende Ribeira envían testimonio da manifestación en Corrubedo.
Saúdos

http://www.riveira.net/barplaza/corrubedo.htm

Non te perdas os videos.
_____________

O Comité Cidadán de Emerxencia para a Ría de Ferrol convoca unha Asemblea Cidadá para o venres 9 de novembro [Nova data]

Comité Cidadán de Emerxencia para a Ría de Ferrol, na súa última reunión da Mesa de Traballo decideu convocar a XVII Asemblea Cidadá, para o vindeiro venres, 9 de novembro de 2007, ás 19:30 hrs nos locais do Ateneo Ferrolán.

Pasou moito tempo desde a última Asemblea Celebrada nos locais da Asociación Veciñal de Ferrol Vello, para preparar a Manifestación do pasado 30 de Setembro. polo que hai asuntos que son necesarios tratar, como a análise do estado da situación actual; como está o peche da veciñanza na Casa do Concello de Mugardos, pasados máis de 100 días desde o 23 de xullo; a visita de técnicos doutras terminais regasificadoras situadas en diferentes países do mundo; as visitas escolares á planta con fins propagandísticos; o pelotazo urbanístico coas parcelas onde se localiza a planta; a finalización da acta de funcionamento en probas; a entrada do noveno buque gaseiro pola noite con apenas visibilidade; os apoios sindicais e de intelectuais e profesionais; a consulta ao CNE; as respostas do Alcalde de Mugardos ás solicitudes da Subdelegación do Goberno da Coruña; as novas proposta de mobilizacións; ...
_____________
A todas as entidades cidadás e persoas, integradas na Asamblea Cidadá de Ferrolterra




XVII ASAMBLEA CIDADÁ
VENRES 9 DE NOVEMBRO DE 2007,
Ás 19:30 hrs
Salón de Actos
ATENEO FERROLÁN

A finais de setembro Reganosa deu por finalizadas suas obras e solicitou o acta de posta en servizo. Por primeira vez para unha Planta de Gas, o Ministerio de Industria está pedindo un terceiro informe os organismos que habían sido consultados anteriormente da autorización de construcción.

Nos ultimos meses a administración central aceptou nosa proposta, que desdce fai mais de un ano viñamos facendo, de solicitar novos informes os organismos que habian sido consultados anteriormente, para que digan se Reganosa ten resoltos os condicionados dos seus informes, entre outros as distancias suficientes ata a poboación e a saida o mar aberto dos gaseiros en caso de emerxencia durante a descarga en Punta Promontorio ou non seu tránsito polo interior dá Ría .

Por ilo desde o CCE remitironse senllos escritos a Dirección Xeral de Urbanismo da Xunta, Autoridade Portuaria de Ferrol, Ministerio de Defensa e a Comisión Nacional dá Enerxia, organismos que puxeron mais condicionados, para que verifiquen se Reganosa, logo de que ten solicitada o acta de posta en servizo, ten resoltos ou cumprimentados os devanditos condicionados.

Dado que a Administración Central aceptou revisar os condicionados impostos a Reganosa, e que algunos son imposibles de resolver coa sua ubicación dentro da Ría de Ferrol, abrigamos serias esperanzas que non se lle sexa aprobada o acta de posta en servizo ou de funcionamento definitivo.

ORDE DO DÍA

Punto único.- Informe de situación.

Comité Cidadán de Emerxencia para a Ría de Ferrol

___________________
Nota.- Nesta páxina, até houbo tres datas diferentes para a convocatoria da Asemblea Cidadá, polo que tedes que disculpar a confusión que se pode estar causando. O asunto foi que nun principio a data acordada na Mesa de Traballo do propio Comité, foi a do xoves 8 de novembro, mais para esa data estaba prevista a celebración da Asemblea Xeral da Asociación Veciñal de Ferol Vello que contribui con moitas persoas á Asemblea Cidadá, polo que se decideu cambiar para o mércores 7, mais nesa data está previsto que se celebre no Ateneo Ferrolán, un obradoiro da Cooperativa de Consumo Responsábel "A Xoaninha" e unha conferencia moi atractiva e importante, de MARCOS ARRUDA (Coordinador xeral do Instituto de Políticas Alternativas para o Cono Sur, Brasil). "Riqueza, pobreza e ecoloxía", e BERNARD CASSEN, fundador de ATTAC e director xeral de Le Monde Diplomatique: "Como a clase mundial de súper-ricos está destruíndo o planeta", ao que moita xente tiña comprometida a súa asistencia, polo que o Comité Cidadá de Emerxencia decideu que a Asemblea Cidadá tivera lugar o vindeiro venres dia 9 de novembro nos locais do Ateneo Ferrolán, ás 19:30 hrs.

Interessante Audio da secçom "Tertulia de Sabios" do programa "La Ventana da SER"

De: mirandomundo@gmail.com
Para: artabra21@gmail.com
Data: 5 de novembro de 2007 19:23
Asunto: Interessante Audio da secçom "Tertulia de Sabios" do programa "La Ventana da SER"



A planta de gas de Reganosa centrou a secçom Tertulia de Sabios do programa radiofónico La Ventana que conta coa preséncia de Santiago Carrillo, Miguel Herrero de Miñón, Rodolfo Irago, Pere Portabella e Xosé Lois Méndez Romeu, Conselheiro de Presidéncia da Xunta de Galicia.

Audio desta semana: Segunda-Feira [Luns] 5 de Novembro

Enlace Original


A semana passada também falárom do tema Reganosa, e entrevistárom a Luz Mariña, presidenta da Plataforma Veciñal "O Cruceiro de Meá", integrante do Comité Cidadán de Emerxencia para a Ría de Ferrol, vecinha fechada na Casa do Concelho de Mugardos.

Audio da semana passada: Segunda-Feira [Luns] 29 de Outubro

Enlace Original

___________________
Trasancos Mirando o Mundo
mirandomundo@gmail.com
http://trasancos.blogspot.com/
______________

Unha grande mobilización na Defensa do Litoral Galego e contra o Plano Acuícola da Xunta de Galicia tivo lugar en Corrubedo este domingo 4 de novembro

Galería Fotográfica da Marcha Nacional na Defensa do Litoral Galego, celebrada en Corrubedo o 4 de Novembro de 2007

Autora: Asociacion Veciñal "O Rosario - Inferniño" de Ferrol
-avvorosario@gmail.com-
http://www.ferrolnovo.blogspot.com/
4 de novembro de 2007 20:51

Enlace coa Galería Fotográfica da marcha de Corrubedo [04.11.2007]

[Clicar acima da imaxe pa entrar na Galería de Diapositivos]

____________________

Enlaces Relacionados:

En "El Correo Gallego"

Miles de persoas manifiestan-se en Corrubedo en contra do Plano Acuícola da Xunta de Galicia
Beiras, Luís Tosar e Antón Reixa leeron un manifiesto contra a instalación de piscifactorías en zonas de alto valor ecolóxico

Marea verde en Corrubedo

Galería Fotográfica de R.Escuredo


PA21
Artigos sobre o Plano Acuícola da Xunta de Galicia publicados no Blog da PA21

En Galicia Hoxe

Berro contra o plan acuícola
A vila ribeirense acolle decenas de colectivos cidadáns, para amosar a súa oposición a un proxecto acuícola que "vende o mellor de nós mesmos" e lanzar un SOS polo territorio

Do soño de Touriñán á desfeita da Laxe Brava
___________________

Marcha a Corrubedo (Novo horario)

De: Comité Cidadán de Emerxencia
-comitecidadan@gmail.com-
Para: artabra21@gmail.com
Data: 2 de novembro de 2007 16:56
Asunto: Marcha a Corrubedo (Novo horario)


MARCHA EN DEFENSA DO LITORAL
"Non o Plano Acuícola"
Corrubedo, 4 de Novembro, ás 12 horas.
Desde FERROL
Saída de autobuses (Correos - Praza de Galicia)
ás 8,45 horas *
Regreso ó remata-la manifestación. Prezo aprox. 7 €
Reserva : Telefº 690 612 737
Mais información: http://comitecidadan.org
* Tíñase anunciada a saída para as 9,30 h., máis, polas obras na autovía do Barbanza, farase outra ruta alternativa que precisa sair ás 8,45 h. Prégase desculpas.

--
Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org
______________

Enlace relacionado:

Convocatoria e máis información

_______________________

Artigos sobre o Plano Acuícola da Xunta de Galicia publicados no Blog da PA21

1. Aguiño: Contra Goliath, un artigo de Eduardo Rego publicado en Vieiros

   De: ASOCIACION VECIÑAL FONTELONGA -avvfontelonga@mundo-r.com- Para: artabra21@gmail ... lugares fermosos que temos na nosa costa, roza o Parque Natural de Corrubedo e ten unha paisaxe pouco

2. Piscifactorías, canteiras e taparrabos

   De: ASOCIACION VECIÑAL FONTELONGA -avvfontelonga@mundo-r.com- Para: artabra21@gmail.com Data: 2 de novembro de 2007 11:17 Asunto: Artigo de Manolo Rivas Piscifactorías, canteiras e taparrabos MANUEL RIVAS 02/11/2007 El País En Noruega, un lugar como cabo Vilano tería a protección máxima. Sería intocábel.
   

3. Informacións sobre a Marcha Nacional na defensa do Litoral Galego

   De: Plataforma Corrubedo -corrubedo@altermundo.org- Para: artabra21@gmail.com Data: 1 de novembro de 2007 09:51 Asunto: ACHÉGATE A CORRUBEDO, E BERRA FORTE... MARCHA ...
   

4. Marcha a Corrubedo (Novo horario)

   De: Comité Cidadán de Emerxencia -comitecidadan@gmail.com- Para: artabra21@gmail.com Data: 2 de novembro de 2007 16:56 Asunto: Marcha a Corrubedo (Novo horario) MARCHA EN DEFENSA DO LITORAL "Non o Plano Acuícola" Corrubedo, 4 de Novembro, ás 12 horas.
   

5. 4 de novembro, tod@s a Corrubedo, á Marcha Nacional na Defensa do Litoral

   De: Plataforma Corrubedo -corrubedo@altermundo.org- Para: artabra21@gmail.com Data: 29 de outubro de 2007 21:18 Asunto: Corrubedo, 4N: NOTA DE PRENSA NOTA DE PRENSA MARCHA NACIONAL POLA DEFENSA DO LITORAL CORRUBEDO,
   

6. Resumo do falado na reunión da "Rede Litoral Vivo" que se celebrou o 20 de outubro en Compostela

   De: Fusquenlla Para: artabra21@gmail.com Data: 22 de outubro de 2007 17:15 Asunto: ... ), Plataforma Medioambiental de Corrubedo (Ribeira), Ortigueira Sostible, Afectados/as Vertedoiro
   

7. 4 de Novembro. marcha nacional contra o Plano Acuícola da Xunta de Galicia

   De: Plataforma Corrubedo -corrubedo@altermundo.org- Para: artabra21@gmail.com Data: 10 de outubro de 2007 19:57 Asunto: Corrubedo 4N, xa é oficial Corrubedo 4N, xa é ... a Xunta.
   

8. Convite para unha manifestación nacional contra o Plano Acuícola convocada polas diversas Plataformas en Corrubedo, o 4 de novembro

   De: Plataforma Corrubedo corrubedo@altermundo.org Para: artabra21@gmail ... MANIFESTACIÓN NACIONAL CONTRA O PLANO ACUÍCOLA EN CORRUBEDO Saúdos: Achégovos o convite para unha ... /as e ADEGA. Tamén o manifesto.
   

9. Novo artigo de Xosé Manuel Beiras: "Do Courel a Corrubedo. IV. Gas licuado"

   De: ASOCIACION VECIÑAL FONTELONGA Para: artabra21@gmail.com Data: 2 de Setembro de 2007 11:21 Asunto: Artigo de Xose Manuel Beiras "Do Courel a Corrubedo. IV. Gas licuado" GALICIA HOXE - 2/09/07 de catro a catro Do Courel a Corrubedo.
   

10. Do Courel a Corrubedo I.- A terra e o home.

    De: ASOCIACION VECIÑAL FONTELONGA -avvfontelonga@mundo-r.com- Para: artabra21@gmail.com Data: 12 de Agosto de 2007 11:32 Asunto: Artigo de X. M. Beiras de catro a catro Do Courel a Corrubedo I.- A terra e o home XOSÉ MANUEL BEIRAS Si, a Corrubedo, non a Compostela.
    

11. Unha pretendida instalación acuícola, considerada "estratéxica" pola administración, pon en perigo unha zona do litoral de Corrubedo

    De:lupe ces -lupeces@gmail.com- Bárbara primo -barbaraprimo22@yahoo ... administración autónomica, pon en perigo unha zona do litoral de Corrubedo, de importante valor natural, ecolóxico e paisaxístico. A XUNTA CASTIGA A CORRUBEDO.
    

__________

_______________

Verdegaia convoca para o vindeiro domingo 11 de novembro un roteiro polo Río Sor, no concello de Mañón

De: Verdegaia en Ferrol, Eume e Ortegal
-ferrol@verdegaia.org-
Para: artabra21@gmail.com
Data: 1 de novembro de 2007 00:44
Asunto: Verdegaia convoca para o vindeiro domingo 11 de novembro un roteiro polo Río Sor, no concello de Mañón

[Clicar acima da imaxe para ampliar]

Verdegaia convoca para o vindeiro domingo 11 de novembro un roteiro polo Río Sor, no concello de Mañón.

Trátase dunha magnífica ocasión para achegarse a un espazo natural pouco coñecido pero moi ben conservado, onde se pode disfrutar dunha paz e unha paisaxe difíciles de igualar. Ademais da excelente calidade das súas augas, o Río Sor ofrece aínda excelentes manchas de fraga de ribeira autóctona.

O percorrido comezará na parroquia de Grañas do Sor, no lugar coñecido como Ribeira do Bispo, e continuará sempre seguindo o percurso do río ata a zona recreativa de Ponte Segade, onde terá lugar o xantar. Pola tarde continuará a andaina ata chegar á fervenza de Augas Caídas onde rematará, completando un percorrido total de 14, 5 km cunha dificultade considerada como media-baixa.

Para dita actividade a asociación poñerá a disposición dos participantes un bus que partirá da escalinata de Correos en Ferrol o domingo 11 ás 9:30 h, estando prevista como hora de volta as 7 da tarde. O prezo será de 4 € para os/as non socios/as e de 2,50 € para os/as socios/as. O número de prazas é de 30 e o prazo de inscrición rematará o día 8 de novembro. Cómpre levar o xantar e ropa e calzado axeitados.

As persoas interesadas en participar nesta actividade poden facer a súa reserva chamando aos teléfonos 981320235 ou 661636946.
--
Núcleo Comarcal de Verdegaia en Ferrol, Eume e Ortegal
ferrol@verdegaia.org
...

http://www.verdegaia.org
______________

O Observatorio do Gas Natural Licuado traenos unha noticia de Canada: A oposición ao proxecto de regasificadora de Rabaska - Quebec

De: Ferrol CAPE -ferrol.cape@gmail.com-
Para: artabra21@gmail.com
Data: 1 de novembro de 2007 20:57
Asunto: OBSERVATORIO DEL GAS NATURAL LICUADO


OBSERVATORIO DEL GAS NATURAL LICUADO

Estimad@s amig@s.

Hoxe enviámosvos unha noticia de Canadá e que demostra que os grupos de presión económico-enerxético funcionan da mesma forma en todos os sitios, é dicir, están pegados aos políticos e moi separados das leis e dos intereses dos cidadáns. En fin, gozar da noticia.
[O DOMINGO DIA 4 ESTAREMOS TAMÉN NA MANIFESTACIÓN DE CORRUBEDO. GALICIA NON SE VENDE !!]

OBSERVATORIO DO GAS NATURAL LICUADO (GNL)

HOXE ESCOLLEMOS UNHA NOTICIA DE CANADA

[Clicar acima da imaxe para ampliar]

Leer en:
http://www.theglobeandmail.com
______________


________________
UN video curto da Marcha do 22 de Setembro contra a planta regasificadora de Rabaska.
____________
TRADUCCIÓN:

QUEBEC (Canadá) - O pasado domingo día 28 de outubro máis de 1000 cidadáns da área de Rabaska marcharon cara a Quebec para manifestarse en contra da localización dunha planta de almacenaxe e regasificación de gas natural licuado (GNL) que se propón situar nunha zona agrícola moi apreciada en Canadá. A familia billonaria Desmarais *), de Montreal, converteuse no albo desta manifestación que foi organizada polos opositores á planta de Rabaska, unha cidade próxima a Quebec, os cales argumentan que fará dano ao medio ambiente e aos campos de explotación agrícola. (*) Aquí chamaríase . . . . . )

Os manifestantes marcharon cara á Asemblea Nacional de Quebec, acusando ao goberno de Mr. Charest de vender a Power Corporation de Canadá, controlada pola familia Desmarais e un importante accionista do proxecto Rabaska (é Gaz de France). O goberno de Quebec aprobou o proxecto a semana pasada logo de recibir a luz verde en xullo do panel de medio ambiente federal-provincial.

"O goberno liberal de Quebec, no seu afán por aprobar o proxecto, sabe que está vivindo un tempo de prestado e o control do proxecto Rabaska pola familia Desmarais agora parece comprometido", dixo a portavoz de Greenpeace Jocelyn Desjardins á multitude enfervorecida. Greenpeace foi unha das 25 asociacións medio ambientalistas e de grupos culturais que compoñen unha gran coalición que persegue mobilizar á opinión pública de Quebec contra o proxecto Rabaska, a segunda terminal de gas natural da provincia que se aprobou este ano. A outra, en Gros-Cacouna *) preto de Riviere du Loup, 250 quilómetros ao leste da cidade de Quebec, recibiu do goberno a súa aprobación o pasado mes de xuño. ( * Por certo esta planta tamén ten unha importante oposición dos residentes da zona)

O goberno declarou que os terminais de gas natural licuado, ou GNL, axudarán a diversificar as subministracións de enerxía da provincia e facelo menos dependente da Western Canadian Gas Natural *) e do petróleo pesado altamente contaminantes, un dos principais contribuíntes ás emisións de gases de efecto invernadoiro na provincia. (* Igualito que aquí, que simpáticos! O coco na nosa zona chámase Enagás).

Un portavoz de Quebec-Kyoto, un grupo medio ambientalista que persegue o cumprimento do Protocolo de Kyoto sobre as emisións de gases de efecto invernadoiro, sostén que, en efecto, as terminais de GNL aumentan a dependencia da provincia dos combustibles fósiles. Daniel Breton dixo que a diminución da demanda de petróleo pesado será substituída por un maior uso de gas natural. Acusou ao goberno de Quebec *) de traballar en aras de intereses talles como de Power Corporation e de entregar o control da enerxía da provincia a empresas privadas. (*Igualito que aquí, ou sexa a Xunta).

"Temos que parar aos políticos mezquinos *) que venden a nosa democracia ao mellor ofertante" , dixo Breton á multitude. "As persoas como os ex primeiros ministros Jean Lesage e René Lévesque deixáronnos un patrimonio precioso. Non podemos darnos o luxo agora de desperdicialo só para satisfacer o capricho dos poderosos grupos de presión." (* igual que aquí?).

A coalición espera presionar ao goberno para que retire a súa decisión tal como fíxoo cando, logo de grandes presións, forzaron ao primeiro ministro Jean Charest en 2004, a descartar a proposta de Suroît Gas de situar unha planta de cogeneración en Beauharnois, preto da estación de Montreal. A de onte foi a primeira manifestación do que será unha serie de marchas de protesta a celebrar nos próximos meses, din os organizadores.

O proxecto, Rabaska de 840 millóns de dólares, está programado para empezar a construción na próxima primavera e entrará en funcionamento a finais de 2011. No consorcio do proxecto participa Gaz Métropolitan de Montreal, Enbridge Inc de Clagary e a poderosa multinacional francesa Gaz de France.

A través dos seus intereses no xigante enerxético francés Suez SA, que recentemente se fusionou coa empresa pública francesa Gaz de France, Power Corporation posúe unha participación importante no proxecto Rabaska. A fusión de Suez e Gaz de France situou á familia Desmarais como o principal comprador e vendedor de gas natural en Europa e un líder global do gas natural licuado, considerado como o de máis rápido crecemento do sector da enerxía.

A seguridade segue sendo unha importante preocupación para os opositores ao proxecto, sinalando que nos últimos meses, tres proxectos de terminais de GNL nos Estados Unidos, dous en California e un en Massachusetts, foron rexeitadas en gran medida debido a preocupacións de seguridade.

"Quebec *) non debería converterse nunha estación de servizo dos Estados Unidos", dixo Camil Bouchard, crítico medio ambientalista do partido Québécois. (* E Galicia tampouco, con respecto á "meseta" e ao resto de España).

O Sr. Bouchard móstrase reticente a unirse ao coro de protesta en contra de Power Corporation, e dixo que o seu partido estaba en contra de atacar aos líderes económicos na provincia. O orador pon de cheo a culpa sobre os ombreiros do Goberno, argumentando que a Xunta de Enerxía de Quebec *) debe examinar as necesidades futuras de gas natural da provincia antes de aprobar terminais de GNL. ( * Aquí tamén, ou sexa a Xunta)

Datos da planta en:
http://www.rabaska.net

Uns videos sobre a planta en:
http://www.rabaska.net

Nota: Nun dos vídeos vese a un técnico de laboratorio que aparentemente bebe GNL. Non é verdade, é un truco de circo, pois o que bebe este señor é AUGA. Este vídeo puxéronllo a uns políticos nacionalistas e concelleiros de Mugardos para convencerlles das virtudes do Gas natural. Algúns, din, créronllo.

Envía: www.f-cape.org Colectivo universitario opositor á planta de gas da ría de Ferrol
________________

Aguiño: Contra Goliath, un artigo de Eduardo Rego publicado en Vieiros

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 2 de novembro de 2007 09:18
Asunto: Aguiño: Contra Goliath, un artigo de Eduardo Rego publicado en Vieiros

Aguiño: Contra Goliath
11:31 29/10/2007
Eduardo Rego

Aguiño é un dos moitos lugares fermosos que temos na nosa costa, roza o Parque Natural de Corrubedo e ten unha paisaxe pouco corrente en Galicia. Se un se sitúa na parte costeira que vai do peirao a Punta Couso, sorprenderase ao atopar unha paisaxe de arrecifes, coa Illa de Salvora, a uns poucos centos de metros, que parece transportarnos a outras latitudes.

É xusto nese espazo onde esta previsto situar a macrodepudradora á que os veciños e a Asociación Sagres se opoñen (co apoio de ADEGA e ADENA) . Veciños que, no seu día, se mobilizaron para frear a marea negra do Prestige que, xunto cos mariñeiros do Grove e dos demais pobos pesqueiros da Ría de Arousa, levounos a construír aquela barrrera, cos seus barcos e apeiros, que simbolizou a acción decidida da cidadania fronte á ineficacia da Administración e cuxas imaxes foron difundidas por algunhas televisións.

Agora, a Consellería de Medio Ambiente, en Penisqueira, xunto a Punta Couso,-zona que fora protexida polo Ministerio de Medio Ambiente para reducir o impacto do chapapote- decide construír a EDAR. Xusto a uns poucos centos de metros onde o Ministerio de Medio Ambiente acaba de mercar a Illa de Salvora.

Un agasallo envelenado? do alcalde do PP

Os veciños están a favor da depuración das augas residuais (Depurar si, pero non así), pero queren minimizar o seu impacto (defenden outro modelo de pequenas depuradoras) e cuestionan o lugar escollido. As principais razóns pola que se decide esa localización, das catro que propón o “Anexo nº 3: Estudo de Alternativas” (pódese baixar de internet e é de 5 folios), é que os terreos son municipais e non necesitan expropiarse e, ademais, non se prevé rexeitamento social; nas outras alternativas, si, segundo fan constar na memoria. Nin unha soa palabra sobre efectos ambientais, en ningunha das alternativas; unicamente a referencia aos malos cheiros que poida producir.

Os terreos, proponos e cédeos o Concello, gobernado polo PP e a Consellería de Medio Ambiente dá o visto e prace, sen entrar noutras cuestións. Fai uns días, despoís de varios meses de espera, e da mobilización dos veciños de Aguiño e da Asociación Sagres – á que non convidaron a asistir nin como testemuña- o conselleiro reuniuse cos representantes dos partidos políticos no Concello e concedeu un prazo ao alcalde para que propoña outro lugar alternativo.

Excepcional valor ambiental

O lugar no que se pretende situar é de excepcional valor ambiental, a 250 metros de zona declarada de Interese Comunitario en 1997, a 500 metros do Parque Nacional das Illas Atlánticas. Está previsto que sexa declarada (pendente de firma, nada máis), polo Convenio de Protección do Atlántico Nordeste, en “Área Mariña Protexida”; os arrecifes rochosos mergullados son de interese comunitario; non respecta os límites legais de distancia mínima de 2000 metros a núcleos habitados de poboación; o emisario, de só 250 metros- dentro dunha enseada- verterá as augas (industriais e urbanas, que deberían ir separadas) en profundidades de tan só 4 metros, e non leva a augas profundas, nunha importante zona de bancos marisqueiros e pesqueiros, de percebe, polbo e sementes para as bateas de toda a ría.

Estamos perante dunha das zonas de maior valor mediambiental de Galicia, as Illas Atlánticas e o Parque Natural de Corrubedo, nas que xunto ca prevista macrodepuradora se quere cercar con duas piscifactorias. A consellería ten elaborado un anteproxecto para esixir ás instalacións industriais e ás infraestruturas que se vaian proxectar no futuro un informe de impacto sobre a contorna para evitar que afecten a especies endémicas ou poñan en perigro zonas de especial valor natural á vez que considera imprescindible contar coa participación cidadán.

Para que tanta retórica, se nunha das zonas de Galicia que conta con máis figuras de protección medioambiental, a consellería, para a instalación dá EDAR (de preto de 100€ de custo), non cre necesario realizar unha Avaliación de Impacto Medioambiental nin Avaliación Estrátexica de Sostenibilidade como piden a Asociación Sagres, ADEGA e ADENA.? Que modelos de depuradoras quere implantar no territorio?. Dá igual, cal sexa o territorio?.

É a súa obriga crear as infraestruturas e os equipamentos necesarios para procurar o saneamento da ría pero é, tamén, a súa obriga, facelo compatible coa preservación das zonas de interese ambiental. Por que non intentar facer as cosas ben, agora, que se pode?. Haberá que esperar a que a fagan e despois convertela noutra REGANOSA?

___________________
ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
________

Enlace co artigo orixinal en Vieiros, recomenmdamos entrar, pois podense ver e facer comentarios
________________

Piscifactorías, canteiras e taparrabos

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 2 de novembro de 2007 11:17
Asunto: Artigo de Manolo Rivas


Piscifactorías, canteiras e taparrabos
MANUEL RIVAS 02/11/2007 El País

En Noruega, un lugar como cabo Vilano tería a protección máxima. Sería intocábel. Un lugar sagrado. Talvez habería alí unha Escola da Beleza. Un espazo de arte onde foran buscar alí os pintores a Luz do Oeste, como en Noruega Edvard Munch e os seus amigos do "círculo bohemio" ían a Asgardstrand, no fiordo de Oslo, á procura da Luz do Norte. Mais en cabo Vilano o que hoxe pintaría Munch non sería o seu Melankoli senón unha variación d'O berro.

Os postos de traballo "na nosa terra" non poden facer desaparecela

O cabo Vilano era un Elsinor da natureza na Costa da Morte. Sempre o imaxinei como un espazo hamletiano, cun Hamlet que non morrera, a pasar a vellez no asilo dun faro, na súa lighthouse, a casa luminosa, no alto dos cantís, alimentando un corvo mariño con doncelas, o fermoso peixe que ten anos de macho e anos de femia, coas fermosas cores do arco iris na pel. Un Hamlet a pasear cara o Cemiterio dos Ingleses e a praia de Trece, sabedor xa de que o seu tío, o usurpador, era o seu verdadeiro pai, e o seu pai, un espectro túzaro e cornudo.

O caso é que cabo Vilano era un gran espazo de fermosura e fabulacións. Se a imaxinación é a escuma da memoria, Vilano de Galicia era un froito belo e dramático da imaxinación da natureza. Agora o que vemos alí é o escenario d' O berro. A ollada que se espanta, o rostro que se desqueixa, o corpo desgonzado, ante o estrago do lugar senlleiro. Cabo Vilano de Galicia é agora un exemplo de violencia catastral e contaminación da ollada. Primeiro, emprazouse xusto alí un parque eólico. Que puntería na colocación dos chismes do vento! Eu estou moi a prol das enerxías alternativas, mais isto ten moito de enerxía e nada de alternativa: sempre apuntan ás mellores paraxes. Semella que en vez de libros de enxeñería o que se consulta aquí é El pasajero en Galicia de Álvaro Cunqueiro. Onde di "marco incomparable", alí vai dereitiño o dedo indicador: "Póñame aí uns Chismes para modernizar a paisaxe".

Pois en Vilano puxeron uns Chismes de moito nabo. Antes un chisme era un chisme. Mais agora un chisme é un Chisme. Medraron moito por mor da maquinaria pesada. Pero o peor aínda estaba por chegar. Aquí haiche moito bardallas patriótico, pero logo venden Galicia e España a cachos. Por vender, venden até a bandeira da que tanto laretan. O que chegou a Vilano foi unha desas granxas mariñas que ocupou grande parte da beiramar. No país dos Chismes, hai Chismes verticais e hainos horizontais. Os Chismes entoldados da piscifactoría, en cor verde podre, transformaron Vilano nun espazo psicótico. Porque tamén a paisaxe padece. Tamén a terra berra. A súa psique e a nosa están moi conectadas. Xa Freud deixou claro que hai unha íntima conexión entre o malestar humano (o da cultura) e o malestar da terra.

Había moita esperanza en que o cambio político operado en Galicia supuxera unha etapa curativa. Para a xente e para a natureza. Houbo sinais, síntomas positivos dunha nova política. Mais atopámonos de novo co poder dos Chismes. Disque é un partido transversal este dos Chismes. Home, algúns Chismes haberá que poñer, pero non imos facer de Galicia o país dos Chismes. Chismes nos ríos, Chismes nos montes, Chismes na beiramar. Viva o PCH, o Partido dos Chismes! Estes Chismes ademais son mutantes. Onde hoxe hai un Chisme entoldado, un campo de concentración de rodaballos, vai ti saber o que hai mañá.

Galicia é un lugar de míticas cidades afundidas polas augas. Agora estamos a vivir unha segunda etapa máxica. A desaparición de lugares míticos por mor da Invasión dos Chismes. Dirán os guías turísticos do futuro: "Aquí había lugares moi fermosos. Quilmas, Merexo, Corrubedo, Vilano... Mais perdémolos cando a Idade do Chisme".

Hai xente moi fachendosa co plan de acuicultura porque dis que vai facer de Galicia o Primeiro Produtor Mundial de Peixes Planos en Catividade. É unha satisfacción paradoxal: hai empresas que queren facer aquí o que non lles deixan, por exemplo, en Noruega. E aínda hai que darlle as grazas, ceder as terras e pagarlle subvencións de agasallo, en vez de poñer as cousas claras coa lei de común: "O que queira rodaballo, ten que mollar o carallo!".

Tamén hai xente moi contenta porque somos o Primeiro Produtor de Lousas. Home, é un xeito de velo. O que somos é o Primeiro Exportador de Montañas Rochosas. En Folgoso do Courel asistimos por enésima vez, coa compracencia e indolencia administrativa, a ese escandaloso espectáculo de política-lixo: utilizar os veciños ou os traballadores como carne de canón mediática na defensa do indefendíbel. A canteira da Campa é unha vergoña na Galicia e na Europa de hoxe. En Ancares e Courel perdeuse moito tempo. E agora hai poderosos intereses que se permiten aplicar o aforismo de Lec: "O descoñecemento da lei non exime do seu cumprimento; o coñecemento, si".

Non parece moi moral poñer a necesidade da xente como escudo. A xente que defende o seu traballo sempre ten razón, mais hai negocios que non son razonábeis para o interese común.

Os postos de traballo "na nosa terra" non poden consistir en facer desaparecer a nosa terra. Isto si que sería realismo máxico. Unha vantaxe futurista. Unha vez que desaparece a montaña, pois xa non debate. Nin parque. Nin montaña. Nin traballo. Nin nada. Pola parte de Valdeorras, hai territorios que desapareceron. Home, non é que desaparecera a paisaxe. Creouse unha nova. Onde antes había montañas agora hai cráteres inmensos. Non aparecen no mapa, pero iso aínda lle dá máis carácter. É a Galicia que se foi. Montañas que marcharon para non volver. Ti vas cara a montaña para unha ascensión mística e o que atopas é a boca do inferno. E no inferno dis que hai moito traballo. Veña a fornear día e noite. Hai que facer país, si, pero sen desfacer o país. É admirábel o que costa desfacer un país. O traballiño que dá. Hai que visitar os cráteres de Galicia. Alí descubriremos unha extraordinaria Monumentalidade do Baleiro. Espazos pre-arquitectónicos dun maximalismo minimalista. Caspar David Friedich situou a Holderlin nun penedo por riba das nubes para pintar o romanticismo. Un emblema de hoxe sería o solitario ser humano no epicentro dunha inmensa pedreira baleira na Galiza.

Vivimos tempos en que se fala de millóns como area. Hai unha manchea de institucións e organismos que peneiran orzamentos. Non vai sendo hora de poñer en marcha un plan B para Galicia? Que falar de parque natural no Courel signifique falar de postos de traballo dignos. Que ninguén diga que lle van poñer taparrabos, agás se quere desfilar na pasarela Noovo na feiticeira colección A sedución tribal do potente deseñador José Castro.

___________________
ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
________

Enlace co artigo orixinal
_______________