Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
Continuamos co traballo relativo ao proceso de orzamentos participativos; como sabedes na última reunión do Grupo Motor e o Grupo de Análise e Proposta, acordamos manter unha nova xuntanza este mércores 26 de agosto; será no local social da A.VV. do Cruceiro de Valón, ás 19,00 horas.
Trataremos os seguintes puntos:
Validar os acordos da última reunión e pechar o borrador do regulamento de orzamentos participativos 2009, determinando quen valida o documento (Grupo Motor e GAP) e/ou asemblea.
Datas da planificación ou plan de traballo.
Unha aperta,
Área de Participación Cidadá E DEPORTES Maica Rodríguez Freire, técnica en Participación Cidadá Praza de Armas, s/n. 1º andar. 15402 Ferrol Tel.: 981.944.015 / Móbil: 696.112.691 participacion@ferrol.es
Enviado por: Participación Cidadá -participacion@ferrol.es- 24 de agosto de 2009 11:47
______________
Documento interesante:
Poden-se baixar dos Arquivos Ártabros [en formato -pdf- 14 páxinas] o Borrador de Regulamento do proceso piloto para a elaboración de Orzamentos Participativos. Concello de Ferrol 2009: Baixar __________________________
Os campos de concentración que os franceses montaron para os exiliados republicanos acadaron cotas elevadas de crueldade. Non foron campos de exterminio sistemático como os campos nazis, pero foron nalgúns casos a súa antesala. A poboación civil francesa comportouse de xeito variado: Indiferencia, desprezo, medo, trato humanitario e solidario. A prensa de dereitas cargou tintas, mesmo racistas, contra aquela poboación derrotada de exiliados. Pero houbo un feito que aínda hoxe non comprendo ben. Teño que falalo con algún psiquiatra para ver se eles posúen un termo científico que o explique: Producíronse excursións de curiosos, un turismo político, para contemplar aquelas xentes recluídas detrás dos arames de espiño. “Le Midi Socialiste” publicou unha reportaxe sobre colas enormes de turistas que nos domingos acudían á estrada que discorre ao longo do campo de Sainte Cyprien: "Visitábanos como se contempla aos animais do zoo. E iso era así porque a prensa extremista os describira como monstros e a xente, na súa simpleza ou con mala fe, achegábase a comprobalo. Para redondear o negocio, fotógrafos profesionais ou afeccionados fixeron dos republicanos o branco das súas cámaras e nas tendas vendíanse postais dos campos de internamento...” (libro de Secundino Serrano: A última xesta, os republicanos que venceron a Hitler). Así como en Alemaña había como unha consigna nacional: “Ninguén sabía nada, ninguén viu nada”. Moitos franceses colaboracionistas practicaron un “voyerismo” obsceno. Un turismo perverso.
[*] Eduardo Fra Molinero, ferrolán que nace en Ponferrada en 1946. Escritor, Profesor de Historia, Investigador, ... [+info no google]
_________________________________
España expulsou ao embaixador de Honduras en Madrid, José Eduardo Martell, pola súa adhesión ao goberno de facto xurdido tras o golpe de estado que derrocou ao presidente Manuel Zelaya, anunciou hoxe a Organización de Estados Americanos (OEA).
Segundo unha carta oficial remitida ao secretario xeral da OEA, José Miguel Insulza, a decisión foi tomada despois de que o 5 de agosto Zelaya anunciase ás autoridades españolas a destitución de Martell como embaixador ante Madrid e a súa substitución por un encargado de negocios, informou a axencia alemá DPA.
O Ministerio de Asuntos Exteriores de España convocou o 19 de agosto a Martell para informarlle do termo da súa acreditación como embaixador e instrucións para abandonar o país en breve, nunha decisión "coherente co compromiso da comunidade internacional de manter a interlocución oficial co goberno constitucional de Honduras", di a misiva enviada á OEA.
Nesta, o goberno de José Luís Rodríguez Zapatero reiterou ademais a súa "posición de firmeza (...) clara e sen reservas" fronte ao golpe de estado hondureño. (Télam) (Publicado en "El Patagónico")
Menáncaro non ten quen lle escriba. E a escritura é a maneira adecuada de amosar interese real en salvagardar a súa fraga, a fraga de todos nós. Na escritura atópase a chave da protección de Menáncaro. As verbas voan e os papeis aprobados permanecen. Mais semella que ninguén do Goberno Municipal sabe escribirlle a Menáncaro o que é de xustiza. Levamos xa consumido a metade do actual mandato municipal sen que os responsables de urbanismo e o alcalde elaboren o escrito xusto e necesario; escrito que debe contemplar a modificación puntual do plan para deste xeito impedir definitivamente que se poida especular e facer negocio contra o valor desa fraga. A elección é ben simple, ou cementar para beneficio duns poucos, ou pola contra apostar pola conservación da carballeira, dos ameneiros, do prado húmido, todo en beneficio da colectividade. Elección que non debería suscitar dúbidas no Goberno Municipal, que nembargantes vai deixando morrer o tempo, alongando o impasse sobre o espazo. Esquerda Unida segue a facer de Menáncaro unha esixencia indeclinable, ao punto de incorporar este compromiso no acordo asinado para apoiar os orzamentos de 2009. Por isto reclamamos do Goberno que sexa dilixente e cumpridor, que deixe de amolar con desculpas e que elabore xa a modificación puntual do plan, proceso que non necesita máis de tres meses, e que neste outono as árbores celebren a cerimonia da natureza protexidas polas letras da cidade.
Entre outros temas, os presidentes Lula e Morales abordarán o tratado de compra e venda de gas boliviano a Brasil, vixente desde 1999. Antes da súa visita a Bolivia, o presidente Lula insistiulle ao seu homólogo estadounidense que aumente a súa presión para a saída do Goberno de facto de Honduras.
Por a imposiblidade de poder cumprir as bases do concurso internacional de gaita
Comunicado da Xunta Directiva do Ateneo Ferrolán
Por incumprimento das BASES con relación ao punto 5 "Gaiteiro de Soutelo" do Concurso Internacional de Gaita Galega "Constantino Bellón" que textualmente di:
"Gaiteiro de Soutelo" (Punto nº 5 do "Constantino Bellón)
a.- Co gallo de promociona-la participación da Galicia do exterior no Concurso "Constantino Bellón", a Secretaría Xeral de Emigración da Xunta de Galicia convoca o Premio "Gaiteiro de Soutelo".
b.- Poderán participar tódolos gaiteiros dos centros galegos ou institucións da Galicia do Exterior.
c.- Os concursantes deberán enviar á Secretaría Xeral de Emigración:
1. Un CD gravado coa peza "Patapau, Xota do Pirata", de Pedro David LamasVarela, facendo constar na mesma o pseudónimo adoptado.
2. Partitura orixinal dunha peza de composición inédita, creada expresamente para este Premio, así como copia doutra tradicional ou de autor.
d.- PLICAS. Os concursantes enviarán o CD nun sobre pechado cun pseudónimo identificador. Conxuntamente, noutro sobre escrito por fora co mesmo pseudónimo, deberán facer consta-los datos persoais do participante: nome e apelidos, enderezo, teléfono, correo electrónico, país de residencia e nome do centro ou institución galega pola cal se presenta. No mesmo deberán incluílo orixinal da partitura inédita presentada ó Premio "Gaiteiro de Soutelo", e máis a copia da tradicional ou de autor.
e.- PRAZO. O prazo de presentación remata o 5 de maio do 2009.
f.- PREMIOS. Os premios "Gaiteiro de Soutelo" consistirán na asistencia e participación, cos gastos de desprazamento e estadía pagados, ó concurso "Constantino Bellón", que organiza o Ateneo Ferrolán o 31 de agosto do 2009, na cidade de Ferrol (Galicia).
* Haberá catro premios .
Ante a resposta obtida por parte da Secretaria Xeral de Emigración da Xunta de Galicia con data 24.07.09 que nos transmite que:
..... debido á necesidade de atender outras prioridades específicas propias deste departamento, non será posible, nesta ocasión, colaborar coa devandita iniciativa cultural.
A Xunta Directiva do Ateneo Ferrolán lamenta COMUNICAR que, a pesar das diferentes xestións realizadas para subsanar esta anomalía, ao non poder cumprir as BASES do devandito Concurso, a edición do 19º Concurso Internacional de Gaita Galega "Constantino Bellón" se celebrará en AGOSTO de 2010, quedando á espera do comunicado que emitirá o XURADO do "Constantino Bellón".
Ferrol a 20 de agosto de 2009.
-- Publicado por Ateneo Ferrolán para Ateneo Ferrolán el 8/22/2009 02:32:00 PM
Enviado por: Ateneo Ferrolán
-bettinakorten@freenet.de-
22 de agosto de 2009 14:39
O "bipartito foi covarde cando gobernou por non tirar abaixo o proxecto [Cidade da Cultura], o PP non ten eses complexos para tirar todo o deles abaixo, eólicas, galescolas ..."
Xan Carlos Ansia: “O Audi de Touriño vale o mesmo que catro baldosas da Cidade da Cultura”
“O bipartito tivo complexos á hora de parar o Gaiás cando o PP nunca os ten e agora tira con todo o deles”, asegura o portavoz da plataforma "Cultura si; Mausoleo non" Rodri Suárez 20/08/2009
Dende hai uns anos, as posturas contrarias tanto á construción como aos usos dados á Cidade da Cultura teñen o seu principal altofalante na plataforma ‘Cultura si; Mausoleo non”, da que Xan Carlos Ansia é o seu voceiro.
A Cidade da Cultura ou a polémica de nunca acabar?
Semella que non acaba nunca pero nós estamos onde sempre. Seguimos denunciando o proxecto, ese despilfarro sen xustificación que o PP ideou e o bipartito non se atreveu ben a paralizar ou ben a redefinir para reconvertelo en algo coherente e así continuamos, co mamotreto dando gastos, feito un burato sen fondo que vai a peor. Cada vez enterámonos de máis cousas e poucas positivas. Cada vez é máis evidente o que nós pensamos respecto a que certas actuacións deberían ter algunha repercusión legal. Un proxecto xa de por si caro pero que custaba 100 millóns de euros agora conta cun presuposto que ascende a 500. Isto á forza ten que ser constitutivo de delito.
O proxecto do Gaiás foi unha mala idea de partida ou estivo mal xestionada e iso converteuna no problema que agora semella que é?
Foi unha mala idea de partida, innecesaria posto que nin os galegos nin os composteláns tiñamos esa prioridade, hai outras necesidades culturais en Galicia, hai unha rede social escasa, castros abandonados, igrexas románicas deixadas á súa sorte, ese é o patrimonio que deberíamos poñer en valor en vez de erguer un mamotreto sen sentido. Se as autoridades queren fomentar a cultura aí teñen o patrimonio abandonado, en cada vila todos coñecemos algo que merece a pena coidar, en Compostela mesmo contamos con algún castelo sen escavar. O patrimonio leva anos aí, hai que poñelo en valor, cuidalo e conservalo, esa é a necesidade cultural básica.
O proxecto naceu dun Goberno popular pero curiosamente quen tirou réditos políticos dos problemas da Cidade da Cultura foi o PP.
Nós dixemos que bipartito foi covarde cando gobernou por non tirar abaixo o proxecto, o PP non ten eses complexos para tirar todo o deles abaixo, eólicas, galescolas... A nosa iniciativa cidadá naceu cando chegan aqueles dos que esperamos o contrario do PP pero continúan coa súa obra. O PP cometeu un pecado orixinal, pero os outros participaron del. Houbo unha comisión, unha denuncia xudicial da que saberemos cando interese politicamente, non cando ten que ser porque dentro de 20 anos de nada valerá xulgar a Fraga ou a Pérez Varela. É agora cando queremos saber que se fai cos cartos, que foi desas fundacións, para que serviron aqueles comités de sabios que custaron cartos pero semella que para pouco máis achegaron. E outras cousas, iso que dixeron de facer un teleférico, logo a pinacoteca... todo isto é inxustificable. Semella que os políticos perderon o sentido común. Pensar que só o manteñemento vai custar 60 millóns de euros anuais é moi forte.
Pero os responsables do proxecto foron os que se beneficiaron das súas críticas ...
Eu persoalmente levo no nacionalismo dende os quince anos, pero o Bloque abandonou unha das liñas basicas polas que chegou á Xunta. Eu creo que o bipartito perdeu por facer en certos ámbitos o mesmo que os anteriores... algúns votantes sentímonos defraudados. Agora, xa se verá como o BNG tarda ben pouco en volver a posicionarse en contra da Cidade da Cultura.
É viable falar agora de poñer fin ás obras, que xa están algo avanzadas?
Hai dous edificios sen iniciar...ós dicimos que por que pecharse en que sexan para pinacotecas ou non sei que? hai edificios en Santiago que naceron para unha cousa e agora son outra: igrexas que funcionan como museos ou facultades, o mesmo Parlamento foi antes un hospital... porque hai que obstinarse co Palacio da Ópera ou tal museo? hai que aproveitalo o mellor posible, incluso agora para que se vexa como está, non se pode nin ver, nin os xubilados poden disfrutar destas obras, o Gaiás leva nove anos na clandestinidade. E non valen demagoxias agora coa austeridade, porque o famoso Audi de Touriño vale o mesmo que catro baldosas destas que van poñer alí.
E unha cuestión que afecta a toda Galicia, a máis cidades que a Compostela?
Compete a toda Galicia. En Ourense ou en Vigo hai edificios históricos no centro que caen a cachos. Non pode ir todo o orzamento da Consellería de Cultura nun só proxecto nin se poden afundir cartos no Porto exterior da Coruña ou no Gaiás e que logo non haxa mascarillas para a Gripe A.
O GRUPO MUNICIPAL DE ESQUERDA UNIDA AMOSA A SÚA PREOCUPACIÓN POLO RETRASO E DESINTERESE QUE MANIFESTA O GOBERNO MUNICIPAL PARA PROTEXER MENÁNCARO
YOLANDA DÍAZ INSTA AO GOBERNO MUNICIPAL A FACER EFECTIVA A MODIFICACIÓN PUNTUAL PARA GARANTIR A MÁXIMA PROTECCIÓN Á FRAGA DE MENÁNCARO
Esquerda Unida lamenta a tardanza do Goberno Municipal para facer efectiva a clásula recollida no acordo sobre os orzamentos do concello de Ferrol para 2009, que contén a condición de acadar a protección efectiva da fraga de Menáncaro, mediante a modificación puntual, proposta incorporada a instancia do Grupo Municipal de Esquerda Unida.
Mediado o mandato municipal, a nosa organización non entende a falla de ritmo e de vontade política que trasluce o Goberno para impulsar os trámites necesarios para facer realidade a protección de Menáncaro. Desleixo e desinterese semellan presidir o non facer do Goberno Municipal no que atinxe a Menáncaro.
A Voceira do Grupo Municipal de Esquerda Unida, Yolanda Díaz, subliñou que non pode ser que unha modificación puntual que debe realizarse en tres meses acumule un retraso de case dous anos. A masa forestal situada no val de Aneiros ou da Sardiña, coñecida como fraga de Menáncaro, ten unha singularidade certa para o noso concello polo valor das carballeiras que acubilla, o seren unha especie pouco presente no noso termo municipal. A nosa organización entende que hai que acelerar os traballos que lle corresponden o concello para achegar a tan esperada protección.
Aínda no Pleno de novembro do ano pasado, o Goberno Municipal voltou a esquivar a cuestión e trouxo a elaboración dun estudo e a suspensión de licenzas de urbanización nun área que xa deixaba fóra a zona das Regueiras. Esquerda Unida subliñou entón que a fórmula boa, a que garante que a fraga de Menáncaro quede a salvo de calquera ataque urbanístico é a da aprobación da modificación puntual, a cal o Goberno demora sine die.
Esquerda Unida considera que o reforzamento da protección de Menáncaro cobra unha particular urxencia diante do cambio de Goberno na Xunta, cun Goberno que defende unha política marcada pola flexibilización ou aceptación do todo vale en materia de urbanización, como xa están a evidenciar as primeiras medidas adoptadas nese eido.
Enviado por: eu-ferrolterra@esquerdaunida.org 19 de agosto de 2009 13:53
Prezad@s amig@s: vaivos no arquivo un informacións de EU demandando a modificación puntual para a fraga de Menáncaro. Grazas pola vosa atención. Saúdos, Ramiro Marier _____________
O Goberno municipal de Ferrol ten presentado un estudo de viabilidade para a construcción dun novo aparcadoiro subterraneo na praza do Concello. Este aparcadoiro tería mais de 400 prazas e catro accesos.
Desde a Masa crítica de Ferrol pensamos que este proxecto atenta gravemente contra o casco historico da nosa cidade. Esta iniciativa de favorecer a entrada ve vehículos no barrio historico da Magdalena choca frontalmente coa peatonalización que se vai levar a cabo.
Pensamos desde a Masa crítica que os barrios, e mais o barrio da Magdalena teñen que convertirse en zonas libres de coches. Onde só circulen os trasportes públicos e as bicicletas. Así xeraríamos un tecido social entre a veziñanza, comerciantes e paseantes que redundaría na mellora dos barrios. Este tecido debilitase en canto fomentamos en exclusiva o transporte privado.
Sé pretendemos ter una cidade viva temos que priorizar a xente sobre os coches, temos que ter una vida cotía ó alcante do pé ou do pedal. Non podemos seguir construindo barrios dormitorio, carentes de de vida cidadá, onde as xentes se teñen que desplazar para as mínimas necesidades nas suas vidas. Non podemos seguír a fomentar os macro-centros comercias que matan o pequeno comercio das nosas cidades e afogan o texido social.
Todas sabemos que a civilización do automobil estanos levando a catastrofe ecolóxica, pois os automóbiles son os responsables do 30% das emisións de gases de efecto invernadoiro.Se queremos evitar a catastrofe non podemos seguir a incentivar o uso do vehículo privado con mais aparcadoiros, esta xa demostrado que cantas máis autoestradas e máis aparcadoiros, mais conxestión viaria.
Parecenos tamen paradoxico que mentras o señor Irisarri fala de facer de Ferrol unha cidade ecolóxicamente sostible, con máis carrís bici, amparandose na axenda 21 local, por outra banda este promovendo as expectativas de uso do vehiculo privado. Estes discursos de "clorofila verde" amosan a vontade real dos gobernantes da cidade en canto as políticas verdadeiramente sustentables.
A nosa tarefa e a dosgobernantes ten que ser a de contribuir a un novo estilo de vida e non a de estar o sevizo da gran industria do motor.
Temos que quitar xa os coche os ruidos e os fumes da Magdalena e isto só se fai suprimindo o aparcadoiro da Praza do Concello. Non rescatando a concesión especulativamente para beneficiar a unha minoria. E chamativo tamen cando na Praza de España existe un aparcadoiro infrautilizado, cun nivel de uso que non chega o 20 º/ e situado a beira do casco historico, se queira volver as politicas "desarrollistas" dos anos 60.
POR TODO ELO A MASA CRíTICA DE FERROL PIDE A PARALIZACIÓN DUN NOVO APARCAMENTO NA PRAZA DO CONCELLO E INSTAMOS AO GOBERNO E CORPORACIÓN MUNICIPAL QUE ABANDONE ESTES PLANTEXAMENTOS SUICIDAS PARA CONSTRIR UNHA PRAZA PÚBLICA PARA GOZO E DESFRUTE do POBO FERROLÁN.
Enviado por: Alexandre Carrodeguas -republicadetraballadoras@gmail.com- 19 de agosto de 2009 00:50
___________________
Ademais da sentenza firme polo despedimento dunha traballadora que tiña sen contrato e Seguridade Social, este cargo da Xunta acumula varias demandas por impago de salarios e está involucrada en varios despedimentos
A CIG de Ferrol exixiu a semana pasada a demisión ou cese da Directora Xeral de Colocación e Formación da Xunta de Galiza, ao ser esta condenada polo Xulgado do Social Nº2 de Ferrol, en Sentenza Firme, solidariamente polo despedimento dunha traballadora que nen estaba dada de alta na Seguridade Social, nen posuía contrato de ningún tipo. Tamén son varias, aparte da sentenza firme reseñada, as demandas de cantidades que varias traballadoras teñen interposto diante da xustiza contra este cargo da Xunta.
Asi, desde a comarca de Ferrol da CIG critican as "escusas e falsos argumentos" aportados pola Conselleira para defenderse, xa que "queremos deixar ben claro, que a Directora Xeral, foi condenada en sentenza firme polo despedimento dunha traballadora que estaba a desenvolver as suas tarefas incumprindo totalmente a lexislación laboral, e que é esa mesma lexislación a que a Directora Xeral debe facer cumprir".
Sentenza e condena en firme
A sentenza é polo tanto firme e non foi recorrida no seu momento pola Directora Xeral, e engaden desde a CIG de Ferrol que "se pretende enganar por parte da Consellaria á cidadania, expresando nos medios que foi condenada subsidiariamente,é dicir, que faria frente aos pagos no caso de que non o fixese a empresa do seu pai e irmá".
A CIG-Ferrol lembra que "a sentenza ten condenado á Directora Xeral de xeito solidario, isto é que ten que pagar solidariamente coa empresa", e fica como feito probado que a Directora Xeral despediu persoalmente á traballadora, que estaba a traballar en fraude de Lei.
Sinalan que "a Conselleira pode disfrazar os feitos, mais os feitos están transcritos nunha sentenza xudicial sen recurso posíbel, e o resto son xustificacións inaceitábeis".
Nese sentido pregúntanse "que está a agardar o Sr. Feijoo que tanto se preza de ter un governo honesto a tomar as medidas oportuna coa Directora Xeral e mesmo cunha Conselleira que ampara no seu equipo a quen foi condenada por incumprir a lei".
A CIG-Ferrol insiste na petición do cese da Directora Xeral de Colocación e Formación da Xunta de Galiza, e da Conselleira de Traballo, que "absurdamente a ampara".
Varias demandas por cantidades contra a Directora Xeral
Tamén son varias, aparte da sentenza firme reseñada, as demandas de cantidades que varias traballadoras teñen interposto diante da xustiza contra este cargo da Xunta. A Directora Xeral, ten sido demandada por impago de salarios por duas traballadoras, a través dos organismos da propia Consellaria de Traballo, o SMAC (Servizo de Mediación, Arbitraxe e Conciliación).
A Directora Xeral non apareceu a súa cita no SMAC o 12 de agosto
A través do SMAC foron citadas as partes para o dia 12 de agosto ás 10:30h no citado servizo en Ferrol. A CIG Ferrol informa que "lamentabelmente, a demandada, a Directora xeral, facendo caso omiso da obrigatoriedade que a Lei establece respecto á asistencia a dito acto, non compareceu. Este semella ser o valor que lle dá á Lei a Directora Xeral. Agora o asunto pasará a engrosar os expedentes a tramitar por uns desbordados Xulgados do Social de Ferrol, ao non ter comparecido, nen procedido a abonar os salarios adebedados".
Esta nova denuncia á Directora Xeral é dunha traballadora que prestaba servizos a tempo parcial como Empregada do Fogar da mesma e ademais facíao na empresa que rexentan seu pai e mais seu irmán. Ao igual que outra traballadora, carecia de contrato e alta na Seguridade Social, sendo ambas despedidas verbalmente, despedimentos que xa foron declarados xudicialmente como improcedentes.
Petición de cese e demisión
Por último, desde a CIG de Ferrol subliñan que "unha Directora Xeral, condenada xa en sentenza firme, involucrada en varios despedimentos, e entendemos que claramente coñecedora de que a sua familia ven incumprindo a Lei reiteradamente, e que non só, non denuncie os feitos, senón que sexa probado xudicialmente que nun dos casos foi ela mesma quen efectuou o despedimento, despedimento dunha traballadora que desenvolvia o seu quefacer fóra da legalidade, unha Directora xeral, que adebeda salarios a unha traballadora, non é evidentemente, a persoa mais indicada para estar nunha consellaria defendendo o cumprimento da Lei que de feito ela mesma incumpriu. Quen poda defender esta actuación, non nos merece tampouco garantia nengunha, senón que entendemos é mesmo criadora de alarma social".
Condenan á directora xeral de Colocación da Xunta por ter unha empregada sen contrato Radio Fusión - 13.08.2009 Traballaba na cafetería da Estación de Autobuses de Ferrol e non para a Directora Xeral de Formación e Colocación da Xunta de Galicia, afirmaron esta mañá a Radiofusión dende o Gabinete de Prensa da Consellería de Traballo. As mesmas fontes indican que, en último caso, a ferrolana Ana María Diaz faráse cargo da indemnización por despido da empregada.
"Pueblos" é unha publicación trimestral de información e debate, vinculada aos movimentos sociais e cunha clara vocación internacional. Trata-se dunha aposta editorial pola solidariedade e a interculturalidade, cuxo fin é proporcionar unha ollada crítica sobre a realidade ... [+info]
Novos Artigos:
Quen é Hezbollah? por Jon Van Camp - 14 de agosto de 2009 Israel di que é unha organización terrorista e extremista. George Bush dicía que é unha ferramenta de Irán, e afirmaba que matou a máis estadounidenses que calquera organización terrorista, excepto Ao-Qaeda. Pero os líderes dos gobernos que tratan de destruír a Hezbollah non son os únicos que o condenan. Tanto Human Rights Watch como Amnistía Internacional acusaron a Hezbollah de violacións dos Dereitos Humanos, e Robert Fisk, o xornalista independente que axudou a expor algúns dos peores crimes de Israel e EE UU en Oriente Próximo, di que Hezbollah provocou a última guerra no Líbano, e é o responsable de levar á catástrofe aos seus correlixionarios. Mentres tanto, con todo, Hezbollah gañou crecente apoio en Oriente Próximo, moito máis alá da súa base entre os musulmáns chiítas no Líbano, pola sinxela razón de que é, en palabras de Aijaz Ahmad, nun artigo da revista Frontline en India, a única entidade que, a través da resistencia armada, obrigou aos israelís a renunciar a calquera territorio que o Estado xudeu capture. Que tipo de organización é Hezbollah, e como debería vela a esquerda? - http://www.revistapueblos.org/spip.php?article1696
Refuxiados palestinos en Iraq: dunha morte rápida cara a unha morte lenta por Adam Shapiro - 13 de agosto de 2009 Entre os anos 1947 e 1949 as cidades e aldeas palestinas foron atacadas, primeiro polas milicias sionistas e logo, logo de maio de 1948, polo nacente exército israelí, constituído coa declaración do Estado de Israel. Os palestinos foron asasinados e obrigados a fuxir, xa que se puña en práctica a limpeza étnica de Palestina. Centos de miles escaparon, por seguridade, aos países veciños; algúns dos que fuxiron desde Haifa cara a Jenin atopáronse co exército iraquí, que ofreceu aos refuxiados seguridade temporal en Iraq. Tanto os iraquís como os palestinos pensaban que só estarían fóra das súas casas por unhas semanas, e que a estancia en Bagdad sería temporal. A Raíña Aliya, a nai do neno-rei Faisal, saudou persoalmente aos refuxiados, prometéndolles aloxamento en Iraq. - http://www.revistapueblos.org/spip.php?article1695
Combatendo crimes de honra en Xordania por Ra Husseini - 12 de agosto de 2009 En xaneiro de 1999, as cadeas de televisión estadounidenses ABC e CNN emitiron unha serie de documentais sobre os chamados crimes de honra en Xordania. A miña participación nestes documentais, e o premio Reebok Human Rights Award que me concederon pola miña implicación na causa, derivaron en que a cuestión dos chamados crimes de honra en Xordania transformásese nun debate público bastante controvertido. - http://www.revistapueblos.org/spip.php?article1698
Reforma política e reconfiguración da identidade nacional en Siria por Yasseen Haj-Saleh - 11 de agosto de 2009 É necesario ao falar de diversidade cultural ou social nas sociedades árabes ou levantinas vincular esta a a desintegración das sociedades e ao risco de permitir que as potencias occidentais poidan ancorarse firmemente na zona? Pódese fortalecer a unidade e a cohesión destas sociedades sen deixar caer un muro de silencio sobre as realidades da diversidade, en nome da unidade nacional? E desenvolver un enfoque que reúna estas realidades sen camuflalas, esaxerando ou minimizando a súa importancia? Non poderiamos incluír este enfoque no contexto dunha política nacional democrática que garanta a igualdade de dereitos? A situación actual de Iraq é a proba de que temos que transcender estas políticas sociais, culturais e relixiosas que preocupan ás sociedades árabes. Siria non pode ser indiferente ás ramificacións dos problemas suprimidos de diversidade, sobre todo tendo en conta a intensa e belixerante presenza estranxeira. - http://www.revistapueblos.org/spip.php?article1697
Enlaces de interese:
Xa foi publicado o nº 38 [Especial sobre Oriente Próximo] da Revista de Información e Debate "Pueblos", da "Asociación Paz con Dignidad".
[ATENCIÓN: A referencia á "Campaña de vacinación masiva contra a gripe porcina do ano 2009" é un erro. En realidade faise referencia á campaña de vacinación masiva contra a gripe porcina do ano 1976 que tivo como resultado múltiples mortes e parálises, sendo, unha vez máis, Donald Rumsfeld o secretario de defensa do por entón presidente de EEUU: Gerald Ford. DESCULPEN AS MOLESTIAS]
Enviado por: Santiago Quiroga García -outromundoeposibel@hotmail.com- 17 de agosto de 2009 13:45
Podía poñer como exemplo para este artigo unhas imaxes dun dos artigos anteriores, mais escollo o vídeo de Cubatelevisión ( 3 partes) por ser moi gráfico sobre a terxiversación que os grandes medios fan da realidade. Poder aplicarse na Galiza e noutros países con outros actores, donos de medios de (in)comunicación.
Zoé Valdés: el negocio del fascismo. Parte 1. Apoloxía do dictador Batista.
A necesidade da comunicación alternativa. Da reflexión á acción.
Na Galiza e no resto do mundo necesitamos medios de comunicación alternativos eficaces. Estes medios non deben caer no “erro” que caeron os medios de comunicación tradicionais, e particularmente no xogo dos falsimedia da dereita e neoliberais imperialistas.
A ideoloxización de dereita nos medios de comunicación masiva chegou a niveis alarmantes nestes últimos anos. Esta circunstancia visualízase claramente nun dos medios de comunicación escrita máis vendidos do noso país, La Voz de Galicia. Están en mans de empresarios – editores que semellan afastados do interese xornalístico e máis comprometidos con intereses económicos de empresas foráneas, aspecto que tamén afecta o desenvolvemento profesional dos xornalistas deses medios.
Esta ideoloxización, verdadeiro veleno informativo con efectos devastadores para calquera país, permítelle, ás veces, á persoa (lectora, espectadora, oínte) saber a quen se vota, mais impídelle saber que se vota.
O caso das últimas eleccións ao Parlamento Galego foi considerado por moitas persoas un claro exemplo de golpismo mediático. Non só por ser considerada a campaña máis suxa da historia da democracia contra o nacionalismo, senón porque moi poucos supoñían que a dereita accionase inmediatamente o terrible programa de demolición de servizos públicos que está a aplicar agora o PP, a privatización dos Servizos Sociais, a marxinación da Cultura Galega, a aprobación dos ERE, derrogación do concurso eólico, a agresión contra o galego … É dicir, a xente sabía a quen votaba, mais non sabía que votaba!
Chegamos a unha nova e perigosa etapa histórica onde, como lembrou Suso Seixo na homenaxe a Moncho Reboiras, hai unha forte campaña de manipulación, ocultamento e desprestixio do nacionalismo, a través dos medios de comunicación do sistema, controlados polo españolismo, tanto de dereitas como de esquerdas, destacando especialmente nesta laboura La Voz de Galicia.
Iso lévanos comprender a necesidade da existencia e consolidación de medios independentes ou alternativos (algo que sempre se avaliou como necesario polo nacionalismo) como algúns que se publican na internet, que abran o abanico de oportunidades de acceder a información non manipulada, desde a diversidade e a pluralidade, garantindo o equilibrio informativo, a veracidade e a contextualización da información para permitir que o receptor descubra a realidade e non a garde temporalmente como unha simple recepción de noticias.
Non se trataría da imposición da súa verdade, alternativa aos falsimedia, pois chega con publicar unha información veraz que chegue sen distorsións ao receptor e que lle permita descubrir e comprendela criticamente a través da reflexión para crear un novo coñecemento.
O nacionalismo, igual que o movemento bolivariano en Suramérica ou as forzas políticas transformadoras en xeral, necesita de altofalantes en todos os seus ámbitos de actuación que difundan a súa laboura. Dese xeito a sociedade, concienciada, podería ter clarificado, entre as diferentes alternativas políticas existentes, cal é a que traballa en beneficio dos intereses das galegas e galegos, de Galiza.
Tamén é necesario que a militancia nacionalista, cunha boa orientación, traballe na eliminación da pasividade social que propicia a adaptación sumisa a unha situación de opresión social. Ben formada, debe profundar na orientación á acción e a reflexión, sendo impermeable á intensa chuvia ácida da campaña mediática de acoso e derrubo contra o nacionalismo.
Como dicía Paulo Freire, as mulleres e os homes non se fan no silencio, senón na palabra, no traballo, na acción, na reflexión. No noso caso, como dixo Suso Seixo no seu discurso en Ferrol, para transformar a realidade social, económica e política, desta nosa nación que é Galiza.
Publicado o 17/08/2009 por Xosé Antón en subiela.org
Fonte: subiela.org O Mundo que vexo: Un Blogue de Xosé Antón de la Fuente Subiela _____________
Mobilizacións pola planta de gas O Comité Cidadán de Emerxencia mantén viva a protesta coincidindo coa chegada á ría do gaseiro número 50 con destino a Reganosa. Vieiros - Redacción - 10:00 16/08/2009
Hai máis de dous anos botámonos á ría en compañía dos mariñeiros ferroláns nunha convocatoria promovida polo Comité Cidadán de Emerxencia. Unha acción cidadá que respondía ao intento de entrada na ría do gaseiro Galicia Spirit, con capacidade para 140.500 metros cúbicos de gas natural licuado. Unha entrada "ilegal", segundo denunciaba o Comité e cuxos problemas poñían ademais de manifesto as propias advertencias realizadas sobre a inaxeitada localización da planta de Reganosa no interior da ría no canto de no porto exterior tal e como esixe a plataforma cidadá.
Mariñeiros e mariscadores despregaban daquela durante varios días arriscadas accións coas súas pequenas embarcacións, bloqueando o acceso do xigante gaseiro. "En defensa das nosas vidas e a nosa ría", podía lerse en cartaces despregados a pé de peirao pola veciñanza mobilizada en protesta pola agresión. Desde aquela, non desfaleceron mariñeiros e veciños en continuar coas accións pacíficas en contra da planta de gas, incluído un longo peche veciñal na Casa do Concello en Mugardos. A concentración deste domingo 16 de agosto responde á protesta concreta pola entrada do gaseiro número 50 na ría ferrolá.
Na altura de 2007, e cando os mariñeiros se mobilizaban fronte ao Galicia Spirit, o agora presidente da Xunta, daquela líder da oposición, insistíalle á Xunta na necesidade de garantir "de forma inmediata" o acceso do buque. Feijoo cualificara de "conflito gravísimo e sen precedentes" a acción dos mariscadores da ría en bloqueo do barco gaseiro. En resposta, desde o Comité acusaban a Feijoo de "pertinaz defensor da trama de intereses e irregularidades" creada durante o goberno de Manuel Fraga. "Núñez Feijoo é un voceiro desta trama", subliñaba o finado Carmelo Teixeiro, naquel momento voceiro do colectivo veciñal.
Agora, coma hai dous anos, os berros e a reclamación da cidadanía seguen coincidindo nun desexo de futuro: Por un mar limpo, por unha ría con futuro!
O gaseiro "Sestao Knutsen" fixo o buque número 50, cargado con GNL-LNG para a planta regasificadora de Reganosa, que entrou na Ría de Ferrol, este Domingo 16 de Agosto.
Como sucede sempre que un buque entra na Ría, o Comité Cidadán de Emerxencia para a Ría de Ferrol convocou unha nova acción de protesta e denuncia, consistente nunha CONCENTRACIÓN en Ferrol, o mesmo día, ás 8 da Tarde, na Praza Amada García, diante do Edificio Administrativo da Xunta de Galicia.
Unha vez máis a entrada dun grande buque cargado con gas natural licuadao [GNL-LNG], puxo en perigo a miles de persoas que moramos na contorna da nosa Ría.
Video do Acto deste Domingo 16 de Agosto de 2009 en Ferrol
PLANTA DE GAS FORA DA RÍA ! A RÍA É NOSA E NON DE REGANOSA ! DESMANTELAMENTO DE REGANOSA XA !
Verdegaia presentou, a través do Rexistro Xeral do Concello de Ferrol o día 14 de agosto de 2009, alegación ao Estudo de Viabildade do aparcadoiro soterrado na Praza de Armas. Pídese a paralización e anulación deste proceso de contrución dun aparcadoiro xa que contradí as iniciativas existosas doutras cidades ao desviar o tráfico hacia aparcadoiros fóra dos cascos históricos; tamén contradí as liñas mestras do propio Plan Especial do Concello de Ferrol e desoe o Plan de Mobilidade. Ínstase ao goberno municipal a abandoar o proxecto e contruir unha verdadeira praza pública para o gozo e desfrute da cidadanía.
O Concello de Ferrol está a elaborar un Plan de Mobilidade para o conxunto do Termo Municipal, que inclúe reflexións sobre a ordenación do tráfico e o aparcadoiro de vehículos; sen agardar as conclusións baseadas nunha visión de meirande perspectiva, tomou precipitadamente a decisión de rescatar a concesión sobre o aparcadoiro da Praza de Armas e iniciar o procedimiento para a construción dun aparcadoiro soterrado de maior capacidade.
Supónse na redacción do Plan de Viabilidade que o aparcadoiro da Praza de Armas vai competir con ventaxa con outros parkings en funcionamento, cando vai ser o de máis difícil accesibilidade para os clientes por atoparse no centro do casco histórico, fronte a excelente accesibilidade da Praza de España (aparcadoiro de acollida do barrio da Madalena, como suxire o propio Plan Especial). Este optimismo na estimación de demanda de aparcadoiro confírmase á hora de pedir opinión aos operadores privados. Case todos os que responden á consulta do Concello sobre o interese en facerse cargo deste tipo de infraestructura estiman que a capacidade está sobre-dimensionada.
Estes aspectos contradictorios do Plan de Viabilidade poñen en dúbida mesmo da necesidade do propio aparcadoiro, tendo en conta a escasa utilización dos aparcadoiros existentes, o optimismo da estimación da demanda e a peor accesibilidade rodada da localización proposta. As dúbidas fundadas sobre a viabilidade de ampliar o aparcadoiro da Praza de Armas e, sobre todo, a afección tan negativa que vai ter sobre a peonalización do barrio, fan que a decisión máis acorde coa peonalización do Casco Histórico pase necesariamente por:
Pechar o aparcadoiro da Praza de Armas (que non cumprimenta ningunha medida mínima de accesibilidade e que si terían outros aparcadoiros en funcionamento e cun baixo nivel de ocupación situados na Praza de España, Cantón, Mercado Central e Pescadería).
Reurbanizar a Praza de Armas.
Implementar medidas de ordenación de aparcamento en superficie.
Implementar medidas de mellora no control e policía de tráfico que, ao tempo que melloran a accesibilidade peonil, redunden nun meirande grado de ocupación dos aparcadoiros xa en funcionamento que, por situarse no contorno inmediato do barrio da Madalena, prestan o mesmo servicio aos cidadáns ao tempo que non comprometen a peonalización, como sí a compromete o aparcadoiro da Praza de Armas.
Apostar polo transporte público e os modos peonís e bicicleta no conxunto da cidade, co fin de reducir a mobilidade no vehículo privado.
Verdegaia NC de Ferrol, Eume e Ortegal
Enviado por: ferrol@verdegaia.org15 de agosto de 2009 12:33 _______
O concelleiro Ramón Veloso destaca a unión política en torno á medida, que non recibiu ningún voto contrario
O pleno de Ferrol aprobou o pasado venres 7 de agosto o rescate da concesión do párking emprazado no mercado da Magdalena. Unha votación sen ningún voto negativo. Na práctica, segundo explicaba o concelleiro de Facenda e portavoz do goberno municipal, Ramón Veloso, a decisión adoptada en sesión plenaria permitirá poñer fin aos reiterados incumplimentos por parte da concesionaria. De feito, o actual goberno local iniciaba hai un ano o expediente para o rescate da concesión tras constatar a grave situación que atravesaba o servizo e a merma que estaba a supor para os placeiros do mercado municipal.
Máis polo miúdo, Ramón Veloso lembraba que o 15 de maio de 2008 se iniciaba o procedemento administrativo para recuperar a xestión das instalacións logo de constatar por un lado a cesión encuberta do contrato á empresa Esppor Ogic S.L. sen autorización do Concello de Ferrol, e pola outra, os incumprimentos respeto dunha serie de melloras recollidas no contrato de concesión. A Administración local solicitaba entón un informe ao Consello Consultivo de Galicia, un documento en todo caso preceptivo e non vinculante, cuxa resolución, emitida o pasado 3 de xullo, determinaba por unanimidade que procedía a resolución. Neste tempo, o Concello tamén encargaba unha auditoria á que a empresa concesionaria, a firma Sofranda, se negaba. Deste xeito e á vista dos informes favorables tanto do secretario como do interventor municipais e finalmente do Consello Consultivo, se aprobaba por unanimidade o rescate da concesión. Primeiro no transcurso dunha Comisión Extraordinaria e Urxente de Facenda e posteriormente na sesión plenaria extraordinaria, ambas celebradas o pasado día 7 pola mañá.
Agora, segundo explicaba Ramón Veloso e logo de notificarlle a decisión á firma, a Administración local ten previsto executar a garantía definitiva depositada pola entidade por importe de 10.000 euros ao tempo que iniciará o proceso de liquidación do contrato resolto. E, ao fío, Ramón Veloso confirmou que o aparcadoiro do mercado da Magdalena continuará aberto mediante a xestión do propio Concello de maneira que praceiros e cidadáns poidan disfrutar deste servizo fundamental para a dinamización destas instalacións municipais.
Remitido pola nosa compañeira M.C. desde Honduras 15.08.09
Solicitamos o seu apoio e solidariedade co pobo Hondureño, subscribindo coa súa firma á carta que achegamos no enlace, estará esixindo o restablecemento da orde constitucional en Honduras. Esta carta será remitida ao Presidente do Congreso Nacional, á Secretaria de Estado de Seguridade Pública, á Fiscalía dos Dereitos Humanos de Honduras e ao Ministerio de Asuntos Exteriores do Estado Español.
O pasado 28 de xuño produciuse un golpe de estado contra o pobo de Honduras e as súas institucións democráticas. A destitución mediante o uso da forza do presidente elixido democraticamente no 2005, Manuel Zelaya, así como a militarización á que está sometida desde ese día a sociedade civil hondureña, son feitos inaceptables.
Durante estes 45 días de golpe de estado, o goberno de facto alterou drasticamente a orde constitucional do país, estase dando en Honduras unha grave situación de violación sistemática de dereitos humanos e de restricións ás liberdades democráticas. Son evidentes as dificultades e obstáculos para o acceso á xustiza, limítase drasticamente a liberdade de prensa e hase recrudecido o uso da violencia contra as persoas que se manifestan diariamente en contra do golpe de estado.
Moitas grazas pola súa solidariedade co pobo hondureño. Plataforma Rural -- fuco buxán, a.c. Aptdo Correos 240 C.P. 15400 Ferrol Telef. 981325492 www.fucobuxan.com fucobuxan@yahoo.es
Enviado por: Fuco Buxán Asoc. Cultural - Ferrol -fucobuxan@gmail.com- 16 de agosto de 2009 11:27 __________________________________
Testemunhos críticos de diferentes vizinhos e vizinhas que já participárom no passeio de barco pola ria, que inclui ceia, música e a informaçom fornecida por umha guia turística, confirmam umha nova medida espanholizadora da área municipal de Promoçom Turística, que dirige Ramón Veloso.
A Fundaçom Artábria, que conta com um representante no Conselho Municipal de Língua, organismo presidido polo também integrante do Governo municipal Manuel Santiago, tem que fazer pública, mais umha vez, a queixa pola exclusom do galego da exposiçom da pessoa encarregada de dar informaçons culturais e sobre o meio natural da comarca às pessoas que participam na viagem marítima incluída no programa de actividades 'Ferrolaneando'.
O uso exclusivo do espanhol, mais umha vez, deixa em evidência a falta de vontade do actual governo na hora de recuperar um dos principais sinais de identidade do povo de Ferrol: o idioma galego. O facto é mais grave se tivermos em conta que existe umha Ordenança Municipal de Normalizaçom Língüística aprovada unanimemente há mais de umha década, um Plano de Normalizaçom Lingüística municipal aprovado da mesma maneira, e um organismo de participaçom como é o Conselho Municipal de Língua onde o representante da Fundaçom Artábria está a denunciar, em cada reuniom, os contínuos incumprimentos dos compromissos referentes à extensom dos usos sociais do galego.
A Fundaçom Artábria, como outras entidades e muitas pessoas a nível individual, considera imprescindível umha mudança na política lingüística do actual governo municipal de Ferrol, em maos do PSOE. Caso essa rectificaçom nom se produza, a nossa entidade estudará a pertinência da continuidade do seu representante no Conselho Municipal de Língua, dada a manifesta inoperatividade desse organismo.
O programa de festas de Ferrol volta a ser decepcionante. Parece que todas as forças políticas com representaçom na corporaçom municipal concordam no tipo de festas que há que organizar, e nom existem grandes diferenças de critério nem sequer na hora de contratar actuaçons. O populismo trapalheiro substitui qualquer critério de equanimidade, de tratar de contentar também sectores cujos gostos nom estám representados nos media.
É claro que se o método para confeccionar um programa de festas que sintonize com aquilo que o povo quer é umha consulta na Internet, vai haver amplos sectores que nom vam participar, porque nom sabem utilizar a Internet ou porque nom tenhem acesso, ou porque simplesmente nom conhecem a iniciativa. O programa responde a umha concepçom segundo a qual nom cabem mais gostos do que aqueles que vam associados à cultura do consumo e da trivialidade.
É um verdadeiro desfile de horrores da rádio-fórmula. Como aspectos positivos, poderíamos ressaltar que há duas actuaçons de músicos galegos de certa qualidade (Som do Galpom e Fuxan os Ventos) e que o programa está editado integralmente em galego, o que nom é pouco num concelho onde o seu máximo representante despreza o nosso idioma de maneira permanente na sua actividade institucional. De resto, a incorrência no de sempre deixa quem esperaria algo mais de imaginaçom e diversidade na concepçom de um programa de actos festivos umha sensaçom de aridez e de tédio absolutos.
O pessoal que escuita rock nas suas diferentes variantes, folc, música tradicional, jazz, blues... também tem direito a sentir as festas como suas. Por outra parte, que a Galiza e os artistas galegos, com preferência para quem trabalhar em galego nom sejam o referente central, relega esses artistas e o tecido industrial que os move a um carácter marginal que nom merecem. Som do Galpom ou Fuxan os Ventos nom deveriam ser apenas umha nota exótica no programa. As festas de Ferrol devem ser festas de Ferrol, nom festas de umha cidade madrilena ou manchega.
Para finalizar, voltamos a reclamar umha maior abertura para a verdadeira participaçom popular na elaboraçom dos programas de festas, e umha abertura para o mundo cultural que no mundo se expressa na nossa língua, o ámbito conhecido polo nome de lusófono.
O gaseiro "Sestao Knutsen" que faría o número 50, cargado con GNL-LNG para a planta regasificadora de Reganosa, ten prevista a súa entrada na Ría de Ferrol, este Domingo 16 de Agosto. É por iso polo que o Comité Cidadán de Emerxencia ten convocada unha nova CONCENTRACIÓN en Ferrol, o mesmo día ás 8 da Tarde, na Praza Amada García, diante do Edificio Administrativo da Xunta de Galicia.
Unha vez máis a entrada dun grande buque cargado con gas natural licuadao, poñerá en perigo a miles de persoas que moramos na contorna da nosa Ría.
Se a Planta de Gas que Reganosa instalou en Mugardos, de por si, representa un grande perigo e unha ameaza permanente á nosa seguridade e vida - e os seus verquidos un contributo máis á morte lenta da Ría -, cada vez que un buque gaseiro destas características e cargado com miles de toneladas de gas, entra na Ría, este perigo aumenta o seu potencial e as probabilidades de accidente moi grave.
Sabiades que na Galiza hai 10 empresas consideradas potencialmente moi perigosas e que están obrigadas a ter un Plan de Emerxencia Exterior, "das cales 3 están en Punta Promontorio e ademais, neste caso o risco incrementa-se por un posíbel efecto dominó [Artigo 8 da Directiva Seveso II] xa que as tres empresas son colindantes e están concentradas dentro dun círculo de escasos 500 m de diámetro". O feito da chegada deste buque gaseiro cargado con GNL-LNG, supon unha perigosidade ainda moito maior. E as autoridades das diferentes administracións, non só non cumpren coa súa obriga de impedir este perigo, senon que foron cúmplices de que se instalara dentro da Ría, non só a Planta de Gas, senon que todo o complexo petroquímico. É máis, nen sequera cumpren coa súa obriga de informar a poboación dos plans de emerxencia exterior, como así teñen demandado varias entetidades veciñais da Comarca, o pasado 27 de Febreiro.
A directiva europea "Seveso" coas súa diferentes modificacións e ampliacións, os seus documentos e normas derivadas, ven sendo transgredida unha e outra vez, desde que se decideu construir a planta até hoxe que pretenden a súa ampliación.
........... Nova conta do Comité Cidadadán: Para axudas económicas pode-se ingrear na seguinte conta corrente do Banco Santander. Titular: Luz Marina Torrente e outros 00493315772894017995 Para ingresos realizados desde outros estados ES 71 00493315772894017995
Baseado na información facilitada polo: Comité Cidadán de Emerxencia -comitecidadan@gmail.com- 14 de agosto de 2009 22:01 ________________________
Estimados/as veciños/as,
