Boletín Especial de ADEGA "Eventos e Convocatorias"

25 de setembro.
DÍA GALEGO SEN BOLSAS
En Galiza utilízanse ao ano máis de 600 millóns de bolsas de plástico no consumo. A maioría son feitas de material non biodegradable (polietileno) e tardan decenios en degradárense. O 90% acaba en vertedoiros ou contaminando ríos e mares. Tamén contaminan visualmente a paisaxe. Tí como comprador/a ou comerciante podes contribuír a poñerlle freo. Usa só bolsas reutilizábeis ou biodegradábeis. Son cómodas, práticas e económicas. É unha pequena pero moi importante contribución para a conservación do medio natural.

Máis información: web de GALIZA, COMERCIO VERDE. Díptico DESEMBOLSA

4 de outubro.
PONTE AS BOTAS: LIMPEZA SIMULTÁNEA DOS RÍOS GALEGOS
Dentro da Campaña de Outono do Proxecto Ríos estase a organizar unha limpeza simultánea de ríos para o sábado 4 de outubro. Un dos problemas máis salientábeis que sofren os nosos ríos é a gran cantidade de lixo que aparece nos cauces e ribeiras. Dende ADEGA-Proxecto Ríos queremos concienciar á sociedade da necesidade de manter limpos os nosos ríos como premisa para a conservación da súa saúde. A limpeza non pasa só por unha actividade illada dun día de retirada de lixo. Para a conservación dos ecosistemas fluviais cómpre desenvolver actitudes responsábeis cara o medio natural e depende de todos/as frear a contaminación que están a sufrir os nosos cursos fluviais.

O Proxecto Ríos entregará aos grupos participantes un protocolo para difundir a limpeza ecolóxica e respectuosa dos ecosistemas fluviais, ademais de editar cartaces divulgativos para cada zona cun teléfono de contacto para que se apunten as persoas que queiran participar.

Este é o primeiro ano que o Proxecto Ríos coordina unha actividade de limpeza de ríos, e pretendemos continuar nos próximos anos con esta actuación aumentando os grupos e zonas nas que se realice a limpeza.

As persoas que queiran participar nesta actividade deberán anotarse previamente chamando ao teléfono do/a coordinador/a de cada zona para concretar a hora e lugar onde se vai realizar a limpeza.

Podedes consultar, na seguinte táboa, cal é o/a coordinador/a de cada zona:

Grupo/Concello	Persoa de contacto	Teléfono
A ESTRADA: Asociación pola Defensa do Val do Liñares	Chus Goldar	626 768 826
ABEGONDO: Departamento de Medio Ambiente	Mª Carmen	686 352 866
ARTEIXO: Departamento de Medio Ambiente	Óscar Miranda	981 64 18 15
CARBALLO: ADEGA-Carballo	Paco Graña	646 42 10 19
CELANOVA: ADEGA-Ourense	Xan Carlos	629 635 945
COMPOSTELA: ADEGA-Compostela	Paco Bañobre	981 57 00 99/627 628 194
CUNTIS: Asociación O Fervedoiro	Heitor Picallo	676 188 619
FERROL: ADEGA-Ferrol	Nes	649 779 774
GUITIRIZ: Departamento de medio Ambiente	José Cornide	982 37 01 09
LALÍN: Departamento de Medio Ambiente	Xosé Manuel	986 78 72 02/616 937 854
LUGO: ADEGA Lugo	Xosé Rodríguez Benjamín Cela	678 810 217 982170435/676228883
MELIDE:	Asociación de troiteiros do río Furelos	696 607 348
ORDES: Departamento de Medio Ambiente	Xesús Pereira	649 84 56 74
PONTEAREAS: ADENCO e ADEGA-Paradanta	Anxo Saborido	666 893 879
PONTEVEDRA: ADEGA-Pontevedra; Vai polo Río; Cedofeita; Integra Futuros	Manuel Fortes Xosé	676 088 486 676 842 942
PORRIÑO	Paula Domínguez	658 943 491
RIBADUMIA:Colectivo Ecoloxista do Salnés e Asociación Roi Vicente	Mª Dolores Barreiro	680 580 086
ROIS: Departamento de Medio Ambiente	Ana Yansi e Ángeles Bouzas	981 804 109
SALCEDA DE CASELAS: Asociación TRECECATORCE	Fran Rei	615 421 199
TEO: CEIP A Ramallosa
VIGO: ADEGA-Vigo	Xan Vilaboa	629 271 224
XOVE: Aula de Medio Ambiente	Desireé González	651 600 173

Unha sociedade enferma e un sistema encargado de enfermala. O "Gran Hermano" dos "teleimbéciles" ...

UNHA SOCIEDADE ENFERMA E UN SISTEMA ENCARGADO DE ENFERMALA

O “ GRAN HERMANO ” DOS TELEIMBÉCILES COMO SÍNTOMA CRETINO DA PROFECÍA ORWELLIANA


De todos os seres imbéciles que produciu a evolución da vida na terra, o espécime humanoide que participa nese programa (e todos os múltiples realities existentes) é o único que voluntariamente se somete a un peche vixiado.

Resulta difícil imaxinar a que límite de degradación moral e intelectual chegaron estes pobres monos de feira para someterse a semellante aberración. Pero o máis alarmante é pensar a que graos de enfermidade chegou unha sociedade que produce a tales elementos e na gran cantidade que os produce (en tan só unha semana 30.000 mozas presentáronse a selección para o último Gran herrmano). É certo que de toda esa feira o sector máis visible é o deses pobres tarados que se encerran na casa-cadea para “concursar”. Pero aos poucos minutos de observalos dámonos conta tamén que se trata de patéticas cobayas sen cerebro cazadas na xungla dunha mocidade sen principios morais nen finalidades vitais. Pobres individuos capaces de crer que a bochornosa actividade de vender a súa intimidade, mostrar a súa cobiza, alardear da súa ignorancia nun programa “basura” vailles a dar un recoñecemento social e un status que non teñen. Só hai que ver a tipoloxía dos proxenitores deses elementos para coñecer os grandes principios morais e os grandes tesouros culturais que transmitiron á súa exemplar descendencia. Miseria sobre miseria.
[Acceder ao resto deste interesante artigo no propio sitio de Utopia Foro]

UtopíaForo - Vigo - Setembro de 2008
http://www.nodo50.org/utopiaforo/utopia-foro1.htm
utopiaforo@nodo50.org


________________________

Actividades no 10 Aniversário da Fundaçom Artábria

[Clicar acima do cartaz para amliar]

10 ANOS DE ARTÁBRIA, 3.650 DIAS EM GALEGO!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Código de Identificaçom Fiscal (CIF): G15645518.
Morada: Travessa de Batalhons nº7 Esteiro
15403 Ferrol - GALIZA
Telefone do Centro Social: +34 981369099
Fax do Centro Social: +34 981369920
Telefone do café-bar: +34 981369921

Sítio webda Fundaçom Artábria
http://www.artabria.net

Sítio web do festival da Terra e da Língua
http://www.artabria.net/festival

Apoio do Consello Local de Esquerda Unida de Ferrol ao VII Encontro Internacional da Marcha Mundial das Mulleres

De: eu-ferrolterra@esquerdaunida.org
Para: artabra21@gmail.com
Data: 23 de setembro de 2008 12:01
Asunto: Apoio do Consello Local de Esquerda Unida de Ferrol ao VII Encontro Internacional da Marcha Mundial das Mulleres


Apoio do Consello Local de Esquerda Unida de Ferrol ao VII Encontro Internacional da Marcha Mundial das Mulleres

O Consello local de Esquerda Unida de Ferrol quere sumar o seu apoio ao VII Encontro Internacional organizado pola Marcha Mundial das Mulleres os próximos 18 e 19 de outubro en Vigo.

Poderemos compartir coas delegadas da Marcha Mundial das Mulleres a manifestación convocada para o domingo 19 de Outubro nas rúas de Vigo, baixo o lema "CAMBIAR A VIDA DAS MULLERES PARA CAMBIAR O MUNDO, CAMBIAR O MUNDO PARA CAMBIAR A VIDA DAS MULLERES".
___________________

Enlace Relacionado:

VII Encontro Internacional da Marcha Mundial das Mulleres

________________

O Consello Local de EU de Ferrol e a reforma da Praza de Armas

De: eu-ferrolterra@esquerdaunida.org
Para: artabra21@gmail.com
Data: 23 de setembro de 2008 14:10
Asunto: O Consello Local de EU de Ferrol e a reforma da Praza de Armas


O CONSELLO LOCAL DE EU SOBRE A REFORMA DA PRAZA DE ARMAS

O Programa de urbanismo de EU-IU para as eleccións municipais trataba a transformación da Praza de Armas sobre a base de desfacer vellos entortos, igual que noutros espazos fundamentais da cidade. A reforma da Praza de Armas debe levarnos a algún estado intemedio entre o que foi e o aparcamento cun semi-soto comercial en que a converteu unha durísima intervención dos anos 70. Aturamos moito tempo unha solución mala en deseño e en construción. Son coñecidos por todos os problemas que sofren os locais, cun intermediario (o concesionario) que se une a eles sinalando ao Concello como responsable, á vez que explota un aparcamento central na cidade histórica cuxos accesos e estado xeral son deficientes.

O rescate da concesión actual, para EU, non pode determinar o proxecto de tal forma que non se pense na praza como un espazo urbano de primeira categoría, moi accesible e ben comunicado peonilmente co contorno. É necesario trazar unha operación rendible, pero a praza debe recobrar protagonismo, eliminando circulacións confusas, como o semi-soto comercial, e debe descartar usos inaxeitados no contexto da Magdalena, como un centro comercial ocupado por unha gran marca ou por varias franquicias. Opinamos que o barrio da Magdalena e o Centro Comercial Aberto non precisan unha gran superficie comercial, máis ben todo o contrario.

O aparcamento debe ampliarse non só para rendabilizar a intervención, tamén para que compense sacrificar unha peonalización máis completa por un aparcamento.

A reforma está condicionada economicamente polo rescate da concesión actual. Por iso o Concello sacou a concurso na vez anterior o proxecto e obra sobre a base de que a operación sexa rendible: debe aparecer alguén que indemnice a concesión que queda, reurbanice a superficie e explote o aparcamento por un novo período de tempo. O rescate da concesión, valorado recentemente en 2.4 millóns de euros, debe abordarse baixo criterios económicos, entre eles, retrasarse o máis posible para que o seu importe sexa menor. Á vista da situación actual, EU non entende que este rescate deba producirse de inmediato; o lóxico é que o rescate se incorpore como unha condición máis para o concurso, a asumir polo novo adxudicatario, e que o Concello non se vexa na obriga de adiantar unha cantidade de cartos tan importante. Facelo pode restar ao Concello capacidade en inversións, inversións tan necesarias para este ano que vén.

O concelleiro de urbanismo vén de recuperar un anteproxecto para a reforma da praza de fai algúns anos, asinado polo arquitecto Manuel Gallego Jorreto, no que se elimina o semi-soto comercial e se incorpora arboredo, ambas as dúas solucións acertadas.

No noso programa electoral contemplamos a recuperación integral da praza coa política de eliminar da Magdalena os elementos descontextualizados e agresivos, entre os que destaca por riba de todos a Casa Consistorial. A isto únese que é un edificio incómodo, avellentado, e que se está a baleirar de uso, sen dúbida por acumulación de defectos de todo tipo. A decisión de trasladar o Concello é unha decisión para madurar, para plantear á cidadanía con tempo e intención de debate. Neste momento, retomar un proxecto que contempla a posibilidade de que o edificio do Concello desapareza da praza de Armas é un punto de partida adecuado.

Aínda que valoramos positivamente o anteproxecto comentado (polo menos os seus aspestos xerais), para nós é imprescindible que a cidadanía participe desde agora na reforma da praza: debe coñecer os obxectivos, as trazas xerais do deseño, e ter unha idea clara dos prazos e das inversións que se van realizar. O Concello debe facilitar a información e promover o debate sobre un dos espazos máis importantes da cidade histórica.

Consello Local de Ferrol
___________________

Programación Trimestral [4º do 2008] do Ateneo Ferrolán

De: ATENEO FERROLAN
-administrador@ateneoferrolan.e.telefonica.net-
Para: artabra21@gmail.com
Data: 23 de setembro de 2008 10:57
Asunto: PROGRAMACIÓN TRIMESTRE ATENEO FERROLÁN


Ola bo día axuntamos a nosa programación pechada de outubro-novembro-decembro, puntualmente informaremos de novidades. Grazas!

Temolo pracer de convidal@s aos actos culturais desta entidade!


PROGRAMACIÓN TRIMESTRAL OUTUBRO-NOVEMBRO-DECEMBRO 2008

Proxeccións de filmes dentro da programación MARTES DE CINE no ATENEO FERROLÁN CICLO “GALIZA: O CINE EN GALEGO”. As proxeccións serán os MARTES ás 19:00 hrs, no Salón de Actos do Ateneo Ferrolán; a entrada é de balde.
En colaboración: Centro Galego de Artes da Imaxe

Diferentes exposicións están programadas no cuarto trimestre de 2008, ademais das exposicións permanenetes dos fondos patrimonio do propio Ateneo Ferrolán (1ª planta) Esculturas, Gravados, Pinturas, Fotografías, Cerámicas..... Entre diferentes artistas contamos con:AGUSTÍN RUIZ DE ALMODÓVAR, SEGURA TORRELLA, CARMEN CHACÓN, MANUEL PATIÑA, GONZÁLEZ COLLADO, JORGE LLORCA, GARAIZÁBAL, MORQUECHO, LAXEIRO, LOUREIRO, CORREA CORREDOIRA, Mª MANUELA, CARLOS VILLAAMIL, XAN XOSÉ BRAXE, JOSÉ LEYRA DOMÍNGUEZ, TOMÁS BARROS, RICARDO PENA, LUIS JAIME, JUAN GALDO, SPELA TROBEC, JUANA PRIETO, LUIS RAPELA, ALBA LEAL ............. entre outros moitos.

RETOMAMOS O NOSO CLUB DE LECTURA – Días 7 de outubro, 4 de novembro e 2 de decembro ás 19,30 horas. CLUB DE LECTURA. Todos os primeiros MARTES DE CADA MES. Encontros coa LECTURA. Xúntanse 20 socios e socias todos os primeiros martes de cada mes para reflexionar e comentar un libro.

Todos os MÉRCORES – TERTULIA ás 18 horas.

Todos os últimos XOVES de cada mes – AMICOR ás 20 horas.

Os primeiros mércores de cada mes reunión Grupo Filosófico CIRPÉN ás 20 horas


Outubro 2008.-

Desde o pasado 19 de Setembro até o 15 de Outubro, na Sala de Exposicións do Ateneo Ferrolán (1ª planta), viomos e poderemos ver a exposición de cartaces biográficos do CHE, nunha exposición organizada por Briga o "CHE É D@S REVOLUCIONARI@S"

1 de Outubro, ás 20:00 hrs – Salón de Actos – Asemblea Plataforma Cidadá de “Apoio ao Cabo Gago”

7 de Outubro, ás 19:00 hrs proxección de CONTINENTAL (XAVIER VILLAVERDE, 1989)

• Duración 100 min. Produción Xavier Villaverde Asociados Produtor Francisco Casal Guión Xavier Villaverde, Raúl Veiga Fotografía Javier G. Salmones
• Intérpretes: Eusebio Poncela, Jorge Sanz, Cristina Marcos, Feodor Atkine, Alberto Alonso, Héctor Alterio, Marisa Paredes, Fernando Guillén, Xosé Lois González, Gonzalo Uriarte, Manuel Areoso, Carlos Marcet, Orlando Rodríguez, Nancho Novo, Marisa Soto, Elina Luaces, Luisa Martínez, Mónica García Pérez, Eufemia Román Torres, Lola Muñoz, Eduardo Puceiro, Manuel Manquiña, Xabier Lourido, Antonio Simón Álvarez, Marina Casal, Canco Ramonde, Angelita Enríquez, Antonio Durán "Morris", Juan Graell, Antón Reixa
• Sinopse:Unha vella cidade portuaria, a principios dos anos corenta, o capo Gonçalves celebra o seu triunfo definitivo sobre as bandas rivais. Acompáñano Julia, a súa fiel compañeira, Anabel, a súa cativa e os seus homes de confianza: Otárola, Ventura envexosos do seu poder e Ruda. Pasaron xa moitos anos. Remata a década dos cincuenta e na mesma cidade enfróntanse as bandas de Ventura e Otárola que, despois de asasinar a Gonçalves, repartiron os seus dominios: o negocio da prostitución e o contrabando do tabaco. A cobiza de Otárola lévao a invadir os sectores do negocio controlado polo seu amigo de sempre, Ventura, desencadeando a loita entre as bandas e un clima de morte e terror.

7 de Outubro, ás 19:30 hrs Encontros coa Lectura, para reflexionar e comentar un libro no Clube de Lectura

14 de Outubro, ás 19:00 hrs proxección de DIVERTIMENTO ( JOSÉ GARCÍA HERNÁNDEZ, 2000 )

• Duración 93 min. Produción Formato Producciones, S.L. Divertimento, Alta Films, en asociación con Televisión de Galicia (TVG) e coa participación de Canal Plus, Televisión Española (TVE) Produtor José García Hernández, Andrés Barbé Guión Manuel Ortega Fotografía Jorge Arce
• Intérpretes: Francisco Rabal, Federico Luppi, Pastor R. Feal, Sonia Castelo, Margarita Fdez. López, Irene Lamas, Martín Mújica.
• Sinopse: Daniel Osantos, un popular actor de televisión, está a piques de conseguir o papel da súa vida. Inseguro en canto ao seu talento como actor e malia os seus éxitos, decide entrevistarse con Bernando Gabler, un lendario actor que leva toda a vida a interpretar o mesmo personaxe. Mais Gabler parece pouco disposto a amosarlle os seus segredos a un actor no que non acredita e proponlle un xogo, un elaborado plan, unha proba de resistencia, para determinar se está á altura do papel.

Do 17 ao 29 de outubro - (2ª PLANTA) PINTURAS de LAURA LAGO BELLAS

21 de Outubro, ás 19:00 hrs proxección de ENTRE BATEAS ( JORGE COIRA, 2001 )

• Duración: 90 min. Produción: Costa Oeste Produccións, S.A. para FORTA Produtor: Marco Meere, Roberto Sinde Guión: Carlos Portela, Ramón Campos Fotografía: Chechu Graf, Alfonso Sanz
• Intérpretes: Miguel de Lira, Nekane Fernández, Pepo Suevos, Xosé Manuel Olveira "Pico", Luisa Merelas, Cristina Espinosa, Rosa Álvarez, Xulio Abonjo, Antonio Mourelos, Tino Rábade, Luis Iglesia, Celso Bugallo, Xurxo Souto, Toñito de Poi, Gonzalo Uriarte, Manuel Lourenzo, Santi Prego, Fernando Arcay, Marcos Aurelio González, Marcos Orsi, Quico Cadaval
• Sinopse: Situada nos anos 60, conta a historia de dous mozos, amigos da infancia, que se desenvolven na convulsa e perigosa fronteira entre o contrabando e o narcotráfico, e evidenciará a realidade social relacionada con esa problemática na zona das Rías Baixas galegas.

24 de Outubro, ás 19,30 horas – Salón de Actos – Xornadas Sindicais

28 de Outubro, ás 19:00 hrs proxección de FISTERRA. ONDE TERMINA O MUNDO ( XAVIER VILLAVERDE, 1998 )

• Duración: 100 min. Produción: Grupo Continental Producciones, S.L. Tornasol Films, Xavier Villaverde Produtor: Pancho Casal Guión: Miguel Anxo Murado Fotografía: Javier García-Salmones
• Intérpretes: Nancho Novo, Elena Anaya, Enrique Alcides, Geraldine Chaplin, Chete Lere, Manuel Manquiña, Kassia Perminio, Harold Zúñiga, Adrián Ures.
• Sinopse: Berto e Mario son dous irmáns nados na Costa da Morte en Galicia fillos dunha parella de hippys que se instalaron alí a finais dos anos sesenta cheos de ideais. Cando o irmán menor, Mario, aínda é un cativo, o pai abandónaos. Os irmáns crecen coa idea de se reuniren con el. Pero Mario e Berto separan os seus camiños e seis anos despois reencóntranse.
  

Do 31 de outubro ao 12 de novembro (2ª PLANTA) OLEOS E PINTURAS DIXITAIS de ALEJANDRO BICA LAMAS


Novembro 2008.-

Continua a Exposición na 2ª Planta OLEOS E PINTURAS DIXITAIS de ALEJANDRO BICA LAMAS até o 12 de Novembro

4 de Novembro, ás 19:00 hrs proxección de O LAPIS DO CARPINTEIRO ( ANTÓN REIXA, 2002 )

4 de Novembro, ás 19:30 hrs Encontros coa Lectura, para reflexionar e comentar un libro no Clube de Lectura

• Duración: 100 min. Produción: Portozás Visión, Sogecine, Fish People Ltd, D&D Audiovisuais Guión: Xosé Morais, Antón Reixa Fotografía: Andreu Rebés
• Intérpretes: Tristán Ulloa, Luis Tosar, María Adánez, Manuel Manquiña, Nancho Novo
• Sinopse: 1936. Daniel da Barca é un médico e intelectual socialista. A súa moza é filla dun empresario próximo aos fascistas e oponse á súa relación.

Do 6 ao 18 de novembro (1ª PLANTA) EXPOSICIÓN FOTOGRÁFICA LATINOAMÉRICA – FOTOS de FEDERICO FERNÁNDEZ ACKERMAN
11 de Novembro ás 19:00 hrs proxección de LENA ( GONZALO TAPIA, 2001 )

• Duración: 108 min. Produción: Portozás Visión, Tráfico de Ideas, Producciones La Iguana, Alta Films, S.A., Take 2000. Coa participación de Canal Plus, Televisión Española, ICAA, ICAM e a colaboración de Televisión de Galicia. Co apoio do Programa IBERMEDIA e o Concello de Vigo Produtor: Piluca Baquero, Antón Reixa, Elena Manrique, Enrique González Macho, José Maceda Guión: Antonio Trashorras, David Muñoz, Gonzalo Tapia Fotografía Carles Gusi
• Intérpretes: Marta Larralde, Manuel Manquiña, Roberto Álvarez, Luis Tosar, Víctor Norte, Iván Hermes, Luis Zahera, Carlos Kaniowsky, Antón Reixa, Nuria Sanz, Josito Porto, Luma Gómez, Beatriz Campos, Santi Prego
• Sinopse: Para todos supón un cambio brusco o paso da adolescencia ao mundo dos adultos; pero hai casos nos que a brusquidade toma sentido real e deixa de ser un concepto inocente ao que os mozos inmaturos lle damos importancia. Este é o caso de Lena, unha moza de dezaoito anos que vive no barrio de Bouzas, na ría de Vigo. O pai de Lena é un pobre home que vive de ilusións e de meterse en problemas. Aínda así é cariñoso coa súa filla. Un día seu pai aparece mallado por meterse en leas coa mafia local. A partir dese momento a vida de Lena cambia de forma radical.

Do 14 ao 29 de novembro (2ª PLANTA) PINTURAS de ROSA FERNÁNDEZ SALANOVA

18 de Novembro ás 19:00 hrs proxección de A NOIVA DE MEDIANOITE ( ANTONIO F. SIMÓN, 1997 )

• Duración: 95 min. Produción: Encuadre Produtor Antonio F. Simón Guión Lino Braxe, Antonio F. Simón Fotografía: Acacio de Almeida
• Intérpretes: Francisco Rabal, Nancho Novo, Pepe Soto, Roberto Vidal Bolaño, Juan Diego, Esperanza Roy, Clara Sanchís, Mara Sánchez, Rosa Alvarez, Rosa Lousa, Lino Braxe, Sara Astray, Francisco Taxes, Laura Ponte, Gonzalo Uriarte, Ernesto Chao, Miguel Castelo, Manuel Guede, Francisco Oti, Manuel Couñago, Romano Aticus, Celsa Bouzón, Yra
• Sinopse: Unha acomodada muller viúva dúas veces, vive coa súa reducida familia e dous criados nun pazo sombrizo na Galicia de finais do século XIX illada do mundo para ocultar un grave suceso acontecido no seo da súa familia hai dez anos. Este acontecemento ten sometida a familia a certas chantaxes das que se verán liberados grazas á chegada á mansión de dous forasteiros que desencadean o esclarecemento dos feitos e un cambio na futura vida familiar.

25 de Novembro, ás 19:00 hrs proxección de SEI QUEN ES (PATRICIA FERREIRA, 2000)

• Duración:106 min Produción: Grupo Continental Producciones, S.L. Tornasol Films, Zarlek Producciones coa colaboración de Vía Digital, Televisión Española, Televisión de Galicia Produtor Carmen de Miguel Guión: Inés París, Daniela Fejerman Fotografía: José Luis Alcaine
• Intérpretes: Miguel Ángel Solá, Ana Fernández, Roberto Enríquez, Ingrid Rubio, Manuel Manquiña, Mercedes Sampietro, Héctor Alterio, Jordi Dauder, Vicky Peña, Gonzalo Uriarte, María Bouzas, Xavier Estévez, Luis Tosar, Carlos Blanco, Santi Prego, Mónica García, José Luis Beral “Farruco”
• Sinopse: Cando Paloma, unha psiquiatra nova namorada do seu traballo, chega para ocupar a súa praza nun hospital remoto en Galicia, encontra un paciente moi especial. É Mario, un home inquietante e seductor á vez, que padece unha estraña enfermidade: a síndrome de Korsakov, unha alteración da memoria que supón un caso de estudo apaixonante para a doutora. Pero a memoria perdida de Mario oculta un pasado, aparentemente esquecido, que ameaza con sacar á superficie perigosos feitos borrados da recente historia de España.

Decembro 2008.-

2 de Decembro, ás 19:00 hrs proxección de SEMPRE XONXA (CHANO PIÑEIRO, 1989)

• Duración: 114 min. Produción: P.C. Piñeiro Produtor Rafael Girón, Manuel M. Mallo Guión Chano Piñeiro Fotografía: Miguel Ángel Trujillo
• Intérpretes: Uxía Blanco, Xavier R. Lourido, Miguel Insua, Roberto Vidal Bolaño, Roberto Casteleiro, Rodrigo Roel, Aurora Redondo, Loles León, María Viñas, Roberto Fernández, Manuel Alonso Pérez, Gisela Romero, Javier Rocha, Miguel Angel Gómez.
• Sinopse: A historia dunha muller, Xonxa, e dous homes, Pancho e Birutas, e as súas relacións desde a infancia no ano 1947 até a súa madurez en 1986. A emigración nas dúas vertentes de éxito e miseria, a complexidade das relacións humanas, as lendas que se confunden coa realidade, o trasmundo dunha aldea que vai morrendo, perdida nos montes de Galicia. O humor mestúrase co realismo máxico, tan presente na cultura e na realidade galegas.

2 de Decembro, ás 19:30 hrs Encontros coa Lectura, para reflexionar e comentar un libro no Clube de Lectura.

9 de Decembro, ás 19:00 hrs proxección de TRECE BADALADAS ( XAVIER F. VILLAVERDE, 2002 )

• Duración: 103 min. Produción: Tornasol Films, Ensueño Films Guión Curro Royo, Juan Vicente Pozuelo, Xavier Villaverde Fotografía: Javier Salmones
• Intérpretes: Juan Diego Botto, Luis Tosar, Marta Etura, Elvira Mínguez, Laura Mañá
• Sinopse: Xacobe, un mozo escultor, volve a Santiago despois de quince anos. A razón da súa volta é o descubrimento de que súa nai a quen cría morta en realidade non o está.

Do 19 de Decembro ao 13 de Xaneiro [1ª PLANTA] V EXPOSICIÓN “PEQUENO FORMATO ARTES PLASTICAS” para SOCIOS E SOCIAS DO ATENEO FERROLÁN.

Os días 22 e 23 de Decembro no Ateneo Ferrolán VIII XORNADAS “MOSTRA DE CURTAMETRAXES” ATENEO.

E tamén:

VII CERTAME DE TEATRO INFANTIL E XUVENIL “ATENEA” 2009

RETOMAMOS AS NOSAS: XXI XORNADAS DA GAITA – DECEMBRO 08

CERTAMES E CONCURSOS BASES na nosa páxina web:

www.ateneoferrolan.org

_____________

ATENEO FERROLÁN (Fundado en 1879)
www.ateneoferrolan.org

“EXECUCIÓN Xá ! do PROXECTO APROBADO de AMPLIACIÓN e REHABILITACIÓN DA SEDE DESTA ENTIDADE CULTURAL CENTENARIA”
_______________________________________

Propoñen Moción para a recuperación para uso público da parcela do Cadro pequeno de Esteiro

De: BNG -bng@ferrol.es-
Para: artabra21@gmail.com
Data: 22 de setembro de 2008 11:02
Asunto: Informacion Iniciativas BNG


O BNG SOLICITA AO PLENO INICIAR O EXPEDIENTE DE RECUPERACIÓN DO CADRO PEQUENO DE ESTEIRO

O Grupo Municipal do BNG no Concello de Ferrol ven de presentar unha proposta, que será debatida na sesión plenaria a celebrar o vindeiro xoves 25 de setembro, na que solicita que o Concello inicie o expediente para a recuperación para uso público da parcela do Cadro pequeno de Esteiro, actualmente ocupada por Defensa.

Na iniciativa asinada polos concelleiros do BNG, Xoán Xosé Pita e Elia Rico, se destaca que a recuperación desta parcela para uso público axudaría á revalorización do patrimonio monumental de Fontelonga, xa que coa súa recuperación e posterior adecuación estaría aumentando o valor turístico e monumental deste espazo emblemático polo seu significado para a historia da cidade, sen esquecer que se lle devolvería ao barrio a súa fisionomía histórica, cos dous “cadros de Esteiro” : a actual Praza de Ferrandiz e a parcela ocupada actualmente por Defensa.

Consideramos, así mesmo, que o ideal sería a reversión na cidade de todo o conxunto de instalacións militares que ocupa o Terzo Norte de Mariñeiría, sobre todo a cesión do Cuartel de Dolores, que a día de hoxe se atopa infrautilizado.

O BNG lembra na súa proposta que nun dos laterais do Cuartel de Dolores existe unha parcela que formaba parte do denominado Cadro Pequeno de Esteiro e que até mediados dos anos 70 do século pasado era un espazo público que constituía á baixada natural ao conxunto monumental de Fontelonga.

Descoñecemos o procedemento legal mediante o cal esta parcela pasou a formar parte do Ministerio de Defensa e mediante o cal deixou de ser un espazo público para formar parte das instalacións militares do cuartel de Dolores.

Ferrol a 20 de setembro de 2008
Grupo Municipal do BNG no Concello de Ferrol

Para acceder ao documento "Mocion Cadro Pequeno de Esteiro", clicar acima de cada imaxe.
________________________




__________________________

Acción Internacional polo Traballo Decente, 7 de Outubro de 2008: Propoñen unha mobilización en Ferrol

De: eu-ferrolterra@esquerdaunida.org
Para: artabra21@gmail.com
Data: 22 de setembro de 2008 11:25
Asunto: CONVOCATORIA ABERTA ESQUERDA UNIDA FERROL


O vindeiro mércores 24 de setembro de 2008 o consello Local de Esquerda Unida de Ferrol convoca unha xuntanza aberta, na sede local de EU-IU as 19.00, para rexeitar a Directiva europea das 60 horas.

Grazas.

Estimados compañeiros/as:

Como xa coñeceredes, está previsto que no derradeiro trimestre deste ano o Parlamento Europeo debata unha proposta de directiva sobre a xornada laboral, que fixa esta nun máximo de 60 horas semanais (65 no caso dos traballadores con quendas de garda). De aprobarse, esta directiva suporía un retroceso histórico nas condicións laborais dos traballadores europeos.

O vindeiro 7 de outubro está convocada, por parte da Confederación Sindical Internacional, unha Xornada Mundial polo Traballo Decente. Nos países da Unión Europea, o contido central de dita xornada será a protesta contra a directiva das 60 horas. Cremos que nunha cidade coas tradicións de loita obreira de Ferrol o 7 de outubro se debería desenvolver unha mobilización contra esa directiva.

Neste sentido, convócase a tódalas entidades interesadas en participar na preparación de dita mobilización a unha REUNIÓN, en réxime de autoconvocatoria, o vindeiro MÉRCORES 24 DE SETEMBRO ás 7 DA TARDE no LOCAL DE ESQUERDA UNIDA (Rúa do Sol, 124, entrechán esquerda).

Sen máis, recibide un saúdo.

Consello Local de Esquerda Unida de Ferrol
____________________________________

Charla en Santa Mariña o Mércores 24 de Setembro: o "Sistema Galego de Benestar"

De: Ana Mº Martínez -asociacionamistad@yahoo.é-
Para: artabra21@gmail.com
Data: 22 de setembro de 2008 22:38
Asunto: AMIZADE * Charla miercoles 24


AMIZADE * Charla Mércores 24

Ola, achégovos nota informativa sobre a charla que terá lugar o próximo mércores, que como a semana pasada chégounos tarde a información.

Un Saúdo,

Ana
Amizade - Asociación de Mulleres de Santa Mariña - Ferrol

A "Secretaria Xeral de Igualdade" e a Asociación de Mulleres Amizade organizan, para o Mércores 24 deSsetembro, unha charla, incluída no programa "Tempos de Abrandares", que tratará sobre o

"Sistema Galego de Benestar"

A charla tería lugar ás 18h30 no Local do Río, en Santa Mariña - Ferrol

Setembro 2008

______

"Os tempos das mulleres son tempos para compartir, para soñar... Son tempos para saírmos da casa, para formármonos, para valorármonos e valorar o noso contorno. Hai tempos para coñecérmonos e coñecer o noso pasado, tamén para planificarmos o noso futuro. Para pensarmos xuntas sobre nós mesmas. ..."
Carme Adán
Secretaria xeral da Igualdade
_

O Consorcio Galego de Servizos de Igualdade e Benestar, integrado pola Xunta de Galicia e por 261 concellos galegos, é a fórmula xurídica escollida para unha xestión moderna e innovadora dos servizos sociais. » Seguir lendo

Enlaces de interese:

• O Consorcio galego de Servizos de Igualdade e Benestar
• A Fundación galega para o impulso da autonomía persoal e atención ás persoas en situación de dependencia

_______________

Gas Natural entra en Reganosa en plena batalla legal cun dos seus socios

Gas Natural entra en Reganosa en plena batalla legal cun dos seus socios

A gasista dirime coa alxerina Sonatrach varios conflitos en tribunais de arbitraxe
JULIÁN RODRÍGUEZ - A Coruña EL PAÍS - 20-09-2008

Se un acordo previo non o remedia, Gas Natural toparase no accionariado de Reganosa cun dos seus peores inimigos, a alxerina Sonatrach, con quen mantén abertos varios litixios que lle levaron até aos tribunais internacionais de arbitraxe. A autorización sen condicións da Comisión Nacional da Enerxía (CNE) para a compra de Unión Fenosa por parte da gasista catalá, e a intención desta de considerar a planta de gas de Mugardos como un activo estratéxico do novo grupo, non fan máis que estreitar do camiño do conflito para dúas empresas que levaron máis aló do mercado as súas diferenzas e que, tras a OPA sobre a compañía eléctrica, compartirán intereses na planta de Ferrol.

Coa compra de Unión Fenosa, Gas Natural farase coa súa participación na planta de gas, que rolda o 21%, converténdose nun dos seus accionistas de referencia, ao mesmo nivel que Endesa. Xunto a outros socios como o Grupo Tojeiro, e cunha participación similar á que teñen entidades como Caixa Galiza ou institucións como a propia Xunta, Sonatrach, pertencente ao Estado alxerino, controla o 10% do accionariado de Reganosa, en calidade de socio fundador, e é un dos seus principais provedores. O seu paquete de accións, que lle permiten sentar no consello de administración da compañía, equivale á suma das participacións do Pastor e Caixanova.

Gas Natural, coñecedora da situación do accionariado en Reganosa, prefire manter certa cautela até que finalice o proceso de OPA, previsto inicialmente para o mes de abril, pero que se podería adiantar tras a luz verde da CNE á operación. Fontes da gasista sinalan que "aínda non somos propietarios de Unión Fenosa e, aínda que todo está a favor, até que esa situación non se produza non se tomarán decisións concretas con respecto ás participacións e todo o que se derive diso". En calquera caso, tanto o presidente de Gas Natural, Salvador Gabarró, como o seu conselleiro delegado, Rafael Vilaseca, xa avanzaron que manterán os investimentos de Unión Fenosa en Galiza e sinalaron a Reganosa como un dos activos estratéxicos do futuro grupo, "xa que nos interesa todo o relacionado con gas e con electricidade".

As relacións entre Gas Natural e Sonatrach hanse enconado nos dous últimos anos e os seus principais executivos non ocultaron en público as súas diferenzas. Fontes da compañía catalá aluden a dous litixios, un deles relacionado co permiso de comercialización de gas no mercado español concedido este mesmo ano pola Comisión Nacional da Enerxía á firma alxerina, aínda que con duras condicións. O outro se remonta a setembro de 2007, cando Sonatrach, alegando atrasos nos traballos, rescindiu o contrato con Gas Natural para desenvolver un proxecto integrado para explorar, producir e comercializar gas natural licuado na zona coñecida como Gassi Touil (este de Alxeria), que a compañía catalá, xunto a Repsol, obtivera en novembro de 2004 nun concurso internacional. O Tribunal de Arbitraxe de Xenebra dirime agora o conflito.

Desde a posta en marcha da planta de gas, un dos seus promotores, o empresario pontés Roberto Tojeiro, considerou imprescindible a presenza do capital alxerino en Reganosa, xa que ademais é un dos principais provedores da planta. O capital da compañía ascende a 34,4 millóns de euros, ao que se chegou logo de tres operacións de ampliación. Nas consideracións remitidas á CNE en favor do seu visto e prace á compra de Unión Fenosa, Gas Natural aludía á presenza de Sonatrach no mercado español, que se incrementa ano tras ano, e á posta en marcha do gasoduto que unirá España con Alxeria, como un enlace máis para facilitar o acceso do operador alxerino.


Unha situación de monopolio de mercado

A creación do terceiro operador enerxético español, por detrás de Endesa e Iberdrola, ten en Galiza un dos maiores expoñentes do que supón a concentración de negocios, que lle levarán case a unha situación de monopolio. De feito, a compra de Unión Fenosa por parte de Gas Natural foi analizada pola Comisión Nacional da Enerxía.

Un informe deste organismo alude á absorción de Unión Fenosa por parte de Gas Natural. No estudo tamén se sinala que o crecemento do consumo de gas natural en Galiza en 2007 foi do 17,3%, moi superior á media do resto de España.

Desde 2003, en teoría, todos os consumidores poden elixir libremente ao seu subministrador de gas natural. Do informe da CNE dedúcese que no sector da distribución liberalizada en Galiza está copado por Gas Natural nun 61,2%, mentres que Unión Fenosa leva o 25,4%. Entre ambas suman máis de oito de cada dez clientes que reciben gas. Séguenlle Endesa (7,6% do mercado) e Cepsa Gas (2,4%).

En canto ao mercado regulado, é dicir, a tarifa, só operan en Galiza Gas Natural, a través dos seus filiais Gas Galiza e Gas Coruña, e Unión Fenosa, con Gas Directo. Repártense o 99,8% e o 0,2%, respectivamente, do mercado.

Enlace co artigo orixinal
__________________

Resumo da semana do 15 ao 19 de Setembro de 2008, do programa "Democracy Now!"

Democracy Now!

Os titulares de DN! en Español pódense escoitar en liña de luns a venres en www.democracynow.org/es

Noticias independintes con Amy Goodman e Juan González desde EE.UU.

O servizo en español conta cun consello asesor que apoia este servizo de noticias independentes: Elena Poniatowska, Dores Horta, Noam Chomsky e Eduardo Galeano.

Canle RSS de Democracy Now!





De URCM [A web audio.urcm.net é unha iniciativa da "Unión de Radios Libres y Comunitarias de Madrid"]

Resumo Semanal de Democracy Now!, do 15 ao 19 de setembro de 2008 [Áudio MP3, 4.2MB] 20 de Setembro de 2008
___________

Difundindo Democracy Now! desde Galiza
Outra óptica para dar as noticias ou as outras noticias, Democracy Now! (Democracia Xa!) é un programa de difusión diaria en Estados Unidos e o resto do mundo que se transmite a través de máis de 700 emisoras de radio e televisión en Estados Unidos, América Latina e Europa.[+ Info]
______________

Boletíns Informativos
Democracy Now!
Democracia Xa!
Difundindo Democracy Now! desde Galiza
http://democracia-xa.blogspot.com/
________________

Que é Democracy Now ?
Democracy Now! , a voz da esquerda.
Artigo de Le Monde Diplomatique(.pdf)
______________

America Latina

America Latina

XOSÉ MARÍA DOBARRO PAZ
21.09.2008

Desde ben cativo sempre sentín a chamada do mar. De neno soñaba con ir a América. Concretamente a Cuba, a La Habana, onde botara ducias de anos enrolado en barcos pesqueiros meu avó mugardés Santiago Paz Gelpi, arrendatario da casa do barrio do “muelle” de Ferrol na que nacíon.

A vida quixo que as primeiras veces que pisei terra americana fose no norte, nesa yankilandia que, pretendendo dominar o mundo, ten un aspirante a presidente que non sabe nin onde situar España nun mapa. Xa non digamos Jalisia, que din -e con toda razón- os da zona onde ultimamente habito. Mister John McCain non sabe nin do presidente do Estado Español.

Pensa que debe ser un Evo Morales calquera a quen lle amargar a vida e os, para min, interesantes proxectos que leva intentando botar adiante. ¡Jodido, mi hermano! Xa non falemos do presidente ecuatoriano Correa.

Pasado un tempo, cando puiden pisar terras latinoamericanas, non foi a amada Cuba o primeiro lugar. Esa circunstancia supuxo o meu namoro de Montevideo e do Uruguay todo. Para sempre.

Logo aterrei no aeroporto José Martí, o daquela Habana soñada. E alí volvín sempre que fun quen de facelo.

Nas mellores e peores circunstancias. Económicas e climáticas. Iso é tan outra cousa do que os nosos mandatarios non souberon facer. Posiblemente non o entenderán xamais. Traballei naquela soñada Habana -de jratís, sen cobrar, que dicimos no meu pueblo, ou cidade sexquicentenaria- e vivín feliz. Sempre que fun -veces abondas, case de máis- usei clase turista. Naturalmente pobre.

Nas miñas estancias só sentín pequenas incidencias ciclónicas. Afortunadamente. Ike -nome que, aló polos cincuenta, andaba polo cume dos edificios madrileños para saudar a presencia do daquela presidente de USA, Eisenhower, que viña recoñecer o goberno fascistoide de Franco- causou grandes estragos na inxustamente maltratada Cuba. Por ese capitalismo imperial apadriñado polos do norte que xa se ve a onde nos queren levar. Todo privatizado. Ata que hai calquera problema e pedimos papas. Aló por Haití e pola imperial Tejas morreron uns cantos. Na machacada Cuba só catro ou cinco imprudentes. ¡Viva o capitalismo! Que nos favorece a todos. A uns, que non é o caso, moito máis que a outros. Moito máis.

E non só esa Cuba pobre a que está a padecer ciclóns e perdas. Tamén están Bolivia ou Ecuador. Uns, os de arriba, queren controlar todo e en todas partes. Outros, algúns dos de abaixo, decidiron andar ó seu xeito. E teñen razón. Mais hai que ir a por eles. "O chalete da serra quen o mantén" E a serra é a morena. Of course.
______________________

Os accidentes mortais no traballo aumentan un 25% en Galiza

Os accidentes mortais no traballo aumentan un 25% en Galiza
A metade dos sinistros prodúcese no desprazamento cara ao centro laboral


Un total de 18 persoas faleceron en Galiza en accidentes laborais durante o mes de xullo, unha cifra que chegou ás 48 nos sete primeiros meses e que supón un incremento do 25,77% con respecto ao mesmo período do ano pasado. Das 18 vítimas mortais que se rexistraron o pasado mes de xullo, nove faleceron in itinere, é dicir, no desprazamento cara ao lugar de traballo; e outras nove durante a xornada laboral.

Respecto ao mesmo mes de 2007, produciuse un incremento de sinistros nas provincias da Coruña, Lugo e Ourense, mentres que en Pontevedra mantivéronse as mesmas que no mesmo período do ano pasado, segundo informou a Xunta de Galicia.

En concreto, na Coruña rexistráronse cinco accidentes con resultado de morte, fronte á provincia de Ourense que contabilizou unha morte en horario laboral e a de Lugo, con dúas. Pola súa banda, Pontevedra mantívose cun sinistro durante o mes de xullo.

Por sectores, os accidentes mortais aumentaron na agricultura, a construción e o sector servizos, mentres que mantiveron as mesmas cifras que no exercicio anterior na pesca e a industria.

En total, rexistráronse na comunidade galega 4.728 sinistros laborais, dos que 62 foron de carácter grave, un 15% máis dos contabilizados no mesmo período de 2007, con 74 sinistros deste tipo.

No que vai de ano, entre xaneiro e xullo déronse un total de 48 casos de accidentes con resultado de morte en xornada laboral, 10 máis dos rexistrados no mesmo período do ano pasado, o que implica unha variación do índice de incidencia do 25%.

Por provincias, Lugo pasou de 11 sinistros a 8, un descenso que tamén se rexistrou na provincia de Ourense, que pasou de seis accidentes a tres. Pola súa banda, A Coruña experimentou un aumento deste tipo de sinistros, ao pasar de 10 a 26 mortes, mentres que en Pontevedra mantívose a cifra de 11 accidentes.

En total, entre xaneiro e xullo deste ano contabilizáronse un total de 30.700 accidentes laborais, fronte aos 29.725 do ano pasado. Do total, 400 foron de carácter grave, un 12% menos que no mesmo período de 2007.

En canto ás causas dos accidentes mortais, do total de nove producidos no lugar de traballo, catro debéronse a un infarto, derrame cerebral ou outra patoloxía similar; mentres que dous foron en accidente de tráfico e os tres restantes por causas relacionadas directamente co traballo.

Un 4,3% máis

En canto á totalidade do territorio, os accidentes laborais mortais creceron un 4,3% no primeiro semestre do ano en relación ao mesmo período de 2007, ata sumar un total de 437, informou o Ministerio de Traballo.

O Departamento que dirixe Celestino Corbacho explicou que o maior número de sinistros de traballo mortais rexistrados nos sectores agrario e da industria afectou ao cómputo total deste tipo de accidentes.

No entanto, Traballo sinalou que o 39,1% dos accidentes mortais debeuse a causas non traumáticas, e que outro 18,8% (un total de 82) foron sinistros de tráfico durante a xornada laboral.

Así, a maior parte dos accidentes mortais (131 sinistros) rexistráronse en lugares públicos (vías de circulación e medios de transporte), outros 103 localizáronse en obras de construción ou demolición, e 80 máis en zonas industriais.
_________
Sinistralidade laboral- Os accidentes mortais no traballo aumentan un 25% en Galiza
AXENCIAS. SANTIAGO - [+ info - 21/09/2008 - La Opinión de A Coruña]
____________

O vindeiro Sábado 27 de Setembro de 2008, ás 10 da mañá, está convocada unha Asemblea Xeral da Rede "Galiza Non Se Vende"

O vindeiro Sábado 27 de Setembro de 2008, ás 10 da mañá, está convocada unha Asemblea Xeral da Rede "Galiza Non Se Vende", no local social do C.S. "A Gentalha do Pichel" [Sta. Clara, 21 Baixo], en Santiago de Compostela.

Orde do día:

1). Comentar o resultado da Asemblea extraordinaria do 20 de xullo.

2). Propostas de actividades.

Outros pontos propostos:

• Organización de xornadas informativas sobre os problemas dos que tratamos na Rede a fin de dar a coñecer a nosa actividade e ampliar a nosa base social;
• Na mesma liña do anterior (divulgar e darnos a coñecer), organizar unha caravana festiva que percorra diferentes lugares;
• Caravana de Galiza Non Se Vende.
• Mani en Fevereiro, antes das eleiçons.
• Voto pola terra: Na Asemblea Extraordinaria do 20 de Xullo, falouse da posibilidade/necesidade de facer unha proposta de participación nas próximas eleccións; houbo compañeir@s que se comprometeron a concretar dita proposta, que agora vos presentamos.
• Plano acuícola.
• Asessoria jurídica e finanzamento desta.
• Feches.
• Plano Eólico.
• Propostas de Campañas.
• Manoel Santos da Plataforma Medioambiental de Corrubedo, propón incluir na O. do D. da próxima Asemblea o tema da participación no Foro Social Galego que se celebrará en decembro.
• Varios.

“Audiência Nacional” confirma processo judicial contra independentistas acusados de queimar imagem do Bourbon

De: NÓS-UP -imprensa@nosgaliza.org-
Para: artabra21@gmail.com
Data: 18 de Setembro de 2008
Asunto: “Audiência Nacional” confirma processo judicial contra independentistas acusados de queimar imagem do Bourbon

“Audiência Nacional” confirma processo judicial contra independentistas acusados de queimar imagem do Bourbon

A decisom do juíz Grande-Marlaska da “Audiência Nacional” de abertura de juízo oral pola queima de umha imagem do Rei da Espanha confirma que este tribunal nom deixa de ser mais que a versom reciclada do TOP, o Tribunal de Ordem Público franquista.

Dous activistas da esquerda independentista galegos vam ser julgados e, quase com absoluta segurança, condenados por simplesmente exprimir o seu rejeitamento à coroa espanhola, precisamente a instituiçom que a nível simbólico para a doutrina do nacionalismo hispano representa a máxima garantia da carência de soberania da Galiza.

As outras duas pessoas inicialmente processadas após serem detidas na manifestaçom convocada por Causa Galiza em Vigo o passado 6 de Dezembro, a favor da autodeterminaçom e contra a Constituiçom espanhola, ficam livres de acusaçom ao nom encontrar o Ministerio Fiscal provas suficientes.

Santiago Mendes e Alexandre Bolívar, os dous vizinhos de Ponte Areias, vam ser julgados por um delito de “injúrias graves à coroa”. O juíz impuxo-lhes sendas fianças de cinco mil e seis mil euros. O fiscal propom multas de 3.600 e 5.400 euros respectivamente.

Embora as sançons inicialmente propostas se reduzissem a simples celebraçom deste juízo político é um atentado contra os direitos democráticos.

Se de algumha cousa som culpáveis Santiago Mendes e Alexandre Bolívar, disso mesmo som culpáveis todas as pessoas que em 6 de Dezembro de 2007 nos manifestamos polas ruas de Vigo, e rejeitar umha monarquia imposta, continuidade do franquismo, que conculca os nossos direitos nacionais, e defendermos a República Galega.

NÓS-Unidade Popular solidariza-se com Santiago Mendes e Alexandre Bolívar, e condena a repressom política que estám a ser objecto polo único “delito” de exercerem de galegos livres.

Direcçom Nacional de NÓS-UP

Galiza, 18 de Setembro de 2008

NÓS-Unidade Popular
nosgaliza@nosgaliza.org

http://www.nosgaliza.org
_________________

O Valedor do Pobo censura ao Concello de Ferrol polo desaloxo do veciño de Canido

De: Expropiados Ferrol -expropiadosferrol@gmail.com-
Para: artabra21@gmail.com
Data: 19 de setembro de 2008 10:38
Asunto: Un xulgado condena ao Concello de Compostela a retirar as cámaras de vídeo vixilancia da zona vella

O Valedor do Pobo censura ao Concello de Ferrol polo desaloxo do veciño de Canido

O Valedor do Pobo, Benigno López, terminou a súa investigación polo desaloxo de Constantino Seoane [nas fotos durante o derrube da súa casa en Decembro de 2007 - Fotos: Kiko Delgado], veciño do barrio de Canido, en Ferrol. No seu informe conclúe que "a actuación do Concello de Ferrol non foi adecuada" polo que realizará "un comentario crítico da actuación municipal no Informe anual que se dirixa ao Parlamento de Galicia".
O pasado día 12 de decembro, a Policía Local e as pas escavadoras presentáronse no domicilio de Seoane. A pesar de que ao afectado non se lle ensinou en ningún momento unha orde xudicial, retiráronselle os mobles da súa casa, expulsouse á súa familia do domicilio e posteriormente derrubouse o inmoble. O veciño de Canido ten que vivir de aluguer desde entón.

Para xustificar a súa actuación ante o Valedor, o Concello envioulle a solicitude de entrada nos domicilios dirixida ao Xulgado. Segundo indica Benigno López esta petición non se realizou correctamente. "Obsérvase que a exposición dos feitos nos que se basea a solicitude fai referencia única e exclusivamente ao expediente de tasación conxunta, é dicir á expropiación", asegura López. Isto significa que o Goberno local meteu no mesmo saco aos afectados pola expropiación de vivendas para a realización da nova urbanización e a Constantino Seoane, que é membro da xunta de compensación encargada da promoción da obra. Ao conceder a autorización o xulgado asegura facelo unicamente para os expropiados, a pesar de que na lista de nomes aparece tamén o de Seoane. O Valedor considera que o Concello debeu abrir un expediente distinto para o integrante da xunta de compensación, "que non se deu ou non se coñece". Segundo Benigno López á hora de conceder o auto de entrada nos domicilios a Xustiza limítase a "examinar a aparencia de legalidade do solicitado pola Administración". No caso de Seoane, indica, "todo parece apuntar que a aparencia trasladada polo Concello resultaba unha circunstancia que non respondía á realidade".

A historia da derriba da vivenda de Constantino Seoane comeza fai máis de seis anos. Nesa época os responsables da promotora madrileña Albantur explicáronlle que a súa vivenda tería que desaparecer, a pesar de ser unha construción perfectamente legal, xa que se decidiu que na zona levantaríanse máis de 260 pisos novos. Así mesmo, indicáronlles que o Concello aprobara que o método de urbanización sería o denominado xunta de compensación. Así, Constantino Seoane, que tiña en propiedade un terreo de 1.200 metros cadrados e un edificio con dúas vivendas e un ático acondicionado, podería dalgún modo asociarse coa firma madrileña e sumarse á promoción da obra. En caso contrario, advertíronlle os representantes de Albantur, sería expropiado.

Naqueles días, os responsables de Albantur dedicáronse ameazar a boa parte dos veciños de Canido cos baixos prezos que conseguirían polos seus inmobles no caso de que o Concello taxáseos. Algo que, como xa é coñecido, sucedeu despois realmente. Constantino Seoane, ao que nunca se lle pasou pola cabeza meterse en negocios inmobiliarios, decidiu sumarse á promoción da obra. Pero os seus problemas lonxe de terminar, incrementáronse. Os integrantes da xunta de compensación son os encargados de urbanizar a zona, é dicir, deben pagar os gastos correspondentes á construción das rúas, a rede de sumidoiros... A cambio recibirán un solar, no que poder levantar vivendas, segundo a porcentaxe que lles corresponda. Constantino tiña o 5%. Albantur reclamoulle máis de 120.000 euros polos gastos de urbanización e o afectado pediulles que lle ensinasen os orzamentos que certificasen que esa cantidade correspondía a cemento e materiais construtivos e non a viaxes de avión, comidas ou outro tipo de despilafarros. Os orzamentos non lle foron presentados e ese foi o motivo polo que decidiu que non debía abonar a cantidade ata que as contas non estivesen claras. Albantur intentou entón comprarlle o seu partipación na xunta de compensación, como tamén fixo con máis veciños da zona que nun primeiro momento sumáronse a ela. Ofreceulle polas súas propiedades dous pisos na nova urbanización e un apartamento. O trato non era xusto. Seoane xa tiña dous pisos e un apartamento, pero ademais posuía 1.200 metros de terreo. -Que pretendían que llos regalese?-, indica o veciño. Outra cuestión importante quedaba no aire. Onde ía vivir a familia Seoane mentres se levantaban as vivendas? En ningún momento ofrecéuselle un reacollo e nin sequera a oferta de permuta presentóuselle por escrito.

_______________________

Documento do Valedor do Povo:
[Cicar acima de cada imaxe para ampliar]
_____________











________________

Enlace Relacionado en "Galicia-Hoxe" dun interesante artigo de Rebeca Fernández:

O drama de Canido ou como perder toda a túa vida en vinte minutos
Dor, humillación, impotencia e rabia. Isto é o que sente Constantino Seoane, veciño de Canido que viu como a promotora Albantur o deixaba sen nada tras derrubar a súa casa para facer unha urbanización
REBECA FERNÁNDEZ - Galicia-Hoxe - Sábado 22.12.2007
______________________

Un xulgado condena ao Concello de Compostela a retirar as cámaras de vídeo vixilancia da zona vella

De: MpDC -mpdc@movemento.org-
Para: artabra21@gmail.com
Data: 19 de setembro de 2008 12:18
Asunto: Un xulgado condena ao Concello de Compostela a retirar as cámaras de vídeo vixilancia da zona vella


Un xulgado condena ao Concello de Compostela a retirar as cámaras de vídeo vixilancia da zona vella

A decisión do maxistrado avala a demanda presentada polo MpDC na que se denunciaban as reiteradas ilegalidades cometidas pola entidade local

O Xulgado do Contencioso Administrativo número 1 de Santiago condenou ao Concello de Compostela á retirar as cámaras de vídeo vixilancia que ten o instaladas no casco histórico da cidade. O maxistrado do xulgado avala coa súa decisión a denuncia presentada polo Movemento polos Dereitos Civís contra a entidade compostelá por mor das continuas ilegalidades cometidas a respecto do sistema de vídeo control. Segundo o establecido na sentenza, o maxistrado considera que “debo declarar e declaro a non conformidade a dereito do acto administrativo recorrido, condenando á Administración demandada á retirada das cámaras de vídeo vixilancia na zona vella de Santiago de Compostela”. A resolución, contra a que cabe recurso ante ante o TSXG, supón un gran paso na loita contra a vulneración dos dereitos dos cidadáns, pois, por primeira vez, prevalece o interese xeral fronte as actuacións irregulares da administración en materia de vídeo vixilancia.

A sentencia pon fin ao procedemento iniciado en 2006 polo colectivo de dereitos civís. O voceiro do MpDC, Renato Ñúñez, valorou a noticia afirmando que “consideramos que a sentenza demostra que as autorizacións outorgadas pola Delegación do Goberno se fixeron sen o mínimo de garantías que esixe unha cuestión tan delicada como a vídeovixilancia. Cabe lembrar que ano tras ano a Delegación foi autorizando cámaras que non cumprían os mínimos esixidos pola lei”.

Inumprimento dos prazos

A este respecto, hai que destacar que o Concello incumpriu sistematicamente os prazos designados pola lexislación para a solicitude de renovación da autorización, que carece que libro de rexistro das imaxes ou que tivo operativas as cámaras durante meses sen contar coa sinalización debida, tal e como obriga a normativa actual. De feito, a Lei 4/97 obriga a solicitar a renovación anual das licenzas dous meses antes de que expire a mesma e “se transcorrido dito prazo non se tivese ditado resolución, a autorización entenderáse denegada”.

O xuíz destaca especialme o incumprimento deste punto por parte do Concello ao concluír que “no presente caso, resulta con toda evidencia que, como aduce a recorrente, nin consta resolución sobre as renovacións anuais, non as solicitudes se produciron no prazo (...), nin, a miores, constan solicitudes formuladas para os anos comprendidos entre 2002 e 2007, o que non só evidencia a necesidade de estimar o recurso na súa integridade, senón que dende logo pon de relieve a pasividade coa que o Concello ten tratado o trámite necesario e obrigatorio imposto pola Lei”.

Precedente na Galiza

A resolución do xulgado establece un precedente importantísimo na Galiza para a utilización do vídeocontrol, pois ata agora as administracións instalaban as cámaras cun absoluto desprezo pola normativa na materia, xa que contaban co respaldo da Delegación do Goberno, quen, en non poucas ocasións, autorizou dispositivos cando xa estaban instalados e non cubrían as garantías xurídicas mínimas para os cidadáns. “Esta sentenza demostra que as institucións encargadas de defender os dereitos dos galegos non están cumprindo co seu cometido, pois tanto o Valedor do Pobo como a Delegación do Goberno ignoraron as múltiples queixas trasladas polo MpDC e permitiron que se continuasen cometendo ilegalidades”, afirmou Núñez.

Dende a asociación tamén indicaron, para tranquilidade de todos os defensores da videovixilancia, que as cámaras non conseguiron evitar nin un só dos atentados contra o patrimonio ou a propiedade privada que se cometeron nos últimos anos no casco histórico compostelano; chegándose en ocasións á parodia ao sinalar que a cámara da Praza do Toral non serviría para averiguar a identidade das persoas que romperan os vidros dun comercio, porque nese momento “estaban apuntado a outro lugar”.

Renato Núñez

MpDC
http://mpdc.blogspot.com

Movemento polos Dereitos Civís
Rúa Rosalia de Castro - Galerías Belen - Local 108
Santiago de Compostela
Tel-Fax: 881972938 | Movil 610858850
_______________________

Enlace opara acceder a máis información sobre este proceso
_________________________

O Domingo, 21 de Setembro celébrase o día mundial contra os monocultivos de árbores: A Federación Ecoloxista Galega promove unha ciberacción

[Clicar acima da imaxe para entrar na Galería Fotográfica]

A FEG promove unha ciberacción no Día Mundial contra os Monocultivos de árbores

O día 21 de setembro celébrase o día mundial contra os monocultivos de árbores. A expansión dos monocultivos forestais en diversos países do mundo ten unha serie de consecuencias ambientais e sociais negativas. A Federación Ecoloxista Galega súmase á celebración deste Día a través dunha ciberacción que critica o apoio que a Administración Galega continúa a dar á expansión do eucalipto e solicita unha nova política forestal galega baseada na conservación da biodiversidade, na protección dos solos e na valorización dos montes.

En todo o planeta pero sobre todo en países non desenvoltos os monocultivos de árbores esténdese de forma irrefreable para producir as materias primas que os países ricos precisan. Esta expansión realízase a costa da destrución de ecosistemas e da ocupación de terreos dedicados á produción de alimentos, moitas veces en rexións onde non está garantida a dieta alimentaria básica.

Galicia non escapa aos danos asociados aos monocultivos. O cultivo de eucalipto está a ser un factor fundamental na degradación e hipoteca do futuro dos nosos sistemas forestais. A Administración galega desenvolve unha política baseada no mantemento e promoción dos monocultivos, fundamentalmente do cultivo de eucalipto, ao servizo das industrias de transformación que monopolizan a actividade do sector forestal e impoñen un modelo de xestión insostible ambiental, social e economicamente. A forte dependencia do sector forestal desta actividade industrial está a impedir o desenvolvemento do sector, a minimizar os beneficios do monte e a causar un severo dano ambiental. As industrias, actuando de xeito monopolista, levan anos facendo caer o prezo da madeira a niveis que fan moi pouco rendible a produción, a falla de beneficios é a principal causa do abandono dos montes e da mala percepción social dos mesmos. O cultivo de eucalipto impide por outra parte calquera outro uso dos montes ou a obtención doutros produtos que non sexan os madeirables.

Sumado a esta política pro-monocultivos, o emprego de técnicas de traballo fortemente destrutivas durante as tarefas de plantación, tala e extracción, o uso abusivo de agrotóxicos ou a expansión invasiva das plantas de eucalipto están a ter consecuencias, nalgúns casos irreversíbeis sobre o medio (aumento da compactación e erosión, perda de biodiversidade, alteración de bosques protectores...).

Ante este realidade, a Federación Ecoloxista Galega quere participar, neste día mundial contra os monocultivos de árbores, cunha ciberacción na que animará aos cidadáns de Galicia e doutros países a enviar, a través dun formulario en internet (http://www.salvalaselva.org/protestaktion.php?id=318) un escrito aos Conselleiros de Medio Rural e Medio Ambiente, e ao Presidente da Xunta, solicitando un cambio na política forestal que free a degradación que sofren os nosos montes.

Como complemento, creouse un álbum de fotografías na rede (http://picasaweb.google.es/contraosmonocultivos/FEG#) onde se fan visíbeis os impactos dos monocultivos. Calquer persoa que o desexe pode aportar as súas fotografías a este álbum enviándoas ao enderezo de correo electrónico contraosmonocultivos@gmail.com

Máis información: Benito Andrade 636281252 Comisión Forestal da FEG, Alexandre Cendón 670858938 Coordenador Xeral da FEG

http://www.federacionecoloxista.org/

_____________________________

De novo levanta muros de silencio

View Album

Get your own

[Fotos de Xan Porto]

Onte entraba na Ría o "Bilbao Knutsen", cargado de GNL para REGANOSA, un buque de 284 metros de eslora que unha vez que enfiou coa proa cara a Ría e entrou uns metros na bocana do longo canal de 4 km de largo, non había posibilidade de marcha atrás, unha grande bomba entrou na nosa Ría, cunha capacidade de carga duns 130.000 m3 de gas natural liquado. Unha vez que entre o buque non pode saír até pasadas 10 horas, mais só no caso de haber luz diurna e non se levanten ventos superiores a 54 Km/h, ... e outros condicionantes.

A oposición á planta de gas de REGANOSA, agrupada ao redor do Comité Cidadán de Emerxencia para a a Ría de Ferrol, voltou convocar unha nova acción de protesta, ante a entrada do buque que fai o número 30 desde maio de 2007. Máis persoas que nas úlimas accións, participaron na protesta, concentración ante o Edificio Administrativo da Xunta de Galicia en Ferrol, para denunciar a participación da Xunta no accionariado da empresa [cun 10%] e da súa responsabilidade na autorización nas actuación efectuadas pola administración autonómica, así como nos recursos presentados ás sentencias do TSXG favorabeis á veciñanza e movimento opositor a semellante despropósito gasístico. A acción de protesta continuou cunha marcha até a Praza do Concello, onde a Xunta de Goberno do Concello, non exerce as funcións de protexer á cidadanía, frente as continuas amezas da empresa gasística descargando buques nun contorno totalmente poboado.

Temos que destacar a forza con que se defenden as razóns e os argumentos que o movimento opositor manten frente ao despropósito gasístico que é REGANOSA. O Comité Cidadán constata que de novo muros de silencio estanse erguendo, para intentar ocultar as nosas palabras e a nosa acción.
_______________