De: Fundaçom Artábria -artabria@artabria.net-
Para: artabra21@gmail.com
Data: 20 de dezembro de 2008 11:00
Assunto: Programaçom das Festas de Inverno, já prontaProgramaçom das Festas de Inverno, já pronta Por fim podemos oferecer-vos a programaçom completa das Festas de Inverno, a poucos dias já da chegada do Apalpador. Mais um ano, a Artábria apresenta um programa variado com actividades para miúd@s e graúd@s, com o idioma e a cultura do País como fio condutor.
Queres conhecê-la?
Dia 22- Nom é a primeira vez, mas sempre é umha sorte contarmos com a presença de um d@s mais acreditados autores da literatura infantil e juvenil galega, o escritor ferrolano Antom Cortiças, grande conhecedor também das tradiçons populares galegas. Desta vez, o Antom visita-nos para ensinar cousas sobre os jogos e brinquedos tradicionais, aproveitando a sua autoria da "Enciclopedia de xogos tradicionais", através de um obradoiro de origami no nosso centro social. Crianças e crescid@s serám bem-vind@s a partir das 19 horas para aprendermos a fazer figuras de papel.
No mesmo dia, à noite, iniciamos o ciclo de sessons musicais agendadas para estas datas, sob o título genérico de "Vozes". Começamos com 'Vozes Reagge', com clássicos desse estilo como Peter Tosh, Inner Circle, Jimmy Cliff e o lendário Bob Marley.
Dia 23- "Vozes do Curdistam" é o nome da sessom em que o local se encherá de umha música de grande intensidade rítmica, mui vital, com cançons que falam dos prazeres mais básicos da vida e também das gestas guerreiras, algo comum a todos os povos que habitam nas montanhas do Cáucaso e do Irám.
Dia 24- A partir das 17h30, temos um obradoiro de presentes artesanais, dirigido polos companheiro Ernesto Lopes, o Nês, integrante de toda a vida da nossa entidade. A partir de diferentes materiais tais como osso de fruita, cascas de noces, et cetera, construiremos brinquedos que o Apalpador repartirá entre as crianças.
Mais tarde, Suso Vaamonde, Xerardo Moscoso, Benedicto, Bibiano, Fujam os ventos, Saraibas, Miro Casavelha... ateigarám Artábria com os seus versos de crítica frente às injustiças e de dignificaçom da nossa cultura e lingua. Será o dia das "Vozes pop e da cançom de intervençom galega".
Dia 25- A partir das 19h30, sessom de cinema para crianças. Começamos com o filme "Madagáscar", primeira parte da saga dos animais fugidos de um zoo em Nova Iorque a caminho de África.
Dia 26- Às 20h00, com o titulo "A necessária oficialidade das nossas selecçons", membros de Siareir@s Galeg@s vam explicar-nos os argumentos das reivindicaçons de reconhecimento para o direito a contarmos com selecçons oficiais galegas.
Dia 27- Emissom do jogo de futebol que a selecçom masculina de Galiza jogará no estádio de Riazor da Corunha contra Angola. Duelo galegófono de alto nível.
Dia 28- Combinamos no nosso local para compartilhar um jantar gastronómico centrado num produto próprio destas datas: as castanhas.
Mais tarde, por volta das 20h30, visionaremos o segundo jogo da selecçom feminina de futebol. Desta vez, após a estreia do ano passado em Balaídos frente à Catalunha, o jogo será contra Angola em Pasarom (Ponte vedra).
Dia 29- Repetiremos encontro com o Antom Cortiças e os origamis (figuras de papel). Depois da experiência da anterior ocasiom, será o momento de elaborar figuras de papel um bocadinho mais complexas.
Com "Vozes do Rhythm and blues", continua o ciclo musical com as cálidas vozes do Rhythm and blues, um estilo fortemente influenciado polo jazz, assim como polo gospel.
Dia 30- A partir das 17h00, continuaremos a elaborar presentes artesanais, continuando a tarefa iniciada no dia 24.
A partir das 19h00, o Apalpador sairá polas ruas do bairro de Esteiro a apalpar as barrigas d@s nen@s repartindo presentes e a música das gaitas como acompanhamento.
Dia 31- É a vez das "Vozes de mulher", como Guadi Galego, Ugia Pedreira, Mercedes Peom ou Uxia.
Também teremos o sorteio da cesta de natal, com umha mam inocente a retirar, dentre mais de 150 numeros, o ganhador ou ganhadora do cabaz natalino, cheio de productos adquiridos na cooperativa de consumo responsável "A Xoaniña".
Pola 1 da manhá, e com entrada gratuita, teremos a festa de viragem de ano. Se no passado ano tivemos umha festa de estética "hortera", nesta ocasiom mudamos de extremo e a festa estará centrada nos anos 30: ganguesters, tiroteios, clubes clandestinos, fatos e chapéus serám os elementos nesta original festa viragem de ano.
Dia 2- As "Vozes punk" levam-nos de volta até o ano 1977, época na qual em cidades como Londres ou Nova Iorque nasceu o punk como umha atitude de repulsa pola rigidez dos convencialismos imperantes na sociedade.
Dia 3- Organizamos umha jornada de limpeza no nosso local, com o fim de arrumar as salas de reunions, biblioteca, o café-bar, paredes... e assim termos o centro um bocadinho mais recolhidinho. A jornada de limpeza começará por volta das 11h00; posteriormente faremos umha pausa para o jantar com os produtos que cada um de nós traremos. Após esta pausa, continuaremos com a limpeza até o horário de abertura do café-bar.
Já à noite, teremos a III Festa Singstar, em que teremos a oportunidade de demonstrar os nossos dotes de interpretaçom com cançons de todos os estilos (rock, pop, heavy, cantor de intervençom, soul, ská, punk...) e contando pola primeira vez com umha pequena selecçom de temas em galego-português.
Dia 4- Às 19h40 horas, volta o cinema infantil com a projecçom do filme "Shin Chan, a invasom", recuperando assim o famoso personagem que tanto sucesso tem feito na Galiza de há uns aninhos.
Esperamos contar convosco, com os vossos filhos e filhas, amigos e amigas, família e até algum animal de estimaçom. Todos e todas temos o nosso lugar na celebraçom das Festas de Inverno e a chegada de um novo ano de luitas e construçom nacional.
Mais um ano, pola Galiza, em pé de festa!
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Código de Identificaçom Fiscal (CIF): G15645518.
Morada: Travessa de Batalhons nº7 Esteiro
15403 Ferrol - GALIZA
Telefone do Centro Social: +34 981369099
Fax do Centro Social: +34 981369920
Telefone do café-bar: +34 981369921
Sítio webda Fundaçom Artábria
http://www.artabria.net/
Sítio web do festival da Terra e da Língua
http://www.artabria.net/festival_________
A sigla ONU, todo o mundo sábeo, significa Organización de Nacións Unidas, é dicir, á luz da realidade, nada ou moi pouco. Que o digan os palestinos de Gaza a quen se lles están esgotando os alimentos, ou se lles esgotaron xa, porque así o impuxo o bloqueo israelí, decidido, polo visto, a condenar ao fame ás 750 mil persoas rexistradas alí como refuxiados. Nin pan ten xa, a fariña acabouse, e o aceite, as lentellas e o azucre van polo mesmo camiño. Desde o día 9 de decembro os camións da axencia de Nacións Unidas, cargados de alimentos, agardan a que o exército israelí lles permita a entrada na franxa de Gaza, unha autorización unha vez máis negada ou que será posposta até a última desesperación e a última exasperación dos palestinos famentos. Nacións Unidas? Unidas? Contando coa complicidade ou a covardía internacional, Israel rise de recomendacións, decisións e protestas, fai o que vén en gana, cando lle vén en gana e como lle vén en gana. Chegou até o punto de impedir a entrada de libros e instrumentos musicais coma si se tratáse de produtos que ían pór en risco a seguridade de Israel. Se o ridículo matase non quedaría de pé nin un só político ou un só soldado israelí, eses especialistas en crueldade, eses doutoramentos en desprezo que miran o mundo desde o alto da insolencia que é a base da súa educación. Comprendemos mellor ao seu deus bíblico cando coñecemos aos seus seguidores. Jehová, ou Yahvé, ou como se lle diga, é un deus rencoroso e feroz que os israelís manteñen permanentemente actualizado.
