O BNG pídelle ao Alcalde, Ángel Mato, honestidade en relación coa retirada dos simbolos franquistas

O BNG PÍDELLE A MATO HONESTIDADE EN RELACIÓN COA RETIRADA DOS SIMBOLOS FRANQUISTAS

O Bloque Nacionalista Galego de Ferrol pide ao alcalde da cidade, Angel Mato, que actúe con honestidade e asuma os acordos que el mesmo ten votado favorablemente no pleno de Ferrol en relación coa retirada dos símbolos, distincións e recordos que perduran na cidade do réxime franquista. Votar a favor dun acordo cando nin se asume nin se comparte é enganar á cidadanía.

O Bloque Nacionalista Galego lembra que hai 40 anos, en marzo de 1981, esta cidade xa retirou do nomenclator municipal o nome de González Llanos pola súa vinculación co réxime franquista, polo tanto o debate que ten xurdido respecto do acordo adoptado no pleno municipal é un debate extemporáneo.

O cambio de nome da rúa “González llanos” (actual estrada de circunvalación) promovida polo alcalde Xaime Quintanilla, en pleno postfranquismo e cando nin sequera existía unha Lei de Memoria Democrática, demostra que nesta cidade non só nada temos avanzado senón máis ben retrocedido en temas como este, a eliminación dos espazos públicos dos restos da ditadura franquista.

Iván Rivas, portavoz municipal do BNG, considera que o alcalde desta cidade debe ser honesto e se pensa que a súa postura é diverxente á do goberno socialista desta cidade de hai 40 anos, debería votar en contra da proposta máis posicionarse a favor para despois anunciar a negativa a dar cumprimento ao acordo dista moito do que se agarda do alcalde de Ferrol.

Así mesmo a postura do Partido Popular de Ferrol quen nun exercicio de cinismo político se abstivo nunha moción que, á vista das súas opinións, non comparten en absoluto, xunto co anuncio da presentación dunha moción para lembrar e honrar á figura dun destacado membro do réxime franquista retrata ben as claras quen é o Partido Popular, a ideoloxía que representa e non ten reparos en votar unha cousa e publicamente asumir outra.

Ferrol, 12 de abril, de 2022.

Bloque Nacionalista Galego

Ferrol | Web | Facebook | Twitter.

Ferrolterra | Web.



Enviado por:
BNG Ferrol
-bngferrol@gmail.com-
12 de abril de 2022 19:26
_______

Actuación de 'Maina Materia' en Ferrol, o xoves 21 de abril, ás 9 da noite, no Centro Cultural Torrente Ballester

Maina Materia

Centro Cultural Torrente Ballester
O xoves 21 de abril, ás 21:00 hs (Prezo 3 euros)

UNHA CHEA DE MESTURAS SONORAS E UN MARCADO SENTIR FEMININO SON OS SINAIS DE IDENTIDADE DESTA FORMACIÓN GALEGA

Lidia India, Eugenia Sanmartín, Carmen Sixto, César Yáñez e Fran Funkasta forman Maina Materia, un grupo nacido na comarca de Ferrolterra-Ortegal. Nos seus temas aflora unha identidade chea de mesturas sonoras e marcado sentir feminino, pois son as mulleres as principais compositoras. Comparten ritmos de Brasil, e outros de Cuba, leves aromas de África, funky, blues e, por suposto, Galicia. As súas composicións e arranxos nacen da suma da bagaxe persoal de cada un deles.

Fonte: aí | Nº 166 | Ano XV | Abril 2022 |

Edita: Edicións Embora
Rúa Galiano, 63 - 1º. 15402 Ferrol
Tlef.: 981 35 53 53
comercial@edicionsembora.es
http://www.edicionsembora.es/
_______

Protesta na CRTVG previa á folga e pola remuda do director xeral, que botará máis no cargo que Feijóo de presidente - #DefendeAGalega

"Sen temporais, non hai telexornais", berraba persoal da CRTVG da delegación de Ourense durante a primeira xornada de mobilizacións previstas para as próximas semanas e que acabará en varias xornadas de paro parcial e folga de 24 horas a principios de maio. Traballadores e traballadoras de San Marcos e do resto de delegacións (A Coruña, Lugo e Vigo) protestaron con cazolada, chifres e proclamas "contra a destrución" de postos de traballo e para "esixir a consolidación de todo o emprego temporal de longa duración" ante o proceso de estabilización laboral prevista na lei de interinos que entrou en vigor a finais do pasado ano.

O persoal mobilizado -tras unha convocatoria unitaria de todos os sindicatos a través do comité intercentros- advirte do próximo despedimento de 40 persoas de confirmarse os plans de estabilización de emprego da dirección da CRTVG e pide que o proceso abranga todo o persoal "temporal en fraude", que cifran nuns 300 traballadores e traballadoras nos últimos tempos, moitos deles recoñecidos como fixos tras reclamación e sentenza xudicial.

Esta primeira xornada de mobilizacións -que seguirán o 12 de abril- coincide co 203º venres negro impulsado por Defende A Galega, colectivo que denuncia a "manipulación" e o "desmantelamento" da CRTVG e que leva case catro anos esixindo o cumprimento da lei de medios e a remuda do director xeral. Alfonso Sánchez Izquierdo está a piques de cumprir trece anos no cargo a pesar de que a súa continuidade tiña que terse sometido a votación en 2012.

"Agora que vai haber remuda na Xunta, decidirase o partido que ten a maioría parlamentaria a poñer en marcha a remuda do director xeral da CRTVG? A lei está para cumprila", pregúntase Defende A Galega sobre Sánchez Izquierdo, que a finais do vindeiro mes de maio superará o tempo que Feijóo leva na presidencia da Xunta. Chegou case canda el pero marchará -agás sorpresa- moito máis tarde.

Foi o 29 de maio de 2009 cando Alfonso Sánchez Izquierdo tomaba posesión como director da CRTVG, designado directamente pola Xunta, en aplicación da lei coa que se crearan os medios públicos de comunicación galegos en 1984. Feijóo -que levaba apenas un mes como presidente da Xunta-, asegurou que o pactara co daquela secretario xeral do PSdeG, Pachi Vázquez, que o negou. Case trece anos despois, Sánchez Izquierdo continúa no cargo por tempo indefinido tras estrear o seu terceiro consello de administración.

A nova lei dos medios públicos de comunicación establece que a dirección xeral da nova Corporación debería ser elixida por maioría reforzada do Parlamento: dous terzos (50 escanos) ou, se non fosen acadados, tres quintos (45), o que coa correlación de forzas daqueles anos -e tamén coa actual- obrigaba a que o PP pactase o nome con, cando menos, outro grupo político.

Mudanza na lei para mantelo no posto

A lei fixaba tamén un prazo de seis meses (a mediados de xuño de 2012) para elixir os novos órganos directivos e, seis meses despois, a lei xa se incumpría. Entre outros aspectos, porque aínda non culminara a transformación do ente nunha única corporación, o cal non sucedeu ata o 1 de xaneiro de 2016. Meses antes, tras un pacto entre PP e PSdeG do que se desmarcara o resto da oposición, o Parlamento deu elixido coa maioría reforzada que marca a lei os membros do novo Consello de Administración da CRTVG -catro a proposta dos populares e dous, dos socialistas-.

Aqueles nomeamentos activaban o mecanismo legal para, case catro anos despois do prazo legal, remudar a Sánchez Izquierdo. Pero, inmediatamente despois, a Xunta mudou as regras do xogo.

Aproveitando a tramitación da lei de acompañamento dos orzamentos de 2016, a Xunta introduciu unha modificación puntual nunha das disposicións transitorias da lei dos medios públicos. Como informou Praza.gal, aquela reforma aprobada en solitario polo PP permitiu, na práctica, que Sánchez Izquierdo continuase indefinidamente no posto que aínda segue exercendo. Preguntada ao respecto pola oposición a finais de 2020, a Secretaría Xeral de Medios limitouse a responder que a remuda chegará cando haxa "diálogo" ao respecto.

No pasado verán, tras a ratificación dos novos membros do Consello de Administración, Defende A Galega volveu urxir o cumprimento íntegro da lei de medios, incluíndo o nomeamento da dirección xeral por maioría reforzada do Parlamento. Este venres, o 203º negro, volveuno reclamar.

Publicado en Praza Pública por Miguel Pardo [*] @depunteirolo | 8 de abril de 2022. | Baixo lizenza  Creative Commons BY-SA.

[*] Miguel Pardo. | Entre A Coruña e o Ortegal. Antes en La Opinión, Depor Sport, L-V ou Xornal de Galicia. Co-autor de La imagen del mundo árabe y musulmán en la prensa española (2010, Fundación Tres Culturas).
_______

En Cedeira celebrara-se, o xoves 14 de abril, unha ofrenda floral en comemoración do 91 Aniversario da proclamación da II República e en homenaxe ás persoas represaliadas

Cedeira: Actos da Memoria Histórica

Ofrenda Floral en homenaxe ás persoas represaliadas de Cedeira e ás que sufriron prisión no Campo de Concentración da Revolta, este xoves 14 de abril, de 2022, ás 12:30 hs na Praza da Constitución (Revolta).

Presentación do libro sobre a historia da represión franquista en Cedeira a cargo da Asociación Local de Memoria Histórica.
---
Asociación Cultural Memoria Histórica Democrática
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol  @memoriaferrol

Enviado por:
Memoria Histórica Democrática
-memoriahistoricademocratica@gmail.com-
8 de abril de 2022 18:18
_______

Sobre as probas diagnósticas de laboratorio e radioloxía en Atención Primaria - Asociación Galega para a Defensa da Sanidade Pública

A ASOCIACIÓN GALEGA PARA A DEFENSA DA SANIDADE PÚBLICA, SOBRE PROBAS DIAGNÓSTICAS EN ATENCIÓN PRIMARIA

Dende a Asociación  Galega para a Defensa da Sanidade Pública consideramos unha boa noticia a instrución do SERGAS ás xerencias de Área Sanitaria, para que os Centros de Saúde podan acceder a probas diagnósticas de laboratorio e radioloxía, reservadas ata o de agora aos servizos hospitalarios.

Consideramos, caso de que esta instrución sexa finalmente aplicada, un éxito da estratexia de presión e negociación das organizacións que integramos o Consello Técnico de AP de Galicia que levamos anos reivindicando a supresión das limitacións de acceso a probas diagnosticas desde a AP.

Esta medida, mellora a capacidade resolutiva dos Centros de Saúde que redundará nunha mellora na calidade da atención a cidadanía.

Dados os antecedentes sobre a aplicación real deste tipo de medidas,  consideramos urxente a elaboración e aplicación dos Protocolos que regulen as solicitudes polas xerencias de área, de maneira consensuada entre Atención Primaria e a Hospitalaria.

Reiteramos a esixencia de que tamén se retiren os filtros ás solicitudes de derivacións e  interconsultas  de pacientes entre Atención Primaria e Hospitalaria, que ademais de poñer en cuestión a capacidade diagnóstica do persoal médico de Atención Primaria, supón uns incrementos  inaceptables das listas de agarda.

6 de abril do 2022

AGDSP

Enviado por:
PLATAFORMA FERROLTERRA
-plataformasosanidadepublica@gmail.com-
10 de abril de 2022 22:39
_______

No Teatro Jofre: 'A farsa das Zocas', de Ricardo Carvalho Calero, posta en escena polo grupo de teatro da S.C. Medulio - Hoxe domingo 10 de abril, ás 7 da tarde

Hoxe domingo 10 de abril, ás 7 da tarde, no Teatro Jofre: "A farsa das Zocas", de Ricardo Carvalho Calero, posta en escena polo grupo de teatro da S.C. Medulio.

Na edición de 1971 dise:

Se A farsa das zocas, polo seu ambiente, se inserta na liña da temática de inspiración popular, as liberdades de expresión escénica nela patentes, a estilización dos persoaxes e a técnica de presentación directa dos mesmos, están moi lonxe dos usos do sainete rural de tipo realista.

E o autor engade no prólogo:

Na Farsa, inspirada na épica popular, importan pouco as tres unidades, ao menos as de tempo e lugar, e se hai que presentar unha persoa do drama, abonda con que ésta se adiante cara o púbrico e se identifique por sí mesma, procedimento tran primitivo que resulta tan moderno, e plausible sempre para o espectador verdadeiramente inxenuo ou verdadeiramente culto.

Carmen Suárez Rey sinala:

... temos que concluír recoñecendo que a Farsa das zocas é unha obra baseada na realidade da vida galega, sobre todo da vida galega rural daquela época, a inmediatamente anterior ao momento en que se escribiu. Así pois, insírese na liña temática de inspiración popular, pero cun senso novo moi lonxe do trasnoitado sainete rural de tipo realista.

Carvalho Calero segue na liña de Castelao e Blanco Amor, aplicando as técnicas da farsa a un tema e uns personaxes tirados da vida rural e da tradición, combinando escenas realistas con outras expresionistas e ademais, utilizando recursos técnicos que a fan culta. Polo tanto, non é teatro costumista, combina á perfección ambos os dous elementos, o popular e o culto. É unha peza entre a tradición e a vangarda. Hai nela unha estilización que a diferencia claramente do teatro rural decimonónico. Conta ademais con demasiada esaxeración, coa ruptura dos convencionalismos do teatral, non oculta os recursos dramáticos e, sobre todo, mostra unha total despreocupación pola verosimilitude.

Entre tradición e vangarda é, pois, onde debemos situar a Farsa das zocas.

Segundo Sindo Villamayor:

A técnica resulta adecuada á concepción da obra; hai na peza unha estilización que a diferencia claramente do teatro rural decimonónico: a presentación das personaxes por si mesmas –tópico do teatro chinés- dá unha lixeireza, unha ironía, unha falsa inxenuidade á obra, que non deixa a menor dúbida de que non intenta reproducir de maneira realista anécdotas da vida rural, senón que as estiliza, procurando un efecto artístico.

Para Henrique Rabuñal:

É a súa peza máis popular. Ambientada na vida rural galega da posguerra, está baseada nun relato popular recollido en San Sadurniño. Caricaturesca, humorística, próxima ás grandes farsas do noso teatro, aborda o tema do interese económico.

Na Galipedia

SOCIEDADE CULTURAL MEDULIO
FACENDO QUE GALIZA EXISTA
-ten como obxectivos a promoción e defensa da cultura Galega na perspectiva da súa normalización e desmarxinalización.

http://galizacultura.gal/medulio/

Facebook

https://www.facebook.com/sc.medulio

Enviado por:
Inácio GZ
-inaciogz@gmail.com-
10 de abril de 2022 17:37

_______

Novo boletín informativo ambiental de Radio Cerna - O decreto-lei de Sánchez no que exime de avaliación ambiental certos proxectos de enerxías renovábeis fai saltar as alarmas das entidades ecoloxistas.... e outras novas

Boletín informativo ambiental 08/04/22

O decreto-lei de Sánchez no que exime de avaliación ambiental certos proxectos de enerxías renovábeis fai saltar as alarmas das entidades ecoloxistas, mesmo das estatais. As enerxías renovábeis non poden implantarse á custa de rebaixar as garantías ambientais ou de participación pública. ADEGA advirte de que este decreto en Galiza poría en risco espazos que foron propostos como ampliación da Rede Natura 2000. Doutra banda, a Xunta intenta reparar a súa ilegalidade, constatada polo TSXG, e volve a poñer en exposición púbilca aqueles proxectos eólicos aos que lles recurtou a metade o prazo de alegacións. Estas e outras novas de interese, neste espazo de Radio Cerna!

#GalizaPolaPaz

Queres coñecer a actualidade ambiental de Galiza? Escoita Radio Cerna!

Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#RadioCerna
#EolicaAsiNon
#NonInvasionEolica
#GalizaContraAmezaEolica

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Foto: Manifestación da plataforma "Eólica Así Non" en Santiago de Compostela. | Xoán Álvarez.

Enviado por:
adegatrasancos@adega.gal
-adegatrasancos@adega.gal-
8 de abril de 2022 13:36
_______

Homenaxe a José Couso en Ferrol, este sábado 9 de abril, ás 12 do mediodía, na praza do barrio ferrolán de Esteiro que leva o seu nome

O sábado 9 de abril de 2022, homenaxe a José Couso Permuy, no 19 Aniversario do seu asasinato, por tropas de USAmérica, na guerra de Irak. Pasaron19 anos desde a súa morte, nunha guerra que nunca se debeu producir. Este 9 de abril, ás 12 do mediodía, na praza da Paz do barrio ferrolán de Esteiro que leva o seu nome, recordaremos a José Couso e exixiremos xustiza e reparación.

#XustizaUniversal
#19AnosConCouso

Esquerda Unida Ferrol
Rúa do Sol, 124, Entrechán Esquerda
15402 - Ferrol

https://esquerdaunida.org/
https://www.facebook.com/esquerdaunida.ferrol
https://twitter.com/EUFerrol

Enviado por:
Inácio GZ
-inaciogz@gmail.com-
5 de abril de 2022 15:56
_______

O 14 de Abril, Ofrenda Floral en Ferrol, organizada por Esquerda Unida, na placa conmemorativa no antigo cemiterio de Canido, ás 12 do medio día

O xoves, 14 de Abril de 2022, ás 12 do mediodía, Ofrenda Floral en Ferrol en homenaxe a todas persoas represaliadas pola Ditadura, organizada por Esquerda Unida, na placa conmemorativa, localizada no antigo cemiterio de Canido.
--
Esquerda Unida Ferrol
Rúa do Sol, 124, Entrechán Esquerda
15402 - Ferrol

https://esquerdaunida.org/
https://www.facebook.com/esquerdaunida.ferrol
https://twitter.com/EUFerrol

Enviado por:
Inácio GZ
-inaciogz@gmail.com-
5 de abril de 2022 15:56
_______

O xoves 14 de Abril , no 91 Aniversario da proclamación da II República, celebrara-se unhas Ofrendas florais en Narón e un Acto no Pazo da Cultura

O xoves 14 de Abril de 2022, 91 Aniversario da proclamación da II República Española, celebrara-se unhas Ofrendas florais en Narón, organizada pola Asociación Cultural Memoria Histórica Democrática e Esquerda Unida, á que se convida a toda a cidadanía a participar nesta homenaxe aos represaliad@s da Ditadura.

✅ Monumento en O Val, ás 11:30 hs.
✅ Cemiterio de San Mateo, ás 12:00hs.
✅ E Pazo da Cultura, ás 12:30hs.

Viva a República  !!

Asociación Cultural Memoria Histórica Democrática
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol  @memoriaferrol
 
Enviado por:
Memoria Histórica Democrática
-memoriahistoricademocratica@gmail.com-
7 de abril de 2022 23:16
_______

Presentación do libro 'La hija del conserje' de Alberto V. Serantes - Hoxe venres día 8 de abril ás 7 da tarde no Ateneo Ferrolán - Coa participacións do autor e de Julia Graña Fuentes

Presentación do libro "La hija del conserje", de Alberto V. Serantes.
Venres día 8 de abril ás 19 h.
no Ateneo Ferrolán
 
Presentación na que contaremos coa presenza de Julia Graña Fuentes que presentará o acto e do autor Alberto V. Serantes.

#Ateneo #SomosCultura #Libros #ClubDeLectura #Ferrol #Galiza

Ateneo Ferrolán
Un lugar de encontro para a cultura dende 1879 na cidade.
e-mail: secretaria@ateneoferrolan.org | Telf.: +34 981 357 970 - 644.720.055 | Dirección Postal: Rúa Magdalena 202-204. CP.15402 | Ferrol (Galiza)
@ateneoferrolan | Blogger | Facebook | Faite soci@ on line! | Colabora con nos!

Enviado por:
Ateneo Ferrolán Fundado en 1879
-secretaria@ateneoferrolan.org-
7 de abril de 2022 12:30
_______

Cortando chapa para a guerra, ... Por Iolanda Teixeiro Rei

Por Iolanda Teixeiro Rei [*]
07.04.2022

CORTANDO CHAPA PARA GUERRA

Ferrol amenceu hoxe entre tambores procesionais e forzas de seguridade. O presidente do governo central e unha recua de autoridades, entre as que se atopava a vicepresidenta ferrolana, Yolanda Díaz, viñeron, ao fin, a cortar a chapa da fragata. Prometen sete mil postos de traballo e falan do que levan falando desde que teño memoria, de diversificar mercados. Prometen na cidade da reconversión pantasma. Prometen na comarca das promesas. Falan da eólica mariña como a panacea universal esquecendo os ecosistemas mariños, o sector pesqueiro e marisqueiro e a escaseza de enerxía e materiais para os construír. Veñen a nos enlear coa dixitalización de todos os procesos produtivos mentres eu leo Thanatia. Los límites minerais del planeta dos enxeñeiros termodinámicos Antonio e Alicia Valero. Falan da industria auxiliar aqueles que destruíron os empregos navais de calidade e agora veñen a agasallarnos coas migallas dun precariado perpetuo. Prometen encadearmonos á industria militar de por vida mentres reciben os aplausos ou os silenzos dos que berran Non á guerra e mudan en pacifistas no reconto de ucranianos mortos do telexornal.

Contan co silenzo cómplice dos sindicatos da súa corda e coas protestas ocas dos demais. Hai moito moito tempo, que o sindicalismo acostumouse a arredar a loita política da loita sindical, situándose dentro do sistema capitalista. Como di Antoni Doménech en El eclipse de la fraternidad. Una revisión republicana de la tradición socialista, os sindicatos socialdemócratas entendíanse xa primordialmente como meras organizacións de defensa dos dereitos dos traballadores en canto vendedores da forza de traballo.

Cortar chapa para poder comer, cortar chapa e baixar a cabeza ou mirar ao outro lado agochándonos no falso relato de que as fragatas constrúense para axuda humanitaria e que a industria militar non é máis do que a ONG do Estado. Cortar chapa porque non hai outra que cortar, desafiando o perigo de ser albo fácil dos mísiles rusos contra a OTAN.

Carlos Taibo aponta no artigo GUERRA, ecofascismo, colapso: intuicións, a posibilidade de ecofascismos previos ao colapso cunha confrontación entre elites no medio dun panorama de creba dos circuítos económicos, financeiros e comerciais, de problemas crecentes no subministro de materias primas enerxéticas, de encarecemento abraiante nos costos de transporte e desbocadas operacións especulativas. Amais do globo sonda austríaco dun exército teimando en perfilar unha plena autonomía en materia de enerxía e auga nos cuarteis para socorrer a unha desvalida povoación civil, vítima imprevista dun apagón xeral.

Xunto a isto, di Taibo, o afortalamento da OTAN coa promesa dun horizonte inquietante de militarización, autoritarismo, intervencionismo, inxerencias e represión das disidencia. Nada difícil recén chegados da servidume voluntaria dunha pandemia.

Todo isto cando celebramos o medio século da publicación de Os límites do crecemento e a cuestión ambiental ocupa todos os cabezallos, mais desligada da crítica ao modelo económico de crecemento exponencial e infindo que provoca a crise global na loita polos derradeiros recursos do planeta, como nos lembra Jorge Paços no Galiza livre.

E mentres uns andan cortando chapa para a guerra, Ferrol prepárase para a Semana Santa pintando os bancos da cuadrícula por onde as bandas desfilan recendendo o aire con incensos relixiosos e bélicos tambores, nun arrepiante recordo doutros tempos. No alto das prazas, os grandes cartaces da concellalía de Benestar animal advirten que Un pis límpase nun plis, nunha cidade sen un mísero urinario público.

[*] Iolanda Teixeiro Rei. Secretaria de organización de LiGanDo-LGD. Activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Diario Nós.

Enviado por:
Iolanda Teijeiro
-iolandateixeiro@gmail.com-
6 de abril de 2022 23:06
_______

Xustiza e Inxustiza, ... Por Amadeo Varela

Por Amadeo Varela [*]
07.04.2022

Estes dous termos, con significados opostos, paréceme que ademais, son excluíntes, ou sexa, sen un non podería existir o outro. É dicir, se non existise a Xustiza non podería haber Inxustiza. Isto en teoría, porque na realidade, a inxustiza prodúcese precisamente, pola falta de Xustiza. Por outra banda, pódese entender que haxa graos na inxustiza, que pode ser maior ou menor, pero, pódese entender que haxa graos na Xustiza?  Semella que non. Mais xa que logo, por que hai “Tribunais superiores de Xustiza”. Xa sei, xa sei. Diráseme que a diferenza está nos tribunais, o que significa que cada tribunal entenderá a Xustiza como lle pareza, e sempre prevalecerá o de maior grao, de xeito que a tribunal de maior grao, correspóndelle unha Xustiza maior, ou non é? E no caso da Inxustiza, tamén será de maior grao a que proceda dun tribunal maior, ou non?  Eu non sei, porque isto parece un trabalinguas. De calquera xeito, que a ninguén se lle ocorra pensar que a Xustiza en España é un “cachondeo” e se alguén o pensa, que non se lle ocorra dicilo, pois xa houbo quen o dixo, e foille moita hora. Lembrades?

E falando de Inxustizas, poderíamos expoñer algunha a xeito de exemplo: Supoñamos a historia dun cidadán que vive nun concello “pirata” –como os que había antes– e que sentíndose estafado polo concello, presenta unha petición por escrito, reclamando o que pensa que lle pertence. A súa reclamación é rexeitada polo pleno, sen permitirlle expoñer as súas razóns. Xa que logo, presenta unha demanda xudicial que é admitida a trámite e que o representante da Xustiza resolve a favor do peticionario, obrigando ao concello a que escoite os seus razoamentos;  mais o concello, desoíndo a ese tribunal,  recorre a un tribunal superior, que, sen escoitar ao demandante, resolve a favor do Concello, desautorizando á anterior representación xudicial e impedindo un novo recurso por parte de peticionario. Isto, contado así, parece indicar que neste país non hai Xustiza, pero non é así, pois dise que hai leis que protexen aos cidadáns, malia que o deus de Curros dixera que esas leis “non valen tres pitos”. Ademais, resulta que a xustiza é cara aínda que digan que hai gratuidade para os pobres. Pero se non es pobre de todo, e te metes nun lío de xustiza, ao final, pase o que pase, si que rematarás pobre de todo. Lembremos a maldición aquela : “Pleitos teñas e os gañes” Pois si.

[*] Amadeo Varela Rodríguez -Ferrol 1936, foi traballador de BAZAN, é o autor de "Recordos do vello Racing" publicado no 2000, "Bazan e Ferrol - Unha simbioses perfecta?" (a historia dunha época, "... detrás de cada barco que nace, hai moitas horas de esforzo. Nesa tarefa, miles de traballadores foron gastando a súa saúde e a súa vida") publicado no 2003 e coautor de "Retallos da Memoria II" ("Memorias de neno" sobre a súa vida de pequeno nunha familia republicana perseguida), publicado no 2009. Autor de numerosas cartas e artigos na prensa local. Autor de sitios na rede sobre Ferrol. Cofundador da Asociación San Fernando para defender o Patrimonio Histórico do barrio ferrolán de Recimil contra a súa pretendida demolición, membro do Colectivo Recimil co que promoveu a Plataforma Ártabra 21 e a Plataforma en Defensa dos Espazos Públicos. Forma parte do Colectivo Ártabra 21.
Artigos de Amadeo Varela no xornal comarcal Diario de Ferrol. | Ir á Web.

Enviado por:
Amadeo Varela
-avarela36@mundo-r.com-
7 de abril de 2022 10:56
_______

De fondo Reganosa - Desenterrar a verdade do gas natural como gas de efecto invernadoiro - É o carbón 'mellor para o clima' que o GNL?

Tendo en conta o conflito en curso en Ucraína, case parece non apropiado discutir outros asuntos. Cando hai vidas en xogo, todo o demais vólvese secundario. Mais talvez estea xustificado tendo en conta que esta situación política en Europa tamén ten que ver co acceso á enerxía.

Un novo artigo de investigación científica do Dr. Lars Schernikau e o Prof. William Smith (Universidade de Washington, St. Louis), 'Impactos climáticos dos combustíbeis fósiles nos sistemas enerxéticos de hoxe', recibiu recentemente unha revisión por pares e publicouse (dispoñíbel en liña en SSRN ou en YouTube), dá un exemplo do distorsionante e custosa que pode ser a política enerxética cando trata de dar conta dos desafíos medioambientais sen ter en conta o ciclo de vida completo dos sistemas enerxéticos e toda a información dispoñíbel.

Presentado como un documento de investigación simple, só utiliza información oficial do IPCC e a IEA sobre o potencial de quentamento global dos gases de efecto invernadoiro (GEI) e as emisións antropóxenas (causadas polo home) de CO2 e CH4. Conclusións crave dos resultados da investigación:

✔ Primeiro, a investigación confirmou que menos da metade do CO2 emitido, o 46% segundo o IPCC, en realidade termina na atmosfera, e loxicamente só esta porción de CO2 pode contribuír ao quentamento. O outro 54% do IPCC que non está no aire ocúpao a natureza e os océanos, o que contribúe á ecoloxización do noso planeta (confirmado polo IPCC e a NASA). Polo tanto, debemos deixar de falar das emisións de CO2 xeradas pola enerxía humana e comezar a falar dos cambios no equivalente de CO2 no aire, xa que só estes poden contribuír ao quentamento.

✔ En segundo lugar, a investigación baséase nos datos de emisión de CH4 resumidos pola AIE por primeira vez a escala mundial en 2020 e actualizados en 2021. Aproximadamente o 40 % das emisións de metano proveñen de fontes naturais. As emisións antropoxénicas de metano ascenden a ~60%, sendo a agricultura o maior emisor de CH4. A enerxía representa ~20% e quéimaa de residuos/biomasa ~15%. Segundo, os datos da AIE, poida que non sexa sorprendente que, das emisións coñecidas de metano enerxético, a maioría proveña do gas natural e o carbón. Usando o potencial de quentamento global de 20 anos do IPCC [1] (GWP20) de 84x, pódese calcular que as emisións antropóxenas actuais de CH4 representan case o 65 % de todos os gases de efecto invernadoiro humanos transportados polo aire que chamamos CO2eq. O CO2 antropoxénico transportado polo aire "só" representa o 35% de todo o CO2eq transportado polo aire con GWP20.

✔ En terceiro lugar, debido a que os impostos actuais sobre o carbono non inclúen as emisións do ciclo de vida de ningunha fonte de enerxía, senón que se enfocan só na combustión, o prezo do carbono é erróneo e distorsiona a política enerxética a expensas do medio ambiente e a economía. Si acéptase o GWP20 do IPCC's, unha perda de CH4 ~2 % [2] maior en toda a cadea de valor antes da combustión do gas natural fronte ao carbón poñería ao carbón e ao gas natural en "paridade climática".

Ao analizar os datos públicos, as cadeas de valor do gas natural teñen altas perdas de CH4 e CO2 non documentadas. En promedio, a nivel mundial, o gas natural emite 15 % máis CO2eq que o carbón extraído ao descuberto, nun horizonte de 20 anos. Esta diferenza aumenta a medida que se expande o uso de gas de esquisto e GNL. Tendo isto en conta, segundo o IPCC e a AIE, o GNL é, en promedio, "menos favorable para o clima" que calquera carbón. Os resultados foron sorprendentes ata para os autores. A industria do gas utilizou as súas emisións de CO2 aparentemente máis baixas durante décadas para aumentar a participación de mercado nun mercado enerxético moi competitivo, con todo, esta nova investigación proporciona á industria do carbón a xustificación necesaria para fortalecer o caso da súa importancia para a combinación de enerxía.

Ademais, as conclusións subliñan un punto de importancia crítica para a enerxía e o medio ambiente. Necesitamos analizar as emisións reais do ciclo de vida e o impacto ambiental non relacionado cos GEI para toda a cadea de valor de todas as enerxías convencionais e renovábeis, incluído o hidróxeno, as baterías e os vehículos eléctricos. Facer estas análises sen dúbida significaría sorpresas. Imaxine que a Unión Europea (UE) prometa que o carbón e a enerxía nuclear son "verdes" en lugar do gas natural e a enerxía nuclear.

Os autores creen explicitamente que hoxe en día o mundo require todos os combustíbeis fiábeis e alcanzábeis para a xeración de enerxía, incluídos o gas, o carbón, a enerxía nuclear, a hidroeléctrica, a xeotérmica e, de forma selectiva, a eólica e a solar. Só unha combinación de enerxía equilibrada pode evitar a escaseza de electricidade e os efectos devastadores nos seres humanos e as industrias como se experimentou a nivel mundial durante os últimos 18 meses.

Con todo, non existe unha solución de enerxía única para todos. Os inversores deben apoiar todos os sistemas de enerxía dun xeito que evite unha crise enerxética, incluídos os sistemas intermitentes de enerxía renovábel cando teñan sentido. Si é necesario reducir as emisións de CO2, unha das formas máis efectivas sería a instalación de centrais ultrasúper críticas con tecnoloxía CCUS. Con todo, os beneficios do CO2 a través da fertilización deben considerarse e avaliarse de xeito xusto.

A política enerxética debe volver centrarse nos seus tres obxectivos, a seguridade enerxética, a accesibilidade enerxética e a protección do medio ambiente. Isto tradúcese en dous camiños para o futuro: 1) investir en educación e investigación básica para aplanar o camiño cara a unha Revolución de Nova Enerxía; e en paralelo, 2) apoiar o investimento en sistemas enerxéticos para mellorar a súa eficiencia e reducir a carga ambiental da enerxía necesaria para as nosas vidas.

notas

[1] O potencial de quentamento global (GWP) é un tema moi debatido, e o GWP20 potencial de quentamento global de 20 anos do IPCC parece disputarse na ciencia. Ademais, a concentración atmosférica de CH4 alcanza só 0,0002 %, mentres que o CO2 representa 0,04 %. Aínda que os autores tamén teñen reservas sobre o GWP do IPCC, para este traballo de investigación utilizáronse os números oficiais do IPCC. Isto débese a que son utilizados polos gobernos e hai moita discusión sobre a urxencia inmediata de resolver a 'crise climática' agora mesmo, non en 20 anos. Cabo sinalar que o GWP100 de 100 anos é menos discutido. Isto tamén se discute no documento e todos os cálculos móstranse tanto para 20 como para 100 anos.

[2] Esta cifra de equilibrio do carbón/gas aumenta de 2 % a 5,5 % de perda de metano utilizando o potencial de quentamento global de 100 anos GWP100 do IPCC en lugar do GWP20 de 20 anos. Os cálculos detallados menciónanse no documento.

Fonte: World Coal. | Published by Will Owen, Deputy Editor | World Coal, Wednesday, 06 April 2022 11:00

Foto: Acción de Greenpace en Reganosa (Ría de Ferrol - Galiza). | 15 de novembro de 2021. | Comité Cidadán de Emerxencia para a Ría de Ferrol.
_______

Artigos de André Abeledo - Non aplaudir a Zelenski un acto de dignidade en tempos difíciles para a dignidade - NON a todas as guerras, NON a todas as mentiras e NON a toda a propaganda

Non aplaudir a Zelenski un acto de dignidade en tempos difíciles para a dignidade

Queda dignidade, pouca, mais queda algunha, non todos son palmeiros do poder e tacticistas que van para onde sopra o vento. Grazas aos que non aplaudiron, aos que non foron, aos que non se deixaron usar. Aínda sabendo que os medios de intoxicación irían a por eles.

Zelenzki ilegalizou cando menos 11 formacións políticas, entre as que destacan: "Plataforma de Oposición - Pola Vida", "Partido Sharia", "Noso", "Bloque de Oposición", "Oposición de Esquerda", "Unión de Forzas de Esquerda", "Estado", "Partido Socialista Progresista de Ucrania". "Partido Socialista", "Socialistas" e "Bloque de Vladimir Saldo", entre outros.

Ademais o Partido Comunista xa estaba prohibido en Ucrania dende 2015, e coa chegada de Zelenski ao poder ten seguido prohibido.

Varios líderes comunistas ucraínos teñen sido desaparecidos ou asasinados polos NAZI-FASCISTAS ucraínos, algo do que non informan os medios.

Non todo vale por un voto, nin sequera un aplauso.


NON a todas as guerras, NON a todas as mentiras e NON a toda a propaganda

Non se trata de apoiar a Rusia, tampouco de caer ba rusofobia. Na guerra a verdade é a primeira vítima e a información é propaganda.

Por desgracia a prensa en Occidente sempre ten xogado sucio e a opinión pública non ten memoria.

Agora Ucraína, Polonia, Hungría ou Turquía xa son democracias homologables para Europa, a homofobia institucional, a persecución de ciganos e minorías étnicas, o feixismo, os neonazis, o machismo, todo eso queda esquecido porque estraga o relato oficial MADE IN UE, USA, OTAN.

Para cando expulsamos aos diplomáticos de Arabia Saudí pola guerra do Iemen, aos de Israel polo xenocidio en Palestina, ou aos de Marrocos pola ocupación ilegal do Sáhara Occidental?. Para nunca, porque eses sátrapas xenocidas son amigos de Occidente. Hipocrisía.

A razón pola que cada día máis xente non cree o que di a prensa en Occidente, é porque nos meten sempre, non se dedican a informar, son armas en mans de oligarquías, a súa función é crear opinión, intoxicar, desinformar, facer propaganda e mentir cando o poder o decide.

Os medios de comunicación son aparatos de manipulación ao servizo do que manda, a súa su labor é intoxicar e crear opinión, que non informar, pois a desinformación é a base do seu traballo, a verdade é solo unha vítima e a propaganda a súa su única función. O que paga a tinta manda.

Non me creo nada do que din os medios de comunicación, nin sobre a Ucraína, nin sobre practicamente nada. Mentiron en Iugoslavia, en Iraq, en Libia, en Siria, en Afganistán, sobre o Sáhara Occidental, meten, calan, usan a desinformación e a intoxicación como sistema.

Os medios e os seus opinadores OTANISTAS dan moito noxo e moita vergoña allea. Os que mentiron sobre a guerra en Iugoslavia, Iraq, Libia, Afganistán, Vietnam, Iemen, Sáhara Occidental.etc...agora nos explican a guerra na Ucraína.

Nos meten nunha guerra e nos piden que paguemos a conta. A crise derivada de financiar a Ucraína na guerra e das sancións a Rusia a pagaremos nós, nin os nosos dirixentes, nin os donos dos medios, nin os oligarcas, nin os opinadores OTANISTAS, paga o Sr. pobo.

E como sempre lles funciona, a xente segue tragando sin pensar e creen estar informados porque o dixo a televisión.

"Canto te pagan os rusos?", é o nivel argumental do persoal que non quere que lles ensucien o relato oficial que se ten tragado sin mastigar. As neuronas no se mercan, nin se venden.

Opinadores a soldo da OTAN e dos medios hai uns cantos que se están forrando nestes días  

"É máis fácil enganar a xente, que convencelos que teñen sido enganados" (Mark Twain)

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.



Enviado por:
André Abeledo Fernández
-andre1474@gmail.com-
6 de abril de 2022 14:02
5 de abril de 2022 20:31
_______

Estreia em Ferrol do documentário 'Fedayin, o combate de Georges Abdallah' - Nesta quarta-feira, 6 de abril, às 8 da tarde no Centro Social da Fundaçom Artábria (Esteiro) - O audiovisual recolhe a vida do comunista palestiniano preso na França

Estreia na Fundaçom Artábria do documentário "Fedayin, o combate de Georges Abdallah"

O audiovisual recolhe a vida do comunista palestiniano preso na França

Nesta quarta-feira, 6 de abril, às 20.00hs no Centro Social da Fundaçom Artábria (Travessa de Batalhóns nº7, Ferrol) as entidades Mar de Lumes, BDS Galiza e a Fundación Galiza Sempre estrearám o documentário "Fedayin, o combate de Georges Abdallah", o qual recolhe a vida dum infatigável comunista árabe que loitou pola libertaçom da Palestina.

O filme aborda a sua pessoa desde os campos de refugiados palestinianos que ajudarom a criar a sua consciência até as mobilizaçons internacionais exigindo a sua libertaçom.

A través deste audiovisual em versom original e legendada ao galego, descubriremos quem é o preso político mais antigo da Europa.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net
 
Segue-nos em twitter @fartabria e em facebook!
 
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-correiodeartabria@gmail.com-
5 de abril de 2022 18:23
_______

Presentación do libro 'Linguística escreve-se com A', de Teresa Moure - Xoves 7 de abril, ás 7 da tarde, no centro Cívico de Canido - Coa participación da autora - A perspectiva de xénero nas ideas sobre a linguaxe

ACTO | Presentación “Linguística escreve-se com A" de Teresa Moure. Falaremos da historia da lingüística con perspectiva feminista, da exclusión das mulleres e das causas. Coa autora do libro, faremos un recoñecemento fronte á invisibilización.

Día: Xoves 7 de abril

Hora: ás 7 da tarde.
Lugar: Centro Cívico de Canido (Ferrol)

Fuco Buxán, A. C. organiza un acto de presentación do libro “Linguística escreve-se com A" de Teresa Moure, onde contaremos coa profesora titular de Lingüística Xeral na Universidade de Santiago de Compostela, Teresa Moure, para falar da historia da lingüística con perspectiva de xénero xa que, como noutras disciplinas, os manuais da lingüística reproducen unha invisibilidade das mulleres neste eido. Neste libro atoparemos un exercicio de recoñecemento fronte ao esquecemento das lingüistas, reflexionando sobre as causas da súa exclusión. Este recoñecemento supón narrar a historia da otredade ilustrando a participación das mulleres neste saber ou en relacionados como a tradución, a criptografía, a criptografía, a antropoloxía, a primatoloxía, a sociolingüística ou a filosofía da linguaxe que, ademais, traían formulacións e procedementos diverxentes aos tradicionais.

Teresa Moure é investigadora e docente en universais da linguaxe, ecoloxía lingüística e estudos de xénero. Paralelamente, desenvolveu unha faceta literaria como novelista, dramaturga, ensaísta e poeta en lingua galega. Varias das súas obras de creación foron traducidas ao español (Herba moura, A intervención ou Unha nai tan punk) así como a outras linguas. Con elas gañou diversos premios (Premio da Crítica de narrativa galega 2005, Rafael Dieste de Teatro e Premio María Casares de teatro en 2009 ou Premio Ramón Piñeiro de ensaio en 2005 e en 2012). En 2012 en Queer- emos un mundo novo xa abordaba os compromisos éticos dunha linguaxe inclusiva, un punto de arranque para agora revisar a historia das ideas lingüísticas en busca de voces.

Agardamos a vosa presenza!

ASOCIACIÓN CULTURAL FUCO BUXÁN

Calle Armada Española,nº 32 Baixo.

Ferrol,15406

m.me/fucobuxan

Chamar 981 32 54 92

fucobuxan@gmail.com

http://www.fucobuxan.net

Enviado por:

Inacio GZ

-inaciogz@gmail.com-

4 de abril de 2022 22:20

_______

Pintos somos todos, deso se trata, a sentenza é contra todos, ... André Abeledo Fernández

André Abeledo Fernández [*]
06.04.2022

Desde que se soubo o procesamento de Xesús Anxo López Pintos, exsindicalista da CIG, da que chegou a ser o seu Secretario Comarcal, polos feitos que sucederon no marco dunha protesta convocada polos comités de Navantia e Poligal, con motivo dun acto electoral do PP en Ferrol, no inicio da campaña das eleccións autonómicas de 2012,  sempre me manifestei publicamente en solidariedade con Pintos.

E como concelleiro en Narón promovín a presentación de mocións nos concellos da Comarca.

Tamén son sindicalista, e membro do Comité de Empresa de Mercadona, empresa na que se deu unha importante loita contra a represión patronal, polo despido dun traballador por participar na Folga Comarcal do 12 de Xullo de 2013. Ante este despedimento, desatou-se un importante movemento de solidariedade, no que Pintos xogou un importante papel,

O caso de Pintos é un exemplo do retroceso lento pero inexorábel no exercicio dos dereitos civís que se está a vivir no Estado español  e dos métodos represivos e antidemocráticos aos que a dereita neoliberal recorre para acalar aquelas voces críticas coas súas políticas de recortes.  Fronte a isto ratifícome na defensa "intransixente" do sistema de garantías e liberdades, conquista histórica do movemento obreiro. Sen un estado garantista non hai democracia.

Manifesto o meu total apoio ao compañeiro Pintos: Non é de recibo que o noso compañeiro poida entrar na cadea por participar nunha protesta unitaria onde estabamos todas e todos aqueles que defendíamos o futuro da comarca de Ferrolterra. Naquela protesta estaban representados sindicatos, comités de empresa, partidos políticos, etc. A consigna debería ser ou todos ou ningún.

Pintos non pode ser a 'cabeza de turco que meta o medo no corpo as traballadoras e traballadores que queiran facer uso a lexítima protesta na rúa.

O xuízo contra Pintos foi un xuízo contra a clase traballadora máis consciente, e supón a aplicación máis desapiadada da inxusta 'lei mordaza'. Dende a esquerda a idea de que as traballadoras e traballadores poidan pagar con cadea a súa participación en protestas é inadmisible.

Unha sentenza para asustarnos a todos, a clase traballadora. O Supremo demostra con esta condena pola carga policial na que resultou ferido o noso camarada que é unha ferramenta política de represión, que non de xustiza.

A sentenza contra Pintos é un intento de maternos a todos o medo no corpo, para conseguir o noso silencio e que o medo nos paralice.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.



Enviado por:
André Abeledo Fernández
-andre1474@gmail.com-
3 de abril de 2022 17:29
_______

'Tio Joselito'. Semblanza afectuosa e agradecida no 'día do rio', ... Por Xaquín Campo Freire

Por Xaquín Campo Freire [*]
06.04.2022

“TIO JOSELITO”. SEMBLANZA AFECTUOSA E AGRADECIDA NO DÍA DO RIO

“Cando cheguemos alá, ...,
o camiño será máis curto e,
sobre as nosas propias sombras,
nós, os xitáns, ... ,
repousaremos.
Agora o camiño é longo
e as sombras anticipan o noso paso...”.
(Piel de Carpa. Los gitanos de México).

Todos te coñeciamos por ese nome: Joselito. Hoxe, pasado xa un tempo, volvo á túa memoria póstuma con emoción, con agradecemento e con sumo cariño. E permíteme que me refira a ti co máximo respecto como é de lei entre os “rrom”: “Tío Joselito”.

Sinxelo. Humilde. Afanoso por facer sempre o ben. Un xitano de pro! Ti coma no evanxeo: “pasaches facendo ben”.

Seguramente que alguén hame dicir, estás esaxerando! Non tal. Coñecinte ben, e como paio, son testemuña da túa bonhomía. Non eras un home de letras. E sempre fuches de saúde delicada. Pero como di a Biblia, formaches parte deses homes con sabedoría experiencial: “esa actitude de quen o obxectivo último é encontrar solucións e respostas ás grandes preguntas, desafíos e misterios da existencia, que constitúe a arte de vivir”. O teu foi facer de mediador. Como pobo ‘rrom’, con ADN oriental, vós encarnades o problema do mundo e da vida na súa acepción máis universal, máis alá da fronteiras, das patrias e da terra natal. A verdadeira terra do caló é a súa persoa. É de ningures. Vive no camiño.

Por ti tiven a oportunidade de coñecer de primeira man a existencia da cultura romaní. Por ti descubrín a necesidade de documentarme e afondar nela e na súa esencia, sen prexuízos, con alma limpa e con sumo respecto.

E desde vós souben, que tamén na realidade de sermos pobo galego, na miña cultura e na lingua propia, non só fomos secularmente asoballados senón incluso descualificados: “Hable usted en cristiano”. E o peor é que nós mesmos aínda levamos introxectado un auto odio e unha auto xenreira contra nós mesmos e todo o de nós. Cousa na que vós non caestes: vós estades gozosos de serdes calé.

De vós aprendín a importancia de aquilo que experimentou Moisés. “Descálzate, estás entrando no misterio, no inefável: a terra  que pisas é sagrada”. Aínda hoxe non temos respecto pola natureza, coa humanidade dentro.

Por iso, cando está ás portas o DÍA DO RÍO, o 8 de abril de 2022, Día Internacional do Pobo Xitano, quero, coma nun memorial, deixarme coller de novo pola túa amizade e volver á transhumancia. E, desde aí, sempre en camiño, repasar de novo e con sumo respecto os valores da comunidade romaní, ultrapasando o efémero, a anécdota, as limitacións, os erros de cada intre, incluso as grandes eivas que nos ameazan a todos, tal como o mundo da droga, á que se vos vincula, así, sen máis. Debo manifestar o nefastos e inxustos que son os tópicos mal intencionados, as ideas tóxicas, como se lles chama en psicoloxía Pero eses non sodes vós.

Esa é unha miseria colectiva na que todos estamos implicados de moitas maneiras. Quen está detrás? Hai grupos de xitanos? E de paios non? “Non se salvan nin a banca nin os grandes ‘lobbies’, nin os cárteles que buscan influir nos procesos de elaboración de políticas” nas súas institucións. "Tres ramas: as consultoras profesionais e despachos de avogados; os lobbistas de empresas e asociacións comerciais; ou os think tanks (fábricas de ideas)"· Son grandes sistemas do crime organizado aos que lles vén moi ben ter a quen culpar para distraernos. Todo iso está detrás. Así eles móvense con impunidade e presenza honorável [1].

Todo acontece no camiño. O mesmo camiño irá ofrecendo solucións para as necesidades reais que en cada intre da marcha e da convivencia nos vaian ofrecendo. Pero cómpre camiñar só co esencial. Non hai que levar máis carga da que a vida nos pida. Hai que vivir abertos, sen excesivas prevencións artificiais que só serven para angustiarnos e fosilizarnos, pararnos e deixar de andar. “Andei, andei por longos camiños”, di o voso himno.

Que aprendín de ti? A confianza na vida. A esperanza e a emoción ante ao descubrimento do minúsculo, do mínimo, da bondade. A capacidade de desprendemento por parte dos débiles. A vosa solidariedade absoluta sen nada a cambio. Só a conciencia de ter axudado nos libera. O acaparamento fainos cegos, duros e insensíveis. Se vivimos cos ollos abertos e o sentido da sorpresa cotiá descubriremos a valía do irmán universal. “Só se ve ben cos ollos do corazón, o esencial é invisível”. Estámolo a ver agora coa guerra.

E que máis aprendín de ti en tantas conversas?: “Os xitáns somos un povo con cultura propia, baseada nunha historia común, cunha conciencia colectiva, unha lei propia que nos rexe, unha serie de costumes e unha lingua propia: o ‘rromanó’. Un grandísimo sentido de comunidade e de familia. Somos coma uns quince millóns no mundo, mantemos o carácter oriental, vivimos máis centrados no ser do que no ter e posuír. Temos un conxunto de valores que non queremos perder porque teñen auténtico valor. Temos un altísimo sentido da transcendencia, pero non coma os occidentais. Non nos sentimos entendidos. Queremos integrarnos pero non ser engulidos”. Ti, isto e moito máis, expresáchesmo doutra maneira máis fresca. Na vida.

A xeito de pregaria poética quero ofrecerche estas verbas de Gabriela Mistral, a poeta da tenrura: “Señor. Te digo que era bueno. Que tenía el corazón entero a flor de pecho. Que era suave de índole. Franco como la luz del día. Henchido de milagro como la primavera“.

Grazas por todo, Tío Joselito.

Xaquín Campo Freire. Narón, 01-04-2022

[1] https://www.lavanguardia.com: Lobbies, 07-06-2020.

Foto: Bidón con lume, de Paca Sapena. | 2016

Enviado por:
Xaquin Campo Freire
-xaquinderoca@gmail.com-
2 de abril de 2022 10:37
_______

Novo boletín informativo ambiental de Radio Cerna: O goberno de Sánchez, malia a querer diferenciarse do de Feijóo, bota a andar a 'lei de depredación' estatal e outras novas de interese

Boletín informativo ambiental 01/04/22

O goberno de Sánchez, malia a querer diferenciarse do de Feijóo, bota a andar a "lei de depredación" estatal! Vén de aprobar un real decreto que, en virtude da crise xerada pola guerra en Ucraína, pretende eximir de avaliación de impacto ambiental a proxectos eólicos en tramitación e menos de 75 MW e simplificando a tramitación da súa autorización. Este decreto sumado ás leis de depredación da Xunta sitúan á sociedade galega nunha arriscada posición de indefensión fronte os intereses especulativos e espoliadores das promotoras eólicas. Ao tempo, resoa con máis forza que nunca a idea da soberanía alimentaria e apróbase da DIA de desmantelamento da térmica das Pontes.


#GalizaPolaPaz

Queres coñecer a actualidade ambiental de Galiza? Escoita Radio Cerna!

Descargar

Radio CERNA é o primeiro espazo radiofónico especializado na temática medioambiental e ecoloxista en Galiza. Está realizado pola Asociación para a Defensa Ecolóxica de Galiza (ADEGA) para difundir a través da rede e das emisoras locais galegas toda a información relativa á situación medioambiental do país. O espazo dura uns 10 minutos e actualízase todos os días de luns a venres.

Radio CERNA
Ronda Fontiñas, 180 Entrechán. 27002 Lugo. | Tlf: 982 240 299 Email: radiocerna@adega.gal | Administración:Avenida de Castelao, 20-Baixo 15704 Santiago de Compostela | Tlf/Fax: 981 570 099 Email: adega@adega.gal

#RadioCerna
#EolicaAsiNon
#NonInvasionEolica
#GalizaContraAmezaEolica

Delegación de Adega
Ferrolterra-Trasancos
adegatrasancos@adega.gal
Apartado 481
15480 Ferrol
http://adega.gal/

Enviado por:
adegatrasancos@adega.gal
-adegatrasancos@adega.gal-
1 de abril de 2022 10:36
_______

Ucraína versus Sáhara Occidental. A política internacional non ten corazón, nin vergoña, ... Por André Abeledo

Por André Abeledo [*]
01.04.2022

O Sáhara Occidental está ocupado ilegalmente e militarmente por Marrocos, unha invasión, unha guerra, miles de desprazados, todo un pobo secuestrado na súa propia terra ou vivindo nos campamentos de refuxiados en Alxeria.

Marrocos ata ten chegado a levantar un muro da vergoña ao estilo de Israel, ten levado  mesma política de colonización que leva adiante Israel en Palestina.

-Onde están as sancións económicas a Marrocos?

-  Para cando o envío de armas ao Fronte Polisario, para que poidan defenderse e loitar contra a ocupación?

-  Cando se vai a prohibir a Marrocos participar en competicións deportivas?

-  Cando imos a recoller fondos nos Supermercados para os refuxiados saharauís?

-  Cando lles imos a dar a residencia?

-  Cando se vai a prohibir a Marrocos participar nas competicións deportivas?

O Sáhara Occidental ten sido entregado a Marrocos e o pobo saharaui ten sido traizoado unha e outra vez.

España é o primeiro responsable, o Sáhara Occidental era a Provincia número 53, os saharauis eran cidadáns españois cando Marrocos invadiu o territorio na chamada "Marcha Verde". As tropas españolas se retiraron dun xeito vergoñento condenando ao Sáhara Occidental a ocupación e a unha guerra que non podían gañar, pois o seu su exército, o exército español, os tiña abandonado.

España impón sancións a Rusia, pero Marrocos non o fai. España esta na OTAN e tamén os EEUU, pero Marrocos esta sendo armado e asesorado militarmente polos EEUU.

EEUU, o seu presidente Donald Trump, como último acto do seu goberno recoñeceu a soberanía de Marrocos sobre o Sáhara Occidental. Pola súa parte Marrocos recoñeceu a Xerusalén como capital de Israel. E agora España recoñeceu a soberanía de Marrocos sobre o Sáhara Occidental.

En política internacional, xeoestratexia e xeopolítica, palabras como honor, xustiza, verdade, honestidade ou lealdade non teñen ningún valor, non ten nin corazón, nin vergoña.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.



Enviado por:
André Abeledo Fernández
-andre1474@gmail.com-
31 de março de 2022 20:44
_______

Club de lectura do Ateneo Ferrolán - Conversas sobre a novela: 'Cuando estalló la noche. El enemigo no sospechaba', de Guillermo Llorca - Martes 5 de abril ás 5 da tarde - Coa participación do autor e da profesora e directora do club, Angeles Seoane

Club de Lectura: martes día 5 de abril ás 17:00 hs.

Conversas sobre a novela: "Cuando estalló la noche. El enemigo no sospechaba", coa participación do autor Guillermo Llorca e de Ángeles Seoane, profesora de Literatura e directora do Clube de Lectura do Ateneo.
 
Esta ficción literaria, inspirada en acontecementos reais, pode enmarcarse no xénero de thriller policiaco. Sitúase na II Guerra Mundial cando as tropas de Hitler acaban de ocupar Francia e esténdense de forma imparable por outros lugares do continente.

#Ateneo #SomosCultura #Libros #ClubDeLectura #Ferrol #Galiza

Ateneo Ferrolán
Un lugar de encontro para a cultura dende 1879 na cidade.
e-mail: secretaria@ateneoferrolan.org | Telf.: +34 981 357 970 - 644.720.055 | Dirección Postal: Rúa Magdalena 202-204. CP.15402 | Ferrol (Galiza)
@ateneoferrolan | Blogger | Facebook | Faite soci@ on line! | Colabora con nos!

Enviado por:
Ateneo Ferrolán Fundado en 1879
-secretaria@ateneoferrolan.org-
31 de março de 2022 13:13
_______

Inauguración da exposición de pintura 'Universo Feminino', de Carmen Prado, que terá lugar o sábado, 2 de abril, ás 12 do mediodía, na Casa da Cultura-Museo do Humor de Fene que estará aberta ate o 29 de abril

INAUGURACIÓN DA EXPOSICIÓN UNIVERSO FEMININO DE CARMEN PRADO

Inauguración da exposición de pintura "Universo Feminino", de Carmen Prado, que terá lugar o sábado, 2 de abril, ás 12.00 h., na Casa da Cultura-Museo do Humor de Fene.

A mostra poderá visitarse até o 29 de abril [*],

✔ de luns a venres, de 10.00 a 13.00 horas e de 16.00 a 21.00 horas,

✔ e os sábados, de 10.00 a 13.00 horas.

[*] Horario especial durante a Semana Santa: de luns a venres, de 10.00 a 14.15 horas. Festivos e fin de semana, pechada.

Museo do Humor de Fene
Rúa Conces, 20-22
15.500. Fene (A Coruña)
Tfno. 981-342400 // 607-625357

Concello de Fene - Portal Cidadán

Enviado por:
Museo do Humor de Fene
-museodohumor@gmail.com-
31 de março de 2022 07:58
_______