O consello local de Esquerda Unida reivindica a unidade de acción na defensa do Naval ferrolán

As mensaxes lanzadas nos últimos días dende o consello de administración de Navantia son alarmantes. O goberno do PP, a SEPI e Navantia, unha troika que esnaquizou o tecido industrial da comarca, teñen a determinación de renunciar definitivamente á construción de barcos. Nos últimos seis anos parece que o empeño político foi preparar o camiño para un recorte brutal no cadro de persoal do estaleiro público e deixar vías abertas á privatización.

Non houbo ningún tipo de negociación seria, non hai carga de traballo á expectativa, non houbo ningún tipo de previsión ao final do veto nin se impulsou a construción civil, salvo o flotel usado como arma arroxadiza contra as lexítimas reivindicacións obreiras,  e dende a propia empresa pública, dependente do goberno, lánzase unha mensaxe de desprestixio ao mercado internacional, que pecha toda posibilidade de asinar contratos por incompetencia autorrecoñecida.

Dende a área de traballo e economía social de EU participaremos e apoiaremos toda convocatoria sindical contra esta barbarie que será a última pada de terra enriba da sepultura de Ferrolterra. Cómpre unha nova cultura obreira de unión fronte a un sistema que xa amosou as súas cartas: os estaleiros públicos son unha das dianas ás que apunta o sistema de recortes neoliberal impulsado polo Partido Popular.

Asimismo tamén nas institucións esixiremos responsabilidades, para o que reunirémonos cos diferentes comités de empresa co obxectivo de acadar a mellor estratexia parlamentar tanto en Compostela como en Madrid que permita dilucidar cal é o verdadeiro plan desmantelador do goberno, dalo a coñecer á opinión pública e loitar contra el pola supervivencia da nosa comarca.

Dende EU Ferrol preguntámonos cales foron as xestións do alcalde de Ferrol, ese que se amosou tan “compunxido” o día da folga comarcal, e se algún día vai deixar de ser o palmeiro local do dogma de fe do Partido Popular, a cidadanía paga os desmáns financeiros, ou vai ser valente por unha vez na defensa dos cidadáns aos que representa.

Ferrol 18 de setembro de 2013.

Grupo Municipal de Esquerda Unida

Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/

Enviado por:
Ferrol Esquerda Unida
-eu-ferrolterra@esquerdaunida.org-
18 de setembro de 2013 14:29
Boas. Eviámosvos nota de prensa da área de traballo e economía social do Consello Local   de Esquerda Unida pola que nos posicionamos a favor da unidade de acción na defensa do Naval en Ferrolterra. Adxunto vos enviamos o documento completo. Grazas. Saúdos, Secretaría de Comunicación. Area de Traballo e Economía Social - Consello Local de Esquerda Unida.
__________________

Xoves, 19 de Setembro, no Ateneo Ferrolán, Conferencia "Neoliberalismo, a democracia asediada" no 40º Aniversario do 11-S en Chile - Contaremos coa presencia de Omar Contreras, presidente do COSAL

O pasado Mércores 11 de Setembro, dentro do actos que a asociación 'Fuco Buxán' está organizando co motivo de cumprir-se o 40 aniversario do "Golpe de Estado en Chile", proxectaba-se o documentario "O diario de Agustín", de Ignacio Agüero. Continuando cos actos programados, mañá Xoves 19 de Setembro, está prevista unha Conferencia, baixo o titulo: "Neoliberalismo, a democracia asediada".

CONFERENCIA-COLOQUIO
Omar Contreras
Xoves, 19 de Setembro, ás 20hs,
no Salón de Actos do Ateneo Ferrolán,
no número 202 da rúa Madalena.

Omar Contreras, presidente do COSAL (Comité de Solidaridade con América Latina), será quen expoñerá o tema que indagará -neste momento de grave crise económica- nas claves do golpe de Estado neoliberal contra o sistema democrático representado polo goberno presidido por Salvador Allende, establecendo claras semellanzas coa nosa situación actual caracterizada polos déficits sociais, mafiocracia e políticas inxustas e contrarias ós intereses da xente do común.

Neste acto –do que podemos sacar esperanzadoras leccións se proxectará-se un audiovisual sobre o golpe militar con lectura de textos a cargo de Lorena Calaza e Susana González Alaniz, “para que a memoria no se durma, para que a memoria non morra”.

Enlace de interese:
40 anos do Golpe Militar 1973-2013.
http://ciperchile.cl/especiales/golpe/
--
A nosa web:
www.fucobuxan.net

Os nosos blogues:

Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/

Nas redes sociais:

Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/posts

---

Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es




Información baseada na enviada por:
fucobuxan
-fucobuxan@gmail.com-
14 de setembro de 2013 23:59
__________________

Foi a concentración no 'Parque Pablo Iglesias' de Ferrol, por un outro modelo de saneamento e contra a construción, no mesmo parque público, do mal chamado "tanque de tormentas" - Polo saneamento integral da Ría de Ferrol - Vídeos, fotos e enlaces de interese

Moitas persoas acudiron á chamada das organizacións ecoloxistas e veciñais concentrando-se nun moi concorrido 'Parque Pablo Iglesias'. Parque público onde está previsto construír un mal chamado "tanque de tormentas". Chema Hernández Roca, membro da Comisión de Medio Ambiente da Asociación Veciñal de Recimil, leu un comunicado consensuado polos colectivos convocantes (Escoitar nos vídeos). Ademais das entidades ADEGA, a SGHN, Verdegaia e a xa mencionada entidade veciñal, participaron na concentración veciñas e veciñas usuarias do parque, diferentes activistas de asociacións culturais, sindicais e do movimento social de Ferrol Terra; políticos de dous dos grupos municipais da oposición (BNG e EU) que fixeron expreso o apoio ás demandas da concentración; tamén apoiaron outros partidos como Equo Galicia, Espazo Ecosocialista Galego e mesmo ANOVA que contou co deputado de AGE Antón Sánchez. A concentración, deste martes, 17 de Setembro de 2013, reivindicou a paralización da construción do "tanque de tormentas" cuxas obras se ten previsto iniciar antes de que remate o presente mes, e abrir un debate sobre o modelo de saneamento que queremos para a nosa Ría baixo o lema “Saneamento sí, mais non así”.

Ao final do acto anunciaron-se outros actos como o do vindeiro Sábado 21 de Setembro, no mesmo Parque Pablo Iglesias, unha actividade reivindicativa (conferencia, concerto, recital de poesía, teatro...) e na segunda quincena de Outubro unhas Xornadas nas que se traten os aspectos técnicos, lexislativos  e ambientais, co fin de axudar á cidadanía a entender o modelo de saneamento da Ría así como os seus inconvenientes e facer propostas que contemplen outro modelo de tratamento.

O vindeiro Xoves, 18 de Sembro,  vai ter lugar unha Xuntanza da Comisión de Seguimento - Grupo de Traballo. Será ás 20:30hs, no barrio de Recimil, frente ao nº6 da rúa Euzkadi, nun local da asociación veciñal. Esta será a segunda sesión da Comisión que queda aberta a novas incorporacións.


http://www.youtube.com/watch?v=pYTVlVwlB5k&feature=share&list=UUEsyIpC9Y8SoVla3A-qmvlw

http://youtu.be/JoThnPHvxM4

http://youtu.be/_-UcVGTT0yk
Enlaces relacionados de Interese:

Sitio na Rede, de información e documentación, para apoiar e facilitar, a loita e o traballo social que procura que o Sistema de Saneamento, nas marxes da Ría de Ferrol, sexa Integral. Saneamento si, mais non así!!!

http://ria-de-ferrol.blogspot.com.es/

O noso 'Informe' >>> Análise crítico do Proxecto de Saneamento acordado, polo Goberno, para a marxe norte da Ría de Ferrol | ALTERNATIVA ELABORADA POLA COMISIÓN DE SEGUIMENTO - GRUPO DE TRABALLO.

http://alternativa-proxecto-saneamento.blogspot.com.es/

________________

O caso do "tanque de tormentas" que se está construíndo en Gondomar - Un moi interesante 'Informe', de 'Salvemos Monteferro'

Activistas da 'Asociación de Defensa Medio Ambiental Salvemos Monteferro', pasaron-nos un completo 'Informe' sobre o "tanque de tormentas" que se está construíndo en Gondomar. O citado informe, ten data do 21 de Xuño de 2013, polo que é moi recente.

Isto pasou en Vilaza, parroquia de Gondomar, concello duns 14.000 habitantes, situado no Val Miñor, na comarca de Vigo. A veciñanza atopou-se unha mañá de Setembro do pasado ano 2012, diante das súas casas, con moita maquinaria pesada traballando na escavación do que sería un grande furado, para albergar un mal chamado "tanque de tormentas".  A partir de aí, comezou a organización da veciñanza e o estudo do sistema de saneamento acordado pola administración sen participación veciñal, en relación co que se estaba facendo no parque diante das súas casas. Logo pasaron xa ás protestas e á denuncia da obsoleta infraestrutura. O proxecto non foi sometido a Avaliación Ambiental nin a exposición pública, e a licitación da obra no DOG era indetectábel para calquera cidadán común. A ficha técnica do proxecto afirma que se pretenden construír dous "tanques de tormentas" que ao final quedou só nun. Mais o problema real é a ausencia dunha rede separativa de augas pluviais e fecais, e este problema non pode ser solucionado nin paliado por un, neste caso, mal chamado "tanque de tormentas".

Paga a pena para-se a ler, e mesmo estudar, este 'Informe' moi ben elaborado polas compañeiras e compañeiros  de Salvemos Monteferro. Este traballo é unha moi boa ferramenta para a loita que estamos levando en Ferrol, no 'Parque Pablo Iglesias' e por un saneamento integral para as marxes da Ría.

Informe da 'Asociación de Defensa Medio Ambiental Salvemos Monteferro', sobre o "Tanque de Tormentas" que se está construíndo en Gondomar. 14 Páxinas en formato PDF | Monteferro, 21 de Xuño de 2013 [Acceder] | O informe en formato web [Acceder].

Relacionado:

O noso 'Informe' >>>
Análise crítico do Proxecto de Saneamento acordado, polo Goberno, para a marxe norte da Ría de Ferrol | ALTERNATIVA ELABORADA POLA COMISIÓN DE SEGUIMENTO - GRUPO DE TRABALLO | [IR AO BLOGUE].

Fonte: Sitio na Rede, de información e documentación, para apoiar e facilitar, a loita e o traballo social que procura que o Sistema de Saneamento, nas marxes da Ría de Ferrol, sexa Integral. Saneamento si, mais non así!!!

http://ria-de-ferrol.blogspot.com.es/

__________________

O trilinguismo, soa-vos? - Vídeo parlamentar de interesse

Alfred Bosch expulsado do Congresso do Deputados por falar inglês.

O porta-voz da Esquerda Republicana de Catalunha, é expulso da tribuna do Congresso por falar Inglês. Afirmaque o PP co trilinguismo, "nom se preocupam polo Inglês, eles só estam interessados em destruir a convivência".


http://youtu.be/DMn3r9zfMlk

Fonte: EsquerraTV

Enviado por:
Joam Tavia
-jtavia@gmail.com-
17 de setembro de 2013 18:11
______________

O grupo municipal de Esquerda Unida demanda unha nova política urbanística na nosa cidade, máis alá de improvisacións, amiguismos ou procura de réditos electorais

O grupo municipal de Esquerda Unida demanda unha nova política urbanística na nosa cidade, máis alá de improvisacións, amiguismos ou procura de réditos electorais.
Javier Galán pregúntase para que investimos fondos europeos en rexenerar as rúas de Ferrol Vello, Canido e A Magdalena se logo as vivendas destes barrios déixanse caer por desleixo do goberno.

Sendo definido o Urban como un proxecto para a rexeneración urbana dos barrios históricos de orixe da cidade marítima de Ferrol, para Esquerda Unida esta rexeneración tan só pode ter un tratamento integral e non actuacións parciais que nunca acadarán o obxectivo que é o fin de promover un desenvolvemento urbano sostible.

A día de hoxe, e así o sabe a veciñanza de Ferrol, e deste xeito foi transmitido ao Grupo Municipal de EU en diferentes reunións, o Urban está a rexenerar os barrios con obras das que se fai uso electoralista, necesarias pero eivadas, xa que dan un tratamento parcial aos barrios de Ferrol Vello, Canido e A Magdalena.

Como di Javier Galán, potenciar grandes áreas comerciais como a do Boial e crecemento urbanístico no extrarradio é todo o contrario a idea do desenvolvemento urbano sostible e da dinamización do comercio local que propón a Unión Europea a través do Urban. No mesmo sentido, pouco axudan a un urbanismo planificado as decisións improvisadas, como a tomada polo Concelleiro Langtry, que, sen debate nin coa oposición nin cos comerciantes nin cos veciños desas rúas, decide, de motu propio, peatonalizar Pardo Baixo e tramos da rúa Magdalena e María. Lamentamos que ese sexa o máximo respecto que pode amosar o concelleiro cara a cidadanía, respecto sempre subordinado ao amiguismo e aos fines particulares. É tamén nos preguntamos se é esa a negociación coa oposición que sempre procura o goberno municipal, como ven de presumir a voceira Martina Aneiros, con decisións unilaterais e improvisadas, cando está en plena elaboración o proxecto dunha supermazá, que moito nos tememos, volverá responder a intereses partidistas máis que en beneficio da cidade.
Grupo Municipal de Esquerda Unida

Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/

Enviado por:
Ferrol Esquerda Unida
-eu-ferrolterra@esquerdaunida.org-
17 de setembro de 2013 13:41Boas. Enviámosvos a nota informativa do grupo municipal de Esquerda Unida pola que se demanda unha nova política urbanística na nosa cidade ao marxe de amiguismos ou procura de réditos electorais. Adxunto remitimos o documento completo. Grazas.Un saúdo, Jorge Suárez Secretaría de Comunicación. Consello Local de Esquerda Unida..
__________________

O epitáfio de Fátima, ... Por Lupe Ces

Por Lupe Ces [*]
17.09.2013

Moitos, 19 anos som muitos. Coas suas primaveras e os seus invernos, cos seus dias e as suas noites. Moitos. Mas ti Fátima, viviches esses 19 anos de terror. Viviches morta em vida. Morta polo medo.

Morta polos golpes, as humilhaçons... que el infringia também aos teus filhos e á tua filha. Em 19 anos, a tua vontade estaria quebrada, a tua capacidade de resposta mermada, e tam só querias pensar que a diferença de idade faria a justiça que vias inalcançável para ti. El, com seguridade morreria antes e poderias descansar. Agosto, neste agosto luminoso que vivemos, decidiches começar a viver.

Umha denuncia, umha orde de afastamento, trás umha terrível malheira, e a enterrar esses 19 anos para sempre. Nom sabias que a tua nova vida só precisaria dum pequeno reloxo de areia para ser medida.

Agora venhem as perguntas, agora a vontade para atopar as respostas... Por que o teu torturador durante 19 anos permaneceu impune? Por que se a denuncia foi posterior a umha brutal paliza gozava de liberdade? Por que uns menores vivem durante anos umha situaçom de maltrato sem que a sociedade active mecanismos de denuncia e proteçom? Por que ninguém te indicou o risco que corrias volvendo à casa onde o teu assassino rondava? Fátima, som moitas perguntas que fazer e moitas respostas que buscar, mas a tua pequena vida, depois de 19 anos de morta em vida, nom pode levar como epitáfio os titulares dos médios de comunicaçom onde parece que todo sucedeu por despiste, por abandono... porque, segundo o teu alcalde, nom avisaches no Concelho de Verim que volvias.

O epitáfio da tua pequena vida deve ser “umha mulher valente, que se rebelou contra o machismo buscando conquistar a sua liberdade”. Para ti Fátima, e para todas as combatentes caídas na luita contra o patriarcado o nosso reconhecimento e a nossa memoria para sempre.

[*] Lupe Ces Rioboo -Caranza Ferrol 1953, é mestra, activista social, integrante da Marcha Mundial das Mulleres e da Rede Social de Ferrol Terra. Forma parte do Consello Editorial de Altermundo e do Colectivo Ártabra 21.

Blogue persoal: Caranza free opiniom

Nota.- Imaxe de Javier Calvo, "El reloj de arena".

Enviado por:
Lupe Ces
-lupeces@gmail.com-
11 de setembro de 2013 00:01
________________

O documentario sobre Alexandre Bóveda "A fazaña da liberdade" proxéctarase no Ateneo Ferrolán o Xoves 26 de Setembro ás 19:30hs

Tras o fracaso do federalismo durante a I República, a Xerazón Nós con Castelao, Otero Pedrayo e Alexandre Bóveda tomarán a substitución. Ensaiarán un movemento político nacionalista, o Partido Galeguista, que conseguirá, grazas ao apoio das forzas galegas republicanas e de esquerdas a redacción do Estatuto de Autonomía durante a Segunda República. A guerra civil e a posterior represión franquista acabou cos partidos, os sindicatos e todo tipo de pluralismo e liberdade de expresión e asociación, ademais dos movementos galeguistas. Galiza, que non foi nunca fronte de guerra, sufriu a represión dos sublevados, ascendendo a cifra de asasinados e executados tras xuízos sumarísimos por delitos de “traizón” e “auxilio á represión” a 4.200, segundo as cifras do historiador Carlos Fernández Santander. Un deses 4.200 é Alexandre Bóveda.

A FAZAÑA da LIBERDADE é un documental que amosa o periplo vital dun dos personaxes mais influintes e tamén más descoñecidos para a inmesa coleitividade de Galiza.

Un documental que reconstrúe a vida e actividade de Alexandre Bóveda (1903-1936). Facendista, economista, deseñador das Caixas de Aforros de Ourense e Pontevedra, impulsor do Estatuto de Galicia, integrante do Seminario de Estudos Galegos, cofundador e Segredario Xeral do Partido Galeguista e ante todo, bon e xeneroso, “entregado á causa galega”, como el gostaba dicir.

Escomezando no seu Ourense natal donde Bóveda nace, é mozo e fai-se home, ate a chegada á súa “amada Pontevedra” e posterior exilio, e finalmente o dramático final do protagonista, A FAZAÑA da LIBERDADE é concebida coma unha visión áxil pero sen deixar de afondar no conflicto.

Esta obra biográfica será sempre acompañada dunha explicación do contexto histórico, lugares, axentes e causas que diseñaron o espazo e o tempo de Alexandre Bóveda. Representando así a unha das etapas mais floridas e emocionantes da historia contemporánea Galega.

O documental sobre Alexandre Bóveda "A fazaña da liberdade" proxéctarase no Ateneo Ferrolán o Xoves 26 de Setembro ás 19:30hs. e será presentado polo historiador Bernardo Maiz.

Alexandre Bóveda na wikipedia

O evento no Facebook:
https://www.facebook.com/events/534190406654144

Podedes disfrutar o trailer do documental “A Fazaña da Liberdade” dende o canal de Vimeo de Fílmika Galaika.

Trailer "A Fazaña da Liberdade" from Filmika Galaika on Vimeo.

http://afazanhadaliberdade.wordpress.com

______

Axenda de actividades, acción e traballo social dos colectivos opositores ao obsoleto modelo de saneamento que se está executando nas marxes da ría de Ferrol - Este Martes 17 de Setembro, Concentración no Parque Pablo Iglesias

Axenda de actividades

• Martes, 17 de Setembro | Concentración no Parque Pablo Iglesias, ás 19:30hs | Contra o tanque de Tormentas e o Modelo de saneamento | Cartaz | Nota de Prensa.
• Xoves, 19 de Setembro | Xuntanza da Comisión de Seguimento - Grupo de Traballo, ás 20:30hs, no barrio de Recimil, frente ao nº6 da rúa Euzkadi, nun local da asociación veciñal. Esta será a segunda sesión da Comisión que queda aberta a novas incorporacións.
• Sábado 21 de Setembro | Acto reivindicativo no Parque Pablo Iglesias (conferencia, concerto, recital de poesía, teatro...).
• A mediados de Outubro | Entrando nas propostas de actividades, se fala de facer unhas xornadas para mediados de outubro nas que se traten os aspectos técnicos, lexislativos (inclúe o convenio que se asina en xullo do 2012) e ambientais co fin de axudar á cidadanía a entender o modelo de saneamento da ría así como os seus inconvenientes e facer propostas que contemplen outro modelo de tratamento das augas pluviais e residuais (domésticas e industriais) máis sostible e económico. Estas xornadas desenvolveríanse ao longo dun mes. Constarían de diferentes paneis que se levarían a cabo un par de días á semana. Isto daría unha presenza continuada nos medios de comunicación. Sería interesante mesmo que nestas xornadas participasen tamén técnicos da empresa acuaES e do Concello para que explicasen a súa postura e así a cidadanía puidese ter unha visión dos puntos de vista das diferentes partes. Para tal fin, quédase en que se vai contactar con persoas entendidas nas diferentes materias para que veñan dar os relatorios.

Fonte: Sitio na Rede, de información e documentación, para apoiar e facilitar, a loita e o traballo social que procura que o Sistema de Saneamento, nas marxes da Ría de Ferrol, sexa Integral. Saneamento si, mais non así!!!

http://ria-de-ferrol.blogspot.com.es/

__________________

NÓS-Unidade Popular defende um verdadeiro saneamento das águas de Ferrol, por isso se opom ao “tanque de tempestades”

A anunciada construçom do chamado “tanque de tempestades”, que supostamente deveria contribuir para a regeneraçom e reutilizaçom das águas pluviais e doutro tipo nom consideradas como residuais, nasce deformada por um péssimo planeamento que pode piorar as cousas, em lugar de vir melhorá-las.

Diferentes setores sociais, ambientalistas e vicinais tenhem anunciado o seu rejeitamento ao plano da direita governante. NÓS-Unidade Popular quer somar a sua voz à desses setores, com um claro rejeitamento do “tanque de tempestades” tal e como ele está previsto, por motivos ambientais e económicos.

Do ponto de vista ambiental, todo indica que a falta de separaçom em origem vai levar à mistura de todo o tipo de águas no interior do tanque, que deveria recolher unicamente as diretamente reutilizáveis. Nos termos atuais do projeto, o tanque poderá chegar a constituir mais um foco de poluiçom aquífera, que em ocasions despejará as águas residuais diretamente à ria.

De facto, se a diferenciaçom entre águas pluviais, industriais e domésticas nom for feita em origem, o tanque perderá a sua funçom originária. Mais umha vez, assistimos, portanto, à deturpaçom de um objetivo justo, marcado inclusive por normas europeias que vam ser manipuladas para evitar abordar de maneira integral um assunto tam importante para a saúde pública e para o aproveitamento racional da ria, como é a qualidade das nossas águas.

Todos os dados apontam para que a atuaçom trapalheira e precipitada do governo municipal do PP vai converter-se no enésimo projeto inútil que, após gastar importantes somas de dinheiro público, terá que ser descartado no futuro, quando se deva realizar um verdadeiro saneamento das águas de Ferrol. Ou isso, ou forçar umha depuraçom massiva e cara de um grande volume de águas, devido à indistinçom prevista no projeto atual.

Chegamos assim ao ponto de vista económico do projeto, que suporá uns 2 milhons de euros de investimento. A isso há que somar outras quantidades, como o 1,6 milhons de euros já investidos na separaçom de águas do rio do Tronco em 2011, para agora voltar a misturá-las no anunciado tanque.

Porém, o malgasto nom vai acabar aí. O projeto está ligado com as políticas municipais do PP, sempre comprometidas com a entrega de serviços públicos ao setor privado. Neste caso, a privatizaçom do serviço encarecerá a fatura, polo saneamento massivo de águas que deveriam ter sido separadas em funçom da sua natureza, como já indicamos.

Esse futuro é tam próximo como 2015, quando a nova normativa europeia será de aplicaçom e obrigará a umha reutilizaçom das águas que o atual projeto do governo de José Manuel Rei nom vai permitir.

Por último, haverá que indicar a pouco adequada localizaçom anunciada para o tanque: o parque público Pablo Iglésias, em Esteiro.

Por todo o anterior, NÓS-Unidade Popular reclama a suspensom do projeto de “tanque de tempestades” tal como está programado, substituindo-o por um estudo rigoroso e integral que conduza a um plano de tratamento das águas para o conjunto de concelhos que rodeiam a ria de Ferrol.

Adiantamos que a esquerda independentista parte para isso de um fator fundamental que garanta o domínio público de um bem público: A municipalizaçom do serviço, evitando que, mais umha vez, fique em maos privadas que converterám o lucro económico em critério central na gestom das águas da nossa comarca e do nosso concelho.

Um caro e deficiente saneamento das águas é umha fatura que o povo de Ferrol e dos restantes concelhos da comarca nom podem assumir.

Em conclusom: É preciso dizer nom ao atual projeto de “tanque de tormentas” e exigir aos governantes que abordem um verdadeiro saneamento das águas, com critérios de interesse público nos aspetos ambiental e económico.

Assembleia Comarcal de Trasancos de NÓS-Unidade Popular

Ferrol, Galiza, 11 de setembro de 2013


Enviado por:
Nós-UP-Trasancos
-nosup-trasancos@nosgaliza.org-
13 de setembro de 2013 11:22
Para: nosup-trasancos@nosgaliza.org
________________

A violencia machista arrebata unha nova vida en Verín, a Marcha Mundial das Mulleres convoca un acto de repulsa na Praza do Concello de Ferrol, o Luns, 16 de Setembro de 2013, ás 8 da tarde

A COORDENADORA COMARCAL DE FERROLTERRA DA MARCHA MUNDIAL DAS MULLERES CONVOCA UNHA CONCENTRACIÓN DE REPULSA, EN FERROL, POLO ASASINATO, POR VIOLENCIA MACHISTA, DE MARIA FÁTIMA MACHADO SANTOS.

Fatima, de 52 anos, cunha orde de afastamento dende o  pasado mes de agosto, foi asasinada en Verín, pola súa exparella. Con ela sumamos outra muller máis, vítima da violencia machista que paga coa súa vida a discriminación e a desigualdade que padecemos todas.

Que a indignación de toda a sociedade saia á rúa para rexeitar o cruel asasinato de María Fátima e denunciar a violencia machista padecida polas mulleres e exercida contra elas polo feito de selo.

O VINDEIRO LUNS 16 DE SETEMBRO ÁS 20H. NA PRAZA DIANTE DO CONCELLO DE FERROL
--
Coordenadora Local da Marcha Mundial das Mulleres
mmmferrolterra@gmail.com
www.feminismo.info
nacional@feminismo.info
https://www.facebook.com/marchamundialmulleres.galiza
twitter.com/MMMGaliza


 "PARA CAMBIAR O MUNDO, ACABAR COA VIOLENCIA MACHISTA" 


Que é a Marcha ?

A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Enlaces de interese:

• Web da Marcha Mundial das Mulleres na Galiza
  
• Web internacional da Marcha

Información baseada na enviada pola:
Marcha Mundial Ferrolterra
-mmmferrolterra@gmail.com-
15 de setembro de 2013 12:41
_______________

Para superarmos a pobreza, para a destruírmos, temos que odiala e comprendela, ... Por Antón Dobao

Por Antón Dobao [*]
14.09.2013

Hai xa anos que Jarvis Cocker lle cantou á Xente Común con esa súa sorna tan aguda. Nesta canción sempre me pareceu ver esa distancia traxicómica entre a realidade da xente do común, da pobreza -porque a xente común é sempre pobre-, e certas posicións progresistas (aparentemente) pero escindidas (vitalmente) e arredadas (socialmente) non da pobreza como concepto e si da xente común como individuos.

"Because you think that poor is cool", di nalgún momento a canción. E entón a pobreza convértese en ficción literaria e perde a súa potencia indignante de transformación, de volvelo todo do revés e escachizar os marcos da realidade.

Para superarmos a pobreza, para a destruírmos, temos que odiala e comprendela. Entón, procuraremos cortarlle todas as vías respiratorias ata asfixiala.

A estética da pobreza non ten glamour, ofrece arrepío.

Porque é a xente a que importa, non as abstraccións que pode inspirarnos.

http://youtu.be/_cNboIC4aC4

Nota.-  post de Antón no facebook.

[*] Xosé Antón López Dobao, coñecido como Antón Dobao, nado en Lugo o 16 de xullo de 1963, é un escritor, tradutor e cineasta galego. [Na Galipedia].

Enviado por:
Inácio GZ
inaciogz@gmail.com
14 de setembro de 2013 09:20
________________

Apresentado comunicado coletivo de urgência contra a brutalidade repressiva do Estado e concentraçons nas principais cidades

Difussom das respostas solidarias ante a sentenza da Audiência Nacional.

Solicitamos máxima difussom para às convocatorias de hoje e o comunicado conjunto apresentado pola manhám e para o comunicado do Organismo Popular Anti-repressivo Ceivar.


Comunicado Conxunto
Contra a brutalidade represiva do Estado
Pola soberanía nacional de Galiza

Os colectivos, organizacións políticas, asociacións ecoloxistas, feministas, xuvenís e culturais e sindicatos abaixo asinantes, ante a sentenza ditada pola Audiencia Nacional de España contra catro independentistas galeg@s, queremos facer pública ante a sociedade galega a seguinte declaración de urxencia:

1º Rechazamos a brutalidade represiva do Estado español que se evidencia na sentenza ditada onte contra catro independentistas galeg@s. Condenalos a penas de 10 e 18 anos de prisión é unha barbaridade represiva dun punto de vista democrático perpetrada por un tribunal que carece das máis mínimas garantías xurídicas esixíbeis e realiza xuízos políticos. É significativa esta contundencia penal contra quen defenden un lexítimo ideario político, mentres ladróns de garavata, corruptos, saqueadores do erario público, incendiarios organizados, etc. campan ás súas anchas.

2º A creación xurídica, por parte da Audiencia Nacional, dunha suposta “organización terrorista” a operar en Galiza é, en mans dun Estado obsesionado coa súa propia “integridade territorial” e coa criminalización e persecución dos procesos soberanistas, un instrumento represivo de primeira orde que levanta a veda para criminalizar e penalizar organizacións sociais e políticas de signo nacionalista, contradí as explicacións dadas polas persoas condenadas durante o xuízo e é contraria ao sentir absolutamente maioritario da sociedade galega. Con esta sentenza, encontrámonos ante a importación para Galiza da antidemocrática Ley de Partidos.

3º Valoramos que esta sentenza, que evidencia o trunfo das teses mais regresivas para unha abordaxe en termos penais e policiais das posicións soberanistas, é unha sentenza política e pretende abrir as portas para a criminalización das persoas e organizacións que reivindicamos lexitimamente a soberanía nacional do noso país e a solidariedade coas persoas presas.

4º Chamamos á sociedade galega a concentrarse hoxe ás 20:00 h. en rexime de auto-convocatoria nas vilas e cidades do noso país para expresar o noso rechazo frontal a este salto cualitativo que, coa sentenza de Madrid, acaba de dar a represión política. Hoxe, a solidariedade, por riba de siglas e de diferencias políticas e ideolóxicas, é unha obriga de calquer demócrata frente a un Estado corrupto e antidemocrático que avanza nun proceso constante de fascistización. Neste sentido, animamos á sociedade galega a estar pendente das próximas convocatorias solidarias que se realizarán.

Galiza, a 13 de setembro de 2013

Anova Irmandade Nacionalista
Adiante
Agrupaçom de Montanha Aguas Limpas (AMAL)
Assembleia da Mocidade Independentista (AMI)
Bloque Nacionalista Galego (BNG)
Briga
Candidatura do Povo
Causa Galiza
Ceivar Organismo Popular Anti-repressivo
Central Unitaria de Traballaras/es (CUT)
Confederación Intersindical Galega (CIG)
Confederación Nacional do traballo -Compostela (CNT-compostela)
Comités
Esquerda Unida (EU)
Federación Rural Galega (FRUGA)
Frente Popular Galega (FPG)
Galiza Nova
Isca!
Liga Estudantil Galega (LEG)
Mulheres Galegas em Resistência (MUGRE)
Movimento Galego ao Socialismo (MGS)
Nós - Unidade Popular (Nós-up)
Partido Comunista do Povo Galego (PCPG)
Que voltem para a casa!
Silveira

Mobilizaçom em regime de auto-convocatoria

Com este formato, que prima o "mínimo comum denominador" das pessoas e organizaçons que estamos frente à iniciativa repressiva do Estado espanhol e a deriva involutiva que desenha a recente sentença, auto-convocárom-se  nas principais cidades galegas concentraçons em solidariedade com os retaliados e retaliadas para denunciar a eventual importaçom para a Galiza de desenhos repressivos derivados da 'Ley de Partidos'.

Estas som as convocatórias para as que rogamos a máxima difusom e participaçom:

FERROL. Praça Amada Garcia às 21:00 h.
PONTE VEDRA. Praça da Peregrina às 20:30 h.
COMPOSTELA. Praça da Galiza às 20:00h
CRUNHA. Rua Barcelona esquina Mercado das Cunchinhas às 20:00 h. 
LUGO. Praça Maior às 20:30h.
OURENSE. Jardins do Padre Feijoó às 20:00h.
VIGO. MARCO (rua do Príncipe) ás 20:00 h.

Comunicado do Organismo Popular Anti-repressivo Ceivar

Ceivar denuncia a abertura dumha nova fase na repressom contra o independentismo e convoca à solidariedade ativa

Ante a publicaçom nos meios de comunicaçom da sentença da Audiencia Nacional contra quatro independentistas galegos, o organismo popular anti-repressivo Ceivar quer manifestar as seguintes questons e compartilhá-las como reflexom com o conjunto da sociedade galega:

1ª Confirmou-se, de novo, a posiçom exprimida publicamente por Ceivar no sentido de que o juízo que se celebrou em Madrid entre os dias 24 e 27 era um juízo politico. A nível jurídico-formal, o juíz Alfonso Guevara vulnerou o direito à defesa dos acusados, convertindo em “provas periciais” informes políticos de inteligência, expulsando da sala os peritos da defesa, impedindo a contradiçom entre as provas apresentadas, interrompendo constantemente os letrados da defesa e admitindo na sentença o seu desconhecimento da realidade galega ao riscar de “inverossímeis” (sic) factos comuns no nosso país.

2ª Por outra parte, e isto é ainda mais grave, o tribunal de exceçom partiu, em todo momento, da premissa nunca demonstrada de que neste país age umha “organizaçom terrorista” e de que, “portanto”, @s quatro independentistas processad@s faziam parte da mesma. A sentença em nengum momento provou esta premissa que estava fixada antes do início do processo.

3ª Destacamos a absoluta desproporçom das condenas impostas aos quatro independentistas –de 10 e de 18 anos-, engrossadas seriamente pola acusaçom de “pertença a banda armada”, que é a que possibilita estas penas apesar de que nom se demonstrou, como recolhe o auto, a participaçom dos processados em nengumha açom ilegal que sustente tal rigor punitivo.

4ª A criaçom jurídica nas salas da Audiencia Nacional dumha “organizaçom terrorista” supom um gravíssimo salto qualitativo na prática da repressom política sobre o independentismo galego, porquanto abre as portas à criminalizaçom e persecuçom de organizaçons e militantes independentistas que, à vista do poder demonstrado polo Ministerio de Interior e os corpos policiais sobre o tribunal, que evidencia a inexistência de separaçom de poderes, podem ser encausados no futuro em “tramas” e “organigramas” desenhados à vontade e à medida do Governo espanhol.

5ª Ante este novo cenário, que implica longas condenas de prisom e dispersom para nacionalistas galegos, entendemos que o conjunto do campo soberanista, e os sectores realmente democráticos da sociedade galega, devemos construir umha permanente guarda-chuvas solidário que permita socializar a realidade da repressom política e arroupar os retaliados e retaliadas.

6ª Queremos enviar desde aqui um forte e caloroso abraço para @s quatro independentistas condenad@s e para as suas famílias ante o longo caminho de luita e dignidade que agora se abre para eles, que será a continuidade dum compromisso de amor por este país e pola sua gente por todas e todos conhecido e reconhecido. Que saibam, presos, familiares e amigas, que contarám com o nosso carinho e apoio incondicional, assim como com o de amplos sectores da nossa sociedade, como se evidenciou nesta manhá na conferência de imprensa unitária celebrada no centro social O Pichel.

Defender a Terra nom é delito!

Solidariedade Galega frente à repressom política!

CEIVAR, organismo popular anti-repressivo
Sede nacional Costa nova de arriba. Local 2. Edifício 3. Baixo
15704-Compostela
GALIZA
ceivar@ceivar.org
www.ceivar.org

Enviado por:
ceivar@ceivar.org
-ceivar@ceivar.org-
13 de setembro de 2013 16:21
__________________

Documentaçom:

Sentença: AUD.NACIONAL SALA PENAL SECCION 3 | MADRID | SENTENCIA: 00024/2013 | AUDIENCIA NACIONAL SALA DE LO PENAL SECCIÓN 003| ROLLO DE SALA: SUMARIO (PRC.ORDINARIO) 0000001 /2012 | PROCEDIMIENTO DE ORIGEN: SUMARIO (PROC.ORDINARIO) 0000002/2012 | ÓRGANO DE ORIGEN: JUZGADO CENTRAL INSTRUCCIÓN nº: 006 | SENTENCIA NUM 24/2013 | PRESIDENTE / Ilmo. D. FELIX ALFONSO GUEVARA MARCOS | MAGISTRADOS Ilmos. Sres. D.Guillermo Ruiz Polanco, D. Antonio Diaz Delgado | 12.09.2013 [Acceder].

A notícia nos médios convencionais através de Google Notícias [Acceder].

_____________________

Apresentado XIII Festival da Terra e da Língua - 13 e 14 de Setembro: Café-Teatro do Paço da Cultura e Passeio Marítimo de Júvia

Ao meio-dia de ontem, os companheiros Xende Lopes e Vítor Santalha apresentárom a décima terceira ediçom do Festival da Terra e da Língua aos meios de comunicaçom da comarca.

Passadas as 12hs da manhá, decorreu no Local Social da Associaçom Vicinal de Esteiro a apresentaçom pública do programa completo do Festival deste ano.

Vítor agradeceu a colaboraçom do pequeno comércio da comarca e do resto do País, das diversas organizaçons culturais, sociais e sindicais e com especial destaque ao trabalho militante da base social da nossa entidade, sem o qual seria impossível a realizaçom deste Festival, já que o financiamento das instituiçons públicas ficou reduzido este ano ao mínimo.

A seguir, o companheiro Xende destacou a importância desta ediçom, que coincide com o décimo quinto aniversário da abertura do nosso Centro Social.

Por último, explicou o conteúdo completo do programa deste ano, que inclui, entre outras atividades, o debate 'Fazer País, construindo poder popular', no qual contaremos com quatro representantes da esquerda nacional; o 'Festivalzinho' para a gente miúda; jogos populares ou música em galego.

PROGRAMA

13 de setembro (sexta-feira)

20.00h Debate: Fazer País construindo poder popular!
Local: Café-Teatro do Paço da Cultura (Narom)

• Carlos Morais, Direçom Nacional de NÓS-Unidade Popular
• Xavier Vence, Porta-voz nacional do BNG
• Teresa Moure, membro da Coordenadora Nacional de Galiza pola Soberania
• Representante de Anova Irmandade no Parlamento galego

22.00h Ceia-Foliada no Festival com o grupo compostelano Sessión Vermú


14 de setembro (sábado)

Passeio Marítimo de Júvia (Narom)

12.00 Charanga pola estrada de Castela com o grupo Sessión Vermú

13.00 Baile Vermu

13.15 Apresentaçom do XIII Festival da Terra e da Língua

14.00 Jantar Popular

16.30 Festivalzinho

17.30 Jogos Populares

21.30 Leitura do pregom

22.00 Concerto
            - Ultraqans
            - Zënzar
            - Sacha na Horta
            - Colhom de Lola

Mais info na página web do festival:
www.festivaldaterraedalingua2013.blogspot.com

Fonte: http://www.artabria.net/
_______________

"O diario de Agustín", de Ignacio Agüero e Fernando Villagrán, no 40º Aniversario do 11-S en Chile - Documentario sobre a manipulación mediática fascista en Chile - Interesante documentario completo - Vídeo 1h, 20m, ...

Un simple reflexo do traballo académico dun grupo de estudantes universitarios evidencia as continuas redes de montaxes noticiosos cos que 'El Mercurio', principal referente histórico da prensa chilena, se alínea con distintas esferas de poder para intervir o clima social.

O documentario titulado "O Diario de Agustín" é unha realización moi simple e directa, coa suficiente rigorosidade investigadora que require un tema desta envergadura. Cuestionar a impunidade dun xornal amplamente poderoso na sociedade chilena, cuxo accionar derivou en montaxes e mentiras con tal de cumprir os obxectivos de gobernos da súa simpatía, como o foi o período do finado Augusto Pinochet.

A cinta busca deixar de manifesto a influencia do diario máis antigo de fala hispana durante o período de ditadura militar en Chile. Deixando en claro eventos que denotan o rol da prensa na historia dun país. Tal como retrata o documental, Ricardo Lagos sinalou, sendo Presidente da República, que "é difícil entender a historia de Chile sen 'El Mercurio'.

Para algúns, como conta unha estudante logo de facer unhas entrevistas, 'El Mercurio' é unha "guía" da sociedade. Cientistas sociais, ex directores do diario, xornalistas e cidadáns comúns relacionados coa historia da empresa contan a súa experiencia, ás veces doce, ás veces escura, de encontros e desencontros con esta corporación de noticias. O filme de Ignacio Agüero e Fernando Villagrán enmárcase nun taller de memorias de estudantes de xornalismo da Universidade de Chile, onde seis grupos de traballo guiados por unha académica investigan distintas arestas sobre a influencia do Mercurio.

Neste camiño o filme lévanos a distintos momentos históricos relatados por algúns dos seus protagonistas. Como a muller que escribiu unha crónica titulada "asasinada morre fermosa nova", visiblemente afectada polas consecuencias daqueles actos, atribuíndo un crime pasional onde houbera un crime de Estado. Unha muller desaparecida, chamada Marta Ugarte, logo dun mes en que lla levou a policía de investigacións para derivala aos militares, aparece morta de corpo semidesnudo e con evidencias de maltrato na area dunha praia dos Molles.

Outra montaxe constatada no documentario é o coñecido como "Operación Colombo" ou os 119, onde se crearon dúas revistas, unha en Arxentina e outra en Brasil, en cuxos primeiros números notifican a morte de 60 e 59 miristas, respectivamente, publicando "asasinados polos seus propios camaradas". Dúas revistas que non se publicaron máis logo deses números, e que aínda comprobada a súa inexistencia, as axencias de noticias derivaron a información para os medios. Sendo publicada en 'El Mercurio' e 'La Segunda'.

Até xente que non tiña militancia foi consignada por este diario no medio de protestas, publicando a súa identidade e as súas fotos. "Por culpa de 'El Mercurio' detiveron e torturaron a xente inocente", confesaba un dos afectados. Aínda que moitos personaxes implicados en feitos de brutal siniestralidade lávanse as mans, os seus testemuños deixan en evidencia que todo o acontecido ía en consecuencia dun propósito, e para iso é que traballaron. Por moito que non estivesen de acordo. Logo de todo, como diría Fidel Castro, "a única verdade é a realidade".


O diario de Agustín (Documentario sobre a manipulación mediática fascista en Chile) de Juan Perez en Vimeo.
Ficha técnica:
Dirección: Ignacio Agüero
Produción: Fernando Villagrán
Ignacio Agüero
Guión: Ignacio Agüero
Fernando Villagrán
Música: Giorgio Varas
Cristián López
Son: Boris Herrera
Fotografía: Gabriel Díaz
Ricardo Lorca
Montaxe: Sophie França
País: Chile
Año: 2008
Xénero: Documental
Duración: 80 minutos
Idioma: Español

Sitio web oficial:
http://www.eldiariodeagustin.cl/
___________________

Vietnam: como o uso de armas químicas deixa secuelas por xeracións - @s fill@s do axente laranxa - Vídeo

A guerra de Vietnam terminou fai case 40 anos, pero o conflito segue deixando vítimas: as crianzas.

Estímase que miles de bebés seguen nacendo con horribles deformidades faciais debido aos 20 millóns de galones do axente laranxa fumigado por Estados Unidos.

Os vietnamitas chaman á mocidade desfigurada "@s fill@s do axente laranxa".

En Dá Nang, Vietnam central, crese que hai o nivel máis alto de malformacións conxénitas no mundo.

Un equipo do programa Inside Out da BBC uniuse a un equipo de ciruxanos plásticos de Londres nunha misión para axudar a estes nenos.


Fonte: Rede de Información sobre os Dereitos das Crianzas (CRIN)

11 de Setembro de 2013

____________________

Hoxe Mércores, 11 de Setembro, no Ateneo Ferrolán, proxeción dun interesante documentario no 40º Aniversario do 11-S en Chile - "O diario de Agustín", de Ignacio Agüero

Proxección do documentario "O diario de Agustín", de Ignacio Agüero, no 40º Aniversario do 11-S en Chile.

Hoxe, Mércores, 11 de Setembro ás 20:00hs, en Ferrol, no Salón de Actos do Ateneo Ferrolán na rúa Magdalena 202.

Que se continuará cunha mesa redonda en próximas datas.

No marco dos actos cos que queren conmemorar o 40º aniversario dos acontecementos do 11-S en Chile, a A. C. Fuco Buxán, organiza á proxección do documentario que leva por título "O diario de Agustín". Nesta produción o seu director Ignacio Agüero, coa colaboración dun grupo de estudantes e investigadores da Universidade de Chile, fai un xuízo á colaboración da prensa co terrorismo financeiro ao desvelar como dende as páxinas do 'Mércurio' -diario decano Chileno- e coa tenebrosa complicidade dos outros medios, traballaron polo derrocamento do sistema democrático en setembro de 1.973 e a súa substitución por un réxime neoliberal apoiado na forza das armas dos golpistas. O documentario inclúe experiencias e testemuñas dos protagonistas e dos seus familiares: xornalistas, avogados, represaliad@s… Neste momento de grave crise nos medios de comunicación, de insidiosas tácticas de desinformación de enmascaramento dos abusos dos poderosos, podemos extraer valiosas leccións desta esperanzadora construcción visual que actualiza o inesgotábel dilema entre información e verdade.

Ficha técnica:
Dirección: Ignacio Agüero, Guión e Producción: Ignacio Agüero e Fernando Villagrán, Fotografía: Gabriel Díaz e Ricardo Lorca, Ano 2008 - 80 min.

Máis info sobre o documentario [Acceder]
--
A nosa web:
www.fucobuxan.net

Os nosos blogues:

Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/

Nas redes sociais:

Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/posts

---
Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es

Información baseada na enviada por:
fucobuxan
-fucobuxan@gmail.com-
8 de setembro de 2013 19:52
__________________

Companheiras adeus!, ... Por Lupe Ces

Por Lupe Ces [*]
11.09.2013

Pecharom a minha rua. Os sinais e as barreiras cortam a Avenida do Mar em Caranza. O passeio segue acolhendo os passos de moita gente que busca neste caminho a paisagem, a tranquilidade, a brisa e também as sombras dos prádios que abeiram longos tramos deste caminho ao pé da Ria. Umha ria castigada durante tantos anos pola inconsciência das administraçons e a falta de compromisso da cidadania para preservar e defender o território que habita.

Manhá começa a desfeita. Um bom número dessas companheiras de passeio vam ser sacrificadas para a construçom dum tanque de tormentas. Umha obra obsoleta, que em pouco tempo quedará fora da legislaçom europeia. Europa vai proibir este tipo de saneamento que mistura augas pluviais com augas residuais.

Estas companheiras nada podem aguardar das instituiçons que apuram estas obras num caminho cara nengures para encher este bairro de infraestruturas fantasmas, inecessárias, perigosas ou obsoletas (depósito de propano, linhas aéreas de alta tensom, auditório municipal, “tanques de tormentas”, ...). Tampouco podem aguardar nada dumha associaçom vizinhal, a AAVV de Caranza, que devera representar os interesses do bairro, incluindo vizinhos e vizinhas e defensa do território, totalmente alinhada coas decisons das instituçons que promovem este modelo irracional e destrutivo para o território. E nós, o resto de habitantes deste bairro, também daremos as costas, nem estamos nem se nos aguarda.

Só quedaram as perguntas das crianças. Ante os seus olhos as árvores derribadas. E nós que nom poderemos dizer que foi para beneficio da Ria, que foi para benefício da comunidade..., só poderemos explicar e escusar-nos “fam-no para ganhar dinheiro, e nom pudemos fazer nada”.

[*] Lupe Ces Rioboo -Caranza Ferrol 1953, é mestra, activista social, integrante da Marcha Mundial das Mulleres e da Rede Social de Ferrol Terra. Forma parte do Consello Editorial de Altermundo e do Colectivo Ártabra 21.

Blogue persoal: Caranza free opiniom

Enviado por:
Lupe Ces
-lupeces@gmail.com-
11 de setembro de 2013 00:01
________________

Os liquidadores da sanidade pública, ... Por Pablo Vaamonde

Pablo Vaamonde [*]
10.09.2013
Nos últimos tempos soubemos da existencia dunha nova profesión: o liquidador de empresas. Trátase dun experto que adquire unha empresa arruinada e, utilizando diversos artificios financeiros, consigue cuantiosos beneficios co seu peche (deixando aos traballadores na rúa). Ángel del Cabo fíxose millonario e acadou notoriedade pública coa liquidación das empresas de Díaz Ferrán (aquel presidente da CEOE que nos decía que tiñamos que traballar máis e cobrar menos). Agora os dous están no cárcere.

O goberno central e as autonomías gobernadas polo PP están actuando como auténticos liquidadores da sanidade pública. Mentres afirman traballar pola sustentabilidade adoptan decisións que contribúen ao seu deterioro e á privatización. Non descansan. Nin sequera no mes de agosto. Pola contra, aproveitaron o período vacacional para impulsar medidas que representan auténticas agresións contra o sistema nacional de saúde(SNS). Fagamos un breve repaso dos últimos acontecementos:

1.-A foto antes das vacacións. No último día de xullo Rajoy reuniu na Moncloa a un grupo de organizacións afíns coas que asinou un “pacto pola sustentabilidade do SNS”. Despois da sinatura  protocolaria fixeron a foto de rigor que foi publicitada como un acto histórico. Trátase, máis ben, dunha triste parodia e dun engano denunciado polos sindicatos, os traballadores sanitarios e os defensores da sanidade pública. A FSDSP afirma que este acordo carece de contido práctico, que representa un paso máis na estratexia de deterioro da sanidade pública e que este acto publicitario só pretende  frear as mobilizacións de profesionais e cidadáns contra da privatización do sistema.

2.-Madrid privatiza. A pesar da masiva contestación os gobernantes da Comunidade de Madrid persisten no seu empeño privatizador. Tampouco lles importa que haxa dous recursos xudiciais sen resolver: un millón e medio de madrileños poderán ver os seus hospitais privatizados dentro de pouco. Despois dun proceso escuro e pouco transparente tres empresas privadas -Sanitas, Ribera Salud e e portorriqueña Hima San Pablo (especializada en turismo sanitario)-  poden facerse cargo da xestión de seis hospitais. O PP madrileño empuxou esta medida a pesar das evidencias históricas: todas as experiencias previas realizadas noutras xeografías tiveron consecuencias negativas para a poboación, os profesionais e a a propia sanidade pública. Polo momento este proceso está paralizado: un xuzgado madrileño decretou a suspensión cautelar (03.09.13) da externalización despois dunha demanda presentada pola asociación profesional Afem.

Mais o diñeiro público non escapa só por esta vía cara os petos das empresas privadas. A sanidade madrileña aumentou o orzamento para os concertos con clínicas privadas nun 55%. Este incremento é, con diferencia, o maior dos últimos anos.

3.-O novo hospital de Vigo. O hospital que o sur de Galicia precisa, e polo que leva anos agardando, foi adxudicado polo goberno de Núñez Feijóo a unha UTE (Unión Temporal de Empresas) constituída por bancos arruinados e construtoras en bancarrota. Xa falamos deste asunto noutras ocasións. O hospital leva máis dun ano parado pois a empresa concesionaria non consegue que ningunha entidade financeira lle conceda crédito. Mais a Xunta persiste no seu afán privatizador. En contra de todas as normas permitiu cambios no contrato e mesmo na composición da UTE e, a primeiros de agosto, Núñez Feijóo afirmou que conseguiran o financiamento preciso para continuar a construción. O diñeiro será aportado polo Banco Europeo de Inversións (BEI), o Instituto de Crédico Oficial (ICO) e por entidades bancarias rescatadas con diñeiro público (entre eles Novagalicia Banco, que conta por centos as persoas afectadas polo fraude das preferentes). Polo tanto, o novo hospital vai ser financiado con diñeiro público que despois reportará beneficios ás empresas integradas na UTE concesionaria. Mal porvir lle agarda á sanidade pública no sur de Galicia se non muda a situación. Lembremos que Povisa atende  a gran parte da poboación da zona. Ten un concerto particular co Sergas moi favorable pero acumula as maiores listas de espera da comunidade e fai un trato claramente discriminatorio entre os clientes privados e oa usuarios do Sergas. Vén de sufrir unha folga (desconvocada despois dunha sentenza favorable aos traballadores) por querer impor unhas penosas condicións laborais ao seu persoal (con rebaixas salariais do 40%).

4.-Recorte público e máis gasto familiar.  A ministra de Sanidade ven de anunciar que o copagamento nas medicinas significou unha redución da factura farmacéutica de 2.000 millóns de euros no seu primeiro ano de vixencia. Esta noticia, presentada como unha conquista, pode ser interpretada doutro xeito. Máis que aforro o que fixo foi trasladar un gasto público ás economías familiares, xa moi deterioradas nos tempos actuais. A obriga de pagar unha porcentaxe dos medicamentos nas farmacias e a retirada de máis de catrocentas medicinas, de uso moi frecuente, do financiamento público obriga ás familias a un esforzo económico que, a miúdo, resulta inasumible. Polo tanto, na vez de gabarse polo que considera un triunfo, a ministra debería pedir perdón aos cidadáns por imporlles un gasto máis ás depauperadas economías familiares. En realidade o copagamento ven representar un dano para a saúde individual e colectiva (moitas persoas deixaron de medicarse por non poder costealo) e un elemento máis para aumentar as desigualdades.  Os pensionistas galegos sofren de xeito especial esta situación: a súa pensión media é de 722 euros, un 16% inferior á media do Estado. Galicia ocupa o último posto das 17 comunidades autónomas neste ranking.

5.-Máis castigo para os traballadores. A finais de agosto publicaron no BOE unha lei (Ley 10-2013). Trátase dunha norma aparentemente neutra que incorpora normas europeas ao ordeamento xurídico español en relación coa farmacovixiancia. Mais, como se non tivera importancia, esta lei inclúe unha disposición final quinta que modifica o Estatuto Marco do persoal estatutario do SNS. Esta modificación permite a creación do que chama “unidades de xestión clínica” integradas por persoal laboral, na que se terían que integrar os que hoxe teñen a consideración de estatutarios. En definitiva, tal como denunciou a propia CESM, esta lei remata, pola espalda e a traición, con todas as garantías do réxime estatutario. Trátase dunha afrenta máis contra os traballadores da sanidade pública, feita dunha forma tramposa e canalla (incluíndo unha disposición desta trascendencia no articulado dunha lei que non ten nada que ver coa regulación laboral).

6.- Aumentan as listas de espera. A drástica redución orzamentaria, a perda de persoal e a eliminación do traballo de tarde nos hospitais están a provocar unha situación de grave colapso nos centros públicos. A espera cirúrxica pasou, en seis meses, de 76 a 100 días. Perto de 600.000 pacientes agardan polo quirófano. Este é o maior incremento desde que o Ministerio comezou a rexistrar estes datos.  As autoridades sanitarias non parecen preocupadas por estes datos.  Algún sindicato interpreta que non lles interesa que a sanidade pública funcione: cómpre ter argumentos para afondar nas privatizacións.

7.-Diminúe a esperanza de vida. A esperanza de vida ao nacer é un dos principais indicadores para coñecer a calidade de vida dun país. Nas últimas décadas este parámetro mellorou de maneira continuada e permanente. Por primeira vez na historia recente a esperanza de vida dos españois baixou unhas décimas, mais este descenso continuará se as condicións de vida non mudan. A precariedade económica, a inseguridade laboral, a incerteza polo futuro, a exclusión sanitaria dos máis desfavorecidos e o aumento das desigualdades: todos estes factores inflúen neste cambio de tendencia. As políticas impostas polo partido no poder son as responsables principais desta mudanza histórica.

Blogue persoal de Pablo Vaamonde:

Pavillón de Repouso

http://pablovaamonde.blogspot.com.es/

[*] Pablo Vaamonde, nado na Baña en 1956. É médico de familia no Centro de Saúde de Labañou (A Coruña). Foi fundador e director da revista médica Cadernos de Atención Primaria (1994-2005), presidente da Asociación Galega de Medicina Familiar e Comunitaria (AGAMFEC) de 1996 a 2005 e vicepresidente do Colexio Oficial de Médicos de A Coruña e responsable do Programa de Formación Continuada de 1998 a 2005. Foi director xeral de Asistencia Sanitaria do Sergas entre 2005 e 2006. Tamén foi membro da Comisión Sectorial de Sanidade que elaborou o Plan Xeral de Normalización da Lingua Galega, colaborador habitual dos medios e autor de tres libros de narrativa: O fillo do emigrante (2002), O mes de abril (2004), Luz Divina e outros retratos (2006). Recibiu o Premio Lois Peña Novo en 2005, polo seu compromiso na promoción e defensa da língua de Galicia e é colexiado de Honra con Emblema de Prata (2007) do Colexio Oficial de Médicos da provincia de A Coruña.

Publicado no seu Blogue persoal | 31.08.2013 | e en Nueva Tribuna e Galicia Confidencial.

Outros artigos e documentos de interese:

"A universalidade da asistencia sanitaria avanza no mundo, mentres retrocede no Estado Español", por Manuel Martin Garcia.  Asociacion Galega para a Defensa da Sanidade Pública [Acceder ao Artigo].

Auto do Xulgado do Contencioso Administrativo nº4 de Madrid, sobre medidas cautelares á privatización da xestión de hospitais en Madrid | 02.09.2013 [Acceder ao Auto].

Nota da Plataforma para a Defensa da Sanidade Pública de Cangas sobre a construción dun Centro de Alta Resolución para o Morrazo [Acceder ao Blogue].

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
9 de setembro de 2013 23:02Informacións SOS sanidade Pública
http://www.plataformadspferrol.blogspot.com/

___________