A eurodeputada galega Lídia Senra, valorou este venres os resultados do referendo celebrado no Reino Unido, no que un 51,9% da poboación votou a favor de abandonar a Unión Europea (UE) - A representante de AGEe considera “preocupante” a falta de debate que houbo na campaña electoral cara ao 26 de xuño que hoxe remata

Lídia Senra: “A decisión do Reino Unido amosa a pouca credibilidade dunha UE construída contra os pobos”. | A eurodeputada destaca a valentía británica de convocar un referendo, fronte á actitude de medo constante do Goberno do Estado Español. | A representante de AGEe considera “preocupante” a falta de debate que houbo na campaña electoral cara ao 26 de xuño que hoxe remata.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), valorou este venres os resultados do referendo celebrado no Reino Unido, no que un 51,9% da poboación votou a favor de abandonar a Unión Europea (UE), apostando polo Brexit (Britain Exit), e un 48,1% decantouse pola permanencia do Reino Unido como Estado membro na UE. Senra considera que “o feito de que no referendo gañara a posición de saír da UE, fronte á posición oficial do Primeiro Ministro e tamén das grandes empresas e da city, incluso a pesares das prevendas da UE acadadas polo goberno para defender a posición da permanencia, amosan a pouca credibilidade dunha UE que se construíu en contra dos pobos, a favor das multinacionais, e cuxas decisións responden única e exclusivamente á ditadura dos mercados e duns líderes á fronte da Comisión Europea (CE) e do Consello que non son capaces de resolver ningunha das graves crises (migratoria, social, ambiental, climática) que asolan hoxe a realidade deste espazo de (Des)Integración Europea".

“Aínda que é certo que nesta situación, ante a falta de valentía e decisión da esquerda europeísta de romper coa ditadura dos mercados e os intereses especulativos do capitalismo financeiro, en moitos Estados, tamén no Reino Unido neste malestar está pescando e a dereita populista e xenófoba, non é menos certo que nesta votación tamén se reflicte o malestar das clases populares e dunha parte importante da esquerda que loita contra a crise e as políticas de austeridade impostas polo poder económico que está por detrás das decisións da Unión Europea que conlevan a perda de dereitos sociais, económicos e de libertades e mesmo de democracia e soberanía dos pobos. As imposicións da Troika a Grecia ou a ditadura do Euro, son un bo exemplo do secuestro da Soberanía Popular”, afirma a eurodeputada galega.

Neste sentido, Lídia Senra advertiu que tamén “é preocupante” a “falta de debate sobre todas estas cuestións na campaña electoral dos comicios do Estado español que hoxe chega ao seu fin”.

Por outro lado, a representante de AGEe no Parlamento Europeo afimrou que “chama a atención neste referendo a posición de Escocia ou de Irlanda no Norte a favor da permanencia, que con toda certeza tamén pode ser interpretado como unha forma de expresión e loita pola súa soberanía nacional fronte ao estado-nación hexemonizado por Inglaterra”. “O feito de que as nacións sen Estado teñan que afirmar a súa soberanía entregándose a unha supraestrutura antidemocrática forma parte das contradicións do momento pero tamén esta circunstancia está a falarnos dunha vontade por parte dos pobos de seren suxeitos soberanos”, di.

“Sen dúbida, o escenario que se abre co resultado deste referendo dará pé a unha reconfiguración do espazo que hoxe constitúe a Unión Europea. Dende a esquerda debemos dar a batalla para avanzar nesa Europa dos pobos, democrática, social, solidaria, pacifista, antiimperialista, construída en pe de igualdade. Para iso, cómpre non eludir máis os debates arredor da cuestión da Unión Europea e o euro e a súa compatibilidade coa democracia e a soberanía popular. Propiciar este debate público deber ser a nosa tarefa no futuro inmediato”, defendeu.

Lídia Senra destactou tamén a valentía por parte do Reino Unido de convocar un referendo para que o pobo poidera expresarse sobre un asunto de tanta importancia, “en contraste co medo do Goberno do Estado español, que se manifesta, por exemplo, na negativa ao referendo en Cataluña”.

O presidente do Parlamento Europeo, Martin Schulz, ofreceu esta mañá unha rolda de prensa para anunciar a convocatoria dun pleno extraordinario do Parlamento Europeo, para o próximo martes, 28 de xuño, para abordar en conxunto o escenario que se abre tras os resultados do referendo británico. Durante a sesión extraordinaria da próxima semana, que coincidirá co cumio de xefes de Estado e de Goberno da UE en Bruxelas, o Parlamento Europeo adoptará unha resolución analizando o resultado das votacións no Reino Unido e describindo os pasos que darán a partir de agora as institucións europeas.

Bruxelas, a 24 Xuño, de 2016.

-->>>

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Enviado por:
AGE Europa - Galiza
-age.europa.galiza@gmail.com-
24 de junho de 2016 12:46
__________

O Xulgado da-lle a razón ao Concello de Ferrol, ante un recurso de Socamex/Urbaser, a parte privada de EMAFESA, dando por bo o acordo plenario de suspensión da taxa de depuración, suspensión á que só se opuxera o Partido Popular

O Xulgado do Contencioso-Administrativo nº1 de Ferrol, da-lle a razón ao Concello de Ferrol, ante un recurso de Socamex/Urbaser -a parte privada de EMAFESA, dando por bo o acordo plenario, do 18 de setembro do 2015, de suspensión da taxa de depuración, suspensión á que só se opuxera o Partido Popular.

A XUSTIZA DÁLLE A RAZÓN AO CONCELLO NO LITIXIO CONTRA URBASER POLA SUSPENSIÓN DA TAXA DE SANEAMENTO

O pleno suspendeu en setembro o cobro dunha taxa que se lles facturaba aos veciños pero que non se destinaba a sanear a ría porque a instalación segue incompleta O auto ditamina que debe prevalecer "o interese dos cidadáns en non aboar unha taxa por un servizo que está a ser cuestionado" e desbota os prexuízos económicos que aduce o grupo ACS.

A Xustiza ven de darlle a razón ao Concello de Ferrol no litixio que mantén contra Socamex/Urbaser, a división de augas do grupo empresarial de Florentino Pérez e que é o socio privado de Emafesa -a empresa mixta de augas da cidade- pola suspensión do cobro da taxa polo saneamento da ría.

Un tributo que se lles cargaba aos veciñ@s/usuari@s na factura por un feito impoñible -a depuración integral- que non se estaba a producir xa que a Estación de Augas Residuais (EDAR) de Cabo Prioriño está aínda incompleta e pendente de reparacións.

Un acordo plenario aprobado o 18 de setembro do 2015 cos votos favorables da equipa de Goberno e o respaldo dos grupos municipais de BNG e Ciudadanos, suspendeu a aplicación da ordenanza fiscal na que se sustentaba o cobro deste tributo por unha depuración das augas negras que non era real.

A firma privada recorreu este acordo plenario cun recurso de reposición no Rexistro do Concello que foi desestimado na Comisión Extraordinaria de Economía e Facenda celebrada o 23 de novembro.

Agora, o xulgado do contencioso-administrativo número 1 de Ferrol ven de ditar un auto de sete páxinas -datado o 14 de xuño- no que tamén desestima o recurso interposto por Socamex na vía xudicial e dálle a razón ao Concello de Ferrol, que deixou sen efecto o cobro dunha taxa por unha depuración inexistente.

A xuíz, no seu ditame, estima que “non se acreditan os prexuízos económicos irreversibles” aos que aduce Urbaser e que debe prevalecer "o interese dos cidadáns para non aboar unha taxa por un servizo cuxa prestación está a ser cuestionada".

Ferrol, a 22 de Xuño de 2016.-

Fonte: Concello de Ferrol. | Ir a Web.

Foto: Visita ao Edar, de cando J.M. Rrey Varela era Acalde de Ferrol e presumía que o EDAR xa depurará máis dun millón e medio de litros de augas residuais, cando non era certo, non depurara nada de nada. Non lle importou mentir ao pobo de Ferrol e cobrar-lle unha inxusta taxa por depuración. Todo unha grande mentira en complicidade EMAFESA e a súa parte privada Socamex/Urbaser.

Enlace relacionado.-

Ártabra 21: Diferentes organizacións sociais, políticas, veciñais e sindicais de Ferrol, convocan unha mobilización unitaria contra a abusiva nova Taxa de Depuración e Saneamento. |  15.02.2015.

Enviado por:
André M. Ces
-andre.martinez.ces@gmail.com-
22 de junho de 2016 16:02
______________ ---

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!

Coordinadora Promotora da Plataforma

    Alexandre Carrodeguas.
    Fernando Ramos Armesto.
    Pablo Portero.
    Bernardo Rego Gárate.
    Lupe Ces.

correo-e:
remunicipalizacion.plataforma@gmail.com

Blogue:
https://plataformaferrol.blogspot.com.es/
____________________

Prefacio: Estado do poder 2016, ... Por Nick Buxton - Entender e mobilizar mellor noso propio poder para poder construír o mundo xusto e sostíbel que desexamos

Por Nick Buxton [*]
22.06.2016

Prefacio: Estado do poder 2016

O obxectivo último da serie de informes "Estado do poder" é entender e mobilizar mellor noso propio poder para poder construír o mundo xusto e sostíbel que desexamos.

Estado do poder 2016

"Estuda aos ricos e poderosos, non aos pobres e desempoderados... Deixemos que os pobres se estuden sós. Eles xa saben o que falla nas súas vidas, e si de verdade queres axudarlles o mellor que podes facer é proporcionar-lles máis información sobre como operan os seus opresores e como poden esperar que funcionen no futuro".

Susan George, renomeada investigadora-activista, escritora prolífica e presidenta do Transnational Institute, escribiu estas liñas fai máis de 40 anos, no seu xa clásico estudo "Como morre a outra metade do mundo", no que denunciaba que o fame no planeta non era causa accidental do clima, senón que estaba provocada por normas e regras ditadas polas elites. Naquela época, a súa mirada sobre as clases máis poderosas daba un xiro radical ao típico enfoque no ámbito do desenvolvemento, centrado en "axudar aos pobres". Hoxe en día, a relevancia desta cita e o acento que puxeron movementos como Occupy nos Estados Unidos ou os Indignados no Estado español en "o 1%" ou en "a casta" axudaron a cambiar o debate global.

Con todo, o feito de que exista unha crecente concienciación de que as regras da economía global estanse formulando para favorecer os intereses dun puñado de persoas non significa que entendamos totalmente como as elites exercen, manteñen e sosteñen o seu poder. E esa maior concienciación tampouco supón necesariamente que esteamos en mellor disposición de desafiar o poder que ostentan. A capacidade da banca non só para recuperar o seu poder e influencia senón até para amplía-los logo da profunda crise de lexitimidade que padeceu trae-la última crise financeira dá-nos unha boa idea da que nos enfrontamos.

Na mesma liña, que a coalición Syriza en Grecia vísese finalmente sometida ao desastroso proxecto de austeridade da UE "e aínda máis, a total falta de opcións reais ao alcance do Goberno grego fronte a unha inminente crise de crédito" puxo de manifesto como a vontade do pobo e o idealismo non son elementos suficientes para plantar cara ás estruturas de poder globalizadas. Como moitas veces comenta a propia Susan George, en 1920 aos bolcheviques bastou-lles con asaltar o Palacio de Inverno para facerse co poder e reconstruír por completo a economía e a sociedade. Pero onde está hoxe o Palacio de Inverno?

A realidade é que a concentración do poder hoxe en día forma parte dunha complexa trama tecida pola economía global, en que o poder está á vez concentrado e desarticulado, en ocasións visíbel en escenarios de riqueza estridente, pero case sempre oculto nun mundo de paraísos fiscais e segredos comerciais, tipificado na xerga tecnocrática de acordos comerciais e outros tratados internacionais, e promovido polos etéreos e todopoderosos "mercados financeiros".

É por este motivo polo que o Transnational Institute, inspirado por Susan George, decidiu lanzar o seu primeiro "Estado do poder" en 2012, co obxectivo de crear unha especie de "enciclopedia do poder" para activistas. O obxectivo era profundar os nosos coñecementos, arroxar luz sobre os actores e beneficiarios coñecidos e descoñecidos, e analizar as regras, normas, estruturas e marcos internacionais que posibilitan a consolidación do poder.

O primeiro informe preséntamo-lo coincidindo coa reunión do Foro Económico Mundial en Davos, un encontro anual no que se dan cita as elites políticas e económicas de todo o mundo, xa que este ilustraba moi ben a confluencia de poder político e empresarial que caracteriza á economía global actual.

Aquel primeiro ano, o noso informe e as infografías que o acompañaban fixéronse virais, o cal deu-nos a entender que existía un gran interese por este tipo de información e levou-nos a decidir que o informe se publica-se anualmente. En 2013, compilamos ensaios máis detallados sobre distintas dimensións do poder. En 2014 e 2015, organizamos unha convocatoria aberta de ensaios, coa idea de recompilar as mellores análises e axudar a promover o traballo de mozos investigares-activistas. En 2016, decidimos centrarnos especificamente no tema do poder e a democracia, nun momento en que os acontecementos que se estaban sucedendo en Grecia, o Estado español, o Reino Unido e outros países poñían claramente de manifesto que as contradicións entre ambos eran cada vez máis evidentes. No noso informe, decidimos examinar si podiamos entender mellor esas contradicións e, á vez, analizar como se podería mellorar e rearticular a democracia de forma que poida subverter realmente as estruturas inxustas de poder.

Como explica a escritora e investigadora Hilary Wainwright, tamén integrante da rede do Transnational Institute, comprender a tiranía empresarial e financiase debe ser "o punto de partida para identificar como desenvolver un contrapoder". Este é, á fin e ao cabo, o obxectivo último da serie de informes "Estado do poder": entender e mobilizar mellor noso propio poder para poder construír o mundo xusto e sostíbel que desexamos. Esperamos que estes ensaios contribúan á loita.

[*] Nick Buxton, editor de "Estado do poder".

Fonte: Transnational Institute - TNI.








Estado do poder 2016

O quinto informe Estado do poder 2016 do TNI analiza a interconexión entre poder e democracia. Os diversos ensaios que compoñen o volume, escritos por académicos-activistas, desgranan a longa batalla entre o poder económico e a democracia popular, denuncian os distintos poderes que intentan socavar a democracia hoxe en día e presentan alternativas democráticas populares que están xurdindo en todo o mundo.

Baixar/Acceder:

Informe completo en formato pdf, 224 páxinas en español. | Acceder/Baixar.

Informe  completo en formato web e partes e pdf. | Acceder/Baixar.
__________________

Esquerda Unida Narón presenta unha Moción para o Pleno deste mes coa intención de declarar "Narón cidade libre de desafiuzamentos" e polo dereito a unha vivenda digna e adecuada

EU Narón presenta esta Moción para o Pleno deste mes.

Esquerda Unida presenta unha moción para declarar a

"NARÓN CIDADE LIBRE DE DESAFIUZAMENTOS"
e POLO DEREITO A UNHA VIVENDA DIGNA E ADECUADA.

EU Narón solicitará a aprobación dos seguintes acordos no pleno deste mes:

PRIMEIRO.- O pleno do concello declara Narón como “Cidade Libre de Desafiuzamentos”.

SEGUNDO.- Creación dun servizo municipal de vivenda coas seguintes funcións:

1. Estudo de elaboración dun Plan Municipal de Vivenda que recolla dun xeito real e efectivo a demanda de vivenda que hai no termo municipal e as características e tipo de demanda.
2. Orientación xurídica e práctica en materia hipotecaria e de alugueres.
3. Seguimento e avaliación dos casos de afectados por procedementos de execucións hipotecarias ou  de desafiuzamentos por aluguer, en colaboración cos Servizos Sociais.
4. Rexistro de demandantes de vivenda.
5. Elaboración dun censo de vivendas baleiras (propiedade, estado, localización, características, dispoñibilidade, …).

TERCEIRO.- Que o Concello se comprometa a que ningún corpo de seguridade e emerxencias municipal colabore na execución de desafiuzamentos (nomeadamente Policía Local e Bombeiros).

CUARTO.-  O Concello garantirá a aplicación dos protocolos e normativas derivadas do  Convenio de colaboración entre o Consello Xeral do Poder Xudicial, a Xunta de Galicia e a Federación Galega de Municipios e Provincias (fegamp) sobre a detección de supostos de vulnerabilidade con ocasión do lanzamento de vivenda familiar e medidas de carácter social, asinado o do 8 de Abril de 2013.

QUINTO.- Instar o Goberno de España á modificación do ordenamento xurídico estatal que garanta a paralización dos desafiuzamentos, a dación en pago e o efectivo dereito a vivenda.

SEXTO.- Trasladar o presente acordo á Xunta de Galicia.

SÉTIMO.- Trasladar o presente acordo ao Goberno de España.

"Dende EU Narón entendemos que hai que garantir o dereito a unha vida digna, e a vivenda debe ser un dereito e non un privilexio, ningunha familia debe quedar na rúa por non poder pagar as súas facturas, as traballadoras e traballadores en paro son vítimas e non culpables dunha crise provocada polos que mais teñen e que pagamos os de sempre".

"Moitos traballadores con salarios de miseria non son capaces de chegar a fin de mes, ocorre que ter traballo xa non garantiza saír da pobreza, unha traballadora ou traballador con 600 euros de salario ou menos, e con cargas familiares, non pode pagar un alugueiro de 300 ou 400 euros e vivir dignamente, vense obrigados simplemente a sobrevivir".

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
21 de junho de 2016 23:45
_______________

Fim de semana de solidariedade internacionalista com Papua Ocidental, na Fundaçom Artábria - Projeçom de documentário e actuaçons musicais, 24 e 25 de Junho

Fim de semana de solidariedade internacionalista com Papua Ocidental

No sábado 25 Junho, temos um encontro com a solidariedade internacionalista. Ferrol e, concretamente, a Fundaçom Artábria foi o local escolhido para o "Punk for west Papua International 2016", um evento solidário que decorrerá no mesmo dia em outras cidades do mundo, como Sidney ou Melbourne.

Chris Masuak&The Viveiro Wave Riders, Bang74 e Klute atuarám no nosso Centro Social para angariar fundos e despertar as consciências de umha Papua Ocidental livre.

O concerto começara às 22.00hs e a entrada é à vontade, disponibilizando vários petos no local para aquelas pessoas que quigerem colaborar com o seu contributo.

Chris Masuak&The Viveiro Wave Riders, Bang74 e Klute actuarám na Fundaçom Artábria no sábado 25 de junho para Punks For West Papua, um movimento internacional que tem como objetivo angariar fundos e despertar as consciências dumha Papua Ocidental livre.

O genocídio da gente de Papua Ocidental a maos do exército indonésio é um dos mais tristes, mas raramente informados dramas dos nossos tempos. Situada ás portas de Australia, a provincia de Papua Ocidental é umha terra de incalculáveis riquezas que em 1969 foi seqüestrada com umhas violentas e manipuladas eleiçons por parte da Indonésia.

Com a ajuda da Austrália, dos EUA e Naçons Unidas, o exército indonésio assassinou mais de meio milhom de indígenas de Papua Ocidental durante estes anos, todo em nome dumha montanha de ouro. Todo isto mantido em segredo, pola proibiçom de entrada de jornalistas e de ajuda externa.

O choro do povo de Papua Ocidental é desatendido desde há uns cinqüenta anos. Mas a música punk berra alto, muito alto!

E agora, músicos galegos somam o seu apoio ao movimento.

PROJEÇOM DO DOCUMENTÁRIO "PUNKS FOR WEST PAPUA"

O premiado documentário sobre este movimento, Punks For West Papua, será projetado o dia 24 de Junho às 21h no nosso Centro Social.

O documentário conta a verdadeira história de como as Naçons Unidas atraiçoou o povo de Papua Ocidental e como Jody Bartola, um músico australiano, se inspirou para criar este movimento histórico para ajudar estranhos em terra estrangeira.

Recomenda-se ver este filme nom só aos amantes do punk rock, mas a todas aquelas pessoas que acreditarem na justiça.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
22 de junho de 2016 00:28
_______________

Lídia Senra acusa a Arias Cañete de non concretar o plan de horizonte 2030 previsto para reducir as emisións contaminantes - A eurodeputada galega defende na Comisión de Agricultura a produción ecolóxica e o comercio local fronte ao TTIP e CETA

Lídia Senra acusa a Arias Cañete de non concretar o plan de horizonte 2030 previsto para reducir as emisións contaminantes. | Arias Cañete non concreta o plan de horizonte 2030 previsto para reducir as emisións contaminantes. | O comisario elude contestar a Lídia Senra sobre cal será o papel da agroecoloxía e circuitos curtos de comercialización na estratexia da UE. | A eurodeputada de AGEe defende na Comisión de Agricultura a produción ecolóxica e o comercio local fronte ao TTIP e CETA.

O comisario de Acción polo Clima e Enerxía da Unión Europea e ex ministro de Agricultura do Estado Español, Miguel Arias Cañete (Partido Popular), compareceu este martes na Comision de Agricultura e Desenvolvemento Rural do Parlamento Europeo, celebrada en Bruxelas, para non aclarar nin concretar “absolutamente nada” ao respecto do informe no que está traballando a Comisión, que pretende presentar este verán, e que fixará osobxectivos de redución de emisións de gases de efecto invernadoiro para 2030 nos sectores nos que non se aplica o Réxime Comunitario de Comercio de Dereitos de Emisión (RCCDE) -sector agrario, sector do transporte rodado e edificación. Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), acusou a Arias Cañete de “limitarse a dicir xeneralidades” e de non aclarar que medidas se van poñer en marcha para reducir as emisións.

“Tendo claro que o sector agrario pode contribuir dunha forma moi importante na redución de emisións, gustaríame saber que papel se lle vai dar nos obxectivos cara ao 2030 á agroecoloxía e ao comercio de proximidade dos alimentos; e tamén, concretamente, como pensan reducir o comercio de alimentos básicos arredor do mundo provocado polos acordos comerciais vixentes e polos que están en negociación”, en referencia ao CETA e ao TTIP, dixo Lídia Senra directamente ao comezo da súa intervención na Comisión hoxe pola mañá en Bruxelas.

A eurodeputada de AGEe intentou que se puxeran enriba da mesa vías de solución concretas para a redución de emisións contaminantes no ámbito agrario e preguntoulle tamén a Cañete, “tendo en conta que outra fonte importante de emisións son as importacións da alimentación animal, que pensa facer para potenciar a produción desta alimentación animal en Europa”, e poñer límite ás continuas importacións.

Na súa intervención, Senra tamén fixo referencia a que no ano 2014, o 45% do aceite de palma usado en Europa foi destinado para combustibles. No Estado Español, o 70% do chamado "biodiesel" fabricouse a partir do aceite de palma que xera tres veces máis emisións que o diesel convencional. “Que pensan facer con respecto a este problema concretamente, para reducir emisións no transporte?”, preguntou a eurodeputada.

Sen embargo, ningunha destas preguntas foron respondidas por Cañete na súa comparecencia de hoxe, unha comparecencia que, ademais, a pesar de que estaba anunciado que se retransmitiría en directo por vídeo, non puido ser seguida como normalmente se pode facer a través da web do Parlamento Europeo. Ante tal situación, Lídia Senra realizará novamente estas preguntas, pero desta volta farao por escrito, dentro do cupo de cinco preguntas mensuais que a eurodeputada pode realizar por escrito á Comisión Europea, co obxectivo de que, desta maneira si lle teñan que contestar e non poida eludir as preguntas.

Lídia Senra quixo onte volver amosar unha vez máis as súas dúbidas sobre os intereses que pode haber detrás das decisións que adopta Arias Cañete en calquera dos ámbitos nos que traballa. Como xa denunciara hai meses, a eurodeputada repetiu: “Que a ninguén se lle escape que o Comisario de Enerxía da UE é un individuo que mantén intereses directos en empresas petrolíferas", o cal fai dubidar de se Arias Cañete está a funcionar máis como un lobbista que coma un Comisario, "tendo sido moi polémico dende o inicio o seu nomeamento ao incorrer en serios conflictos de intereses". Logo están tamén as recentes informacións que o relacionan co branqueo de cartos denunciado nos Papeis de Panamá. "Se un individuo coma este é o responsábel europeo de enerxía, xa podemos imaxinar por onde poden ir as propostas da UE....", advertiu a eurodeputada galega.

Arias Cañete está citado a comparecer ante a Comisión de Asuntos Xurídicos do Parlamento Europeo o próximo 12 de xullo. Nesa ocasión farao a porta pechada, a pesar da oposición do GUE/NGL, que demandou que se fixera de forma pública. O comisario deberá dar explicacións ese día sobre as relacións co chamado caso Acuamed, que afecta ao período no que foi ministro de Agricultura no Estado español. A Comisión reclamou a súa comparecencia tras saír á luz as investigacións da Audiencia Nacional sobre adxudicacións fraudulentas por parte da empresa estatal español Acuamed, que ten recibido fondos europeos. Nesas adxudicacións teríanse constatado algunhas irregularidades como a falsificación de certificacións e liquidacións, co obxectivo de aumentar significativamente as cantidades que cobraron as adxudicatarias. Varias testemuñas implican a Arias Cañete nun suposto acordo para autorizar estas prácticas. Ademais, Acuamed podería ter incorrido nun delito ecolóxico, chegando incluso ao envelenamento masivo nas augas do río Ebro no seu treito final.

“Se Arias Cañete foi capaz de realizar este tipo de manobras cando era ministro de Agricultura, que non seguirá facendo agora”, dixo Lídia Senra, para quen a fiabilidade dun home de semellante perfil agora á fronte das políticas de Enerxía e Acción polo Clima da Unión Europea debe ser nula. Por iso, a eurodeputada de AGEe alertou sobre a necesidade de ser vixilantes e facer seguimento continuo neste ámbito.

Bruxelas, a 21 de xuño de 2016.
-->>

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Enviado por:
AGE Europa - Galiza
-age.europa.galiza@gmail.com-
21 de junho de 2016 16:12
______________

No Ateneo Ferrolán, apresentaçom da tese de doutoramento na USC de Helena Domínguez, Dra. em Ciéncias da Informaçom: "A construçom mediática do conflito político na Galiza: o tratamento de Resistencia Galega na imprensa"

"A construçom mediática do conflito político na Galiza:
o tratamento de Resistencia Galega na imprensa"

Quarta-Feira (mércores) día 22 de Junho ás 19:00 h. no salom de actos do Ateneo.

Apresentaçom da tese de doutoramento na USC de Helena Domínguez, Dra. em Ciéncias da Informaçom

--

Un lugar de encontro para a cultura.
Ateneo Ferrolán, fundado en 1879.
Rúa Magdalena 202-204. CP.15402 | Ferrol (Galiza)
Telf.: +34 981 357 970 - 644.720.055
e-mail: secretaria@ateneoferrolan.org

O Ateneo en blogger, facebook e twitter.

Faite soci@ on line! Colabora con nos! Aquí.

Para axudas e colaboracións económicas:
CC en Cajamar Cooperativa.
Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
21 de junho de 2016 12:36
__________________

Remunicipalizar: podese, e ademais, debese,... Por Jordi Colomer

Por Jordi Colomer [*]
21.06.2016

Porque a mediados da segunda década do terceiro milenio, estamos nunha guerra polo control dos recursos públicos. O botín; O control duns 40.000 millóns de euros anuais que as administracións públicas locais adican para a prestación de servizos básicos a veciñanza. Na xestión pública, transparente e participativa, o aforro medio respecto da xestión privada está entorno a un 30%. E dicir a través do control do monopolio dos servizos públicos, a empresa privada expropia-nos colectivamente do coñecemento da autoxestión e ademais levase unha plusvalía de 12.000 millóns de euros anuais (O importe do rescate de Catalunya Caixa, tres veces os recortes de la Generalitat de Catalunya).

Esta é una de las trincheiras da loita de clases. Eles (os propietarios das accións das “empresas” de servizos) sabe-no e utilizan todas as súas ferramentas dispoñíbeis para asegurarse o seu botín. Unha delas, unha interpretación parcial e restritiva da chamada lei Montoro.

Falase moito de que a Lei de Racionalización e Sostebilidade das Administración Local (LRSAL), impide contratar o persoal necesario para recuperar os servizos municipais.  Pero en cada lei de orzamentos xerais do estado, permite-se a contratación de persoal temporal para a realización dos servizos esenciais (auga, residuos, transporte), e para cubrir as necesidades básicas (limpeza viaria, alumeado público, saneamento, servizos sociais, parques e xardíns, e os demais servizos de prestación obrigatoria por parte dos concellos).

Tamén din os que non queren remunicipalizar que “Europa”, a unión mercantil europea, prohibe rescatar os servizos públicos privatizados. De feito a nova directiva de contratación pública obriga a cumprir os contratos. E dende o pasado 16 de abril xa non podemos rescatar un servizo privatizado para remunicipalizar-lo. Pero una vez extinguido o contrato, non hai ningunha limitación para volver a xestión pública. E é mais, pode-se continuar rescindindo un contrato si a parte privada está incumprindo de forma grave e reiterada as súas obrigas contractuais. E crede-me que é algo moi moi habitual.

O único freo as remunicipalizacións son as inercias dunha administración local que se ten acomodado nas externalizacións (moitas veces con corrupción e outros fraudes), e a falla de vontade política real para estar na trincheira que como clase non podemos nin debemos renunciar e reverter estas concesións.

Necesitamos que se adiquen recursos públicos para fiscalizar as contratos actuais, recursos para volver a coñecer o servizo, e a partir deste coñecemento básico prestalo de forma directa . E estes  recursos de onde van a saír? Do aforro dos sobre-custes da xestión privada.

E como financialo? Tocará ver en cada caso que opcións temos, na política local a chave está en detectar os proxectos clave e priorizar os que xeren maior beneficio social. Neste momento sería clave liberar o parasitismo que supón adicar sobre 30% dos recursos públicos municipais a engordar as contas dos Florentino Pérez de quenda, e poder dispor así de maiores orzamentos para as políticas sociais.

Ante nos tamén está a ameaza do TISA (peor que o TTIP nos servizos públicos) onde os estados que o subscriban, obrigan-se a impedir que haxa marcha atrás nos servizos que xa están privatizados.

Naomi Klein conta na doctrina do Shock, que en procesos de cambio, o poder económico non ten ningún problema en ceder na xestión dos símbolos do pobo, mentras a xestión económica siga nas suas máns. Claro exemplo é o de Sur-África, permitindo a Nelson Mandela liderar a democratización do estado, mentras as élites económicas “ocupabanse” da economía. Agora o pobo e “libre” e mais pobre que antes tamen.

Por is non só se pode, senón que se debe. Hai moito traballo, moito traballo por facer,  e un traballo lento e xordo, pero altamente necesario.

De que lado estamos?

[*] Jordi Colomer i Missé, activista e técnico especializado en remunicipalización e xestión dos servizos públicos. Licenciado en Ciencias Ambientais pola UAB. Foi Alcalde  de  Arenys  de  Munt, onde foi o  responsábel da remunicipalización da auga do concello entre 2011 e 2014 .

---
PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!

Coordinadora Promotora da Plataforma

    Alexandre Carrodeguas.
    Fernando Ramos Armesto.
    Pablo Portero.
    Bernardo Rego Gárate.
    Lupe Ces.

correo-e:
remunicipalizacion.plataforma@gmail.com

Blogue:
https://plataformaferrol.blogspot.com.es/

Enviado por:
Alexandre Carrodeguas
-republicadetraballadoras@gmail.com-
10 de junho de 2016 10:09
____________

Enlaces relacionados:

A remunicipalización da xestión de servizos municipais. | 10 febr., 2016 a Blog / Campanyes | Autor: Jordi Colomer i Missé, especialista en xestión de servizos públicos municipais e remunicipalización. | Font orixinal: Ecología política, Nº 49, 2015, págs. 106-111. | Acceder ou baixar, en PDF ou HTML.
________________

A Rede Galega en Apoio ás Persoas Refuxiadas en Ferrolterra, mobilizou-se polas rúas de Ferrol, saíndo en manifestación até o Cantón, onde tivo lugar unha concentración na que Alberto Ameneiros deu lectura ao manifesto unitario: Rachemos coas fronteiras, non ás guerras

A Rede Galega en Apoio ás Persoas Refuxiadas en Ferrolterra, mobilizou-se polas rúas de Ferrol, este domingo 19 de Xuño, saíndo en manifestación sobre as 12 do mediodía, desde a Praza Amada Garcia até o Cantón, onde tivo lugar unha concentración e a lectura, por parte de Alberto Ameneiros -veciño da comarca que retornou hai escasos días do campo de Idomeni (Grecia), onde estivo como voluntario- do manifesto unitario: Rachemos coas fronteiras, non ás guerras.

O acto encadra-se no 'Día mundial das persoas refuxiadas' [*]. onde houbo centos de mobilizacións en todo o mundo, por unha pasaxe segura para as persoas refuxiadas e inmigrantes, por un forte 'Non ás guerras' e contra as fronteiras criminais. As mobilizacións esixiron rutas legais sen condicións; o cumprimento dos convenios internacionais en materia de asilo e refuxio; que se revise en profundidade a política migratoria e exterior europea; e o respectos dos dereitos humanos das persoas que se viron obrigadas a fuxir da guerra, a violencia e a fame.


https://youtu.be/ruqgHcIzPGI

Web de referencia da Rede:
http://www.rederefuxiadas.org/

@GalRefuxiadas

Manifesto subscrito polas organizacións adscritas á Rede o pasado 20 de Abril de 2016 | Acceder/Baixar.

[*] O 4 de decembro de 2000 a Asemblea Xeral das Nacións Unidas na Resolución 55/76 decide que, a partir do ano 2001, o día 20 de xuño sexa o Día Mundial dos Refuxiados. | + Info.
--
Información baseada na achegada polo:
Foro Galego de Inmigración - Coordinadora de Ferrolterra
ferrol.forogalegoinmigracion@gmail.com
https://www.facebook.com/forodeinmigracionferrolterra2015/
__________________

Denuncian ante o Xulgado de Ferrol que o vindeiro domingo 19 de Xuño, está prevista a entrada na Ría dun gaseiro cargado con gas natural licuado para a ilegal e perigosa Reganosa, cando xa ten anulada a utorización para operar por tres sentenzas firmes do Tribunal Supremo

O Comité Cidadán de Emerxencia para a Ría de Ferrol denuncia no Xulgado de Ferrol a próxima entrada dun gaseiro cargado de GNL

Ante a inminente chegada dun gaseiro cargado con GNL a nosa Ría, representantes das Asociacións: Plataforma de Veciños “O Cruceiro de Mehá” de Mugardos, Asociación Cultural FUCO BUXÁN, de Ferrol er a asociación ecoloxista ADEGA, de Ferrolterra, integradas no Comité Cidadán de Emerxencia para a Ría de Ferrol, presentaron ante o Xulgado de Ferrol a seguinte denuncia:

A planta de regasificación de REGANOSA, localizada en Punta Promontoiro, no Concello de Mugardos, non dispón de autorización para o seu funcionamento por sentenzas firmes do Tribunal Supremo que foron comunicadas ás distintas Administracións.

Temos coñecemento, a través do Xestor Técnico do Sistema Gasístico (ENAGÁS), que, coa pleamar do día 19 de xuño, ten prevista a entrada o buque gaseiro “Castillo de Villalba” na Ría de Ferrol e o posterior atraque no pantalán de REGANOSA, para descargar gas natural licuado que será almacenado nos tanques de que dispón esta empresa e que posteriormente sería incorporado ao Sistema Gasista do Estado

Todas estas operacións entrañan un risco para as poboacións próximas e supoñen un evidente menosprezo ás decisións do máis alto Tribunal do Estado, feitos que poderían constituír un delito de desobediencia á autoridade; contra a ordenación do territorio e contra a seguridade colectiva. Esta actitude reincidente -posto que é o terceiro buque que realiza estas operacións tras as sentenzas citadas- motivou xa unha denuncia pola nosa banda ante o xulgado de garda o día 21 de maio deste ano.

Consideramos responsables destas actuacións ao Capitán Marítimo de Ferrol: Jorge Cao, ao Presidente da Autoridade Portuaria de Ferrol-San Cibrao: José Vilariño, ao Director de REGANOSA: Emilio Bruquetas, e ao Director Xeral do Xestor Técnico do Sistema Gasista de ENAGAS.

Ferrol, a 17 de Xuño de 2016.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

17 de junho de 2016 17:25

_______________

A débeda: a gran ausente no debate do 13X e na campaña electoral, ... Por Yago Álvarez

Máis de 100 activistas e políticos asinan un manifesto por unha auditoría pública. | A débeda: a gran ausente no debate do 13X e na campaña electoral

Encaramos a recta final desta segunda campaña electoral e, por fin, puidemos ver un debate no que se enfrontaron os catro candidatos dos partidos maioritarios. Durante o bloque dedicado a debater temas económicos faláronse moitos dos asuntos que preocupan á cidadanía española, pero, como ocorreu nas pasadas eleccións, volveuse a obviar un tema económico que afecta dun xeito transversal aos demais: a débeda.

Por Yago Álvarez [*]
15.06.2016

A débeda: a gran ausente no debate do 13J e na campaña electoral

"Todos contra Rajoy na parte de economía", proclamaron os medios durante o día de onte ao falar sobre este tramo do debate no que Sánchez, Rivera e Iglesias recriminaron os continuos recortes que sufrimos durante os catro últimos anos, a precarización do mercado laboral, as cifras de crecemento ou o exceso de déficit público. Pero ningún deles nomeou a grave situación de endebedamento na que se atopa o país.

O nivel de débeda é sen dúbida a cifra macroeconómica máis escandalosa da nosa economía. A que sufriu unha maior desviación nos últimos catro anos. A débeda do Estado español incrementouse nuns 350.000 millóns de euros, pasando de estar en torno ao 60% a comezos de 2012 ao 100% do PIB na actualidade. A partida dos Orzamentos do Estado para o pago dos intereses da débeda é de 33.490 millóns de euros en 2016, a terceira maior partida só detrás do pago das pensións e as transferencias ás comunidades autónomas. Dita cantidade é catro veces máis dos 8.000 millóns que nos pide recortar Bruxelas para equilibrar o noso déficit e superior a ese crecemento do 3% do PIB "que equivalería a 30.000 millóns" do que tanto alardea o Goberno.

Máis aló das cifras económicas, o pago desta débeda foi o único motivo polo que se modificou a nosa Constitución desde que se asinou en 1978. Algo que non ocorreu con ningunha das outras cuestións e problemas que abarcan un gran espazo nos debates e campañas electorais, como a cuestión de Cataluña ou o dereito á vivenda.

Fálase dos recortes, pero non do que os causa

Unha das principais armas arreboladizas que usaron contra Rajoy os outros tres candidatos foron os recortes. As cifras e porcentaxes de diminución das partidas de sanidade, educación, I D, protección social ou as dedicadas a políticas de igualdade foron vertidas polos tres candidatos a modo de acusación sobre o presidente en funcións. Novamente, ningún deles falou de cal é a partida dos Orzamentos do Estado que nunca deixou de aumentar nos últimos anos.

Na gráfica podemos observar como creceu a partida dedicada ao pago de intereses ao mesmo tempo que os recortes diminuían as partidas das que tanto se falou no debate. En 2012, gastámonos 26.696 millóns de euros, 28.574 millóns en 2013, 33.372 millóns en 2014, 33.000 millóns en 2015 e para este ano 2016, tal e como indicabamos anteriormente, presupostáronse 33.490 millóns de euros.

Por que ningún partido fala da débeda?

O tema da débeda parece que segue sendo completamente tabú nos discursos, mitines e debates políticos, por non falar das "auditorías cidadás", término que só oímos na campaña electoral de Podemos ás eleccións europeas fai dous anos. Como se explica no artigo "Por que a débeda non aparece no CIS", a débeda non está entre as nosas preocupacións porque as elites financeiras e políticas encargáronse de separala das súas consecuencias no noso imaxinario. Esta estratexia reflíctese claramente nas campañas electorais, nas que os partidos políticos eluden completamente o tema restando importancia a un asunto que, como xa vimos, afecta transversalmente a toda a poboación.

"Si non é polas nosas políticas, estariamos como Grecia"

Algúns dos candidatos aproveitaron a difícil situación de Grecia para atacar ao candidato de Unidos Podemos e así sacar rédito político dos abrazos entre Iglesias e Alexis Tsipras durante a campaña electoral grega. Debuxaban un escenario no que España acabaría na mesma situación que Grecia si gobernase Unidos Podemos.

A situación de Grecia e España ten varios factores en común en canto aos seus niveis de débeda, pero con catro anos de distancia. Os dous países sufriron un bipartidismo cheo de corrupción e malgasto que os levou a uns niveis de débeda insostíbeis. A débeda de Grecia, nas eleccións xerais de fai cinco anos, era a equivalente ao 100% do seu PIB, exactamente a que ten España agora mesmo. En Grecia, unha "gran coalición" do bipartidismo adoptou os novos recortes austericidas que a Troika esixiu, igual que os 8.000 millóns de euros que Bruxelas xa pediu que España recorte, algo que Mariano Rajoy prometeu facer nunha carta enviada ao xefe da Comisión Europea, Jean-Claude Juncker. Catro anos de goberno do bipartidismo grego aplicando as receitas de austeridade e de privatizacións levaron a débeda do país heleno ao 180% do seu PIB, algo que podería ocorrer en España cun goberno que non reverta as políticas de austeridade e nin realice unha auditoría da débeda. O presidente en funcións afirmou durante o debate que si non fose polas políticas aplicadas polo seu partido nos últimos catro anos "estariamos como Grecia", pero as cifras da débeda indican que continuar con estas políticas estanos levando exactamente pola mesma sorte que os gregos, pero deste paralelismo tampouco falou ninguén durante o debate dos candidatos nin durante a campaña.

Coa intención de introducir a problemática da débeda no debate político, a Plataforma da Auditoría Cidadá da Débeda (PACD) publicou o manifesto "O novo goberno do Estado español debe auditar a débeda pública con activa participación cidadá", que arrinca coas firmas de máis de 100 activistas, políticas e políticos entre os que se atopan Carlos Sánchez Mato, concelleiro de Economía e Facenda da cidade de Madrid; Eric Toussaint, portavoz do Comité pola Anulación da Débeda do Terceiro Mundo; Lidia Senra, eurodeputada por Alternativa Galega de Esquerda, ou Miguel Urbán Crespo, eurodeputado por Podemos. O manifesto, aberto para toda persoa que o queira asinar, farase chegar a todos os partidos políticos a última semana de campaña.

Publicado en El Salmon Contracorriente. | 15 de Xuño de 2016

[*] Yago Álvare Barba, Licenciado en Capitalismo (tamén chamado Administración e Dirección de Empresas) na Universidade Politécnica de Valencia. Activista e voluntario en movementos sociais e ONG como SETEM ou Economistas Sen Fronteiras promovendo as finanzas éticas, o comercio xusto e outras economías máis xustas. Membro activo da Plataforma da Auditoría Cidadá da Débeda. | Autor do blog O Economista Encabuxado (El Economista Cabreado) e membro fundador do medio de economía crítica e social O Salmón Contracorriente (El Salmón Contracorriente).
_____________

Ante a entrada na Ría de Ferrol, dun novo buque gaseiro, o LNG Castillo de Villalba, cargado con gas natural licuado para a ilegal e perigosa Reganosa, o Comité Cidadán de Emerxencia convoca unha concentración sonora, este luns 21 de Xuño, ás 8 da tarde na Praza Amada Garcia, diante do edificio da Xunta

CONCENTRACIÓN SONORA EN FERROL,
 LUNS 20 DE XUÑO, ÁS 8 DA TARDE
DIANTE DO EDIFICIO ADMINISTRATIVO DA XUNTA
NA PRAZA AMADA GARCIA

Un novo buque o "LNG Castillo de Villalba" cargado con miles de toneladas de gas natural licuado, ten previsto a súa entrada na Ría de Ferrol para descargar na ilegal e perigosa Reganosa. Un buque de grande porte con unha capacidade de carga de ducias de miles m³ de GNL (LNG). O buque entrará pola bocana da Ría e cruzará o angosto, estreito, de pouco calado e de fondo rochoso, canle de máis de 4.500 metros, até chegar ao pantalán de descarga do peirao de Punta Promontoiro, situado no termo municipal de Mugardos. Onde Reganosa coa complicidade de políticos sen escrúpulos construíu unha planta de gas que nos ameaza todo-los días, aumentando exponencialmente esta ameaza, sempre que entra na Ría un buque destas características, cargado para a perigosa e ilegal planta regasificadora de Mugardos. Este buque fai o gaseiro número 211 que descarga en Reganosa, desde que o fixera o "Galicia Spirit" en Maio de 2007.

Este é o segundo buque que entra na Ría, despois de que o Tribunal Supremo ditara a súa Terceira Sentenza firme contra Reganosa que anulou a autorización para a construción da planta regasificadora en Mugardos, encostada ao complexo petroquímico do Grupo Tojeiro (Forestal del Atlántico e Imegalsa).

Denuncia no Xulgado

Ante este feito ilegal e perigoso, tres entidades integradas no Comité Cidadán de Emerxencia, presentaron ante o Xulgado de Ferrol unha Denuncia, responsabilizando a persoas concretas de contratar, facilitar e permitir este atentado contra a seguridade das persoas e que unha planta regasificadora declarada ilegalizada por tres sentenzas firmes do Tribunal Supremo, mesmo a segunda confirmada, a maiores, por un Auto Aclaratorio do mesmo tribunal.

Diante do aumento da ameaza contra a seguridade e a vida, que supón a entrada dun novo buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol, como ven sendo habitual sempre que entra un gaseiro cargado na Ría de Ferrol, convoca unha acción de protesta e denuncia, consistente nunha Concentración Sonora, este luns ás 8 da tarde (Novo Horario) en Ferrol, na Praza Amada Garcia, diante do Edificio Administrativo da Xunta de Galicia.

Van catro anos, desde que o 11 de Maio de 2012 se ditou a primeira Sentenza firme polo Tribunal Supremo, onde a planta xa foi declarada ilegal, en sentenza inapelábel. O 15 de Setembro de 2014, foi admitido a trámite, polo Tribunal Supremo, o Recurso de Casación contra a decisión da Xunta de Galicia e o Concello de Mugardos que denegan a nulidade do novo PXOM en execución da mencionada Sentencia. E agora os pasado 28 de Marzo e 25 de Abril des 2016, dita-se a Segunda e Terceira sentenzas firmes do Tribunal Supremo contra o despropósito gasista de Reganosa, anulando a autorización previa de instalación e a autorización para a construción da mesma respectivamente.

Tras as sentenzas do Tribunal Supremo, que declaran ilegal a Reganosa, esiximos o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRAN AS SENTENZAS DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• MÓVETE CONTRA A IMPUNIDADE !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

18 de maio de 2016 18:22

_______________

Manifestación en Ferrol, como noutras cidades da Galiza e en miles de todo o mundo, por unha pasaxe segura para as persoas refuxiadas, por un forte 'Non ás guerras' e contra as fronteiras criminais - Este domingo 19 de Xuño, ás 12 do mediodía, desde a Praza Amada Garcia, diante do Edificio da Xunta

Este domingo 19 de Xuño, a Rede Galega en Apoio ás Persoas Refuxiadas en Ferrolterra, convocou unha Manifestación en Ferrol, como noutras cidades da Galiza e en miles de todo o mundo, por unha pasaxe segura para as persoas refuxiadas e inmigrantes, por un forte 'Non ás guerras' e contra as fronteiras criminais.

A manifestación de Ferrol, vai saír desde a Praza Amada Garcia, diante do Edificio Administrativo da Xunta de Galicia, este domingo 19 de Xuño, ás 12 do mediodía.

A Rede Galega en Apoio ás Persoas Refuxiadas, foi constituída o pasado 20 de Abril, en Santiago de Compostela, a nivel galego, e a ela están adheridos máis de 70 colectivos, asociacións, ONGD, sindicatos, partidos políticos e persoas individuais. O seu obxectivo é denunciar publicamente a inhumana xestión da crise das persoas refuxiadas levada a cabo polas diferentes institucións e gobernos da Unión Europea.

En Ferrolterra a Rede constituíu-se o 25 de Maio entre entidades xa adscritas a esta rede e outras novas de ámbito local. Presentada publicamente o pasado 31 de Maio nun emotivo acto que contou coa coa presenza de Alberto Ameneiros, veciño da comarca que retornara había escasos días do campo de Idomeni, en Grecia.  Alberto Ameneiros, non só informou da traxedia que viven miles de persoas, senón trouxo unha mensaxe desde os campos de refuxiadas cun único desexo de poder gozar do dereito a vivir en paz e de seren tratadas como seres humanos.

A Rede Galega en Apoio ás Persoas Refuxiadas, convoca estas mobilizacións o 18, 19 e 20 de Xuño declarado Día mundial das persoas refuxiadas [*].

Baixo o lema 'Non ás guerras. Rachemos coas fronteiras' A Coruña, A Guarda, Compostela, Ferrol, Lugo, Ourense, Pontevedra e Vigo sairán ás rúas para esixir rutas legais sen condicións; o cumprimento dos convenios internacionais en materia de asilo e refuxio; que se revise en profundidade a política migratoria e exterior europea; e o respectos dos dereitos humanos das persoas que se viron obrigadas a fuxir da guerra, a violencia e a fame.

Web de referencia da Rede:
http://www.rederefuxiadas.org/

@GalRefuxiadas

Manifesto subscrito polas organizacións adscritas á Rede o pasado 20 de Abril de 2016 | Acceder/Baixar.

[*] O 4 de decembro de 2000 a Asemblea Xeral das Nacións Unidas na Resolución 55/76 decide que, a partir do ano 2001, o día 20 de xuño sexa o Día Mundial dos Refuxiados. | + Info.
____________________

Davide Salvado este sábado 18 de Junho, às 22:30hs na Fundaçom Artábria

Davide Salvado, umha das vozes mais carismáticas do nosso país, estará o próximo sábado 18 de Junho no cenário do nosso Centro Social apresentando o seu último trabalho em solitário: "Lobos". O concerto começará às 22.30hs e a entrada é de 4 euros, 2 euros para pessoas associadas à Fundaçom Artábria. O bilhete também estará disponível em venda antecipada no café-bar do Centro Social, a um preço de 2 euros.

Após o concerto haverá foliada, anima-te e traz o teu instrumento.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
artabria@artabria.net-
17 de junho de 2016 14:47
____________

Encontro con Fernando Urruticoechea, economista e interventor xeral municipal no concello de Orihuela, este martes 21 de Xuño, ás 7 da tarde no Ateneo Ferrolán - Sobre a Remunicipalización centrada na problemática da nosa cidade en canto ao contrato eléctrico, a xestión do lixo e da auga.

A Plataforma na Defensa dos Servizos Públicos, pola Remunicipalización, organiza o próximo martes 21 de Xuño, ás 7 da tarde, no Ateneo Ferrolán (rúa Madalena. 202-204), un encontro con Fernando Urruticoechea[*], economista e interventor xeral municipal no concello valenciano de Orihuela (Alacante), de máis de oitenta mil habitantes.

"A corrupción é unha trama xigantesca na cal fai falta repartir moitas migallas"

O interventor Fernando Urruticoechea foi entrevistado no programa "Salvados" de Jordi Évole, o 3 de Novembro de 2013, sobre a corrupción no concello de Castro Urdiales en Cantabria, onde manifestaba que esta estaba ligada á construción. Aseguraba que para que uns poucos se poidan levar case todo "fai falta que haxan migallas", refírese aos contratos do día a día, de lixos, xardinería... onde "todo o mundo pilla". | + Info.

Noutro programa de televisión, LaSextaColumna, emitido o 22 de Xaneiro deste ano 2016, dicia-se que Fernando Urruticoechea era 'o Superinterventor', outro dos superherois de do programa que se emite os venres pola tarde en laSexta. No titular da reportaxe manifestaba-se que "O seu poder é detectar a corrupción nada máis entrar a un Concello. En 30 anos supervisou sete consistorios e viu de todo: contratos a dedo, plans urbanísticos sen sentido, facturas ilegais...". | +Info.

Xa estivera en Ferrol en Maio

O venres 13 de Maio deste  ano 2016, tiña lugar, en Caranza no local de Fuco Buxán, unha moi interesante xornada de traballo sobre municipalización, remunicipalización e loita popular-veciñal contra o saqueo das arcas públicas.

"Unha xornada Aberta sobre "Auga e Corrupción", coa presencia de Fernando Urruticoechea, organizada por membros da Iniciativa Cidadá pola Xestión Pública e Social do Ciclo da Auga e do Saneamento en Ferrol. Nesta xornada produciuse un moi interesante debate, sobre cuestións concretas que están sucedendo nas entrañas do goberno municipal de Ferrol. Sendo unha das consecuencias desta situación, a suspensión das xornadas previstas sobre o problema da auga, que tiñan sido organizadas co apoio do propio goberno municipal".

Pode-se ver a nova e o vídeo da súa intervención e posterior debate en Ártabra 21. Acto onde xorde a proposta de constitución desta Plataforma na Defensa dos Servizos Públicos, pola Remunicipalización.

Acto en Ferrol

O encontro, que se realizará por vídeo conferencia, terá carácter informativo e formativo, sobre os procesos de remunicipalización, e estará centrado na problemática da nosa cidade en canto ao contrato eléctrico, a xestión do lixo e da auga. Vemo-nos o próximo martes 21 de Xuño, ás 7 da tarde, no Ateneo Ferrolán (rúa Madalena. 202-204).

Ferrol, 17 de xuño de 2016

[*] Fernando Urruticoechea, economista e interventor municipal, con habilitación estatal, de categoría superior. Foi precursor das denuncias de corrupción xa en 1990 no concello de Galdakao (Biscaia), sendo máis coñecido o seu labor profesional, de control da legalidade, no Concello de Castro Urdiales (Cantabria), entre os anos 2001 e 2006. Máis recentemente tivo que informar acerca da corrupción existente no concello de Crevillente (Alacante), tamén case en total soidade. Como funcionario demostrou ser unha persoa comprometida co cumprimento da súa profesión, en defensa do interese xeral e moi activa contra a corrupción. Na actualidade é interventor xeneral municipal no concello valenciano de Oriola (Orihuela), na comarca do Baix Segura.

Como gañar a batalla da auga, de Fernando Urriticoechea. | Publicado o setembro 14, 2014 en Atlántica XXII (Revista Asturiana de Información e Pensamento). | Ir á Web.

PLATAFORMA NA DEFENSA DOS SERVIZOS PÚBLICOS, POLA REMUNICIPALIZACIÓN
Abonda de saqueo! Hai outras alternativas! Si se pode!
Pódese, débese e precísase!

Coordinadora Promotora da Plataforma

Alexandre Carrodeguas.
Fernando Ramos Armesto.
Pablo Portero
Bernardo Rego Gárate.
Lupe Ces.

-remunicipalizacion.plataforma@gmail.com-
https://plataformaferrol.blogspot.com.es/

Enviado por:
Plataforma Remunicipalizacion
-remunicipalizacion.plataforma@gmail.com-
18 de junho de 2016 01:43
_____________