A Comisión Permanente da Plataforma en Defensa da Sanidade Pública da Área de Ferrol, reune-se de urxencia este xoves 25 de Febreiro

Case cincuenta entidades veciñais, sociais, sindicais, culturais e políticas das comarcas que conforman a Área Sanitaria de Ferrol, constituímos hai anos a Plataforma en Defensa da Sanidade Pública que a súa vez entrou a formar parte da plataforma galega SOS Sanidade Publica, desde este movemento popular a prol da sanidade pública, mobilizamos, concienciamos, denunciamos e nos mantemos en alerta contra toda agresión e intentos de privatización e deterioro do servizo público de saúde, un servizo universal, de tod@s e para tod@s. Desde Ártabra 21 chamamos a participar na Plataforma de forma activa con análises e propostas, este xoves 25 de febreiro vai ter lugar unha xuntanza da súa Comisión Permanente que está aberta á participación.

Xuntanza da Comisión Permanente da Plataforma en Defensa da Sanidade Pública de Ferrol

Convocatoria Comisión Permanente

Día: xoves 25 de febreiro de 2016.
Hora: 18:30hs.
Lugar: no Local da Asoc. Veciñal de "O Rosario" do Inferniño (Rúa Sánchez Calviño, s/n - Ferrol) | Aviso: novo Local de reunión, ver fotos.

Informaremos que este pasado xoves 18 de Febreiro ás 5 da tarde tivemos unha Xuntanza de SOS Sanidade Publica en Compostela con importantes iniciativas a realizar nas vindeiras datas.

Temos a necesidade e urxencia de convocar a Comisión Permanente para dar conta desta xuntanza de Compostela e poñer en marcha varias iniciativas que se van producir e coordinar en todas as Plataformas de defensa da sanidade pública:

Debate e informacións sobre as denuncias dos abortos terapéuticos e queixa no Parlamento; Participación cidadá Municipal nas distintas Áreas Sanitarias; Listas de Espera; Incompatibilidades médicas; Valedor do Pobo; - Doc respecto o estado da Sanidade Pública; Servizo de Urxencias ...

Sobre as listas de espera preguntamos como poderíamos recibir informacións das consultas e operacións cirúrxicas nesta Área Sanitaria, xa que imos facer unha valoración real destas Listas.

Esperamos a colaboración das entidades, sindicatos e traballadores sanitarios para facilitar esta información.

Saúdos
Secretaría

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Entidades que forman parte da Plataforma:

1. A.C. Fuco Buxán
2. A.VV. A Cabana
3. A.VV. A Graña
4. A.VV. Caranza
5. A.VV. Covas
6. A.VV. Esteiro
7. A.VV. Ferrol Vello
8. A.VV. O Cruceiro de Canido
9. A.VV. O Cruceiro de Meá
10. A.VV. O Lago-Doniños
11. A.VV. O Rosario-Inferniño
12. A.VV. Prioriño
13. A.VV. San Fernando-Recimil
14. A.VV. San Pablo de Catabois
15. A.VV. San Xoán-Bertón
16. A.VV. Santa Eulalia de Limodre
17. A.VV. Santa Mariña
18. A.VV. Serantes
19. A.VV. Ultramar
20. A.VV. Valle de Esmelle
21. A.VV. Valón
22. AFINOR(Fibromialxia)
23. AGAVIDA
24. ALCER
25. AMICOR
26. ASFEDRO
27. Asociación de Diabéticos Ferrolterra
28. Asociación Parkinson Ferrol-Ferrolterra
29. ASPANEMI
30. Ateneo Ferrolán
31. B.N.G.
32. C.I.G.
33. COGAMI-FERROL
34. Colectivo Ártabra21
35. Colectivo Soc. Cul. A Revolta de Trasancos
36. CPS de San Valentín
37. Esquerda Unida
38. Federación Veciñal Roi Xordo
39. Foro Galego da Inmigración
40. Grupo Diversidade Funcional Ferrol e Comarcas
41. Grupo Rural de Narón
42. LAZOS-Comité Antisida de Ferrol
43. Marcha Mundial das Mulleres
44. PSdeG-PSOE
45. TEIMA-SINDROME DE DOWN
46. Terra Galega
47. U.G.T.
48. U.S.T.G.

Información baseada na enviada por:
Plataforma en Defensa da Sanidade Pública Ferrol
-plataformadspferrol@gmail.com-
22 de fevereiro de 2016 22:19
__________________

A Xunta de Goberno Local de Ferrol deu o visto bo ao convenio entre o Concello e o Colexio Oficial de Arquitectos de Galicia para a convocatoria dun concurso de proxectos de reforma da Praza de Armas - As cidadás e cidadáns poderán opinar e contribuir coas súas valoracións sobre o modelo de praza e o tipo de reforma que desexarían

A concelleira de Urbanismo, María Fernández Lemos, sinalou que cos prazos establecidos a reforma da praza de Armas podería iniciarse a finais deste 2016 e avanzou que se parte da idea dunha praza sen aparcamento soterrado.

A concelleira de Urbanismo do Concello de Ferrol, María Fernández Lemos [*], informou hoxe que na Xunta de Goberno Local deuse o visto bo ao convenio entre o Concello e o Colexio Oficial de Arquitectos de Galicia para a convocatoria dun concurso de proxectos de reforma da praza de Armas.

Deste xeito, ponse en marcha o proceso para que a praza fronte ao Pazo Consistorial sexa reformada integramente, cumprindo así cun dos compromisos do goberno local. Na Xunta de Goberno aprobouse o convenio que esta mesma semana será asinado de xeito oficial co COAG, no que supón o establecemento da colaboración para a elaboración dos pregos, as consultas e a páxina web -na web do COAG- para levar a cabo o concurso, cun cronograma tipo estipulado a partir da firma do convenio.

O convenio establece as condicións do concurso de proxectos, a nivel de anteproxectos, para a remodelación do espazo público da praza de Armas, así como do acondicionamento do entorno inmediato que comprende aproximadamente unha superficie de 7.000 metros cadrados, mediante procedemento aberto e tramitación común.

Ao concurso poderanse presentar tanto arquitectos como enxeñeiros de camiños, que son os que teñen competencias nestas obras de urbanización de espazos públicos. Fernández Lemos amosouse “optimista” e asegurou que confía en que haxa numerosas propostas. As aportacións e opinións cidadáns tamén serán tidas en conta.

Despois de dispoñer dos proxectos, o xurado seleccionará entre 5 e 10 e farase unha exposición pública, para sometelos a exame da cidadanía. Transcorridos dous meses, se publicaría o fallo do concurso.

Confiando no cumprimento dos prazos establecidos, María Fernández Lemos resaltou que as obras, polo menos de demolición do espazo actual, poderían xa estar iniciadas a finais deste 2016.

O orzamento estimado é de 50.000 euros (IVE non incluído) para o proxecto con dirección de obra, e de preto de 1.200.000 (IVE non incluído) para a obra de reforma, se ben esta cantidade podería ter algunhas variacións, atendendo a feitos como os custos de demolición da actual praza ou os elementos patrimoniais da zona. O proxecto gañador obterá un premio de 4.000 euros como adianto ao encargo do proxecto básico e de execución e dirección de obra.

En canto ao deseño, a concelleira de Urbanismo incidiu en que os “concursos están para que se presenten distintas propostas e poidan abrirnos a todos a mente”. “Non teño ningunha idea preconcibida e posiblemente me sorprendan moitas das propostas que se presenten”, se ben remarcou que a idea de partida é que non haberá aparcamento soterrado, lembrando que o obxectivo é que sexa un entorno con menos vehículos e encamiñado cara unha progresiva peonalización do centro. Lembrou que non sería preciso indemnizar polo actual parking.

CONSULTA CIDADÁ

Os cidadáns, lembrou María Fernández, poderán opinar e aportar as súas valoracións sobre o modelo de praza e o tipo de reforma que desexarían. Abrirase unha consulta na páxina web do Concello na que os cidadáns poderán subir as súas opinións. María Fernández Lemos incidiu en que serán tidas en conta polos técnicos á hora de elaborar os seus proxectos.

Do mesmo xeito, os cidadáns poderán coñecer e opinar sobre os proxectos que escolla o xurado, sendo de novo estas opinións tidas en conta en todo o proceso.

Publicada na web do Concello de Ferrol. | Luns, 22 de febreiro de 2016.

[*] María Fernández Lemos -Mugardos 1971, é a Concelleira Delegada Titular de Urbanismo, Planeamento e Mobilidade do concello de Ferrol. Concelleira independente na lista do PSdeG-PSOE. Arquitecta pola Universidade da Coruña, especialidade de Urbanismo no ano 2000. Exercicio libre da profesión no estudio EM2 Obradoiro de arquitectos. Delegada da Comisión de Asuntos Tecnolóxicos na delegación de Ferrol do Coag dende o ano 2005 ao 2007. Presidenta da delegación do Ferrol do Coag no período 2007-2011.


Enlace de interese:

A Praza de Armas segundo o noso compañeiro Amadeo Varela. | Ir a web.

_____________________________________

As autoras dos votos particulares optan por non presentar lista e piden unha "refundación profunda" do BNG

Carme Adán, Tereixa Paz e Alba Nogueira, asinantes de votos particulares á totalidade do relatorio oficial da XV Asemblea Nacional do BNG, compareceron apoiadas por militantes para pedir un “debate sen tabús” do que saia “un proxecto nacionalista o máis vigoroso posíbel”.

O BNG debe acometer na súa XV Asemblea Nacional unha “refundación profunda” alén das palabras, froito dun debate “sen tabús” e de se “repensar a fondo”, para ser así unha ferramenta útil para a sociedade galega. Carme Adán, Tereixa Paz e Alba Nogueira, asinantes de votos particulares á totalidade do relatorio oficial, fixeron esta segunda feira un chamamento á participación da militancia na AN. Arroupadas por militantes e rostros coñecidos da organización nacionalista, comezaron a intervención anunciando que non presentaban candidatura alternativa á proposta polo Consello Nacional. “Non é unha cuestión de listas ou de postos, é unha cuestión de ideas, de debate, de pluralidade”, manifestou Carme Adán, que preguntada polos xornalistas sobre se nesa postura estaban representados asinantes doutros votos particulares (como é o caso do portavoz nacional saínte, Xavier Vence), respondeu afirmativamente.

Carme Adán: “Non estamos aquí para propoñer unha lista ou outros nomes, senón para que haxa un debate franco sobre o nacionalismo”

Adán explicou que os alí presentes “temos unha postura distinta” do relatorio oficial en canto ao debate sobre a refundación e sobre a política de alianzas. Por iso manteñen os votos particulares, dixo, e apostan na creación dunha comisión que 'pilote' a nova etapa do BNG e que culmine cunha refundación antes das eleccións. A deputada nacionalista incidiu en que o “fundamental”, en todo caso, “é que o proxecto nacionalista saia o máis vigoroso posíbel”. Tereixa Paz dixo que o elemento importante nesta Asemblea Nacional non debe ser “elexir unha nova dirección” senón preguntarse polo “devalo” electoral destes anos e polas causas que levan a que “o pobo que nun tempo nos considerou útiles” actualmente non apoie a organización nacionalista.

Tereixa Paz: “O fundamental nesta Asemblea Nacional non é elexir unha nova dirección: temos que reflexionar sobre por que a sociedade xa non nos consideran útiles”

Paz avogou por “profundas mudanzas” e chamou a “preservar a unidade dos que estamos organizados no BNG, e a partir de aí, acrecentar”, salientando que no que todos coinciden é en que “Galiza conte cun proxecto nacionalista forte”. Iso si, continuou a deputada, se a Asemblea Nacional “de verdade quere reconstruír un proxecto nacionalista” non debe “pechar” este domingo -día que decorre a AN- “cal vai ser a fórmula de concorrencia ás eleccións”, e apostou en “explorar sen vetos nin condicións previas” as diferentes posibilidades nun proceso no que a militancia “sexa quen deida”.

Alba Nogueira: “Non queremos que a palabra 'refundación' fique nun slogan, nunha palabra bonita. Hai que repensar profundamente o noso proxecto”

“O BNG non pode pensar en pequeno”

Alba Nogueira foi a última en intervir. Dixo que o BNG “non pode pensar en pequeno” e situou as “prioridades” do nacionalismo en “botar o PP e gobernar este país”. Alba Nogueira dixo que o feito de que o relatorio oficial “se apropie” da palabra 'refundación' non pode permitir que o que haxa na AN sea “un simple slogan, unha palabra bonita” e por iso a refundación “ten que ser unha alianza coa nosa base social” que parta de “repensar profundamente o noso proxecto”. “Formulamos un proceso de refundación que non se pode aprazar 'sine die' e que tenda a man a xente que non está no BNG”, concluíu.

Publicado por Xesús Manuel Piñeiro @JesuPinheiro en Sermos Galiza. | 22 Febreiro 2016 19:41 h.

Todo sobre a XV Asemblea Nacional do BNG:
http://bng.gal/xvanbng/

Web do BNG:
http://bng.gal/

Enviado por:
Inácio GZ
-inaciogz@gmail.com-
22 de fevereiro de 2016 23:01
___________

Dúas candidatura concorren á renovación dos cargos de dirección do BNG na XV Asemblea Nacional

O prazo de presentación de candidaturas para a renovación dos órganos de dirección do BNG finalizou ás 19:00 horas do luns 21 de febreiro coa presentación de dúas listas que concorrerán á Asemblea Nacional do 28 de febreiro para someterse á consideración da militancia, que se celebra baixo o lema "Autoorganización, autogoberno, autodeterminación".

Por un lado, a candidatura proposta polo Consello Nacional do pasado sábado, que encabeza Ana Pontón e, por outro, a candidatura presentada por un grupo de vinte militantes, que encabeza Carlos Branco.

Ambas pasan agora á asemblea nacional con 2.805 militantes inscritos. Cabe a posibilidade de chegar a unha candidatura de consenso ou que ambas se sometan a votación, circunstancia na que, como marca o regulamento, a distribución das persoas que pasarían a integrar os órganos de dirección do Bloque sería de xeito proporcional aos votos obtidos.

Axuntamos candidaturas.

CANDIDATURA CONSELLO NACIONAL ENCABEZADA ANA PONTÓN

CANDIDATURA CONSELLO NACIONAL ENCABEZADA POR CARLOS BRANCO

Todo sobre a XV Asemblea Nacional do BNG:
http://bng.gal/xvanbng/

Web do BNG:
http://bng.gal/

Enviado por:
Inácio GZ
-inaciogz@gmail.com-
22 de fevereiro de 2016 20:45
_____________

Icaria publica dous libros necesarios sobre Europa: análise e propostas, un libro de proxima publicación de Yanis Varoufakis e Gerardo Pisarello e outro xa publicado de Fátima Martín Gómez de Carvallo e Jérôme Duval

EUROPA = austeridad?

O ex ministro de Finanzas grego, Yanis Varoufakis, insta a formar un movemento paneuropeo cuxo obxectivo sexa a democratización radical de Europa.

A sociedade xa se puxo a traballar por un cambio radical nas políticas da UE.

Activistas e intelectuais de toda Europa reuníronse o 9 de febreiro en Berlín para lanzar o Manifesto de DiEM25, siglas en inglés do Movemento Democracia en Europa 2025. E os días 19, 20 e 21 de febreiro en Madrid realizaron a conferencia europea sobre o Plan B.

Autores de Icaria como Susan George, Éric Toussaint, Florent Marcellesi, Manuel Monereo, Yayo Herrero, Mónica Oltra, Juan Hernández Zubizarreta e Mónica Vargas, entre outros, participaron nas xornadas.

Icaria publica dous libros necesarios sobre Europa: análise e propostas

Varoufakis e Pisarello no libro "Un plan para Europa", que se publicará próximamente, non propoñen ideas abstractas e ben intencionadas, senón que apuntan liñas de traballo reais para cambiar a Unión Europea e a Eurozona. | + info.

"A construción europea ao servizo dos mercados financeiros (La construcción europea al servicio de los mercados financieros). Da CECA ao TTIP, Europa antepon o capital ás persoas", de Fátima Martín Gómez de Carvallo e Jérôme Duval, desmonta o mito dunha Europa democrática e ofrece ferramentas de análise crítica para descubrir o verdadeiro rostro da Unión Europea. | + info.

http://www.icariaeditorial.com/

Enviado por:
Anna Monjo
-amonjo@icariaeditorial.com-
22 de fevereiro de 2016 17:06
________________

Acto, en Ferrol, sobre os Crimes de Tarajal - Con Xavier Ron e Estrela Gómez Viñas - Debate e Proxeción do documentario "Las muertes de Ceuta" - Segundo aniversario das 16 mortes e de ningunha responsabilidade asumida

A Coordinadora de Ferrolterra do Foro Galego de Inmigración convídate a participar neste acto de conmemoración do segundo aniversario dos crimes do Tarajal, que se cumpriu o pasado 6 de Febreiro. Para quen non o lembre, as fontes oficiais contabilizaban 16 mortes por afogamento, tras o despregue dun dispositivo da Garda Civil que recibiu aos inmigrantes que tentaban alcanzar a praia con material antidisturbios. Mortes das que aínda a día de hoxe segue sen haber responsables.

Neste acto proxectaremos o documental As mortes de Ceuta ("Las muertes de Ceuta" - "Crimenes del Tarajal"), que analiza polo miúdo os sucesos, e a continuación abriremos un debate sobre o mesmo.

Contaremos coa destacada presenza de Xabier Ron, membro de EU, parlamentario de AGE no parlamento galego, e activista e colaborador habitual do Foro Galego de Inmigración.

Tamén teremos a sorte de contar con Estrela Gómez, de AGAMME (Asociación Galega contra o Maltrato ó Menor), que ademáis falará sobre a situación dos menores refuxiados que fuxiron da guerra en oriente próximo.

Día: 26 de Febreiro.
Hora: Ás 19:30hs.
Lugar: Ateneo Ferrolán (Rúa madalena, 202-204).

Evento no facebook:
https://www.facebook.com/events/1098068300244110/

Conta no facebook:
https://www.facebook.com/forodeinmigracionferrolterra2015/
_____

A Necesaria Confluencia da esquerda pra as Eleccións Autonómicas Galegas deste ano, ... Por Celso Posada Fernández

Por Celso Posada Fernández [*]
22.02.2016

Vivimos tempos de neoliberalismo, de salvaxes recortes nos nosos dereitos, na Sanidade, no Ensino Público, nos servizos públicos por culpa das políticas neoliberais e de salvaxes recortes do PP. Vivimos tempos de salvaxe desmantelamento do Estado do Benestar polas políticas privatizadoras e neoliberais do PP, un partido salpicado pola corrupción sistémica e estrutural dos seus dirixentes. Nas Eleccións Autonómicas Galegas deste ano están en xogo os nosos dereitos, o Ensino e a Sanidade Publica, os servizos públicos e poder vivir con dignidade. Pra transformar a sociedade, pra defender o público, pra democratizar a economía, pra poňer as institucións ao servizo da  maioría social e prol cambio político é fundamental a Confluencia e a Unidade da esquerda política, social e sindical e pra iso e imprescindíbel que a esquerda deixemos a un lado os egos, os personalismos, os individualismos,  a predominancia dunhas siglas sobre outras e traballemos xuntos nun Programa Común pra derrotar e vencer nas urnas a Feijoo, ao PP, a dereita e as súas políticas neoliberais, clasistas e austericidas.

As pasadas eleccións xerais do 20 de Decembro así como as eleccións municipais e autonómicas do mes de Maio demostraron claramente que a cidadanía quere cambio político, que a cidadanía quere que a esquerda confluíamos e nos unamos pra transformar a sociedade e pra poňer as institucións o servizo das clases populares e da maioria social.

O Partido Político de esquerdas, socialista e republicano Decide en Común consideramos que e fundamental a Confluencia da esquerda pra as Eleccións Autonómicas Galegas de este ano, nos alegramos do magnifico resultado electoral da Candidatura de Confluencia da esquerda En Marea (Podemos, EU, Anova e mareas municipalistas) nas Eleccións Xerais do 20 de Decembro na que foi a segunda forza política en Galicia en votos e obtivo 6 deputados/as ao Congreso e dous senador/ra. Decide en Común apoiamos a En Marea pra as Eleccións Autonómicas Galegas deste ano pero creemos que é fundamental sumar a máis forzas políticas da esquerda rupturista, nacionalista e federal, os movementos sociais, a máis activistas sociais, a máis mareas municipalistas. Tamén creemos que e fundamental que esta Candidatura de Confluencia da esquerda pra as Eleccións Autonómicas Galegas deste ano debe ter unhas Primarias Abertas, debe construírse dende abaixo, dende as bases, de forma plural, inclusiva, participativa e aberta, e o seu programa ten que ser claramente de esquerdas e antineoliberal e debe ser aberto, inclusivo e participativo.

Representantes e membros de Decide en Común manteremos reunións con partidos políticos, movementos sociais, con representantes de En Marea e con activistas sociais pra colaborar, axudar e pra traballar pra conformar unha Candidatura de Confluencia da esquerda pra as Eleccións Autonómicas Galegas deste ano, pra transformar a sociedade, pra conseguir o cambio político e  pra derrotar e vencer nas urnas a Feijoo, ao PP, a dereita e as súas políticas neoliberais, clasistas e privatizadoras que unicamente han  provocado nestes 8 anos  paro, precaridade laboral, desigualdade social, pobreza, recortes, privatizacións, exilio económico e emigración forzosa da xuventude galega.



[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e membro da súa Executiva Federal; e integrante da Plataforma Somos Izquierda. Diplomado en Maxisterio de Educación Primaria pola Universidade da Coruña e Monitor de Tempo Libre. É membro de STOP-Desafiuzamentos da Rede de Apoio Mutuo de Ferrolterra , da Asociación de Mobilidade Humana para a Colaboración e o Desenvolvemento (de apoio ás persoas imigrantes e refixiadas) e participa nas Marchas da Dignidade e na Plataforma Cidadá de Ferrolterra contra o TTIP.


Enviado por:
celso posada
-celsoposada2006@hotmail.com-
22 de fevereiro de 2016 11:08
___________

A asociación veciñal "O Rosario" do Inferniño insta a que o goberno municipal interveña para solucionar os problemas derivados da concesionaria do estacionamento público do Inferniño

Aparcamento d'O Inferniño.
    
A Xunta directiva desta Asociación Veciñal do Inferniño expresamos a nosa preocupación  a respecto do Aparcamento do Inferniño "Porta Nova Park", instando a que interveña o Concello de Ferrol co obxecto de mediar no cumprimento desta concesión pública e impulsar este espazo comercial.

Lembramos que no ano 2012 a empresa concesionaria comprometeuse publicamente a facer un investimento de 200.000 € nestas instalacións para actualizar conforme a legalidade os seus equipamentos e servizos co fin de dotar este aparcamento dun mellor servizo máis atractivo para  a veciñanza.

Parécenos grave as continuas queixas do persoal deste aparcamento no senso de que non se fai efectivo o pagamento das nóminas dos seus salarios. As empresas que son concesionarias do concello deben ser exemplares no cumprimento dos seus deberes e pregos de condicións. Esiximos ao goberno local o cumprimento destas obrigas laborais e cesionarias.

Instamos, unha vez máis a intervención do goberno local co fin de impulsar esta concesión pública e a empresa faga efectivas as remuneracións que por dereito teñen todos os traballadores e traballadoras.

Ferrol, a 22 de Febreiro de 2016.-

A directiva.-

--
ASOCIACIÓN VECIÑAL O ROSARIO- INFERNIÑO
avvorosario@gmail.com
http://orosario-inferninho.blogspot.co

Enviado por:
A.Veciñal Inferniño
-avvorosario@gmail.com-
21 de fevereiro de 2016 22:42
___________

Así foi o Acto Público en Ferrol sobre a Lei de Acuicultura de Galicia coa participación de Rafael Pillado Lista, da eurodeputada Lídia Senra, do patrón maior da Cofradia de Cangas, Javier Costa e do deputado no Parlamento galego Juan Manuel Fajardo

O pasado sábado 20 de Febreiro, organizado pola asociación Fuco Buxán, tivo lugar un acto en Ferrol, no Centro Cultural Carvalho Calero do Inferniño. Este acto foi continuación doutro que tivo lugar o día 8 deste mesmo mes na Galería Sargadelos. Trata-se de analizar os efectos da aplicación da nova Lei de Acuicultura de Galicia (hoxe provisionalmente aparcada por decisión do propio goberno do Partido Popular na Xunta de Galicia, presidido por Alberto nuñez Feijóo). O acto foi presentado polo vicepresidente da entidade organizadora, Rafael Pillado Lista, no cal participarón a eurodeputada Lídia Senra, o patrón maior da Cofradia de Cangas, Javier Costa e o deputado no Parlamento galego Juan Manuel Fajardo, que alertaron en Ferrol da perigosidade da norma que amenaza ás rías e ao conxunto da costa da Galiza.

Desde Ártabra 21 presentamos as intervencións das persoas convidadas mencionadas, coa calidade que puidemos tirar, dada as condicións da gravación, lamentamos nom poder postar a presentación nen o debate suscitado que enriqueceu substancialmente o acto. Tamén queremos aproveitar para facer un chamamento a participar na Manifestación Nacional convocada para o vindeiro sábado 27 de Febreiro, ás 11:30hs en santiago de Compostela, en defensa das nosas costas e rías, en defensa da xente do mar, non á Lei de Acuicultura de Galicia.

Intervención da eurodeputada Lidia Senra en Ferrol, no acto convocado pola Asociación Fuco Buxan para falar da Lei de Acuicultura de Galicia.


https://youtu.be/YN5VyCeU7dk
O Patrom Maior de Cangas, Javier Costa, fala das consecuencias da Lei de Acuicultura de Galicia para o sector do mar, convidado pola Asociación Fuco Buxán.


https://youtu.be/A0PQiQ7OslI
O deputado do Parlamento Galego, Juan Fajardo, fala das consecuencias da Lei de Acuicultura de Galicia, nun acto organizado pola Asociación Fuco Buxán en Ferrol.


https://youtu.be/1q-d2jhINy8
Enlaces relacionados:

Ártabra 21: O sábado 27 de Febreiro de 2016, o sector do mar ten unha cita en Compostela para esixir a retirada da Lei de Acuicultura de Galicia

Ártabra 21: Debate sobre a Lei de Acuicultura en Ferrol e apoio á mobilización do 27 febreiro en Compostela

Ártabra 21: Este Sábado 20 de Febreiro, en Ferrol, Acto-Debate sobre a Lei de Acuicultura, coa participación da eurodiputada Líidia Senra e Juan Fajardo deputado do Parlamento Galego

Ártabra 21: Lídia Senra e Juan Manuel Fajardo reuniron-se en Ferrol co sector marisqueiro da comarca, preocupado pola futura Lei de Acuicultura - A eurodiputada Lidia Senra manifestou que “a UE e a Xunta deseñan políticas para pór todos os recursos do pobo nas mans das multinacionais” - As demandas da xente do mar serán trasladadas a Europa

Enviado por:
Lupe Ces
-lupeces@gmail.com-
21 de fevereiro de 2016 20:22
______________

"Afrontar a refundación do BNG coa convicción de que Galiza necesita un nacionalismo enraizado e vivo", di Ana Pontón que vai encabezar a lista que promove o Consello Nacional do BNG, para a súa Asemblea Nacional do 28 deste mes de Febreiro

"Afrontar a refundación do BNG coa convicción de que Galiza necesita un nacionalismo enraizado e vivo", di Ana Pontón [*] que vai encabeza a lista que promove o Consello Nacional do BNG, para a súa Asemblea Nacional do 28 deste mes de Febreiro, n'A Coruña. Escribe a candidata nas redes sociais:

"Abrir tempos de esperanza. Tecer colectivamente o nacionalismo deste tempo. Afrontar a refundación do BNG coa convicción de que Galiza necesita un nacionalismo enraizado e vivo. Son retos que temos por diante. Hoxe o Consello Nacional do BNG fai unha proposta de nova equipa. Incorporamos novas caras e novas formas. Recollemos experiencia que axude a acertar. Asumo ser candidata a portavoz do Bng coa convicción clara de que o nacionalismo é futuro, igualdade, xustiza, solidariedade. Tamen con humildade, e sabendo que o importante é o NÓS. Tamén con entusiasmo. Sabendo que a diario temos que conxugar os verbos dialogar, escoitar, acordar. Agardando que máis mulleres e homes se sumen à proposta. Vèmonos o 28F! Adiante co BNG! A militancia é quen máis ordena!"

[*] Ana Belén Pontón Mondelo -Sarria en 1977, é a voceira do BNG no Parlamento de Galicia.Licenciada en Ciencias Políticas e da Administración pola Universidade de Santiago de Compostela. Participou en eventos como o Festival Mundial da Xuventude Democrática (Cuba, 1997), a Marcha Mundial das Mulleres (Bruxelas, 2000) ou o Fórum Social Mundial (Porto Alegre, 2002).| Blogue, Twitter e Facebook.

Todo sobre a XV Asemblea Nacional do BNG:
http://bng.gal/xvanbng/

Web do BNG:
http://bng.gal/

Enviado por:
Inácio GZ
-inaciogz@gmail.com-
20 de fevereiro de 2016 23:45
_____________

O sábado 27 de Febreiro de 2016, o sector do mar ten unha cita en Compostela para esixir a retirada da Lei de Acuicultura de Galicia

O vindeiro sábado, día 27 de Febreiro de 2016, o sector do mar ten unha cita en Compostela para esixir a retirada da Lei de Acuicultura de Galicia. Coñecedes a relevancia que ten que ter esta actuación e, por tanto, a necesidade de que ese día esteamos tod@s na manifestación convocada polo sector para o día 27 de febreiro en Santiago de Compostela ás 11:30 horas, que sairá da Alameda e rematará na Praza do Obradoiro.

Un díptico para informar sobre a Lei de Acuicultura

O sector do Mar acaba de dar un paso máis na estratexia desenvolvida para dar a coñecer entre a cidadanía os motivos da súa oposición á Lei de Acuicultura. Esta nova acción consistiu na elaboración dun díptico a todo cor que, combinando ilustracións e textos de apoio, contribúe a explicar cunha linguaxe moi accesible para todo o mundo que pretende esta Lei e cales serían as consecuencias da súa aprobación, por unha banda, e que representa o sector do Mar para Galicia e cales son realmente as súas necesidades, por outra.

Enlace para Acceder/Baixar o díptico da xente do mar, en formato pdf.
______________

Debate sobre a Lei de Acuicultura en Ferrol e apoio á mobilización do 27 febreiro en Compostela

Apoio á manifestación do día 27 en Compostela contra a Lei de Acuicultura. | Os deputados Lídia Senra e Juan Manuel Fajardo, acompañados por Javier Costa patrón maior de Cangas, alertan en Ferrol da perigosidade da norma. | Medio cento de persoas ligadas ao sector marisqueiro da comarca ferrolá asistiron á charla organizada pola AC Fuco Buxán.

Lídia Senra, eurodeputada de Alternativa Galega de Esquerda en Europa (AGEe), acompañada polo voceiro de AGE en materia pesqueira no Parlamento galego, Juan Manuel Fajardo, e o patrón maior de Cangas, Javier Costa, apoiaron esta mañá en Ferrol a convocatoria nacional de manifestación feita polo sector pesqueiro galego para o domingo 27 de febreiro en Santiago de Compostela contra a Lei de Acuicultura.

Senra, Fajardo e Costa ofreceron unha charla no Centro Sociocultural Carballo Calero de Ferrol, organizada pola Asociación Cultural Fuco Buxán, á que asistiron ao redor de medio cento de persoas ligadas ao sector marisqueiro da comarca ferrolá.

Durante a súa intervención, Lídia Senra relacionou as decisións que se toman no Parlamento Europeo coas que se toman no Goberno da Xunta e do Estado español. Neste sentido, explicou que os intereses que hai detrás da Lei de Acuicultura son tamén derivados da última reforma da Política Pesqueira Común e pretenden posibilitar que as grandes empresas multionacionais xestionen e exploten os recursos do mar.

Lídia Senra fixo mención á pregunta realizada na Comisión de Pesca do Parlamento Europeo á ministra noruega, Elisabeth Aspaker, interrogándoa sobre cales eran os intereses do seu país en relación á acuicultura en Galiza. “Contestoume que as empresas de Noruega teñen capacidade para a produción acuícola e son das mellores do mundo. Con estas palabras estanos dicindo que efectivamente teñen interés en proxectos acuícolas na costa galega”, explicou.

Na mesma liña, Fajardo insistiu en que o obxectivo da Lei de Acuicultura é permitir ás multinacionais que acaparen os mares. “De saír adiante, esta normativa permitirá que as multinacionais teñan todo o espazo da costa para elixir onde se queiran instalar e poder explotar peixes transxénicos nas rías galegas. Isto pode ser unha bomba de reloxería que estoupe e acabe coa biodiversidade”, alertou. O deputado de AGE asegurou que ante esta situación, é “fundamental” que se artelle unha resposta a esta Lei e que a manifestación convocada polo sector para o día 27 de febreiro en Santiago de Compostela ás 11:30 horas, que sairá da Alameda e rematará na Praza do Obradoiro, sexa multitudinaria.

Igualmente, o patrón maior de Cangas, Javier Costa, definiu como “torpedo á pesca artesanal” a Lei de Acuicultura planificada. “Se a aproban non teremos por onde saír”, dixo. “A prioridade será a acuicultura por riba da pesca artesanal e do marisqueo, quitarannos os espazos de mar e daránllelos ás multinacionais”, asegurou. “Non podemos permitir que as multinacionais exploten os nosos mares e que os fondos mariños queden totalmente arrasados, porque despois, nesas zonas non criará nada, arrasarán todo, por iso temos que saír todos á rúa e estar o día 27 en Santiago”, zanxou.

Ferrol, 20 Febreiro 2016.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL) | lidia.senra@europarl.europa.eu | http://ageuropa.gal/ | https://www.facebook.com/LidiaSenraRodriguez.

Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
20 de fevereiro de 2016 14:42
______

A caça, ... Por Lupe Ces

Por Lupe Ces [*]
20.02.2016

Sam Valentim e as trampas do amor, do amor-morte. Trampas mortais. Porque ti só lhe concederas falar, falar mais umha vez. Falar, “que nom fai mal a ninguém”, e ali tinhas aos teus filhos, por se passava algo... As trampas do amor, as trampas do amor-tramposo. Depois do duro que foi cair na conta de que te equivocaras, mais outra vez, as trampas do amor-veleno. E ti só querias estar bem, sentir-te bem, amor-seguro, amor-confiança, amor-apoio, amor-cumplicidade, amor-livre...

Agora se laiam? Laiam-se os ouvidos que ouvirom? As mentes que pensarom? Laiam-se as linguas que nom che advertirom? Os braços que nom te protegerom? Os corpos que nom o impedirom? As mentes que sabiam que ia passar e nom o impedirom? Laiam-se ou vam lamber as feridas dos teus filhos? Laiam-se ou miram de esguelho o teu corpo rebentado, mentres em Becerreá ainda soam os golpes de tambor da caça?

Nota.- Ana Gómez Nieto foi assassinada em Becerreá o 11 de Fevereiro de 2016.

Publicado nos xornais Sermos Galiza (15.02.2016) e Praza Pública (16.02.2016).

[*] Lupe Ces Rioboo -Caranza Ferrol 1958, é mestra, activista social, integrante da Marcha Mundial das Mulleres e da Rede Social de Ferrol Terra. Forma parte do Consello Editorial de Altermundo e do Colectivo Ártabra 21. Participa nas Marchas da Dignidade. Blogue persoal: Caranza free opiniom.

Enviado por:
Lupe Ces
-lupeces@gmail.com-
15 de fevereiro de 2016 00:49
________

O concelleiro de Esquerda Unida de Narón André Abeledo Fernández defenderá no próximo pleno do día 25 de febreiro unha moción sobre o fomento do cooperativismo en Narón

ESQUERDA UNIDA DE NARÓN PRESENTA UNHA MOCIÓN SOBRE FOMENTO DO COOPERATIVISMO COMO MOTOR DA XERACIÓN DE EMPREGO NO NOSO MUNICIPIO.

O concelleiro de Esquerda Unida de Narón André Abeledo Fernández defenderá no próximo pleno do día 25 de febreiro unha moción sobre o fomento do cooperativismo en Narón.

"Dende EU defendemos este modelo cooperativista que en tempos de crises demostrou a súa capacidade para xerar emprego, ademais un emprego normalmente de carácter indefinido con salarios dignos onde a muller ten un espazo importante na súa xestión".

MOCIÓN SOBRE FOMENTO DO COOPERATIVISMO

Fundamentos

Segundo datos do Ministerio de Emprego e Seguridade Social, a pesar do aumento do desemprego en España, o emprego nas cooperativas medrou durante estes anos de penuria que chaman crise, datos nos que abonda a Confederación Española de Cooperativas de Traballo Asociado (COCETA).

A estes datos positivos habería que engadirlle o feito de que se trata de empregos indefinidos, cando menos a priori, polo feito de seren socios das cooperativas a maioría dos seus traballadores e traballadoras.

E, por certo, dáse a circunstancia de que as mulleres ocupan case o 50% dos empregos cooperativos, e un 40% dos postos de responsabilidade, moi por encima da maioría das empresas.

Consecuentemente, parece lóxico que o Concello de Narón, que conta con un polígono industrial con moito espazo baleiro e un bo número de instalacións en situación de inactividade, conta coas infraestruturas ideais para o fomento da economía produtiva destas característica e debe valorar os apoios para que este tipo de actividades axude a mellorar a situación de preocupante desemprego que padecemos.

Ademais contamos para poñer en marcha este proxecto con ferramentas que deberían ser útiles e suficientes para financiar a posta en marcha desta iniciativa, para que non quede nun canto cara a galería, e para polo tanto poder concretar cantas veciñas e veciños de Narón van poder nos vindeiros meses saír da situación de desemprego e poder ter unha ocupación remunerada.

Existe un Plan de Emprego da Deputación de A Coruña dotado con 6 millóns de euros, esta noticia é do 14 de Xaneiro de 2016, para o fomento do auto-emprego e o apoio a proxectos emprendedores.

Existe un Plan Prepara do Goberno Central que se prolonga cada seis meses dende o 2012 ata que o paro baixe do 20%, a ultima vixencia é do 16 de Febreiro de 2016.

Aparte existen coa súa correspóndete dotación orzamentaria os plans de emprego da Xunta Galiza para este ano 2016, así como un plan especifico para a creación e sostemento de servizos sociais.

Temos que buscar o xeito de que a maior cantidade posible de todos eses recursos públicos sexan adicados a poñer en marcha todo tipo de iniciativas no noso concello que procuran xerar un emprego digno e de calidade.

Por todo isto o Concello de Narón adopta os seguintes

Acordos

O Concello de Narón iniciará no prazo máis breve posible os trámites para a configuración dun proxecto de Viveiro de Cooperativas.

Dito Viveiro de Cooperativas poñerá a disposición das novas cooperativas radicadas en Narón instalacións básicas para o seu funcionamento, nas que tanto o alugueiro como os gastos de internet e electricidade serán gratuítos durante o primeiro ano.

O Concello de Narón, mediante cos acordos que tome comisión de goberno e coa participación de todos os grupos da corporación e utilizando todos recursos e servizos que lle son propios o cooperativismo a través de cursos de formación e de asesoramento para os traballadores que desexen impulsar as cooperativas na nosa cidade.

Para todo isto, o Concello establecerá contactos coa citada Confederación Española de Cooperativas de Traballo Asociado (COCETA), para solicitarlle asesoramento no desenrolo do proxecto.

O desenrolo do proxecto deberá contar coa participación activa e vinculante do Concello de Narón e das concelleiras de Economía e Servizos Sociais.

Grupo Municipal de Esquerda Unida de Narón


ESQUERDA UNIDA DE NARÓN

Contas de Esquerda Unida Narón no facebook e no twitter.

Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
16 de fevereiro de 2016 12:48
_____________

Rádio Filispim prepara un documentario para deixar constancia dos 10 anos de emisión da "Rádio Livre e Comunitária da Terra de Trasancos", e fan un chamamento a participar no proxecto audiovisual a todas as persoas que son ou foron parte da radio

ATENCIÓN, AVISO AS PERSOAS QUE TIVERON OU TEÑEN RELACIÓN CO COLECTIVO OPAII!-RFM

Com motivo da gravaçom do documentário polos 10 anos de Rádio FilispiM, fazemos umha convocatória aberta para todas as pessoas que participam ou participárom do colectivo e do projecto e que estejam interessadas em fazer parte deste documento audiovisual, para a realizaçom de umha breve entrevista sobre a sua experiência.

Será a próxima quarta-feira 24 de Fevereiro, a partir das 17.30h.

O lugar escolhido é o Centro Cultural Torrente Ballester (R/ Concepción Arenal s/n – Ferrol).

Solicita-se que aquelas pessoas interessadas confirmem a sua assistência (achegando nome e número de telefone de contacto) para que a equipa de produçom poda organizar as entrevistas.

A data limite para esta confirmaçom será a terça-feia 23 de Fevereiro até as 23.59h.

Podedes enviar os vossos dados através das seguintes vias:

• correio-e: xende.lt@gmail.com
• SMS/Whatsapp: 669 73 70 06

--

Escoita! Rádio FilispiM com: Winamp, iTunes Windows Media Player Real Player TuneIn QuickTime ou VLC.

FACEBOOK - TWITTER

OPAII-Rádio FilispiM [93.9 FM]
A rádio livre e comunitária da Comarca de Trasancos emitindo desde Ferrol.
Web: http://www.opaii.blogspot.com
E-mail: filispina@gmail.com
Direcçom Postal: Avda. Castelao S/N [Traseira do Mercado de Caranza], CP. 15406 Ferrol [A Corunha]

Enviado por:
Rádio FilispiM 93.9FM
-filispina@gmail.com-
19 de fevereiro de 2016 14:26
__________

Inauguradas as xornadas que acollen na Coruña a unha trintena de ponentes sobre a Europa Decolonial e a Europa dos Pobos sen Estado - Lídia Senra: “O colonialismo segue pervivindo con formas novas hoxe e segue oprimindo aos pobos“

Lídia Senra: “O colonialismo segue pervivindo con formas novas hoxe e segue oprimindo aos pobos“. | Inauguradas as xornadas que acollen na Coruña a unha trintena de ponentes sobre a Europa Decolonial e a Europa dos Pobos sen Estado. | A eurodeputada de AGEe, Beiras, Anna Gabriel, Ramón Grosfoguel e Houria Bouteldja abriron o encontro no Paraninfo da Universidade.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquera Verde Nórdica (GUE/NGL), asegurou este venres que falar de colonialismo hoxe en día sigue estando “de actualidade”, xa que  “o colonismo segue pervivindo con formas novas na nosa sociedade”.

Senra fixo estas declaracións á entrada do Paraninfo da Universidade da Coruña, onde este venres e e sábado están tendo lugar as xornadas “A historia da Europa Decolonial e da Europa dos pobos sen Estado”, unhas xornadas organizadas polo propio GUE/NGL en colaboración con Decoloniality Europe e que durante os dous días están a reunir na Coruña a case unha trintena de representantes de diferentes colectivos dos pobos oprimidos de Europa.

A eurodeputada asegurou que o obxectivo é establecer un diálogo entre as nacións sen estado e a realidade dos pobos racializados de Europa procedentes das colonias. “O obxectivo é coñecernos, poñer en común as experiencias duns e outros e avanzar nesta loita contra o colonialismo e nesta loita pola descolonización”, dixo.

Lídia Senra advertiu que “a estas alturas do século XXI as vellas formas de colonialismo perviven con maneiras novas” para “seguir oprimindo aos pobos, seguir controlando os seus recursos e seguir apropriándose das súas riquezas”.

Na comparecencia ante os medios, tamén estivo presente o voceiro de AGE no Parlamento Galego, Xosé Manuel Beiras, quen falou dos precedentes de articulación entre os dereitos de emancipación das nacións sen estado, do nacionalismo emancipador, e os dereitos dos conxuntos étnicos, culturais sometidos a opresión colonial e de racismo.

Pola súa banda, a deputada da CUP no Parlamento de Catalunya, Anna Gabriel, que estes días está tamén na Coruña participando nas xornadas, dixo estar moi agradecida por poder compartir estes días na Coruña, como unha experiencia de intercambio para poñerllo un pouco máis dificil a aqueles que intentamos combater. “Sempre o dicimos e é así, unidas somos máis fortes”, enfatizou.

Igualmente, o membro fundador da Europa Decolonial, Ramón Grosfoguel, defendeu ante a prensa que o e vento buscar un comezo de diálogo entre os movementos que queren descolonizar Europa desde as nacións sen Estado e desde os pobos racializados. “Estas loitas teñen en común que buscan descolonizarse dos Estados que os oprimen”, sinalou.

A concelleira de Madrid Montse Galcerán defendeu que “o pensamento descolonial pon de relevo a colonialidade interna nas grandes metrópoles contemporáneas”. “Eu estou a cargo dun distrito no que a maioría son inmigrantes, e nese contexto, para entender como temos que abordar esa realidade, son interesantes estas xornadas”, dixo.

A membro do Sindicato Andaluz de Traballadores Ana Martínez Serrano, declarou que “fronte a esta Europa dos mercados, esta dicotomía norte-sur, vimos aportar a nosa experiencia para que non haxa forma de ser feminista sen ser antiracista e que non haxa forma de ser socialista sen ser antiimperialista”.

A activista no Raval Daniela Ortiz destacou que este encontro “é moi útil porque sen esa base de narrativas coloniais sería imposible que houbese o nivel de violencia que hai a día de hoxe coa poboación inmigrante”, por iso é interesante debater sobre esta realidade, dixo.

O profesor portugués Boaventura de Sousa dixo estar na Coruña porque pensa que “Europa hoxe precisa reconducir esta loita que é moi complexa porque aglutina a descolonización, o anticapitalismo e antipatriarcado. Obriga a unha articulación entre as forzas políticas e non é fácil”, dixo.

As citadas xornadas están a ser un punto de encontro para establecer pontes políticas comúns entre a Europa dos pobos sen Estado e a Europa dos pobos racializados derivados da historia colonial. O evento aberto a todos os públicos, que comezou este venres ás 18:00 horas e que se prolongará durante toda a xornada do sábado no Paraninfo da Universidade da Coruña, permite poder escoitar e intercambiar experiencias con persoas como, ademais dos propios Lídia Senra, Xosé Manuel Beiras, Anna Gabriel, Ramón Grofoguel e Houria Bouteldja, tamén ao profesor portugués Boaventura de Sousa Santos, que impartirá este sábado ás 19 horas unha clase maxistral baixo o título “Unha epistemoloxía do Sur para unha Europa Decolonial”.

Nas xornadas tamén intervirán este sábado as concelleiras de Anova en Marín e Vigo, Sandra Pesqueira e Margaraita López Barreiro, respectivamente, así como o representante da Relacións Internacionais da Confederación Intersindical Galega (CIG), Moncho Boán; ou por parte do Sindicato Labrego Galego (SLG), Xosé Ramón Cendán. Pola parte galega, nas xornadas tamén estarán presentes membros da Marea Atlántica, e a concelleira de Igualdade e Diversidade no Concello da Coruña, Rocío Fraga, moderará unha das mesas.

Pola parte internacional, para asistir a estas Xornadas desprazáronse ata a Coruña membros de Europa Decolonial como o holandés Dew Baboeram; a artista e activista visual líder do Espazo do Inmigrante no Raval, Daniela Ortiz, entre outros. Membros do Sindicato Andaluz de Traballadores (SAT), a concelleira de Madrid Montse Galcerán, ou a galega Helena Miguelez-Carballeira, profesora actualmente na Universidadade de Bangor, en Gales, son outras das persoas poñentes nas diferentes mesas que conforman estas xornadas.

A Coruña, 19 febreiro 2016.

Lídia Senra Rodríguez, Pobra do Brollón o 14 de xuño de 1958, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL) |  Labrega, é unha destacada sindicalista do agro galego. Foi membro da Executiva da Coordinadora Labrega Europea (CPE). Participou en diversos encontros internacionais representando a Vía Campesiña, movemento labrego mundial que agrupa organizacións de América, Asia, África e Europa. Ademais, interviu activamente nos tres foros sociais europeos celebrados en Florencia, París e Londres.  |lidia.senra@europarl.europa.eu | http://ageuropa.gal/ e https://www.facebook.com/LidiaSenraRodriguez. | https://twitter.com/lidiasenra.

Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
19 de fevereiro de 2016 19:45
____________

Este Sábado 20 de Febreiro, en Ferrol, Acto-Debate sobre a Lei de Acuicultura, coa participación da eurodiputada Líidia Senra e Juan Fajardo deputado do Parlamento Galego

Acto-Debate sobre a Lei de Acuicultura

A Asociación Cultural Fuco Buxán, en colaboración co Sector do Mar, durante as dificultades que padece a súa xente, convoca Acto-Debate sobre a Lei de Acuicultura. Convidamos a participar a todas as Confrarias da contorna de Ferrolterra e a todos os afectados, mariscadores, mariñeiros, armadores, peixeiras, etcétera. Participa: Lidia Senra, eurodiputada e Juan Fajardo, diputado. Con anterioridade hai uns días, en concreto o sábado 7 de Febreiro, estiveron nun acto en Ferrol na Galería Sargadelos, nun primeiro contacto coa xente do mar, para falar sobre a citada Lei de Acuicultura.
​
Este novo acto terá lugar:

Día: Sábado 20 de Febreiro.
Hora: Ás 11:30 horas.
Lugar: No Centro Cultural Carvalho Calero (O Inferniño - Ferrol)


Lídia Senra Rodríguez, Pobra do Brollón o 14 de xuño de 1958, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL) |  Labrega, é unha destacada sindicalista do agro galego. Foi membro da Executiva da Coordinadora Labrega Europea (CPE). participou en diversos encontros internacionais representando a Vía Campesina, movemento labrego mundial que agrupa organizacións de América, Asia, África e Europa. Ademais, interviu activamente nos tres foros sociais europeos celebrados en Florencia, París e Londres. Tlf's: 0034 698 108 434/0032 483 604 027, |lidia.senra@europarl.europa.eu | http://ageuropa.gal/ e https://www.facebook.com/LidiaSenraRodriguez. | https://twitter.com/lidiasenra.

Juan Fajardo (Juan Manuel Fajardo Recouso) Vilagarcía de Arousa  1973, deputado de Alternativa Galega de Esquerda, no Parlamento Galego. É informático. Militante de Esquerda Unida e do Partido Comunista desde 1990. Responsable comarcal do PCG en Arousa. Foi concelleiro en Vilagarcía de Arousa. Contacto: 981551584 | https://twitter.com/jmfajardoeu. |
juan.manuel.fajardo.recouso@parlamentodegalicia.gal

Enviado por:
A.C. Fuco Buxán Fuco Buxán
-fucobuxan@gmail.com-
19 de fevereiro de 2016 19:38
__________

Marcha europea polos dereitos das persoas refuxiadas, na Coruña, o sábado 27 de Febreiro, ás 19:30h dende a praia de Riazor até o Obelisco

En centos de cidades  van ter lugar mobilización dentro da campaña solidaria "Marcha Europea polos Dereitos das Persoas Refuxiadas". Como en centos de cidades europeas, na Galiza, vai ter lugar n'A Coruña, o sábado 27 de Febreiro, ás 19:30h dende a praia de Riazor até o Obelisco.

Trata-se de mobilizar-nos para esixir aos gobernos europeos unha pasaxe segura e a defensa dos dereitos dos refuxiados e refuxiadas.

Non poden seguir morrendo no seu camiño a un lugar seguro, necesitamos vías seguras e que unha vez cheguen á Unión Europea se  lles acolla con dignidade e se respecte os seus dereitos.

O evento en Facebook:
https://www.facebook.com/events/1038387522871014/

ac.sos.dd.migrantes@gmail.com

FORO GALEGO DE INMIGRACIÓN
https://forogi.wordpress.com/ foroinmigracionsantiago@yahoo.es

Información baseada na enviada por:
susana beatriz alaníz gonzález
-sual259@hotmail.com-
19 de fevereiro de 2016 16:39
____________________

Comezan, na Coruña, as moi interesantes xornadas sobre a historia da Europa Decolonial e da Europa dos pobos sen Estado

A historia da Europa Decolonial e da Europa dos pobos sen Estado, a análise na Coruña. | O Paraninfo da Universidade acolle este venres e sábado unhas xornadas abertas ao público con case unha trintena de ponentes. | Lídia Senra exercerá de anfitriona neste encontro que pretende establecer pontes políticas comúns entre os pobos oprimidos.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquera Verde Nórdica (GUE/NGL), exercerá mañá e o sábado de anfitrioa nas xornadas “A historia da Europa Decolonial e da Europa dos pobos sen Estado”[1], unhas xornadas organizadas polo propio GUE/NGL en colaboración con Decoloniality Europe e que durante os dous días reunirán na Coruña a case unha trintena de representantes de diferentes colectivos dos pobos oprimidos de Europa.

As xornadas serán un punto de encontro para establecer pontes políticas comúns entre a Europa dos pobos sen Estado e a Europa dos pobos racializados derivados da historia colonial. O evento aberto a todos os públicos, que comezará este venres ás 18:00 horas e que se prolongará durante toda a xornada do sábado no Paraninfo da Universidade da Coruña, permitirá poder escoitar e intercambiar experiencias con persoas como, ademais da propia Lídia Senra e do voceiro de AGE no Parlamento Galego, Xosé Manuel Beiras, o membro fundador de Europa Decolonial e profesor na Universidade de California en Berkeley Ramón Grosfoguel; os deputados cataláns das CUP Anna Gabriel e Quim Arrufat; a activista e portavoz do Partido dos Indíxenas da República Francesa, Houria Bouteldja ou o profesor portugués Boaventura de Sousa Santos.

Nas xornadas tamén intervirán as concelleiras de Anova en Marín e Vigo, Sandra Pesqueira e Margarita López Barreiro, respectivamente, así como o representante da Relacións Internacionais da Confederación Intersindical Galega (CIG), Moncho Boán; ou por parte do Sindicato Labrego Galego (SLG), Xosé Ramón Cendán. Pola parte galega, nas xornadas tamén estarán presentes membros da Marea Atlántica, e de feito, será o propio alcalde da Coruña, Xulio Ferreiro, quen inaugurará as xornadas xunto con Lídia Senra; ademais da concelleira de Igualdade e Diversidade no Concello da Coruña, Rocío Fraga, que moderará unha das mesas.

Pola parte internacional desprazaranse á Coruña membros de Europa Decolonial como o holandés Dew Baboeram; a artista e activista visual líder do Espazo do Inmigrante no Raval Daniela Ortiz, entre outros. Membros do Sindicato Andaluz de Traballadores (SAT), a concelleira de Madrid Montse Galcerán, ou a galega Helena Miguelez-Carballeira, profesora actualmente na Universidadade de Bangor, en Gales, serán outras das persoas ponentes nas diferentes mesas que conformarán estas xornadas.

Compostela, 18 febreiro 2016.

Enlaces de interese:

As xornadas en twitter:
https://twitter.com/decolonialgz

Web Decolonial:
http://decolonialityeurope.wix.com/decoloniality

Dossier das Xornadas | Baixar/Acceder.

Clicando acima da imaxen da cabeceira do post, pode-se acceder/baixar o cartaz das xornadas, por se se quere difundir.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL) | Tlf's: 0034 698 108 434/0032 483 604 027, |lidia.senra@europarl.europa.eu | http://ageuropa.gal/ e https://www.facebook.com/LidiaSenraRodriguez.



Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
18 de fevereiro de 2016 12:43
____________________

Ante o anuncio da entrada dun novo buque gaseiro, o LNG Castillo de Villalba, cargado con gas para a ilegal e perigosa Reganosa, o Comité Cidadán de Emerxencia convoca unha concentración sonora, na Praza Amada Garcia, diante do Edificio Administrativo da Xunta de Galicia, este xoves 18 de Febreiro de 2016, ás 7 da tarde

"...unha planta de gas que nos ameaza todo-los días, aumentando exponencialmente esta ameaza sempre que entra na Ría un buque destas características, cargado para a perigosa e ilegal planta regasificadora de Mugardos..."

CONCENTRACIÓN SONORA EN FERROL,
 XOVES 18 DE FEBREIRO, ÁS 7 DA TARDE
DIANTE DO EDIFICIO ADMINISTRATIVO DA XUNTA
NA PRAZA AMADA GARCIA

O "Castillo de Villalba" (LNG Tanker), anuncia que vai descargar miles de toneladas de gas natural licuado para Reganosa. O LNG Castillo de Villalba é un buque de grande porte, de 284,40 m de eslora e 42,50 m de manga e  de calado 11,40 m. E cunha capacidade de carga de 138.000 m³ de GNL (LNG). O buque vai entrar pola bocana da Ría e cruzará o angosto, estreito, de pouco calado e de fondo rochoso, canle de máis de 4.500 metros, até chegar ao pantalán de descarga do peirao de punta Promontorio, situado no termo municipal de Mugardos. Onde Reganosa coa complicidade de políticos sen escrúpulos construíu unha planta de gas que nos ameaza todo-los días, aumentando exponencialmente esta ameaza, sempre que entra na Ría un buque destas características, cargado para a perigosa e ilegal planta regasificadora de Mugardos. No caso de entrar, Este buque faría o gaseiro número 206 que descargaría en Reganosa, desde que o fixera o "Galicia Spirit" en Maio de 2007.

A principios de 2014, Reganosa anunciaba un novo despropósito contra a poboación que mora na contorna desta Ría. O negocio anunciado consiste nun dispositivo que traslade á boca da Ría o GNL como combustíbel. Un negocio de Reganosa, apoiado pola Xunta de Galicia, subsidiado con diñeiro público. Proxectan un HUB de Gas Natural Licuado de Reganosa que fará de Ferrol unha enorme bomba de reloxería colocada dentro da nosa Ría, será  a construción dun surtidor de gas (gasolineira) na Ría de Ferrol, para buques que utilicen LNG/GNL como combustíbel. Este proxecto xa conta co apoio da Unión Europea, cun custe orzamentario millonario. Mais hai un mes un dos principais socios de Reganosa, Gas Natural Fenosa, abandonaba o proxecto e a propia Reganosa, vendendo todas as súas accións. Aínda está sen explicar, e menos analizar, o porque o socio gasista principal de Reganosa abandona. Algo que nos venderon en positivo, como que Galiza se facía co controlo da planta, onde diñeiro público se invístese nunha planta de gas deficitaria, ilegal e perigosa. E xa non digamos a aposta de GADISA, que co seu novo investimento pon en perigo a viabilidade de miles de postos de traballo que xera o grupo noutras actividades, como na rama da distribución e comercio de alimentación.

Diante do aumento da ameaza contra a seguridade e a vida, que supón a entrada dun novo buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol convoca unha acción de protesta e denuncia, consistente nunha Concentración Sonora, este Xoves ás 7 da Tarde, en Ferrol, na Praza Amada Garcia, diante do Edificio Administrativo da Xunta de Galicia.

Van facer catro anos, desde que o 11 de Maio de 2012 se ditou a Sentenza polo Tribunal Supremo, onde a planta xa foi declarada ilegal, en sentenza inapelábel. O 15 de Setembro de 2014, foi admitido a trámite, polo Tribunal Supremo, o Recurso de Casación contra a decisión da Xunta de Galicia e o Concello de Mugardos que denegan a nulidade do novo PXOM en execución da mencionada Sentencia.

Tras a Sentenza do Tribunal Supremo, que declara ilegal a localización de Reganosa, esiximos o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• MÓVETE CONTRA A IMPUNIDADE !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

16 de fevereiro de 2016 13:41

_______________