Homenagear Carvalho Calero: Infraçom grave para o Partido Popular

Como cada mês de março desde há mais de 15 anos, a Fundaçom Artábria voltou a lembrar a figura de um dos grandes da história de Ferrol e da Galiza: Ricardo Carvalho Calero. Intelectual, defensor da língua, sociolingüista, filólogo e estudioso da nossa literatura, injustamente esquecido polas instituiçons públicas galegas atuais.

A homenagem que junto a várias dúzias de vizinhos e vizinhas de Ferrol realizamos este ano na rua Sam Francisco, em frente da casa onde Carvalho Calero nasceu em 1910, viu-se interrompida por elementos da Polícia Municipal que, com maus modos e com algumhas ameaças, tentárom impedir que a concentraçom anual, a qual nunca tinha sido comunicada à Subdelegaçom de Governo e só algumha vez ao Concelho, se realizasse.

Naturalmente, o ato poético e de lembrança de Carvalho Calero realizou-se sem nengum tipo de incidente, alteraçom ou moléstia para a vizinhança do bairro de Ferrol Velho, entre poesia, flores, música de gaita e reivindicaçom da nossa língua, o galego.

Agora, dous meses depois do incidente, as duas pessoas associadas da Fundaçom Artábria que mostrárom os seus Bilhetes de Identidade aos agentes naquela tarde acabam de receber notificaçons por parte da Subdelegaçom do Governo espanhol, a partir das denúncias apresentadas pola Polícia Municipal, da apertura dum processo sancionador no valor de 310€, por umha suposta 'Infraçom Grave' (sic).

O documento, escrito exclusivamente em espanhol, inclui mentiras como a afirmaçom de que as pessoas participantes no ato se “abalanzaron” (sic) sobre os agentes, ou que os polícias advertírom de que se tratava de umha “reuniom ilegal”.

Nada disso aconteceu. Unicamente fomos surpreendidos e surpreendidas pola ameaçadora presença policial e por termos que realizar a nossa tradicional homenagem a Carvalho Calero rodeados, como se nós representássemos qualquer ameaça. Sabemos também que a iniciativa repressiva partiu de elementos à paisana da polícia espanhola presentes na zona, que reclamárom a intervençom da Polícia Municipal diante do desenvolvimento do que uns e outras consideram, segundo figura no texto da multa, “umha infraçom grave”.

Da Fundaçom Artábria, queremos manifestar diante da vizinhança de Ferrol a preocupaçom com a linha repressiva que o novo governo do nosso concelho está a imprimir à força policial municipal, que neste caso se manifestou na perseguiçom de eventos culturais como a tradicional homenagem protagonizada pola nossa entidade, mas que nos últimos meses incluiu já agressons a trabalhadores e membros de piquetes participantes em mobilizaçons perfeitamente legais.

    Parece-nos que este novo episódio repressivo merece umha resposta social em forma de solidariedade com os dous companheiros multados e de reivindicaçom dos direitos fundamentais, incluído o direito à nossa língua. Nom vamos ficar em silêncio perante uns factos que consideramos graves.

De acordo com as anteriores consideraçons, a Fundaçom Artábria vai realizar umha campanha solidária para afrontar coletivamente a multa económica imposta, no caso de nom progressar o recurso que apresentarám os nossos serviços jurídicos, mas que sirva também para denunciar a perseguiçom da atividade cultural.

A campanha também deverá servir para reivindicar o cumprimento da norma de que o nosso concelho se dotou há já 15 anos em matéria de língua, e que continua sem ser cumprida pola instituiçom municipal: a Ordenança Municipal de Normalizaçom Lingüística do Concelho de Ferrol.

Nos próximos dias, esperamos poder apresentar a referida campanha, apelando desde já à participaçom da vizinhança ferrolana contra a perseguiçom da atividade cultural e em defesa do uso normal da nossa língua por parte da instituiçom municipal.

Na Terra de Trasancos, 25 de maio de 2012

Junta Diretiva da Fundaçom Artábria


Para mais informaçom:
Vítor Santalha
Secretário da Fundaçom Artábria
Telefone:  635 074 071

Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86


Segue-nos em twitter @fartabria e em facebook!




A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.


Código de Identificaçom Fiscal (CIF):  G15645518.


http://www.artabria.net


Enviado por:
Fundaçom Artábria
-artabria@artabria.net-
27 de maio de 2012 15:52
____________________

A Sepi non ten solucións para Navantia

No dia de onte o Presidente da SEPI (Ramon Aguirre) reuniuse cos alcaldes da zona e co Comité de Empresa de Navatia, previamente reunirase co presidente da Xunta , SR. Feijoo.. Do acontecido na xuntanza e aparecido nos medios , dedúcese que o Presidente da SEPI non aportou ningún compromiso concreto de carga de traballo (nin pedidos de buques, nin dique flotante). Polo tanto non despexou as dudas sobre o futuro de Navantia, que a dia de hoxe botou a Rúa a preto de 1.000 traballadores. Nos din que, en todo caso, seria o Sr. Feijoo quen puidera anunciar algún compromiso concreto que poida aparecer. En prata unha vez mais o PP, sexa o goberno central como o autonómico, non teñen nada que ofrecer, mais iso si, coordínanse para propalar unha nova mentira e engaiolar de novo aos cidadáns ante o previsible adianto das eleccións autonómicas.

A mobilización de hoxe por parte dos traballadores de Navantia, responde a tomadura de pelo do Presidente da SEPI.

As políticas neoliberais promovidas polos gobernos do PP, recortes sociais, perda de dereitos afectan a maioría dos cidadáns, namentres inxecta cuantiosos recursos aos bancos -responsables da crise- ou aproba unha amnistía fiscal para os defraudadores da facenda pública. Unha política que cría máis paro, máis pobreza e instala ao pais na depresión.

Só a mobilización masiva e sostible dos traballadores, da cidadanía, de tódolos sectores afectados, será quen de derrotala.

fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es

Enviado por:
Fuco Buxán Asoc. Cultural - Ferrol
-fucobuxan@gmail.com-
25 de maio de 2012 01:45
______________

O BNG avoga por unha resposta comarcal contundente fronte aos incumprimentos do PP co sector naval

Queremos e Sabemos facer Barcos

Nen resultados no tocante á construción do dique frotante –máis ben, cuestionamento oficial do mesmo– nen compromisos concretos a respecto da carga de traballo, nen oficialización das negociacións para o levantamento do veto. As cuestións básicas das que debería de facerse cargo onte a SEPI  volveron quedar pendentes na visita do presidente a Ferrol; evidenciando de novo a actitude fraudulenta, enganosa e ofensiva do goberno do Estado coa nosa comarca.

Unha visita que lembra máis ás viaxes dos gobernantes da metrópole ás súas colonias, e que tivo ao PP da comarca – na persoa do alcalde de Ferrol – ao perfecto colonizado que, en troques de situarse do lado das demandas da cidadanía (que son as que tiña por mandato plenario da súa corporación) o que fixo foi xustificar, mesmo dun xeito esperpéntico, a falta de compromiso do goberno do estado coa comarca. Unido, claro, á falta de altura institucional e mesmo dos mínimos no tocante ás normas de educación demostrada polo alcalde de Ferrol na (non)convocatoria dos alcaldes para a devandita reunión.

Evidénciase –como xá diciamos desde o BNG no momento das “declaracións institucionais” do pasado 26 de Abril- que se trataba dunha nova manobra de confusionismo para eludir os verdadeiros compromisos; tentando construir unha falsa unidade que non se utiliza para forzar solucións políticas dos gobernos responsábeis coas demandas da comarca, senón precisamente para seguir narcotizando á sociedade comarcal.

Responsabilidades políticas

Nese sentido, entendemos que o acontecido onte supón un punto de inflexión a respecto das demandas da comarca e, nomeadamente, sobre as solucións pendentes para o sector naval. O BNG non acredita no mantemento de falsos procesos de unidade –nen en declaracións, nen en mobilizacións– que sitúan o escenario na suposta “demanda de solucións” para a comarca, cando o momento no que estamos é o de pedir responsabilidades polo incumprimento.

Por iso, desde o BNG comarcal avogamos por unha resposta urxente e contundente fronte aos incumprimentos do PP coa comarca. É hora de abandonar o cortexo procesional –que agora xá se mostra claramente dirixido ao enterro da economía comarcal– e facer da mobilización social un instrumento para desenmascarar aos oficiantes do funeral, e tamén aos monaguillos. Ferrolterra merece respecto.

Ferrolterra, 24 de maio de 2012.


Web BNG Ferrolterra:

http://www.bng-galiza.org/opencms/opencms/BNG/ferrolterra/seccions/portada

Enviado por:

Novas BNG Comarca Ferrolterra

-sedenacional@bng-galiza.org-

25 de maio de 2012 03:03

______________

Por que se creou a crise?, ... por Vicenç Navarro

Este é un artigo imprescindíbel para entender o por que desta Estafa chamada Crise. Desde Ártabra 21, consideramos de moito interese este argumentario que explica a realidade do que acontece, aínda que feito desde unha perspectiva socialdemócrata, paga a pena parar-se a le-lo.

Por Vicenç Navarro [*]

25.05.2012

Todos os datos, mostran que as políticas de austeridade, que promoven recortes do gasto público (incluíndo o gasto público social) e a redución dos salarios –a chamada depreciación doméstica- foron un fracaso, e crearon un enorme dano á maioría das clases populares. A pregunta que debemos facernos é por que, entón, si a evidencia do seu fracaso é tan robusta, continúan impoñéndose ás poboacións dos países da Eurozona? Unha resposta podería ser que os deseñadores de tales políticas son xente incompetente. É certo que hai gran número de expertos que asesoran ás autoridades que toman as decisións conducentes á aplicación daquelas políticas de austeridade que son claramente incompetentes. As predicións de recuperación das economías da Eurozona son un exemplo diso. Mark Weisbrot, do Center for Economic and Policy Research (CEPR), documentou o cálculo erróneo de tales predicións por parte do FMI, do BCE e da Comisión Europea, alcanzando, no caso de Grecia, predicións irrisorias, que farían rir si non fóra polas tráxicas consecuencias que conleva a súa aplicación (os suicidios en Grecia creceron un 40% nun ano, segundo The Lancet).

Agora ben, o problema é moito maior que a incompetencia. É un problema de fe nun dogma, o dogma neoliberal, que imbúe tales institucións e que se reproduce debido a que serve intereses moi específicos, intereses de clase (si, de clase social), tanto financeira como empresarial, que deseñaron un sistema de gobernanza da Eurozona que leva inevitablemente a estes resultados, resultados que coinciden cos seus obxectivos, que non son outros que cambiar Europa, convertendo a Europa social na Europa liberal. E para conseguilo e vencer as resistencias populares, crearon unha gran recesión, impoñendo tales políticas (impoñendo porque non hai ningún goberno que as aplique que tivese tales políticas no seu programa electoral) co argumento de que non hai alternativas. En realidade, tal obxectivo aparece claramente nas declaracións do Sr. Draghi ao Wall Street Journal (24.02.12), onde afirma que a Europa social está desaparecendo, referíndose a España como un exemplo diso. Indica na súa entrevista que en España, cunha taxa de desemprego xuvenil superior ao 50%, xa non existe protección social universal (o goberno PP ha anulado a universalidade do sistema nacional de saúde, de maneira que as persoas de máis de 26 anos non teñen garantida a cobertura sanitaria a non ser que haxan cotizado á Seguridade Social). Isto é o que intentan, e estano conseguindo. É o que Noam Chomsky chamou a guerra de clases unidireccional.

Os instrumentos para conseguilo son dous. Un é o Pacto de Estabilidade (ao cal engadiuse o término “Crecemento”, a proposta do goberno socialista francés do Sr. Jospin, sen que se lle dotase de instrumentos para facilitar tal crecemento) que forza aos Estados a ter un déficit público por baixo dun 3% do PIB e que dificulta enormemente a recuperación económica en momentos de recesión, como está ocorrendo agora. Por iso é polo que cando hai unha recesión, o Estado recorta os gastos públicos, incluído o gasto público social, a fin de reducir o déficit público orixinado pola baixada de ingresos ao Estado como consecuencia da recesión. A recesión é, pois, un xeito de forzar o desmantelamento da Europa social (a través dunha redución da protección social e dos salarios). En realidade, a entrada de España ao euro (que requiría unha redución do déficit do Estado) conseguiuse a base de aumentar o enorme déficit de gasto público social que España ten en relación co resto de países da UE-15. Este Pacto de Estabilidade quérese agora substituír por un Pacto fiscal incluso máis restrinxido, no que en lugar dun 3% do PIB, o déficit terá que ser prácticamente cero (si, leu ben, cero). Isto é un ataque frontal á Europa Social e á posibilidade de saír da recesión.

O outro instrumento que se creou para eliminar a Europa social é o Banco Central Europeo que, en realidade, non é un banco central. Esta afirmación sorprenderá a moita xente, pero os feitos así o mostran. Un banco central imprime diñeiro, e con este diñeiro axuda ao Estado comprándolle débeda pública, mantendo os intereses dos seus bonos relativamente baixos. Protexe así aos Estados fronte á especulación dos mercados financeiros sobre a súa débeda pública. En ausencia de tal protección, os mercados financeiros (sobre todo os bancos e as compañías de seguros) especulan coa débeda pública, creando a percepción de que os Estados teñen problemas para pagar a súa débeda, forzándolle así a ter intereses altos nos seus bonos. Si houbese un banco central en cada país, este banco central imprimiría diñeiro e compraría débeda pública do Estado baixando así os intereses dos bonos e impedindo a especulación por parte da banca privada (os chamados mercados financeiros).

Pois ben, o Banco Central Europeo non fai isto. Si que imprime diñeiro, pero dállo (a un interese bajísimo, dun 1%) aos bancos privados para que compren bonos públicos (a uns intereses moito máis elevados, un 6% no caso dos bonos públicos españois). É un enorme negocio para a banca a costa dos Estados. E aí está o problema. Sen un Banco Central que lles protexa, os Estados están totalmente expostos á especulación. Non son os mercados financeiros o problema, senón a ausencia dun Banco Central, feito que está deseñado deste xeito para debilitar aos Estados a fin de que teñan que reducir o seu gasto público e a súa protección social e facilitar a diminución dos salarios.

Dise que o Banco Central Europeo non pode comprar débeda pública. Iso responde á lóxica que acabo de explicar. Pero hai que saber que o BCE faio en bases excepcionais cando o Estado está a piques de crebar e non pode pagar a súa débeda pública, como consecuencia de non estar protexido fronte aos mercados financeiros. Cando está a piques de colapsar, intervén entón, comprando débeda pública para que baixe os intereses da mesma. Con iso evita que o Estado colápsese e os bancos puidesen estar colgados con gran cantidade de débeda pública que non poden recuperar debido ao colapso do Estado. É coma se houbese unha sanguesuga que chupa o sangue do corpo e que, como resultado diso, a persoa estivese a piques de morrer e inxectásenlle sangue para que puidese continuar vivindo e así a sanguesuga puidese continuar chupándolle o sangue.

Agora ben, cando o BCE compra débeda pública ao Estado, esíxelle como condición que desmantele o seu Estado social, é dicir, que recorte a protección social e baixe os salarios. Esta é a realidade que se oculta á cidadanía nos medios. O problema non son os mercados financeiros, como constantemente acentúa gran parte das esquerdas, senón o edificio construído para soster o euro, que deixa aos Estados totalmente vulnerables, o cal era o obxectivo da avalancha neoliberal.

Artigo publicado por Vicenç Navarro, no seu blogue persoal o 24 de Maio de 2012



[N. de Paco Belo]

Este é o mellor Vicenç Navarro que lin nunca.

Non é que D. Vicenç non nos deixou grandes reflexións e documentos até agora; trátase de que é tan aberrante e grave o que está ocorrendo, que até os máis grandes necesitan integrar o seu discurso até ser plenamente conscientes do que xa sabían, para atreverse a dicir que o Rei vai espido. Cando isto definitivamente prodúcese, podemos felicitarnos porque sumamos a un aliado de enorme valor.

Non se pode ser máis claro e máis didáctico: estamos en mans de criminais; e que ninguén se escandalice, porque isto que se está levando a cabo non é outra cousa senón un auténtico crime a escala case mundial, e estano cometendo persoas, non “entes”.

Grazas, profesor.


[*] Vicenç Navarro, naceu en Barcelona o 1937 e licenciouse en Medicina e Cirurxía pola Universidade de Barcelona en 1962. Exiliouse de España no mesmo ano pola súa loita anti-franquista, pasando por universidades de Suecia (Uppsala e Estocolmo), onde estudou Economía Política; Gran Bretaña (London School of Economics, Oxford e Edimburgo), onde estudou Políticas Públicas e Sociais; e EEUU (Johns Hopkins University), onde se doctoró en Políticas Públicas e Sociais o 1967. Alí tamén foi nomeado profesor e posteriormente catedrático de Políticas Sanitarias e Sociais, Políticas Públicas e Estudos Políticos desde o ano 1977 [Máis información na wikipedia].

Sobre este e outros asuntos de interese, pode-se acceder a máis información no propio blogue do profesor Navarro.

Blogue Persoal: vnavarro.org
______________

Un premio xusto sempre invita á censura - Impresionante discurso de @adacolau representante da Plataforma Afectad@s pola Hipoteca PAH de Catalunya - Vídeo

@A_PAH mellor iniciativa solidaria #cataladelany. O discurso que tv3 non emitiu

Un premio xusto sempre invita á censura

Discurso na entrega de premios de Català de l’any , que tivo lugar en Barcelona o 22 de Maio. Este non foi emitido en directo por tv3 (omiteuse esta parte) nin tampouco figura nos seus vídeos en diferido do evento (cortouse).


http://youtu.be/4tNbXwgI22E

Publicado en 24.05.2012 por afectadosxlahipoteca

O video co discurso de @adacolau de @a_pah recollendo o premio mellor iniciativa solidaria #cataladelany que tv3 non emitiu:

O 22 de maio de 2012 @a_Pah foi galardonada co premio Mercé Conesa que outorga anualmente @elperiodico por unanimidad dun xurado independente. A PAH asistiu á gala de #cataladelany retransmitida en directo por tv3, cunha audiencia de máis de 600.000 telespectadores. Con todo os cidadáns de Catalunya non tiveron a oportunidade de escoitar o discurso da galardonada PAH, nin en directo nin posteriormente a través da web. Cun lamentable atraso, deixámosvos o vídeo coa intervención da PAH ante a Plana Maior da Generalitat.

Por certo, o desafiuzamento de Jaime ao que fai referencia no vídeo e que tivo lugar ao día seguinte da gala paralizouse por terceira vez consecutiva a pesar do despregue policial solicitado por Catalunya Caixa. Ademais arrincouse un compromiso, contemplado nun papel asinado, para ofrecer a Jaime un aluguer social.

O evento en:

http://www.elperiodico.com/es/noticias/barcelona/pah-logra-parar-nuevo-desahu...

http://ccaa.elpais.com/ccaa/2012/05/23/catalunya/1337792067_110880.html

Blogue da plataforma:

http://afectadosporlahipoteca.wordpress.com/
_____________

Numerosas persoas concentráronse en Ferrol pola defensa da Sanidade Pública e contra as medidas e recortes dos gobernos do PP - Vídeo, Fotos, Enlaces, Novas

Hoxe venres, 25 de Maio, ás 6 da Tarde vai ter lugar a Asemblea Plenaria da Plataforma, no Local da Asociación Veciñal de Esteiro

Nota.- Prégase un esforzo de asistencia á mesma nun momento de especial gravidade para a Sanidade Pública, ademais da preparación da manifestación do 3 de Xuño en Compostela.

...

SOS Sanidade Pública convocou en toda Galiza mobilizacións en defensa da Sanidade Pública contra as medidas e recortes do PP e dos gobernos dereitistas de Mariano Rajoy e Alberto Nuñez Feijóo. En Ferrol a Concentración foi á 7 da tarde na Praza Amada García, diante do Edificio Administrativo da Xunta. Interveu na Concentración o portavoz da Plataforma en Defensa da Sanidade Pública da Área Sanitaria de Ferrol.

A continuación o vídeo e a transcrición da intervención do voceiro da Plataforma e SOS Sanidade Pública, Miguel López, presidente da Asociación Veciñal de Esteiro.


http://youtu.be/bZYj8GuJNns

Boa tarde veciñas e veciños de Ferrolterra.

Moitas grazas por acudir á convocatoria da Plataforma en Defensa da Sanidade Pública de Ferrol, esta plataforma cidadá agrupa, neste momento a 44 entidades diversas: asociacións sociosanitarias, veciñais, culturais, partidos políticos, sindicatos e a Xunta de Persoal da Área Sanitaria de Ferrol, entidades defensoras da sanidade pública e preocupadas polos anuncios privatizadores, de redución de orzamentos en materia sanitaria e de absoluta falla de compromiso coa Área Sanitaria de Ferrol por parte da Consellería de Sanidade da Xunta de Galicia.

Non será esta, desgraciadamente, a última vez que nos teñamos que mobilizar en Defensa da Sanidade Pública, volveremos a facelo o día 3 de xuño ás 12 do mediodía na Alameda de Compostela. Pero estamos seguros que cada vez irán en aumento as mobilizacións de todas aquelas persoas que, votasen ó partido que votasen, non queren que se fagan recortes, se privatice e se establezan repagamentos en aquilo que en todas cantas enquisas se fan aparece como máis valorado por toda a cidadanía do Estado Español.

Estes días do Sr. Núñez Feijoo, que xa leva recortado o orzamento da Consellería de Sanidade en 300 millóns de euros desde que preside a Xunta de Galicia, fala de privatizar o que, segundo el, non sexa esencial na sanidade e fala de que esa privatización da xestión, que é o que vai facer no novo Hospital de Vigo, vai resultar máis rendible para a cidadanía.

Non di o Sr. Núñez Feijoo que  na Comunidade de Madrid a maior parte dos hospitais públicos e moitos centros de saúde, están xestionados por organismos privados que levaron á Sanidade Pública de Madrid a ser a peor do Estado Español. Iso é o que quere o Sr Núñez Feijoo e o Partido Popular para Galicia, quere levarnos a ser a peor ou unha das peores sanidade do Estado. Non o imos consentir.

Pon como exemplo de modelo de xestión ao Hospital Povisa de Vigo, non se lembra o Presidente da Xunta dos mortos por aspergillus, non sabe que Povisa,  hospital privado que ten un concerto anual de 72 millóns de euros que supoñen o 74% dos seus ingresos, é o que ten maior lista de espera de todos os hospitais do Sergas. Non sabe que a cidadanía que ten, obrigatoriamente, como Hospital de referencia a Povisa, Cangas, Moaña, etc., rexeitan ter a ese Hospital como Hospital de referencia e queren ser atendidos na Sanidade Pública. Será un modelo POVISA  por que a conselleira de Sanidade, Rocío Mosquera, pertencía a ese grupo empresarial? Trátase diso Sr. Feijoo?

En Galicia xa tivemos un exemplo de fracaso absoluto na privatización da xestión sanitaria: Foron as Fundacións Sanitarias que promoveron os Señores Romay Becaría desde a Consellería de Sanidade e Alberte Núñez Feijoo á fronte do Servizo Galego de Saúde. As  fundacións sanitarias dos hospitais de Verín, Barbanza, Salnés e Cee que tiveron que ser rescatadas, para poñelas en valor polo Sergas, hoxe son hospitais públicos. O Sr . Nuñez Feijoo non quere aprender dos seus erros e segue turrando contra o aguillón.

O que queren o Sr Rajoy e o Sr Feijoo amparándose na crise, provocada pola Banca e os grandes monopolios que sufrimos as clases populares, é de que as aseguradoras, construtoras, laboratorios e mesmo bancos entren a facer negocio na Sanidade Pública, non se trata de mellorar a xestión, niso estaríamos todos de acordo, non é mellor a xestión privada que a pública tampouco se trata de facer sostible un sistema que xa é sostible, do que se trata é de poñer a andar as políticas neoliberais fracasadas de Margaret Thacher, de converter a sanidade pública nun negocio, por unha banda e por outra banda deixar unha sanidade de dúas velocidades unha de beneficencia e outra para quen poida pagarse os tratamentos.

O sistema é sostible xa que por cada 6 euros que no Estado Español, se dedican a Sanidade Pública, na Unión Europea dedícanse 9 euros e aínda así temos, con menos investimento, mellores resultados. Por que hai que atacar un sistema que nos beneficia a todos e todas e do que maioritariamente nos sentimos satisfeitos. A resposta é clara: Para convertelo nun negocio para uns poucos.

Se o sistema fose insostible, que non o é, do mesmo xeito que se meteron millóns de euros en socorrer á Banca Privada e se permite que os seus directivos, a pesar da súa nefasta xestión, se leven millóns e millóns de euros, non habería que socorrer o Sistema Sanitario Público antes que á Banca Privada, antes que ao ladrillo?

Agora o Partido Popular que recortar 7000 millóns de euros máis na Sanidade Pública, será para tapar o burato de Bankia? Pensará Núñez Feijoo poñer a xestionar á Sanidade Pública Galega a Rodrigo Rato ou a algunha das empresas nas que é directivo como por exemplo CAPIO Sanidade, da que tamén é accionista Ignacio López del Hierro, marido de Dolores de Cospedal e que se están facendo coa xestión de moitos hospitais e centros de saúde en varias comunidades autónomas ?.

Acaban de aprobar o  Real Decreto-Ley 16/2012, de 20 de abril, de medidas urxentes para garantir a sostibilidade do Sistema Nacional de Saúde e que, como acabamos de dicir, recorta 7.000 millóns de euros na Sanidade Pública.

Mentres anuncian eses recortes, perdoan a ladróns, defraudadores, narcotraficantes e lles van permitir branquear os seus capitais, algúns deles manchados de sangue, a cambio de que paguen o 10% do defraudado.

Anuncian o incremento no repago dos medicamentos ós traballadores en activo e, por vez primeira, o repago dos medicamentos ós pensionistas, incremento no pago dos doentes crónicos, sempre esmagando ós colectivos máis desfavorecidos, e xa anuncian máis recortes, algún deles de carácter xenófobo o ir directamente contra os inmigrantes, repago de próteses e ortopróteses  e tamén o repago polo transporte sanitario non urxente. E deixando fóra da prestación a maiores de 26 anos e as mulleres separadas ou divorciadas que nunca cotizasen. Deixando fóra da atención sanitaria aos inmigrantes non regularizados, colectivo  en diminución pola crise, e que realiza un escaso uso dos servizos e un reducido gasto sanitario, pretendendo criminalizalos e culpabilizalos.

Tamén efectúan recortes nos cadros de persoal do Sergas que, por moito esforzo que fagan os traballadores e as traballadoras, acaban afectando á calidade asistencial que teñen dereito a recibir os doentes. Precarizan as condicións de traballo e recortan os dereitos laborais e tamén os seus salarios.

Dende o 2011 ata decembro do 2013 vanse xubilar 1.695 traballadores e traballadoras no Servizo Galego de Saúde co que unha parte do cadro de persoal fixo vaise reducir.

Hai que lembrar que a Xunta de Galicia foi a primeira en establecer un decreto de transporte sanitario non urxente que permitía cobrar ós usuarios e usuarias o Decreto 11/2011 do 20 de xaneiro, hai 14 meses. Agora di o Sr. Feijoo que non pensa aplicalo. Se non pensa aplicalo para que o fixo? Ou é que non pensa aplicalo este ano por que estamos en época electoral pero despois si que pensa aplicalo?

En Galicia temos unha poboación moi avellentada, xeograficamente moi dispersa e coas pensións máis baixas do Estado.

As medidas do Partido Popular van ter en Galicia unha especial incidencia, sobre todo entre pensionistas e enfermos crónicos. Como van pagar o trasporte sanitario pensionistas de Cedeira, Ortigueira, Mañón, etc cando vaian a recibir un tratamento de Diálise, Rehabilitación, Quimioterapia, etc no Arquitecto Marcide cando teñen unhas pensións medias que non chegan a 600 euros?

Como van a pagar o transporte sanitario non urxente cando teñan que acudir ó Centro Oncolóxico da Coruña a recibir un tratamento de Radioterapia?. Un transporte en ambulancia custa actualmente 50 euros o traxecto de ida e volta na mesma Área Sanitaria e a isto hai que sumarlle uns 50 euros se hai que ir a outra Área Sanitaria.

Canto suporá para un doente en diálise durante anos e anos? E para un doente que teña que recibir un tratamento de Radioterapia na Coruña?

Isto é o que acaba de Decretar o Partido Popular: Perseguir a pensionistas, inmigrantes e doentes crónicos.

Non falan de perseguir a fraude fiscal e mesmo a perdoan. Non falan dos 5.000 millóns e euros que tiveron de beneficio no ano 2010 as Mutuas de Accidentes de Traballo, moitos deles obtidos ao derivar á Sanidade Pública, como enfermidades comúns o que son enfermidades profesionais. Non falan de aplicar a Lei de incompatibilidades e sendo sabedores das moitas irregularidades e ilegalidades que se cometen, nesta comarca sabemos moi ben onde se fan esas prácticas fraudulentas, prefiren mirar para outro lado. Non diso non falan, prefiren perseguir a traballadores e traballadoras e a pensionistas.

A Xunta de Galicia espera ingresar coas políticas de repagamento 155 millóns de euros. Si se aplicasen medidas  baseadas na mellora da eficiencia e o uso racional dos recursos,  para mellorar a calidade e seguridade da atención sanitaria e os niveis de saúde da cidadanía:

Reducir nun 50% os medicamentos innecesarios. Reducir nun 50% os ingresos por reaccións adversas aos fármacos. Reducir nun 30% os efectos adversos durante a hospitalización. Reducir en 1/3 as estancias hospitalarias inadecuadas. Reducir nun 10% a frecuentación á urxencias hospitalarias que non son ingresadas. Traspasar o 25% das consultas hospitalarias á Atención Primaria. Suporía un aforro de 539 millóns de Euros. 384 millóns máis dos que se queren recadar co repago.

Debe quedar claro para todo o mundo que os recortes, privatizacións e ataques contra a Sanidade Pública non teñen nada que ver coa situación económica, non nos deixemos enganar, ten que ver cunha posición ideolóxica de querer acabar con ela e crear un imposto sobre a enfermidade  e sobra a vellez, establecendo copagamento en servizos onde non o había anteriormente. Non se busca mellorar a xestión do Sistema Sanitario Público o que se busca e á súa privatización. Non van a parar e ten que ser a cidadanía na rúa que paremos a súas políticas absolutamente regresivas.

A sanidade pública é un dos piares esenciais do estado do benestar, a atención sanitaria como un dereito dos cidadáns e o acceso aos servizos ten que ser universal e gratuíto, sen ningunha restrición. O financiamento da sanidade pública debe realizarse cos impostos dos cidadáns e a prestación debe ser fundamentalmente pública e, se fose posible, totalmente pública, o sector sanitario privado será, sempre que sexa preciso, subsidiario e complementario.

A Sanidade Pública é o ben máis prezado que temos, as maiores queixas son polas listas de espera, e en épocas de crise e paro, faise aínda máis necesario. Non deixemos que o convertan nun negocio.

A resposta a esa agresión e a eses recortes é a mobilización na rúa en Defensa da Sanidade Pública, Universal e Gratuíta, financiada a través dos impostos, coas mesmas prestacións como tiñamos ata a chegada do Partido Popular o Goberno do Estado e da Xunta e incrementando as prestacións que sexa posible incrementar.

O presente da Sanidade Pública está ameazado polas políticas neoliberais do Partido Popular, que so buscan o beneficio privado en detrimento do público. O futuro da Sanidade Pública vai depender da vontade que teñamos a cidadanía. O Partido Popular ten a maioría absoluta no Parlamento, pero non ten a maioría social, esa maioría social que considera a Sanidade Pública un ben imprescindible, pero que ten que manifestalo abertamente nas rúas, temos que conquistar as rúas temos que dicirlles abertamente a Rajoy e Feijoo que a Sanidade Pública non se toca nin moito menos se recorta.

Hoxe estamos en Ferrol mobilizándonos e estaremos máis veces, todas as que sexan preciso, non imos a parar, temos a razón e tamén temos a forza. O domingo día 3 de xuño as 12 da mañá estaremos na Alameda en Compostela.

A saúde non é un negocio nin é negociable.

Moitas grazas.

Ferrol a 24 de Maio de 2012.

Asdo./ Xosé Miguel López Pérez, portavoz da Pdspf.

A nova nos medios convencionais comarcais:

A concentración contra os recortes sanitarios congregou a máis de 300 persoas  [ir a 'Diario de Ferrol' - 25.05.2012]

[ir a 'La Voz de Galicia' - 25.05.2012]

plataformadspferrol@gmail.com
http://plataformadspferrol.blogspot.com/

Fotos de Susete'70.

-----

Nova de interese:

Galicia | O Sergas pecha este verán o 10 % das camas, 117 máis que o pasado
Os centros con máis recursos operativos serán os do Área da Coruña | Por Elisa Álvarez - [ir a 'La Voz de Galicia' - 25.05.2012]
_____________________

Este Xoves 24 de Maio, ás 5 da tarde, en Ferrol, no salón de actos do Centro Cultural Carvalho Calero do Inferniño, vai ter lugar unha Asemblea aberta para as persoas afectadas pola estafa das participacións preferentes - E vídeo sobre o Endebedamento

A estafa das participacións preferentes e a organización das persoas afectadas en Ferrol.

Este Xoves 24 de Maio, ás 5 da tarde, en ferrol, no salón de Actos do Centro Cultural Carvalho Calero do Inferniño, vai ter lugar unha Asemblea aberta para as persoas afectadas pola estafa das participacións preferentes. Convocada por Adicae-Galiza.

http://galicia.adicae.net/

Endebedados sobre a telaraña

Co-producido con Debitas Quepo ADICAEy.

Neste momento, o endebedamento das familias incapacitante estímase en centos de miles ou millóns de persoas e, aínda que é difícil dicir cantas poden estar propensos a unha situación precaria no futuro próximo, os datos de organizacións como a ADICAE confirmada por datos recentes Consello Xeral do Poder Xudicial, revelan que o tribunal final de arrestos de residencias en 2008 xa se aproxima dos 100.000 e pode dobrar en 2009.

Ante o silencio e solucións políticas para inadecuadas e inxustas as institucións políticas e económicas, como a sociedade civil e os cidadáns comúns teñen o reto de responder a unha das situacións máis críticas económicos da nosa historia recente. Temos as ferramentas para facelo: consumidores e usuarios, organizacións sociais e cidadáns aos que representan alternativas viables e intelixentes teñen que só a forza da sociedade civil para cambiar a base dun modelo económico que beneficia a poucos e sufocar a gran maioría. Só esperamos que este documental é só unha desas ferramentas.


http://youtu.be/dVY6dRzN5W0

Máis info sobre o documentario:
http://www.quepo.org/es/proyectos/endeudados/index.html
_______________

Palestra sobre finanzas éticas en Pontedeume - 24 de maio de 2012

Palestra sobre finanzas éticas terá lugar en Pontedeume.

Xoves 24 de maio, ás 20:30 horas.

No local social do Colectivo Terra situado en Boa Vista 8 baixo.

Intervirán Raúl Asegurado da Asociación de Interese Solidario O´Peto e Fiare Galiza, e Manuel Rivera de Coop57.

http://colectivo-terra.blogspot.com.es/

Enviado por:

Colectivo Terra

-colectivoterra@gmail.com-

23 de maio de 2012 20:37

________________

Paralización dun desafiuzamento en Ferrol - Xoves 23 de Maio de 2012

Este 23 de maio de 2012, unha concentración solidaria contra un lanzamento en Esteiro tivo lugar. Ao chamamento da  Asociación Veciñal de Esteiro, respostaron: membros das Mesas de Conversencia, sindicalistas da CIG, do Colectivo Ártabra 21, concelleiros e concelleiras dos grupos municipais de Esquerda Unida e o BNG, militantes do Encontro irmandiño e outras persoas entre elas veciñanza do lugar. Todas participaron na acción contra o desafiuzamento que ao final no se levou adiante. Non porque o xulgado desistira, senón que ao parecer non había suficientes efectivos policiais para proceder ao mesmo, pois o número de persoas congregadas era moi importante. A policía estaba ocupada coa mobilización de Navantia que se estaba realizando diante do Pazo Municipal, na Praza do Concello. Os intentos para que os responsábeis municipais de servizos sociais non resultaron efectivos, a concelleira non asumiu as súas responsabilidades, nen o acordo plenario de mediación. mañá será un día de moita actividade no Concello. Unha faixa e os berros das persoas congregadas sintetizaban a reivindicación: "Nin xente sen casa, nin casa sen xente".

Fotos de Susete.

Enlace relacionado:

Ártabra 21: Lanzamento en Esteiro - Mércores día 23 de Maio ás 11 horas vai producirse un desafiuzamento dunha muller (sen apenas ingresos) e o seu fillo de catro anos - Trata-se de evitar o desafiuzamento e Solicitar a paralización do mesmo por parte do Xulgado
______________

Concentración da CIG en Ferrol contra a reforma laboral do goberno dereitista do PP - 23 de maio de 2012

A CIG convocou en toda Galiza mobilizacións contra a Reforma Laboral. En Ferrol tivo lugar unha simbólica concentración na Praza do Himno Galego do barrio de Esteiro. Pintos e Xosé Lois foron os encargados de pronunciar unhas palabras en representación das traballadoras e traballadores congregados.

Fotos de Susete.
_______________

24 de maio: "Día Internacional das Mulleres pola Paz" - En Ferrol Exposición Antimilitarista ás 7 da Tarde no Cantón

Exposición 24 de maio

DÍA INTERNACIONAL DAS MULLERES POLA PAZ
24 de MAIO

FERROLTERRA

Xoves, 24 de maio

Exposición dende ás 19:00 hrs.

Cantón de Molíns (Ferrol)

Este ano, a Coordinadora Comarcal de Ferrolterra da Marcha Mundial das Mulleres, quere conmemorar esta data internacional de mulleres antimilitaristas, a través, dunha exposición na que se reflicte como os estados invisten nas guerras e nas armas e recortan dereitos sociais, que son fundamentais, como o ensino e a sanidade.

Tamén queremos mostrar como as mulleres e as nosas crianzas, somos vítimas nos conflitos armados e somos utilizadas como "botín de guerra".

E amosar os valores que debería ter unha sociedade mundial, como a nosa, para conquerir a paz definitiva.     

As mulleres da Marcha Mundial das Mulleres demostramos a nosa perseveranza e a nosa forza colectiva, para superar a inxusta orde actual que provoca violencia e pobreza, e construír o mundo que queremos, baseado na paz, a xustiza, a liberdade, a igualdade e a solidariedade.

--
Coordenadora Nacional Galega
Marcha Mundial das Mulheres
Marcha Mundial das Mulleres
Rúa Romil, 20, baixo
36202 Vigo-Galiza
Teléfonos de contacto:
Coord. Nacional: 671695968/637817745
Coord. Ferrol: 696732735
Coord. Pontevedra: 669794462
Coord. Vigo: 657825556/667531529
http://www.feminismo.info

ASOCIACIÓN GRUPO DIVERSIDADE FUNCIONAL FERROL E COMARCAS
R/Colon esq. Mendizabal B/4 P/5 Baixos 38-39 15406 Ferrol
Tlf: 981930544, Mobil: 620485450
E-mail:  diversidadefuncionalferrol@hotmail.com
Blog:    http://rachandobarreiras.blogspot.com

Enviado por:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
22 de maio de 2012 10:22
Por se fora do voso intéres. Mari Morado.
_________________

En toda Galiza están convocadas mobilizacións contras as medidas do goberno dereitista do PP que pretenden desmantelar a Sanidade Pública - En Ferrol a cita é para este Xoves 24 de Maio

CONTRA OS RECORTES E A PRIVATIZACIÓN DA SANIDADE PÚBLICA

CONCENTRACIÓN

Xoves 24 de Maio ás 7 da Tarde

na Praza Amada Garcia

diante do Edificio Administrativo da Xunta de Galicia en Ferrol

As medidas de recorte tomadas polo Goberno Central, coa complicidade da Xunta Galicia, introducen cambios fundamentais sistema sanitario público que atentan contra a universalidade, a accesibilidade, a equidade e o carácter redistributivo da Sanidade Pública, supoñen o inicio dunha contrarreforma sanitaria.

Coas medidas aprobadas, o Partido Popular:

1º.-  Acaba  co  sistema  sanitario  universal  como  un  dereito  básico  da  cidadanía  e introduce un modelo de aseguramento no que para ter dereito á asistencia sanitaria no marco da Sanidade Pública  hai que ser “asegurado”, deixando fóra aos que non reúnan esa condición.

2º.- Deixa fóra da atención sanitaria aos inmigrantes non regularizados, colectivo  en diminución pola crise,e que realiza un escaso uso dos servizos e un reducido gasto sanitario. A desculpa do “turismo sanitario” non pode xustificar a perda do carácter universal do dereito á asistencia sanitaria. Tamén deixa fora aos maiores de 26 anos que non teñan “cotizado”.

3º.- Reduce a oferta de servizos da sanidade pública, crea tres grupos de servizos e introduce o  copago (repago) en servizos esenciais  como a prestación farmacéutica,  ortoprotésica, a prestación con produtos dietéticos e o transporte sanitario non urxente(diálise, rehabilitación, quimioterapia, etd). Creaunha Carteira  común de  servizos accesorios, que pode ser financiada co copago ou a través de aseguradoras  privadas. Os recortes nos servizos afectarán especialmente ás mulleres.

4º.- Establece un sistema de copagos que afectan esencialmente aos pensionistas e enfermos    crónicos,    dificultando    o    acceso    a    medicacións    e    prestacións    sanitarias indispensables para a súa saúde, converténdose nun novo imposto á enfermidade.

5º.-  Inclúe  un  novo  “medicamentazo”  xa  que  anuncia  a  retirada  das  prestacións farmacéuticas  da  carteira básica, incrementando o copago, e retira medicamentos moi usados do financiamento público.

6º.- Incorre en intromisións graves nas competencias da Xunta de Galicia, limitando a súa capacidade de organización da asistencia sanitaria, tal e como recolle o Estatuto de Autonomía.

7º.- Cambia as condicións laborais do persoal da sanidade pública, diminuíndo o seu número e precarizando as súas condicións de traballo, coa conseguinte perda de calidade no servizo prestado.

8º.- Privatiza a xestión de áreas sanitarias, hospitais e centros de saúde, encarecendo o servizo e empeorando a súa calidade.

---

Para contactar coa Plataforma en Defensa da Sanidade Pública de Área Sanitaria de Ferrol:

plataformadspferrol@gmail.com
http://plataformadspferrol.blogspot.com/

No local social da Asociación Veciñal de Esteiro
Rúa Fernando VI, Bloque I baixo.
Ferrol 15403 - Telef. 981933223.

PARÉMOSLLES OS PES XA, AGORA !!
NON ESPEREMOS A QUE DESMONTEN A SANIDADE PÚBLICA !!
NON AO PECHE DO CONSULTORIO !!
POR UNHA SANIDADE PÚBLICA, UNIVERSAL E GRATUITA !!






Enviado por:
Fernández Sixto, Juan - Monturas (FE)
-jefernandez@navantia.es-
23 de maio de 2012 08:42
____________________

Festival 97 Aniversario do Real Coro Toxos e Froles

 

O vindeiro Domingo 27 de maio, ás 19:00 horas, no Teatro Jofre, o Real Coro "Toxos e Froles" celebrará o Festival para conmemorar o seu 97 Aniversario.

Queremos convidar a tódolos nosos amigos a que veñan a celebrar con nós neste Festival, no que faremos entrega da Medalla de Ouro do Real Coro "Toxos e Froles" a Miguel Vázquez, abandeirado do Real Coro dende 1970.

Contaremos coa participación dos seguintes grupos:
•Coral De Ruada
•Asociación Cultural Donaire
•Real Coro "Toxos e Froles"


Podedes recoller as invitacións tanto nas taquillas do Teatro Jofre en horario de 11:00 a 13:00 e de 18:00 a 20:00, como no noso Local Social da Rúa Magdalena 220, en horario de oficina.

A entrada é gratuita.

Dexámosvos aquí o programa do Festival:
Programa Festival 97 Aniversario Toxos e Froles.

Podedes descargar o tríptico do Aniversario na nosa web: http://www.toxosefroles.com/
__________________

Lanzamento en Esteiro - Mércores día 23 de Maio ás 11 horas vai producirse un desafiuzamento dunha muller (sen apenas ingresos) e o seu fillo de catro anos - Trata-se de evitar o desafiuzamento e Solicitar a paralización do mesmo por parte do Xulgado

Hoxe Mércores ás 11 da mañá unha cita solidaria e de xustiza en Esteiro, non deixemos que Yolanda e o seu fillo de catro anos fiquen na rúa. Desde Ártabra 21 chamamos a participa na Concentración polo dereito a unha vivenda digna, por xustiza, contra a pobreza.

Lanzamento en Esteiro

O vindeiro mércores día 23 de maio ás 11 horas vai producirse un desafiuzamento dunha muller (Yolanda G. F., sen ingresos e co Risga concedido sen cobrar aínda e como único ingreso a pensión de manutención do fillo) e o seu fillo de catro anos, que está escolarizado polos servizos sociais do Concello de Ferrol, será na Rúa Soto nº 1-3 1º Esquerda .

Se trata de evitar o desafiuzamento e Solicitar a paralización do mesmo por parte do Xulgado para que a súa nova avogada Iolanda Díaz, teña tempo de ver o expediente e poder exercitar a súa defensa.

En todo caso, DEMANDAMOS  do Alcalde de Ferrol e da Concelleira de Benestar Social do Concello de Ferrol que actúen como mediadores impedindo o lanzamento da citada veciña de Esteiro de do seu fillo e, en todo caso buscando unha solución alternativa que impida que un neno e a súa nai queden na rúa.

LEMBRAMOS que o Pleno do Concello de Ferrol acordou a constitución dunha mesa de desafiuzamentos que permita que o Concello de Ferrol medie entre as partes para buscar unha solución con garantías para todos.

Desde a Asociación Veciñal de Esteiro non entramos a facer ningún tipo de valoración de carácter moral ou legal, pero o que si entramos é en defender que se busque unha solución para que unha muller e o seu fillo de catro anos, e en pleno curso escolar, non fiquen na rúa a partir do mércores día 23 de maio e faremos canto poidamos para evitalo.

Xunta Directiva da AV de Esteiro

Local Veciñal:
Rúa Fernando VI,
Bloque I baixo
Ferrol -15403
Telef. 981933223
avesteiro@galicia.com
http://avesteiro.blogspot.com/

Enviado pola:

avesteiro

-avesteiro@galicia.com-

21 de maio de 2012 20:31

______________

Acto unitario polas Nosas Letras na Praza Rosalía de Castro de Ferrol - Fotos

Este Domingo 20 de Maio de 2012, ás 12 do mediodía tiña lugar na Praza de Rosalía de Castro un acto unitario polas Nosas Letras. Unha parte do movimento asociativo e cultural da cidade quixo render unha homenaxe na figura da nosa Rosalía, a todas as escritoras e escritores que utilizan o galego nas súas obras. Criticou-se as políticas dereitistas do PP que desde o poder institucional lexislan contra o Galego. Na defensa da Lingua houbo música, flores, poesía, intervencións e manifestos.

Fotos de Susete'70.
__________________

Xornada Comunitaria en Caranza: Desde primeira hora do sábado a actividade do Mercado de Caranza, desenvolvíase dun xeito especial

Desde primeira hora do sábado a actividade do mercado de Caranza, desenvolvíase dun xeito especial. Moitas das grises persianas de ferro, que manteñen fechados máis do 80% dos postos, aparecían cubertas de cores, de debuxos infantís co colorido alegre que os caracteriza, e de propostas, moitas propostas para converter unha das zonas máis deterioradas do barrio, nun espazo útil, dinámico e con valor para a comunidade.

Cinco asociacións de Caranza, a ANPA do IES Carvalho Calero, a ANPA do CEIP Manuel Masdias, a Asociación Cultural Fuco Buxán, a Asociación Sociocultural López Bouza e o Colectivo Sociocultural A Revolta de Trasancos, teñen trazado un camiño común para a posta en valor dun barrio que precisa dunha intervención comunitaria para mellorar a calidade de vida das persoas que o habitan.

O mercado de Caranza simboliza esa necesidade do barrio de reconstrución e rehabilitación. O abandono institucional que ven sufrindo este edificio público e o espazo que o circunda, decidiu a este grupo de asociacións a centrar a súa intervención comunitaria nel. Para iso contaron e contan co asesoramento e colaboración da delegación ferrolán do Colexio de Arquitectos de Galicia e da Asociación de Vendedoras e Vendedores do Mercado de Caranza.

Comezouse por realizar enquisas entre a veciñanza para recoller a súa opinión sobre a situación do mercado e coñecer as propostas e solucións que poden aportar.

Desde os centros públicos do barrio realizáronse visitas e traballos escolares sobre o mercado, animando á creación de ideas e solucións para este espazo público.

O sábado 19 foi a primeira cita para, dentro das propias instalacións do mercado, celebrar unha primeira xornada comunitaria para a posta en valor do mercado e comezar a criar colectivamente o proxecto da súa recuperación.

Unha das paredes do mercado proxectou imaxes de informativos onde os operadores e operadoras do mercado denunciaron en repetidas ocasións as condicións nas que teñen que desenvolver o seu traballo. Como contrapunto imaxes doutros mercados galegos, mostraban o que podería chegar a ser o noso.

A continuación, nun improvisado espazo entre dos postos de venda de froitas e verduras, Toni García, arquitecto, explicaba como barrios semellantes ao nosos en Europa, comezaron o camiño da rehabilitación con participación comunitaria hai xa varios anos. Explicou tamén como a arquitectura cambiou o camiño que tiña trazado até o século pasado, un camiño que comezaba por pensar os edificios, para ocupar espazos e posibilitar a vida. Agora o camiño recorrese á inversa, pensamos a vida e os espazos para decidir o tipo de edificio.

O arquitecto Miguel Raimúndez, encargouse da visita guiada polas instalacións do mercado, para ver, tanto os problemas derivados do paso do tempo e da falta de mantemento; aqueles problemas derivados dunha construción onde non se resolveron ben algúns problemas de permeabilidade; ou  aqueles outros que se derivaron de aplicar unha mala solución para os primeiros. Entrada de luz, ventilación, filtracións, evacuación de augas, cubertas... e unha viga exterior que precisa, xunto a esquina leste da cuberta, unha intervención urxente para evitar máis deterioro.

No espazo situado detrás do mercado improvisouse unha pequena asemblea onde se nos explicou as características das dúas parcelas que o conforman. Unha Casa da Mocidade, unha praza pública para celebrar as festas e o feirón, un espazo para o lecer e a convivencia... foron algunhas das ideas que comezaron a encher aquel espazo de soños que están chamados a converterse, na realidade dun barrio que desperta a unha nova etapa de construción comunitaria.

O acto nos medios:

Defenden a rehabilitación fronte á derriba nunha xornada sobre o mercado de Caranza [Ir ao xornal: Diario de Ferrol - 20.05.2012]

Rehabilitación [Ir ao xornal: Diario de Ferrol - 20.05.2012]

Saíu na Portada do Diario de Ferrol na edición impresa do Domingo 20 de Maio de 2012 [Acceder]

Cinco entidades de Caranza organizan unha xornada en torno ao mercado do barrio [Ir ao xornal: Diario de Ferrol - 17.05.2012]

Ferrol | Cinco asociacións de Caranza organizan unha xornada sobre o mercado do barrio | A cita é o sábado na propia praza de abastos [Ir ao xornal: La Voz de Galicia - 16.05.2012]

Enlaces de interese:

Blogues con información das actividades conxuntas das Asociacións do Barrio de Caranza - Ferrol.

http://barriodecaranza.blogspot.com.es/

http://caranza-ferrol.blogspot.com.es/

Fotos de Susete'70.
_ __________________

Este Domingo 20 de Maio, ás 12 do mediodía Acto Unitario polas Nosas Letras na Praza Rosalía de Castro

DOMINGO 20 DE MAIO
ACTO UNITARIO
NA PRAZA ROSALÍA DE CASTRO
EN FERROL
ÁS 12 DO MEDIODÍA

Este Domingo 20 de Maio de 2012, ás 12 do mediodía celebrara-se a homenaxe a Rosalía de Castro que todos os anos ten lugar na Praza que leva o nome da escritora galega. O Colectivo Ártabra 21 soma-se á convocatoria aberta, á que polo de agora se somaron a asociación Fuco Buxán, o Toxos e Froles, a Fundaçom Ártabria, o Ateneo Ferrolán, o Colectivo Sociocultural A Revolta de Trasancos, e a Asociación Sociocultural López Bouza, ... agardando que outras entidades participen nesta autoconvocatoria pola Lingua.

Todas as asociacións convocantes facemos un chamamento a toda a cidadanía para participar no Acto Unitario da Praza Rosalía de Castro, no barrio de San Xoán, para celebrarmos a nosa Lingua e as Nosas Letras. Un acto no que se escoitarán, desde distintas sensibilidades, valoracións e reivindicacións referentes á situación da Lingua e Cultura galegas, e unha expresión artística e popular que tamén vai reivindicar a todas as escritoras e escritores que utilizan o Galego.

O acto consistirá nunha ofrenda floral, música, lectura de poemas, manifestos, proclamas, ... este acto está aberto a toda a cidadanía.

A convocatoria unitaria desenvolvera-se a partir das 12 do mediodía, ao redor da pequena figura de Rosalía de Castro, que preside a praza no barrio de San Xoán de Ferrol, este Domingo 20 de Maio, polas Nosas Letras, nun momento moi crítico para a nosa lingua, onde a propia administración lexisla contra a súa normalización.

Clicar acima da imaxe para ampliar

__________________

Pode a Xustiza investigar os recortes?

O Defensor do Paciente pediulle ao Fiscalía Superior de Xustiza de Galicia que investigue sobre os "recortes brutais" no SERGAS porque "atentan contra a saúde e a vida" dos cidadáns. Por exemplo, denuncia "infeccións cirúrxicas" nun hospital ferrolá, cuxo xerente o acusa de alarmista.

Nun comunicado de prensa, a asociación inclúe neses "recortes" o peche de hospitais e de centros de saúde e demoras na asistencia por falta de persoal médico-sanitario. Unha situación que provoca, "que a asistencia está a ser deficitaria" no que se refire a listas de espera. "O 100% dos cidadáns cunha espera prolongada chega cun agravamento que en moitos casos é irreversible", denuncia, ao que suma "urxencias colapsadas, atentando á intimidade" e "pacientes revoltos".

Neste sentido, o Defensor do Paciente lembra que os pacientes "non teñen como obrigación soportar a mala xestión dos que gobernan" ou a "incoherencia dos copagos que tamén atentan contra aqueles que non poden sufrilos".

Hospital Juan Cardona de Ferrol

Esta institución pon coma exemplo o que acontece no Hospital Juan Cardona de Ferrol. "Realizan certas actuacións que preocupan enormemente porque, ao parecer, estanse producindo numerosas infeccións cirúrxicas, sendo especialmente graves as que afectan os implantes de PTC e PTR".

"Hai uns días o xerente reuniu aos traumatólogos por este motivo e comentoulles que tivesen mais coidado. Un deles, que hai dous anos denunciara na Inspección Médica que o hospital lles obrigaba a reutilizar material desbotable despois de esterilizarlo e negouse a iso, comentou que podía ser debido a que se realizaban obras no bloque cirúrxico sen deter a actividade, a que o ritmo de intervencións era alto e que non había nin material suficiente nin tempo para esterilizarlo correctamente".

"Crear alarma"

Ante esta denuncia, o xerente deste hospital respondeulle ao Defensor do Paciente que "como sempre o seu interese era crear alarma e que o que tiñan que facer era ser máis coidadosos". "Entenderá esta preocupación como lexítima", dille esta institución no escrito ao fiscal superior de Galicia, ao que piden unha entrevista persoal para exporlle estes feitos.

Finalmente, pide unha investigación "e depuración de responsabilidades" por entender que "pode haber un presunto delito por pór en risco a unha poboación tal delicada como son os enfermos". "A enfermidade non é un xogo e isto parece ser o que cren os mandatarios de sanidade cos recortes que están a realizar", finaliza.

Fonte: Galicia Confidencial | A Coruña | 16/05/2012

Enviado por:

avesteiro
-avesteiro@galicia.com-
16 de maio de 2012 17:32

__________________

Xoves 17 de Maio de 2012, Programa de RNE sobre Reganosa

Este Xoves día 17 de Maio de 2012, en Radio Nacional de España (RNE1) - 100.4 FM - a partires das 5 da tarde, no programa  "Asuntos Propios".

Tratara-se o tema de Reganosa a través de unha entrevista a Patricia Gabeiras. Avogada do Comité Cidadán de Emerxencia.

Prégase difusión.

--

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org


Enviado por:

Comité Cidadán de Emerxencia

-comitecidadan@gmail.com-

15 de maio de 2012 16:41

______________

Terceira Acción Obreira "Pola readmisión de Alberto, en defensa do Dereito a Folga e da Liberdade Sindical", tivo lugar en Mercadona d'A Gándara, en Narón - Vídeos e Fotos

Aínda non eran as 7 da tarde e xa ondeaban as bandeiras e autocolantes sindicais, USTG, UGT, CNT, CCOO, CIG... unha mostra de unidade, de solidariedade obreira deixando atrás convocatorias, protagonismos, sectarismos, que ás veces tinxen as burocracias sindicais. Porque esta mobilización merecía antepor as diferencias de política sindical, de siglas ou representatividade, para fortalecer a solidariedade co compañeiro represaliado por exercer o dereito á folga. Nun exercicio de comprensión colectiva da conxuntura política e sindical na que estamos, a manifestación obreira de solidariedade foi unha vez máis, e van tres, todo un éxito.

Eran as 7 da Tarde cando entramos polas portas do hipermercado do todo poderoso e dereitoso ultraliberal Juan Roig. Perante unha hora os berros de denuncia e protestas non cesaron, alguén quedou afónico ante tanta rabia contida, pola desvergonza do encargado, executor do despido, e fiel servidor do seu amo.

Desde Ártabra 21 achegamos unhas fotos e uns vídeos moi esclarecedores do que foi esta terceira mobilización obreira de unidade e loita contra o Capital.

A empresa ofreceulle a Alberto unha indemnización de 15.000 €, se aceptaba o seu despedimento, case 10.000€ máis do que lle correspondería por un despido improcedente. Mais o compañeiro, segue manifestando que o seu despedimento é un atentado contra a liberdade sindical, un despido radicalmente nulo, polo que se mantén firme en que só aceptará a readmisión. Mañá, 16 de Maio, terá lugar o acto de conciliación no SMAC, a próxima cita coa Empresa será no xuízo. Mais as mobilizacións continuarán.

Unidade Sindical contra o Capital !

Non permitamos que a burocracia sindical se instale nos nosos sindicatos !

A loita continua: "Pola readmisión de Alberto, en defensa do Dereito a Folga e da Liberdade Sindical".


http://youtu.be/MyPg_A0Gxec

Fotos: Susete'70 e Ártabra 21.
Vídeo: Ártabra 21 .
_____________________

Esquerda Unida demanda a readmisión das traballadoras e traballadores despedidos na FIMO e a dimisión do seu Presidente Xoan Gato

INFORMACIÓNS do Grupo Municipal de EU Ferrol

Ferrol, mércores 16 de maio de 2012

ESQUERDA UNIDA DEMANDA A READMISIÓN  DAS PERSOAS DESPEDIDAS EN FIMO E A CONVOCATORIA URXENTE DUNHA XUNTA DE VOCEIROS PARA TRATAR A INXUSTIZA
EU RECLAMA A DEMISIÓN DO PRESIDENTE DE FIMO
O NOSO GRUPO MUNICIPAL PRESENTARÁ UNHA MOCIÓN RECLAMANDO A READMISIÓN DAS PERSOAS DESPEDIDAS

O Grupo Municipal de  Esquerda Unida vén de manter un encontro de traballo coas persoas despedidas manu militari en FIMO, cunha aplicación desa lei de excepción laboral que ditou o obediente Rajoy para satisfacer aos mercados. Despedimentos producidos con erros na tramitación e sen que ás persoas despedidas coñezan a motivación aducida para botalas fóra.

A nosa organización vén de rexistrar a petición dunha Xunta urxente de Voceiros para abordar a inxusta problemática creada pola mala xestión comercial de FIMO, que agora se carga unilateralmente sobre as costas da plantilla. Dada a posición de socio do concello, a alcaldía ten que tomar decisión e partido nesta problemática, ou coa autoritaria presidencia ou cos traballadores e traballadoras despedidas.

Esquerda Unida en congruencia coa análise antedita realiza a demanda formal de demisión do presidente de FIMO, que coa súa xestión non vén senón a agravar a situación de FIMO e que semella ao noso xuízo merecente de deixar a presidencia do organismo canto antes.

Yolanda Díaz e Javier Galán acordaron a presentación dunha moción para o vindeiro Pleno na que se afronte de xeito público a situación de inxustiza creada e que se lle fai pagar a plantilla de traballadoras e traballadores.


Esquerda Unida - Ferrol
Rúa do Sol 124 entrechán esquerda, Ferrol

eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/


Enviado por:
Ferrol Esquerda Unida
-eu-ferrolterra@esquerdaunida.org-
16 de maio de 2012 14:54
Prezadas/os amigas/os: remitimos un INFORMACIÓNS onde reclamamos a demisión do presidente de FIMO, Xoán Gato, e maila readmisión das traballadoras e traballadores despedidos, para o que imos presentar unha moción ao Pleno, xunto a petición urxente dunha Xunta de Voceiros para que se pronuncie o Goberno. Saúdos, Ramiro Marier.
_______________

Resumo, en 40 puntos, do programa da 'Esquerad Radical Grega'. [Syriza]

Na foto: Alexis Tsipras.

A Coalizón da Esquerda Radical (SYRIZA) é unha coalizón de partidos de esquerda na Grécia.
Liderado por Alexis Tsipras, defende o aumento dos impostos para os contribuintes con mais rendimentos, o adiamento ou anulazón dos pagamentos da dívida e cortes nos gastos da defesa. Tsipras, un dos mais novos políticos gregos, defende unha frente de esquerda anti-austeridade.
Nas eleizóns parlamentares de 6 de Maio de 2012, o SYRIZA conquistou 16% dos votos e 50 deputados, tornandose o segundo maior partido. O crescimento do SYRIZA - e, por outro lado, a entrada no parlamento de dous partidos de extrema direita - é considerada como unha manifestazón de protesto contra a política de austeridade seguida nos últimos anos.

Un resumo, en 40 puntos, do programa electoral do partido Syriza, favorito nas enquisas agora que se van a repetir as eleccións en Grecia. 

• 1. Realizar unha auditoría sobre a débeda pública. Renegociar a súa devolución e suspender os pagos ata que se recupere a economía e volva o crecemento e o emprego.
• 2. Esixir á UE un cambio no papel do BCE para que financie directamente aos Estados e aos programas de investimento público.
• 3. Subir o imposto da renda ao 75% para todos os ingresos por encima do medio millón de euros anuais.
• 4. Cambiar a lei electoral para que a representación parlamentaria sexa verdadeiramente proporcional.
• 5. Subir o imposto de sociedades para as grandes empresas polo menos até a media europea.
• 6. Adoptar un imposto ás transaccións financeiras e tamén un imposto especial para os produtos de luxo.
• 7. Prohibir os derivados financeiros especulativos, como os swaps e os CDS.
• 8. Abolir os privilexios fiscais dos que goza a igrexa e os armadores de barcos.
• 9. Combater o segredo bancario e a evasión de capitais ao estranxeiro.
• 10. Rebaixar drasticamente o gasto militar.
• 11. Subir o salario minimo até o seu nivel previo aos recortes (751 euros brutos mensuais).
• 12. Utilizar os edificios do Goberno, a banca e a igrexa para aloxar ás persoas sen fogar.
• 13. Pór en marcha comedores nos colexios públicos para ofrecer almorzo e xantar gratuíto aos nenos.
• 14. Ofrecer sanidade pública gratuíta para as persoas desempregadas, sen fogar ou sen ingresos suficientes.
• 15. Axudas de até o 30% dos seus ingresos para as familias que non poden afrontar as súas hipotecas.
• 16. Subir as prestacións de desemprego para os parados. Aumentar a protección social para as familias monoparentais, os anciáns, os discapacitados e os fogares sen ingresos.
• 17. Rebaixas fiscais para os produtos de primeira necesidade.
• 18. Nacionalización dos bancos.
• 19. Nacionalizar as antigas empresas públicas de sectores estratéxicos para o crecemento do país (ferrocarrís, aeroportos, correos, auga…).
• 20. Apostar polas enerxías renovables e pola protección do medio ambiente.
• 21. Igualdade salarial para homes e mulleres.
• 22. Limitar o encadeamento de contratos temporais e apostar polos contratos indefinidos.
• 23. Ampliar a protección laboral e salarial dos traballadores a tempo parcial.
• 24. Recuperar os convenios colectivos.
• 25. Aumentar as inspeccións de traballo e os requisitos laborais para empresas que accedan a concursos públicos.
• 26. Reformar a constitución para garantir a separación Igrexa-Estado e a protección do dereito á educación, a saúde e a protección do medio ambiente.
• 27. Someter a referendo vinculante os tratados europeos e outros acordos de importancia.
• 28. Abolición de todos os privilexios dos parlamentarios. Eliminar a especial protección legal dos ministros e permitir aos tribunais ordinarios procesar aos membros do Goberno.
• 29. Desmilitarizar a garda costeira e disolver as forzas especiais antidisturbios. Prohibir a presenza de policías encubertos ou con armas de fogo nas manifestacións e mitins. Cambiar os plans de estudo dos policías para pór énfases nos temas sociais, como a inmigración, as drogas ou a exclusión social.
• 30. Garantir os dereitos humanos nos centros de detención de inmigrantes.
• 31. Facilitar aos inmigrantes a reagrupación familiar. Permitir que os inmigrantes, incluso os indocumentados, teñan acceso pleno á sanidade e a educación.
• 32. Despenalizar o consumo de drogas, combatendo só o tráfico. Aumentar os fondos para os centros de desintoxicación.
• 33. Regular o dereito á obxección de conciencia no servizo militar.
• 34. Aumentar os fondos para a sanidade pública até os niveis do resto da UE (a media europea é do 6% do PIB e Grecia gasta o 3%).
• 35. Eliminar o copago nos servizos sanitarios.
• 36. Nacionalizar os hospitais privatizados. Eliminar toda participación privada no sistema público de saúde.
• 37. Retirada das tropas gregas de Afganistán e os balcanes: ningún soldado fóra das fronteiras de Grecia.
• 38. Romper os acordos de cooperación militar con Israel. Apoiar a creación dun estado Palestino dentro das fronteiras de 1967.
• 39. Negociar un acordo estable con Turquía.
• 40. Pechar todas as bases estranxeiras en Grecia e saír da OTAN.

Tirado de: www.escolar.net

Documental VENCEREMOS NÓS | a represión ao metal e o proceso a Antolín Alcántara

Breve documental que recolle esceas de arquivo da represión policial e gobernamental á folga do metal da provincia de Pontevedra en 2009, así como a situación actual do proceso xudicial contra Antolín Alcántara, secretario confederal de negociación colectiva da CIG, ao que a fiscalía prentende enviar ao cárcere en base aos sucesos de 2009.

Manteñen petición de cadea para Alcántara ao remate do xuízo pola folga do metal de 2009 malia non probarse a autoría dos feitos

O secretario confederal de Negociación Colectiva da CIG recibiu o apoio e a solidariedade dos seus compañeiros/as ás portas dos xulgados de Vigo.
A Fiscalía decidiu manter a petición de prisión para o secretario confederal de Negociación Colectiva e Saúde Laboral da CIG ao remate do xuízo celebrado este martes en Vigo a pesar de que non quedou acreditada a autoría dos feitos polos que se lle acusa, xunto a outras dúas persoas, de desordes públicos e danos durante a ocupación da estación marítima na folga do metal de 2009. Antolín Alcántara recibiu o apoio e a solidariedade dun nutrido grupo de compañeiros/as da central nacionalista, que se concentraron ás portas dos xulgados para reclamar a súa absolución.

Aínda que rebaixou a proposta inicial case á metade, o fiscal decidiu manter as petición de prisión para o dirixente da CIG e para o secretario comarcal do Metal de CCOO, Ramón Sarmiento, mentres que optou por retirar a acusación contra a ex responsábel de prensa do sindicato nacionalista na cidade, a quen a propia xuíza lle comunicou a súa absolución.

Pola contra, para Alcántara o Ministerio Fiscal pediu dous anos e medio -un e medio por desordes públicos e un por danos- e unha sanción económica duns 5.500 euros (12 meses a razón de 15 euros diarios, mentres que a petición inicial elevábase até os 18 meses). No caso de Sarmiento a petición de cadea quedou en dous anos, un por desordes e outro por danos, e unha multa do mesmo importe.

Un nutrido grupo de responsábeis e delegados/as da CIG concentráronse dende media hora antes do inicio da sesión -prevista para as 9.00 horas- ás portas dun edificio xudicial custodiado no seu acceso principal por máis de 20 axentes da Policía española. O secretario xeral da CIG, Suso Seixo, e o responsábel do sindicato na comarca, Serafín Otero, acompañaron a Alcántara ao interior dos xulgados mentres era despedido con berros de ánimo e aplausos.

Durante a sesión reproducíronse as imaxes captadas polas cámaras de seguridade da Autoridade Portuaria, nas que en ningún momento se observa a rotura da porta de acceso á estación marítima, e compareceron máis dunha ducia de testemuñas, entre gardas civís, policías e xornalistas.

Refuxiarse na estación marítima

Tampouco quedou probado que a intención dos folguistas fose ocupar a estación marítima e mesmo acceder a un cruceiro que se atopaba neses momentos atracando, tal e como sostivo o fiscal no seu alegato. Ben ao contrario, xa que o seu plan pasaba por realizar unha asemblea no acceso ao centro comercial que hai na zona para visibilizar o conflito diante dos turistas, “pero unha carga policial partiu o grupo en dous e unha parte correu a refuxiarse onde primeiro atopou”, tal e como explicaron os acusados no xuízo.

Ao remate da sesión, o secretario xeral da CIG dirixiuse ás persoas que agardaban á saída cinco horas despois para agradecerlles a súa solidariedade co compañeiro procesado e denunciar a actitude da Fiscalía e da propia xuíza. Suso Seixo criticou a dureza con que se persegue ás persoas que salientan polo seu compromiso cos dereitos da maioría social, “mentres se fai a vista gorda cos especuladores que causaron a crise ou cos empresarios que vulneran cada día dereitos fundamentais dos traballadores/as”.

Fonte: Avantar

Enlace relacionado:
http://www.galizacig.com/avantar/novas/15-5-2012/mantenen-peticion-de-cadea-para-alcantara-ao-remate-do-xuizo-pola-folga-do-metal-de-
___________________