Enmendas à Proposta da Xunta Coordenadora para o Regulamento Interno da PA21

De: Inácio M. Orero -inaciogz@gmail.com-
Data: 27 de Janeiro de 2007 02:01
Para: "Plataforma Artabra 21 A Plaraforma da Costa Artabra, Ortegal e Eume" -artabra21@gmail.com-
Asunto: Enmendas à Proposta da Xunta Coordenadora para o Regulamento Interno da PA21

Estimadas companheiras e comanheiros da PA21:

Mediante este correio-e achego a enmenda à proposta de regulamento que fai a Xunta Coordenadora da PA21 que se vai debater na vindeira Assembleia Geral Extraordinária, o 30 deste mès de Janeiro que se vai celebrar nos locais da Fundaçom Artábria, às 19:30 hrs.
...

Saúde !

Inácio

ENMENDA À PROPOSTA DA XUNTA COORDENADORA SOBRE O REGULAMENTO ORGANIZATIVO DA PLATAFORMA ÁRTABRA 21, APRESENTADA A TÍTULO PARTICULAR POR INÁCIO M. ORERO, MEMBRO INTEGRANTE DA COMUNIDADE MENÁNCARO.

Explicaçom dos motivos da enmenda que se apresenta.-

No documento constiuinte da PA21 que foi aprovado o 29 de Maio do 2006, acordamos o MÉTODO E PRINCÍPIOS ORGANIZATIVOS, que é necessário revisar nalgum aspecto, mas considero que nom fai falta desenvolver todo um Regulamento Interno como se dumha organizaçom se trata-se, pois a PA21 é umha soma de organizaçons e vontades, a perda desta perpectiva é a que nos fai desenvolver um regulamento que encorsetaria à própria Plataforma num modelo organizativo próprio dum partido ou no melhor dos casos umha organizaçom ou associaçom jerarquizada e moi estruturada que nom é o caso. A argumentaçom de VERDEGAIA [*] na sua enmenda apartado d, do paragrafo 1, é umha leiçom de sentido comum e de saber no terreo no que nos podemos e devemos mover.

Polo exposto, proponho só revisar alguns aspectos do MÉTODO E PRINCÍPIOS ORGANIZATIVOS, consensuados no seu momento pola maoiria das pessoas e entidades que participárom na constituiçom da PA21 no seu dia, que nom desvirtuam o consensuado e desde o meu ponto de vista fam mais ágil e dinámico o funcionamento interno.

Prostas que passo a expor:

MÉTODO E PRINCÍPIOS ORGANIZATIVOS

O funcionamento da plataforma baseia-se no compromisso, individual e colectivo, de participaçom para lograr a consecuçom dos objectivos.

Esta Plataforma está aberta a entidades, organizaçons e pessoas de jeito individual que solicitem a sua integraçom, que será ratificada pola Assembleia.

Farám-se Assembleias todas as derradeiras Terça-Feiras laborais de cada mês.

Constituirá-se umha Xunta Coordenadora formada por dous/duas coordenadores/as e dous/duas responsáveis de Actas e Contas, estes/as serám renovad@s de jeito alternativo pola Assembleia.

____

Redactar de novo este Parágrafo, na sua maior parte com palavras e conceitos propostos pola Xunta Coordenadora:

Constituira-se umha Xunta Coordenadora formada por seis pessoas que assumirám as responsabilidades de coordenaçon, actas e contas, e estas serán renovadas de jeito alternativo pola Assembleia. Sendo renovadas estas pessoas, alternativamente, de três en três, cada seis meses. A Assembleia poderá autorizar a continuaçom na Xunta Coordenadora de qualquer membro, sempre que haja unanimidade. Evitara-se no possível a permanência dumha mesma pessoa na Xunta Coordenadora por mais de seis meses consecutivos. Mas esta concibe-se como um organismo aberto a todas aquelas pessoas que quigerem participar por iniciativa própria ou da Xunta Coordenadora, para colaborar na actividade que desenvolva o organismo, ou para tratar um assunto ou campanha determinada.

A Xunta Coordenadora representará à PA21 entre assembleias, que aplicará as linhas gerais estabelecidas polas mesmas, determinando os medios necessários para levar a cabo os acordos decididos. Esta coordenará o blogue, o correio-e e todos os medios de difussom e comunicaçom dos que se disponha. En caso de urgência, terá capacidade decisória, respeito dum tema concreto, devendo justificar a urgência e dar conta da sua actuaçom, ante a Assembleia mais próxima.
______________

Para as juntanças urgentes, a Xunta Coordenadora fará a convocatória o mais rápido possível.

As Assembleias acordarám por Resoluçons os princípios gerais que regerá a Plataforma, o método para um funcionamento ágil e dinámico, e as actuaçons concretas a desenvolver.

Nom poderá exercer de Portavoz da Plataforma Ártabra 21 a mesma pessoa duas vezes consecutivas.

_______________

Cambiar este parrafo polo que propom a Xunta Coordenadora, que quedaria do seguinte jeito, dentro do texto de MÉTODO E PRINCIPIOS ORGANIZATIVOS:

Non poderá exercer de Portavoz da Plataforma, a mesma pessoa, mais de seis meses consecutivos. Para temas concretos, ou em caso de necessidade, a Assembleia poderá nomear umha ou um Portavoz ocasional.

________________


Proponho que o assunto sobre a economia e as quotas da PA21, nom vaiam dentro do Documento de Princípios, senom que seja umha resoluçom desta Assembleia Xeral, como concreçom do já acordado com anterioridade, mas reduzindo o contributo semestral a 15 € e outros cámbios.

Concreçom da Resoluçom, aprovada na II Assembleia Geral Ordinária, celebrada no Centro Cultural Torrente Ballester, a Terça-Feira, 27 de Xunho de 2006, referente às quotas e o assunto económico da PA21:

1.- A Plataforma Ártabra 21, parte dum património de zero euros.

2.- Ante a impossiblidade de prever os possíveis gastos, nom se farám orçamentos anuais.

3.- Estabelece-se umha quota semestral de 25 euros, para cada umha das associaçons membros, excepto aquelas plataformas sectoriais integradas na própria PA21, que cotiçam através dalgumha das suas organizaçons constiuintes. No caso de membros individuais, a aportaçom quantifica-se em 3 euros por semestre, adimitindo maiores aportaçons voluntárias.
_________________

Cambiar esse ponto 3, por este outro:

3.- Estabelece-se umha quota semestral de 15 € [euros], para cada umha das entidades membros da PA21. No caso de membros individuais, o contributo será de 3 € [euros] por semestre, adimitindo maiores contributoss voluntários.
__________________

4.- As contas da Plataforma estarám sempre a disposiçom da Assembleia, mediante a informaçom apresentada pol@ tesoureir@, ou pessoa em quem delegue.

5.- Em caso de necessidade pontual urgente, a Assembleia poderá estabelecer umha quota extraordinária.


Nota [*]

Argumentaçom de VERDEGAIA

Proposta de emenda de Verdegaia: propoñemos a supresión deste apartado d, do parágrafo 1, por considerar q isto pode provocar q unha asociación ten a obriga de aceptar, e incluso apoiar e defender algo q pode ir en contra da maioría dos seus asociados/as ou incluso en contra dos seus propios ppos, bases e Estatutos como asociación. A plataforma artabra 21 en ppo, xurdiu para xuntar e sumar os esforzos das asociacións q traballan no ámbito de Ferrol e comarcas naquelas causas nas q todos/as estamos dacordo ou iso foi o q entendemos dende Verdegaia. Con este artigo, unha asociación pode quedar ao abeiro do q diga a plataforma, ou da opinión doutras asociacións coas que pode non concordar na maioría dos casos. Cada asociación ten q ser coherente principalmente para cos seus socios/as e nun segundo lugar participar na plataforma naquelo no q crea ou naquelo q máis lle interese ou motive e dende logo non debe nunca renunciar aos seus propios ppos e aos seus acordos internos polo q decidan outras asociacións , aínda q estas estean en maioría. Se fose así, en vez dunha Plataforma de Asociacións, a Plataforma Artabra 21 sería unha especie de asociación q absorvería as distintas asociacións q a integran. Pensamos q a toma de decisión debe ser sempre o consenso e no caso de votación cada asociación pode reservarse o dereito propio de aceptar ou desvincularse daqueles acordos concretos cos que non coincidimos. Incluso, nun momento dado, pode ter unha opinión totalmente distinta á da Plataforma, porque para iso, moitas das asociacións nos declaramos independentes, entendendo con iso q non somos controladas nin por partidos políticos, nin empresas, nin outras asociacións e q , polo tanto temos o noso propio criterio non supeditado ao criterio doutras asociacións, incluídas neste caso, plataformas. E polo tanto nos reservamos o noso dereito de apoiar, defender e aceptar ou non as decisións das demais entidades. Só estamos supeditados ao noso Estatuto, ás decisións dos nosos órganos de goberno, e as decisións da nosa Asamblea Xeral amais da lexislación vixente, claro está. E no caso doutras asociacións será algo parecido e deberán sempre respetar en primeiro lugar os seus estatutos, o q digan os seus integrantes, sempre antes q o q diga a Plataforma Ártabra 21. Polo tanto, consideramos q o mellor e suprimir este apartado por resultar contraproducente.


--
Inácio Martínez Orero

Telemóvel
645158113
________________

O desenvolvimento do Pleno Municipal do 25 de xaneiro, en Ferrol, segundo os medios de comunicación

Diario de Ferrol
Vernes, 26 de Xaneiro de 2007
Ferrol
PP e IF rexeitan a moción para paralizar as obras
Como xa se sabía desde o momento da súa presentación, os votos da coalición de goberno -PP e IF- impediron a aprobación da moción elaborada de forma conxunta polos grupos da oposición na que se pedía a paralización das obras do edificio da praza de España.

La Voz de Galicia
Venres, 26 de Xaneiro de 2007
Ferrol
A praza de España fractura a goberno e oposición ao iniciar a precampaña
A coalición recorda que hai dous anos aprobouse a obra «e entón non houbo contencioso»
A esquerda di que o edificio é «ilegal» e pide a súa paralización, que rexeitaron PP e IF

FUNDAMENTO 1º : Non cumpre co RAMINP (Reglamento de Actividades Molestas, Insalubres, Nocivas e Perigosas) Decreto 2414/1961.

___________________________________
Artigo 4 do RAMINP:

"Estas actividades deberán supeditarse, en canto ao seu emprazamento, ao disposto sobre o particular nas Ordenanzas municipais e nos Plans de urbanización do respectivo Concello, e para o caso de que non existisen tales normas, a Comisión Provincial de Servizos Técnicos sinalará o lugar adecuado onde haxa de emplazarse, tendo en conta o que aconsellen as circunstancias especiais da actividade de que se trate, a necesidade da súa proximidade ao vecindario, os informes técnicos e a aplicación de medidas correctoras. En todo caso, as industrias fabrís que deban ser consideradas como perigosas ou insalubres, só poderán emplazarse, como regra xeral, a unha distancia de 2.000 metros a contar do núcleo máis próximo de poboación agrupada".
____________________________________

AS RAZÓNS PARA NON APLICAR O RAMINP E EN ESPECIAL O ARTICULO 4, E QUE FORON ESGRIMIDAS POLO CONCELLO DE MUGARDOS (PREVISIBLEMENTE ACONSELLADO POLOS ?TECNICOS COMPETENTES? AUTORES DO PROXECTO ASI COMO DOS ASESORES LEGAIS DOS PROMOTORES DA PLANTA) RECÓLLENSE NOS 4 PUNTOS SEGUINTES.

Nota de F-CAPE: Os razonamientos destes señores, son moi comúns e manexados frecuentemente noutros proxectos por políticos, empresarios/especuladores e legistas viciados polas anteriores administracións pre-democráticas. Algúns proxectos cóanse porque non tiveron alegaciones en contra

1º) Adúcese que as Autonomías teñen as súas propias leis relacionados con este Reglamento e moito máis modernas. NON É VERDADE, ver máis abaixo.

2º) Indican que o emprazamento virá determinado polas ordenanzas municipais ou plans urbanísticos do municipio onde se establecen os lugares de ubicación e distancias por tipo de industrias. NON É VERDADE, ver máis abaixo.

3º) Din que, segundo o artigo 15 do RAMINP, pódese reducir a distancia indicada no artigo 4 (2000 metros) cando na planta adóptense medidas excepcionais. NON ES POSIBLE DE FORMA XERAL, ver máis abaixo.

4º) A distancia mínima de 2000 metros requirida no artigo 4 do RAMINP refírese a las "empresas fabrís" e segundo eles unha planta de GNL non é unha fábrica. NON É VERDADE, ver máis abaixo.


SOBRE O QUE DIN REALMENTE TANTO O RAMINP COMO O TRIBUNAL SUPREMO SOBRE As INTERPRETACIÓNS ESPECULADORAS DO RAMINP.

1º) Sobre o punto 1º) a Sentenza do Tribunal Supremo (Sala do Contencioso-Administrativo Sección 5ª, de 1 de abril de 2004) sobre o Recurso de Casación núm. 5921/2001 interposto polo Concello de Aranda de Duero pola mala ubicación dunha estación depuradora de augas residuales (EDAR), dise: (Fundamento de Dereito Cuarto) . . . " (-) o afastamento daquela norma no territorio dunha Comunidade Autónoma esixirá que a normativa propia desta sexa substituída, sen ningunha dúbida, por outra cuxa potencialidade protectora non sexa menor"

É dicir: A normativa Autonómica pode esixir unha distancia diferente pero nunca menor que a requirida no RAMINP de 2.000 metros.

2º) Sobre o punto 2º), nesta mesma sentenza se matiza o seguinte (Fundamento de Dereito Quinto) "Argumento tamén insuficiente, pois o texto daquel artigo 4, e en especial a expresión -en todo caso- con que se inicia o seu inciso último, conduce a entender que as ordenanzas municipais e os plans urbanísticos do municipio non poden desoír a regra xeral establecida neste inciso último".

É dicir: débese cumprir coa distancia indicada no artigo 4 de 2.000 metros.

3º) Con respecto a este punto 3º), a mesma sentenza deixa abofé que ... (Fundamento de Dereito Sétimo) "a) que a dispensa da regra xeral sobre distancias mínimas, en canto prevista só en casos excepcionais, non debe ser obxecto de interpretacións extensivas ... e dado que nela esíxese o previo informe favorable da Comisión Provincial de Servizos Técnicos, este informe ha de referirse, específicamente, ao tema da distancia, razoando cales son as circunstancias do caso concreto que xustifican dispensar a regra xeral ... debe permitir apreciar que as medidas correctoras impostas non son só as que demanda o tipo de actividade de que se trate, senón, ademais, singularmente, as exixibles pola concreta circunstancia da redución da distancia ... "

É dicir: se queren reducir a distancia a 1.185 metros (por exemplo), terán que demostrar que coas medidas correctoras propostas pódense reducir os 815 metros que faltan dos 2.000 metros e que a Comisión de Servizos Técnicos acépteno.

4º) Sobre o punto 4º), na sentenza anterior (Fundamento de Dereito Sexto) aclárase "Tampouco podemos compartir o argumento de que a estación depuradora, por non ser en sentido estrito unha industria fabril, non queda suxeita a aquela regra xeral sobre a distancia mínima, pois desde a coñecida sentenza de ... a jurisprudencia a defendido o emprego, na interpretación daquel artigo 4, dun concepto amplo da expresión industrias fabrís, de xeito que, do mesmo xeito que na primeira daquelas sentenzas, ... , habemos de concluír agora a estación depuradora de augas residuales, pois esta é tamén un centro onde as augas son sometidas a tratamento e, xa que logo, a unha actividade industrial".

Imaxínome que se unha depuradora de augas residuales é unha actividade industrial, a regasificadora de GNL tamén o é se aplicamos o "concepto amplo" desta sentenza.

CONCLUSIÓNS: Non cremos que o Tribunal Supremo apártese moito desta sentenza e das que achegamos máis abaixo, á hora de emitir a relativa á planta de GNL que se pretende situar en Mugardos, por canto unha PLANTA de GAS NATURAL LICUADO ten unha potencialidade de perigo inconmensurable e infinitamente maior a unha EDAR.


Información adicional de consulta:

- Artigo 149.1.23ª da Constitución Española.
- Artigo 45 da Constitución Española.
- Orde Ministerial de 15 Marzo de 1963 (Instrucións para aplicación do RAMINP)
- Sentenza do Tribunal Supremo de data 29 Maio de 1980
- Sentenza do Tribunal Supremo de data 8 Marzo de 1996
- Sentenza do Tribunal Supremo de data 31 Xaneiro de 2000
- Sentenza do Tribunal Supremo de data 4 Outubro de 1991
- Sentenza do Tribunal Supremo de data 18 Xullo de 1994
- Sentenza do Tribunal Supremo de data 4 Decembro de 1981
- Sentenza do Tribunal Supremo de data 19 Abril de 1982
- Sentenza do Tribunal Supremo de data 28 Marzo de 2000
- Sentenza do Tribunal Supremo de data 18 Abril de 1990

O blog www.f-cape.org (ferrolterra-Cidadáns Aliados para Protexer a súa Contorna) xorde pola SEN RAZON de políticos, especuladores e "técnicos competentes" que, debido aos seus intereses persoais, deciden situar unha peligrosísima planta de REGASIFICACION de Gas Natural Licuado na Ría de Ferrol. Este blog non é político nin ten relación algunha con persoas, entidades ou partes interesadas. O único interese na realización do blog está referido aos artigos 43 e 45 da Constitución Española, pois nos preocupa a nosa seguridade e a da nosa familia.

---

<< Voltar ao Blog da Plataforma Ártabra 21

---

Ao Pleno do Concello de Ferrol: Paralización das obras xa !

Para ampliar clicar acima da imaxen

REUNIÓN CONVOCANTES.-

De: Convocantes en defensa dos espazos públicos
Data: 25 de Xxaneiro de 2007 1:09
Para: PA21 -artabra21@gmail.com-
Asunto: O tratado na reunión

AVALIACION da MANIFESTACIÓN do 21 de XANEIRO-07. - OS CONVOCANTES valora moi positivamente a resposta SOCIAL e a practica totalidade das organizacións veciñais, sindicais, todos os partidos da oposicion, convocantes e a Plataforma A21, criticando a GRANDE AUSENCIA DA FEDERACION veciñal ROI XORDO, logrando aglutinar todas estas forzas nun exercicio de poucos precedentes ao tratarse dun tema de urbanismo, alcanzando un ACORDO UNANIME para evitar a construción do Edificio da Praza de Porta Nova - Praza de España .

Os CONVOCANTES, REUNIDOS anteriormente no día de hoxe, ACORDAMOS acudir ao PLENO DO CONCELLO DE FERROL , para apoiar a MOCION presentada polos grupos políticos da oposición de PARALIZAR AS OBRAS.

SOLICITAR POR REXISTRO O USO DA PALABRA no PLENO por parte dun membro dos CONVOCANTES.

VALORAR o desenvolvemento e contido do Pleno , as súas concecuencias e se se produce algunha reacción por parte da coalicción de goberno local.

Presentar escrito, denuncia ante a FISCALIA para que actúe de oficio, se procede, ante un posible delito urbanístico.

Priorizar a seguinte entrevista solilcitada a Direccion Xeral de Urbanismo, da xunta de Galicia, solicitando a PARALIZACIÓN DE OBRAS.

En base aos acontecementos convocaremos unha nova reunión para a vindeira semana .

SAÚDOS

Ferrol a 24 de Xaneiro de 2007.

Convocantes das mobilizacións na defensa dos espazos públicos, en contra do macro-edificio da Praza da Porta Nova [Praza de España]:

Asociación Veciñal de Esteiro "Fontelonga",
Asociación Veciñal de Ferrol-Vello,
Asociación Veciñal de Santa Mariña,
Asociación Veciñal de San Xoan-Bertón,
Asociación Veciñal O Cruceiro de Canido,
Asociación Veciñal "O Rosario - Inferniño",
Asociación San Fernando de Recimil,
Asociación Cultural Fuco Buxán,
CIG-Ferrol,
CC.OO Ferrol,
Colectivo Veciñal Sartaña,
Esquerda Unida - IU,
Federación de ANPAS de Centros Públicos de Ferrolterra,
Os Verdes - Grupo Verde de Ferrol,
NÓS - Unidade Popular,
Plataforma Ártabra 21,
UGT-Ferrol.
USTG-Ferrol

Acordos máis relevantes da Xunta Coordenadora da PA21 [24.01.2007]

XUNTA COORDINADORA deste Mércores, día 24 ás 8 horas da tarde, no LOCAL SOCIAL da Asociación Veciñal FONTELONGA.

AVALIACION da MANIFESTACIÓN do 21 de XANEIRO-07. - A XUNTA COORDINADORA valora moi positivamente a resposta SOCIAL e a práctica totalidade das organizacións veciñais, sindicais, todos os partidos da oposicion, convocantes e a Plataforma A21, criticando a GRANDE AUSENCIA DA FEDERACIÓN veciñal ROI XORDO, logrando aglutinar todas estas forzas nun exercicio de poucos precedentes ao tratarse dun tema de urbanismo, alcanzando un ACORDO UNANIME para evitar a construción do Edificio da Praza de Porta Nova - Praza de España.

Os CONVOCANTES, REUNIDOS anteriormente no día de hoxe, ACORDAMOS acudir ao PLENO DO CONCELLO DE FERROL , para apoiar a MOCION presentada polos grupos políticos da oposición de PARALIZAR AS OBRAS.

SOLICITAR POR REXISTRO O USO DA PALABRA no PLENO por parte dun membro dos CONVOCANTES .

VALORAR o desenvolvemento e contido do Pleno, as súas concecuencias e se se produce algunha reacción por parte da coalicción de goberno local.

Presentar escrito, denuncia ante a FISCALIA para que actúe de oficio, se procede, ante un posible delito urbanístico.

Priorizar a seguinte entrevista solilcitada a Dirección Xeral de Urbanismo, da Xunta de Galicia, solicitando a PARALIZACIÓN DE OBRAS.

En base aos acontecementos convocaremos unha nova reunión para a vindeira semana .

A Xunta Coordinadora fai a seguinte CONVOCATORIA de celebrar unha primeira ASEMBLEA ORDINARIA en data 30 de Xaneiro na Fundaçon Artábria ás 7 da tarde.

Unha segunda convocatoria dunha ASEMBLEA EXTRAORDINARIA en mesma data ás 7,30 horas na Fundaçon Artábria, para aprobar unha proposta de REGULAMENTO INTERNO de FUNCIONAMENTO na Plataforma Ártabra21.

Ferrol, a 24 de Xaneiro de 2007.

Asdo. - A Xunta Coordinadora.
Amadeo Varela
Ernesto Lopes
Miguel Reimundez
José R. Jove
Carlos Gª Seoane
Xosé M. Sanxoán

Solicitude para poder intervir no Pleno Municipal do Concello de Ferrol do 25.01.2007, polo asunto do edificio da Praza da Porta Nova

AO ALCALDE-PRESIDENTE

DO EXCMO. CONCELLO

DE FERROL

XOSÉ MANUEL SANXOAN CAAMAÑO, provisto de DNI núm. 32.613.638-Y, e con domicilio a efectos de notificacións R/ Río Lérez Nº 2-4, 2º esq. (15404) de Ferrol e tfnos. 981 32 59 13 e 649 024 612, en nome dos Convocantes da Manifestación en Defensa dos Espazos Públicos e e contra a Construcción do edifico da Porta Nova-Pza. de España (Asociación Veciñal de Esteiro"Fontelonga", Asociación Veciñal de Ferrol-Vello, Asociación Veciñal de Santa Mariña, Asociación Veciñal de San Xoan-Bertón, Asociación Veciñal Ocruceiro de Canido, Asociación Veciñal "O Rosario - Inferniño", Asociación San Fernando de Recimil, Asociación Cultural Fuco Buxán, CIG-Ferrol, CC.OO Ferrol, ColectivoVeciñal Sartaña, EsquerdaUnida-IU, Federación de ANPAS de Centros Públicos de Ferrolterra, Os Verdes - Grupo Verde de Ferrol, NÓS-UnidadePopular, PlataformaÁrtabra21, UGT-Ferrol, USTG-Ferrol) ante vostede comparece e DI:

Que tendo coñecemento no día de onte que no Pleno Ordinario do día de hoxe vai ser debatida unha moción dos Grupos Municipais de Esquerda Unida-IU, PSdG-PSOE e BNG sobre a paralización das obras do edificio da Pza. de España e a apertura de negociacións para a búsqueda dunha alternativa á construcción do mesmo, por medio do presente escrito intereso, con base no art. 19 do Regulamento de Participación cidadán do Concello de Ferrol, a intervención dun representante das entidades convocantes no Pleno de hoxe para expresar a nosa opinión sobre a dita moción.

Polo exposto,

SOLICITO: Que teña por presentado este escrito e, consonte o Regulamento de Participación cidadán do Concello de Ferrol, autorice a intervención no Pleno ordinario de 25 de xaneiro de 2007 aos representantes veciñais:

• Xosé Miguel López Pérez

Ou

• Miguel Reimúndez González

Ferrol, 25 de xaneiro de 2007

Asdo. Xosé Manuel Sanxoan Caamaño

Fundamentos e razóns que invalidan técnica e legalmente a ubicación da planta de Gas Natural Licuado (GNL) que está construíndo REGANOSA en Mugardos

A Planta de Gas de Ferrol e ol RAMINP
De: Ferrol CAPE -Ferrol.cape@gmail.com-
Para: artabra21@gmail.com
data: 24 de xaneiro de 2007 23:41

Ferrol.cape@gmail.com , blog opositor á ubicación da planta de Gas Natural Licuado dentro da Ría de Ferrol

PREGAMOS A MÁXIMA DIFUSION A PERSONAS E ORGANISMOS INTERESADOS. Grazas.

Realiza: Colectivo universitário opositor á planta de GNL dentro da Ría de Ferrol .

Ola de novo:

Tal como prometémosvos, enviamos a primeira emisión dos FUNDAMENTOS E RAZÓNS que invalidan técnica e legalmente a ubicación da planta de Gas Natural Licuado (GNL) que está construíndo REGANOSA en Punta Promontoiro (Mugardos), Ría de Ferrol.

Non nos cabe nin a máis mínima dúbida que os xuíces vana a parar cando se finalicen os procesos xudiciais en curso. Esta serie de FUNDAMENTOS técnico-legais axudarán a comprender a falta de criterio e senso común de todos aqueles que apoian esta ubicación con informes FAVORABLES ou con declaracións públicas.

Esperamos demostrar de forma CLARA e CONTUNDENTE que certos políticos e medios de comunicación escritos están nun erro e desenmascararemos a súa postura neste tema xa que se non aceptan estes argumentos é porque ou ben son uns necios ou porque participan conscientemente nesta ilegalidade. Demostraremos, ao rematar esta serie de artigos, que son ELES OS QUE MINTEN cando din que estamos enganando á cidadanía.

Estamos abertos aos COMENTARIOS, SUXESTIÓNS e CRITICAS que se puidesen realizar sobre a lectura destes FUNDAMENTOS. Os comentarios pódense facer por e-mail en: ferrol.cape@gmail.com

Ao final desta serie de artigos publicaremos unha ALTERNATIVA TECNICA á planta de Gas de Mugardos que permite recibir GAS NATURAL para o consumo dos Ciclos Combinados da Galicia sen a necesidade de meter na angosta Ría de Ferrol eses perigosos gaseiros e cun CUSTO MOI ACEPTABLE.

Saúdos a tod@s do blog www.f-cape.org ¡NON QUEREMOS OUTRO "NUNCA MAIS" e menos en Ferrol!.

Edita: Colectivo universitário opositor á planta de GNL dentro da ria de Ferrol .

O blog www.f-cape.org (ferrolterra-Cidadáns Aliados para Protexer a súa Contorna) xorde pola SEN RAZON de políticos, especuladores e "técnicos competentes" que, debido aos seus intereses persoais, deciden situar unha peligrosísima planta de REGASIFICACION de Gas Natural Licuado na Ría de Ferrol. Este blog non é político nin ten relación algunha con persoas, entidades ou partes interesadas. O único interese na realización do blog está referido aos artigos 43 e 45 da Constitución Española pois nos preocupa a nosa seguridade e a da nosa familia.

___________________

FUNDAMENTOS.-
___________________

Planta Regasificadora
- REGANOSA -

Por que a Planta de Gas non pode estar dentro da Ría ?

FUNDAMENTO 1º : Non cumpre co RAMINP (Reglamento de Actividades Molestas, Insalubres, Nocivas e Perigosas) Decreto 2414/1961.

FUNDAMENTO 2º : Non cumpre o R. D. 6//2.001 do 8 de maio sobre EVALUACIÓN DE IMPACTO AMBIENTAL (Directiva europea 97 /11 /CEE) - NON SE TIVO EN CONTA - (Modifica o R.D. Lexislativo 1302/1986 do 28 de xuño - Directiva europea 85/337/CEE).

FUNDAMENTO 3º : Non cumpre a norma UNE - NE 1532 sobre INSTALACIÓNS E EQUIPOS PARA GAS LICUADO ? Interfaz entre buque e terra ? Marzo de 1.997 SAÍDA Ao MAR DE BUQUES GASEROS EN CASO DE URXENCIA REQUERIMIENTOS PRINCIPAIS SOBRE ASPECTOS DE SEGURIDADE DE BUQUES GASEROS A CUMPRIR NOS TERMINALES DE DESCARGA DE GAS NATURAL LICUADO (GNL).

FUNDAMENTO 4º : Non cumpre o R.D. 1254 / 1999 "Medidas de control dos riscos inherentes aos accidentes graves nos que interveñan sustancias perigosas" (Directiva Europea 96/82/CE ? Lei Seveso II)

FUNDAMENTO 5º : Non cumpre a norma UNE - NE 1473 sobre INSTALACIÓNS E EQUIPOS PARA GAS NATURAL LICUADO - Deseño para as instalacións terrestres - Maio 1998
_______________________________

A oposición ao macro-edifio na Porta Nova, escenificada no corazón da obra: no furado escavado no medio da Praza

Para ampliar clicar por dúas veces acima da foto

O pasado venres 19 de xaneiro, 15 representantes das entidades convocantes das mobilizacións, ocuparon, nunha acción sorpresa, as obras do macro-edificio que se está construíndo na Praza da Porta Nova [Praza de España].

Con esta acción pretendíase deixar patente a oposición á construción do edificio, por ser innecesario, por ocupar un espazo público cualificado como sistema xeral viario e por ser ilegal.

O edificio estase construíndo sen licenza de obra, mas os responsables municipais, non só non a paralizan, senón que reclaman da empresa construtora a aceleración das obras.

Para ampliar clicar por dúas veces acima da foto

As entidades convocantes queríamos deixar patente a falta do letreiro indicador da obra coas características técnicas, responsables da mesma, o número de licenza e datas de execución, como mandan as ordenanzas municipais. Non existe esta indicación porque é un edificio ilegal, que se está construíndo sen a licenza de obra preceptiva. A inspección municipal de obras está deixando facer, sen actuar, conculcando a legalidade vixente e prevaricando. A representación cidadán de oposición ao edificio, pretendía que a policía municipal levantara un atestado de tal circunstancia, máis esta convidounos a que presentaramos a denuncia no cuarteliño de San Xoán, cousa que se fixo.

Galeria fotográfica da manifestación popular do 21 de xaneiro de 2007 en Ferrol

Galería Fotográfica
Manifestación Popular, na defesensa dos espazos públicos e contra o macro-edificio na Praza da Porta Nova [Praza de España]

Ferrol, 21 de xaneiro de 2007

Enlace coa Galería Fotográfica da manifestación do 3 de decembro de 2006

---

<< Voltar ao Blog da Plataforma Ártabra 21

---

Éxito da mobilización do domingo 21 de xaneiro, pola defensa dos espazos públicos e contra a construción do macro-edificio na Praza da Porta Nova

Para ampliar clicar acima

Muitas foron as persoas que se sumaron este domingo, para secundar a manifestación convocada en contra do macro-edificio que o Concello de Ferrol está a construír na Praza da Porta Nova [Praza de España].

Para ampliar clicar acima

"Na defensa dos espazos públicos", é un lema que forma parte dos principios constitucionais da nosa Plataforma que xunto a outras 17 entidades, convocamos a mobilización popular.

Para ampliar clicar acima

O día 3 de decembro, manifestámonos en Ferrol, de novo este domingo 21, voltámolo facer, e así pretendemos seguir mobilizándonos até acadar os nosos obxectivos que son: que se paralicen as obras e que o goberno municipal busque outras alternativas que non sexa a construción dese macro-edificio na superficie da Praza e que, esta, quede aberta e limpa para uso e gozo de toda a cidadanía.

Para ampliar clicar acima

Na convocatoria participaron as catro centrais sindicais maioritarias da comarca [CIG, UGT, CCOO e USTG] e a última hora tamém contou co apoio dos partidos políticos BNG e PSdeG-PSOE; ademais dos partidos xa convocantes das mobilizacións: Esquerda Unida - IU, Os Verdes Grupo - Verde de Ferrol e Nós-UP; asociacións veciñais ["Fontelonga" de Esteiro, a de Ferrol Vello, "O Rosario" do Inferniño, "O Cruceiro" de Canido, a de San Xoán - Bertón, San fernado de Recimil, Colectivo de Sartaña, a de Santa Mariña]; a Federación de ANPs dos colexios públicos de Ferrolterra, comerciantes, a Asociación Cultural "Fuco Buxan" e o noso organismo popular a Plataforma Ártabra 21.

A manifestación partiu ás 12 de mediodía desde a Praza Amada García, ante o Edificio Administrativo da Xunta de Galicia. A manifestación foi a través da Rúa Real cara á Praza do Concello, coreándose berros como "Non ao edificio na Praza da Porta Nova", "Non, Non, á especulación", ... entre outros. Rematou a mobilización, cunha concentración na Praza, diante da Casa do Concello ferrolán, onde se deu lectura ao MANIFESTO CIDADÁN, por parte de Merce Salvatierra Ventura da Asociación Veciñal "O Rosario" - Inferniño, no nome das entidades convocantes .

A protesta da cidadanía foi, e seguirá sendo, para que os gobernantes municipais saiban que existe unha importante oposición veciñal a un proxecto innecesario, especulativo e ilegal, que non imos permitir que se siga executando.

_______________________________
Galería fotográfica da Manifestación Popular do 21 de xaneiro en Ferrol
[Arquivos Ártabros]
_______________________________


CONVOCATORIA DUNHA IMPORTANTE REUNIÓN

O Mércores, dia 24 de xaneiro, ás 19:00 hs nos locais da Asoc. Vec. de Esteiro "Fontelonga" que é o lugar onde se veñen facendo regularmente as xuntas das asociacións e organizacións convocantes das mobilizacións na defensa dos espazos públicos, en contra do macro-edificio da Praza da Porta Nova [Praza de España], está convocada unha nova reunión para avaliar as mobilizacións, dar conta das entrevistas mantidas, até o de agora, con diferentes organismos da administración autonómica e a do pasado mércores 17, co concelleiro de urbanismo Guillermo Evia e se é o caso convocar novas mobilizacións.

[Foto de Kiko Delgado tirada do xornal Galicia-Hoxe]
Para ampliar clicar acima

A manifestación do domingo 21 de Xaneiro, na defensa dos espazos públicos, contra a construción do macro-edificio da Praza da Porta Nova [Praza de España], segundo algúns xornais:

Diario de Ferrol

La Voz de Galicia [1]

La Voz de Galicia [2]

Galicia Hoxe

El País - Galicia

El Correo Gallego

Choiva Azeda: mobilizacións si!

De: fusquenlla@sospontedeume.com
Para: artabra21@gmail.com
Data: 21 de xaneiro de 2007 21:53
Asunto: mobilizacións si!

---------- Mensaxe reenviado ----------
From: Choiva Ázeda -choivazeda@hotmail.com-
To: fusquenlla@sospontedeume.com
Date: Sun, 21 Jan 2007 20:02:43 +0100
Subject: mobilizacións si!



Ola xente,

non cremos que poidamos asistir nin as reunións nin a concentración pero parécenos moi importante escenificar neste momento a preocupación da maioría dos galegos sobre o descontrol urbanístico. Gustaríanos que nos avisades da data, pra poder asistir, aínda que é probable que non asistamos, podemos traballar facendo comunicacións do evento e das accións que se plantexen.

Cremos que hai un goberno cunha maior sensibilidade cos anteriores e nós estamos + concienciados que nunca. Aínda así non esta nada feito, as leis españolas dan demasiado poder as administracións e os promotores, e en ambos colectivos hai xente interesada en construír moito, rápido e barato.

Pola nosa parte cremos que hai varios temas sangrantes:

+ o prezo da vivenda.

+ a falta dunha lei da paisaxe.

+ ese apartado da lei galega que permite a un promotor mercar (expropiar) pola forza propiedades para facer esas "urbanizacións".

+ a inexistencia de dunha norma que obrigue ós promotores a facer un porcentaxe de vivenda social en cada unha das súas promocións. Para dar acceso a vivendas dignas a xente nova e para favorecela integración social.

+ a obriga para os Concellos e promotores de presentar planes de sostenibilidade e de transporte con cada unha de esas propostas de crecemento suburbano.

+ a falta de relación entre as políticas urbanísticas e as políticas para a reducción das emisión de gases de efecto invernadoiro.

En Europa norte, a preocupación polas emisións dos vehículos privados e de transporte obriga os planes urbanísticos a facer os novos grupos de vivendas de forma máis compacta e integrada en zonas urbanas, potenciando o transporte público e os sistemas de transporte non contaminantes no seu deseño ao mesmo tempo que percura a conservación das zonas productivas agrícolas para potenciar o consumo local...

vou freando pero nós basicamente pensamos que se pode reutilizar, restaurar e construír moito, tanto densificando (ocupando solares) os núcleos de poboación existente e cando sexa necesario creando novos desenvolvementos en certas localizacións pero cunha planificación que defenda a paisaxe, a cultura, os individuos e pense no interese colectivo agora e dentro dunhas décadas.

Dispostos a todo o que se poda.

Choiva Azeda.

Se non che interesa recibir máis E-MAILS nosos, só tes que enviar un correo ca palabra BAIXA

Asociación Cultural Choiva Azeda

http://choiva-azeda.blogspot.com/

AS PONTES DE GARCÍA RODRÍGUEZ

Martes, 23 de xaneiro: Mesa redonda sobre o cambio climático, claves para o futuro

De: Antonio Gª -angaji@yahoo.com-
Para:artabra21@gmail.com
Data: 22/01/2007 16:23
Assunto:Mesa redonda sobre o cambio climático, claves opara o futuro


Martes, 23 de xaneiro ás 8 da tarde. Galería Sargadelos - Ferrol

ENCONTROS COA INFORMACION

Debate sobre:

CAMBIO CLIMÁTICO
Claves para un futuro incerto

Intervirán:

PATRICIA HERMIDA
Xornalista

ANTONIO GARCÍA JIMÉNEZ
Médico e membro de ADEGA

Presenta:

VICTOR G. NOVÁS
Directivo de Fuco Buxán, A.C.

Entrada libre

Organizada por Fuco Buxán - Asociación Cultural

Prégase difusión:

Asociación Cultural Fuco Buxán. Apartado de Correos, 240.
Telf.: 981.325.492. Ferrol 15400. Galicia. España.
fucobuxan@yahoo.es
fucobuxan@fucobuxan.com
www.fucobuxan.com

sos parque rosalia de lugo

De: correo@parquerosalia.es
Para: artabra21@gmail.com
Data: 23 de enero de 2007 22:14
Asunto: sos parque rosalia de lugo


ESTIMADOS AMIGOS, SOMOS OS REPRESENTANTES DA ASOCIACIÓN NA DEFENSA DO PARQUE ROSALIA DE CASTRO, DE LUGO, QUE ASISTIMOS A VOSA MANIFESTACIÓN EN FERROL.

NECESITAMOS A VOSA AXUDA PARA DIFUNDIR A NOSA WEB ENTRE VOS, E QUEN O ESTIME OPORTUNO, FIRME A CARTA AO ALCALDE, E A SOLICITUDE DE BEN DE INTERESE CULTURAL.

UNHA APERTA

MARCOS

http://www.parquerosalia.es

Charla en Pontedeume sobre problemática ambiental e ordenación territorial na costa

Para ampliar clicar acima da imaxen

De: manuel dominguez
Para: artabra21@gmail.com
Data: 20 de xaneiro de 2007 15:23
Asunto: Charla en Pontedeume sobre problemática ambiental e ordenación territorial na costa

O Colectivo FUSQUENLLA xunto con ADEGA e o COLEXIO OFICIAL DE ARQUITECTOS DE GALIZA (COAG) organiza unha charla debate sobre o impacto ambiental do urbanismo e a degradación da costa.

No acto, que se celebrará o venres día 26 deste mes na Casa da Cultura ás 20:00 horas, intervirán Adela Figueroa, presidenta de ADEGA, que exporá a problemática das actuacións urbanísticas no litoral; Xoan Creus Andrade, arquitecto do COAG, que versará sobre a ordenación territorial e a súa influencia na vida e futuro das cidades; Manuel Domínguez, representante de FUSQUENLLA, falará sobre a incidencia das actuacións urbanísticas, tanto presentes como futuras, no concello de Pontedeume; e Fernando V. Martull, xornalista de LA OPINIÓN.

Dende aquí invitamos a todos os cidadáns que vexan e comprendan a importancia que a ordenación urbanística ten sobre a calidade de vida dos habitantes das nosas vilas. Asemade facemos extensiva esta invitación a todos os colectivos sociais e políticos sobre cuias costas descansa a enorme responsabilidade de traballar polo desenvolvemento racional dun urbanismo sostíbel para Pontedeume.

http://www.sospontedeume.com/

Rede Litoral Vivo: O Colectivo Fusquenlla de Pontedeume suxire organizar unha concentración en Compostela ao fío de toda a desfeita urbanística

De: Xan Duro
Para: artabra21@gmail.com
Data: 19 de xaneiro de 2007 19:27
Asunto: O Colectivo Fusquenlla de Pontedeume suxire organizar unha concentración en Compostela ao fío de toda a desfeita urbanística e territorial


Ola a tod@s,

Como xa sabedes (enviouse a convocatoria a esta lista. Tedes copia ao final do correo) o Colectivo Fusquenlla de Pontedeume suxire organizar unha concentración en Compostela ao fío de toda a desfeita urbanística e territorial. Suxire unha xuntanza en Compostela nas próximas semanas para avaliar esta posibilidade.

Esta xuntanza e mobilización, no caso de facerse, debe contar coa Rede Litoral Vivo xa constituinda polo que, unha vez máis, pídovos que a volta de correo, indiquedes o voso interese na constitución oficial da Rede Litoral Vivo e, se así o considerades, calquera nova suxestión para os documentos que temos en borrador. Non debemos agardar máis.

Envíasevos tamén unha copia deste correo aos vosos enderezos-e para que confirmedes a recepción do mesmo.

Unha aperta
--
Xan Duro
Coordenador Xeral
www.verdegaia.org
www.bicis.info


O colectivo Fusquenlla de Pontedeume quérevos invitar a colaborar na organización dunha concentración en Santiago de Compostela, que pretendemos sexa o máis concurrida posible, para amosar a nosa preocupación pola degradación urbanística que estamos a sufrir en Galicia e cuxos síntomas máis evidentes son as agresións urbanísticas no litoral, a edificación masiva e descontrolada, o deterioro dos núcleos históricos das vilas, a destrucción do patrimonio arquitectónico, a perda dos sinais de identidade territorial, o retroceso dos espazos públicos, a ausencia dunha política social de vivendas e a promoción de proxectos especulativos e lesivos cara o noso entorno.

Cremos que se dan as condicións para poder afrontar esta mobilización dada a sensibilidade social que hoxe en día hai.

Para comezar deberiamos celebrar nas próximas semanas unha reunión previa de tódolos colectivos, asociacións e plataformas interesadas coa finalidade de prepara-la convocatoria, fixa-las datas e atender a tódolos aspectos organizativos. Esta reunión previa poderiase celebrar
en Santiago.

Asemesmo, e dado o elevado número de organizacións involucradas, pedímosvos que trasladedes esta invitación a cantas asociacións vecinais, grupos ecologistas e entidades do voso entorno poidan estar interesadas.

Facédenos chegar a vosa opinión sobre este proxecto ao enderezo:

fusquenlla@sospontedeume.com

Decídenos se o vedes viábel e se estades dispostos a participar, cando menos nesa reunión previa. Tamén sería interesante acadar a colaboración de destacados personaxes, intelectuales, políticos, etc. que se amosan publicamente en contra deste grave problema que afecta ao noso país.

Un saúdo de Fusquenlla <http://www.sospontedeume.com>

Reportaxe en TVE2 sobre a planta de gas de Reganosa o domingo 28 de xaneiro, ás 20:30 hrs

De:calareo -calareo@yahoo.es-
Para: artabra21@gmail.com
Data: 19-xaneiro-2007 0:46
Asunto: Reportaxe en TVE2 sobre a planta de gas de Reganosa o domingo 28 ás 20:30 PASAO A TOD@S TEUS CONTACTOS POR FAVOR. FERROL AGRADECERA-CHO

UN GASODUCTO NO MEU XARDÍN
Domingo 28 de Xaneiro 2007, ás 20:30h, na 2 de TVE


"Vivimos cunha planta de gas á beira e cun gasoducto que pasa polo xardín e xusto por baixo das cimentaciós das nosas casas". É a denuncia de Luz Mariña e Elena Rei, veciñas do pobo de Mugardos, na galega Ría de Ferrol, ante a inseguridade que senten desde que se iniciaron as obras para construír unha planta de transformación de gas situada a escasos 100 metros das súas vivendas.

E non son as únicas, porque xusto enfronte, a 1 quilómetro escaso, está Ferrol, e alí máis de sesenta asociacións civís formaron o Comité Citadán de Urxencia para intentar que a planta non entre en funcionamento.

O proceso industrial dunha regasificadora como a de Mugardos consiste en recibir buques metaneiros cargados con gas natural en estado líquido, algo que se logra arrefriándoo a 160 grados baixo cero. Os barcos descargan este gas licuado nuns tanques onde se requenta o gas e devólvese ao seu estado gaseoso para ser distribuído pola rede nacional de gasoductos.

Nin Reganosa, a empresa propietaria da instalación, nin o Ministerio de Industria quixeron participar nesta reportaxe na que os veciños afectados afirman que a planta incumple a normativa de seguridade no que se refire a distancias mínimas a núcleos de poboación. Engaden, ademais, que supón un gravísimo perigo para as súas vidas a entrada semanal de grandes barcos gaseiros nunha Ría angosta e de pouca profundidade como é a de Ferrol.

Aquí funciónase coa pleamar, isto é, que cada 12 horas sube o nivel do mar para que entren os barcos grandes. Se un gaseiro tivese un accidente dentro da Ría, escapase o gas e non houbese pleamar, sería un holocausto!!, afirma Carmelo, un dos membros máis activos do Comité Citadán.

A Xunta de Galicia afirma que a planta de Reganosa cumple con todos os requisitos legais, pero o caso é que a xustiza admitiu a trámite unha ducia de contenciosos que están atrasando unha posta en marcha anunciada inicialmente para 2004.

En España funcionan actualmente cinco regasificadoras, e Galicia ten sede de gas; a escasez do mesmo impediu históricamente un maior desenvolvemento da súa industria e restou competitividade a boa parte dos seus produtos. Con todo son moitos os que, aínda defendendo a necesidade do gas, renegan da ubicación da planta, escollida por un grupo privado, apoiada pola Xunta anterior de Manuel Fraga, asumida pola coalición que encabeza o goberno galego actual.

"Un gasoducto no meu xardín" é unha reportaxe de Carlos Enrique Carrasco, realizado por José Luís Costas Solagrán.

Liña 900 é un programa de "la2" de TVE dirixido por Jaume Codina, presentado por Xavier Muixí e producido por Alejandro Amillano.

Carlos Lareo
Portavoz de Os Verdes - Grupo Verde de Ferrolterra

PLANTA DE GAS DE FERROL SOCORROOOOOOOOO!!!!!

POR FAVOR REENVÍA ESTA MENSAXE A TODOS OS TEUS CONTACTOS.

NECESITAMOS O APOIO DE TODAS E TODOS OS FERROLÁNS e GALEGOS DE BEN PARA PARAR ESTA LOUCURA!!!.
(INFORMATE DO PROBLEMA QUE SE NOS VEN ACIMA!!!!.)

NON PERDAS O PROGRAMA DE LINEA 900 DO DOMINGO 28!!.

http://www.rtve.es/tve/b/linea900/index.html

Esta mensaxe foi enviado a :
prensa@casareal.es; jlrzapatero@presidencia.gob.es; eperezt@usc.es; secre.presiden@xunta.es; medios.informativos@xunta.es; gabinete@xunta.es; club.inter.prensa@xunta.es; conselleria.medio.ambiente@xunta.es; prensa.cma@xunta.es; jacobo.garcia.blanco@parlamentodegalicia.es; presidencia@parlamentodegalicia.es; prensa.industria@xunta.es; sedenacional@bng-galiza.org; Info.Cidadan@xunta.es; ceng@psdeg-psoe.org; ana.puig@gps.congreso.es; hipolito.farinas@diputado.congreso.es; registro@defensordelpueblo.es; gabinete.prensa@izquierda-unida.es; atencion@pp.es; psoe@psoe.es; grupo.popular@gpp.congreso.es; victoria.lopez@gpiu.congreso.es; olga.alberdi@gpiu.congreso.es; alcaldia@ferrol-concello.es; gabineteprensa@ferrol-concello.es; ferrol@bng-galiza.org; gp-bng@parlamentodegalicia.es; secretaria.bng@gpmixto.congreso.es; cnogueira@europarl.eu.int; ceng@psdeg-psoe.org; galicia@pp.es; corunya@pp.es; ucferrol@galicia.ccoo.es; galicia@csi-csif.es; ustgalicia@terra.es; ugtferrol@galicia.ugt.org; eu-mugardos@esquerdaunida.org; eu-ferrolterra@esquerdaunida.org; eu-fene@esquerdaunida.org; eu-neda@esquerdaunida.org; ecop@cesga.es; jaime.pita.varela@parlamentodegalicia.es; valedor@valedordopobo.com; rexistro@valedordopobo.com; juanjose.gallo@dicoruna.es; dgpc@proteccioncivil.org; alcaldia@ferrol-concello.es
Enviado: vernes, 19 de xaneiro, 2007 0:42:42

Esquerda Unida-IU de Ferrol apoia, convoca e participará na manifestación convocada en defensa dos espazos públicos

De: eu-ferrolterra@esquerdaunida.org
Para: artabra21@gmail.com
Data: 18-xaneiro-2007 11:52
Asunto: Esquerda Unida-IU de Ferrol apoia, convoca e participará na manifestación convocada en defensa dos espazos públicos e en contra da construcción dun macroedificio na Praza de España


Esquerda Unida-IU de Ferrol apoia, convoca e participará na manifestación convocada en defensa dos espazos públicos e en contra da construcción dun macroedificio na Praza de España e anima á cidadanía a participar nela.

Para Esquerda Unida-IU de Ferrol este edificio supón un elemento máis a sumar á desfeita da Praza de España e que foi vendido ante a cidadanía, polo Grupo de Goberno municipal, como solución á mesma e como contraprestación á empresa que realiza o soterramento do enlace da Avenida do Rei e a Avenida de Vigo pola execución desta obra sen custes para o Concello. Nembargantes, na nosa opinión, a construcción deste macroedificio de 21 metros de altura supón, ademais de romper a fisonomía propia da praza, unha usurpación dun espazo público para darlle uns usos privativos; polo tanto, ten un custe social moi elevado que a miopía gubernativa municipal non é capaz de ver e, moito menos, valorar.

O que se nos presenta como a panacea dos males da Praza de España e debido as presas políticas, que non de execución da obra, ten, ademais, apariencia de non respectar os usos do solo urbano para a parcela na que se localiza e así foi denunciado pola Federación Veciñal de Zona Urbana. Polo tanto convén aclarar estos extremos antes de continuar cun edificio que privará por moitos anos a Ferrol do desfrute dunha das súas prazas públicas máis senlleiras.

Por estos motivos, pola enfermiza privatización do solo público por parte da dereita municipal, por un urbanismo para a cidadanía, porque o solo público é de todos e todas e non duns poucos, Esquerda Unida-IU de Ferrol quere animar a toda a cidadanía a participar na manifestación do próximo día 21 de xaneiro: “Na defensa dos espazos públicos, non ao edificio na Praza de España”.

Ferrol, 18 de xaneiro de 2007

Esquerda Unida-IU de Ferrol

NÓS-Unidade Popular convoca a participar na manifestaçom pola anulaçom do projecto de edifício em plena Porta Nova de Ferrol

De: nosup-trasancos@nosgaliza.org
Para: artabra212gmail.com
Data: 17 de xaneiro de 2007 23:19
Asunto:NÓS-Unidade Popular convoca a participar na manifestaçom pola anulaçom do projecto de edifício em plena Porta Nova de Ferrol

A Assembleia Comarcal de NÓS-Unidade Popular em Trasancos quer fazer público um firme apoio à manifestaçom que neste domingo, dia 21 de Janeiro, marchará polas ruas do centro de Ferrol em defesa dos espaços públicos do nosso concelho.

No passado mês de Dezembro, centenas de ferrolanas e ferrolanos demonstramos numha manifestaçom semelhante que existe umha oposiçom significativa aos planos especulativos do Partido Popular e Independientes por Ferrol que, graças à morna e inofensiva oposiçom das restantes forças representadas no pleno, pensam aplicar os seus planos urbanísticos, tam contrários aos interesses da maioria como favoráveis às construtoras que lhes financiam as campanhas eleitorais.

Ferrol padece, desde há muitas décadas, partindo da etapa da ditadura franquista, políticas urbanísticas que tenhem desfigurado a cidade, estendendo o cimento e eliminando zonas verdes, entregando ao domínio dos carros e do cimento um espaço que nos corresponde a todos e todas nós: as pessoas que habitamos o nosso concelho.

As obras na Porta Nova, cujo nome tradicional foi substituído no franquismo polo ilegítimo de “plaza de España” e assim mantido até a actualidade, representam um novo capítulo da história de agressons contra a possibilidade de construirmos umha cidade humanizada, aberta às pessoas e minimamente habitável.

Por isso, neste domingo devemos dizer, alto e claro, que os negócios privados que pretendem instalar no macro-edifício da Porta Nova nom som nengumha prioridade nem muito menos um bem comum para a nossa cidade. Som umha manobra para restringir ainda mais os reduzidos espaços públicos e zonas verdes com que conta Ferrol.

Os ferrolanos e ferrolanas conscientes, principalmente as que engrossamos as classes trabalhadoras, devemos reivindicar o direito à umha cidade humanizada, onde poder viver e relacionar-nos, desfrutar o tempo de lazer e garantir isso mesmo aos nossos filhos e filhas.

PP e IF só governam para as construtoras e os seus negócios.

Frente à direita especuladora e privatizadora, defendamos os espaços públicos!

Fora o projecto de macro-edifício na Porta Nova!

Ferrol, 17 de Janeiro de 2007

Manifesto Cidadán asinado polas entidades convocantes das mobilizacións na defensa dos espazos públicos

MANIFESTO CIDADÁN

Todas as cidades son, desde a antigüidade, en primeiro lugar, os seus espazos públicos. Espazos de encontro, espazos solidarios aos que toda a cidadanía temos dereito; espazos democráticos que nos igualan, novos e vellos, ricos e pobres, homes e mulleres. Son os espazos públicos o cerne da vida urbana, onde se suceden as festas, as manifestacións políticas, o comercio, o xogo, o deporte, o paseo e o lecer… onde se expresa a nosa identidade colectiva, onde se materializa todo o que fomos no pasado, o que somos e o que queremos ser. Só somos cidadás e cidadáns plenos cando gozamos destes lugares colectivos, abertos e accesibles .

Os espazos públicos son ademais, non o esquezamos, a herdanza máis importante que deixou a historia da cidade, espazos abertos necesarios para a vida, cheos de significado e de memoria. É a nosa responsabilidade deixar estes espazos ás novas xeracións mellor de cómo os recibimos das nosas nais e pais.

As grandes cidades, as cidades que nos enfeitizan no cine ou cando viaxamos, presumen das súas rúas e prazas, dos seus parques e xardíns, como signo da calidade de vida da que gozan os que alí viven. E non presumen só os seus gobernantes, tamén a cidadanía sente orgullo do seu e o defenden, como o defendemos nós hoxe nesta praza.

Sen embargo, algúns queren facernos crer que a calidade de vida non ten nada que ver co gozo dos espazos públicos. Queren facernos crer que o progreso reside no cemento e nos centros comerciais.

Algúns queren facernos crer que é necesario utilizar os espazos públicos como mercadorías, que se pode vender, e mesmo regalar, o noso capital cidadán. Están empeñados en nos explicar que é necesario poñer, o que é de toda a cidadanía, nas mans de empresas privadas, para que o xestionen como mellor lles conveña.

Preséntannos un mundo ao revés, onde o branco é negro, o negro branco. Un mundo ao revés onde os piratas, como dí a canción, son honrados.

Exemplos recentes non faltan. Ameazan con destruír paraxes naturais, con cambiar prazas públicas por centros de ocio privados, con cambiar centros culturais por centros comerciais.

Na Praza da porta Nova [Praza de España], o Concello de Ferrol está a executar unha obra ilegal nun espazo público, nunha praza. Unha obra ("hito urbano" lle chaman, como se a praza non puidese ser un fito urbano sen edificio), que de consumarse suporía hipotecar unha parte do espazo público máis importante da cidade ata dentro de 75 anos. ¿Qué pasará se dentro de dez anos o edificio deixa de ter uso?, ¿teríamos que aguantar a súa ruína durante outros 65 anos ou indemnizar ao concesionario?

Unha obra ilegal que pon en evidencia que mentres a cidadanía ten que cumprir o Plan Xeral, a administración que é garante do seu cumprimento, o Concello de Ferrol, pode pasar olimpicamente do cumprimento desta norma na Praza da Porta Nova [Praza de España]. Din que o fito urbano é legalizable, porque no futuro pódese adaptar o Plan Xeral ao que alí se constrúa. Este goberno municipal está a inventar un novo urbanismo no que son os plans os que se adaptan ás obras e non as obras aos plans. Unha sorte de Far West, no que manda o máis forte. Un territorio no que a cidadanía cumpren as normas mentres a administración as adapta á súa conveniencia.

Na Praza da Porta Nova [Praza de España] o negocio está claro, máis o beneficio non. ¿Onde está a necesidade de construír un edificio de 21 m de altura, de uso privado, sobre un espazo público?, ¿quen necesita un edificio de oficinas no medio dunha praza cando na cidade hai centos de oficinas baleiras? ¿Quen necesita un novo centro comercial que arruíne o pequeno comercio da Madalena, un dos recursos máis importantes da cidade? Eles saberán. Nós, dende logo non vemos tal beneficio.

Non Sr. Juncal, non Sr. Evia, non Sr. Pita Romero, non Sr. Juan Fernández. Non queremos que nos sigan roubando o noso patrimonio público. Non queremos un urbanismo que consista na subasta e liquidación do patrimonio público, dos espazos conquistados e mantidos durante anos, xeración tras xeración, co esforzo de todos e todas.

A veciñanza de Ferrol queremos que se reurbanicen as prazas e rúas da cidade, que sexan accesibles e compartibles por toda a cidadanía e non coto privado duns “negocietes”.

Queremos que os espazos públicos de Ferrol sexan máis e mellores. Queremos que a mellora das rúas e prazas, as zonas verdes e deportivas, os xardíns e os parques urbanos sexa a prioridade número un do urbanismo municipal.

¡ Non ao edificio ilegal da Praza da porta Nova, non aos usos privados dun espazo público, Paren as obras Xa !

Ferrol, a 21 de xaneiro de 2007.

Asociación Veciñal de Esteiro "Fontelonga",
Asociación Veciñal de Ferrol-Vello,
Asociación Veciñal de Santa Mariña,
Asociación Veciñal de San Xoan-Bertón,
Asociación Veciñal O Cruceiro de Canido,
Asociación Veciñal "O Rosario - Inferniño",
Asociación San Fernando de Recimil,
Asociación Cultural Fuco Buxán,
Centro Comercial Aberto da Magdalena,
CC.OO Ferrol, Colectivo Veciñal Sartaña,
CIG-Ferrol,
Esquerda Unida - IU,
Federación de ANPAS de Centros Públicos de Ferrolterra,
Os Verdes - Grupo Verde de Ferrol,
NÓS - Unidade Popular,
Plataforma Ártabra 21,
UGT-Ferrol,
USTG-Ferrol.

Roteiro polas zonas costeiras de Sta. Comba, Sartaña e Ponzos, na parroquia ferrolá de Covas

Clicar acima para ampliar

De: Verdegaia en Ferrol, Eume e Ortegal -ferrol@verdegaia.org-
Para: artabra21@gmail.com
Data: 16 de xaneiro de 2007 14:27

VERDEGAIA ORGANIZA UN ROTEIRO POLO L.I.C. COSTA ÁRTABRA, NO SEU TRAMO DE SANTA COMBA, SARTAÑA E PONZOS

O L.I.C. Costa Ártabra repártese polos concellos costeiros de Ares, Mugardos, Ferrol, Narón, Valdoviño, Cedeira, Cariño e Ortigueira. Trátase dun tramo de costa moi variado en canto a ecosistemas se refire, albergando areais, cantís, humidais, pequenas illas e mesmo serras, e que conforman un espazo único integrado dentro da Rede Natura 2000. O tramo de costa que imos percorrer correspóndese coas zonas costeiras de Sta. Comba, Sartaña e Ponzos, na parroquia ferrolá de Covas. Ademais dos seus valores ambientais e patrimoniais, queremos salientar as múltiples agresións que ameazan a conservación deste espazo protexido como é o proxecto de parque acuícola ideado para Ponzos.


Data: Domingo 28 de Xaneiro de 2007.
Saída: 10:00h.
Lugar: Escalinata de Correos (Ferrol).
Dificultade: media-baixa.
Transporte gratuito.
Non inclúe xantar.
Prégase inscripción.
Contacto: 616 03 92 68 - 661 63 69 46

Ferrol, 15 de Xaneiro de 2006

Atentamente,
Mónica Arto Blanco
Coordenadora do Núcleo Comarcal de Verdegaia Ferrol, Eume e Ortegal
ferrol@verdegaia.org

Verdegaia é unha asociación ecoloxista galega sen ánimo de lucro, plural, democrática, apartidaria e independente, constituída co obxecto de contribuír desde Galicia para a defensa do ambiente e o avanzo na transformación social e mundial en termos de sustentabilidade ecolóxica, xustiza social e paz. Foi fundada o 2 de Abril de 2006.

Máis información en www.verdegaia.org

Desacordo coa situación xerada derredor da instalación de plantas de acuicultura en Galiza

De: CARLOS OUTEIRO BAAMONDE -couteiro@hotmail.com-
Para: artabra21@gmail.com
Data: 15/01/2007 07:32
Assunto: Desacordo coa situación xerada derredor da instalación de plantas de acuicultura en Galiza.


Queremos manifestar o noso desacordo coa situación xerada derredor da instalación de plantas de acuicultura en Galiza.

Consideramos prioritario que a administración galega volque os seus esforzos en que as condicións das nosas rías e das augas próximas á costa (onde existe un moi importante potencial de producción pesqueira) non continúen a padecer as problemáticas dos hidrocarburos, augas residuais, recheos, etc, que dificuldan ou impeden dispormos dunha producción pesqueira sen comparanza en calidade e en número de postos de traballo con respeito ás plantas de acuicultura.

Non rexeitamos a instalación de estas plantas sempre en cando se faga desde criterios de sustentabilidade para o noso entorno natural. A necesidade que este tipo de empresas teñen da utilización de auga do mar non implica necesariamente que a súa instalación se faga na beiramar, poidéndose contemplar a posibilidade de retiralas uns centos de metros para reducir o impacto sobre o noso litoral.

A Consellaría de Pesca non debe bailar ao son que toque unha empresa privada por moi grande que esta sexa. Pescanova, logo de recoller numerosas subvencións do erario público presionan á administración para que lle facilite saltarse a legalidade vixente, cousa esta, na que a administración soupo estar á altura das circunstancias ao impedir a súa instalación en Touriñán.

Mais agora non entendemos que desde a Consellaría se pretenda dar por feito a instalación dunha planta de acuicultura de enormes dimensións no litoral do concello de Ferrol sen que se coñeza un proxecto real nen que, xa que logo, teña superado os trámites legais para se instalare no noso litoral. Será culpa de esta consellaría se a opinión pública tira a conclusión de que se un entorno natural non fica dentro da Rede Natura 2000 xa non ten valor ecolóxico nen lexislación que o protexa.

Ferrol a 12 de xaneiro do 2007

Carlos Outeiro Baamonde
Vice-responsábel Adega-Trasancos

Asociación para a Defensa Ecolóxica de Galiza
Pza Camilo Díaz Valiño, 2º A 15704 Santiago de Compostela
Correo electrónico: adega@adega.info
Páxina electrónica: www.adega.info
Tfnos: 981.570099 /619 808662

Delegación ADEGA-Trasancos

Acordos e actividade para a Manifestación Popular do domingo 21 de xaneiro

De: Convocantes en defensa dos espazos públicos -defendendo.os.espazos.publicos@gmail.com-
Data: 15 de xaneiro de 2007 0:04
Para: artabra21@gmail.com
Asunto: Acordos e actividade para a Manifestación Popular do domingo 21 de xaneiro

Por ACORDO dos CONVOCANTES do pasado luns día 8 deste mes, trasladamos a DATA DA MANIFESTACIÓN para o día 21 de Xaneiro, nos mesmos termos que a anterior manifestación do día 3 de decembro-06, INCORPORANDO o SINDICATO USTG- Ferrol .

ACORDAMOS como ponto de encontro o Edificio Administrativo da Xunta de Galicia ás 12 do mediodía , para saír en MANIFESTACIÓN á PRAZA DO CONCELLO, onde lerase o mesmo MANIFESTO.

- Xa esta a dispor de todos os CONVOCANTES os CARTEIS E OCTAVILLAS que podedes recoller os paquetes en Fontelonga ás 6 da tarde.

- ANUNCIO de CONVOCATORIA DE MANIFESTACIÓN PARA O DÍA 21 en Rolda de PRENSA na GALERIA SARGADELOS , o pasado venres -12.

- Fixemos un REPARTO polo FEIRON DO INFERNIÑO de 2.000 panfletos este pasado sabado , antes da MANIFA convocada pola Asociación de Equatorianos -en Ferrol.

- Para o Mércores ás 12 do mediodía , faremos outro REPARTO no MERCADO DE RECIMIL.

- REPARTO na PRAZA DO CONCELLO para o xoves ás 7 da tarde.

- ENTREVISTA COA ASOCIACIÓN DE HOSTALERIA.-LUNS 15 , ás 5,30 horas da tarde nos seus locais da Rua Real.

- ENTREVISTA CONCELLEIRO DE URBANISMO DE FERROL .- MARTES -16, ás 5,30 horas da tarde en Urbanismo.

- ENTREVISTA DIRECCIÓN XERAL-XUNTA DE GALICIA .- MARTES -16, ás 10 horas da mañá en COMPOSTELA.

- ENTREVISTA DIRECCIÓN XERAL VIVENDA E SOLO - XUNTA DE GALICIA - MERCORES -23 , en COMPOSTELA .

- ACORDO de que as distintas entidades comuniquen durante toda a semana os APOIOS para dar forza a convocatoria.

- CARTEIS nos vosos barrios, negocios, panaderias, centros de traballo..etc.

- Están enviados por escrito o COMUNICADO a Subdelegación do Goberno, anunciando a MANIFESTACIÓN PARA O DÍA 21.

- COMUNICADO POR REXISTRO PARA A ALCALDIA DA MANIFESTACIÓN DO 21.

- SOLICITUDE DE USOS DE MEGAFONIA E CONEXION para ler o MANIFESTO.

Tamén a PLATAFORMA ARTABRA21, fai un ROGO de COLABORACIÓN de RECOLLIDA DE SINATURAS en vosos postos de TRABALLO, BARRIOS, COMERCIOS, etc., por persoas CENSADAS EN FERROL.

Podedes entregar os impresos aos representantes, coordinadores da PA21 .
A campaña de recollidas vai durar estes meses.

Ferrol a 15 de Xaneiro de 2007

Saúdos
-
asdo. Xosé M. Sanxoán.-


--
Convocantes das mobilizacións na defensa dos espazos públicos, en contra do macro-edificio da Praza da Porta Nova [Praza de España]:

Asociación Veciñal de Esteiro "Fontelonga",
Asociación Veciñal de Ferrol-Vello,
Asociación Veciñal de Santa Mariña,
Asociación Veciñal de San Xoan-Bertón,
Asociación Veciñal O Cruceiro de Canido,
Asociación Veciñal "O Rosario - Inferniño",
Asociación San Fernando de Recimil,
Asociación Cultural Fuco Buxán,
CIG-Ferrol,
CC.OO Ferrol,
Colectivo Veciñal Sartaña,
Esquerda Unida - IU,
Federación de ANPAS de Centros Públicos de Ferrolterra,
Os Verdes - Grupo Verde de Ferrol,
NÓS - Unidade Popular,
Plataforma Ártabra 21,
UGT-Ferrol.
USTG-Ferrol

STOP às agressons ao litoral: nom à piscifactória em Covas

De: nosup-trasancos@nosgaliza.org
Para:artabra21@gmail.com
Data: 13 de xaneiro de 2007 23:06
Asunto: STOP às agressons ao litoral: nom à piscifactória em Covas

Nos últimos dias, trascendeu nos meios de comunicaçom a pretensom da empresa “Isidro de la Cal” de construir umha macroplanta de aquicultura, contando com o apoio do PP e do presidente da Cámara Municipal de Ferrol, Juan Juncal. NÓS-Unidade Popular quer fazer pública a sua posiçom contrária a tal possibilidade com base ao seguintes critérios:

1. O projecto, com umha superfície de quase 400.000 m2, localizaria-se nas proximidades da praia de Ponços, na paróquia de Covas, numha área protegida pola Rede Natura como “Lugar de Interesse Comunitário (LIC) Costa Ártabra”, e pola sua condiçom de zona húmida e polo valor paisagístico da área, umha das mais valiosas do litoral ferrolano.

2. Dentro da irracional febre da promoçom de plantas desse tipo, tendentes a substituir progressivamente a merma de peixe pescado na alta mar, este projecto representa umha gravíssima ameaça para a riqueza natural e paisagística do nosso concelho, que parece contar com a cumplicidade institucional nom só do Governo municipal de Ferrol, mas também da Conselharia das Pescas da Junta da Galiza.

3. Por enésima vez, os interesses privados de umha empresa que oferece 60 postos de trabalho som postos por cima de qualquer consideraçom ou estudo ambiental sério. Mais umha vez, dependerá da capacidade de pressom do movimento popular da comarca que esta barbaridade poda concretizar-se ou seja finalmente descartada.

NÓS-Unidade Popular quer denunciar publicamente o projecto, exigir a sua retirada e confirmar a sua disposiçom a contestar na rua, junto a todos os sectores comprometidos com a defesa do nosso meio natural, tam depropositada proposta empresarial e institucional.

Assembleia Comarcal de NÓS-Unidade Popular em Trasancos

Ferrol, 13 de Janeiro de 2007

Paremos a marea vermella [Importante convite do colectivo Fusquenlla]

De: Fusquenlla
Para: artabra21@gmail.com
Data: 13 de xaneiro de 2007 18:47
Asunto: paremos a marea vermella

O colectivo Fusquenlla de Pontedeume quérevos invitar a colaborar na organización dunha concentración en Santiago de Compostela, que pretendemos sexa o máis concurrida posible, para amosar a nosa preocupación pola degradación urbanística que estamos a sufrir en Galicia e cuxos síntomas máis evidentes son as agresións urbanísticas no litoral, a edificación masiva e descontrolada, o deterioro dos núcleos históricos das vilas, a destrucción do patrimonio arquitectónico, a perda dos sinais de identidade territorial, o retroceso dos espazos públicos, a ausencia dunha política social de vivendas e a promoción de proxectos especulativos e lesivos cara o noso entorno.

Cremos que se dan as condicións para poder afrontar esta mobilización dada a sensibilidade social que hoxe en día hai.

Para comezar deberiamos celebrar nas próximas semanas unha reunión previa de tódolos colectivos, asociacións e plataformas interesadas coa finalidade de prepara-la convocatoria, fixa-las datas e atender a tódolos aspectos organizativos. Esta reunión previa poderiase celebrar en Santiago.

Asemesmo, e dado o elevado número de organizacións involucradas, pedímosvos que trasladedes esta invitación a cantas asociacións vecinais, grupos ecologistas e entidades do voso entorno poidan estar interesadas.

Facédenos chegar a vosa opinión sobre este proxecto ao enderezo:

fusquenlla@sospontedeume.com

Decídenos se o vedes viábel e se estades dispostos a participar, cando menos nesa reunión previa. Tamén sería interesante acadar a colaboración de destacados personaxes, intelectuales, políticos, etc. que se amosan publicamente en contra deste grave problema que afecta ao noso país.

Un saúdo de Fusquenlla
http://www.sospontedeume.com