A eurodiputada galega Lídia Senra, foi este sábado 16 de Abril, a encargada de abrir na Pobra de Trives a xornada “As figuras de protección medio ambiental da Unión Europea en zonas de montaña” - Fotos e Audio

Lídia Senra reivindica políticas activas para manter a actividade agraria e gandeira nas zonas de montaña. | A eurodeputada abre en Trives a xornada organizada polo GUE/NGL e AGEe sobre as figuras de protección medioambiental nestas zonas. | Chama a esixir responsabilidade política para que o Día Internacional das Montañas e das persoas que viven nelas sexa todos os días do ano.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), foi este sábado a encargada de abrir na Pobra de Trives a xornada “As figuras de protección medio ambiental da Unión Europea en zonas de montaña”, un evento aberto que durante toda a xornada de hoxe está a reunir diferentes persoas técnicas expertas en figuras de protección medio ambiental, así como labregas e labregos galegos titulares de experiencias de produción en zonas de alta montaña e representantes de Parques Naturais. O obxectivo é poñer en valor as figuras de protección e analizalas e debater sobre elas como unha vía máis para contribuír a manter a montaña viva.

Durante a presentación, Lídia Senra reivindicou o papel das montañas e a necesidade de que desde as institucións políticas "non se esqueza ás persoas que viven nelas para poder manter vivas estas zonas", instando a que o Día Internacional das Montañas -que se celebra todos os anos no 11 de decembro, nunha data instaurada polas Nacións Unidas, pase a ser todos os días do ano e non só un.

Senra fixo fincapé na necesidade de afondar no coñecemento das figuras de protección ambiental para as zonas de montaña, co obxectivo de "explorar como aproveitar mellor este marco e como desenvolver actividades dentro del". Así, definiu como ante todo, “informativa” a xornada en Trives, se ben o obxectivo é poder presentar tamén iniciativas nos Parlamentos Europeo, Estatal e Galego que defendan a montaña galega.  Senra afirmou que organizar xornadas como a deste sábado en Trives é “moi importante para visibilizar a problemática das montañas e das labregas, labregos e persoas que desenvolven nelas outras actividades".

Na xornada, á que na sesión da mañá participaron preto dun cento de persoas, participan como ponentes Guzmán Ouro Vilariño, enxeñeiro de Montes, técnico agrícola e xefe do Servizo de Conservación da Natureza de Lugo, que foi presentado polo alcalde de Manzaneda, Davide Rodríguez. Tamén estivo pola mañá a dirixente do Sindicato Labrego Galego, Isabel Vilalba Seivane e os expertos Víctor Andrés Álvarez Arias e Xosé Santos Otero, nunha mesa presentada polo deputado de AGE no Parlamento Galego, Antón Sánchez.

Xa na sesión da tarde, a pastora Neves Fernández e o membro de Labregos Daiquí, Manuel García, falarán sobre as súas experiencias na montaña, presentados pola membro de Anova na montaña luguesa Vanesa Garrido Blanco. O alcalde de Somiedo, Belarmino Fernández, será o encargado de pechar a xornada, falando do Parque Natural asturiano, nunha mesa que presentará o deputado de En Marea no Estado español Miguel Anxo Fernán-Vello.

As desta fin de semana son xa as segundas xornadas de montaña que organiza o GUE/NGL na Galiza en colaboración con AGEe. Na xornada no 2015, celebrada en Becerreá, púxose a énfase en que a actividade agraria é fundamental para manter a montaña viva, igual que é fundamental para isto poder dispoñer duns servizos públicos e de calidade en canto a sanidade, ensinanza e servizos sociais, para que as persoas poidan vivir con calidade de vida nas montañas.


Valoración da Xornada por parte de Lídia Senra | Acceder/Baixar Audio en formato mp3 (16.04.2016).

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

Equipa de Comunicación AGEe.
lidia.senra@europarl.europa.eu

http://ageuropa.gal/

 

Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
16 de abril de 2016 13:24
16 de abril de 2016 18:47
__________

Asemblea de Barrio no Inferniño, dentro do proceso de Participación Cidadá do Concello de Ferrol

Asembleas de Barrio.

Esta Asociación veciñal O Rosario-Inferniño CONVIDA e fai un chamamento aos soci@s e veciñanza para participar na ASEMBLEA de BARRIO  deste LUNS-18 ás 19 horas no salón de actos do Centro Cultural Municipal CARVAHO CALERO.

Esta Asemblea de Barrio está convocada pola Concellaría de Participación Cidadá deste Concello de Ferrol en aplicación ó Regulamento de Participación Cidadá (Acceder/Baixar) que esta asociación participou tan activamente ate a súa aprobación unánime polo pleno deste concello.

Animamos a veciñanza a participar no desenvolvemento deste barrio sobre as infraestruturas, programas sociais ou debates de carácter social.

Saúdos

- Directiva .-

Proceso participativo:
Enlace Asembleas de barrio, na web do Concello. | Ir á Web.

--
ASOCIACION VECIÑAL O ROSARIO- INFERNIÑO

correo-e: avvorosario@gmail.com
www : orosario-inferninho.blogspot.com

Enviado por:
A.Veciñal Inferniño
avvorosario@gmail.com
17 de abril de 2016 11:58
_________

Chamado urxente de solidariedade con Brasil - A Marcha Mundial das Mulleres chama á solidariedade internacional contra o intento de golpe institucional e en defensa de Dilma Rousseff

Deputad@s do parlamento brasileiro deciden hoxe sobre o relatorio da oposición que contempla a destitución (impeachmen) da presidenta electa Dilma Rousseff, aínda que sexa ilegal. Dos 242 deputados inscritos, 119 foron ouvidos até o de agora no debate da Cámara de Deputad@s. O Parlamento leva debatendo en sesión continua desde a mañá do pasado venres (15 de Abril) e aínda hoxe domingo 17 de Abril segue reunido, hoxe prevé-se a votación. A rúa está mobilizada permanentemente. a oposición con cores amarelas predominantes e quen defende á Presidenta Dilma coa cor vermelha. Os movementos sociais denuncian un golpe institucional contra a presidenta electa que ven sendo boicoteada perante un ano enteiro, polo poder económico, do integrismo relixioso, e fáctico. Difamada nos medios de comunicación nun constante ataque á democracia.  Caso que o afastamento de Dilma sexa aprobado, o proceso pasa para o Senado Federal que decidirá en última instancia. Desde a Marcha Mundial das Mulheres chaman á solidariedade internacional en defensa da democracia contra o golpe de estado institucional. A maratoniana sesión parlamentaria esta sendo retransmitida en directo pola tv do parlamento: Ir á Canle en Directo.

Correo CNs 09/2016: Chamado urxente de solidariedade con Brasil


Un mes. Este é o período que separa unha curva histórica na nosa democracia. O 8 de marzo de 2016, o Supremo Tribunal Federal (STF) publicaba o rito do impeachment e deste xeito estaba dada a largada cara ao golpe. Un golpe si, porque a presidente Dilma Rousseff non cometeu ningún crime.

Durante este período, malia toda influencia e manipulación dos grandes medios, o que viu son brasileiros e brasileiras que se mobilizaron en diversas frontes e cun só obxectivo: frear o golpe en xestación e garantir as bases da nosa democracia.

Coa forza das redes sociais, movementos sindicais e sociais e a participación de formadores de opinión, instalouse o debate nas prazas, rúas, universidades, de Brasil e do mundo. Cada grupo ou representante comezou a sinalar as manobras xurídicas e mediáticas para darlle un aspecto de legalidade ao que é, en realidade, o intento da oposición de tomar o poder que non logra polas urnas.

Denunciamos a alianza dá élite económica brasileira, ancorada con sectores da xustiza e grandes medios, especialmente, das Organizacións Globo, por manipular a verdade dos feitos e repetir, como en 1964, un golpe de estado.

O movemento #NoHabráGolpe creceu e hoxe recibe o apoio de persoas que non votaron á presidente Dilma Rousseff, pero saben que, si ocorre un golpe de feito, é a democracia a que está en perigo.

¡É un golpe si!

Xuristas, artistas, líderes sindicais, movementos sociais, xornalistas, estudantes, científicos, profesores, músicos. Todos os días, novos manifestos de grupos en Brasil e no exterior denunciaban o proceso golpista.

A prensa e a comunidade internacional precisan saber o que está ocorrendo. Con manobras golpistas, intentan fraxilizar e poñer en perigo a democracia brasilera e desestabilizar aínda máis nosa Nación.

Esa é a curva histórica. O xogo é sucio, pero a reacción popular vén facendo o seu papel nos cambios de rumbos sobre un taboleiro que parecía xa estar totalmente definido. Non o está.

Exemplo diso son os máis de 120 manifestos producidos nas últimas semanas (vexa lista completa aqui).

No exterior

Pedimos axuda aos brasileros que están no exterior e á comunidade internacional para manter e ampliar as denuncias e o enfrontamento ao golpe. Temos que manter as rúas ocupadas, as escolas e universidades debatendo.

Temos que presionar aos deputados a votar contra o golpe

www.mapadademocracia.org.br -

Temos que loitar todos os días, sen tregua. Porque só co exercicio da propia cidadanía e da movilización podemos impedir unha ruptura da nosa democracia.

#NoHabráGolpe

Chamado Internacional da Marcha Mundial das Mulleres á solidariedade con Brasil, o 14 de Abril de 2016.

A Marcha Mundial das Mulheres (MMM) en Brasil chama a movementos sociais aliados de todo o mundo para expresar a súa solidariedade sexa coa realización de accións públicas ou envío de fotos, carteis, mensaxes e cartas de solidariedade que expresen o rexeitamento aos intentos de vez de Estado en marcha en Brasil. Por favor, envíe ao correo: helena@sof.org.br

Unha suxestión de mensaxe é:

-------------------
# MulheresContraOGolpe (Mulleres contra o golpe)
Marcha Mundial das Mulleres (nome da CN) en solidariedade coa Marcha Mundial das Mulleres Brasil e a presidenta Dilma, pola legalidade, contra o machismo e en defensa da democracia.

A MMM é parte con outros movementos sociais da Fronte Brasil Popular, un espazo de coordinación de todas as accións contra o golpe de Estado que se fixeron nos 27 estados. Nos seguintes enlaces, atoparán máis información en diferentes idiomas sobre o proceso de mobilización e o lema e hashtag que move as nosas accións: #Nãovaitergolpe (Non haberá golpe).

É - Non haberá golpe - http://frentebrasilpopular.org.br/noticias/nohabragolpe-el-hashtag-que-cambia-la-historia-e38e/

En solidariedade feminista,

Marcha Mundialdas Mulheres de Brasil

#MulheresContraOGolpe (Mulleres contra o golpe).

#NoHabráGolpe, O hashtag que cambia a historia En Español

---

+ Info na web do parlamento:http://www2.camara.leg.br/


Enviado por:
Lupe Ces
lupeces@gmail.com-
14 de abril de 2016 09:22
http://lupeces.blogspot.com/
__________________

O Parlamento Europeo debateu na mañá do 14 de Abril a aplicación de medidas para paliar o empobrecemento enerxético da poboación - Lídia Senra: “Basta de hipocrisía! Para acabar ca pobreza poñan fin á concentración da riqueza”

Lídia Senra: “Basta de hipocrisía! Para acabar ca pobreza poñan fin á concentración da riqueza”. | O Parlamento Europeo debateu na mañá de hoxe a aplicación de medidas para paliar o empobrecemento enerxético da poboación. | Segundo datos do ano 2013, o 16,7% da poboación da Unión Europea está en risco de pobreza e o 9,6% padece privación material grave.

Esta mañá o Parlamento Europeo procedeu ao debate en sesión plenaria en Estrasburgo (Francia) do Informe sobre a consecución do obxectivo de loita contra a pobreza á  luz do aumento dos gastos das familias, un intercambio de opinións que, ao estilo institucional europeo, remitía a medidas paliativas en lugar de preventivas, eludindo na maioría das intervencións a propia responsabilidade da Unión Europea (UE) no empobrecemento da poboación a través da imposición de medidas de austeridade.

Como sinala o informe tomado como base para o debate, entre o ano 2008 e o 2013 o número de persoas empobrecidas na UE incrementouse en 5,6 millóns de persoas, atopándose no ano 2013 o 16,7 % da poboación en risco de pobreza e o 9,6 %, en situación de privación material grave. Na Galiza, o 20,8% dos fogares chega con moita dificultade a fin de mes (INE 2015) e o 18% dos fogares en Galiza vense na obriga de gastar máis do 10% dos seus ingresos en pagar as facturas de enerxía [1].

A eurodeputada de Alternativa Galega de Esquerda en Europa, Lídia Senra, sinalou que son precisamente as políticas de austeridade e as recomendacións do semestre europeo para os pobos do sur “as causantes do aumento da pobreza e da exclusión social”, constituíndo “unha forma de violencia contra as persoas e vulnerando os dereitos humanos”.

Así, dirixiuse á Comisaria de Emprego, Asuntos Sociais, Capacidades e Mobilidade Laboral, Marianne Thyssen, presente no hemiciclo, recriminándolle que acuda ao pleno “a vender declaracións de intencións” para loitar contra a pobreza en Europa, mentras as políticas da Comisión “seguen  provocando destrución de traballo nas empresas, na agricultura e na pesca; redución dos salarios e o aumento das e dos traballadores pobres; que a xuventude, a pesar de ter mais e mellor formación, non atope traballo e que moitas famílias segan perdendo a súa vivenda”.

Aliás, continuou, a imposición de medidas de austeridade que conlevou facer pagar á cidadanía as perdas xeradas pola especulación do sector financieiro en connivencia cos gobernos, supuxo “o empeoramento da calidade de servizos públicos como a sanidade ou o ensino”. No caso concreto da sanidade, abondou, “incluso provoca que moitas persoas non teñan acceso a ela ou ter que agardar moitísimos meses para realizar probas médicas”.

“Por iso, Comisaria, se realmente vostede e o Sr. Juncker queren loitar contra a pobreza, comecen por poñer  fin á concentración da riqueza”, espetou; “non é admisíbel que só vinte persoas no Estado español acumulen unha riqueza equivalente á do 30% da poboación máis empobrecida”. “Abandonen xa as políticas de austeridade, fagan políticas a favor do emprego e poñan en marcha desde xa a Renda Básica Universal”, esixiu a eurodeputada galega.

Bruxelas, 14 de Abril de 2016

Avance Informativo sobre a actividade da eurodiputada nos vindeiros días:

• [1] Dende as 10.30 e até as 19.30hrs. de mañá, sábado 16 de abril, o Grupo Confederal da Esquerda Unitaria Europea/Esquerda Verde Nórdica (GUE/NGL), do que Alternativa Galega de Esquerda en Europa (AGEe) forma parte no Parlamento Europeo, desenvolverá a través de AGEe a xornada aberta “As figuras de protección medioambiental da Unión Europea en zonas de montaña”, que terá lugar na Casa da Cultura da Pobra de Trives -Auditorio Julio Vázquez- (Ourense). | Ir a Web.

• O vindeiro sábado 23 de abril o Grupo da Esquerda Verde Nórdica-Esquerda Unitaria Europea levará adiante, a través de Alternativa Galega de Esquerda en Europa, as xornadas “Presente e futuro enerxético da Galiza no contexto europeo”, que terán lugar no Teatro Principal da Estrada. | Ir a Web.

---

RELATÓRIO: PROPOSTA DE RESOLUÇÃO DO PARLAMENTO EUROPEU | 25 de Fevereiro de 2016  | PE 569.633v02-00 | A8-0040/2016 | Sobre o cumprimento do objetivo de luta contra a pobreza à luz do aumento dos encargos domésticos. | (2015/2223(INI)) | Comissão do Emprego e dos Assuntos Sociais. | Relator: Tamás Meszerics | Accesar/Baixar. | + Info.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

Equipa de Comunicación AGEe.
lidia.senra@europarl.europa.eu

http://ageuropa.gal/

 

Enviado por:
SENRA RODRÍGUEZ Lidia OFFICE
-lidia.senra-office@europarl.europa.eu-
14 de abril de 2016 11:59
______________ _____________

O Bloque Nacionalista Galego de Ferrol desenvolve este sábado, 16 de abril, às 12 horas na galería Sargadelos, un Encontro Aberto para presentar o “Proceso Adiante”, coa presenza da súa Portavoz nacional Ana Pontón - O BNG local renovou, en Asemblea, o seu Consello Local, da que saiu eleito como responsábel Carlos Outeiro Baamonde

Este sábado, 16 de abril, o BNG celebra un Encontro Aberto para presentar o “ Proceso Adiante”

O Bloque Nacionalista Galego de Ferrol desenvolve este sábado, 16 de abril, às 12 horas na galería Sargadelos, un Encontro Aberto para presentar o “Proceso Adiante”.

O Proceso Adiante nace do acordo na XV Asemblea Nacional do BNG de iniciar un proceso de refundación do Bloque Nacionalista Galego. Pretende sumar homes e mulleres que sen ser membros da organización comparten connosco a necesidade de dispormos dunha expresión política propia.

A Portavoz nacional do BNG Ana Pontón, canda ao Portavoz municipal Iván Rivas e o Responsábel Local Carlos Outeiro, presentarán este foro de análise e reflexión posto en marcha coa finalidade de actualizar, reforzar e relanzar o proxecto nacionalista galego mediante un proceso de debate aberto encamiñado a ofrecer á sociedade un proxecto político sólido, con maior capacidade de incidencia social e de transformar positivamente o noso país en proveito da súa xente.

Desde o BNG procuramos con este debate aberto realizar unha reflexión transversal sobre a necesidade de forzas políticas propias como alternativa política para este país. Faremos unha radiografía da Galiza de hoxe para actualizar as nosas principais análises e diagnoses sobre a situación económica, política, social, lingüística ou cultural.

Así mesmo, recolleremos propostas sobre melloras na estratexia política do nacionalismo galego; revisaremos cales deben ser as principais ideas que debemos comunicar e como debemos facelo. Mesmo estará en debate a estrutura do BNG na procura do modelo organizativo máis útil para defender os intereses galegos nas vindeiras décadas.

Máis información sobre este proceso na seguinte ligazón:
http://adiante.gal/

---

O BNG DE FERROL RENOVOU O SEU CONSELLO LOCAL

O Bloque Nacionalista Galego de Ferrol procedeu a renovar a súa dirección local nunha asemblea celebrada o pasado 17 de Marzo de 2016, un proceso enmarcado na XV Asemblea Nacional da formación, e do que saíu electo como responsábel local Carlos Outeiro Baamonde [*].

Ademais de Carlos Outeiro o novo Consello Local do BNG estará formado por Roberto Montero (Vice-Responsábel), Eva Espiñeira, Iván Rivas, Dolores Prieto, Ramón Fernández, Xoán Xosé Lourenzo, Pedro Fernández, Luisa Sánchez, Ladislau Rodríguez, Elia Rico, Miguel Anjo González e Iolanda Gómis.

Desde o BNG sinala que co impulso da recente Asemblea Nacional, en breve abriremos à sociedade o proceso de refundación, de adaptación da organización ás necesidades actuais do obxectivo de sempre, sermos útiles a Galiza.

Nesta asemblea, tamén se analizaron as liñas de traballo que o BNG vai desenvolver a nivel local nos vindeiros meses e resaltouse a importancia política do traballo do BNG resaltando que os debates sobre os problemas estruturais da nosa localidade están presentes cando son formulados pola nosa organización.

bngferrol@gmail.com

O BNG de Ferrol no facebook  ou no twitter.

http://bng.gal/ferrol/

[*] Carlos Outeiro Baamonde, enxeñeiro, traballador de Navantia e técnico de medio ambiente. Ligado á defensa da lingua e ao ecoloxismo desde hai moitos anos. Tamén desenvolveu actividade sindical ligada á sección sindical da CIG no estaleiro. Activista da Mesa para a Normalización Lingüística, das plataformas cidadáns 'Queremos Galego' e 'Nunca Máis' e de ADEGA (Asociación para a Defensa Ecolóxica de Galiza). Manten unha conta de facebook.

Información baseada na enviada por:
BNG
-bng@ferrol.es-
14 de abril de 2016 12:56
___________

Hoje em Ferrol: Inauguraçom da exposiçom "Imagens de abril" na Fundaçom Artábria, na Travessa de Batalhons nº7 de Esteiro - Umha série de fotografias que trarám a Revoluçom dos Cravos em Abril de 1974 no vizinho Portugal - A exposiçom mantera-se aberta entre o 15 e o 30 de Abril

Inauguraçom exposiçom "Imagens de abril"

Hoje, sexta-feira, 15 de abril, às 21.00h inauguraremos a exposiçom "Imagens de abril". Umha série de fotografias que trarám a Revoluçom dos Cravos ao nosso Centro Social.

A atividade é em parceria com os e as companheiras do Beco da Língua (Associação de alunxs e ex-alunxs de português da EOI de Ferrol). A associaçom em facebook e twitter.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Informaçom baseada na enviada por:
Fundaçom Artábria
-artabria@artabria.net-
15 de abril de 2016 03:42
___________

Concentración de repulsa da violencia machista, que neste caso acabou coa vida de Tatiana Vázquez Abuín, a concentración tivo lugar na Praza do Concello de Ferrol, convocada pola Marcha Mundial das Mulleres que se mobilizou ao tempo en todas as cidades da Galiza - Vídeos.

A Coordenadora Comarcal de Ferrolterra da Marcha Mundial das Mulleres realizou unha concentración ante un novo asasinato machista, unha acción de repulsa da violencia machista, que neste caso acabou coa vida de Tatiana Vázquez Abuín, a concentración tivo lugar na Praza do Concello, ás 8 da tarde, deste xoves 14 de Abril.

A Marcha Mundial das Mulleres chaman a que a indignación de toda a sociedade saia á rúa para rexeitar o cruel asasinato e denunciar a violencia contra as mulleres.

Así foi, pois por desgraza, unha vez máis, houbo que saír á rúa para amosar a indignación polo asasinato dunha muller por violencia machista. Tatiana foi asasinada polo seu ex-compañeiro sentimental pagando coa súa vida a discriminación e a desigualdade que padecen as mulleres polo feito de ser mulleres. Na concentración rexeitou-se este cruel asasinato e ao igual que se denunciou unha vez máis a violencia machista instalada na nosa sociedade. Reclamando unha resposta social contundente.

A Marcha denunciou a instrumentalización xenófoba e racista que se fai desde certos medios, ante o feito de que o asasino é de procedencia senegalesa, chamando a atención de que a violencia machista non ten cor de pel nin lugar de procedencia. Pode-se escoitar o comunicado nos seguintes vídeos, lido polas activistas feministas.


https://youtu.be/pRmpiavzaA4

https://youtu.be/LIhvwDX8Yb0

http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións oriéntanse cara un cambio político, económico e social. Os mesmos que se articulan arredor da mundialización das solidariedades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecemento das alianzas entre mulleres e cos outros movimentos sociais progresistas.

__________

Noite de thrash metal com Sacrament e Raze, este sábado 16 de Abril na Fundaçon Artábria em Esteiro de Ferrol, às 22.30hs

Noite de thrash metal com Sacrament e Raze

Sábado 16 de abril, chega a primeira cita musical do mês com um concerto de Thrash Metal com os grupos da comarca Sacrament (de Ferrol) e Raze (das Pontes). A entrada é de graça e o concerto começa às 22.30hs.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
14 de abril de 2016 17:05
_______________

"Filispim vai... a La Espuma", este sábado 16 de Abril - Jamie Fifthring interpretará algunhas pezas en directo

"Filispim vai... a La Espuma" (este sábado 16 de abril ás18:30 h)

O Colectivo Opaii! continúa co ciclo "FilispiM Vai...", trasladando as equipas técnicas e humanas da radio libre e comunitaria aos espazos de interese da nosa comarca.

Este sábado 16 de abril a partir das 18:30 hs, estarán en "La Espuma", r/ Igrexa, 90. Falarán de cervexa artesá, delicatessen, de establecementos míticos coma "El Rápido" ... con moit@s convidad@s.

Durante o especial Jamie Fifthring interpretará algunhas pezas en directo.

Entrada de libre até completar aforo. Radio ao vivo, non o perdas!

Grazas pola difusión.
Rádio FilispiM, 10 anos compartindo.

Xúntanse cartaz do evento + audio promo
>>  http://www.ivoox.com/11124413

--
Escoita! Rádio FilispiM

FACEBOOK - TWITTER

OPAII-Rádio FilispiM [93.9 FM]
A rádio livre e comunitária da Comarca de Trasancos emitindo desde Ferrol.
Web: http://www.opaii.blogspot.com
E-mail: filispina@gmail.com
Direcçom Postal:

Avda. Castelao S/N [Traseira do Mercado de Caranza], CP. 15406 Ferrol [A Corunha]

Enviado por:
Rádio FilispiM 93.9FM
-filispina@gmail.com-
14 de abril de 2016 14:03
________________

Festival Solidario co Ateneo Ferrolán, este sábado 16 de Abril, ás 6 da tarde, no Centro Cultural Carvalho Calero

Festival Solidario co Ateneo
sábado día 16 de abril ás 18 h. no C.C. Carvalho Calero

Entrada de balde

40 anos da refundación do Ateneo na cidade

Haberá música, teatro, poesía, sorteos, ...

Ven a celebralo con nós!

Presentado por Silvia Casal e Leandro Lamas

Participan:

• Maquinarias Teatro
• Poesía Salvaxe
• Real Coro Toxos e Froles
• A Escola da Vaca
• Manolo Bacalhau

--
Un lugar de encontro para a cultura.
Ateneo Ferrolán, fundado en 1879.

e-mail: secretaria@ateneoferrolan.org | Telf.:  +34 981 357 970 Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK: https://www.facebook.com/Ateneo-Ferrol%C3%A1n-1430118530577463/
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Para axudas e aportacións económicas:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
14 de abril de 2016 19:06

___________________

Actos diversos perante Abril e Maio para comemorar a proclamación da II Reública - Lembrade hoxe, 14 de Abril, no Ateneo Ferrolán Festa en conmemoración da proclamación da 2ª República ás 7 da tarde - Actos en Cedeira, organizados pola asociación Memoria Histórica Democrática, para o 15, 17 e 28 de Abril, e o 22 e 28 de Maio de 2016 - O concelleiro de Esquerda Unida de Narón André Abeledo colocou a bandeira republicana na porta do Concello - Actos en Narón - Viva a Reública, ... Por Celso Posada Fernández

Festa en conmemoración da proclamación da segunda república
Acto do xoves día 14 de abril no Ateneo Ferrolán

- Proxección de “Crónicas Republicanas”, ás 19:00 horas. Peza audiovisual que mezcla teatro, radio e imaxe, nun percorrido por sucesos socio-políticos ferroláns dende a II República até hoxe. Dirixida por Miguel Castro sobre guión do mesmo e de José Torregrosa.

- Encontro, a continuación, onde Carlos Etchevarría, cofundador e ExPresidente do Ateneo Republicano de Galicia, falará en nome da Plataforma pola República.

Organizan:
Plataforma pola República
Asociación Memoria Histórica Democrática
Anova
Decide En Común
Espazo Ecosocialista
Esquerda Unida
Fuco Buxán
PSdeG - PSOE
Terra Galega
--
Un lugar de encontro para a cultura.
Ateneo Ferrolán, fundado en 1879.

e-mail: secretaria@ateneoferrolan.org | Telf.:  +34 981 357 970 Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK: https://www.facebook.com/Ateneo-Ferrol%C3%A1n-1430118530577463/
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Para axudas e aportacións económicas:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
14 de abril de 2016 11:57

___________________

Hoxe o concelleiro de Esquerda Unida de Narón André Abeledo colocou a bandeira republicana na porta do Concello en homenaxe os que loitaron por defender a II República e a legalidade.

"Este é un acto de homenaxe e xustiza para todos aqueles Alcaldes e Concelleiros da epoca que habendo sido escollidos polos seus veciños e veciñas democraticamente, foron paseados e asesinados simplemente por defender as súas ideas", estendemos que é preciso lembrar o acontecido e non seguir escondendo a verdade, "aqueles que nos acusan de querer reabrir feridas olvidanse de que nunca foron pechadas, de que ninguen pediu perdon, esquecen que as fosas comuns seguen cheas de semente dun pobo que quería ser libre".

GRUPO MUNICIPAL DE ESQUERDA UNIDA DE NARÓN

Enviado por:
Naron Esquerda Unida
-eu-naron@esquerdaunida.org-
14 de abril de 2016 12:43
___________________

Actos en Cedeira, organizados pola asociación Memoria Histórica Democrática, para o 15, 17 e 28 de Abril, e o 22 e 28 de Maio de 2016.(Clicar acima da imaxe para ampliar o cartaz).

Enviado por:
Memoria Histórica Democrática
-memoriahistoricademocratica@gmail.com
14 de abril de 2016 12:00
___________________

Esquerda Unida de Narón organiza unha "XORNADA REPUBLICANA"

Este venres día 15 de Abril no Local Social de A Gándara a partir das 19:30.

A "XORNADA REPUBLICANA"  pretende ser un homenaxe a II República e a quen a defendeu, pero tamén unha xornada de reivindicación da necesidade da III República.

A XORNADA estará dividida nunha charla conferencia sobre a segunda República baixo o titulo "A II REPÚBLICA, UNHA ESPERANZA MALOGRADA" impartida polo Licenciado en Documentación Eliseo Fernández Fernández, tamén intervirá o catedrático Xosé Maria Dobarro Paz que é ademais Coordinador Comarcal de Esquerda Unida, e o concelleiro de Esquerda Unida en Narón André Abeledo Fernández que falará sobre a moción presentada en Narón e a necesidade da III República.

Durante a parte de lecer serviranse uns "pinchos" para o público asistente, e tamén se abrirá o debate para todo aquel que queira intervir. 

Dende EU Narón defendemos que “conmemorando o 14 de Abril non só recordamos o pasado, actuamos no presente para construír o futuro, poñemos as bases para a terceira República, cuestionamos realmente o sistema, abrimos o debate para cambialo todo de verdade”.

“Non haberá cambio real sen República, sen superar o réxime do 78, a monarquía funciona como garante da oligarquía para que todo siga igual”.

Esquerda Unida de Narón

Enviado por:
Naron Esquerda Unida
-eu-naron@esquerdaunida.org-
13 de abril de 2016 22:53
___________________

Viva a República, ... Por Celso Posada Fernández

Por Celso Posada Fernández [*]
07.04.2016

VIVA A REPÚBLICA. ORGULLOSO DE SER SOCIALISTA E REPUBLICANO . A POLA III REPÚBLICA: O vindeiro Xoves 14 de Abril cumprense 85 anos da Proclamación da II República.

A República e un modelo de estado profundamente democrático, solidario, igualitario que defende firmemente os dereitos sociais, os servizos públicos, o Ensino e a Sanidade Publicas, os dereitos humanos, a igualdade real entre mulleres e homes, a solidariedade internacional, a xustiza social, a igualdade de oportunidades e os dereitos da clase traballadora e da maioría social. A República e un modelo de estado profundamente democrático o servizo da transformación social e da construción dunha sociedade mellor, mais xusta, humana, democrática, solidaria e igualitaria na que se respecten os dereitos humanos e a dignidade das persoas, pobos e culturas. Hoxe e máis necesario que nunca seguir loitando para conseguir que chegue a III República. VIVA O 14 DE ABRIL. VIVA A REPÚBLICA. A POLA III REPÚBLICA. ORGULLOSO DE SER DE ESQUERDAS, SOCIALISTA E REPUBLICANO.

[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e Secretario de Ensino e de Cultura da Executiva Federal; integrante da Plataforma Somos Esquerda. Diplomado en Maxisterio de Educación Primaria pola Universidade da Coruña e Monitor de Tempo Libre. Foi membro do PSOE, candidato a liderar o partido a nivel provincial, até formou parte da súa Executiva Comarcal da que dimitiu. A situación socioeconómica e política, e a súa participación activa nos movementos sociais, levou-no a abandonar o PSOE e colaborar na refundación dun novo partido socialista e republicano. É membro de STOP-Desafiuzamentos da Rede de Apoio Mutuo de Ferrolterra, da Asociación de Mobilidade Humana para a Colaboración e o Desenvolvemento (de apoio ás persoas inmigrantes e refuxiadas) e participa nas Marchas da Dignidade e na Plataforma Cidadá de Ferrolterra contra o TTIP. Está no facebook e un blogue persoal.

Enviado por:
celso posada
-celsoposada2006@hotmail.com-
12 de abril de 2016 21:47
___________

Rolda de prensa sobre a segunda Sentenza firme do Tribunal Supremo que fallou contra o despropósito gasista de Reganosa, planta de gas instalada no corazón da Ría de Ferrol - Acto que contou coa presenza da avogada do Comité Cidadán de Emerxencia Patricia Gabeiras e o Alcalde de Ferrol Jorge Suárez - Fotos, Audios, Sentenza, Comunicados, ...

O Comité Cidadán de Emerxencia para a Ría de Ferrol fixo hoxe 13 de Abril de 2016, no Salón de actos do Ateneo Ferrolán, ante os medios de comunicación e a cidadanía, unha extensa valoración da Sentenza do Tribunal Supremo que declara de xeito irrevogábel a nulidade da Autorización Previa de Instalación da Planta de Gas de REGANOSA.

Participaron: o Alcalde de Ferrol, Jorge Suárez, a Asesora Xurídica do CCE Patricia Gabeiras, o Coordinador Manuel Rodríguez Carballeira, a Presidenta da A. VV. “O Cruceiro” de Mehá Luz Marina Torrente, e os membros do CCE Francisca Portela e Carlos Álvarez, que reafirmaron a ilegalidade desta Planta, perigosa, innecesaria e antieconómica.




Enlace co álbum fotográfico da audiencia pública celebrada no Ateneo Ferrolán a tarde do 13 de Abril de 2016. | Acceder/Baixar.
As dúas sentenzas firme do TS contra Reganosa:

• Sentenza 695/2016 do Tribunal Supremo. Sala do Contencioso-Administrativo. Sección: Terceira. 28.03.2016 | Acceder/Baixar. (Recorrían as entidades ligadas ao Comité Cidadán de Emerxencia)

• Sentenza do Tribunal Supremo. Sala do Contencioso-Administrativo. Sección: Quinta. 11.05.2012| Recurso de Casación Núm. 4512/2008 | Acceder/Baixar. (Recorrían Reganosa e o Concello de Mugardos).

Enlaces de referencia:

• A mantenta da Sentenza do Tribunal Supremo que anula a resolución que outorgaba a Reganosa autorización administrativa previa para a súa instalación en Mugardos. | 5 de Abril de 2016

• Segunda Sentenza en firme do Tribunal Supremo contra Reganosa. Un paso importante na defensa da legalidade, a Ría e a vida das persoas da súa contorna - Comunicado do Comité Cidadán de Emerxencia para a Ría de Ferrol - Convocatoría de Rolda de Prensa. | 6 de Abril de 2016.

• A nova e as reaccións á segunda Sentenza (2016) firme do Tribunal Supremo contra Reganosa, publicadas nestes últimos días.| 6 de Abril de 2016.

Vídeo do acto: Acceder/Baixar.

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org
@ComitCEmerxenc

Información baseada na enviada por:
Comite Cidadan de Emerxencia
-comitecidadan@gmail.com-
14 de abril de 2016 00:01
_______________

Coraçom livre, ... Por Lupe Ces

Por Lupe Ces [*]
13.04.2016

Umha, duas, três, quatro, cinco, seis, sete, oito, nove, dez vezes que botaste a voar; onze, doze, treze, catorze, quinze, dezasseis, dezassete, dezoito, dezanove, vinte vezes que caíste, equivocaste o caminho e começaste de novo; vinte e umha, vinte e duas, vinte e três; vinte e quatro anos vividos intensamente, case engolidos; vinte e cinco, vinte e seis, vinte e sete, vinte e oito, vinte e nove, trinta vezes nas que pensaste dar um giro à tua vida; trinta e umha, trinta e duas, trinta e três, trinta e quatro, trinta e cinco, trinta e seis, trinta e sete, trinta e oito, trinta e nove vezes que te arrependeste daquela viagem; quarenta, quarenta e umha, quarenta e duas, quarenta e três, quarenta e quatro, quarenta e cinco vezes ressoando aquela pergunta na tua cabeça “moça, a ti maltratam-te?”, quarenta e seis, quarenta e sete, quarenta e oito, quarenta e nove, cinquenta segundos que tardaram em guardar a carpeta daquela denúncia; cinquenta e umha..., cinquenta e duas..., cinquenta e três..., cinquenta e quatro..., cinquenta e cinco..., cinquenta e seis punhadas pararam o teu coraçom livre.

Tatiana Vázquez Abuín foi assassinada em Lugo, o sábado 9 de Abril de 2016.

[*] Lupe Ces Rioboo -Caranza Ferrol 1958, é mestra, activista social, integrante da Marcha Mundial das Mulleres e da Rede Social de Ferrol Terra. Forma parte do Consello Editorial de Altermundo e do Colectivo Ártabra 21. Participa nas Marchas da Dignidade. Blogue persoal: Caranza free opiniom.

Foto: Paporroibo unha foto da Galipedia, a enciclopedia livre.

Enviado por:
Lupe Ces
-lupeces@gmail.com-
13 de abril de 2016 11:45
________

Un novo asasinato machista, fai que en Ferrol, como noutras cidades da Galiza, se convoque unha concentración de repulsa da violencia machista, que neste caso acabou coa vida de Tatiana Vázquez Abuin, a concentración terá lugar na Praza do Concello, ás 8 da Tarde, deste xoves 14 de Abril - Que a indignación de toda a sociedade saia á rua para rexeitar o cruel asasinato e denunciar a violencia contra as mulleres

A COORDENADORA COMARCAL DE FERROLTERRA DA MARCHA MUNDIAL DAS MULLERES CONVOCA UNHA CONCENTRACIÓN DE REPULSA EN FERROL POLO ASASINATO POR VIOLENCIA MACHISTA DE TATIANA VÁZQUEZ ABUÍN

Unha vez máis sairemos á rúa para amosar a nosa indignación polo asasinato dunha muller por violencia machista. Tatiana foi asasinada polo seu  ex-compañeiro sentimental pagando coa súa vida a discriminación e a desigualdade que padecemos todas.

Sairemos novamente para rexeitar este cruel asasinato e denunciar unha vez máis a violencia machista instalada na nosa sociedade.

É precisa unha resposta social contundente contra a violencia machista.

Non consentiremos que a violencia machista continúe asasinándonos!!!!
O XOVES 14 DE ABRIL, ÁS 20:00H NA PRAZA DO CONCELLO DE FERROL, DIANTE DO PAZO MUNICIPAL.

-- "As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.


Información baseada na enviada pola:
Marcha Mundial Ferrolterra
-mmmferrolterra@gmail.com-
13 de abril de 2016 11:27
__________________

A Asociación Galega contra o Maltrato a Menores (Agamme) celebra a IV Xornada sobre o maltrato á infancia e á adolescencia, o venres 15 de Abril no Ateneo Ferrolán

AGAMME celebra a IV Xornada sobre o maltrato á infancia e á adolescencia


A Asociación Galega contra o Maltrato a Menores (AGAMME) organiza as súas IV Xornadas sobre o maltrato á infancia e á adolescencia nas que se darán cita unha serie de relatores e relatoras especializadas no novo marco normativo en relación á infancia, cunha análise do seu impacto sobre os dereitos das vítimas menores de idade. O acto terá lugar o venres 15 de abril ás 17:00 horas no Ateneo Ferrolán (R/ Magdalena, 202-204).

A xornada de AGAMME, organizada en colaboración co Ateneo Ferrolán e o Concello de Ferrol, dará comezo ás cinco da tarde cunha presentación por parte dun membro da asociación do marco xeral no cal se encadran os relatorios. A primeira intervención terá lugar ás 17:15 co relatorio de Sonia Vaccaro, psicóloga experta en vitimoloxía e avaliación do testemuño infantil e autora de influentes libros como El pretendido síndrome de alienación parental e artigos como o recente Violencia vicaria: "Los hijos y las hijas víctimas de la violencia contra sus madres".

Ás 18:15 tocaralle a quenda a José Antonio Ramos Vázquez, profesor de dereito penal da Universidade da Coruña, investigador das modificacións do Código Penal en materia de violencia sexual contra os menores de idade.

Logo dunha pausa de 15 minutos terá lugar a terceira e última das intervencións, a partir das 19:30, a cargo de Felisa Balboa, psicóloga clínica que nos falará da súa experiencia como traballadora do Centro Municipal de Información dos Dereitos da Muller do Concello de Vigo.

Desde AGAMME agradecemos a difusión desta información. Adxuntamos tamén o cartel das Xornadas con toda a información e horarios. Para máis información no enderezo agammeferrol@gmail.com.

--
Contacto:

agammeferrol@gmail.com

http://www.agamme.org/

https://www.facebook.com/Agamme.org

Enviado por:
Agamme
-agammeferrol@gmail.com-
6 de abril de 2016 15:43
____________

Piden a liberdade de Andrés Bodalo, sindicalista do Sindicato Andaluz de Traballadoras e Traballadores (SAT) e concelleiro de Agora Jaén

Miles de persoas piden en Jódar (Jaén) a liberdade de Andrés Bódalo

Máis de dúas mil persoas manifestaron-se o sábado, 2 de Abril, pola rúas da localidade xienense de Jódar para reclamar a liberdade do seu paisano, o sindicalista do SAT Andrés Bódalo, concelleiro de Agora Jaén na capital da provincia e cabeza de lista de Podemos nas pasadas eleccións xerais pola circunscrición. Bódalo ingresou na prisión Jaén II o pasado 30 de Marzo para cumprir unha condena de tres anos e medio por agredir ao tenente de alcalde do Concello de Jódar, o socialista Juan Ibarra, acusación que o condenado negou sempre con rotundidade.

A manifestación estaba encabezada por unha pancarta na que se lía "Amnistía - Loitar polos nosos dereitos non é delito", trala que marchaban a nai, a esposa, os fillos e outros familiares de Andrés.

Ao final da marcha interviñeron o alcalde Marinaleda, Juan Manuel Sánchez Gordillo, quen afirmou que "agora é o momento de facer unha revolución máis aló do PP e do PSOE", e o dirixente do SAT e da Candidatura Unitaria de Traballadores (CUT), Diego Cañamero, que reclamou a liberdade de Bódalo e asegurou que, si non a conseguen, marcharán a pé desde Jódar até Madrid para reclamala.

O SAT tamén organizou concentracións a favor da liberdade de Bódalo en numerosas localidades de Andalucía e do resto do polo de agora Reino de España.

Andrés Bódalo Liberdade!
Multitudinaria manifestación en Jódar o sábado, día 2 de Abril


https://youtu.be/6NjIH5E7b40

Vídeo: Santiago Donaire.
Fonte: CuartoPoder .

Enviado por:
André M. Ces
-andre.martinez.ces@gmail.com-
7 de abril de 2016 00:15
__________________

En Pontedeume unha fin de semana chea de actividade, di o Colectivo Terra: O Sábado unha Gastrofesta e Gabriel Tizón e Rocío Botana ofrecerán un coloquio-exposición fotográfica que nos transportará ás fronteiras de arame de espiño que está construíndo Europa - E o Domingo, unha actuación de Fran Amil que presenta o seu disco "A Voz do Vento", unha homenaxe a Manuel María

Actividades fin de semana

Temos unha fin de semana chea de actividade. 

O vindeiro sábado 9 de abril argallamos unha nova Gastrofesta co fin de prestar axuda na medida das nosas posibilidades ás refuxiadas que cada día tentan atravesar as fronteiras de Europa.

Levaremos a cabo un pequeno festival con maxia, música e contos onde os beneficios da barra e da cea (menú árabe a base de hummus, falafel e harise) irán destinados de xeito íntegro á Asociación Causas Comúns.

Dúas crianzas morren ao día tentando chegar ás costas de Europa. Pode soar simple, pero a foto de Aylan, o meniño sirio que nos sobrecolleu a todas, non é consecuencia dunha crise migratoria. Esta traxedia é consecuencia directa do sistema capitalista. Siria, último Estado que levantou (con erros e acertos) as bandeiras do nacionalismo árabe, que non ten débeda externa con organismos internacionais, rico en recursos naturais e, casualidade, que defende a causa palestina, é agora o epicentro das políticas de exterminio desenroladas por EEUU, o Sionismo e a OTAN.

Fotografías como idioma universal. Gabriel Tizón e Rocío Botana ofrecerán un coloquio-exposición fotográfica que nos transportará ás fronteiras de arame de espiño que está construíndo Europa. O imperialismo queda retratado unha vez máis neste drama. Lembrade o inicio de todo. O punto de partida. Por exemplo, un serán nas Azores. A fotografía. Idioma universal.

O Domingo 10 de abril contaremos no Terra coa actuación de Fran Amil que ven a presentar o seu disco 'A Voz do Vento', unha homenaxe a Manuel María, recoñecido poeta e incansábel activista a prol da lingua a quen este ano se lle adican as Letras Galegas. Será ás 17:30h no local do Colectivo Terra. Agardamos por vos!

Agardámosvos a tod@s!!!

#RefuxiadasBenvidas

http://colectivoterra.gal


Enviado por:
Colectivo Terra
-colectivoterra@gmail.com-
6 de abril de 2016 08:31
______________

Digo alto e claro: Non ao Tratado de Libre Comercio entre EEUU e a UE, ... Por Celso Posada Fernández

Por Celso Posada Fernández [*]
07.04.2016

O Tratado de Libre Comercio (TTIP) entre EEUU e a UE e un tratado profundamente neoliberal, antidemocrático, antisocial, nefasto, lesivo e austericida, é un golpe de estado das grandes multinacionais e transnacionais americanas contra a democracia, contra os servizos públicos, contra a clase traballadora e contra o medio ambiente, contra os dereitos sociais e busca incrementar as ganancias, os beneficios e os privilexios destas grandes transnacionais e multinacionais americanas, privatizando e recortando salvaxemente os servizos públicos, o ensino e a sanidade públicas.

É fundamental que a cidadanía, os movementos sociais, os partidos de esquerdas, os sindicatos de clase, ... fagamos pedagoxía política explicando en que prexudicará este neoliberal e nefasto Tratado as nosas vidas e nos sigamos mobilizándo contra o TTIP, que unicamente traerá paro, pobreza, represión, precariedade laboral, recortes, privatizacións, contaminación salvaxe do medio ambiente, secuestro das democracias, ... Digo alto e claro: NON o Tratado de Libre Comercio (TTIP), e SI aos dereitos sociais, á democracia e aos servizos públicos.

[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e Secretario de Ensino e de Cultura da Executiva Federal; integrante da Plataforma Somos Esquerda. Diplomado en Maxisterio de Educación Primaria pola Universidade da Coruña e Monitor de Tempo Libre. Foi membro do PSOE, candidato a liderar o partido a nivel provincial, até formou parte da súa Executiva Comarcal da que dimitiu. A situación socioeconómica e política, e a súa participación activa nos movementos sociais, levou-no a abandonar o PSOE e colaborar na refundación dun novo partido socialista e republicano. É membro de STOP-Desafiuzamentos da Rede de Apoio Mutuo de Ferrolterra, da Asociación de Mobilidade Humana para a Colaboración e o Desenvolvemento (de apoio ás persoas inmigrantes e refuxiadas) e participa nas Marchas da Dignidade e na Plataforma Cidadá de Ferrolterra contra o TTIP. Está no facebook e un blogue persoal.

Enviado por:
celso posada
-celsoposada2006@hotmail.com-
5 de abril de 2016 18:41
___________

Encontro en Sedes en defensa da escola rural de Narón, cos parlamentarios de AGE Ramón Vázquez e Xabier Ron e o concelleiro de Esquerda Unida André Abeledo

EU de Narón organiza un reunión de traballo en Sedes en defensa da escola rural, da veciñanza con representantes institucionais.

Este xoves día 7 de Abril as 11:30hs o Concelleiro de Esquerda Unida Narón e os Parlamentarios de AGE Ramon Vázquez e Xabier Ron manterán unha reunión de traballo no Local Social da AAVV de Sedes cos veciños que presentaron xa no concello unha proposta na defensa da escola rural en Narón.

Dende EU Narón defendemos a necesidade de manter abertas todas as escolas rurais, no caso do noso concello, as que teñen máis problemas co ratio de alumnos por aula para manterse abertas, son as escolas de Sedes e Castro.

A escola é un servizo público fundamental para estruturar esa comunidade territorial.

É necesario desenvolver unha acción divulgativa para revalorizar a imaxe da escola rural para combater a escasa matriculación, financiando os medios necesarios para informar das bonanzas do proxecto educativo dunha escola rural, non masificada, e nun contorno natural.

Esixir á Xunta de Galicia o financiamento dun proxecto técnico para a creación dun programa experimental de creación da escola rural de nivel de educación infantil integrada de 0 a 6 anos, axuntados o marco dos programas de desenvolvemento rural, có obxectivo de extrapolar a experiencia a outras zonas rurais da Galiza.

Os nenos e nenas do rural deben ter dereito a educarse no seu contorno, ademais parécenos indiscutible que baixar o número por crianzas por aula nas escolas vai a repercutir directamente na calidade do ensino.

(A iso das 12:15 os representantes da iniciativa veciñal, os deputados, e o noso concelleiro quedarán a disposición da prensa para clarexar calquera dubida e dar conta do contido da reunión).


Grupo Municipal de Esquerda Unida de Narón

Contas de Esquerda Unida Narón no facebook e no twitter.

Achegate xunta Nós, fagamos un novo Concello mais social, mais democrático, participativo e de Tod@s.



Enviado por:
André Abeledo Fernández
-andre1474@gmail.com-
5 de abril de 2016 18:02
___________

Inauguración da exposición de pintura "Da botella ao mar" de Miguel Melero, na sala de exposicións temporais da Casa da Cultura-Museo do Humor de Fene

Inauguración da exposición de pintura "Da botella ao mar" de Miguel Melero, na sala de exposicións temporais da Casa da Cultura-Museo do Humor de Fene.

Día: xoves, 7 de abril de 2016.
Hora: ás 20 horas.
Lugar: Museo do Humor de Fene
Rúa Conces, 20-22
15500. Fene (A Coruña)
Tfno. 981-342400 // 607-625357

Exposición de pintura “Da botella ao mar”, de Miguel Melero.

A mostra poderá visitarse dende o xoves 7 de abril ata o xoves 28 de abril na sala de exposicións temporais da Casa da Cultura de Fene, en horario de luns a venres, de 10:00 a 13:00 e de 16:00 a 21:00 horas, e os sábados, de 10:00 a 13:00 horas.

INAUGURACIÓN O XOVES 7 DE ABRIL ÁS 20 HORAS

"Esta mostra é un percorrido polos distintos asuntos que o pintor traballa na longa vida que nin chega nin remata.

Ao principio, as botellas, os vasos, as copas e as persoas-botellas.

Pezas compañeiras da vida das persoas e testemuñas das conversas máis intimas.

A continuación as árbores como seres mudas que só falan cando as escoitamos.

E tamén, o lume ás árbores.

E... aló ó final, o mar, o Atlántico.

Sempre o mar azul.

Ións negativos para a renovación soñada.

A eterna xuventude.

O infinito soñado.

Por infinito."

Ven a Fene, á Casa da Cultura -  Museo do Humor, na sala de exposicións temporais.

Enviado por
Museo do Humor de Fene
museodohumor@gmail.com   
5 de abril de 2016 11:37
Un saúdo, Almudena Marcos Coordenadora do Museo do Humor de Fene.
____________

Acto en Conmemoración do día Internacional do Pobo Xitano: Visibilizando a súa situación - 8 e 9 de Abril, en Ferrol Centro e Caranza.

No día Internacional do Pobo Xitano, este venres 8 de Abril terá lugar un acto en Conmemoración do día Internacional do pobo Xitano: Visibilizando a súa situación, ás 19:30 horas no local Municipal do Antigo Hospicio (Rúa Méndez Núñez, 11), nas inmediacións da Praza de Amboage; e o sábado 9 de Abril, no Mercado de Caranza.

Na presentación desta xornada conmemorativa e reivindicativa Interviron:

• María Teresa Martínez (Integrante do Consello Político Local).
• Teresa Vilariño (Responsable do obradoiro de xitanas de Caranza).
• Nieves Monteiro (Usuaria obradoiro de xitanas de Caranza).
• Eva Salazar (Usuaria obradoiro de xitanas de Caranza).
• Miguel Castro  (Coordinador local de Esquerda Unida Ferrol).

Presentaron as actividades programadas por Esquerda Unida Ferrol en torno á conmemoración do día internacional do Pobo Xitano:

O venres 8 de Abril, ás 19:30 horas no local Municipal do Antigo Hospicio (Rúa Méndez Núñez, 11), nas inmediacións da Praza de Amboage.

• Proxección documental Gypsies.
• Mesa redonda con Ramón Vázquez (integrante do Consello  Político Nacional de Esquerda Unida e diputado no Parlamento galego por AGE), Iria Fandiño (militante de Esquerda Unida e especialista na área) e Tere Vilariño (Responsable do obradoiro de xitanas de Caranza). Haberá tamén entrevistas a familias e estudantes xitanas.

O sábado 9 de abril, ás 11:00 horas, no Mercado Municipal en Caranza.

• Café xitano
• e entrega de flores en conmemoración do Día Internacional do Pobo Xitano.

Audios da Presentación:

• Miguel Castro e María Martínez.mp3. | Abrir/Baixar.
• Tere Vilariño, Nieves Monteiro e Eva Salazar.mp3. | Abrir/Baixar.

--
Esquerda Unida de Ferrol
R/ do Sol 124 Entrechán Esquerda
981944035

http://www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org-
2 de abril de 2016 16:01
__________