Amosando publicacións coa etiqueta Reganosa. Amosar todas as publicacións
Amosando publicacións coa etiqueta Reganosa. Amosar todas as publicacións

luns, febreiro 20, 2023

No pasamento de Rafael Pillado


No pasamento de Rafael Pillado


No pasamento, vítima do amianto, do noso querido compañeiro RAFAEL PILLADO LISTA, este Comité Cidadán de Emerxencia para a Ría de Ferrol, do que el era cofundador, quere agradecer profundamente a súa entrega, durante estes 20 anos de loita, na defensa da legalidade, da ría e da vida fronte a ameaza permanente da Planta de Gas.

Sempre na nosa lembranza, enviamos a nosa máis fonda solidariedade a súa familia, amizades, compañeiras e compañeiros.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


#RafaelPilladoLista

Enviado por:
Comite Cidadan de Emerxencia
-comitecidadan@gmail.com-
20 de fevereiro de 2023 às 20:21

_______

domingo, febreiro 05, 2023

Lembrando a Carmelo Teixeiro, quen fora o primeiro Coordinador do Comité Cidadán de Emerxencia para a Ría de Ferrol e de todas as compañeiras e compañeiros que nos acompañaron nestes 22 anos de actividade en defensa da nosa Ría, contra o despropósito gasista de Reganosa


Ofrendas florais en Parque Carmelo Teixeiro

O 15º aniversario do pasamento de Carmelo Teixeiro, Coordinador deste Comité Cidadán de Emerxencia.

O Concello de Ferrol lembrou o 15º aniversario do falecemento de Carmelo Teixeiro, cunha ofrenda floral, no parque de Caranza que leva o seu nome.

PARQUE CARMELO TEIXEIRO MENÉNDEZ (Mugardos 1937 – Ferrol 2008). O Excmo. Concello de Ferrol en sesión plenaria do 26.02.2009, acordóu nomear este espazo público na memoria deste activista social, sindical e político, que foi Coordinador do Comité Cidadán de Emerxencia para a Ría de Ferrol, polo seu labor na transición, a súa implicación sindical, a defensa das liberdades e da nosa ría e a súa coherencia na loita polos principios democráticos. 8 de xuño de 2018. Memoria de Ferrol”.

O Comité Cidadán de Emerxencia para a Ría de Ferrol, depositou hoxe unha ofrenda floral no Parque Carmelo Teixeiro de Caranza, en memoria de quen fora o primeiro Coordinador deste Comité e de todas as compañeiras e compañeiros que nos acompañaron nestes 22 anos de actividade en defensa da nosa Ría, da legalidade e da vida das persoas que habitan na súa contorna, sempre coa ameaza presente dunha Planta de Gas no centro dela, que, a pesar dos permisos que unhas administracións cómplices lle conceden, segue incumprindo todas as normas de seguridade segundo demostraron as cinco sentenzas xudiciais en contra dela.

Hoxe cúmprense 15 anos do pasamento de Carmelo pero lembramos tamén a:

José Gabeiras - presidente de honra do Comité Cidadán in aeternum (Xaneiro de 2005), Xaime Quessada autor do mural contra a imposición de Reganosa, mural que agora se expón no Auditorio Municipal de Ferrol (Decembro de 2007), Santiago Torrente 'Tito' (Marzo de 2009), Tino Deibe autor do logotipo do Comité (Maio de 2010), José Luís Estévez Barros 'Seli' (Decembro de 2011), Regino Varela (Xullo de 2014), Victoria Fernández Paredes, (compañeira de Carmelo, falecida o 8 de novembro de 2014), Ramón Capotillo (Febreiro de 2015), Luís Matalobos (Outubro de 2015), Julio Videira (Xuño de 2016), Joaquín Cupeiro (Decembro de 2016), Julio Pico (Xuño de 2017), Bernardo Bastida, (Xaneiro de 2018), Emilio Romero "Milín" (Marzo- 2018), Mel Sanxoán (Abril de 2018), José Luis Rodríguez Pardo (Xuño de 2018), Helena Sánchez (Novembro de 2018), Pepe Leira (Outubro de 2019), Ricardo González Costas "Cardín" (Xaneiro de 2020), Víctor Agulló López (11 de Xullo de 2021),  Eugenio Pereiro Couce (4 de novembro de 2021), Marichy Cuadrado Caruncho (14 de xaneiro de 2022) e Antonio Dopico Carro (23 de xaneiro de 2022).

Todas e todos sempre na nosa memoria!

Enviado por:
Comité Cidadan de Emerxencia
-comitecidadan@gmail.com-
5 de fevereiro de 2023 às 17:1

_______

sábado, febreiro 04, 2023

Este domingo 5 de febreiro lembramos ás compañeiras e compañeiros que finaron no transcurso da loita contra a Planta de Gas de Mugardos - Cumpre-se o quince cabodano da morte de Carmelo Teixeiro


Este domingo 5 de febreiro lembramos ás compañeiras e compañeiros que finaron no transcurso da loita contra a Planta de Gas de Mugardos.

Cumpre-se o quince cabodano da morte de Carmelo Teixeiro. Ao redor desta data é cando lembramos a todas as persoas que, como Carmelo, participaron na loita contra o despropósito gasista de Reganosa, na defensa da Ría, da seguridade e da vida das miles de persoas que moran na súa contorna.

Imos a depositar unha flores, este domingo ás 11:30 hs, no monumento á lembranza de Carmelo Teixeiro, no Parque de Caranza que leva o seu nome, nas inmediacións da Ermida.

Cada vez que arriba un buque LNG, normalmente son buques de grande porte próximos aos 290 metros de eslora, para descargar as decenas de miles de toneladas de gas natural licuado na regasificadora de Mugardos, perante 24 horas, aumenta de xeito exponencial, o xa de por si perigo que ten a Planta de Gas, instalada no corazón da nosa Ría. Un potencial perigo, para todas as miles de persoas que moramos na súa contorna. Unha planta de gas que Reganosa construíu na ribeira sur da nosa Ría, a poucos metros dos núcleos de poboación, empobrecendo-a aínda máis do que estaba e poñendo en perigo a seguridade e a vida das miles de persoas que moramos na súa contorna.

Para máis perigo esta planta regasificadora está á beira dun complexo industrial petroquímico que almacena centos de miles de metros cúbicos de fluídos tóxicos, propiedade dos socios promotores e maioritarios da planta de gas e que agora conforma xa un holding transnacional da enerxía (Reganosa Holdco) que xunto á transnacional nipona (Sojitz Corporation) son os propietarios da regasificadora.

Mais o aumento do potencial perigo para a poboación que mora na contorna da Ría de Ferrol non remata aí, a voraz ambición do grupo que controla Reganosa (Grupo Tojeiro) que pretende engadir (baixo a etiqueta de "verde", para facer-se con parte dos fondos europeos do NextGenerationEU), unha planta de fabricación de metanol no complexo petroquímico de Punta Promontorio.

Este 5 de Febreiro, cumpren-se 15 anos (2008) do falecemento do noso ben querido compañeiro Carmelo Teixeiro, primeiro Coordinador do Comité Cidadán de Emerxencia para a Ría de Ferrol. Como xa mencionamos, desde entón ao redor desta data, é cando lembramos a todas as persoas que como Carmelo participaban na loita contra o despropósito gasista.

Despois de que o goberno cedera ante Reganosa, concedendo os permisos de construción e funcionamento, aínda que estes chegaran despois de máis de 17 anos de ter comezado a súa construción e 13 desde a entrada en funcionamento. Todo un proceso cheo de irregularidades, onde se alegan feitos consumados, aínda que fora transgredindo toda a lexislación medioambiental en referencia a súa localización próxima a núcleos de poboación consolidados. Foron responsábeis políticos, funcionarios, tribunais, xornalistas e medios, ... os que se implicaron na fraude, para "legalizar" o despropósito gasista. Abrindo unha nova etapa na loita, despois de cinco sentenzas do Tribunal Supremo en contra da regasificadora de Mugardos.

Reganosa é unha ameaza para a vida humana e o medio ambiente e pode chegar a converterse nunha enorme traxedia, no caso dun accidente na Planta ou no gaseiro. Nesta localización, dentro da Ría, con 40.000 habitantes ao redor, non hai Plan de Emerxencia capaz de facer fronte a catástrofe que provocaría, contiguo como está ademais ao Complexo Petroquímico.

O Comité Cidadán de Emerxencia para a Ría de Ferrol dende o ano 2000, en ausencia e sen amparo das administracións, veuse na obriga de defender a Vida, a Ría e a Legalidade ameazadas pola construción da Planta de Gas de Reganosa. Foron cinco ás sentenzas do Tribunal Supremo que confirmaron que Reganosa está baseada nunha flagrante ilegalidade e non cumpre coa normativa esixida para a construción deste tipo de instalacións. Sentenzas que anulaban a falsa tramitación ambiental que fixo Reganosa ou mesmo o cambio de usos dos terreos nos que se construíu a Planta; a modificación do Plan Xeral de Ordenación de Mugardos, feita polo Concello, que serviu para que se instalara a Planta; ou a resolución do goberno de Mariano Rajoy que eximía a Reganosa de ter que someter-se a avaliación de declaración ambiental (DIA)...  Mais agora a administración, baixo o goberno progresista se lle aprobou a DIA e se lle concedeu os permisos de construción e funcionamento. De todos os xeitos, fronte a este desprósito, o Comité Cidadán para a Ría de Ferrol ten presentado, unha vez máis, recursos contra estes novos permisos.

A regasificadora entrou ilegalmente en funcionamento o 4 de maio de 2007; como ilegais tamén foron as entradas na Ría dos gaseiros que abasteceron, durante anos á planta; irregulares os permisos concedidos tanto de construción e funcionamento; todo o mundo sabía que non cumpría a Lei no asunto fundamental da localización ao non respectar-se a distancia de 2000 metros que marcaba a Lei, ate que en 2013 a Xunta de Galicia elaborou unha Lei á medida de Reganosa...

Estamos diante do maior fraude cometido no noso país coa escusa de que o gas é estratéxico para Galiza.

INMEMORIAM

Ademais de Carmelo, lembramos a: José Gabeiras - presidente de honra do Comité Cidadán in aeternum (Xaneiro de 2005), Xaime Quessada autor do mural contra a imposición de Reganosa, mural que agora se expón no Auditorio Municipal de Ferrol (Decembro de 2007), Santiago Torrente 'Tito' (Marzo de 2009), Tino Deibe autor do logotipo do Comité (Maio de 2010), José Luís Estévez Barros 'Seli' (Decembro de 2011), Regino Varela (Xullo de 2014), Victoria Fernández Paredes, (compañeira de Carmelo, falecida o 8 de novembro de 2014), Ramón Capotillo (Febreiro de 2015), Luís Matalobos (Outubro de 2015), Julio Videira (Xuño de 2016), Joaquín Cupeiro (Decembro de 2016), Julio Pico (Xuño de 2017), Bernardo Bastida, (Xaneiro de 2018), Emilio Romero "Milín" (Marzo- 2018), Mel Sanxoán (Abril de 2018), José Luis Rodríguez Pardo (Xuño de 2018), Helena Sánchez (Novembro de 2018), Pepe Leira (Outubro de 2019), Ricardo González Costas "Cardín" (Xaneiro de 2020), Víctor Agulló López (11 de Xullo de 2021),  Eugenio Pereiro Couce (4 de novembro de 2021), Marichy Cuadrado Caruncho (14 de xaneiro de 2022) e Antonio Dopico Carro (23 de xaneiro de 2022).

Desde Ártabra 21 seguimos apoiando a loita do Comité Cidadán de Emerxencia.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


_______

mércores, xaneiro 18, 2023

O H2Med protagonizará o cume hispano-francesa a pesar da súa dubidosa viabilidade - A rede 'Gas Non é Solución' sobre o hidroducto-proxecto H2Med


O H2Med protagonizará o cume hispano-francesa a pesar da súa dubidosa viabilidade

O proxecto H2Med/BarMar protagonizará as negociacións do cume hispano-francesa coa complicidade do President da Generalitat, Pere Aragonès.

Esta infraestrutura foi contestada por expertos e a sociedade civil organizada. A rede Gas non é Solución [*] e a Plataforma Resposta ao BarMar, radicada en Barcelona, sinalan este proxecto como unha falsa solución á crise enerxética actual.

O 19 de xaneiro celebrarase en Barcelona o cume hispano-francesa na que se tratarán varios asuntos, entre eles o H2Med, que aspira a ser a principal infraestrutura de hidróxeno verde entre España e Francia. A capital catalá foi especialmente escollida para centrar as discusións neste proxecto que conectará Barcelona con Marsella, tal como aseguraba a portavoz do Goberno español, Isabel Rodríguez, hai unha semana. O proxecto, ademais do apoio da Comisión Europea, Francia e Portugal, conta coa complicidade de Pere Aragonès. O President da Generalitat subliñaba hai uns días a súa vontade de aproveitar este cume para concretar e impulsar o H2Med.

Pero o avance das conversacións está a ser contestado pola sociedade civil. A rede Gas non é Solución (en diante, a rede), formada por máis de 30 organizacións, rexeita firmemente este proxecto. A esta oposición súmase a Plataforma Resposta ao BarMar, anteriormente conformada para responder á construción do gasoduto MidCat, xa abandonado.

O H2Med é unha aposta que pon en risco a viabilidade da transición enerxética, desviando para a exportación unha enerxía imprescindíbel para a descarbonización da demanda estatal. Ademais de usar un vector enerxético como o hidróxeno (H2) moi ineficiente, este tipo de infraestruturas perpetúan un modelo centralizado que vai en contra das persoas, o medio ambiente e segue privilexiando ás grandes empresas enerxéticas como Enagás.

O pasado xoves 15 de decembro presentouse ao fin o H2Med no rexistro de proxectos candidatos a recibir financiamento europeo. Esta infraestrutura suporá a construción sen precedentes dun conxunto de gasodutos que transportarán en principio hidróxeno producido a partir de enerxías renovábeis. Será adxudicada a Enagás e custará entre 2.500 e 3.000 millóns de euros procedente das arcas públicas. Comezará en Portugal co tramo Celorico-Zamora (CelZa) e continuará co tramo submarino Barcelona-Marsella (BarMar). O H2Med non se entende sen outras interconexións que involucrarán a Huelva, Cartaxena, Puertollano, Zamora e Xixón creando unha rede moito máis ampla e paralela á nosa rede actual de gas. Ademais, o proxecto presentado expón dous almacenamentos subterráneos de hidróxeno situados en cavidades salinas de Cantabria e o País Vasco.

A rede aclara que o hidróxeno verde pode axudar a alcanzar un sistema enerxético 100% renovábel. Pero a súa utilización debe reservarse para casos concretos nos que sería inviábel utilizar outro tipo de enerxía renovábel, especialmente para substituír o uso do hidróxeno como materia prima en determinados procesos industriais, así como naqueles que requiren de altas temperaturas que non teñen polo momento outras opcións de descarbonización.

Con todo, denuncia que esta aposta pola exportación de hidróxeno a gran escala implica grandes riscos debido á inmadureza da tecnoloxía que se contempla tanto na produción como no transporte de hidróxeno. O investimento público estaría mellor empregada en medidas cuxo funcionamento xa foi comprobado como o é a electrificación, a aposta por proxectos renovábeis con participación cidadá, o autoconsumo, as comunidades enerxéticas e melloras na eficiencia enerxética dos fogares.

Ademais, ás limitacións e riscos xa mencionados, as organizacións agrupadas na rede engaden as seguintes consideracións:

– Exportar grandes cantidades de hidróxeno implicaría a implantación de moitísimos máis proxectos de renovábeis de grandes dimensións que poderían ter un  alto impacto ambiental e territorial. Tamén existe o risco de que, ao non haber suficiente excedente de enerxía renovábeis, caia en producir o hidróxeno con gas fósil como é o caso do 99% do H2 obtido na actualidade.

O anterior risco aumenta debido á baixa eficiencia enerxética do H2, como sinalou xa o instituto de investigación independente Hydrogen Science Coalition. No proceso de produción de hidróxeno por electrólise a partir, por exemplo, de fontes renovábeis e durante o seu transporte por gasoduto, pódese chegar a perder ate un 80% da enerxía investida.

– Se finalmente o H2Med inclúe-se na lista de Proxectos de Interese Común (PICs), aspirando a financiamento europeo, podería acollerse aos controis ambientais menos esixentes introducidos polo REPowerEU. Como denunciou xa ClientEarth, este paquete de medidas destinadas a substituír o gas ruso outorga aos PICs a posibilidade de saltarse o principio de “Non Dano Ambiental Significativo” (ou “Do Non Significant Harm” en inglés) e estar exentos de avaliacións de impacto ambiental exhaustivos.

– Isto último faise especialmente relevante se temos en conta que atravesará o Golfo de León, un dos ecosistemas con maior índice de biodiversidade no Mediterráneo, onde se atopan espazos mariños protexidos, un corredor de cetáceos e o Santuario de Pélagos.

Por todas estas razóns, a rede Gas non é Solución denuncia a postura do executivo do Estado español. Tamén sinala o apoio que recibe da Generalitat, que ve o H2Med e concretamente no tramo Barcelona-Marsella (BarMar) “positivamente, no sentido de que marca a Catalunya e Barcelona como un punto neurálxico da nova estrutura enerxética europea”, en palabras de Aragonès. Os riscos asociados a este megaproxecto urxen a un debate social moito máis amplo, transparente e que involucre á cidadanía.

18 de xaneiro de 2023

A rede 'Gas Non é Solución'

[*] Os colectivos que integran esta rede son: 350 Bcn, Aliança contra la Pobresa Energètica, Amigos de la Tierra, Asamblea Ciudadana contra el Gas en Gran Canaria, Asociación de Cultura Popular Alborada (Gallur), Berriztu!, Comité Cidadán de Emerxencia para a Ría de Ferrol (Galiza), Ecologistas en Acción, Enginyeria Sense Fronteres (ESF), Equo, Equo Huelva, Ferrol-Cape, Fracking Ez, Fundación Renovables, Fundación Ecología y Desarrollo, Greenpeace España, Instituto Internacional de Derecho y Medio Ambiente, No Més Gas,Observatorio Crítico de la Energía, Observatori del Deute en la Globalització, Plataforma Ciudadana Zaragoza sin Fractura, Plataforma por un Nuevo Modelo Energético, Plataforma Resposta al Midcat, Plataforma Salvemos Doñana, Podemos, SEO/BirdLife, Transport & Environment, WWF España, Xarxa per la Sobirania Energètica.

Enviado por:
Manuel Amorim
-m.amorim@telefonica.net-
18 de janeiro de 2023 às 10:53

_______

xoves, xullo 21, 2022

A Ecomarcha ciclista 2022 chegou onte a Reganosa, onde se realizou un acto nas inmediacións da planta de regasificadora


A Ecomarcha ciclista 2022 chegou onte a Reganosa

Hoxe mércores 20 de xullo, una representación do Comité Cidadán de Emerxencia acudiu a Mugardos, para diante da Planta de Gas de Reganosa recibir á Marcha Ciclista de Ecoloxistas en Acción que co lema “Sempre Mais” recorre Galicia reivindicando causas sociais e ambientais.

Un representante da Ecomarcha 2022, Fixo a presentación do Informe “GNL: Ao caos climático pola vía líquida”, intervindo tamén, en nome do CCE, para salientar as irregularidades o perigo e o fraude de REGANOSA, o Coordinador Manuel Rodríguez Carballeira, o membro do mesmo Carlos Álvarez e a avogada Patricia Gabearas.

A Continuación tivo lugar un xantar de confraternización no Campo dos Carneiros.

Álbum Fotográfico (fotos de Lupe Ces e Fer OM) . Acceder/Baixar.

No actopresentou-se o Informe "GNL: AO CAOS CLIMÁTICO POLA VÍA LÍQUIDA . 10 razóns polas que o gas fósil licuado non é unha opción" | Acceder/Baixar.

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
20 de julho de 2022 22:20

_______

martes, xullo 19, 2022

A Ecomarcha ciclista 2022 de Ecoloxistas en Acción, co lema 'Sempre Máis', chegará este mércores 20 de xullo a Mugardos e será recibida no Cruce da Pedreira, polo Comité Cidadán de Emerxencia para a Ría de Ferrol


Mércores 20 de xullo, en Mugardos, ás 13:00hs, no Cruce da Pedreira, encontro e comida coa Ecomarcha ciclista 2022 de Ecoloxistas en Acción que está percorrendo Galiza, sinalando puntos medioambientalmente sensíbeis ou afectados por agresións contra o medio.

A Ecomarcha ciclista 2022 de Ecoloxistas en Acción, co lema “Sempre Máis”, que chega á R´ia de Ferrol, será recibida no Cruce da Pedreira, á 1 da tarde, polo Comité Cidadán de Emerxencia para a Ría de Ferrol e cantas persoas queiran sumarse, para marchar cara á Planta de Gas de Reganosa, onde presentarán o INFORME GNL (Gas Natural Licuado). Logo, no Campo dos Carneiros, celebrarase un xantar de confraternización coas viandas que leve cada quen.

Esta marcha ciclista que comenzou o día 9 en Pontevedra rematará o día 24 en Lugo tras recorrer Santiago, A Costa da Morte (neste próximo 20º aniversario do Prestige), A Coruña, e outras comarcas de Galicia, como a nosa, reivindicando causas sociais e ambientais, como ven facendo desde 2010.

Animádevos a participar!

Ecomarcha 2022

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
18 de julho de 2022 11:29

_______

xoves, abril 07, 2022

De fondo Reganosa - Desenterrar a verdade do gas natural como gas de efecto invernadoiro - É o carbón 'mellor para o clima' que o GNL?

Tendo en conta o conflito en curso en Ucraína, case parece non apropiado discutir outros asuntos. Cando hai vidas en xogo, todo o demais vólvese secundario. Mais talvez estea xustificado tendo en conta que esta situación política en Europa tamén ten que ver co acceso á enerxía.

Un novo artigo de investigación científica do Dr. Lars Schernikau e o Prof. William Smith (Universidade de Washington, St. Louis), 'Impactos climáticos dos combustíbeis fósiles nos sistemas enerxéticos de hoxe', recibiu recentemente unha revisión por pares e publicouse (dispoñíbel en liña en SSRN ou en YouTube), dá un exemplo do distorsionante e custosa que pode ser a política enerxética cando trata de dar conta dos desafíos medioambientais sen ter en conta o ciclo de vida completo dos sistemas enerxéticos e toda a información dispoñíbel.

Presentado como un documento de investigación simple, só utiliza información oficial do IPCC e a IEA sobre o potencial de quentamento global dos gases de efecto invernadoiro (GEI) e as emisións antropóxenas (causadas polo home) de CO2 e CH4. Conclusións crave dos resultados da investigación:

✔ Primeiro, a investigación confirmou que menos da metade do CO2 emitido, o 46% segundo o IPCC, en realidade termina na atmosfera, e loxicamente só esta porción de CO2 pode contribuír ao quentamento. O outro 54% do IPCC que non está no aire ocúpao a natureza e os océanos, o que contribúe á ecoloxización do noso planeta (confirmado polo IPCC e a NASA). Polo tanto, debemos deixar de falar das emisións de CO2 xeradas pola enerxía humana e comezar a falar dos cambios no equivalente de CO2 no aire, xa que só estes poden contribuír ao quentamento.

✔ En segundo lugar, a investigación baséase nos datos de emisión de CH4 resumidos pola AIE por primeira vez a escala mundial en 2020 e actualizados en 2021. Aproximadamente o 40 % das emisións de metano proveñen de fontes naturais. As emisións antropoxénicas de metano ascenden a ~60%, sendo a agricultura o maior emisor de CH4. A enerxía representa ~20% e quéimaa de residuos/biomasa ~15%. Segundo, os datos da AIE, poida que non sexa sorprendente que, das emisións coñecidas de metano enerxético, a maioría proveña do gas natural e o carbón. Usando o potencial de quentamento global de 20 anos do IPCC [1] (GWP20) de 84x, pódese calcular que as emisións antropóxenas actuais de CH4 representan case o 65 % de todos os gases de efecto invernadoiro humanos transportados polo aire que chamamos CO2eq. O CO2 antropoxénico transportado polo aire "" representa o 35% de todo o CO2eq transportado polo aire con GWP20.

✔ En terceiro lugar, debido a que os impostos actuais sobre o carbono non inclúen as emisións do ciclo de vida de ningunha fonte de enerxía, senón que se enfocan só na combustión, o prezo do carbono é erróneo e distorsiona a política enerxética a expensas do medio ambiente e a economía. Si acéptase o GWP20 do IPCC's, unha perda de CH4 ~2 % [2] maior en toda a cadea de valor antes da combustión do gas natural fronte ao carbón poñería ao carbón e ao gas natural en "paridade climática".

Ao analizar os datos públicos, as cadeas de valor do gas natural teñen altas perdas de CH4 e CO2 non documentadas. En promedio, a nivel mundial, o gas natural emite 15 % máis CO2eq que o carbón extraído ao descuberto, nun horizonte de 20 anos. Esta diferenza aumenta a medida que se expande o uso de gas de esquisto e GNL. Tendo isto en conta, segundo o IPCC e a AIE, o GNL é, en promedio, "menos favorable para o clima" que calquera carbón. Os resultados foron sorprendentes ata para os autores. A industria do gas utilizou as súas emisións de CO2 aparentemente máis baixas durante décadas para aumentar a participación de mercado nun mercado enerxético moi competitivo, con todo, esta nova investigación proporciona á industria do carbón a xustificación necesaria para fortalecer o caso da súa importancia para a combinación de enerxía.

Ademais, as conclusións subliñan un punto de importancia crítica para a enerxía e o medio ambiente. Necesitamos analizar as emisións reais do ciclo de vida e o impacto ambiental non relacionado cos GEI para toda a cadea de valor de todas as enerxías convencionais e renovábeis, incluído o hidróxeno, as baterías e os vehículos eléctricos. Facer estas análises sen dúbida significaría sorpresas. Imaxine que a Unión Europea (UE) prometa que o carbón e a enerxía nuclear son "verdes" en lugar do gas natural e a enerxía nuclear.

Os autores creen explicitamente que hoxe en día o mundo require todos os combustíbeis fiábeis e alcanzábeis para a xeración de enerxía, incluídos o gas, o carbón, a enerxía nuclear, a hidroeléctrica, a xeotérmica e, de forma selectiva, a eólica e a solar. Só unha combinación de enerxía equilibrada pode evitar a escaseza de electricidade e os efectos devastadores nos seres humanos e as industrias como se experimentou a nivel mundial durante os últimos 18 meses.

Con todo, non existe unha solución de enerxía única para todos. Os inversores deben apoiar todos os sistemas de enerxía dun xeito que evite unha crise enerxética, incluídos os sistemas intermitentes de enerxía renovábel cando teñan sentido. Si é necesario reducir as emisións de CO2, unha das formas máis efectivas sería a instalación de centrais ultrasúper críticas con tecnoloxía CCUS. Con todo, os beneficios do CO2 a través da fertilización deben considerarse e avaliarse de xeito xusto.

A política enerxética debe volver centrarse nos seus tres obxectivos, a seguridade enerxética, a accesibilidade enerxética e a protección do medio ambiente. Isto tradúcese en dous camiños para o futuro: 1) investir en educación e investigación básica para aplanar o camiño cara a unha Revolución de Nova Enerxía; e en paralelo, 2) apoiar o investimento en sistemas enerxéticos para mellorar a súa eficiencia e reducir a carga ambiental da enerxía necesaria para as nosas vidas.

notas

[1] O potencial de quentamento global (GWP) é un tema moi debatido, e o GWP20 potencial de quentamento global de 20 anos do IPCC parece disputarse na ciencia. Ademais, a concentración atmosférica de CH4 alcanza só 0,0002 %, mentres que o CO2 representa 0,04 %. Aínda que os autores tamén teñen reservas sobre o GWP do IPCC, para este traballo de investigación utilizáronse os números oficiais do IPCC. Isto débese a que son utilizados polos gobernos e hai moita discusión sobre a urxencia inmediata de resolver a 'crise climática' agora mesmo, non en 20 anos. Cabo sinalar que o GWP100 de 100 anos é menos discutido. Isto tamén se discute no documento e todos os cálculos móstranse tanto para 20 como para 100 anos.

[2] Esta cifra de equilibrio do carbón/gas aumenta de 2 % a 5,5 % de perda de metano utilizando o potencial de quentamento global de 100 anos GWP100 do IPCC en lugar do GWP20 de 20 anos. Os cálculos detallados menciónanse no documento.

Fonte: World Coal. | Published by Will Owen, Deputy Editor | World Coal, Wednesday, 06 April 2022 11:00

Foto: Acción de Greenpace en Reganosa (Ría de Ferrol - Galiza). | 15 de novembro de 2021. | Comité Cidadán de Emerxencia para a Ría de Ferrol.
_______

luns, febreiro 21, 2022

Gas ruso para Reganosa - Un novo buque gaseiro, o 'LNG Vladimir Voronin', está previsto que entre a última hora desta tarde na Ría de Ferrol, para descargar en Reganosa o GNL, aumentando unha vez máis, de xeito exponencial, o perigo que xa de por si ten a planta de gas localizada en Mugardos, proxima aos núcleos de pobación e á beira dun complexo petroquímico


O "LNG VLADIMIR VORONIN", vai arribar a última hora desta tarde ao porto de Mugardos, para descargar en Reganosa. Actualmente o buque está navegando baixo bandeira de The Bahamas. Un buque de grande porte, de 299 metros de eslora e 50 de manga, construído en 2019.

O "LNG Vladimir Voronin", cargou o GNL no porto ártico de Sabetta, na Federación Rusa.

O buque gaseiro "LNG Vladimir Voronin", vai descargar en Punta Promontorio, miles de toneladas de GNL para Reganosa, farao-no perante 24 horas que dura o transvase do gas natural licuado aos tanques, aumentando exponencialmente o perigo que xa de por si supón a localización da planta de gas no corazón da Ría de Ferrol, para as miles de persoas que moran na súa contorna.

O gaseiro "Vladimir Voronin" atracará no peirao de punta Promontorio para descargar decenas de miles de toneladas de gas natural licuado, na terminal regasificadora de Mugardos. Unha vez máis negocio para ao holding multinacional do gas no que se converteu Reganosa e pobreza para a nosa Ría que vai sofrer o arrefriamento duns 2.500 millóns de litros das súas augas (entre 4 e 7°C), un proceso de esterilización das augas e a creación de Sopa Química. Son sobre uns 2,5 millóns de toneladas de auga mariña, por medio dos vaporizadores con auga do mar, os que se van a utilizar na regasificación dos aproximadamente 160.000 m3 de GNL que descargará o buque.

Perante as 24 horas que vai durar a de descarga do GNL no peirao de Punta Promontorio, aumentará exponencialmente o perigo, para a poboación da contorna, perigo que xa de por si ten a Planta de Gas instalada no corazón da Ría de Ferrol, á beira do dun complexo petroquímico [Forestal del Atlántico e Imelgasa] onde se almacenan sobre uns 280.000 metros cúbicos de productos altamente perigosos e tóxicos [fueloleos; resinas; as colas de Urea-Formol, Melamina-Urea-Formol, Melamina-Formol, Fenol-Formol, Resorcina-Formol e disolucións acuosas de formol; residuos MARPOL tipos A, B e C] e hai a poucos metros [80 m] unha planta de coxeneración eléctrica que funciona queimando gasóleo. E para máis desgraza (polo aumento exponencial do perigo), o Grupo Tojeiro, proxecta a ampliación do complexo de Punta Promontorio cunha planta de fabricación de metanol.

Desde Ártabra 21 seguimos apoiando a loita do Comité Cidadán de Emerxencia.

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc
_______

domingo, febreiro 06, 2022

14 aniversario do pasamento de Carmelo Teixeiro


14 ANIVERSARIO DO PASAMENTO DE CARMELO TEIXEIRO


Este 14 aniversario do pasamento de Carmelo Teixeiro, o primeiro Coordinadodor do Comité Cidadán de Emerxencia para a Ría de Ferrol, a súa lembranza segue presente en todas e todos nos, igual que a dos restantes compañeiros e compañeiras que nos deixaron nestes máis de 20 anos de loita na defensa da Legalidade, da Ría e da Vida, contra a ameaza mortal que a Planta de Gas de REGANOSA representa para esta comarca.

A causa da pandemia non celebramos o acto público de costume pero a súa perseverancia e sacrificio polo ben común continúan sendo un exemplo para nos.
Agradecemos a ofrenda floral do Concello de Ferrol e continuamos esixindo: PLANTA DE GAS, FÓRA DA RÍA ¡!

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
5 de fevereiro de 2022 17:34

_______

sábado, febreiro 05, 2022

Hoxe sábado 5 de febreiro de 2022, cumpren-se catorce anos da morte de Carmelo Teixeiro - Ao redor desta data é cando lembramos a todas as persoas que, como Carmelo, nos deixaron e participaban na loita contra o despropósito gasista de Reganosa, na defensa da Ría, da seguridade e da vida das miles de persoas que moran na súa contorna


Hoxe sábado 5 de febreiro de 2022, cumpre-se o catorce cabodano da morte de Carmelo Teixeiro. Ao redor desta data é cando lembramos a todas as persoas que, como Carmelo, participaban na loita contra o despropósito gasista de Reganosa, na defensa da Ría, da seguridade e da vida das miles de persoas que moran na súa contorna.

Cada vez que arriba un buque LNG, para descargar as decenas de miles de toneladas de gas natural licuado na regasificadora de Mugardos, en Punta Promontoiro, no despropósito gasista de Reganosa, aumenta de xeito exponencial a xa de por si perigosidade da Planta de Gas, localizada no interior da Ría de Ferrol. Normalmente son buques de grande porte próximos aos 290 metros de eslora. Mentres se produce a descarga, perante 24 horas, aumenta de xeito exponencial, o xa de por si perigo que ten a Planta de Gas, instalada no corazón da nosa Ría. Un potencial perigo, para todas as miles de persoas que moramos na súa contorna. Unha planta de gas que Reganosa construíu na ribeira sur da nosa Ría, a poucos metros dos núcleos de poboación, empobrecendo-a aínda máis do que estaba e poñendo en perigo a seguridade e a vida das miles de persoas que moramos na súa contorna.

Para máis perigo esta planta regasificadora está á beira dun complexo industrial petroquímico que almacena centos de miles de metros cúbicos de fluídos tóxicos, propiedade dos socios promotores e maioritarios da planta de gas e que agora conforma xa un holding transnacional da enerxía (Reganosa Holdco) que xunto á transnacional nipona (Sojitz Corporation) son os propietarios da regasificadora.

Mais o aumento do potencial perigo para a poboación que mora na contorna da Ría de Ferrol non remata aí, a voraz ambición do grupo que controla Reganosa (Grupo Tojeiro) que pretende engadir (baixo a etiqueta de "verde", para facer-se con parte dos fondos europeos do NextGenerationEU), unha planta de fabricación de metanol no complexo petroquímico de Punta Promontorio.

Hoxe 5 de Febreiro, cumpren-se 14 anos (2008) do falecemento do noso ben querido compañeiro Carmelo Teixeiro, primeiro Coordinador do Comité Cidadán de Emerxencia para a Ría de Ferrol. Desde entón ao redor desta data, e cando lembramos a todas as persoas que como Carmelo participaban na loita contra o despropósito gasista. Este ano como o pasado, esta lembranza, ten un significado especial, estamos na sexta onda dunha pandemia por mor do Covid-19 que trae morte, enfermidade, desasosego e profunda crise social e económica; esta situación ten diminuída a actividade dos movementos sociais e coincide despois de que o goberno cedera ante Reganosa,  concedendo os permisos de construción e funcionamento, aínda que estes chegaran despois de máis de 17 anos de ter comezado a súa construción e 13 desde a entrada en funcionamento. Todo un proceso cheo de irregularidades, onde se alegan feitos consumados, aínda que fora transgredindo toda a lexislación medioambiental en referencia a súa localización próxima a núcleos de poboación consolidados. Foron responsábeis políticos, funcionarios, tribunais, xornalistas e medios, ... os que se implicaron na fraude, para "legalizar" o despropósito gasista. Abrindo unha nova etapa na loita, despois de cinco sentenzas do Tribunal Supremo en contra da regasificadora de Mugardos. De todos os xeitos, fronte a este desprósito, o Comité Cidadán para a Ría de Ferrol ten presentado recursos contra estes novos permisos.

Reganosa é unha ameaza para a vida humana e o medio ambiente e pode chegar a converterse nunha enorme traxedia, no caso dun accidente na Planta ou no gaseiro. Nesta localización, dentro da Ría, con 40.000 habitantes ao redor, non hai Plan de Emerxencia capaz de facer fronte a catástrofe que provocaría, contiguo como está ademais ao Complexo Petroquímico.

O Comité Cidadán de Emerxencia para a Ría de Ferrol dende o ano 2000, en ausencia e sen amparo das administracións, veuse na obriga de defender a Vida, a Ría e a Legalidade ameazadas pola construción da Planta de Gas de Reganosa. Foron cinco ás sentenzas do Tribunal Supremo que confirmaron que Reganosa está baseada nunha flagrante ilegalidade e non cumpre coa normativa esixida para a construción deste tipo de instalacións. Sentenzas que anulaban a falsa tramitación ambiental que fixo Reganosa ou mesmo o cambio de usos dos terreos nos que se construíu a Planta; a modificación do Plan Xeral de Ordenación de Mugardos, feita polo Concello, que serviu para que se instalara a Planta; ou a resolución do goberno de Mariano Rajoy que eximía a Reganosa de ter que someter-se a avaliación de declaración ambiental (DIA)...  Mais agora a administración, baixo o goberno progresista se lle aproba a DIA e se lle conceden os permisos de construción e funcionamento.

A regasificadora entrou ilegalmente en funcionamento o 4 de maio de 2007; como ilegais tamén foron as entradas na Ría dos gaseiros que abasteceron, durante anos á planta; irregulares os permisos concedidos tanto de construción e funcionamento; todo o mundo sabía que non cumpría a Lei no asunto fundamental da localización ao non respectar-se a distancia de 2000 metros que marcaba a Lei, ate que en 2013 a Xunta de Galicia elaborou unha Lei á medida de Reganosa...

Estamos diante do maior fraude cometido no noso país coa escusa de que o gas é estratéxico para Galiza.

INMEMORIAM

Ademais de Carmelo, lembramos a: José Gabeiras - presidente de honra do Comité Cidadán in aeternum (Xaneiro de 2005), Xaime Quessada autor do mural contra a imposición de Reganosa, mural que agora se expón no Auditorio Municipal de Ferrol (Decembro de 2007), Santiago Torrente 'Tito' (Marzo de 2009), Tino Deibe autor do logotipo do Comité (Maio de 2010), José Luís Estévez Barros 'Seli' (Decembro de 2011), Regino Varela (Xullo de 2014), Victoria Fernández Paredes, (compañeira de Carmelo, falecida o 8 de novembro de 2014), Ramón Capotillo (Febreiro de 2015), Luís Matalobos (Outubro de 2015), Julio Videira (Xuño de 2016), Joaquín Cupeiro (Decembro de 2016), Julio Pico (Xuño de 2017), Bernardo Bastida, (Xaneiro de 2018), Emilio Romero "Milín" (Marzo- 2018), Mel Sanxoán (Abril de 2018), José Luis Rodríguez Pardo (Xuño de 2018), Helena Sánchez (Novembro de 2018), Pepe Leira (Outubro de 2019), Ricardo González Costas "Cardín" (Xaneiro de 2020), Víctor Agulló López (11 de Xullo de 2021),  Eugenio Pereiro Couce (4 de novembro de 2021), Marichy Cuadrado Caruncho (14 de xaneiro de 2022) e Antonio Dopico Carro (23 de xaneiro de 2022).

Desde Ártabra 21 seguimos apoiando a loita do Comité Cidadán de Emerxencia.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


_______

venres, febreiro 04, 2022

Gas ruso ou ningún - Apuntes da conxuntura do gas natural en Europa ante o aumento da tensión con Rusia


Gas ruso ou ningún

Apuntes da conxuntura do gas natural en Europa

O GNL/LNG

A pinza que Biden tentaba apertar no abastecemento de gas ruso a Europa, no caso de que Rusia invadise Ucraína, afrouxouse por completo cando a diplomacia estadounidense percibe que os países cos que contactou ofreceron só un apoio simbólico se Rusia (ou forzara a USA), pechara a billa do gas ruso.

As empresas produtoras de Qatar (país dos maiores provedores de GNL do mundo), aseguraban que era imposible prestar un apoio firme porque, debido aos altos prezos deste gas no último trimestre do ano pasado, prometéronse a ampliar o subministro aos seus clientes habituais, aínda que con todo, verían se entre todos eles, e os seus clientes poderían axustar estes subministros para trasladar algún gaseiro a Europa.

Por parte de Xapón, Corea e China, algo semellante. Din que non teñen gas suficiente pois os acordos feitos en vigor de GNL lles van moi xustos para satisfacer as súas necesidades. Todos os países están no mesmo. Pechar as centrais térmicas de carbón e substituílas por outras de ciclo combinado.

Foron a Australia, outro país que máis GNL produce do mundo, e tampouco pode subministrar gas adicional polos mesmos motivos que Qatar. Ademais, estando nas antípodas de Europa, a diplomacia USA intentou facer acordos a tres bandas: Australia vendería GNL a aqueles países asiáticos clientes de Qatar e Qatar á súa vez enviaríao a Europa. Este último tampouco cristalizou.

Europa recibe de Rusia 1/3 do gas natural que consume. Estados Unidos non pode substituír esta oferta por si só, e menos aínda neste momento no que Asociacións Civís e senadores demócratas advirten de que EEUU non pode facelo, xa que é posible que dada a demanda interna, non só non poida aumentar as exportacións, senón que poderían ter que reducilos. En resumo, o conflito de Ucraína converteuse nun conflito do gas máis que nun conflito bélico/defensa/estratéxico.

Que fará Europa ante estas circunstancias?

Exemplos destes días sobre os posibles recortes de gas USA

✔ Os demócratas piden aos funcionarios de Biden que limiten as exportacións de gas natural de EE. UU. debido ao aumento dos costos de calefacción do fogar. | Democrats call for Biden officials to limit US natural gas exports because of rising home heating costs. By Matt Egan, CNN Business - February 3, 2022.
     
✔ Os senadores estadounidenses queren poñer freo ás exportacións de GNL para frear as facturas de enerxía doméstica. | U.S. Senators Want To Put Brakes On LNG Exports To Curb Domestic Energy Bills. By Tsvetana Paraskova - Feb 03, 2022.

✔ Biden enfróntase a unha presión crecente para restrinxir as exportacións de GNL tralo aumento dos prezos. | Biden faces growing pressure to restrict LNG exports following price spike. By James Osborne - Feb. 3, 2022.
_______

xoves, febreiro 03, 2022

O Comité Cidadán de Emerxencia para a Ría de Ferrol con Rafael Pillado


O CCE CON RAFAEL PILLADO

Desde este Comité Cidadán de Emerxencia para a Ría de Ferrol, compartimos, con tanta xente amiga, a dor e o sentimento pola grave enfermidade que afecta ao noso querido compañeiro Rafael Pillado Lista, cofundador deste CCE en defensa dá Ría, a Legalidade e a Vida, referente histórico da loita obreira, cofundador das CCOO, militante comunista desde 1960 e entregado sempre, desde os partidos e as organizacións de esquerdas e o movemento asociativo e cultural á loita polas conquistas sociais e democráticas e a favorecer sempre aos máis necesitados.

A Rafael acábanlle de diagnosticar un mesotelioma pulmonar, producido polo Amianto, que envelena a tantos traballadores do Naval, e doutras moitas industrias e a unha parte da cidadanía que inocentemente o sufriu cando os poderes públicos e as empresas eran conscientes e calaban o dano que producía.

Firme nas súas conviccións, de defensa do social antes que o persoal, quere dar a batalla para que os culpables paguen as consecuencias e estes feitos teñan máis difícil a súa repetición. Nesa batalla, desde este CCE estaremos ao seu lado con todas as nosas forzas. O escrito por el feito publico defíneo mellor que as nosas palabras.

"Estimadas amigas e amigos: estes días recibín a mala noticia de que padezo cancro. Cancro producido polo amianto. Un mesotelioma que limita o meu tempo de vida.

No transcurso de ese tempo, quero pedirvos que informedes a todo o mundo. Non quero que a miña enfermidade e a de tantos afectados, sexa clandestina. Pretendo ademais que a miña reclamación sexa ocasión para denunciar aos responsables dos nosos asasinatos silenciosos. Unha ditadura fascista que tras ser financiada pola Banca March, recibiu do ditador autorización, en exclusiva, para importar sin límites, o amianto, e que a través de Uralita contaminou as augas, as terras, os tellados i edificacións, e matou e segue matando a miles de persoas.

Pretendo tamén contribuír, mentres dure, á celebración do 50 Aniversario do 10 de marzo de 1972.

Aperta forte, sempre. Rafael Pillado
"

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Foto: Rafael Pillado Lista (de Miguel Garcia Garcia).

Enviado por:
Comité Cidadán de Emerxencia
-comitecidadan@gmail.com
2 de fevereiro de 2022 16:23

_______

martes, xaneiro 11, 2022

O primeiro buque gaseiro do ano 2022, o LNG Fedor Litke, arribou a pasada noite ao porto de Mugardos, para descargar en Reganosa - Perante as 24 horas que dura a de descarga do GNL, aumentará exponencialmente o perigo, para a poboación da contorna, que xa de por si ten a Planta de Gas instalada no corazón da Ría de Ferrol


A noite do luns 10 de xaneiro arribou ao porto de Mugardos o primeiro buque gaseiro do ano 2022, para descargar miles de toneladas de gas natural licuado (GNL) en Reganosa. Foi o "LNG Fedor Litke", un buque construído en 2017 que navega baixo bandeira chipriota (Cyprus), de grande porte (299 metros de eslora e 50 de manga), procedente do porto ártico ruso, Sabetta (Península de Yamal).

Perante as 24 horas que vai durar a de descarga do GNL no peirao de Punta Promontorio, aumentará exponencialmente o perigo, para a poboación da contorna, perigo que xa de por si ten a Planta de Gas instalada no corazón da Ría de Ferrol, á beira do dun complexo petroquímico [Forestal del Atlántico e Imelgasa] onde se almacenan sobre uns 280.000 metros cúbicos de productos altamente perigosos e tóxicos [fueloleos; resinas; as colas de Urea-Formol, Melamina-Urea-Formol, Melamina-Formol, Fenol-Formol, Resorcina-Formol e disolucións acuosas de formol; residuos MARPOL tipos A, B e C] e hai a poucos metros [80 m] unha planta de coxeneración eléctrica que funciona queimando gasóleo.

Desde Ártabra 21 seguimos apoiando a loita do Comité Cidadán de Emerxencia.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

_______

domingo, novembro 21, 2021

20 anos de loita contra o despropósito gasista de Reganosa - Celebrouse no Ateneo Ferrolán, o pasado xoves 18 de novembro, un encontro co Comité Cidadán de Emerxencia para a Ría de Ferrol - Recuperar a memoria e dar as pinceladas do que vai ser a actuación do Comité no próximo ano


Celebrouse no Ateneo Ferrolán, o pasado xoves 18 de novembro, un encontro co Comité Cidadán de Emerxencia para a Ría de Ferrol. Un encontro que tiña como finalidade recuperar a memoria sobre os feitos acontecidos ao longo destes 20 últimos anos, en relación á construción e posta en marcha da planta regasificadora de Mugardos, e tamén, dar as pinceladas do que vai ser a actuación do Comité no próximo ano. Como dicía o lema da convocatoria “esta é unha loita historia com futuro”.

No acto interveu o Coordinador do Comité, Manuel Angel Rodríguez Carballeira, quen fixo un resume do camiño de corrupción, burla da legalidade e enganos que favoreceron a instalación da planta. Recordou asemade os feitos máis significativos do movemento opositor á planta (parada de gaseiros bloqueando a entrada da ría, mobilizacións, feches veciñais, concentracións...)

Luz Marina Torrente falou do que significou para a veciñanza de Mehá, o ter que enfrontar unha ameaza tan enorme “David contra Goliat”, recordando que que pasou este luns coa acción na Planta de Greenpeace, foi un sopro de ar fresco para a veciñanza e demostrar que todo o que se viña dicindo de Reganosa por parte dos veciños e veciñas era verdade “agora que nos veñan a contar o conto de que a planta é segura”.

Pola sua parte Manuel Amorim desmentiu unha a unha toda a argumentación coa que Reganosa quixo gañar a opinión pública, con promesas de creación de miles de empregos, ou que ia atraer outras industrias, ate cando sentenciou que o GNL nen ardía nen explotaba. Na súa intervención fixo especial fincapé nas consecuencias que o gas ten no cambio climático.

Na quenda de Carlos Álvarez tocou explicar como foi a actuación do Comité na “barricada xudicial”. Explicando os 17 contenciosos que desenvolveu o Comité, as argucias ás que se agarra a empresa para dilatar os tempos xudiciais e a connivencia coas distintas institucións que, a canda sentencia condenatoria ten preparado o remendo para permitir continuar a Reganosa. Nestes momentos, aclarou “estamos recorrendo as terceiras autorizacións”.

Lupe Ces pechou o acto agradecendo o apoio ao Comité ao longo destes 20 anos, lembrando que o Comité só se financia con eses apoios económicos e iniciativas como o da lotería de Nadal, e o traballo totalmente voluntario da avogada Patricia Gabeiras. “Imos seguir porque a nosa vida está en perigo, o ecosistema da ria sofre danos e a corrupción non pode ficar inmune”.

Vídeos do Acto:.

Primeira Parte
https://youtu.be/KtcJBMAegXc

E Segunda Parte
https://youtu.be/ejbn8JTpfQs

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com
19 de novembro de 2021 22:10

_______

venres, novembro 19, 2021

Unha loita histórica con futuro: 20 anos de loita contra o despropósito gasista de Reganosa - Vídeos do acto do pasado 18 de novembro, no Ateneo Ferrolán


Acto público no Ateneo Ferrolán: "Unha loita histórica con futuro. 20 anos de loita contra o despropósito gasista de Reganosa". Realizou-se o xoves 18 de novembro de 2021, ás 7 da tarde, no salón de actos da entidade cultural, sito na rúa Madalena, 202-204, do barrio da zona centro de Ferrol.

1ª parte do acto onde interveñen: Lupe Ces, Manuel Angel Rodríguez Carballeira e Luz Marina Torrente


2ª parte do acto onde interveñen: Manuel Amorím e Carlos Álvarez



Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

_______

martes, novembro 16, 2021

Acto público no Ateneo Ferrolán: Unha loita histórica con futuro - Xoves 18 de novembro ás 7 da tarde - 20 anos de loita contra o despropósito gasista de Reganosa


Acto público no Ateneo Ferrolán: "Unha loita histórica con futuro. 20 anos de loita contra o despropósito gasista de Reganosa". Este Xoves 18 de novembro, ás 7 da tarde, no salón de actos da entidade cultural, sito na rúa Madalena, 202-204, do barrio da zona centro de Ferrol.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadan de Emerxencia
-comitecidadan@gmail.com-
16 de novembro de 2021 13:2
3

_______

venres, novembro 05, 2021

Sentimento polo falecemento do compañeiro Eugenio Pereiro Couce (el Uruguayo) - Un bo galego, ... afábel e entrañábel, contou sempre co aprecio de todo o mundo polas súas cualidades de compromiso e honestidade na defensa das causas sociais






O Comité Cidadán de Emerxencia lamenta profundamente o falecemento do querido compañeiro e amigo Eugenio Pereiro Couce, que desde o inicio das mobilizacións participou en todas as concentracións, marchas e actividades para denunciar o perigo desta ilegal Planta de Gas na nosa Ría.

Natural de Sedes, traballador da BAZÁN na súa xuventude, emigrou a Uruguay, formándose alí política e sindicalmente e regresando en 1969, coa familia alí creada e pasando a traballar a ASTANO onde tivo unha importante actividade sindical en CCOO e política desde o PCG. Estivo dúas veces detido en Comisaría e foi persoa involucrada en todos os temas da comunidade.

Eugenioel Uruguayo” como cariñosamente era coñecido, afable e entrañable, contou sempre co aprecio de todo o mundo polas súas cualidades de compromiso e honestidade na defensa das causas sociais. En 2014 foi homenaxeado polo CPS San Valentín do que foi Presidente e en 2015 pola AC Fuco Buxán, onde era socio fundador.

Descanse en Paz.

A súa familia a nosa aperta solidaria.

Está no Tanatorio d'A Gándara, nº 7 onde será incinerado mañá venres (05.11.2021) ás 15,30 na intimidade familiar e enterrado logo ás 19 h no Cemiterio de Sedes.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
4 de novembro de 2021 22:43

_______

mércores, novembro 03, 2021

O aumento de buques gaseiros que van a descargar a Reganosa, tamén aumenta o perigo para a poboación que mora na contorna da Ría de Ferrol, por mor da inadecuada localización da planta de gas en Mugardos - Hoxe está descargando no peirao de Mugardos, o 'LNG Adventure', que fai o buque número 308 desde a accidentada entrada do 'LNG Galicia Spirit' en maio de 2007


O aumento de buques gaseiros, con decenas de miles de toneladas de GNL nos seus tanques, que descargan en Reganosa, por mor da crise xerada polo peche do gasoduto "Durán Farrell" (Maghreb-Europa), tamén supón un aumento do perigo para a poboación que mora na contorna da Ría de Ferrol, por mor da inadecuada localización da planta de gas en Mugardos. Un perigo que aumenta exponencialmente, ao xa de por si que ten a planta regasificadora construída en Punta Promontorio, a poucos metros de núcleos de poboación e ao lado do complexo petroquímico, onde están presentes sustancias perigosas, inflamábeis e tóxicas, para as persoas e para os organismos e animais mariños. Un complexo conformado por Forestal del Atlántico e Imegasa, afectadas ambas as dúas (como Reganosa), polas disposicións do Real decreto 840/2015, de 21 de setembro, polo que se aproban medidas de control dos riscos inherentes aos accidentes graves en que interveñan sustancias perigosas; sumado ás cisternas de Reganosa cargando GNL e ás de Forestal cargando fuel-óleo, metanol e formol. Somado aos buques desgasificando ou a quimiqueiros que cargan/descargan no peirao de Forestal, ás veces simultaneamente a menos de 100 metros dos gaseiros, como así ten denunciado o Comíté Cidadán de Emerxencia en numerosas ocasións. Mais non só iso senón que se encontra a moi pouca distancia da vila de Mugardos, os estaleiros (Navantia), o Arsenal Militar (actual base das fragatas F-100) e a Estación Naval d'A Graña. Ademais dos buque militares, das diversas infraestruturas militares e civís, son decenas de miles as persoas ameazadas as que moran na contorna da Ría.

Hoxe está descargando no peirao de Mugardos, o "LNG Adventure", que fai o buque número 308 desde a accidentada entrada do "LNG Galicia Spirit" en maio de 2007. O "LNG Adventure" é un recentemente construído (2021) buque gaseiro que navega baixo pavillón francés, de grande porte, 293 metros de eslora e 46 de manga, procedente do porto de Lake Charles, do estado de Lusiana (USA), onde cargou GNL extraído polo método tan pernicioso para a saúde e o medio ambiente, como é o fracking (fracturación hidráulica), unha grande contradición co que están acordando hoxe, respecto ao metano, no cume do clima da ONU en Glasgow.

Ao día de hoxe, Reganosa é a matriz dun holding corporativo da enerxía que opera en diferentes estados, aumentando o seu volume de negocio e afianzando o seu poder de influencia política. Só así se entende a favorábel campaña mediática e os continuos reportaxes que lle dedica a TVG nos seus telexornais destes días. A crise xerada polo peche do gasoduto "Durán Farrell" (Maghreb-Europa), veu-lle como anel ao dedo. Pois Reganosa, na maior parte da súa vida operativa estivo, apenas de media, ao 30% da súa capacidade, variando a súa situación apenas hai dou anos coa caída do carbón. Unha planta de gas construída ao amparo da corrupción política, con sospeitoso apoio mediático, con mentiras e manobras, corroboraras por cinco sentenzas do Tribunal Supremo que viñeron dar a razón ao denunciado polo Comité Cidadán de Emerxencia para a Ría de Ferrol. Mais os promotores de Reganosa (Grupo Tojeiro), practicaron a política de feitos consumados, cunha regasificadora construída e en funcionamento que conseguiu os permisos 17 anos despois de comezar-se a construír e 14 despois de comezar a funcionar, despois de ter que pasar por unha avaliación ambiental feita á medida da súa localización ilegal xa consumada e 301 gaseiros descargados. Permisos que o Comité Cidadán de Emerxencia volveu a recorrer, continuando a loita contra este despropósito gasista.

Desde Ártabra 21 seguimos apoiando a loita do Comité Cidadán de Emerxencia.

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc
_______