Acto en Ferrol, vídeoconferencia con Jordi Colomer i Missé, sobre remunicipalización da xestión de servizos municipais e o caso da recollida de lixo e limpeza viaria e da xestión da auga - Xoves 14 de Xullo, ás 8 da tarde en Caranza, no local de Fuco Buxán

Acto en Ferrol, vídeoconferencia con Jordi Colomer i Missé, sobre remunicipalización da xestión de servizos municipais e o caso da recollida de lixo e limpeza viaria e da xestión da auga.

Día: xoves 14 de Xullo de 2016.
Hora: 8 da tarde.
Lugar: no local de Fuco Buxán (Rúa Armada Española, 32 Baixo), en Caranza-Ferrol.

Jordi Colomer i Missé, activista e técnico especializado en remunicipalización e xestión dos servizos públicos. Licenciado en Ciencias Ambientais pola UAB. Foi no concello catalán de  Arenys  de  Munt, o  responsábel da remunicipalización da auga do concello entre 2011 e 2014 | + Info.

A remunicipalización da xestión de servizos municipais. | 10 febr., 2016 a Blog / Campanyes | Autor: Jordi Colomer i Missé, especialista en xestión de servizos públicos municipais e remunicipalización. | Font orixinal: Ecología política, Nº 49, 2015, págs. 106-111. | Acceder ou baixar, en: PDF ou HTML.

Foto: Laura Grau. | De esquerda a dereita, Gonzalo García (CUP Montcada), Alba Soria (Decidim Ripollet) e Jordi Colomer (CUP Arenys de Munt). | LaVeu o portal de noticias multimédia de Montcada e Reixac.

--
PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!

• Alexandre Carrodeguas.
• Fernando Ramos Armesto.
• Pablo Portero.
• Bernardo Rego Gárate.
• Lupe Ces.

remunicipalizacion.plataforma@gmail.com
https://plataformaferrol.blogspot.com.es/

***

Unha decisión que pon en risco a nosa vida, a nosa seguridade e a da Ría, convertida nun mero trámite administrativo, por parte dun miserábel Goberno en funcións que aproba a autorización administrativa e o proxecto de execución das instalacións da planta de gas de Reganosa, que nos segue ameazando a pesar das tres Sentenzas firmes e inapelábeis do Tribunal Supremo contra este despropósito gasista, corrupto e construído no maior e absoluto desprezo dos dereitos das persoas e do medio ambiente

Unha decisión que pon en risco a nosa vida, a nosa seguridade e a da Ría, convertida nun mero trámite administrativo, por parte dun miserábel Goberno en funcións que aproba a autorización administrativa e o proxecto de execución das instalacións da planta de gas de Reganosa, que nos segue ameazando a pesar das tres Sentenzas firmes e inapelábeis do Tribunal Supremo contra este despropósito gasista, corrupto e construído no maior e absoluto desprezo dos dereitos das persoas e do medio ambiente. Desde Ártabra 21 queremos amosar a nosa oposición a tal decisión gobernamental e reiterar a nosa firme posición de seguir na loita até conseguir desmantelar a ilegal e perigosa regasificadora.

O Goberno Español, despois de 14 anos da primeira autorización revogada en sentenzas firmes, e de que o movemento social opositor ao despropósito gasista de Reganosa, demostrara a ilegalidade e perigosidade da Planta de Gas, fronte aos amaños e irresponsabilidades das administracións, fronte a corrupción política e as prácticas mafiosas da empresa; despois de que a xustiza lle dera a razón ao Comité Cidadán de Emerxencia, en tres Sentenzas do Tribunal Supremo; este Goberno volve conceder, nunha soa resolución express, a "autorización administrativa e aprobación do proxecto de execución das instalacións da planta de gas". Autorización ao que numerosas entidades veciñais, sociais, ecoloxistas e organizacións políticas, presentaran alegacións en días pasados -o pasado día 1 de Xullo e unha ampliación o 5. Polo tanto o goberno tardou tan só 2 días en aprobar a Resolución.

Estamos por asegurar que a resolución foi redactada antes que rematara o período de alegacións. Moito antes que os trámites administrativos, que en todo momento foron considerados formais, tanto pola empresa como polas administracións (Xunta de Galicia e Goberno de España), ao facer "papel mollado" da garantía do procedemento administrativo, ao vulnerar en todo o procedemento os principios de legalidade, proporcionalidade, transparencia e igualdade, ante actos administrativos que antes de se tramitar xa estaban resolvidos publicamente a favor de Reganosa.

Os gobernos, neste caso, do Partido Popular, puxeron-se de parte e ao servizo dos intereses dos socios maioritarios de Reganosa, preparando informes de institucións e organismos controlados polo mesmo partido (Autoridade Portuaria Ferrol-San Cibrao, Concello de Mugardos, Secretaria Xeral de Ordenación do Territorio e Urbanismo da Xunta de Galicia, Dirección Xeral de Enerxía e Minas da Xunta de Galicia, Dirección Xeral de Conservación da Natureza de la Xunta de Galicia, Augas de Galicia e Ministerio de Defensa), para certificar o "cumprimento dos parámetros normativos" da planta regasificadora.

Algún destes organismos están postos en cuestión por irregularidades manifestas, e imputados dous dos seus ex-altos-cargos, ao permitir o dragado da Ría, mentindo e ocultando informes desfavorábeis. Convertendo con mentiras e manipulación, o que é un simple negocio, dentro da burbulla enerxética, nun servizo estratéxico e de interese xeral. Simple, mas suculento negocio que enche os petos dos seus promotores privados con diñeiro público. Un apoio político e administrativo, facilitador dos trámites e concesións, mesmo manifestado a través de declaracións públicas, no caso do presidente da Xunta, Alberto Nuñez Feijóo, ou por actuacións administrativas concretas, como a resolución gobernamental de eximir a Reganosa do sometemento a avaliación ambiental. Como noutrora fixera a administración Fraga co famoso pacto secreto, chamado Convenio de Colaboración, do 20 de xullo de 2000, onde participaba o Sr. Fraga representando á Xunta e outros cinco socios de Reganosa [Grupo Tojeiro, Endesa, FENOSA, Caixa Galicia e Sonatrach], cunha cláusula de confidencialidade para ocultar detalles comprometidos do mesmo. Con ese documento a Xunta de Galicia acordou participar cun 10% de capital de Reganosa, pero ademais comprometeu-se para a obtención dos permisos e licenzas da súa administración ou doutras, tamén para asegurar a viabilidade económica no caso de que existan problemas de rendibilidade e para facilitar axudas públicas.

Como se lle pode eximir a Reganosa da avaliación ambiental, se estamos diante dunha empresa potencialmente moi perigosa que ademais precisa dun plan de emerxencias exterior, validado e probado en simulacros, cousa que nunca se fixo, só de cando en vez fai-se funcionar ás 12 do mediodía unha sonora alarma. Unha planta de gas situada a moi poucos metros de núcleos de poboación e que no caso dunha emerxencia xeneralizara afectaría a máis de 50.000 persoas que moran na contorna da Ría.

Regasificadora ademais, encostada a un complexo petroquímico que almacena grande cantidade de produtos altamente tóxicos, perigosos e inflamábeis, unha central de xeración eléctrica e unha fábrica de colas (Forestal del Atlántico e Imegasa) que pola súa perigosidade, tamén necesita un plan de emerxencias exterior. Unha planta que utiliza centos de miles de litros da auga da ría, para vaporizar o gas, devolvendo esta, moito máis fría e sometida a un proceso químico intenso con produtos de limpeza e antifouling, e de cloración, con hipocloritos que eliminan a vida orgánica na auga utilizada.

Unha planta que recibe buques de grande porte cargados con ducias de miles de toneladas de gas natural licuado (LNG / GNL), que teñen que atravesar unha canle sinuosa, estreita e de fondo rochoso de 4.000 metros de lonxitude. Baixo unhas normas da Capitanía Marítima, rebaixadas ao ditado de Reganosa, nos condicionamentos a cumprir respecto ás orixinais, en único e exclusivo interese de Reganosa, deixando a un lado a seguridade e a vida das miles de persoas que moran na contorna.

Documentos:

Autorización outorgada o 7 de Xullo de 2016. | Resolución de 7 de xullo de 2016, da Dirección Xeral de Política Enerxética e Minas, pola que se outorga a Reganosa, autorización administrativa e aprobación do proxecto de execución das instalacións da planta de recepción, almacenamento e regasificación de gas natural licuado de Mugardos (A Coruña). | Publicado en: -BOE- núm. 165, de 9 de xullo de 2016, páxinas 48146 a 48158 (13 páxs.) Sección: III. Outras disposicións. Departamento: Ministerio de Industria, Enerxía e Turismo. Referencia: BOE-A-2016-6602. | Acceder/Baixar.

Autorización outorgada o 24 de Xullo de 2002. | Resolución da Dirección Xeral de Política Enerxética e Minas pola que se outorga a "Regasificadora do Noroeste, Sociedade Anónima" (REGANOSA) autorización administrativa previa para a instalación dunha planta de recepción, almacenamento e regasificación de gas natural licuado en Mugardos (A Coruña). | Publicado en: -BOE- núm. 176, de 24 de xullo de 2002, páxinas 6032 a 6033 (2 páxs). Sección: V. Anuncios - B. Outros anuncios oficiais. Departamento: Ministerio de Economía. | Acceder/baixar.

______

Interessam os votos do PP? ... Por Lupe Ces

Lendo o artigo de Manuel Veiga Taboada, "Por que votei PP", publicado em Sermos Galiza, animo-me a reflexionar em voz alta sobre o que leva acontecido nas últimas semanas. Eu também conheço a votantes do PP, na família, no bairro, no trabalho… A argumentaçom do voto é moi ampla. Sinalar tam só umha que me resultou curiosa. Dizia um home entrado em anos que os do PP eram gente de “cartos” e polo tanto eram os únicos que poderiam trazer dinheiro a Espanha, desconhecendo esse home que o movimento de capitais era um acertado atributo ás élites económicas e políticas vinculadas ao PP, mas a direcçom desse movimento ía cara os paraísos fiscais, como intuíamos hai muito tempo, e como conhecemos e confirmamos nos últimos anos. Mas isso importa? Está aí o trabalho das forças de esquerda que pretendam desalojar a este partido de grupos corrompidos e corruptores?

No caso das eleiçons espanholas, o PP conseguiu 7.906.185 votos. Um 33% dos votos emitidos, más só um 21,6% dos 36.518.100 de pessoas com direito a voto. As pessoas que votam ao PP, ainda que chovam chuzos de ponta, vam seguir votando a curto e médio prazo ao PP, mas som minoria.  Frente a esses quase 8  milhos de votos do PP, o resto de forças sumam 15.191.608, um 41,6% das pessoas com direito a voto. Ainda assim, seguimos admitindo a imagem de hegemónico e invicto do PP, e crendo-nos que às comunidades às que pertencemos, som conservadoras e reaccionárias, que nom pensam no bem comúm, que hai corrupçom e pouco ou nada que fazer.

Algum que outro gráfico devera aparecer também nos médios para que a gente puderamos visualizar esta realidade comparando dados da últimas eleiçons gerais do 26J.

Qual deve ser a prioridade logo das forças transformadoras? Olhando esse gráfico, está claro que vai ser fazer-se criveis, organizar e mobilizar a porcentagem que lhes corresponde do 42% e ganhar a confiança  desse 37% que nom vota, vota em branco ou nulo.

Estamos às portas das eleiçons ao Parlamento galego. O PP vai dando muitas pistas do que quere a gente, sobre todo esse 37%. Só escoitando a pre-campanha do Partido Popular poderíamos fazer umha das guias de campanha eleitoral mais eficaces a aplicar nesta ocasom: a desuniom, a mala gestom e paralise das instituiçons que nom estam governadas por eles, e o éxito das políticas de austeridade. Eis os argumentos a desmontar. O problema é que hai que desmonta-los com feitos, porque esse 37% nom se mobiliza só com discursos.

E logo está a politica de gestos. O PP diz que vai andar todas as vilas do país cum banquinho para que se sente Nuñez Feijoo a escuitar à gente. A TVG, esse grande aparato de propaganda ao serviço do conservadorismo, do integrismo religiosos e do PP, já emitiu essas imagens de Feijoo escuitando á gente sentado num humilde banquinho. Grandes simuladores estes propagandistas do PP! As forças transformadoras perderam a oportunidade dum grande e simbólico gesto, onde a maioria veríamos com claridade a vontade de ser diferentes, de fazer as cousas doutro jeito, proclamando que nom se iam cobrar os 8.000 euros, liquidaçom claramente escandalosa aos olhos da maioria.

O governo em funçons vem de publicar no BOE as novas autorizaçons para Reganosa, com trámite de urgência, passando mais umha vez por riba da legalidade que pretendeu fazer cumprir o próprio Tribunal Supremo, em três sentenças favoráveis ao Comité Cidadá de Emerxencia da Ria de Ferrol. A actuaçom criminosa desta minoria é insuportável. Por isso precisam envolve-la em mantos de névoa de maiorias que nom som tal. Ventos de unidade e coherência podem levantar essa névoa.

Ferrol, 10 de Julho de 2016

[*] Lupe Ces Rioboo -Caranza Ferrol 1958, é mestra, activista social, integrante da Marcha Mundial das Mulleres e da Rede Social de Ferrol Terra. Forma parte do Consello Editorial de Altermundo e do Colectivo Ártabra 21. Participa nas Marchas da Dignidade. Copromotora da Plataforma na defensa dos servizos públicos, pola remunicipalización. Blogue persoal: Caranza free opiniom.

Artigos de Lupe Ces en Ártabra 21.
________________________________

A iniciativa "Chamamento de Vidán" cobra impulso nas redes - Unha iniciativa a prol da unidade da esquerda nacional, proposta desde un sector das filas do BNG, cun programa transformador que sexa capaz de desaloxar ao Partido Popular da institución autonómica e transcenda máis alá do proceso electoral deste Outono

Lanzada unha iniciativa política, onde se encontran nomes como Carmén Adán, Ana Miranda, Tereixa Paz, Olaia Fernández Davila ou Xavier Vence, que pula pola unidade e reformulación do nacionalismo e as forzas de esquerda, e sinalan a celebración do 25 de Xullo, como unha data fraternal para referendar esa construción da que consideran única oportunidade para sacar ao PP das institucións e parar a sangría que en todos os eidos está a sofrer Galiza.

Chamamento de Vidán

O nacionalismo encóntrase nunha encrucillada como non ocorría dende hai décadas. O devalo socio-electoral do BNG chegou a límites insoportábeis para calquera organización política con vocación de transformar a sociedade. A continuidade, frecuencia e profundidade da prolongada desafección de votantes e simpatizantes é concluínte e permite emitir un diagnóstico, onde resulta inescusábel admitir o fin de ciclo da organización nacionalista.

Fronte a esta fatal realidade asistimos á emerxencia dunha alternativa política, con orixe na indignación social orixinada polo grave deterioro do benestar público, no seu significado máis amplo. Formada por nacionalistas e forzas de esquerda esta alternativa foi quen de focalizar o interese social dunha parte maioritaria do electorado nacionalista. Sen embargo, esa alianza construída para defender os intereses de Galiza, especialmente no Parlamento Español, amosa unha incapacidade crecente para cumprir ese obxectivo derivando nunha debilidade, cada vez máis evidente, do seu polo nacionalista. As contradicións, propias de calquera alianza electoral, e a menor visualización da compoñente galeguista están, ao noso xuízo, na causa máis probábel do devalo acusado por esta nova alternativa nas últimas eleccións xerais.

Esta complicada situación ameaza as expectativas de desaloxo do PP nas eleccións galegas do próximo outono. Sería imperdoábel que diferenzas menores malograsen a posibilidade dun grande acordo que trouxese ilusión aos galegos e galegas e impulsase unha vitoria contundente fronte á insostíbel situación económica que está desangrando o país, expulsando da súa terra ao mellor da mocidade galega.

Neste crítico contexto todas e todos deben contribuír a un gran acordo electoral, procurando o fortalecemento do nacionalismo e da alternativa ao PP en 2016.

Na actual situación e de cara a un futuro que transcende ao vindeiro proceso electoral correspóndenos a responsabilidade de remover as estruturas actuais do nacionalismo para sentar as bases para unha organización nacionalista de nova planta, sólida, con vocación maioritaria, transversal e que xunte a todas as persoas que teñen Galiza como nación. Por tal motivo, instamos a todas as forzas políticas galegas a actuar coa máxima xenerosidade e altura de miras para superar a actual situación de impotencia política dando os pasos precisos para levantar unha nova alternativa que aglutine a dispersión e devolva a esperanza de cambio á maioría social, sen apriorismos máis alá de que Galiza sexa o verdadeiro suxeito político.

Por último, dende este recuncho de Compostela e con toda a humildade, convocamos a galegas e galegos, a todos e todas as galeguistas e nacionalistas, a celebrar en fraternidade o próximo 25 de xullo, Día da Patria Galega.

Santiago de Compostela, 3 de xullo de 2016.

PODE-SE APOIAR E ASINAR O CHAMAMENTO EN:
https://chamamentodevidan.wordpress.com/

A nova nalgúns medios:

Manifesto liderado por Xavier Vence decreta fin de ciclo do BNG e pide unha alianza coa Marea. | D.ARES - SERMOS GALIZA 08 Xullo 2016 13:34 h. | Baixo o lema 'Chamamento de Vidán' reclaman "un gran acordo electoral" como "alternativa ao PP" en 2016. | Sesenta e tres sinaturas entre as que se atopa a do ex-portavoz nacional do BNG, Xavier Vence, a portavoz en Bruxelas, Ana Miranda e as deputadas Carme Adán e Tereixa Paz, veñen de lanzar o 'Chamamento de Vidán'. | Ir á Web.

"Chamamento de Vidán" para crear as bases dunha "organización nacionalista de nova planta". | Persoeiros do nacionalismo como Ana Miranda, Carme Adán, Xavier Vence, Tereixa Paz ou Alba Nogueira reclaman un xiro na estratexia do BNG e das mareas. Como primeiro paso propoñen unha manifestación o 25 de Xullo común con "todos os galegos, galeguistas e nacionalistas". | Lores defende a "capacidade e forza abonda" do BNG sen necesidade de confluír con outras formacións. | Por Europa Press / Redacción | Santiago de Compostela | 08/07/2016 | Actualizada ás 23:15 | GALICIA CONFIDENCIAL | Ir á Web.

O Foro Galego debaterá o vindeiro sábado o impulso da candidatura de confluencia. | Redacción | @prazapublica | 08.07.2016 PRAZA PÚBLICA | Fóra de titular, dentro do texto da nova: "...Mentres, tamén este venres se fixo público o denominado Chamamento de Vidán, un documento asinado por un grupo de destacados e destacadas militantes do BNG (entre os que destacan Xavier Vence, Tereixa Paz, Olaia Fernández Davila, Carme Adán ou Ana Miranda)...fan un chamamento para superar as 'diferenzas menores” de forma que sexa posible acadar un “grande acordo que trouxese ilusión aos galegos e galegas'..." | Ir á Web.

A nova nalgúns medios convencionais galegos:

La Voz de Galicia: Los críticos del BNG llaman a construir otra organización. | Ir á Web.

El Correo Gallego: Militantes e cargos do BNG intentan unha nova visión para as autonómicas ante a "ameaza" de "non desaloxar" ao PP. |  Ir á Web.

Faro de Vigo: El exlíder del BNG y cargos locales urgen unirse a la Marea ante su crisis electoral. | Ir á Web.

El Progreso: Lores no perderá "nin dous minutos" con el manifiesto crítico del BNG. | Ir á Web.

CRTVG - A Galega: Máis de 50 militantes do BNG critican a dirección de inmobilista e avogan pola confluencia coas Mareas. | Ir á Web.

CRTVG - Radio: Militantes do BNG apoian a confluencia con outras forzas de esquerda. | Ir á Web.

Información baseada na enviada por:
Lupe Ces
-lupeces@gmail.com-
8 de julho de 2016 15:35
http://lupeces.blogspot.com/
_________________

A eurodeputada galega, Lídia Senra, que participou nunha protesta no Parlamento Europeo organizada polo GUE, chama a pór fin ao austericidio público e esíxelle a De Guindos e tamén a Feijóo que actúen con transparencia e expliquen os recortes previstos en pensións, sanidade e educación

Lídia Senra: “O PP vendeu fume para gañar as eleccións e agora a chantaxe da UE por déficit pagarémola tod@s”. | Esíxelle a De Guindos e tamén a Feijóo que actúen con transparencia e expliquen os recortes previstos en pensións, sanidade e educación. | A eurodeputada de AGE, que participou nunha protesta no Parlamento Europeo organizada polo GUE, chama a pór fin ao austericidio público.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), acusou este xoves ao Partido Popular de “vender fume” nos últimos anos e meses para gañar as eleccións no Estado español e agora a realidade é que seremos “todas e todos, o pobo, quen pagaremos as esixencias da Unión Europea por déficit como non poñamos freo á súa chantaxe”. Senra reacciona así ante a decisión do Colexio de Comisarios, que hoxe adoptou o ditame negativo sobre as medidas tomadas polo Goberno do Estado español para cumprir os obxectivos de déficit pactados coa UE, o que activa o proceso que pode derivar nunha multa ao Estado español con ata 2.000 millóns de euros e a conxelación de parte dos fondos comunitarios que lle corresponden.

A Comisión Europea sostén que España se desviou no obxectivo de déficit en 2014 nunha décima (5,9% fronte ao 5,8% pactado) e en 2015 –ano electoral- nun punto (5,1% fronte ao 4,2% pactado) e incide en que “as medidas de saneamento do sistema de pensións e as administracións públicas” adoptadas no Estado español, “non teñen sido suficientes para compensar as medidas expansivas”.

“O PP vendeu fume para poder gañar as eleccións, ata actuou irresponsablemente no cumprimento do nivel de déficit que pode supoñer unha multa, e aínda que non haxa multa, as esixencias da UE imos ter que pagalas todos e todas nós. Levou o déficit público ao 100% do PIB. E se finalmente a dereita segue a gobernar no Estado español, lexislará por decreto, sen necesidade de acordo parlamentario, para aumentar os impostos indirectos, que son os que afectan ás clases populares, e continuar co austericidio e a política de recortes de servizos públicos de cara a cumprir o que esixe Bruxelas”, denunciou onte a eurodeputada galega.

Lídia Senra reclámalle ao Ministro de Economía en funcións, Luis de Guindos, quen se amosaba esta semana convencido de que a UE non vai multar ao Estado español, que antes de que os parlamentarios e parlamentarias voten a investidura do novo Goberno, nos diga a todas e todos que vai facer o PP para cumprir co esixido por Bruxelas, porque se non soben os impostos e cotizacións sociais, terán que reducir os gastos públicos. “E isto xa sabemos como vai: Recortes en sanidade, educación, salarios, funcionarios e funcionarias e quen sabe se finalmente, nas pensións tamén, para acadar os obxectivos neoliberais de privatizar as pensións mediante a contratación privada de plans de pensións”, engadiu a eurodeputada, quen tamén lle demandou claridade ao presidente da Xunta, Alberto Núñez Feijóo, e que “deixe de dicir que isto non vai con Galiza e de enganar á cidadanía nas vésperas das eleccións galegas previstas para este outono”.

Contextualización

Lídia Senra asegura que o PP vendeu fume polo seguinte: O Estado español aplicou unha rebaixa fiscal no IRPF para todos os tramos e tamén reduciu o Imposto sobre Sociedades do 30% ao 28% en 2015 e do 25% en 2016. No Imposto sobre Sociedades, a meirande parte das empresas (PEMES) xa estaban pagando o 25% (e seguirano pagando logo da rebaixa) e estes tipos máximos só lles afectaban ás grandes empresas. É dicir, que na práctica, no imposto sobre sociedades elimínase a progresividade. As rebaixas fiscais viñeron sobre impostos directos, aqueles que se aplican en función do volume de riqueza (rendementos do traballo ou beneficios empresariais), mentres que non se tocou o IVE que foi subido no seu momento e que afecta por igual a todas as persoas, independentemente do volume de ingresos que estas teñan.

Luis de Guindos di que coas novas previsións do Estado español para 2016 e 2017, a Unión Europea finalmente non aplicará a multa. Pero a Comisión Europea afirma que o Estado Español non cumprirá cos obxectivos de déficit, polo que nos programas de estabilidade para 2017 e 2018 deberá aplicar novos recortes no gasto público ou aumento de impostos, previsiblemente nos indirectos, quedando lonxe da promesa electoral e irreal de non subir os impostos.

Para poder chegar aos obxectivos de déficit, non se podían baixar os impostos no 2015, pero baixáronse por ser ano electoral, e baixáronse nos impostos directos, mantendo os indirectos. Por riba, seguirán tendo que recorrer ao fondo das pensións porque as cotizacións correntes das traballadoras e traballadores non chegan para facer fronte ao pago das pensións. O cal non é de estrañar co índice de desemprego actual.

A opinión da Comisión Europea deberá agora ser validada o 12 de xullo no Consello Europeo de Ministros de Economía e Finanzas.

Lídia Senra esíxelle a De Guindos que actúe xa con total transparencia e diga publicamente a toda a cidadanía en que se van traducir exactamente os escenarios orzamentarios que planea o PP e en que van basear as alegacións á CE. “Que nos diga cales son os esforzos fiscais aos que se vai comprometer e como vai afectar aos impostos. Cantos e a quen? Ten que dicirnos se lle vai tocar ás pensións e se van seguir desmantelando a sanidade e o ensino públicos”, reclamou a eurodeputada, que quixo deixar clara a posición de AGE contraria á “chantaxe da Unión Europea e da banca” e avogou por facer unha auditoría da débeda pública, negarse a pagar a débeda ilexítima e poñer fin ao austericidio (como se cualifica á política brutal de recortes en servizos públicos básicos).A membro de AGEe participou este xoves pola mañá tamén, na sede do Parlamento Europeo en Estrasburgo, nunha protesta organizada polo GUE/NGL contra a citada chantaxe.

Santiago, a 7 de Xullo de 2016

---

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Enviado por:
AGE Europa - Galiza
-age.europa.galiza@gmail.com-
7 de julho de 2016 16:48
__________

A eurodiputada galega, Lídia Senra, denunciou que “Europa está en guerra contra un inimigo inventado”, polo que vota en Estrasburgo en contra da nova Axencia da Garda Europea de Fronteiras e Costas, e chama a resolver a grave crise humanitaria actual e a abandonar as políticas que tratan ás persoas migrantes como inimigas

AGEe vota en Estrasburgo en contra da nova Axencia da Garda Europea de Fronteiras e Costas. | Lídia Senra chama a resolver a grave crise humanitaria actual e a abandonar as políticas que tratan ás persoas migrantes como inimigas. | Tacha de reprobable a actitude da UE por non buscar solucións ás causas que orixinan a migración e a demanda de asilo das refuxiadas.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), votou hoxe no pleno do Parlamento Europeo en Estrasburgo, en contra da nova proposta de regulamento relativo á Garda Costeira e de Fronteiras Europea. A Eurocámara debateu esta mañá as novas competencias que terá a ata o de agora Axencia Europea para a Xestión da Cooperación Operativa nas Fronteiras Exteriores dos Estados membros da UE, Frontex, que será transformada en Axencia da Garda Europea de Fronteiras e Costas.

O representante do Parlamento Europeo nas negociacións interinstitucionais, Artis Pabriks, explicou que a axencia de Frontex ampliará, unha vez aprobada hoxe a proposta, a súas misións e terá poderes e obrigas estendidas, “podendo prestar axuda a calquera país da UE que se enfronte a presión desproporcionada da migración ou a calquera outro tipo de problemas potenciais nas súas fronteiras externas”. A nova axencia estará composta por 1.500 gardas fronteirizos, capaces de chegar a calquera lugar en 72 horas e tamén terá a facultade de repatriar ás persoas migrantes. “En caso de que un Estado se negue a cooperar coa nova axencia e poña baixo ameaza o funcionamento normal da zona Schengen, os demais membros da UE poderán introducir o control fronteirizo con ese Estado”, explicou Artis Pabriks no pleno.

Fronte a esta posición, Lídia Senra, en consonancia coa campaña, impulsada por movementos sociais, Frontex Exit, denunciou que “Europa está en guerra contra un inimigo inventado”, e criticou que a aprobación da nova Frontex non supón máis que “insistir nesa idea de que as persoas migrantes son unha ameaza para a seguridade da UE mentres o respecto aos dereitos fundamentais brilla pola súa ausencia novamente”.

A eurodeputada galega considera que o novo proxecto non aborda a urxencia humanitaria que se está a dar nas fronteiras da UE e que fai oídos xordos aos graves problemas de violación de dereitos fundamentais. A nova axencia terá competencias para recoller e procesar máis datos persoais dos migrantes e para transmitir esta información á Europol sen as garantías de protección de datos necesarias. Senra criticou que a Unión Europea siga negándose a abordar o reto real ao que se enfronta hoxe en día, cando “moitas mulleres e homes seguen a morrer cada día na auga tratando de chegar a Europa e a axencia non fai nada” e cando segue sen resolverse de forma efectiva a crise das persoas refuxiadas. “A UE está a levar a cabo unha política totalmente nefasta e reprobable. Non está a facer nada para resolver as guerras e conflitos que hai nos países de orixe das persoas migrantes. Estamos falando de persoas que foxen de zonas de conflito e demandan asilo e tamén de persoas que foxen da miseria provocada pola rapiña das multinacionais e das potencias occidentais nos seus países e a UE non fai nada nin para garantirlles o dereito ao asilo nin para poñer fin ao saqueo de recursos naturais que as multinacionais levan a cabo nesas zonas”. “O que habería que facer é combater as causas que provocan a migración forzada, proporcionar asilo e acollida e desenvolver políticas en condicións que respecten os dereitos humanos”, insistiu.

Antes da votación no pleno deste mércores, o martes pola tarde Lídia Senra, ao igual que varias eurodeputadas e eurodeputados do GUE/NGL, participou naprotesta ás portas da sede do Parlamento Europeo, en Estrasburgo, contra a que é coñecida como nova Frontex.

Lídia Senra insiste que en lugar de levar a cabo este tipo de reformas, a UE debería centrarse en garantir os dereitos de asilo e acollida e a actuar en situacións sangrantes como a que se está a dar en Hungría, onde máis de 600 persoas xa foron expulsadas ao outro lado das vallas fronteirizas e non reciben asistencia.

Santiago, a 6 de xullo de 2016.

---

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Enviado por:
AGE Europa - Galiza
-age.europa.galiza@gmail.com-
6 de julho de 2016 13:09
__________

Roteiro até Monte Ventoso, este sábado 9 de Julho, desde o peirao de Corujeiras

Roteiro até Monte Ventoso este sábado

Este sábado 9 de Julho, a Fundaçom Artábria organiza umha atividade no exterior onde conheceremos um pouco mais a nossa ria com um roteiro que sairá às 10.30h do Peirao de Corujeiras para chegar aproximadamente 14 km depois ao Monte Ventoso.

O roteiro tem umha dificuldade média-baixa e contará com as explicaçons de Ernesto Lopes "Nês", membro de ADEGA e Joám Lopes, licenciado em história pola UNED e Guia turístico da Galiza.

Por questons de logística há que apontar-se escrevendo para correiodeartabria@gmail.com ou ligando para o telefone 669 778 474.

Paresce que o tempo vai acompanhar e vai ser um dia bastante caluroso. Recomendamos trazer abundante água, comida, chapeu, protetor solar e calçado comodo.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
6 de julho de 2016 17:59
_____________

En Apoio a Mareas en Común: Agora a Confluencia, ... Por Celso Posada Fernández

Por Celso Posada Fernández [*]
07.07.2016

O vindeiro outono vanse celebrar as Eleccions Autonómicas Galegas, é unha boa oportunidade pra que haxa un goberno do cambio, progresista e de esquerdas e pra pór o goberno da Xunta de Galicia ao servizo das maiorias sociais. Quero amosar o meu total apoio o proceso de Confluencia das Mareas en Común, asinei os seus Principios Básicos nae paxina web: mareasencomun.gal e participo nas xuntanzas das Mareas en Común porque é un proceso de Confluencia construído dende abaixo, dende as bases, de forma inclusiva, horizontal, aberta, participativa, transparente e democrática, con Primarias Abertas, con procesos revogatorios, con listas abertas, cun Código Ético, onde unha persoa e un voto. As Mareas en Común é un espazo e un proceso de Confluencia e de Unidade Popular aberto, inclusivo e participativo e no excluínte, xa que esta aberto á participación das Mareas Municipalistas, da cidadanía, dos partidos políticos de esquerdas e das organizacións sociais. As Mareas en Común e un espazo de Confluencia e de Unidade Popular na que o protagonismo é cidadán, e das mareas municipalistas que son e foron os suxeitos políticos do cambio en Galicia. As Mareas en Común é unha ferramenta de cambio político, de Unidade Popular ao servizo do Ben Común, da transformación social e  a ferramenta que permitirá derrotar e vencer nas urnas, nas Eleccións Autonómicas Galegas a Feijóo, ao PP e as súas políticas neoliberais, antisociais e clasistas. Dende aquí quero facer un chamamento ás mareas municipalistas, ás forzas políticas de esquerdas, a cidadanía galega e as organizacións sociais; a que asinen e apoien os Principios Básicos das Mareas en Común e a que se sumen ás Mareas en Común, poden-no facer en: mareasencomun.gal. Fai Marea. Agora a Confluencia.

correo-e: ola@mareasencomun.gal.

[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e Secretario de Ensino e de Cultura da Executiva Federal; integrante da Plataforma Somos Esquerda. Está participando en Mareas en Común. Diplomado en Maxisterio de Educación Primaria pola Universidade da Coruña e Monitor de Tempo Libre. Foi membro do PSOE, candidato a liderar o partido a nivel provincial, até formou parte da súa Executiva Comarcal da que dimitiu. A situación socioeconómica e política, e a súa participación activa nos movementos sociais, levou-no a abandonar o PSOE e colaborar na refundación dun novo partido socialista e republicano. É membro de STOP-Desafiuzamentos da Rede de Apoio Mutuo de Ferrolterra, da Asociación de Mobilidade Humana para a Colaboración e o Desenvolvemento (de apoio ás persoas inmigrantes e refuxiadas) e participa nas Marchas da Dignidade e na Plataforma Cidadá de Ferrolterra contra o TTIP. Está no facebook e un blogue persoal.

Artigos de Celso Posada en Ártabra 21.

Enviado por:
celso posada
-celsoposada2006@hotmail.com-
6 de julho de 2016 19:51
___________

Informe Chilcot sobre a guerra de Iraq - Crime contra a humanidade, cheo de falsidades e amaños. Tomar a decisión de invadir Iraq e despois preparar a obra de teatro, mentindo e falseando a realidade...

Agora o Parlamento Británico, a través do Informe Chilcot que resume sete anos de investigación, di que foi "inxustificada e declarada baixo mentiras" que causaron e segue causando unha grande traxedia humana. Desencadéante de numerosos conflitos que multiplicaron o sufrimento... É un informe  de 12 volumes e miles de páxinas, baseado en centos de miles de documentos e testemuñas. Quen vai asumir responsabilidades e "reparar" o dano feito?. Desde Ártabra 21, consideramos de interese esta información. Lamentamos que esta mesma investigación, non se faga en todos os estados implicados neste crime contra a humanidade, cheo de falsidades e amaños. Tomar a decisión de invadir Iraq e despois preparar a obra de teatro, mentindo e falseando a realidade, creando falsos positivos, ... só entra en mentalidades psicopatas polos que estabamos gobernados. Lamentamos que a ONU non faga o seu propio informe e que esixa responsabilidades e reparacións. A responsabilidade, no Estado Español, do Partido Popular, dos seus executivos e dirixentes, é manifesta, así como a dos medios de comunicación afíns que apoiaron a barbarie e o crime. Todo isto debería facer reflexionar aos centos de miles de militantes e millóns de votantes que apoian a esta organización que ten nas súas costas esta responsabilidade criminal, ademais que está demostrando esta mentalidade psicópata, na cantidade de organizacións criminais, que operaban e seguen operando, paralelamente a ese partido, para saquear as arcas públicas, co obxectivo de enriquecer-se persoalmente ao tempo que financian a un partido corrompido, co obxectivo de permanecer no poder.

The Iraq Inquiry, máis coñecido como o Chilcot Report ou Informe Chilcot (pola persoa que presidiu a comisión que investigou e o elaborou, John Chilcot), é unha comisión de investigación independente sobre a participación do Reino Unido na guerra en Iraq en 2003. A comisión foi creada en de Xuño de 2009, polo entón primeiro ministro británico Gordon Brown. A principios de maio de 2016, Chilcot anunciou que se publicaría o informe o 6 de Xullo de 2016.

Con ocasión da primeira audiencia en setembro de 2009, Chilcot anunciou que

"Queremos facilitar un entendemento claro dos varios elementos centrais da implicación de Reino Unido en Irak e como evolucionaron no tempo..."

Aínda que as súas investigacións terminaron en 2011, en outubro de 2015, Chilcot anunciou que, debido ao "elevado volume de material sensible" ou "clasificado", a publicación do seu informe atrasaríase un vez máis até Xuño ou xullo do 2016.

Por outra banda, Chilcot queixouse de que o Goberno (Whitehall) levara a cabo unha campaña contra a súa comisión no sentido de que facilitou certos documentos a aquelas persoas suxeitas ás críticas da comisión para así axudar-lles nas súas defensas, documentos que non foran facilitados á Comisión.

Integrantes da comisión

• John Chilcot (presidente)
• Martin Gilbert (finou en 2015)
• Lawrence Freedman
• Roderic Lyne
• Usha Prashar

A comisión conta, ademais, de dous asesores especiais:

• Roger Wheeler, exjefe do Estado Maior, para temas relacionados coas forzas armadas.
• Rosalyn Higgins, expresidenta do Corte Internacional de Xustiza, para temas relacionados co Dereito internacional.

Sitio web oficial da Comisión:
http://www.iraqinquiry.org.uk/

Informe en inglés, para abrir ou baixar:
http://www.iraqinquiry.org.uk/the-report/

Fonte: Wikipedia.

Reportaxen en SpunikMundo:
Todo o que hai que saber sobre a investigación Chilcot. | AFP 2016/ Jeff J Mitchell. | Europa | 22:01 06.07.2016 | O informe final da investigación da guerra de Irak ?encabezado por John Chilcot?, que pon de relevo o papel do Reino Unido no seu devir, marca un paso importante no estudo da controvertida decisión do Goberno británico de invadir o país árabe. Coñeza os aspectos esenciais do informe, cuxa elaboración custou sete anos. | Ir á Web.

Unha das consecuencias daquela invasión e guerra criminal é esta, o atentado sectario deste último fin de semana en Bagdad que se veñen repetido continuamente desde hai 13 anos:
O número de vítimas en atentado de Bagdad aumenta a 290. | © REUTERS/ Ahmed Saad | Oriente Medio | 23:40 06.07.2016. | MOSCÚ (Sputnik) | A cifra de mortos no atentado que tivo lugar na noite do sábado ao domingo en Bagdad é de 290, unhas 180 persoas resultaron feridas, informou a canle televisiva Ao Mayadin.| Ir á Web.
__________

O Comité Cidadán de Emerxencia presenta escrito de Ampliación de Alegacións ao Proxecto de Resolución de Nova Autorización Administrativa Previa á Planta de gas de Reganosa, logo de que a anterior Autorización fora declarada ilegal polo Tribunal Supremo - Textos das alegacións

ALEGACIÓNS AO PROXECTO DE NOVA AUTORIZACIÓN DE REGANOSA

O Comité Cidadán de Emerxencia para a Ría de Ferrol presentou ante a Dirección Xeral de Política Enerxética e Minas do Ministerio de Industria Enerxía e Turismo, escrito de Alegacións, con data 1 de Xullo de 2016 e Ampliación de Alegacións, o 5 de Xullo de 2016; ao Proxecto de Resolución de Nova Autorización Administrativa Previa á Planta de gas de Reganosa, logo de que a anterior Autorización fora declarada ilegal polo Tribunal Supremo.

A esta sentenza de ilegalidade do Supremo, respondeu o Goberno en funcións do Partido Popular, eximindo a Reganosa da Declaración de Impacto Ambiental.

Unha vez máis o Goberno, que debera ser o primeiro garante no cumprimento das sentenzas xudiciais, actúa de cómplice das irregularidades e corrupcións desta Planta de Gas de Reganosa, fraude e ameaza permanente para a cidadanía.

Escrito de Alegacións. | 20 páxinas en formato pdf. | Acceder/Baixar.

Escrito de Ampliación de Alegacións. | 15 páxinas en formato pdf. | Acceder/Baixar.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Enviado por.
Comite Cidadan de Emerxencia
-comitecidadan@gmail.com-
6 de julho de 2016 10:02
_________________

Relacionado:

Todo o publicado sobre a loita contra o despropósito gasista de Reganosa en Ártabra 21 (Desde hai 10 anos, 882 publicacións a 6 de Xullo de 2016).
___________________________

Xuntanza Diversa Aberta, este sábado 9 de Xullo en Esteiro - Ferrol

Xuntanza Diversa Aberta e xantar compartido

Celebrando a chegada do verán na III Xuntanza Diversa
sábado 9 de Xullo de 2016, en Esteiro

Desde a 1 da tarde, nos baixos da asociación, Rúa Colon, esquina coa rúa Mendizabal, B/4 P/5 Baixos 38-39, en Esteiro - Ferrol.

"Como nas anteriores xuntanzas compartiremos os nosos alimentos uns cos outros polo que pedimos que a persoa que veña comer que traía dúas racións e bebida para compartir.

Quen non puidese  acudir á hora de comer pode vir pola tarde e pasar un bo rato xa que teremos distintas actividades a realizar e como non: O sorteo tan esperado... Non o podedes perder.

Enviamos así mesmo o cartel para que o fagades extensivo aos vosos socios ou amigos", di Mari Morado, activista pola igualdade e directiva da asociación.

---
ASOCIACIÓN GRUPO DIVERSIDADE FUNCIONAL FERROL E COMARCAS

R/Colon esq. Mendizabal B/4 P/5 Baixos 38-39 15406 Ferrol

Tlf: 981930544, Mobil: 620485450

E-mail:  diversidadefuncionalferrol@hotmail.com

Blog:    http://rachandobarreiras.blogspot.com

Información baseada na enviada polo:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
6 de julho de 2016 10:56
________________

Rolda de prensa, en Ferrol, dos alcaldes "rebeldes" sobre En Marea e as Eleccións Autonómicas previstas para Outubro de 2016 - Vídeo completo

Rolda de prensa, en Ferrol, dos alcaldes "rebeldes" sobre En Marea e as Eleccións Autonómicas previstas para Outubro de 2016.

Xulio Ferreiro, Martiño Noriega e o anfitrión Jorge Suárez, realizaron unha Rolda de Prensa no Ateneo Ferrolán, onte martes 5 de Xullo, ás 5 da tarde. A rolda de prensa, foi convocada sen temario previo, tanto aos medios, como a simpatizantes e achegados de Ferrol en Común. Era, o que se di, unha rolda de prensa "sorpresa", mais intuía-se, que senón..., que se ía falar sobre as Eleccións Autonómicas, algo sobre o que se veñen pronunciado ultimamente.

Antes da hora xa había unha grande expectación cun enorme despregue de medios de comunicación... fotógrafos, cámaras, xornalistas, achegados de Ferrol en Común e outras persoas.

Chegaron os protagonistas con pouca puntualidade como manda o protocolo de quen se fai esperar.

Despois de 1.000 fotos, sesión fotográfica de máis de cinco minutos, desde que apareceron pola rúa Madalena, acompañados do concelleiro de participación cidadán e tenente alcalde do concello de Ferrol, Álvaro Montes, até que comezou de feito a rolda de prensa.

Comeza a rolda de prensa, lendo un comunicado de cinco páxinas que previamente foi repartido aos medios presentes. A lectura do comunicado que durou sobre uns 15 minutos, foi feita a partes iguais entre os tres rexedores, logo houbo unha quenda de poucas preguntas, ... mais que non obtiveron as respostas concretas, só: "unidade", "consenso", "que eles non se postulan para candidato á presidencia da Xunta", "proceso" e "depende". E iso si moitas risas e complicidade coa maioría das persoas que representaban aos medios alí convocados.

Mais, para unha mellor e obxectiva información, aquí publicamos a rolda de prensa na súa integridade.


https://youtu.be/1d3D59kCAF4

Edita: Colectivo Ártabra 21
artabra21@gmail.com
http://artabra21.blogspot.com.es/
______

A eurodeputada galega Lídia Senra ve nefasta a política de loita contra os incendios forestais que alimenta a cultura do negocio do lume - Demanda no pleno do Parlamento Europeo a fin da precarización do persoal dos servizos contra lumes en Galiza e que todo o servizo de extinción sexa público

Lídia Senra ve nefasta a política de loita contra os incendios forestais que alimenta a cultura do negocio do lume. | Demanda no pleno do Parlamento Europeo a fin da precarización das bombeiras/os en Galiza e que todo o servizo de extinción sexa público. A eurodeputada de AGE considera prioritario determinar que intereses hai detrás dos lumes e esixe medidas que acaben co abandono do rural.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), interveu este luns pola noite nas quendas de minuto libre de palabra do pleno do Parlamento Europeo, en Estrasburgo, para levar á Eurocámara, agora que comeza o verán, a problemática dos incendios forestais.

Durante a súa intervención, a eurodeputada galega advertiu sobre a situación que se vive todos os anos no sur de Europa e, nomeadamente na Galiza, unha vez que chega o verán: Os incendios forestais que estragan miles e miles de hectáreas. “No meu país, a Galiza, estes días asistimos á mobilización do persoal de extinción de incendios da empresa pública Seaga e da Xunta, que denuncian a precarización laboral na que se encontran, con contratos de apenas tres meses no ano”, asegurou Lídia Senra, quen atribuíu esta situación a unha “consecuencia” dunha “política de extinción totalmente nefasta que beneficia á empresa privada e dificulta a loita eficaz contra os incendios ao mesmo tempo que crea unha cultura do negocio do lume”, dixo.

A membro de AGEe avogou por, desde as institucións, actuar en tres niveis.

Primeiro: Determinar as causas e os intereses que existen detrás dos incendios provocados.

Segundo: Políticas activas para acabar co abandono do medio rural e promover a instalación de labregas e labregos e un modelo forestal sustentable.

Terceiro: Todo o servizo de extinción de incendios debe ser público. É necesario acabar coa precarización e a inseguridade do persoal que combate os incendios e tamén dignificar a profesión dos e das bombeiras forestais.

Santiago, a 5 de Xullo de 2016.

Enlace coa Intervención de Lídia Senra no pleno do Parlamento Europeo sobre os incendios forestais este 4 de Xullo de 2016] | Ir á Canle.

-->>>

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Enviado por:
AGE Europa - Galiza
-age.europa.galiza@gmail.com-
5 de julho de 2016 11:14
__________

Ferrol cara a remunicipalización, ... Por Alexandre Carrodeguas

Por Alexandre Carrodeguas [*]
04.07.2016

Estas últimas semanas está a iniciar a súa andaina, a Plataforma na defensa dos servizos públicos, pola remunicipalización. Empezamos o traballo coa denuncia da hipoteca que suporía para o Concello a adxudicación do contrato eléctrico. Isto levaría tamén a subordinación do Concello durante os próximos quince anos a intereses privados alleos a veciñanza. Como poden ser os beneficios de FCC. Na nosa man está pois reverter estes procesos de privatización para beneficiar soamente as grandes maiorías sociais tan agredidas nos últimos anos.

Os seguintes pasos a dar pasarían en primeiro lugar por un intenso traballo de fiscalización da parte privada de Emafesa; Socamex (división de augas do Grupo Urbaser), para en base os incumprimentos do contrato de concesión ir avanzando cara a remunicipalización. E seguro que van aparecer moitos incumprimentos. A colaboración con outros concellos que xa están a traballar nestes procesos como Ames e Compostela tamén pode axudarnos a crear as sinerxias necesarias que fagan posible avanzar cara as tan necesarias remunicipalizacións. Necesitamos que os gobernos municipais adiquen os recursos necesarios para fiscalizar os contratos actuais, recursos que nos sirvan para denunciar feitos como os que teñen acontecido na nosa cidade, como puideron ser a denominada crise da auga ou a "estafa" da taxa de depuración.

Neste novo ciclo político este tema do rescate dos servizos públicos básicos debería ser central, a idea de recuperar os subministros primordiais para garantir a transparencia e evitar que os usuarios sexamos cautivos dos monopolios das grandes multinacionais tería que ser unha das consignas fundamentais dos  que queremos unha xestión transparente e eficaz dos servizos públicos municipais. O modelo que padecemos tamén é a consecuencia da "captura das políticas públicas" por parte dos grandes monopolios económicos e empresariais. Por exemplo o grupo ACS controla en Galicia un entramado de máis de 30 compañías filiais cun volume económico moi dependente das concesións de contratos públicos (64 millóns de euros en 2013).

Tres empresas madrileñas a ACS de Florentino Pérez a través das súas filiais Urbaser e Clece; FCC do multimillonario mexicano Carlos Slim que destronou as Koplowitz  e Ferrovial da familia Del Pino a través de Cespa repártense en Galiza mais de 150 millóns de euros anuais polo negocio dos servizos privatizados nas sete grandes cidades do país. Os seis principais negocios que controlan estes conglomerados empresariais son servizos como a asistencia social, fundamentalmente pola falla de persoal nos concellos; Clece (ACS) factura mais de 6 millóns por este servizo básico. A recollida de lixo que salvo en Burela e Lalín está controlada por estas tres empresas madrileñas xera un negocio de mais de 80 millón de euros de beneficios. A auga está tamén privatizada en todos os grandes concellos salvo na Coruña; Urbaser e Viaqua respartense casi todo o negocio que xera moitos miles de euros en beneficios. Polo tanto debemos volver a recuperar a xestión pública -como se fai na maioría dos países do mundo, sobre todo na xestión da auga. Agora vemos que foron un erro os procesos de privatización dos anos noventa.

Quen están  na xestión dos servizos municipais saben que os servizos privatizados presentan uns sobrecustes que van do 22 por cento a mais do 90 por cento, respecto o servizo prestado de forma directa, con encarecementos medios do 27 por cento de promedio en recollida do lixo e 71 por cento en limpeza urbana.

As consecuencias das privatización dos servizos conleva tamén case sempre a subida das tarifas, a desinversión,  exclusión social por impago, opacidade, falta de transparencia e ausencia de participación e sobre todo a falta de control público. E non podemos esquecer como unha das consecuencias colaterais; a corrupción que conlevan case sempre este tipo de contratos, como moi ben evidenciou o chamado caso Pokemon instruído pola xuíz De Lara.

A auga, a xestión do lixo, dos servizos municipais teñen que volver a ser dereitos básicos esencias e non suxeitos a negocio privado, nin a especulación para beneficio de multinacionais monopolistas que teñan os usuarios como mercados cautivos (Agora falase que Urbaser pode ser absorvida por  un fondo de capital  especulativo chinés). Remunicipalizar os servizos básicos dos concellos e posible e necesario e vainos permitir aforrar os "subrecustes" en vez de ter que recortar servizos  pola imposición da lei Montoro. En Ferrol segundo recentes enquisas o 67 por cento dos Ferroláns apoian a remunicipalización dos servizos e mais da metade cree que así serían moito máis eficientes. Ese e o camiño. Estes días recibimos a visita do xerente de AEOPAS Luis Babiano que nos explicou o esencial que supón a remunicipalización da auga. A plataforma de Ferrol xa está empezando a recorrer este camiño, agardamos  poder acadar a sociedade decente pola que loitamos que non sería outra que aquela que simplemente non se sinta humillada nin por institucións nin por empresas indecentes. Porque pódese e débese.

[*] Alexandre Carrodeguas, activista social de Ferrol Terra, promotor de plataformas cidadáns en defensa do patrimonio urbanístico e cultural; defensor dos espazos públicos e da rehabilitación dos cascos históricos; membro de Verdegaia, do Comité Cidadán de Emerxencia para a Ría de Ferrol e da Comisión Social de Seguimento da construción da infraestrutura de depuración e saneamento da marxe norte da ría de Ferrol. E un dos promotores da iniciativa cidadá pola xestión pública e social do ciclo da auga e do saneamento en Ferrol e da Plataforma pola Remunicipalización.

Foto de Rebeca Collado en Ferrol 360 |Acto pola Remunicipalización da auga no Concello de Ferrol, coa participación do alcalde da cidade, Jorge Suárez, o xerente de AEOPAS, Luis Babiano, concelleiros/a de Ferrol, Narón, Neda e Mugardos, e membros da Plataforma. | 29.06.2016

Enviado por:
Alexandre Carrodeguas
-republicadetraballadoras@gmail.com-
2 de julho de 2016 19:27
__________________

A cabeça nom para! Mês de julho na Fundaçom Artábria

Já passou meio ano e começamos os 6 meses que ficam para finalizar 2016 com umha variada programaçom de ócio alternativo em galego.

Eis um pequeno petisco do que temos preparado até o mês de dezembro.

Começamos as atividades de julho, na sexta-feira 1, com a inauguraçom às 21h da exposiçom da jovem artista ferrolana Névia Lamas. A exposiçom de desenhos em aguarela poderá ser visitada até dia 30.

No sábado 9 Julho, conheceremos um pouco mais a nossa ria com um roteiro que sairá às 10.30h do Peirao de Corujeiras para chegar aproximadamente 14 km depois ao Monte Ventoso. O roteiro tem umha dificuldade média-baixa e contará com as explicaçons de Ernesto Lopes “Nês”, membro de ADEGA e Joám Lopes, licenciado em história pola UNED e Guia turístico da Galiza.

Na sexta-feira 15, chega a V ediçom do Concurso Ártabro de Elaboraçom de Tortilha de Patacas. As bases para participar estám no nosso web.

Queres saber como participar?

É muito fácil: preparar umha tortilha de tamanho médio (Entre 20 e 25 cm de diámetro) que, obrigatoriamente, deverá incluir ovos e patacas, e trazê-la entre as 19.00 e 21.00 à Fundaçom Artábria na sexta-feira 15 de julho.

Poderá participar qualquer pessoa.

Podes acrescentar, se assim o desejares, os teus ingredientes secretos ou favoritos à base de ovos+patacas, para conseguir a melhor tortilha do concurso.

Cada concorrente apresentará umha só tortilha.

O júri popular avaliará o sabor, a criatividade, a grossura, a originalidade e a apresentaçom da mesma.

Cada tortilha será identificada com um número que se anotará no exterior dum envelope fechado, em cujo interior figurará a folha de inscriçom (nome da ou do concorrente, apelidos, correio-e, telefone)

A decisom do júri fai-se pública no fim da degustaçom das tortilhas.

O júri será composto polas pessoas que assim o desejarem, pagando umha inscriçom de 3 euros, que lhe permitirá degustar todas as tortilhas apresentadas.

No sábado 16, haverá um Atelier de sabom artesanal ministrado por Matilde Ramos. O atelier terá umha duraçom de aproximandamente 4 horas e a inscriçom é de 20 euros ou 15 para as pessoas associadas à Fundaçom Artábria. O preço inclui os materiais utilizados durante o curso e um manual com a teoria precisa para fabricar sabons.

O objetivo do atelier é proporcionar os conhecimentos básicos para elaborar sabons com a ténica de “processo em frio”, para o corpo, chao e máquina de lavar.

No mesmo sábado, às 22.30h, chegadas de Portugal e de tourné pola Galiza, subirám ao cenário da Fundaçom Artábria “Adufe e Alguidar”. Sete vozes dam corpo a um projeto de canto e percussom que atravessa simbologias e tradiçons com ritmos de adufe e outros instrumentos, onde experimentar é sempre um convite. O adufe –instrumento musical de origem árabe– é o seu meio de viagem, qual roda quadrada, que ajudado por outros companheiros sonoros as leva até onde estivérem dispostas a ir. Tenhem no alguidar –peça de origem árabe que serve habitualmente para lavar ou amassar– a metáfora da reativaçom, reinvençom e mistura de sonoridades. A entrada é de graça e a atividade é em parceria com a Associação Cultural o Beco da Língua.

Na sexta-feira 22, Titeres Cascanueces,  traz a obra para crianças “Barriga verde e o moinho da névoa” baseada na peça Barriga Verde de Manuel María.  A entrada é de graça e está recomendado para maiores de 3 anos.

Barriga Verde vai de lugar em lugar e de feira em feira com a sua barraca cheia de cousas para fazer rir. E para fazer pensar. Monicreques, guitarras, pandeiros e gaitas. Desde umha avestruz até o mesmíssimo Titanic. A sua próxima funçom vai ser no Moinho da Névoa.

No sábado, 23 de julho, decorrerá no nosso Centro Social a festa do Dia da Pátria, que terá lugar o próximo 25 de julho. Haverá grelhada popular e música tradicional.

Aproveitamos para informar-vos que o nosso Centro Social permanecerá fechado o 25 de julho, Dia da Pátria.

A Fundaçom Artábria trabalha para que o nosso país esteja no lugar que lhe corresponde no espaço europeu e aportamos o nosso pequeno grao de areia na construçom nacional da Galiza, é por isso que apelamos a:

1.- Secundar ativamente todas aquelas iniciativas patrióticas promovidas nos próximos dias ao longo da Naçom que reclamem a soberania e a independência nacional da Galiza.

2.- Pendurar nas varandas, janelas, fachadas de casas e vivendas da nossa base social a bandeira da Galiza.

Fecharemos o mês de julho, sábado 30, com um novo concerto. Desta volta serám os Labregos do Tempo dos Sputniks os que visitarám o Centro Social para apresentar o seu trabalho “Libremente”.

Este projeto musical integra o trabalho de O Leo i Arremecághona, García de Dios Ke te Crew e Lydia Botana de Lydia Boltereta.

O concerto iniciará às 22.30hs e o preço do bilhete é de 3 euros, 2 euros para as pessoas associadas.

Aproveitamos para informar os novos horários do Centro Social este verao. Polas manhás de segunda a sexta-feira de 11h a 14h e pola tarde de 19h a feche. Sábados de julho de 19h a feche. Em agosto fechamos os sábados.
--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
3 de julho de 2016 19:18
___________