Amosando publicacións coa etiqueta Ferrol en Común. Amosar todas as publicacións
Amosando publicacións coa etiqueta Ferrol en Común. Amosar todas as publicacións

martes, maio 11, 2021

Debate no Pleno da moción do BNG, sobre os proxectos eólicos que están solicitados para instalar nos montes costeiros de Ferrol - O Pleno comezou coa intervención dunha representación de diferentes asociacións veciñais, culturais, ecoloxistas e sociais, na voz da asociación de comuneiros do monte do Chá de Brión-Doniños - Interesante vídeo do conxunto do debate onde quedan reflectidas as argumentacións dos diferentes grupos municipais


O pasado xoves 29 de abril de 2021, celebraba-se o Pleno Ordinario do Concello de Ferrol, onde, entre outros asuntos, tratou-se unha moción do grupo municipal do BNG, sobre os proxectos eólicos que están solicitados para instalar nos montes costeiros de Ferrol (Cha de Brión, Monteventoso, A Lagoa, Mouga, Chamorro, ...). O debate no Pleno comezou coa intervención dunha representación de diferentes asociacións veciñais, culturais, ecoloxistas e sociais, na voz da asociación de comuneiros do monte do Chá de Brión-Doniños. No transcurso do debate quedan reflectidas as argumentacións dos diferentes grupos municipais (PP, PSOE, Ferrol en Común e o BNG).


O grupo municipal do BNG, presentou unha moción para ser debatida no Pleno co obxectivo de "protexer a zona natural do Concello fronte a proliferación de proxectos eólicos". Propuña-se que "o pleno rexeite a instalación do 'parque eólico Brión', situado nos terreos de propiedade municipal, nos montes do Chá, e denegue esta solicitude". Na mesma moción propuxo-se que o Pleno tamén rexeitara "a instalación dos outros parques eólicos solicitados para o noso concello e solicitar à Xunta de Galiza a paralizar a tramitación dos mesmos". A citada moción foi só apoiada polo grupo municipal de Ferrol en Común e rexeitada polo Pleno cos votos dos grupos do PP e do PSOE.

#NonInvasionEolica

#GalizaContraAmezaEolica

#RepartoXustoFondosEuropeosNextGeneration
_______

xoves, maio 23, 2019

Foi o acto central de Ferrol en Común coa presencia do lider de Podemos Pablo Iglesias, o deputado Antón Gómez Reino e a deputada Yolanda Díaz, e Jorge Suárez Alcalde de Ferrol e de novo candidato


Deixámosvos unhas imaxes e unhas frases que resumen perfectamente o acto de onte:

"A voz de Galicia volverá a publicar o luns 27 unha foto dun rapaz, con máis canas e un pouco máis vello, co puño en alto e dicindo «cambio histórico".

"É momento de facer balance… tivemos un mandato con moitas dificultades, tivemos pactos do PP e PSOE que nos quitaron os nosos soldos, tivemos concelleiras que foron tratadas de forma machistas nas comisións sistemáticamente, tivemos unha concelleira á que lle quemaron o coche, tivemos múltiples dificultades nos medios de comunicación para expresar as nosas propostas en positivo…".

"É o momento de escoller, un goberno coma vos ou un goberno cun conselleiro de benestar antisocial e de reganosa, que esconde as siglas do seu partido, seguramente porque é o máis corrupto de toda a historia da democracia" dicía Jorge Suárez.
"Quero abrir unha ventá de esperanza. O 26M a opción é Ferrol en Común ou o partido dos recortes. Ferrol en Común é un cambio histórico" Jorge Suárez.

"Se non nos mobilizamos Rey Varela terá a alcaldía. Fago un chamamento aos barrios de Ferrol para revalidar de novo a Jorge Suárez".

"O 26M hai que dicirlle á xente do naval, ás mulleres, ás traballadoras e ás persoas en paro que teñen que erguerse para votar a Ferrol en Común" berraba Yolanda Díaz.

"Ferrol é referente nas loitas obreiras, cidade que sabe poñer o común por diante. Queríannos separadas, pero estamos en Ferrol construíndo unha Galicia en común".

"Un bo resultado a nivel europeo e local é fundamental para construír un Goberno forte e progresista. Este 26M todas con Ferrol en Común" amosaba Antón Gómez Reino.

Pablo Iglesias comeza destacando que "es un orgullo estar en Ferrol apoyando a nuestro Alcalde, que ha sido ejemplar".

"Es muy importante que en las elecciones del domingo el peso que podamos tener en el poder municipal, en los gobiernos autonómicos.. sea grande, para que estemos más cerca de administraciones que trabajen al servicio de la gente" Pablo Iglesias.

"Por eso es tan importante que Jorge siga siendo Alcalde, porque lo que ha hecho en esta ciudad nos da fuerza, es un ejemplo de que se pueden cambiar las cosas desde los gobiernos. Adelante! Si se puede! Jorge va a seguir siendo Alcalde!" así remataba a súa intervención Pablo Iglesias.

Fonte: Web FeC.

#LugarDeTodas #FeCSI

http://ferrolencomun.gal/

Enviado por:
Inácio GZ
-inaciogz@gmail.com-
23 de maio de 2019 14:20

_________________________

martes, maio 21, 2019

Este mércores 22 de maio, ás 6 da tarde Ferrol en Común e Unidas Podemos Cambiar Europa, fan un acto central na Praza Vella, coa presencia de Pablo Iglesias, Yolanda Díaz, Jorge Suárez, Antón Gómez Reino, Vanessa Angustia e Carmén Rodríguez


Este mércores 22 de maio, ás 6 da tarde, Ferrol en Común e Unidas Podemos Cambiar Europa, fan un acto cental na Praza Vella, coa presencia de Pablo Iglesias (Secretario Xeral de Podemos), Yolanda Díaz (Deputada En Común no Congreso), Jorge Suárez (Alcalde de Ferrol e de novo candidato por FeC) e Antón Gómez Reino (Deputado En Común no Congreso), Vanessa Angustia e e carmén Rodríguez (Candidatas de Unidas Podemos Cambiar Europa).

Tamén é un acto de apoio a Ferrol en Común. Para continuar no goberno levando a cabo o mellor proxecto de cidade coas mellores persoas para facelo posible. #LugarDeTodas #FeCSI

http://ferrolencomun.gal/

Enviado por:
Inácio GZ
-inaciogz@gmail.com-
20 de maio de 2019 22:01

_________________________

sábado, maio 11, 2019

Mitín no Centro Cívico de Caranza de Ferrol en Común, Esquerda Unida de Mugardos, Xuntos por As Pontes, Narón por Diante, Son de Ares, coa participación de Antón Sánchez (Anova) e Eva Solla (EU) - Luns 13 de maio, ás 7 da tarde


Mitín no Centro Cívico de Caranza, coas candidaturas que se presentan nas comarcas baixo a coalición electoral Son en Común: Ferrol en Común, Esquerda Unida de Mugardos, Xuntos por As Pontes, Narón por Diante e Son de Ares, ademais vai contar coa participación do parlamentario galego de En Marea Antón Sánchez (Voceiro Nacional de Anova - Irmandade Nacionalista) e da parlamentaria galega, tamén de En Marea, Eva Solla (Cordenadora Nacional de Esquerda Unida). O acto vai ter lugar o vindeiro luns 13 de maio, ás 7 da tarde no Centro Cívico de Caranza,

➮ Ferrol en Común. | Web | Twitter | Facebook
➮ Esquerda Unida de Mugardos. | Web | Twitter | Facebook
➮ Xuntos por As Pontes. | Web | Twitter | Facebook
➮ Narón por Diante. | Web | Twitter | Facebook
➮ Son de Ares. | Web | Twitter | Facebook
➮ Anova IN. | Web | Twitter | Facebook 
➮ Esquerda Unida. | Web | Twitter | Facebook

Enviado por:
Inácio GZ
-inaciogz@gmail.com-
11 de maio de 2019 17:00

__________

luns, maio 06, 2019

Conversas en Común no barrio de Ultramar, con Ferrol en Común Aberto, hoxe luns 6 de maio ás 8 da tarde, no local social da asociación veciñal


Ferrol en Común reúnese coa veciñanza de Ultramar para trasladar o traballo no goberno e recoller as demandas veciñais de cara as eleccións municipais do 26M.

Conversas en Común no barrio de Ultramar, con ferrol en Común Aberto, hoxe luns 6 de maio ás 20:00hs. No local social da asociación veciñal de Ultramar.

Evento no facebook:
https://www.facebook.com/events/2584490708288287/

Hoxe é un bonito día para que nos sigades en todas as nosas redes e non perdades detalle 👇

🐥Twitter - @ferrolencomun
📱Facebook - Ferrol en Común
📸 Instagram - @ferrolencomún
📠 Telegram - t.me/ferrolencomun
📲 What's App - ALTA ao 676357087

Enviado por:
Inácio GZ
-inaciogz@gmail.com-
02 de maio de 2019 21:15

_______

venres, abril 19, 2019

Non dobregarse ten un prezo, ... Jorge Suárez, Alcalde de Ferrol, denuncia a actitude da 'La Voz de Galicia'


Por Jorge Suárez Fernández [*]
19.04.2019

Todos os días a Voz de Galicia, na súa edición de Ferrol, utiliza o contraste chusco como medio de divulgación e propaganda. Abre con Suárez fracasa, pecha con Rey Varela promete.

Non dobregarse ten un prezo. Foron, e son, moitas as persoas do mundo da política, o empresariado, o asociacionismo as que me aconsellaron, algunhas case imploraron, paga, paga, paga... ceder e dotar a esa empresa privada de fondos públicos para que falen ben dun sería o fácil. Nunca. Fomos o único mandato que aguantou a presión.

A primeira chamada que tiven ao gañar as eleccións foi do, por entón, delegado da edición de Ferrol da voz, Carlos Agulló. Antes incluso que familiares e amigos, insistiu en tomar un café. Inxenuo e recén chegado, accedín. Vímonos na cafetería Las Palmeras o martes seguinte á cita coas urnas. Expúsome toda a batería de actuacións subvencionadas polo concello e demandoume manter ese estatus. Foro Voz, marcha da bicicleta da Voz, microprogramas na radio... decenas de miles de euros. Non me pareceu lóxico nin xusto. Posteriormente Carlos foi trasladado á Coruña.

O novo delegado, Andrés Vellón, a un tempo de selo, chamoume para tomar un café. Esta vez foi en Bonilla. Chegou a darme pena velo suplicar, contándome que era o faime rir das delegacións por ter tan pocos recursos da administración local.

E así é a verdade, incómoda, áspera e cortante, pero hai que dicila. O concello debe procurar un reparto equilibrado e transparente aos medios de comunicación. Nós non participamos de núcleos de decisión non democráticos e se ese é o custo que hai que asumir adiante a manipulación, o vantaxismo político, o acoso e derrubo e a subestimación dos lectores. Afortunadamente eu creo na intelixencia e na bonhomía para cambiar o mundo e creo que 1984 ten unha fenda no sistema, que eses tempos cavernarios están a chegar ao seu final definitivo..

Por certo, todo o meu cariño e apoio ao colectivo de xornalistas, que a maioría traballan en condicións infames e co que ao longo destes catro anos mantiven unha relación máis que cordial, dende a admiración dun que tivo esa vocación frustrada e o respecto ás súas maratonianas xornadas de traballo.

Nós seguiremos sendo as mesmas persoas. Eles tamén, pero hai que dicilo máis. E quizais dicilo aviva o lume, pero non é país para covardes.

Twitter | Facebook

[*] Jorge Suárez Fernández, Vigo, 1975. Alcalde de Ferrol (2015-2019).  Licenciado en Dereito. Funcionario da Administración de Xustiza, sindicalista e activista social. Membro de Ferrol en Común.

Enviado por:
Inácio GZ
-inaciogz@gmail.com-
19 de abril de 2019 10:20

____________

xoves, maio 31, 2018

Acto Terceiro Aniversario que celebra Ferrol en Común: 'Tres Anos de Municipalismo', no Centro Cívico de Canido, o sábado 2 de xuño, desde as 5 da tarde, coa participación de Sonia Mauriz, Modesto Renda, María Chao, María Rozas e os alcaldes d'A Coruña e Ferrol Xulio Ferreiro e Jorge Suárez


Acto Terceiro Aniversario: 'Tres Anos de Municipalismo' que celebra Ferrol en Común, no Centro Cívico de Canido, o sábado 2 de xuño, desde as  5 da tarde, coa participación de Sonia Mauriz (Presentadora do acto), Modesto Renda (Vilalba Aberta), María Chao (Xunt@s por As Pontes), María Rozas (Compostela Aberta), Xulio Ferreiro (Marea Atlántica) e Jorge Suárez  (Ferrol en Común).

Centro Cívico de Canido
Rúa Poeta Pérez Parallé, 15401 Ferrol
Sábado, 2 de xuño, de 20189, ás 17:00hs

Evento en facebook.

Páxina de Ferrol en Común no Facebook |
ferrolencomun@gmail.com |
https://ferrolencomun.gal/

______________

xoves, maio 10, 2018

O Pleno Extraordinario de Ferrol aproba os Orzamentos para o 2018, proposto polo goberno municipal co apoio dos grupos do BNG e PSOE que contribuíron con propostas concretas que foron negociadas con antelación, mais fixo falta o voto de calidade do Alcalde ante a abstención de Esther Leira, e o voto en contra do PP e Ciudadanos - Vídeo do Pleno


O Pleno Extraordinario de Ferrol aproba os Orzamentos para o 2018, proposto polo goberno municipal co apoio dos Grupos Municipais de 'Ferrol en Común', BNG e PSOE, contribuíndo estes últimos con propostas concretas que foron negociadas con antelación, mais fixo falta o voto de calidade do Alcalde ante a abstención de Esther Leira. Posicionamento que a Concelleira explica no Pleno que se pode escoitar no vídeo do Pleno que achegamos. E os votos en contra de Ciudadanos e Partido Popular.

A aprobación dos Orzamentos 2018 e o cadro de persoal, no Pleno, veu precedido dun acordo pactado entre o grupo de goberno e o BNG por unha banda e por outra un acordo entre 'Ferrol en Común' e o grupo do PSOE. E emendas presentadas no Pleno que foron aceptadas.

Ao final o orzamento pasou de 67.182.261,29 euros iniciais a 69.172.261,29 finais, 1.990.000 euros a maiores, por mor de ter aceptado as emendas propostas.

O Pleno tiña lugar hoxe 10 de maio de 2018, ás 10 da mañá de tres horas de duración.


https://youtu.be/sK7HTMTGvPY


Enlaces relacionado.-

A nova na Web oficial do Concello de Ferrol. | xoves, 10 de maio de 2018. |
APROBADOS OS ORZAMENTOS MUNICIPAIS PARA O 2018  | O documento económico foi aprobado inicialmente esta mañá en pleno extraordinario logo de tres horas de debate co apoio de BNG e PSOE A cifra global ascende a 69.172.261,29 euros coa prioridade na inversión, no gasto social e na creación de emprego público O superávit da liquidación de 2017 deixa un amplo marxe para axilizar as inversións prioritarias “É un día de orgullo. Son os orzamentos mais elevados i expansivos da historia de Ferrol e suporán un salto cualitativo para a nosa cidade”, di Suárez. | E o ANEXO ENMENDA IN VOCE ORZAMENTOS 2018 GRUPOS PSOE E BNG. | Ir á Web.


En Ártabra 21. | A necesidade de aprobar os Orzamentos Municiapis de 2018 - Agardemos que se hai cordura e acordo, este serva, para abordar os asuntos urxentes de Ferrol, como son o sistema de saneamento, Emafesa e o prezo da auga. Así como todos os servizos que están sen contrato e en especial o da recollida de lixo. Axilizar os investimentos que se aproben. E poñer as bases da remunicipalizacion, do parque público de vivendas, da rehabilitación, do plano de emprego.... | ir á Web.
______________

venres, outubro 06, 2017

Engano, fracaso e fraude, así calificamos desde a Plataforma na Defensados Servizos Públicos, pola Remunicipalización, o acordo do Alcalde Jorge Suárez e o seu goberno municipal, de propoñer en Comisión e Pleno a recuperación da Taxa de Depuración do Partido Popular - Diante desta situación a Plataforma acordou esixir a dimisión do rexidor municipal, se continua adiante con esa proposta

Concentración contra a Taxa do Partido Popular
17.02.2015 - Foto deRaúl Salgado en Ferrol 360

mércores, xuño 28, 2017

Convocatoria dun encontro da esquerda para valorar a situación municipal e os dous anos de goberno municipal en Ferrol - Este xoves, 29 de xuño, ás 19.30hs no Ateneo Ferrolán - Esta convocatoria pretende interpelar a todas esas persoas que consideren que é preciso reflexionar serenamente sobre a situación e tentar construír unha interpretación contrastada e compartida


Estamos no ecuador do mandato municipal. O pasado 24 de maio cumpríanse dous anos das últimas eleccións locais e o pasado 13 de xuño outros dous da elección de alcalde. Naquel momento o PP pasaba á oposición e formábase un goberno de esquerdas por medio dun acordo entre Ferrol en Común e o PSOE co apoio do BNG na investidura.

O programa e propostas electorais de Ferrol en Común e o Acordo co PSOE, abrían unha etapa de esperanza e ilusión. Para moitos/as coa lexítima ilusión de quen formaba parte do proxecto, outros/as máis críticos con Ferrol en Común, divididos entre quen pensaron que había que cooperar e que Ferrol en Común sería o primeiro interesado en procurar esa colaboración, e quen pensaban que era mellor non interferir porque calquera cuestionamento ao goberno só podía beneficiar ao PP.

En calquera caso, para todos/as abríase unha etapa chea de incógnitas no político, ás que se sumaban outras no ámbito máis inmediato e orgánico, como o funcionamento da coalición (EU-Anova-”Inscritos en Podemos”), ou o do Grupo Municipal de Ferrol en Común ou do acordo de goberno de Ferrol en Común co PSOE, así como a capacidade de diálogo co BNG como socio imprescindible de futuro para moitos acordos necesarios, ou a capacidade e compromiso das persoas que lideraban o proxecto, ou a vontade de ampliación da influencia social de Ferrol en Común, ou a súa consolidación como alternativa política, e mesmo a súa contribución á maduración dunha alternativa política galega máis aló de simples plataforma electoral…

Pero moito máis importante que todo isto era que se abría unha nova etapa presidida polas anunciadas políticas “claramente de esquerdas” e centradas na remunicipalización de servizos, na transparencia, na participación cidadá…

Neste momento boa parte daquelas incógnitas deixaron de selo. Ten pasado tempo suficiente como para saber cales son as prioridades, compromisos, capacidades e actitudes do goberno municipal, e podemos prever o que poden depararnos os dous anos escasos que restan de mandato.

Durante estes dous últimos anos todos/as nós temos falado en múltiples ocasións sobre estas cuestións. Seguramente de maneira informal, fragmentaria, con máis ou menos información contrastada… Seguramente teñamos comentado na nosa contorna persoal a preocupación pola inercia e a ausencia de proxecto do goberno local de Ferrol en Común “+2” e teñamos manifestado a preocupación polo futuro.

Esta convocatoria pretende interpelar a todas esas persoas que consideren que é preciso reflexionar serenamente sobre a situación e tentar construír unha interpretación contrastada e compartida. Non se trata de romper o goberno, senón que reaccione a favor do cumprimento do programa electoral e que a actitude da practica política municipal volva a ilusionar a súas bases sociais e ao conxunto da cidadanía.

Moitas persoas pertenceremos ao espazo político-electoral de AGE ou de En Marea, algunhas terán formado parte de Ferrol en Común, outras da Marea Ártabra, outras quizá de ningunha, pero en calquera caso todos/as compartiremos a preocupación polo futuro do concello de Ferrol.

Vémonos pois o vindeiro xoves, día 29 de xuño ás 19:30 hh. no Ateneo Ferrolán.

Enviado por:
Lucia Vizoso
-luciaxocaloma@gmail.com-
26 de junho de 2017 12:54

_____________

sábado, maio 28, 2016

O contrato eléctrico, ... por Lupe Ces - Vídeo: o debate sobre a remunicipalizaçom do serviço eléctrico em Ferrol no Pleno Municipal


Por Lupe Ces [*]
28.05.2016


Onte o BNG apresentou umha moçom para a renúncia do contrato eléctrico de subministro e mantimento. Um contrato começado a tramitar no anterior governo do PP. Um contrato a15 anos de mais de 41milhos de euros. A fórmula está muito extendida: umha multinacional (FCC) e umha empresa local SEFCON. O administrador de SEFCON, Borja Silveira Rey, pertence também a um bufete transnacional de advogados (LAMAS Y Asociados) [1] que tenhem oficinas em Ciudad de Panamá, Shangai, Republica Dominicana, Madrid, A Corunha e Ferrol. Este mesmo bufete de advogados, tem um contrato de serviço de defensa judicial e assistência jurídica co Concelho de Ferrol, assinado polo antigo alcalde. Esse bufete redactou um informe externo, solicitado polo alcalde Jorge Suárez, conforme nom se podia desestimar nem renunciar ao contrato, que está a piques de rematar o seu procedemento num pleno municipal. A assembleia de Ferrol en Común, inexplicavelmente, aprovou seguir adiante co contrato. No pleno da quinta-feira, a moçom do BNG que propóm a renuncia tivo os votos a favor do BNG e do PSOE, Ciudadanos e Ferrol en Común abstiverom-se e o PP votou em contra. A continuaçom pode-se escoitar e ver como se desenvolveu o debate no pleno. A remunicipalizaçom é possivel. Si se pode!


https://youtu.be/IqL_mRsu-ws

Debate no pleno municipal do dia 26 de Maio de 2016 da moçom do BNG relativa à renúncia ao contrato de subministro e mantimento eléctrico para a sua remunicipalizaçom.Publicado em 27 de Maio de 2016, na Canle do BNG Ferrol.

[1] Nota.- Por outra banda, o alcalde de Ferrol (José Manuel Rey Varela) tamén informou doutros dous asuntos que viron luz verde na Xunta de Goberno celebrada esta mañá. Un deles foi a contratación do servizo de auditoria externa e verificación do programa Urban da que se ocupará “Auditores de Empresas Asociados S.L” por un montante de 17.157,80 euros (21% de IVE incluído) e un prazo de execución dun ano. O outro tema abordado na reunión ordinaria do executivo municipal foi a contratación do servizo de defensa xudicial e asistencia xurídica do Concello de Ferrol á “UTE Bufete Pieltain-Fuertes y Asociados S.L.P y Lama Abogados S.L.P” por un montante de 171.820 euros ao ano (21% de IVE incluído). Este contrato terá un tempo de duración de catro anos (Fonte: Web do Concello - 09.03.2015).

[*] Lupe Ces Rioboo, é umha das pessoas da coordenadora promotora dumha "Plataforma pola Remunicipalización dos Servizos Públicos", iniciativa cidadá que em primeiro lugar pretende parar o Contrato Eléctrico que tramita o Concelho de Ferrol.

Artigos de Lupe Ces en Ártabra 21.

Enviado por:
Lupe Ces
-lupeces@gmail.com-
28 de maio de 2016 01:15
http://lupeces.blogspot.com/
___________

mércores, maio 04, 2016

A asemblea de Ferrol e Común acorda seguir adiante co pacto de goberno, pero establecendo novas condicións - Reportaxe de Marta Corral en Ferrol360 -29 de Abril de 2016


A continuación publicamos unha reportaxe completa da Asemblea de Ferrol en Común que tivo lugar o pasado 29 de Abril. Unha xuntanza que tiña creado expectativas, dado que se deixaba en mans dunha asemblea aberta á cidadanía, con inscrición previa até minutos antes da celebración da mesma, a continuación ou non do pacto de goberno municipal que mantén a mencionada formación política xunto ao PSdeG-PSOE. Pola importancia da mesma, publicamos en Ártabra 21 a moi boa reportaxe da xornalista Marta Corral cofundadora de Ferrol360.

A asemblea de FeC acorda seguir adiante co pacto de goberno, pero establecendo novas condicións

Acordo practicamente unánime da asemblea de Ferrol en Común para continuar a lexislatura xunto ao PSOE, pero iso si, establecendo unhas novas liñas vermellas que virán procurar a garantía de que o Executivo actúe de forma cohesionada, como propoñía o Grupo Municipal.

Anunciába-o Jorge Suárez, que lonxe de estar alí como alcalde ou como número uno de FeC, facíao como "un máis con voz propia", avanzando que esas novas condicións garanten "a continuidade do pacto, pero non a calquera prezo, cuns límites moi claros".

Aclarando que a súa formación non vai desprenderse de ningunha concellaría no novo reparto de áreas trala saída dos dous edís, Suárez avanzou que antes de trasladarlle ningún documento os seus socios socialistas celebrarán unha Coordinadora aberta que elabore a proposta firme e esa terá que ser ratificada de novo pola Asemblea.

Trátase dun paquete de medidas que, explica Suárez, "sirva para blindar o Goberno vos vindeiros tres anos, pero tendo en conta que hai liñas vermellas", anticipando que de non cumprir o PSOE o seu parte do trato, "non vai haber máis oportunidades".

Para o líder de Ferrol en Común a formación saíu "reforzada" desta "crise", xa que "quedou demostrado que aparcamos as nosas diferenzas e centrámonos non que máis únenos". Un extremo que quedaría simbolizado no abrazo que Suárez se daba con Carlos do Río, un dos máis críticos coa xestión municipal de FeC, ao finalizar o acto.

Liñas vermellas para cohesionar

As novas condicións de FeC pasan por dar máis competencias á Xunta de Goberno, sobre todo en materia de contratación, para que sexa o órgano central do Executivo e impida actuacións individualizadas. Ademais, propoñerán a creación dunha comisión de seguimento do pacto -con persoas dos dous partidos, que sirva como órgano fiscalizador e de resolución de conflitos.

A nova folla de ruta pasaría inevitablemente tamén pola renegociación de áreas partindo da base de que "dende ou grupo municipal, consideramos que ante o desequilibrio inicial do pacto, non podemos perder competencias substanciais, como Facenda".

Como colofón a estas liñas vermellas, fixan a "resolución inmediata e consensuada dos contratos de servizos, electricidade, lixo e auga, xa que a parálise está a producir un desgastar evidente, ademais de poñer en risco vos recursos municipais".

Crónica dunha asemblea máis áxil do esperada

Cun cuarto de hora de atraso comezaba a asemblea de Ferrol en Común fixada para as sete da tarde no centro cultural Carvalho Calero, con catro dos edís da formación presidindo a reunión -o concelleiro de Cultura, Suso Basterrechea, non puido acudir por motivos de axenda-, e un auditorio que albergou a preto de 150 persoas.

O líder da formación, Jorge Suárez, tomou a palabra en primeiro lugar para recoñecer publicamente o labor da concelleira de Facenda, Eugenia Freire, que presentaba este xoves a súa renuncia formal que non se fará efectiva ata o pleno extraordinario do próximo martes.

Leu a continuación o comunicado consesuado entre os edís na pasada reunión da Coordinadora, adiantando que "non é o momento de valorar negociacións programáticas", pero recoñecendo que o reparto de áreas de goberno entón "non acadou o equilibrio" con respecto ao resultado electoral.

Na lectura do documento recordaba Suárez que a intención de Ferrol en Común era formar un "goberno cohesionado", por iso é polo que o reparto de áreas co seu socio non convertese as concejalías en "compartimentos estancos", pero coa "lealdade e ou traballo en equipo" como compromiso mutuo.

Suárez recoñeceu que ningunha das dúas premisas deuse, alegando que "a falta de lealdade" estivo presente desde o principio e acusando aos socialistas de comunicar asuntos sobre áreas que non lle correspondían, facer públicos aspectos que "non eran reais" ou até non estaban consensuados nin programados.

Pero tamén houbo tempo para a autocrítica, posto que a cúpula do FeC recoñeceu que non ter un "modelo compacto" de partido pasoulles factura, así como a falta de reunións de coordinación, que "minaron a nosa forza".

Volveu o líder de FeC a insistir nas "trabas constantes" dos socialistas, cuxa demostración "máis palpábel" foi a presentación dos orzamentos, ou máis ben, a ausencia deles a piques de entrar no mes de maio, un extremo que, asegura, réstalles credibilidade como Executivo.

Con todo, Jorge Suárez lanzou ao aire as dúas opcións suscitadas pola coordinadora: ou romper o pacto co PSOE ou seguir, pero con "pautas e liñas de actuación fixas". De acordarse o primeiro, avanzou, espéralles un goberno difícil entre seis concelleiros "pero con respaldo social sólido que garante a aplicación dás nosas políticas".

Ao terminar Suárez, tres voluntarios subiron para moderar o debate e comezar a quenda de intervencións que se pecharía coa votación, a man alzada finalmente, dos presentes. Todo iso, cos xornalistas mirando trala porta, posto que a decisión tomada pola Coordinadora recollía que os participantes sentiríase menos cohibidos á hora de expoñer as súas opinións, un extremo que podería quedar constatado posto que a asemblea finalizou até antes da hora prevista, as 21:30 horas.

Fotos: Durante as quendas de palabra, os xornalistas tivemos que abandonar a sala e esperar 'na pecera' (foto: M.C.) | Momento da votación a man alzada que acordaba seguir co pacto (foto: M.C.). | Ferrol360.

Reportaxe de Marta Corral publicado en Ferrol360. | 29 de Abril de 2016 | Baixo unha Licenza de Atribución-Non comercial-Non derivadas 4.0 Internacional (CC BY-NC-ND 4.0).


Licencia Creative Commons
_____________

Ferrol en Común

ferrolencomun@gmail.com

http://ferrolencomun.gal

http://ferrolencomun.blogspot.com.es/

https://www.facebook.com/ferrolencomun

https://twitter.com/ferrolencomun
___________________________

luns, xuño 08, 2015

Ferrol en Común e PSdeG PSOE chegan a un primeiro acordo no que as persoas e a recuperación urbanística e de poboación, centran o programa de mínimos e reiteran que aínda que o BNG abadoara a comisión negociadora, este segue a ser un elemento esencial non futuro goberno municipal


As persoas e a recuperación urbanística e de poboación, centran o programa de mínimos de FeC e PSOE


FERROL360 | Sábado 6 xuño 2015 | 14:25

Un Ferrol centrado nas persoas, na recuperación de poboación, na creación de emprego, nos dereitos sociais, na recuperación urbanística e na defensa da transparencia e a participación cidadá. Estes son os eixes sobre os que vira o acordo de mínimos ao que chegaron Ferrol en Común e o PSOE para construír unha cidade nova.

Nun comunicado conxunto, as formacións avanzan que o programa darase a coñecer a próxima semana, momento no que se "traballará en determinar as responsabilidades e ou funcionamento dun posible goberno de coalición". En todo caso, consideran un "aspecto secundario" ese reparto de concellerías porque os intereses da cidade "están por enriba dous intereses partidistas".

En canto á marcha do BNG da comisión negociadora, FeC e PSOE reiteran que o Bloque é "un elemento esencial non futuro goberno", ben formando parte do mesmo ou mantendo unha oposición leal e constructiva. Engaden que calquera que sexa a decisión que adopten é respectable.

Para Jorge Suárez, candidato de FeC, é o momento de construír entre todos unha cidade que volva ao optimismo e recupere a súa dignidade. Ábrese así, un novo tempo en Ferrol, no que se dará cabida a todas as sensibilidades que hai na urbe.

Mentres, Beatriz Sestayo, candidata do PSOE, destaca o posicionamento claro de responsabilidade con Ferrol e os seus cidadáns para afrontar os problemas serios deste municipio. O obxectivo é claro, recuperar poboación, emprego, ilusión e futuro.

Fonte: Ferrol 360.

Baixo a licenza Creative Commons by-nc-nd 4.0

Detalle de foto de Ángel Manso.

Enviado por:
inaciogz
-inaciogz@gmail.com-
7 de junho de 2015 10:00

_________________

luns, xuño 01, 2015

Ferrol en Común convoca unha Asemblea Aberta o vindeiro mércores 3 de xuño, ás 19:30hs no Centro Cultural Carvalho Calero


Ferrol en Común convoca unha Asemblea Aberta o vindeiro mércores 3 de xuño, ás 19:30 h no Centro Cultural Carvalho Calero, cunha ampla orde do día:
  • Negociacións para formar goberno.
  • Futuro e organización de Ferrol en Común.
  • Actuacións prioritarias a partir do 13 de xuño.
Convidámosvos a todos/as a asistir, a vosa forza é a nosa para rescatar Ferrol!

Enlaces de Ferrol en Común:

Conta no facebook:
https://www.facebook.com/ferrolencomun

Conta no twitter:
https://twitter.com/ferrolencomun

Blog:
http://ferrolencomun.blogspot.com.es/

Páxina web:
http://www.ferrolencomun.es/

Correos-e:
  • ferrolencomun@gmail.com
  • ferrolencomun@gmail.com
Manifesto Inicial de Ferrol en Común:
https://drive.google.com/file/d/0By24jKds2T1PTHdaalN4NlAtRWM/view?usp=sharing

Código Ético de Ferrol en Común:
https://drive.google.com/file/d/0By24jKds2T1PUGFOZDYyZGJiOW8/view?usp=sharing

Enlaces relacionados:

Ferrol en Común en Ártabra 21: Acceder.

Ferrol en común no buscador libre DuckDuckGo.

Enviado por:
inaciogz
-inaciogz@gmail.com-
31 de maio de 2015 23:35
_______________

venres, abril 17, 2015

Foro: En común, xuntando mans para gañar en benestar e saúde, acto organizado por Anova en apoio á candidatura de Ferrol en Común


Foro Anova sobre Benestar e Saúde


Anova-Ferrol organiza o Foro: En común, xuntando mans para gañar en benestar e saúde, que terá lugar o luns 20 de abril, as 18.00 h, na Sala de exposicións do Ateneo Ferrolán. Un acto en apoio á candidatura de Ferrol en Común.

A este foro foron convidadas entidades e persoas directamente relacionadas co tema.

Animámosvos a acudir!

Anova-Ferrol
http://anova.gal/

Conta no facebook:
https://gl-es.facebook.com/anova.ferrol.7

Conta no twitter:
https://twitter.com/anova_ferrol


Información baseada na enviada por:
Anova Ferrol
-ferrol@anova.gal-
17 de abril de 2015 09:32

_____________

luns, abril 13, 2015

Mañá martes, día 14 de abril ás 19 h, Esquerda Unida sae á rúa para apoiar a candidatura de Ferrol en Común - Visitarán o Centro Cultural Torrente Ballester e falaran sobre creación e políticas culturais na nosa cidade


ACTO DE APOIO  A FERROL EN COMÚN

Mañá martes, día 14 de abril ás 19 h, Esquerda Unida sae á rúa para apoiar a candidatura de 'Ferrol en Común'. Visitaremos o C. Torrente Ballester e charlaremos sobre creación e políticas culturais na nosa cidade.

Fronte á desidia mostrada polo actual goberno son necesarias accións tendentes á formación e ao apoio dos creadores locais. Bolsas, cursos, escolas municipais, espazos de produción e participación activa de todos os axentes implicados (asociacións, pequenas empresas, artistas, centros educativos, etc) son aspectos básicos para xerar unha rede que se complemente cunha programación de calidade e específica para Ferrol.

A defensa e exposición seria do noso patrimonio xunto co achegamento da cultura á rúa como parte inseparable de calquera política de rexeneración urbanística son tamén piares fundamentais no ideario de Ferrol en común. Modernidade e entusiasmo polo tanto a debate nun encontro que pretende ser o máis vivo e rico posible para o cal contaremos con persoas de recoñecida traxectoria profesional así como o candidato de Ferrol en común, Jorge Suárez e o actual concelleiro de Esquerda Unida, Suso Basterrechea.

Esquerda Unida de Ferrol
R/ do Sol 124 Entrechán Esquerda
981944035

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida

-eu-ferrolterra@esquerdaunida.org-
13 de abril de 2015 12:50
Bo día: Achegamos convocatoria para acto de apoio a Ferrol en Común, mañá martes, coa participación do concelleiro de Esquerda Unida Suso Basterrechea e o candidato de FeC Jorge Suárez. Grazas e un saúdo.
______________

venres, abril 10, 2015

Despois do proceso de primarias, onde só houbo unha única candidatura, Ferrol en Común convoca unha Asemblea en Canido, este sábdo 11 de Abril, ás 12 do mediodía


Asemblea Ferrol en Común

Despois do proceso de primarias onde só houbo unha única candidatura para a alcaldía, a de Jorge Suárez e as 12 persoas do seu equipo. Ferrol en Común convoca unha Asemblea en Canido, para cubrir o resto dos postos da lista que concurrirá ás eleccións municipais do 24 de maio.

Día: Sábado 11 de abril

Hora: 12.00 h.

Lugar: SCDR de Canido

Orde do día:

1. Presentación de tramo de candidatura FeC para as municipais de 2015 escollida por proceso de primarias.

2. Proposta de resto de candidatura

3. Quenda de intervencións



Enlaces de Ferrol en Común:

Conta no facebook:
https://www.facebook.com/ferrolencomun

Conta no twitter:
https://twitter.com/ferrolencomun

Páxina web:
http://www.ferrolencomun.es/

Correos-e:
  • ferrolencomun@gmail.com
  • ferrolencomun@gmail.com
Manifesto Inicial de Ferrol en Común:
https://drive.google.com/file/d/0By24jKds2T1PTHdaalN4NlAtRWM/view?usp=sharing

Código Ético de Ferrol en Común:
https://drive.google.com/file/d/0By24jKds2T1PUGFOZDYyZGJiOW8/view?usp=sharing

Enlaces de interese:

Ferrol en Común en Ártabra 21: Acceder.

Ferrol en común no buscador libre DuckDuckGo.

Enviado por:
Inácio GZ
-inaciogz@gmail.com-
10 de abril de 2015 14:45
_____________

xoves, abril 09, 2015

Ferrol en Común comunicou este mércores en rolda de prensa os nomes das doce persoas primeiras integrantes da súa candidatura ás eleccións municipais do 24 de maio


Jorge Suárez e Eugenia Freire encabezan a lista de Ferrol en Común ao 24-M

O comité electoral de Ferrol en Común comunicou este mércores en rolda de prensa os nomes dos doce primeiros integrantes da súa candidatura ás eleccións municipais do 24 de maio. Jorge Suárez (IU) foi finalmente o único aspirante a alcaldábel, presentando unha lista na que a economista Eugenia Freire é a número dous.

Álvaro Montes (Anova) figura no terceiro posto, a funcionaria Teresa Ribeira e o actual edil de IU Suso Basterrechea no quinto. Completan a primeira ducia de candidatos Esther Leira, Luís Miguel Vitoria, Saínza Ruiz, Manolo Castro, Isabel Domingo, Miguel Castro e Marián López Romalde, directora do CEIP San Xoán de Filgueira.

Altérnanse nomes vinculados con Esquerda Unida e Anova con inscritos en Podemos e representantes da vida social ou política da cidade. Así, tamén se desvelaron os encargados de pechar a lista. O posto 25 corresponde a Xosé Lastra, de Anova; o 24 a Sari Alabau, veterana dirixente de IU; o 23 a Carlos del Río (Podemos); o 22 a Javier Galán (IU) e o 21 a Carme Parada.

Primarias

O propio Del Río sinalou que o Ateneo Ferrolán acollerá este xoves (09.04.2015) as votacións para referendar esta terna. Celebraranse de 11:00 a 13:00 e de 17:00 a 21:00 horas. O sábado convocarase unha asemblea para ratificar esa lista e completala desde o número 12. A parte final se reserva a persoas con "proxección e prestixio", dixo Carlos del Río.

Proxecto

Montse González, en representación de Anova, aboga por "recuperar Ferrol" con profesionais do ensino ou a medicina no seu proxecto, mentres que Sari Alabau felicitouse por poder estar no tramo final e traballar para evitar a "situación penosa" da cidade.

Carlos del Río concretou que Ferrol en Común supón unha "vía de cohesión seria" e insistiu en que tanto el como os seus compañeiros da formación de Pablo Iglesias foxen de "interese persoal" algún. É por iso polo que non figuran en primeiros postos. Ven á coalición como o "mellor modelo para facer fronte á política dá dereita".

Ao mesmo tempo, apostou por incluír a "colectivos que son invisibles", como inmigrantes, diferentes etnias, grupos feministas ou gays, lesbianas, bisexuais e transexuais. Ao seu xuízo, "non están a atopar un espazo político nesta cidade". 369 persoas están chamadas ás urnas este xoves nas primarias da candidatura de unidade popular. Requiríronse neste proceso 20 avales.

Reportaxen de Raúl Salgado | @raulsalgado | Ferrol | Mércores 8 abril 2015 | 18:26

Foto: O comité electoral de Ferrol en Común desvelou a lista este mércores (Raúl Salgado)

Publicado en Ferrol 360, baixo licenza Creative Commons by-nc-nd 4.0. | 08.04.2015



Enlaces de Ferrol en Común:

Conta no facebook:
https://www.facebook.com/ferrolencomun

Conta no twitter:
https://twitter.com/ferrolencomun

Páxina web:
http://www.ferrolencomun.es/

Correos-e:
  • ferrolencomun@gmail.com
  • ferrolencomun@gmail.com
Manifesto Inicial de Ferrol en Común:
https://drive.google.com/file/d/0By24jKds2T1PTHdaalN4NlAtRWM/view?usp=sharing

Código Ético de Ferrol en Común:
https://drive.google.com/file/d/0By24jKds2T1PUGFOZDYyZGJiOW8/view?usp=sharing
______________

venres, marzo 27, 2015

Asemblea Aberta de 'Ferrol en Común', este Sábado 28 de Marzo, ás 12 do mediodía, no Centro Cultural Carvalho Calero do Inferniño


Para este Sábado 28 de Marzo de 2015, ás 12 do mediodía, no Centro Cultural Carvalho Calero do Inferniño, en Ferrol, está convocada unha Asemblea Aberta para aprobar o Manifesto Constituinte e o Código Ético da Candidatura promovida polas organizacións locais de Esquerda Unida, Anova-IN e un colectivo que se denomina Asemblea Cidadá Aberta, a súa vez promovida por inscrit@s ao Círculo de Podemos do Concello de Ferrol.

A continuación, polo seu interese, transcribimos o Manifesto Inicial que se vai levar a Asemblea de Ferrol en Común, mais no final deste artigo, pode-se descargar a mesma proposta de Manifesto e a do Código Ético.

Proposta de Manifesto de para Ferrol en Común para a Asemblea do 28 de Marzo de 2015

Ferrol afúndese nun estado de agonía social e desprotección institucional. A cidade de Galicia coa taxa de desemprego máis alta do país, onde só un de cada tres poden traballar, coa metade da súa poboación por enriba dos cincuenta anos e coa mocidade condenada ao exilio en busca das oportunidades laborais que aquí se lles negan, merece outros gobernos. Gobernos da xente construídos e lexitimados coa forza social dos partidos, do tecido social, da veciñanza e da cidadanía indignada. A política normalizada, ancorada nas vellas formas de electoralismo e malgasto en forma de obras faraónicas, dá as costas a unha situación de emerxencia que o bipartidismo nega coas cifras macroeconómicas, mentres o pan, o traballo e o teito quedan afastados dos intereses dos poderes políticos e económicos que usurparon o que lexitimamente corresponde ao pobo: a soberanía, a democracia plena, o dereito a unha vida digna e exclúennos dun sistema para elites que condena ao sufrimento á maioría social.

A dignidade, o empoderamento das nosas rúas, barrios e parroquias, a participación decisoria nas políticas de competencia municipal son os factores que debemos impulsar para un novo Ferrol, un Ferrol en Común construído entre todos e todas, que aparte as gadoupas do poder das empresas e dos partidos do réxime sobre os recursos municipais.

Queremos un Ferrol en Común de construción colectiva, en creación constante en cada rúa e centro de traballo, unha acumulación de forzas para un novo goberno coa xente e non para a xente, que pule por servizos públicos de calidade, pola remunicipalización, a renda básica municipal e o emprego garantido. Propoñemos un Ferrol en Común de portas abertas á cidadanía, para artellar entre todos e todas un programa político de esquerdas, asembleario e rupturista, de onde saia unha candidatura plural por primarias abertas de cara a recuperar Ferrol para a súa veciñanza.

Democracia participativa, fomento do asociacionismo e cooperativismo, creación de emprego, protección do comercio local, unha cidade compacta con trato igualitario para todos os barrios e cidadáns, tolerancia cero coa corrupción e gobernar obedecendo son os obxectivos dos asinantes deste manifesto.

Enlaces de interese:

Conta no facebook:
https://www.facebook.com/ferrolencomun

Páxina web:
http://www.ferrolencomun.es/

Correos-e:
  • ferrolencomun@gmail.com
  • ferrolencomun@gmail.com
Manifesto Inicial de Ferrol en Común:
https://drive.google.com/file/d/0By24jKds2T1PTHdaalN4NlAtRWM/view?usp=sharing

Código Ético de Ferrol en Común:
https://drive.google.com/file/d/0By24jKds2T1PUGFOZDYyZGJiOW8/view?usp=sharing
______________